#Daily_News
Published_ 22 April 2024

၁။ နိုင်ငံရေးမျက်နှာစာကို ပြန်မဖွင့်‌ပေးရင် လက်နက်ကိုင်ကိုအားပေးတာနှင့် အတူတူပဲဟု ဦးကိုကိုကြီးပြော

၂။ သင်္ကြန်ပြီးကာလတွင် ငရုပ်ပွဝယ်လိုအားနည်းပြီး ဈေးထက်ဝက်ခန့် ကျဆင်း

၃။ ကုန်ကြမ်းရှားပါးမှုကြောင့် တစ်နိုင်တစ်ပိုင် ပုသိမ်ထီးလုပ်ငန်းများ ရပ်ဆိုင်းနေ

၄။ (၁၄)ကြိမ်မြောက် ပေကျင်းနိုင်ငံတကာရုပ်ရှင်ပွဲတော် တရုတ်မြို့တော်တွင် စတင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

သက်ြန်ကာလအလွန်မှာ ဈေးကွက်ပြန်ဖွင့်လာတဲ့ ရန်ကုန် ရွှေရည်ညွှန်းဈေးဟာ အ‌ခေါက်ရွှေတစ်ကျပ်သားကို ကျပ်သိန်း၄၀နားထိ ကပ်လာတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းက သိရပါတယ်။
Yangon_Times/NN
#Local_News
#Published_ 22 April 2024
#YMG_News #Yangon_Times #Yangon_Media_Group

အခုနှစ်အတွင်း ပုသိမ်ထီးလုပ်ကိုင်ရာမှာအသုံးပြုတဲ့ ကုန်ကြမ်းတွေ ပိုရှားပါးလာတာကြောင့် တစ်နိုင်တစ်ပိုင်ပုသိမ်ထီးလုပ်ငန်းများ ရပ်ဆိုင်းနေရတယ်လို့ ပုသိမ်မြိုကလုပ်ငန်းလုပ်ကိုင်သူတွေထံက သိရပါတယ်။
‌Yangon_Times/NN
#Local_News
#Published_ 22 April 2024
#YMG_News #Yangon_Times #Yangon_Media_Group

သင်္ကြန်ပြီးကာလမှာ ဈေးကွက်အတွင်း ကုန်အဝင်များလာပြီး ဝယ်လိုအားနည်းနေတဲ့အတွက် ငရုပ်ပွဈေး ထက်ဝက် ခန့် ကျဆင်းလာတယ်လို့ အောင်ပန်းရှိ ကုန်စိမ်းပွဲရုံတွေထံက သိရပါတယ်။
ယခင်က တစ်ပိသာကို ကျပ် ၆၀၀၀ မှ ၇၀၀၀ ဝန်းကျင်ရှိရာကနေ ယခုရက်ပိုင်းမှာ တပိသာကိုကျပ်၂၅၀၀မှ ၄၀၀၀ကျပ် ဝန်းကျင်သာ ရှိတော့တယ်လို့ ဆိုပါတယ်။
Yangon_Times/LW
#Local_News
#Published_ 22 April 2024
#YMG_News #Yangon_Times #Yangon_Media_Group

ရည်ရွယ်သည်ဖြစ်စေ၊ မရည်ရွယ်သည်ဖြစ်စေ နိုင်ငံရေးအားကောင်းအောင် ပတ်ဝန်းကျင်ကိုပြန်ပြီး‌တော့ မဖန်တီး‌ပေးဘူးဆိုရင် ပြည်သူက နိုင်ငံရေးနည်းလမ်းနဲ့ ပြုပြင်‌ပြောင်းလဲနိုင်တယ်ဆိုတာ အယုံအကြည်မရှိတော့ဘဲ ဖာသိဖာသာနေသူတွေနဲ့ နိုင်ငံရေးနည်းလမ်းနဲ့တော့ မရတော့ဘူး ချမှရမယ်ဆိုပြီး လက်နက်ကိုင်ကို သွားအားပေးသလိုပဲဖြစ်တယ်။ (၈၈မျိုးဆက်ကျောင်းသား‌ခေါင်းဆောင်၊ ပြည်သူ့ပါတီဥက္ကဌ ဦးကိုကိုကြီး)
Yangon_Times/tthl
#Local_News
#Published_ 22 April 2024
#YMG_News #Yangon_Times #Yangon_Media_Group

Published 22 April 2024
ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ (၆၀)ရပ်ကွက်၊ ရတနာနှင်းဆီအိမ်ရာတွင် မီးလောင်မှုဖြစ်ပွားကြောင်း အရှေ့ပိုင်းခရိုင်မီးသတ်တပ်ဖွဲ့ ထံ မှ သိရသည်။

ဧပြီ ၂၂ရက် မွန်းတည့် ၁၁နာရီ ၃၇မိနစ် က လောင်ကျွမ်းခြင်းဖြစ်ကာအရှေ့ပိုင်းခရိုင်မီးသတ်စခန်းမှ မီးသတ်ယာဉ်(၄)စီး၊ ဒဂုံဆိပ်ကမ်းမြို့နယ်မီးသတ်စခန်းမှ မီးသတ်ယာဉ်(၄)စီးနှင့် သာကေတမြို့နယ်မီးသတ်စခန်းမှ မီးသတ်ယာဉ်(၂)စီးတို့ဖြင့် ထွက်ခွာငြှိမ်းသတ်ခဲ့ရကြောင်း သိရသည်။

""၁၃လွှာမှာလောင်တယ်လို့ကြားတယ် အထပ်မြင့်ဆိုတော့ လှေကားအမြင့်ပါတဲ့ မီးသတ်ကားတွေနဲ့ငြိမ်းသတ်နေရတယ် လူထိခိုက်ဒဏ်ရာရတယ်တော့ မကြားမိသေးဘူး""ဟု အနီးနားနေထိုင်သူတစ်ဦးကပြောသည်။

မီးသတ်တပ်ဖွဲ့များ၏ မီးငြိမ်းသတ်မှုကြောင့် ၁၁နာရီ ၅၇ မိနစ်တွင် မီးထိန်းနိုင်ခဲ့ကာ ၁၁နာရီ ၅၉ မိနစ်တွင် မီးငြိမ်းခဲ့ကြောင်း သိရသည်။

မီးလောင်သည့် အကြောင်းရာနှင့် ဆုံးရှုံ မှု တန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။
#Yangon_Times/ LW
#Local_News
#Published_ 22 April 2024
#YMG_News #Yangon_Times #Yangon_Media_Group

၂၂ ဧပြီ ၂၀၂၄

မြဝတီအနီးတစ်ဝိုက် တိုက်ပွဲတွေ မရှိတော့တဲ့အတွက် မဲဆောက်မှာရောက်နေတဲ့ မြန်မာစစ်ဘေးရှောင်တွေ နေရပ်ပြန်သွား ကြလို့ စစ်ဘေးရှောင် အရေအတွက်ဟာ တနင်္ဂနွေနေ့က ၃၀၀၀ဦးခန့်ရှိခဲ့ရာမှ ယခုဆို ၁၀၀၀ဦးခန့်ပဲကျန်ရှိတော့တယ်လို့  ထိုင်း  စစ်ဒေသအမှတ်(၃) တိုင်းမှူး ဒုတိယဗိုလ်ချုပ်ကြီး ပရာဆန် ဆေအင်ဆီရီယက် ကပြောတယ်လို့ ဘန်ကောက်ပို့စ်က သတင်း     ဖော်ပြပါတယ်။

ပဋိပက္ခမှာပါဝင်တဲ့ နှစ်ဘက်တပ်တွေဟာ အခုဆို ဆွေးနွေးညှိနှိုင်းမှုတွေစတင်လုပ်ဆောင်နေပြီး မြန်မာအစိုးရရဲ့ စစ်ကူ       တပ်တွေဟာ ကော့ကရိတ်ကနေ မြဝတီကိုမရောက်သေးဘူးလို့လည်း သူက ထိုင်း ပီဘီအက်စ်သတင်းဌာနကိုပြောပါတယ်။

စစ်ပွဲရှောင်လာကြတဲ့ မြဝတီက လူတော်တော်များမျာဟာ ယခုဆိုရင် မဲဆောက်ကနေ အိမ်ကိုပြန်နေကြပြီဖြစ်ပါတယ်။

အမှတ်(၁)ထိုင်းမြန်မာ ချစ်ကြည်ရေးတံတားဟာ ခြေလျှင်သွားသူတွေနှင့် စီးပွားရေးလုပ်ငန်းသုံးယာဉ်တွေအတွက် ဆက်လက် ဖွင့်ပေးထားပါတယ်။

ဒေသ(၃) စစ်တိုင်းအနေနှင့် နယ်စပ်တလျောက်အခြေအနေတွေကို အနီးကပ်စောင့်ကြည့်နေပြီး မဲဆောက်က အိမ်တစ်လုံး ပေါ် ကျည်ဆံကျလို့ လောလောဆယ်ကန့်ကွက်မှုပြုလုပ်ထားတယ်လို့လည်းဒေသတိုင်းမှူးက ပြောတဲ့အကြောင်း သတင်းမှာ ဖော်ပြထားပါတယ်။

@ymg/knl

Published 22 April 2024

ကမ္ဘာတဝှမ်းမှာ စစ်ပွဲတွေနဲ့ တင်းမာမှုတွေ မြင့်တက်နေတာကြောင့် တစ်ကမ္ဘာလုံးဆိုင်ရာ စစ်အသုံးစရိတ်ဟာ ၂၀၂၃ ခုနှစ်မှာ ဆယ်စုနှစ်အတွင်း အများဆုံးမြင့်တက်ခဲ့ပြီး ဒေါ်လာ ၂.၄ ထရီလီယံ စံချိန်တင်အများဆုံး ရှိခဲ့တယ်လို့ သုတေသီများက တနင်္လာနေ့မှာ ပြောကြားလိုက်ပါတယ်။

စစ်အသုံးစရိတ်ဟာ အထူးသဖြင့် ဥရောပ၊ အရှေ့အလယ်ပိုင်း၊ အာရှတို့မှာ မြင့်တက်ခဲ့တယ်လို့ စတော့ဟုမ်း နိုင်ငံတကာငြိမ်းချမ်းရေး သုတေသနဌာန(SIPRI)က ဖော်ပြလိုက်ပါတယ်။

ဒါတွေဟာ ငြိမ်းချမ်းရေးနဲ့ လုံခြုံရေးပျက်စီးယိုယွင်းလာတဲ့ သဘောဖြစ်ပြီး အခြေအနေကောင်းနေတဲ့ ဒေသရယ်လို့ မရှိတော့ကြောင်း SIPRI မှ အကြီးတန်းသုတေသီ နန်ရှန်က AFP သတင်းဌာနသို့ ပြောကြားခဲ့ပါတယ်။

ထိုထဲမှာမှ အမေရိကန်၊ တရုတ်၊ ရုရှား၊ အိန္ဒိယ၊ ဆော်ဒီအာရေဗျတို့က အသုံးစရိတ်အများဆုံး ၅ နိုင်ငံဖြစ်ပါတယ်။

ရုရှား-ယူကရိန်း စစ်ပွဲမှာ ရုရှားက ၂၄ ရာခိုင်နှုန်း အသုံးစရိတ် မြင့်တက်လာပြီး ၂၀၂၃ ခုနှစ်အတွင်း ဒေါ်လာ ၁၀၉ ဘီလီယံရှိခဲ့ပါတယ်။

ယူကရိန်းရဲ့ စစ်အသုံးစရိတ်ကလည်း ၅၁ ရာခိုင်နှုန်း မြင့်တက်လာကာ ဒေါ်လာ ၆၄.၈ ဘီလီယံရှိခဲ့တဲ့အပြင် စစ်ရေးအကူအညီ ၃၅ ဘီလီယံလည်း ရရှိခဲ့တာကြောင့် ပေါင်းလိုက်မယ်ဆိုရင် ရုရှားအသုံးစရိတ်ရဲ့ ၁၀ ပုံ ၉ ပုံခန့်အထိ ရှိပါတယ်။

၂၀၂၃ အတွင်း ယူကရိန်းစစ်အသုံးစရိတ်က တိုင်းပြည် ဂျီဒီပီရဲ့ ၃၇ ရာခိုင်နှုန်းနဲ့ ညီမျှပြီး အစိုးရအသုံးစရိတ်အားလုံးရဲ့ ၅၈ ရာခိုင်နှုန်းရှိတာကြောင့် အခုဆိုရင် စစ်အသုံးစရိတ် မြှင့်တင်ဖို့ ကန့်သတ်ချက်တွေ ရှိနေပြီလို့ နန်ရှန်က ဆိုပါတယ်။

ဥရောပမှာ ပိုလန်က စစ်အသုံးစရိတ် အတိုးမြင့်ဆုံးဖြစ်ပြီး ၇၅ ရာခိုင်နှုန်းအထိ တက်လာပါတယ်။

အရှေ့အလယ်ပိုင်းဒေသမှာတော့ ဆော်ဒီအာရေဗျက အများဆုံးဖြစ်ပြီး ဒေါ်လာ ၇၅.၈ ဘီလီယံအထိ ခန့်မှန်းထားကာ ဒုတိယအများဆုံးကတော့ ဂါဇာမှာ စစ်ဆင်ရေးပြုလုပ်နေတဲ့ အစ္စရေးလ်ဖြစ်ပြီး ၂၇.၅ ဘီလီယံရှိခဲ့ပါတယ်။

တစ်ကမ္ဘာလုံးမှာ စစ်အသုံးစရိတ် အများဆုံးဖြစ်တဲ့ အမေရိကန်က ၉၁၆ ဘီလီယံအထိ တိုးမြှင့်အသုံးပြုထားကာ နောက်ထပ်အများဆုံးဖြစ်တဲ့ တရုတ်ကတော့ ၂၉ နှစ်ဆက်တိုက် အသုံးစရိတ်တိုးမြှင့်လာပြီး ၂၉၆ ဘီလီယံခန့် ရှိနိုင်ပါတယ်။

တရုတ်ရဲ့ စစ်ရေးချဲ့ထွင်မှုနဲ့ တင်းမာမှု မြင့်တက်လာတာတွေကြောင့် အိမ်နီးချင်းနိုင်ငံတွေဟာလည်း စစ်ရေးအတွက် ပိုမိုသုံးစွဲလာရပါတယ်။

ယူကရိန်းစစ်ပွဲ အဆုံးသတ်ဖို့ လမ်းမမြင်သေးသလို အရှေ့အလယ်ပိုင်းမှ လက်ရှိအခြေအနေတွေနဲ့ အာရှမှာ တင်းမာနေမှုတွေကြောင့် စစ်အသုံးစရိတ်တွေ ဆက်လက်မြင့်တက်လာဦးမယ်လို့ သုံးသပ်သွားပါတယ်။
Source: France24
#World_News
#Published_ 22 April 2024
#YMG_News #Yangon_Times #Yangon_Media_Group

#World_Health
Published 22 April 2024

▪️ ကလေးအာဟာရဖြည့်စွက်စာ အမှတ်တံဆိပ်များဖြစ်တဲ့ Cerelac နဲ့ Nido တို့မှာ သကြားနဲ့ ပျားရည် ပါဝင်မှုမြင့်မားတယ်ဆိုပြီး တွေ့ရှိခဲ့ပြီးနောက် Nestle India ဟာ လွန်ခဲ့တဲ့ ၅ နှစ်အတွင်း သကြားပါဝင်မှုကို ၃၀ ရာခိုင်နှုန်းအထိ လျှော့ချခဲ့တယ်လို့ ဖော်ပြလိုက်ပါတယ်။

▪️ ဆွစ်ဇာလန် စစ်ဆေးရေးအဖွဲ့အစည်း Public Eye ရဲ့အဆိုအရ Nestle ရဲ့ ကလေးဖြည့်စွက်စာများဖြစ်တဲ့ Cerelac နဲ့ Nido တို့မှာ သကြားဓာတ်နဲ့ ပျားရည်ပါဝင်မှု များနေပါတယ်။

▪️ ဒါဟာ အဝလွန်ခြင်းနဲ့ နာတာရှည်ရောဂါများ ကာကွယ်ရန် ရည်ရွယ်တဲ့ နိုင်ငံတကာ လမ်းညွှန်ချက်များနဲ့ ဆန့်ကျင်နေပါတယ်။

▪️ အိန္ဒိယက Cerelac ကလေးအာဟာရမှုန့်တွေမှာ သကြားပါဝင်မှုက တစ်ခွက်ကို ၃ ဂရမ်မျှနီးပါး ရှိတယ်လို့ လေ့လာတွေ့ရှိထားပါတယ်။

▪️ Nestle India မှ ပြောရေးဆိုခွင့်ရှိသူတစ်ဦးကတော့ ယင်းတို့ကုမ္ပဏီဟာ ပြီးခဲ့တဲ့ ၅ နှစ်အတွင်း သကြားပါဝင်မှု ၃၀ ရာခိုင်နှုန်း လျှော့ချခဲ့တယ်လို့ ဖော်ပြထားပါတယ်။

▪️ ကလေးတွေအတွက် ထုတ်ကုန်ပစ္စည်းတွေမှာ လိုအပ်တဲ့ အာဟာရဓာတ်များ ပြည့်မီအောင် ထုတ်လုပ်ထားကြောင်း၊ အာဟာရပါဝင်မှု မြှင့်တင်ရန် အမြဲကြိုးပမ်းနေကြောင်း ဖော်ပြထားပါတယ်။

▪️ Public Eye ရဲ့ဖော်ပြချက်အရ ကလေးအာဟာရမှုန့်တွေမှာ သကြားပါဝင်မှု အတိုင်းအတာက ထိုင်းနိုင်ငံမှာ ၆ ဂရမ်၊ အီသီယိုးပီးယားမှာ ၅ ဂရမ်ဖြင့် အများဆုံးဖြစ်နေပြီး ဖိလစ်ပိုင်က ထုတ်ကုန်တွေကတော့ သကြားမပါဝင်ပါဘူး။

▪️ Nestle ရဲ့ အဓိကဥရောပဈေးကွက်တွေမှာလည်း ကလေးငယ်တွေအတွက် အာဟာရမှုန့်တွေမှာ သကြားမပါဝင်ပါဘူး။

▪️ Nido နဲ့ Cerelac ထုတ်ကုန်နမူနာတွေမှာ ဆူးခရို့စ်နဲ့ ပျားရည်တို့ ပါဝင်နေတာကို စစ်ဆေးတွေ့ရှိခဲ့ကြပါတယ်။

▪️ ဥရောပဆိုင်ရာ WHO ရဲ့ လမ်းညွှန်ချက်များအရ အသက် ၃ နှစ်အောက် ကလေးတွေအတွက် အာဟာရဖြည့်စွက်စာတွေမှာ သကြားနဲ့ အချိုဓာတ်ပစ္စည်းတွေ ထည့်သွင်းခွင့် မပြုထားပါဘူး။

#Source: India Today

#World_Science
Published 22 April 2024

▪️ ဆော်ဒီအာရေဗျမြောက်ပိုင်း ကန္တာရတွေထဲမှာ အပူဒဏ်ကို အံတုရန်အတွက် ချော်ရည်လိုဏ်ခေါင်းပြွန်တွေထဲမှာ လူသားများနေထိုင်ခဲ့တယ်ဆိုတဲ့ အထောက်အထားကို ရှေးဟောင်းသုတေသနပညာရှင်များ ပထမဆုံးအနေနဲ့ တွေ့ရှိခဲ့ပါတယ်။

▪️ ချော်ရည်လိုဏ်ခေါင်းတွေဆိုတာ မီးတောင်ပေါက်ကွဲစဥ် ဖြစ်ပေါ်ခဲ့တာ ဖြစ်ပါတယ်။

▪️ ချော်ရည်မြစ် မျက်နှာပြင် အေးခဲမာတောင့်သွားပြီး အောက်မှာတော့ အရည်ပျော်ကျောက်ပူတွေ ဆက်လက်စီးဆင်းနေပါတယ်။

▪️ ချော်ရည်တွေက ပြွန်တွေထဲကနေ စိမ့်ထွက်သွားကာ လိုဏ်ဂူအဖြစ် ကျန်ရစ်ခဲ့ပါတယ်။

▪️ ဩစတြေးလျ ဂရစ်ဖစ်တက္ကသိုလ်မှ သုတေသီ မက်သရူးစတီးဝပ်က ဆော်ဒီအာရေဗျအတွင်း ၁ ကီလိုမီတာခွဲခန့်ရှိတဲ့ အကြီးမားဆုံး ချော်ရည်လိုဏ်ခေါင်းကြီး အမ်ဂျီယာဆန်မှ တူးမြောင်းတစ်ခုကို တူးဖော်တွေ့ရှိခဲ့ပါတယ်။

▪️ အနည်းဆုံး နှစ်သက်တမ်း ၇၀၀၀ ခန့်ရှိတဲ့ ကျောက်တုံးကိရိယာများ၊ တိရိစ္ဆာန်အရိုးများ၊ အိုးများ တွေ့ရှိခဲ့ကြပါတယ်။

▪️ အော်ဂဲနစ်ပစ္စည်းတွေကတော့ ပူလွန်းတဲ့ ကန္တာရအပူချိန်ကြောင့် ကျိုးကြေနေပြီး သက်တမ်းခန့်မှန်းရန် ခက်ခဲနေပါတယ်။

▪️ ဒါပေမဲ့ ချော်ရည်လိုဏ်ဂူထဲမှာတော့ များစွာအေးမြနေပြီး အခိုင်အခံ့ကောင်းတာကြောင့် ခိုလှုံဖို့ကောင်းတယ်လို့ စတီးဝပ်က ဆိုပါတယ်။

▪️ မြေအောက်တူးဖော်ရင်း တွေ့ရှိခဲ့တဲ့ လူသားအရိုးတွေကတော့ ခွေးအတွေ ကိုက်ချီတာခံခဲ့ရတာ ဖြစ်နိုင်တယ်လို့ ဆိုပါတယ်။

▪️ အခြားလိုဏ်ခေါင်းထဲမှာတော့ သိုးတွေ ဆိတ်တွေရဲ့ ပုံတွေဖြစ်နိုင်တဲ့ ကျောက်တုံးလက်မှုလက်ရာများ တွေ့ရှိခဲ့ပါတယ်။

▪️ ထိုနေရာမှာ လူသားတွေ အချိန်အတော်ကြာ နေထိုင်ခဲ့ဟန်မရှိဘူးလို့ သုတေသီများ သုံးသပ်ခဲ့ပါတယ်။

▪️ ချော်ရည်လိုဏ်ခေါင်းဟာ မွေးမြူရေးခေတ်ကာလတုန်းက အမဲလိုက်ခြင်းနဲ့လည်း ဆက်စပ်နေနိုင်တယ်လို့ သုံးသပ်သွားပါတယ်။

#Source: WION

Published 21 April 2024

လတ်တလော ရွှေဈေးမြင့်တက်လာခြင်းက တရုတ်ပြည်မှာ ရွှေဝယ်ယူမှု အားကောင်းလာပါတယ်။

ရှန်တုံပြည်နယ် ကျိနန်မြို့မှာ ရွှေပြန်ဝယ်ဆိုင်တွေသို့ လာရောက်သူများပြားနေပါတယ်။

ရွှေ ၈၀ ဂရမ်ကို ဝယ်ချိန်က ယွမ် ၃ သောင်းခန့် ကျခဲ့ရာကနေ ယွမ် ၄ သောင်းနဲ့ ပြန်ရောင်းနိုင်ခဲ့တယ်လို့ ဒေသခံတစ်ဦးဖြစ်တဲ့ ကျောက်ဖေက ဆိုပါတယ်။

Source CCTV+

Published 21 April 2024

ကျိုက်ထိုမြို့နယ်၊ ဖက္ကလိပ်ကျေးရွာ၊ ရန်ကုန်-မော်လမြိုင်ကားလမ်း၊ မိုင်တိုင်အမှတ် (၁၁၀/၁)တွင် ကျိုက်ထိုမြို့ရှောင်လမ်းအတိုင်း မောင်းနှင်လာသော (၁၀)ဘီးယာဉ်(၁)စီး ဘရိတ်ပေါက်၍ အနီးရှိ နေအိမ်ခြံဝန်းအတွင်း ဝင်တိုက်မှု ဖြစ်ပွားကာ တစ်ဦး​ေ-သဆုံး ခဲ့ကြောင်း မြို့နယ်မီးသတ်တပ်ဖွဲ့၏ သတင်း ထုတ်ပြန်ချက်အရ သိရသည်။

ဧပြီ ၂၁ရက် နေ့လည် ၂နာရီ ၁၅ မိနစ် အချိန် ခန့်က ဖြစ်ပွားခဲ့သဖြင့်ကျိုက်ထိုမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များမှ ကယ်ဆယ်ရေးလုပ်ငန်းများ ထွက်ခွာဆောင်ရွက်ပေးခဲ့ကြောင်း သိရသည်။

အဆိုပါဖြစ်စဉ်ကြောင့် ယာဉ်ပေါ်ပါ အမျိုးသား(၆)ဦးအနက် အမျိုးသား(၁)ဦး(သေဆုံး)ကာအမျိုးသား(၅)ဦးထိခိုက်ဒဏ်ရာရရှိခဲ့သဖြင့် ကျိုက်ထိုမြို့နယ်လူမှုကူညီရေးအသင်း၊ ပဒုမ္မာလူမှုကူညီရေးအသင်းတို့မှ ယာဉ်များဖြင့် ကျိုက်ထိုပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
Yangon_Times/LW
#Local_News
#Published_ 21 April 2024
#YMG_News #Yangon_Times #Yangon_Media_Group