Published  18 Sept 2022

နယူးယောက်မှာရှိတဲ့ မိသားစုတစ်စုရဲ့ လုံခြုံရေးကင်မရာက အိမ်ကနေ ပျောက်သွားတဲ့ သူတို့ရဲ့ကြောင်ကလေး အိမ်ပြန် ရောက်လာပြီး အိမ်ထဲဝင်ချင်လို့ တံခါးဘဲလ်ကို နှိပ်တဲ့ ဗွီဒီယိုကို ရိုက်ကူးမှတ်တမ်းတင်လိုက်နိုင်ခဲ့ကြပါတယ်။

စတက်ဖန်နီဝှိုက်လေက သူမမိသားစုရဲ့ (၈)နှစ်အရွယ် ကြောင်မလေး လီလီဟာ Long Island ၊ မစ်စတစ် ကမ်းခြေက သူတို့အိမ်သစ်ကလေးကိုပြောင်းပြီးနှစ်ပတ်ခန့်အကြာ တစ်ညမှာ အိမ်ပြန်မလာဘဲ ပျောက်သွားတာလို့ ပြောပါတယ်။

“ပုံမှန်အားဖြင့် သူအိမ်ပြန်လာတတ်ပါတယ်။ ဒါပေမယ့် ဒီတစ်ခါတော့ အရင်နှင့်မတူဘူး။ လီလီတော့ အိမ်ပြန်မလာတော့ဘူး လို့ ကျွန်မကထင်လိုက်မိတယ်” လို့ ဝှိုက်လေက WPIX_TVကို ပြောပါတယ်။

ဝှိုက်လေရဲ့စိုးရိမ်သောကဟာ လေးရက်တိုင်ကြာခဲ့ပါတယ်။ လေးရက်မြောက်နေ့မှာတော့ သူမရဲ့ တံခါးဘဲလ်ကင်မရာက လီလီ အိမ်ရှေ့ဆင်ဝင်ကို လျှောက်လာပြီး တံခါးဘဲလ်ကို ခုန်ပြီးနှိပ်လိုက်တာကို ဗွီဒီယိုရိုက်ကူးနိုင်ခဲ့ပါတယ်။(ဗွီဒီယိုကိုကြည့်)

“ ကျွန်မတို့  အသက်ရှုတောင်မှားမလိုဖြစ်သွားတယ်။ ပြီးတော့ရယ်မိကြတယ်။ စိတ်အတော်လှုပ်ရှားရတာပဲ။ ကျွန်မတို့ငိုလိုက် ကြတယ်။ တကယ့်အမှတ်တရအချိန်ပဲ” လို့ သူမကပြောပါတယ်။

တံခါးဘဲလ် သူမ တီးတာကို လီလီက မှတ်ထားပုံရတယ်လို့ ဝှိုက်လေကပြောပါတယ်။

“လီလီက စမတ်ဖြစ်တဲ့ကြောင်မလေးပါ” လို့ သူမကမှတ်ချက်ပေးပါတယ်။

ရုပ်သံကြည့်ရန်

https://t.me/yangonmediagroup/12074

Source: UPI

#Smart_Cat

#A_cat_rang_a_doorbell

#Strange_News

Published 18 Sept 2022

ဂူးဂဲလ်Google က ဒေါ်လာ နှစ်သိန်းခွဲကို ဝေခွဲမရဖြစ်သွားသည့် ဆိုက်ဘာလုံခြုံရေးပညာရှင်တစ်ဦးထံ မှားယွင်းစွာ ပေးချေခဲ့ခြင်းမှာ လူသား၏ အမှားကြောင့်သာဖြစ်တယ်လို့ ဂူးဂဲလ်ရဲ့ပြောရေးဆိုခွင့်ရှိသူက ပြောပါတယ်။

ယူဂါလက်ဗ် Yuga Labs မှာအလုပ်လုပ်တဲ့ လုံခြုံရေးအင်ဂျင်နီယာတစ်ဦးဖြစ်တဲ့ သူ့ကိုယ်သူ “ဟက်ကာ” လို့ အမည်ပေးထားတဲ့ ဆမ်ကာယီဆိုသူထံ ဂူးဂဲလ်က ဒေါ်လာ ၂၄၉၉၉၉ ကပေးပို့ခဲ့ပါတယ်။ သူ့ရဲ့ ဘဏ်စာရင်းထဲ ငွေလွှဲခဲ့တာဖြစ်ပြီး  ဘာကိုမှလည်း ရှင်းလင်းဖော်ပြထားခြင်းမရှိဘူးလို့ သူက တွစ်တာမှာ ရေးခဲ့ပါတယ်။  သူဟာ သုံးပတ်တိတိ ဆက်သွယ်ဖို့ကြိုးစားခဲ့ပေမယ့် ဂူးဂဲလ်ဆီက ဘာမှ တုန့်ပြန်ချက်မရခဲ့ဘူးလို့ သူကပြောပါတယ်။

တစ်ခါတစ်ခါမှာတော့ သူဟာ ဂူးဂဲလ်လို ကုမ္ပဏီတွေအတွက် bug တွေလိုက်ရှာဖမ်းရတဲ့ ပရောဂျက်တွေလုပ်ခဲ့ဖူးပေမယ့် သူ့အနေနှင့် လတ်တလောသူလုပ်နေတဲ့ ပရောဂျက်တွေနှင့် ဒီငွေပေးချေတာကို ဆက်စပ်စဉ်းစားယူလို့မရဘူးလို့ သူက ဆက်ပြောပါတယ်။

ငွေပေးချေမှုဟာ မှားယွင်းမှုတစ်ခုသာဖြစ်ပြီး ကုမ္ပဏီအနေနှင့် အခုအဲဒီအမှားကို ပြန်ပြင်နေပါပြီလို့ ဂူးဂဲလ်ရဲ့ ပြောရေးဆိုခွင့်ရှိသူက ပြောပါတယ်။

“ ကျွန်တော်တို့ရဲ့ အဖွဲ့ဟာ လူသားရဲ့မှားယွင်းမှုကြောင့် မဆိုင်တဲ့သူဆီ ငွေပေးချေခဲ့တာပါ” လို့ ကိုယ်စားလှယ်တစ်ဦးက အင်န်ပီအာရ်သတင်းဌာနကိုပြောပါတယ်။

“ အခုလို ခပ်မြန်မြန်ဆက်သွယ်ပေးတဲ့အတွက် မှားယွင်းလက်ခံမိခဲ့တဲ့သူကို ကျေးဇူးတင်ပါတယ်” လို့ သူကပြောပါတယ်။

သောကြာနေ့ကျမှ ဂူးဂဲလ်ဆီက တုန့်ပြန်မှုကြားရတယ်လို့ ကာယီကပြောပါတယ်။

“ ဂူးဂဲလ်က တကယ်ဆက်သွယ်လာတဲ့အတွက် အခု ကျွန်တော် ဘဏ်ကိုသွားပြီး ငွေတွေပြန်ပို့ပေးပါမယ်” လို့ ကာယီက MarketWatch ကိုပြောလိုက်ပါတယ်။

Source UPI

#Google

#Hacker

#Sam_Curry

#LocalNews
Published -18 Sept 2022

ထိုင်း-မြန်မာနယ်စပ်၊ မဲဆောက်မြို့တွင် လမ်းဘေးမှာရပ်ထားသည့် ထိုင်းနိုင်ငံသားတစ်ဦး၏ ဆိုင်ကယ်ကို မြန်မာနိုင်ငံသားတစ်ဦးက ခိုးယူထွက်ပြေးမှု စက်တင်ဘာလ ၁၇ ရက်တွင် ဖြစ်ပွားခဲ့သည်။

အဆိုပါ ဆိုင်ကယ်မှာ "Deliverey" ပစ္စည်းပို့သူ ထိုင်းနိုင်ငံသားတစ်ဦး၏ ဆိုင်ကယ်ဖြစ်ပြီး ဆိုင်ကယ်စက်ချို့ယွင်းမှုကြောင့် မဲဆောက်မြို့၊မီးသတ်ရုံးအနီးရှိ စားသောက်ဆိုင်ရှေ့မှာ ဆိုင်ကယ်သော့မဖြုတ်ပဲရပ်တန့်ခဲ့ကာ ဆိုင်ကယ်ပြင်ဆရာကို သွားရောက်ခေါ်ယူရန် သွားရောက်နေစဉ် မြန်မာနိုင်ငံသားက ခိုးယူခဲ့ခြင်းဖြစ်သည်။

ထိုင်းနိုင်ငံသားက ထိုင်းရဲတပ်ဖွဲ့ကို တိုင်ကြားရာချက်ခြင်း လိုက်လံဖမ်းဆီးရာ အဆိုပါ မြန်မာနိုင်ငံသားအား ၁၅မိနစ်အတွင်း အာရှလမ်းကြီးပေါ်၌ ဖမ်းဆီးမိခဲ့ခြင်းဖြစ်ကြောင်း၊လက်ရှိတွင် ယင်း မြန်မာနိုင်ငံသားအနေဖြင့် ထိုင်းနိုင်ငံအတွင်း အထောက်အထားမဲ့နေထိုင်သည့် ပြစ်မှု၊ဆိုင်ကယ်ခိုးယူမှု ပြစ်မှုတို့ဖြင့် အမှုဖွင့်ခံထားရကြောင်း သိရသည်။

Sources-Photo _MS Media

ymg/mt
#Yangon_Media_Group

#LocalNews
Published -18 Sept 2022

ထိုင်းနိုင်ငံ၊ ကန်ချနဘူရီခရိုင်၊ ထောင်ဖာဖူမိမြိုတွင် စက်တင်ဘာလ ၁၇ ရက်ကတရားမဝင်မြန်မာနိုင်ငံသား ၁၅ ဦး ဖမ်းမိခဲ့သည့်အနက် ၂ ဦးတွင် ကိုဗစ်ပိုးတွေ့ရှိကြောင်း ထိုင်းဒေသတွင်း မြန်မာရွှေ့ပြောင်းအလုပ်သမားများအရေးဆောင်ရွက်နေသူများထံမှ သိရသည်။

အဆိုပါ မြန်မာနိုင်ငံသားများအား ထိုင်းလူမျိုး တစ်ဦးမောင်းလာသည့် ကုန်တင်ကားကို တားဆီးစစ်ဆေးစဉ်တွေ့ရှိခဲ့ခြင်း ဖြစ်ကြောင်း ၊ ရပ်တန့်ရန် ပြောဆိုစဉ် ယာဉ်မောင်းက မောင်းပြေးခဲ့ရာ ထိုင်းအာဏာပိုင်များက လိုက်လံဖမ်းဆီးခဲ့ရာ
ကုန်တင်ကား၏ အနောက်ပိုင်း၊ ကုန်ပစ္စည်းများထားသည့် အလုံပိတ်နေရာတွင် တရားမဝင် မြန်မာနိုင်ငံသား အမျိုးသား ၁၁ ဦးနှင့် အမျိုးသမီး ၄ ဦးတိုကို ဖမ်းဆီးမိခဲ့ခြင်း ဖြစ်ကြောင်း ၊ ဖမ်းဆီးမိသူများအား ကိုဗစ် စစ်ဆေးမှုများပြုလုပ်စဉ် ၂ ဦး မှာကိုဗစ်ပိုးတွေ့သောကြောင့် သက်ဆိုင်ရာကွာရန်တင်းစင်တာ၌ ဆေးကုသမှုခံယူခိုင်းထားကြောင်း သိရသည်။

ယင်း ဖမ်းဆီးခံရသူများမှာရန်ကုန်၊ မော်လမြိုင်မြိုများက ဖြစ်ပြီး ထိုင်းနိုင်ငံ၊ ရတ်ချဘူရီနှင့် ချွန်ဖော်ခရိုင်အတွင်း အလုပ်လုပ်ရန်လာရောက်ကြခြင်း ဖြစ်ကြောင်း၊ပွဲစားခအဖြစ် တစ်ဦးလျှင် ဘတ် ၂၅၀၀၀ စီ ပေးရန်သဘောတူလာရောက်ခဲ့ကြခြင်းဖြစ်ကြောင်း သိရသည်။

ထိုင်းနိုင်ငံသား ယာဉ်မောင်းအနေဖြင့် ယင်းတိုအား ပိုဆောင်ခ ဘတ် သုံးသောင်းဖြင့် လိုက်ပါခဲ့ခြင်း ဖြစ်ကြောင်း၊ယခုအခါ အဆိုပါ ထိုင်းနိုင်ငံသားကိုလည်း ဖမ်းဆီးထားကြောင်း၊ဖမ်းမိသော မြန်မာနိုင်ငံသားများထဲမှ ကိုဗစ်ပိုးမရှိသည့် ၁၃ ဦးကို
ထောင်ဖာဖူမိ ရဲစခန်း၌ ထိန်းသိမ်းထားပြီး ဥပဒေအတိုင်း ဆောင်ရွက်သွားမည် ဖြစ်ကြောင်း သိရသည်။

ymg/mt
Yangon_Media_Group

#World_Health
Published 18 September 2022

လေ့လာချက်တစ်ခုအရ ဆိုရှယ်မီဒီယာတွေမှာ ဆယ်ကျော်သက်မတိုင်ခင်အရွယ်ကလေးတွေမှာပါ သက်ရောက်မှုရှိလာပြီး အသက် ၁၀ နှစ်အရွယ်ကလေးတွေဟာ တစ်ပတ်အတွင်း တစ်ညတာအိပ်ချိန်နီးပါးလောက် အိပ်ရေးပျက်လာကြကြောင်း ဖော်ပြထားပါတယ်။

လေ့လာမှုပြုခဲ့တဲ့ ကလေးတွေထဲက ၇၀ ရာခိုင်နှုန်းလောက်ဟာ တစ်နေ့ကို ၄ နာရီမျှ ဆိုရှယ်မီဒီယာအသုံးပြုကြပြီး ၂ နာရီလောက်က မအိပ်ခင်မှာ အသုံးပြုကြတာဖြစ်ပါတယ်။

The Times UK မှတင်ပြချက်အရ ကလေးအများစုအသုံးပြုကြတာတွေက TikTok ၊ YouTube နဲ့ Snapchat တို့ ဖြစ်ပါတယ်။

လေ့လာချက်အရ ကလေးအများစုဟာ လုံလောက်တဲ့အိပ်စက်ခြင်းမျိုး မရရှိကြပါဘူး။

တစ်ပတ်အတွင်း အိပ်ချိန် ၈ နာရီမှ ၉ နာရီလောက်အထိ အိပ်ချိန်ဆုံးရှုံးနေကြတယ်လို့ သုတေသီများကဆိုပါတယ်။

လက်ကိုင်ဖုန်းနဲ့ အခြားဖန်သားပြင်များမှ ထွက်လာတဲ့အလင်းပြာတွေဟာ ခန္ဓာကိုယ်တွင်းက တစ်နေ့တာလည်ပတ်မှုဖြစ်စဉ်ကို ထိခိုက်စေပြီး အိပ်ချိန်ကိုနှောင့်နှေးစေပါတယ်။

မအိပ်ခင် လက်ကိုင်ဖုန်းကို တစ်နာရီ ၂ နာရီလောက် အသုံးပြုသူတွေဟာ အိပ်ပျော်ဖို့ခက်ခဲလေ့ရှိပါတယ်။

TikTok နဲ့ Instagram တို့လို အရာတွေက ကလေးတွေရဲ့အိပ်စက်ခြင်းနဲ့ စိတ်ခံစားချက်တွေကို သက်ရောက်နေတယ်ဆိုတာ သုတေသီတွေက ယုံကြည်နေကြပါတယ်။

အသက် ၁၀ နှစ်အရွယ်ကလေးတွေ ဆိုရှယ်မီဒီယာအသုံးပြုခြင်းရဲ့နောက်ကွယ်က အဓိကအကြောင်းအရင်းတစ်ခုဟာ ဆိုရှယ်မီဒီယာပေါ်မှာ အကြောင်းအရာတစ်ခုခုကို မသိလိုက်မှာကို စိုးတာပါပဲ။

မူလတန်းအရွယ်ကလေးတွေဟာ တစ်ညကို ၉ နာရီမှ ၁၁ နာရီအိပ်ချိန်ရှိသင့်ပေမယ့် လေ့လာမှုပြုခဲ့တဲ့ကလေးတွေထဲက ၂ ယောက်သာ ထိုပမာဏအတိုင်း အိပ်ချိန်ရရှိခဲ့ပါတယ်။

ဆိုရှယ်မီဒီယာတွေအသုံးပြုခြင်းရဲ့ ဘေးထွက်ဆိုးကျိုးတွေထဲမှာ လုံလောက်တဲ့အိပ်ချိန် မရရှိတာပါပဲ။

ဆိုရှယ်မီဒီယာ သိပ်ပြီးအသုံးမပြုတဲ့ ကလေးတွေကို ရှာဖွေကြည့်ရာမှာ မရှိသလောက်ကို ရှားပါးနေပါတယ်။

မိဘတွေအနေနဲ့ သူတို့ကလေးတွေကို ဆုံးမသင့်ပေမယ့် ကလေးတွေ ဖုန်းအသုံးပြုနေတဲ့အချိန်မှာဆိုရင် မိဘစကားနားထောင်လေ့မရှိဘူးလို့ လေ့လာတွေ့ရှိရပါတယ်။

Source: WION
#Yangon_Media_Group

#Local_News
Published_ 18 September 2022

ဘင်္ဂလားဒေ့ရှ်နိုင်ငံဘက်ခြမ်းသို့ လက်နက်ကြီးကျည်များကျရောက်ခြင်းမှာ AA နှင့် ARSA ဘင်္ဂါလီအကြမ်းဖက်များ၏ တိုက်ခိုက်မှုကြောင့်ဖြစ်ကြောင်း ဘင်္ဂလားဒေ့ရှ်နိုင်ငံ၊ ကော့စ်ဘဇ္ဇားရှိ အမှတ် (၃၄) ဘင်္ဂလားဒေ့ရှ်နယ်ခြားစောင့်တပ်သို့ မြန်မာနိုင်ငံ နယ်ခြားစောင့်ရဲတပ်ဖွဲ့ခွဲမှတစ်ဆင့် အကြောင်းကြားစာပို့ထားရှိကြောင်းနှင့် နိုင်ငံခြားရေးဝန်ကြီးဌာနအနေဖြင့်လည်း လုပ်ထုံးလုပ်နည်းများနှင့်အညီ သက်ဆိုင်ရာသို့အသိပေး အကြောင်းကြားစာများပေးပို့ထားကြောင်း နစက မှ စက်တင်ဘာ ၁၇ ရက်တွင် သတင်းထုတ်ပြန်ထားပါတယ်။

အဆိုပါ သတင်းထုတ်ပြန်ချက်တွင် AA အဖွဲ့သည် နိုင်ငံတော်၏ ငြိမ်းချမ်းရေးဖိတ်ခေါ်မှုကို လျစ်လျူရှု၍ မြန်မာ ဘင်္ဂလားဒေ့ရှ် နှစ်နိုင်ငံနယ်ခြား မှတ်တိုင်များအနီးရှိ နယ်ခြားစောင့် ရဲတပ်ဖွဲ့စခန်းအား သာလွန်အင်အားဖြင့် ဝင်ရောက်တိုက်ခိုက်ခြင်းများလုပ်ဆောင်လျက်ရှိပြီး ARSA အစွန်းရောက် ဘင်္ဂါလီ အကြမ်းဖက်အဖွဲ့နှင့်ပူးပေါင်း၍ စက်တင်ဘာလ ၁၆ ရက် ည ၇ နာရီ ၃၀ မိနစ် တွင် မြန်မာ-ဘင်္ဂလားဒေ့ရှ်နှစ်နိုင်ငံ နယ်နိမိတ်မှတ်တိုင်၊ BP-၃၁ အနီး လုံခြုံရေးဆောင်ရွက်လျက်ရှိသည့် တောင်ပြိုဝဲရဲကင်းစခန်းအား စခန်း၏ မြောက်လတ္တီတွဒ် ၂၁ ဒီဂရီ ၁၀ မိနစ် ၅၉.၃၁ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၂ မိနစ် ၁၆,၂၆ စက္ကန့်နေရာမှ လက်နက်ကြီးလက်နက်ငယ်များဖြင့် ပစ်ခတ်တိုက်ခိုက်ခဲ့ရာ အဆိုပါ လက်နက်ကြီး ကျည်များသည် ရဲကင်းစခန်းနှင့် နယ်စပ်ခြံစည်းရိုးအား ကျော်လွန်၍ ဘင်္ဂလားဒေ့ရှ် နိုင်ငံဘက်ခြမ်း မြောက်လတ္တီတွဒ် ၂၁ ဒီဂရီ ၁၁ မိနစ်၃၀၂ စက္ကန့်အရှေ့လောင်ဂျီတွဒ် ၉၂ ဒီဂရီ ၁၀ မိနစ် ၂၀.၉၁ စက္ကန့်သို့ လက်နက်ကြီးကျည် ၃ လုံး ကျရောက်ပေါက်ကွဲခဲ့တယ်လို့ ဆိုပါတယ်။

စက်တင်ဘာလ ၁၆ ရက် ည ၈ နာရီ ၁၀ မိနစ်နှင့် စက်တင်ဘာလ ၁၇ ရက် နံနက်အစောပိုင်းတို့တွင် မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ်မှတ်တိုင်၊ BP-၃၄ အနီး တောင်ပြိုယာရဲကင်းစခန်းအား အထက်ပါပစ်ခတ်ခဲ့သည့် နေရာများမှ လက်နက်ကြီးများဖြင့် ထပ်မံပစ်ခတ်တိုက်ခိုက်ခဲ့ရာ အဆိုပါ လက်နက်ကြီးကျည်များသည် ရဲကင်းစခန်းနှင့် နယ်စပ်ခြံစည်းရိုးအား ကျော်လွန်၍ ဘင်္ဂလားဒေ့ရှ် နိုင်ငံဘက်ခြမ်း မြောက်လတ္တီတွဒ် ၂၁ ဒီဂရီ ၁၂ မိနစ် ၈.၅၂ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၄.၁၉ စက္ကန့်သို့ လက်နက်ကြီးကျည် ၃ လုံး၊ မြောက်လတ္တီတွဒ် ၂၁ ဒီဂရီ ၁၂ မိနစ် ၀.၃၇ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၄.၇၅ စက္ကန့်သို လက်နက်ကြီးကျည် ၂ လုံး၊ မြောက်လတ္တီတွဒ် ၂၁ ဒီဂရီ ၁၂ မိနစ် ၈.၅၃ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၆.၁၀ စက္ကန့်သို ၁ လုံးနှင့် မြောက်လတ္တီတွဒ် ၂၁ ဒီဂရီ ၁၂ မိနစ် ၂၄.၈၀ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၆၀၁ စက္ကန့်သို့ ၃ လုံး အသီးသီးကျရောက်ပေါက်ကွဲခဲ့မှုဖြစ်ပွားခဲ့ပါတယ်။

နစက အနေဖြင့် ထာဝရငြိမ်းချမ်းရေးရရှိရန် အဘက်ဘက်မှ ကြိုးပမ်းနေစဉ် ကာလအတွင်း AA အဖွဲ့သည် ARSA အစွန်းရောက် ဘင်္ဂါလီ အကြမ်းဖက်အဖွဲနှင့်ပူးပေါင်း၍ နယ်စပ်ဒေသတည်ငြိမ်းအေးချမ်းရေး၊ တရားဥပဒေ စိုးမိုးရေးတို့အတွက် လုံခြုံရေး တာဝန်ထမ်းဆောင်နေသော နယ်ခြားစောင့် ရဲတပ်ဖွဲ့ဝင်များအား မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ် နယ်စပ်ခြံစည်းရိုး အနီးမှနေ၍ ယခုကဲ့သို့ပစ်ခတ်တိုက်ခိုက်ခြင်းသည် အိမ်နီးချင်း နှစ်နိုင်ငံအကြား ချစ်ကြည်ရေးပျက်ပြားစေရန် ရည်ရွယ်ချက်ရှိရှိ လုပ်ဆောင်ခဲ့ခြင်း ဖြစ်ပါတယ်။

ထိုကဲ့သို့ လက်နက်ကြီးကျည်ကျော်ကျပေါက်ကွဲမှုကြောင့် ဘင်္ဂလားဒေ့ရှ်နိုင်ငံ နယ်စပ်အနီးရှိ ပြည်သူတစ်ချို့ ထိခိုက်ဒဏ်ရာရရှိခဲ့ကြောင်း သိရှိရတယ်လို့ ဆိုပါတယ်။ AA အဖွဲ့အနေဖြင့် နယ်စပ်ဒေသတည်ငြိမ်အေးချမ်းမှုပျက်ပြားစေရန် ရည်ရွယ်ပြီး နယ်ခြားစောင့်ရဲတပ်ဖွဲ့ဝင်များအား ချောင်းမြောင်းတိုက်ခိုက်ခြင်း၊ ဆက်သွယ်ရေးလမ်းကြောင်းများကို ပိတ်ဆို့ဖြတ်တောက်ခြင်းများဆောင်ရွက်၍ ဩဂုတ် ၃၁ ရက် နံနက်ပိုင်းတွင် မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ် နယ်ခြားမှတ်တိုင်အမှတ် ဘီပီ-၄၀ ရှိ နယ်ခြားစောင့်ရဲတပ်ဖွဲ့စခန်းအား သာလွန်အင်အားဖြင့် အလစ်အငိုက်ဝင်ရောက်တိုက်ခိုက်ခဲ့သဖြင့် စခန်းကိုလက်လွတ်ဆုံးရှုံးခဲ့ရပြီး နယ်ခြားစောင့် ရဲတပ်ဖွဲ့ဝင်တစ်ချို့ ထိခိုက်ကျဆုံးခဲ့သည့် ဖြစ်စဉ်ဖြစ်ပွားခဲ့ပါတယ်။

အဆိုပါဖြစ်စဥ်များနှင့် ပတ်သက်၍ ဘင်္ဂလားဒေ့ရှ်နိုင်ငံ၊ ကော့စ်ဘဇ္ဇားရှိ အမှတ် (၃၄) ဘင်္ဂလားဒေ့ရှ်နယ်ခြားစောင့်တပ်သို့ မြန်မာနိုင်ငံနယ်ခြားစောင့်ရဲတပ်ဖွဲ့ခွဲ မှတစ်ဆင့် အကြောင်းကြားစာပို့ထားရှိကြောင်းနှင့် နိုင်ငံခြားရေးဝန်ကြီးဌာန အနေဖြင့်လည်း လုပ်ထုံးလုပ်နည်းများနှင့်အညီ သက်ဆိုင်ရာသို့အသိပေးအကြောင်းကြားစာများ ပေးပို့ထားရှိကြောင်း စက်တင်ဘာ ၁၇ ရက် နစကရဲ့ သတင်းထုတ်ပြန်ချက်တွင် ဖော်ပြထားပါတယ်။

ygm_mnn
#Yangon_Media_Group

#World_Technology
Published 18 September 2022

မနာမကျင်ဘဲနဲ့ မိနစ်ပိုင်းအတွင်း ကိုယ်တိုင်အသုံးပြုနိုင်တဲ့ တက်တူးကပ်ခွာကို သိပ္ပံပညာရှင်များ တီထွင်လိုက်ပါတယ်။

အမေရိကန် ဂျော်ဂျီယာရှိ ပညာရှင်များတီထွင်လိုက်တာဖြစ်ပြီး အဆိုပါတက်တူးကပ်ခွာတွေကို အလွန်သေးငယ်တဲ့ အပ်ငယ်များဖြင့် ပြုလုပ်ထားကာ တစ်ခုချောင်းစီဟာ မီလီမီတာခန့်သာရှည်ပြီး မင်ရည်ပါဝင်ပါတယ်။

ဒီအပ်တွေက အရေပြားကိုဖောက်ကာ မင်များစိမ့်ဝင်သွားပြီး တက်တူးပုံပေါ်လာစေပါတယ်။

တက်တူးထိုးတဲ့အခါ အရောင်ထည့်သွင်းထားတဲ့ အပ်ချွန်ချွန်နဲ့ အရေပြားအပေါ်ဆုံးအလွှာကို ကြိမ်ဖန်များစွာဖောက်ရတာကြောင့် အလွန်နာကျင်ပြီး ပြီးစီးဖို့နာရီနဲ့ချီ ကြာမြင့်တတ်ပါတယ်။

အပ်သေးလေးတွေကတော့ အရေပြားပေါ် တစ်ခါဖိလိုက်ရုံနဲ့ သွေးမထွက်စေဘဲ မိနစ်ပိုင်းအတွင်း မင်စိမ့်ဝင်နိုင်ပါတယ်။

တက်တူးကပ်ခွာနည်းပညာက ဆေးပညာပိုင်းဆိုင်ရာအတွက် ဖန်တီးခဲ့တာဖြစ်ပြီး အမာရွတ်ဖုံးအုပ်ရန်၊ ကင်ဆာဓာတ်ရောင်ခြည်ကုထုံး၊ ရင်သားခွဲစိတ်အပြီး နို့သီးခေါင်းပြန်လည်ထွက်ပေါ်ရန် အသုံးပြုနိုင်ပါတယ်။

ဒါ့အပြင် ဆီးချို၊ ဝက်ရူးပြန်၊ ဓာတ်မတည့်မှု စတဲ့ရောဂါအခြေအနေတွေရှိတဲ့ လူနာတွေမှာ လက်ကောက်ကွင်းအစား အဆိုပါတက်တူးကို အသုံးပြုနိုင်ပါတယ်။

"ဒီနည်းလမ်းက ဆေးဘက်ဆိုင်ရာအတွက်သာမက အသုံးပြုရလွယ်ကူတာကြောင့် တက်တူးအလှထိုးလို့လည်း ရနိုင်ပါတယ်" လို့ ပရော်ဖက်ဆာ'မာ့ခ်ပရူစ်နစ်ဇ်'က ဆိုပါတယ်။

တက်တူးထိုးဖို့အတွက်ဆိုရင်လည်း အပ်အသေးလေးတွေက ကုန်ကျစရိတ်၊ နာကျင်မှုနဲ့ တက်တူးဆရာတို့ မလိုအပ်တော့ပါဘူး။

တက်တူးကပ်ခွာက အပ်လေးတွေဟာ သဲမှုန်ထက်တောင် သေးငယ်ပြီး တီဗီဖန်သားပြင်ပေါ်မှ ပစ်ဇယ်မှုန်လေးတွေလို စုစည်းသွားကာ ရုပ်ပုံပေါ်လာစေတာဖြစ်ပါတယ်။

ဥပမာအားဖြင့် နံပါတ်တွေ၊ စာလုံးတွေ၊ ကြယ်ပုံတွေ၊ နှလုံးပုံတွေနဲ့ QR ကုဒ်ပုံတွေကိုတောင် အသုံးပြုနိုင်ပါတယ်။

ဒါ့အပြင် အမည်းပျော့ရောင်မင်နဲ့ဖော်ထားတဲ့ တက်တူးဆိုရင်ပုံမှန်အားဖြင့် မမြင်သာဘဲ ခရမ်းလွန်ရောင်ခြည်နဲ့တွေ့မှ ပေါ်လာတဲ့ မင်အမျိုးအစားလည်းပါဝင်ပါတယ်။

အခုမင်က သာမန်တက်တူးတွေလို တသက်လုံးစွဲတဲ့မင်ဖြစ်ပြီး ယာယီမင်ဖြင့်အသုံးပြုနိုင်အောင် လေ့လာနေကြပါတယ်။

ဆေးဘက်ဆိုင်ရာအတွက် ဆေးပညာရှင်အာဏာပိုင်များထံမှ အသိအမှတ်ပြုဖို့ လိုအပ်ပေမယ့် အလှအပဆိုင်ရာ တက်တူးအတွက်တော့ ဆိုင်တွေမှာ ရောင်းချနိုင်မှာဖြစ်ပါတယ်။

ထိုအတွက်ကုန်ကျစရိတ်ကို သေချာမသိရသေးပေမယ့် ကပ်ခွာတစ်ခုအတွက် တစ်ဒေါ်လာအောက်သာ ကျသင့်နိုင်ဖွယ်ရှိပါတယ်။

ဒီနည်းလမ်းက တက်တူးဆရာတွေရဲ့ အလုပ်အကိုင်ဖြစ်တဲ့ တက်တူးထိုးခြင်းတွေကို လုံးဝအစားထိုးဖို့တော့မဟုတ်ကြောင်း၊ မနာမကျင်ဘဲ အလွယ်တကူထိုးချင်တဲ့သူများအတွက် ရည်ရွယ်တာဖြစ်ကြောင်း ပရော်ဖက်ဆာ'ပရူစ်နစ်ဇ်'က ဆိုပါတယ်။

Source: Daily Mail
#Yangon_Media_Group

#Local_News
Published 18 Sept 2022

မကွေး-ပျော်ဘွယ်-ပြည်ညောင်-ပင်းပက် သဘာဝဓာတ်ငွေ့ပိုက်လိုင်းကို မကွေး-ပျော်ဘွယ် ၈၇ မိုင်၊ ပျော်ဘွယ်-ပြည်ညောင် ၃၁ မိုင်နှင့် ပြည်ညောင်-ပင်းပက် ၆၇ မိုင် သုံးပိုင်းခွဲ၍ ဧပြီလမှစတင်ကာ အဆင့်မြှင့်တင်ခြင်းနှင့် အစားထိုးလဲလှယ်ခြင်းလုပ်ငန်းများ ဆောင်ရွက်လျက်ရှိကြောင်း သိရပါတယ်။

ယခုအခါ အဆင့်မြှင့်တင်ခြင်း လုပ်ငန်များမှာ စီမံကိန်းတစ်ခုလုံး၏ ၇၇ ဒသမ ၅ ရာခိုင်နှုန်း ပြီးစီးနေပြီဖြစ်ကာ စွမ်းအင်ဝန်ကြီးဌာနဝန်ကြီး ဦးမျိုးမြင့်ဦးသည် စက်တင်ဘာ ၁၇ ရက်တွင် လုပ်ငန်းခွင်သို့ သွားရောက်ကြည့်ရှု စစ်ဆေးခဲ့ပါတယ်။

အမှတ် (၂) သံမဏိစက်ရုံ(ပင်းပက်) ပြန်လည်လည်ပတ်ပါက အရှေ့တောင်အာရှ သဘာဝဓာတ်ငွေ့ပိုက်လိုင်း၏ ရေနံချောင်း Off-take မှတဆင့် ရွှေကမ်းလွန် သဘာဝဓာတ်ငွေ့များ ပို့လွှတ်ပေးနိုင်ရေး မြန်မာ့ရေနံနှင့်သဘာဝဓာတ်ငွေ့လုပ်ငန်းကို ကြိုတင်ဆောင်ရွက်နေတာ ဖြစ်ပါတယ်။

ဆက်လက်၍ ဝန်ကြီးသည် ရှမ်းပြည်နယ်တောင်ပိုင်းရှိ ပင်းပက်သဘာဝဓာတ်ငွေ့ ထိန်းဖြန့်စခန်းသို့ရောက်ရှိစစ်ဆေးရာ သံမဏိစက်ရုံ ပြန်လည်လည်ပတ်ချိန်တွင် စက်ရုံသို့ သဘာဝဓာတ်ငွေ့ ပို့လွှတ်ပေးနိုင်ရေး လိုအပ်သော ကြိုတင်ပြင်ဆင်မှုများ ဆောင်ရွက်ထားရန်လိုကြောင်း၊ စက်ရုံအတွက် လိုအပ်သော သဘာဝဓာတ်ငွေ့ ဖြည့်ဆည်းနိုင်ရေးအတွက် ရွှေစီမံကိန်းမှ ပြည်တွင်းသုံး သဘာဝဓာတ်ငွေ့ ဖြန့်ဖြူးပေးနိုင်ရေး ညှိနှိုင်းဆောင်ရွက်ထားဖို့ ပြောကြားခဲ့ပါတယ်။

ပင်းပက်ဓာတ်ငွေ့ထိန်းဖြန့်စခန်းရှိ သဘာဝဓာတ်ငွေ့ ဖိအားမြှင့်စက်များ ဖိအားစမ်းသပ်စစ်ဆေးခြင်းလုပ်ငန်းဆောင်ရွက်နေမှု၊ သရက်ပုကျေးရွာအနီးရှိ ပိုက်လိုင်းပြုပြင်ခြင်းနှင့် ပိုက်အစားထိုးလဲလှယ်ခြင်း လုပ်ငန်းဆောင်ရွက်နေမှုများကို ကြည့်ရှုစစ်ဆေးခဲ့ကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published_ 18 September 2022

ဒုတိယဗိုလ်ချုပ်ကြီးရာပြည့် ဦးဆောင်သော နိုင်ငံတော်၏ငြိမ်းချမ်းရေးဆွေးနွေးရေးအဖွဲ့သည် ဒီမိုကရေစီအကျိုးပြု ကရင်တပ်မတော်(DKBA)စစ်ဦးစီးချုပ်အဆင့်ရှိ စောစတီးဦးဆောင်သည့် ကိုယ်စားလှယ်အဖွဲ့နှင့် ကရင်အမျိုးသားအစည်းအရုံး/ ကရင်အမျိုးသား လွတ်မြောက်ရေးတပ်မတော်ငြိမ်းချမ်းရေးကောင်စီ(KNU/KNLA-PC) ဒု-ဥက္ကဋ္ဌ ဒေါက်တာ နော်ကပေါ်ထူး ဦးဆောင်သည့် ကိုယ်စားလှယ်အဖွဲ့တို့ကို စက်တင်ဘာ ၁၇ ရက်တွင် သီးခြားစီတွေ့ဆုံခဲ့ကြပါတယ်။

ထိုသို့တွေ့ဆုံရာ၌ ပထမအကြိမ်တွေ့ဆုံဆွေးနွေးမှုမှ သဘောတူညီချက်များ အကောင်အထည်ဖော်ဆောင်ရွက်နိုင်မှု၊ ထပ်မံဖြည့်ဆည်းပေးရန် လိုအပ်ချက်များနှင့် ဒေသဖွံ့ဖြိုးရေးဆိုင်ရာများကို ဆွေးနွေးခဲ့ကြပါတယ်။

ထို့နောက် နိုင်ငံတော်၏ငြိမ်းချမ်းရေးဆွေးနွေးရေးအဖွဲ့နှင့် KNU/KNLA-PC၊ DKBA အဖွဲ့တို့သည် တတိယနေ့ဆွေးနွေးပွဲကို ဆက်လက်ပြုလုပ်ခဲ့ကြပြီး ၃ ရက်တာ ဆွေးနွေး ညှိနှိုင်းချက်များအရ နှစ်ဖက်သဘောထားများကို ထပ်မံဆွေးနွေး၍ အပြီးသတ်ရရှိလာတဲ့ သဘောတူညီချက်များကို အတည်ပြုလက်မှတ်များရေးထိုးခဲ့ကြပါတယ်။

ထို့ပြင် ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီးရာပြည့်နှင့် တက်ရောက်လာကြသည့် တိုင်းရင်းသားလက်နက်ကိုင်အဖွဲ့များကိုယ်စား ဒီမိုကရေစီအကျိုးပြု ကရင်တပ်မတော်(DKBA) စစ်ဦးစီးချုပ်အဆင့်ရှိ စောစတီးတို့က နိဂုံးချုပ်အမှာစကားများ ပြောကြားခဲ့ကြကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published-17 Setember 2022

ပြည်တွင်းရွှေဈေးနှုန်းဟာ ထပ်ကျဖို့ရှိနေတယ်လို့ ရန်ကုန်တိုင်းရွှေလုပ်ငန်းရှင်များအသင်းမှ ဥက္ကဋ္ဌ ဦးမျိုးမြင့်က ပြောပါတယ်။

#Yangon_Media_Group

#Local_News
Published_ 17 September 2022

လာမယ့်အောက်တိုဘာလသီတင်းကျွတ်ချိန်မှာ ကျိုက်ထီးရိုးနဲ့ပုဂံဘုရားဖူးသွားမယ့်သူတွေ များလာနိုင်တဲ့အတွက် ပြည်တွင်းဘုရားဖူးလုပ်ငန်းတွေ၊ ပြည်တွင်းခရီးသွားလုပ်ငန်းတွေ ပြန်လည်လည်ပတ်နိုင်တော့မှာဖြစ်တယ်လို့ မြန်မာနိုင်ငံခရီးသွာလုပ်ငန်းရှင်များအသင်း ဥက္ကဌ ဦးနောင်းနောင်းဟန်က ပြောပါတယ်၊၊

#Yangon_Media_Group

#World_Development
Published 17 September 2022

၂၀၁၂ ခုနှစ်က တရုတ်ကွန်မြူနစ်ပါတီရဲ့ ၁၈ ကြိမ်မြောက် အမျိုးသားကွန်ဂရက် ပြုလုပ်ပြီးနောက်ပိုင်း လွန်ခဲ့တဲ့ ၁၀ နှစ်အတွင်း တရုတ်နိုင်ငံရဲ့ ဆန်းသစ်တီထွင်မှုအပေါ် ရင်းနှီးမြှုပ်နှံခြင်းဟာ တိုးမြင့်လာခဲ့ပြီး ကမ္ဘာ့ဆန်းသစ်တီထွင်မှုညွှန်းကိန်းမှာလည်း တရုတ်နိုင်ငံဟာ ဆက်တိုက်ဆိုသလို တက်လာခဲ့ကြောင်း အင်္ဂါနေ့ကထုတ်ပြန်လိုက်တဲ့ နိုင်ငံတော်စာရင်းအင်းရုံးမှ နောက်ဆုံးတင်ပြချက်အရ သိရှိရပါတယ်။

#Yangon_Media_Group