#LocalNews
Published - 21 Feb 2022

ထိုင်းနိုင်ငံ၊ မဟာချိုင်နယ်မြေက ထိုင်းရဲအချို့ မြန်မာရွှေ့ ပြောင်းအလုပ်သမားတွေအပေါ်ဖမ်းဆီး ငွေညှစ်မှုတွေရှိနေပြီး အဆိုပါဖြစ်စဉ် တွေဟာ အခုနောက်ပိုင်းကာလ တွေမှာ ပိုမိုဆိုးရွားလာတယ်လို့ သိရပါတယ်။

မဟာချိုင်သည် မြန်မာရွှေ့ ပြောင်းအလုပ်သမားတွေ အများဆုံးရှိ နေသည့် နေရာလည်းဖြစ်ပြီး ယခုရက်ပိုင်းအတွင်း မြန်မာလုပ်သားတွေ အလုပ်သွားပြန်လမ်းမှာ ထိုင်းပုလိပ်များက စစ်ဆေး ဖမ်းဆီးတာ တွေကို ပြုလုပ် နေခြင်းဖြစ်တယ်လို့လည်း ထိုင်းနိုင်ငံရှိ မြန်မာရွှေ့ ပြောင်း အလုပ်သမားအရေးကူညီ ဆောင်ရွက်ပေးနေသူတွေကဆိုပါတယ်။

"မဟာချိုင်နယ်မြေက ထိုင်းရဲအချို့ကမြန်မာလုပ်သားတွေကို တွေ့တာနဲ့ ငွေထုပ်ကြီး
တွေ့သလိုပဲ။ ပျော်ပျော်ကြီး စစ်ဆေးမေးမြန်း ဖမ်းဆီး ငွေညှစ်တော့တာပါပဲ။ ခုနောက်ပိုင်း ပိုဆိုးလာတယ်။မြန်မာဆိုတာ သိတာနဲ့ အစစ်အဆေး အမေးအမြန်းမရှိ မဟာချိုင် ပုလိပ်ရုံးတန်းခေါ်သွားပြီးလေးထပ်အောက်ထပ် ထောင့်ခန်းမှာ ချောင်ပိတ်ပြီး
ငွေညှစ်တော့တာပဲ။ ခုလိုကာလကြီးမှာ ယခင်က စာရွက်စာတမ်း ပြည့်စုံပါတယ်လို့ လက်မထောင်ခဲ့သူတွေတောင် စာအုပ်တစ်အုပ်နဲ့တင် တိုင်ပတ်နေတဲ့ အချိန်ဆိုတော့ကာ အထောက်အထားပြည့်စုံသူကိုတောင်ရတဲ့နည်းနဲ့ ငွေညှစ်တာ ခုလို သက်တမ်းတိုး
ကာလဆိုတော့ စဉ်းစားသာကြည့်တော့ပေါ့"လို့ မြန်မာ ရွှေ့ ပြောင်း အလုပ်သမား အရေး ကူညီ ဆောင်ရွက်ပေးနေသူ တစ်ဦးကပြောပါတယ်။

" ပြောရရင် နောက်ဆုံးတော့ ပုလိပ်ရှေ့ ခလုပ်တိုက်လဲတဲ့ မြန်မာလုပ်သားတွေပဲ မိအေးနှစ်ခါနာရတဲ့အဖြစ်ပါ။"လို့ ၎င်းကဆက်လက်ပြောပြခဲ့ပါတယ်။

ဒါ့အပြင် ယခုကာလမှာ ထိုင်းနိုင်ငံထဲသို့ တရားမဝင်လမ်းက ဝင်ရောက်လာတဲ့သူ တွေကိုလည်း နေ့စဉ်ဆိုသလို ထိုင်းအာဏာပိုင်တွေကဖမ်းဆီးမှုတွေလည်းရှိနေတာဖြစ်ပါတယ်။

ယခုဖေဖော်ဝါရီလ ၁၉ ရက် နေ့ကလည်း ထိုင်းနိုင်ငံထဲသို့ တရားမဝင်လမ်းက ဝင် ရောက်လာတဲ့ မြန်မာနိုင်ငံ ၂၁၈ ဦးကို ထိုင်းအာဏာပိုင်တွေက ဖမ်းဆီးခဲ့ပါသေးတယ်။

"အားလုံးကို သတိပေးချင်တာက ထိုင်းနိုင်ငံဟာဟိုးယခင်ကလို ခေတ်မကောင်းတော့ပါဘူး
ဆိုတာပါပဲ။"လို့ သူက ထပ်လောင်းပြောပြခဲ့ပါတယ်။

ပုံ - မြန်မာလုပ်သားတွေ အလုပ်သွားပြန်လမ်းမှာထိုင်းပုလိပ်များက ယခုရက်ပိုင်း စစ်ဆေးနေစဉ်။

Photo - ကျော်ရဲအောင်(မဟာချိုင်)

ymg/kg
#Yangon_Media_Group

#LocalHealth
Published -21 Feb 2022

ကိုဗစ်ကူးစက်မှု ပြန်လည်မြင့်တက်လာတာကြောင့် မကွေးတိုင်းဒေသကြီးအတွက် Positive Centre နဲ့ Quarantine Centre တွေ ပြန်လည်ဖွင့်လှစ်နိုင်ရေး ပြင်ဆင်နေပြီလို့ မကွေးတိုင်းဒေသကြီး အစိုးရအဖွဲ့ကနေ သိရပါတယ်။

လက်ရှိတွင် မကွေးမြို့နယ်အတွင်းရှိ ကိုဗစ်-၁၉ ပိုးတွေ့လူနာများနဲ့ ပိုးတွေ့ထိစပ်လူနာများထားရှိနိုင်ရေးအတွက် အစိုးရစက်မှုလက်မှုသိပ္ပံကျောင်း၊ အခြေခံကျန်းမာရေးတက္ကသိုလ်၊ကွန်ပျူတာတက္ကသိုလ်ရှိ အဆောင်များတွင် Positive Centre နှင့် Quarantine Centre များ ဖွင့်လှစ်နိုင်ရေးအတွက် မကွေးမြို့နယ် အထွေထွေအုပ်ချုပ်ရေးဦးစီးဌာနဝန်ထမ်းများ၊ မြို့နယ်မီးသတ်တပ်ဖွဲ့ဝင်များ၊ ရပ်/ ကျေးအုပ်ချုပ်ရေးအဖွဲ့များ ပူးပေါင်းကာ ပြင်ဆင်ဆောင်ရွက်နေတယ်လို့ တိုင်းအစိုးရတာဝန်ရှိသူတစ်ဦးက ပြောပါတယ်။

"ပိုးတွေ့လူနာတွေနဲ့ ထိစပ်လူနာတွေထားရှိဖို့အတွက် ကျောင်းဆောင်တွေမှာ ကွာရန်တင်းစင်တာတွေ ပြင်ဆင်ထားပါတယ်။ကျန်းမာရေးအသိပညာတွေပေးတာကိုလည်း ဆက်တိုက်ဆောင်ရွက်နေတယ်ဗျ"လို့ တိုင်းအစိုးရတာဝန်ရှိသူတစ်ဦးက ပြောပါတယ်။

ဖေဖော်ဝါရီလ ၂၁ ရက် ယနေ့မှာလည်း တောင်တွင်းကြီးမြို့နယ်အတွင်း ကိုဗစ်-၁၉ ရောဂါဖြစ်ပွားတဲ့ လူနာများအား ထားရှိနိုင်ရေး positive center ပရပ်ကြယ်တိုက်နယ် ဆေးရုံကိုလည်း ပြင်ဆင်ဆောင်ရွက်နေတယ်လို့ သိရပါတယ်။

ဖေဖော်ဝါရီလ၂၀ ရက်နေ့အတွက် COVID-19 ရောဂါ စောင့်ကြပ်ကြည့်ရှုမှု အခြေအနေထုတ်ပြန်ချက်အရ COVID-19 ဓာတ်ခွဲအတည်ပြုလူနာ (၃,၀၅၀) ဦး တွေရှိခဲ့ပြီး မကွေးတိုင်းဒေသကြီးအတွင်း ပိုးတွေ့လူနာ ၁၆၁ ဦး တွေ့ရှိခဲ့တာဖြစ်ပါတယ်။

ymg/hm
#Yangon_Media_Group

#WorldPolitics
Published - 21 February 2022

ယူကရိန်းအရေးကိစ္စနဲ့ပတ်သက်ပြီး ထိပ်သီးအစည်းအဝေးပွဲပြုလုပ်ဖို့ အမေရိကန်သမ္မတ'ဂျိုးဘိုင်ဒန်'နဲ့ ရုရှားသမ္မတ'ဗလက်ဒီမီယာပူတင်'တို့ ကြိုတင်သဘောတူညီထားပြီလို့ အမေရိကန်နဲ့ ပြင်သစ်နိုင်ငံတို့မှခေါင်းဆောင်များက ဖော်ပြခဲ့ကြပါတယ်။

ဒီဆွေးနွေးပွဲဟာ လတ်တလောဆယ်စုနှစ်များအတွင်း ဥရောပမှအန္တရာယ်အကြီးမားဆုံးပဋိပက္ခကြီးတစ်ခုကို ဖြေရှင်းနိုင်ဖို့ နည်းလမ်းဖြစ်လာနိုင်ပါတယ်။
ပြင်သစ်သမ္မတ'အီမန်နျူယယ်မက်ခရွန်'က ဥရောပမှာ လုံခြုံရေးနဲ့ ဗျူဟာမြောက်တည်ငြိမ်အေးချမ်းရေး ရရှိရန်ရည်ရွယ်ချက်ဖြင့် အဆိုပါခေါင်းဆောင်နှစ်ဦးကို ထိပ်သီးအစည်းအဝေးတက်ရောက်ရန် ဖိတ်ခေါခဲ့ကြောင်း တနင်္လာနေ့က ပြောကြားခဲ့ပါတယ်။

ရုရှားဘက်က ကျူးကျော်မှုမပြုလုပ်မှသာ 'ဘိုင်ဒန်'က တွေ့ဆုံဆွေးနွေးဖို့လက်ခံသွားမှာဖြစ်ကြောင်း အိမ်ဖြူတော်မှ ထုတ်ပြန်ကြေညာခဲ့ပါတယ်။
"သံတမန်ရေးအရဖြေရှင်းဖို့ ဆိုရင် အမြဲတမ်းအဆင်သင့်ပါပဲ။ ရုရှားတို့ ကစစ်ရေးလမ်းကြောင်းကို ရွေးချယ်မယ်ဆိုရင်လည်း လျင်မြန်ထိရောက်စွာ ဒဏ်ခတ်အရေးယူသွားဖို့ ပြင်ဆင်ထားပါတယ်" လို့အိမ်ဖြူတော်မှ မီဒီယာရှင်းလင်းပွဲတာဝန်ခံ 'ယန်းဆာကီ'က ပြောဆိုလိုက်ပါတယ်။

ထိပ်သီးအစည်းအဝေးပွဲနဲ့ပတ်သက်ပြီး ရုရှားဘက်က ချက်ခြင်းတုန့်ပြန်ဖြေကြားခြင်း မရှိသေးပါဘူး။အစည်းအဝေးပွဲပြုလုပ်ဖို့ 'မက်ခရွန်'၊ 'ဘိုင်ဒန်'၊ 'ပူတင်'၊ ဗြိတိန်ဝန်ကြီးချုပ် 'ဘိုရစ်ဂျွန်ဆန်'တို့ တယ်လီဖုန်းဖြင့် အကြိမ်ရေများစွာဆက်သွယ်ပြောဆိုခဲ့ကြပေမယ့် အကြောင်းအရာအတိအကျကိုတော့ ရှင်းရှင်းလင်းလင်း မသိရှိရသေးပါဘူး။

ဖေဖော်ဝါရီ ၂၄ ရက်နေ့တွင် အမေရိကန်နိုင်ငံခြားရေးဝန်ကြီး 'အန်တိုနီဘလင်ကန်'နဲ့ ရုရှားနိုင်ငံခြားရေးဝန်ကြီး 'ဆာဂျီလက်ဗ်ရော့ဗ်'တို့ တွေ့ဆုံဆွေးနွေးသွားကြရင်း ထိပ်သီးအစည်းအဝေးပွဲအတွက် အကြောင်းအရာများကို အကောင်အထည်ဖော်သွားမှာဖြစ်ကြောင်း ပြင်သစ်အစိုးရရုံးနဲ့ အိမ်ဖြူတော်တို့က ပြောကြားခဲ့ပါတယ်။

ယူကရိန်းနယ်စပ်အနီးတွင် ရုရှားတပ်ဖွဲ့များအင်အားတိုးချဲ့လာခြင်းကြောင့် တင်းမာမှုများရှိလာခဲ့ပြီးနောက် အခုလိုအစည်းအဝေးပွဲပြုလုပ်ဖို့ စီစဉ်လာကြတာဖြစ်ပါတယ်။
ပြီးခဲ့တဲ့နှစ်နှောင်းပိုင်းကတည်းက ယူကရိန်းနယ်စပ်အနီးမှာ ရုရှားတပ်ဖွဲ့အများအပြား ဖြန့်ကျက်ထားရှိနေတာကြောင့် ကျူးကျော်ဖို့ပြင်ဆင်နေတာဖြစ်နိုင်ကြောင်း အနောက်နိုင်ငံတွေက စိုးရိမ်နေခဲ့ပါတယ်။

ဘီလာရုစ်နိုင်ငံတွင်းမှာလည်း ရုရှားစစ်ရေးလေ့ကျင့်မှုတွေ ဆောင်ရွက်နေတယ်လို့ ဘီလာရုစ်ကာကွယ်ရေးဝန်ကြီးဌာနက ကြေညာထားတဲ့အပြင် ယူကရိန်းအနီးမှာ ရုရှားဘက်က သံချပ်ကာယာဉ်တွေ၊ စစ်သည်တွေ ထပ်မံရောက်ရှိလာတာကို အမေရိကန်အခြေစိုက်မက်ဆာဂြိုဟ်တုကုမ္ပဏီရဲ့ ဂြိုဟ်တုပုံရိပ်များမှတဆင့် မြင်တွေ့ခဲ့ရပါတယ်။

ဒီလိုစစ်ရေးလေ့ကျင့်မှုတွေ တိုးချဲ့ပြုလုပ်လာတာက ရုရှားတို့ကျူးကျော်တော့မယ့်အရိပ်အယောင်ဖြစ်ကြောင်း 'အန်တိုနီဘလင်ကန်'က သတိပေးထားပြီး ရုရှားတို့ကတော့ ကျူးကျော်ဖို့အစီအစဉ်မရှိဘူးလို့ ထပ်ခါထပ်ခါငြင်းဆိုထားပါတယ်။

"တကယ့်စစ်ပွဲဖြစ်မလာခင်အထိတော့ ရသမျှအခွင့်အရေးတိုင်း အချိန်မိနစ်တိုင်းကိုအသုံးချပြီး သမ္မတ'ပူတင်'နဲ့ သံတမန်ရေးဆွေးနွေးသွားနိုင်ဖို့ ကြိုးပမ်းသွားမှာပါ" လို့ 'ဘလင်ကန်'က ဆိုပါတယ်။

ယူကရိန်းအစိုးရအဖွဲ့တွေနဲ့ ရုရှားကျောထောက်နောက်ခံပြု ယူကရိန်းခွဲထွက်ရေးသမားတွေကြား ပစ်ခတ်မှုတွေ အဖြစ်များလျက်ရှိနေပါတယ်။
ယူကရိန်းအရှေ့ဘက်ရှိ ခွဲထွက်ရေးအဖွဲ့များကြီးစိုးရာ ဒိုနက်စ်မြို့လယ်မှာ ပေါက်ကွဲမှုဖြစ်ပွားခဲ့ပြီး တနင်္လာနေ့အထိ တိုက်ခိုက်မှုဖြစ်ပွားတဲ့အသံတွေ ဆက်တိုက်ကြားနေရတာဖြစ်ပါတယ်။

ယူကရိန်းအစိုးရတပ်ဖွဲ့တွေရဲ့ပစ်ခတ်မှုကြောင့် အရပ်သားနှစ်ဦးသေဆုံးခဲ့ကြောင်း ယူကရိန်းအရှေ့ဘက်ရှိ ရုရှားထောက်ခံခွဲထွက်ရေးသမားတွေက တနင်္လာနေ့က စွပ်စွဲပြောကြားလိုက်ကြောင်း ရုရှားနိုင်ငံပိုင် RIA သတင်းဌာနက ဖော်ပြလိုက်ပါတယ်။

ယူကရိန်းအစိုးရအဖွဲ့ရဲ့တုန့်ပြန်ချက်မှာတော့ ရုရှားထောက်ခံရေးသမားတွေက ယူကရိန်းအရှေ့ဘက်ရှိ သူတို့လူမျိုးတွေကိုပြန်သတ်ပြီး အစိုးရအဖွဲ့အပေါ် အပြစ်လွှဲချဖို့ ကြိုးပမ်းနေတာဖြစ်တယ်လို စွပ်စွဲလိုက်ပါတယ်။
"မကြာခင် ဥရောပမှာ စစ်ဘေးကပ်ဆိုက်တော့မယ်ထင်ပါတယ်" လို ချက်ပြည်သူ့သမ္မတနိုင်ငံမှ ဝန်ကြီးချုပ်'ပီတာဖီယာလာ'က တီဗီအင်တာဗျူးတစ်ခုမှာ မှတ်ချက်ပြုခဲ့ပါတယ်။
Source: Reuters. 

#WorldHealth
Published - 21 February 2022
ကိုဗစ်ရောဂါကူးစက်ခံရပြီး ပြန်လည်သက်သာလာတဲ့သူတွေမှာ စိတ်ကျန်းမာရေးထိခိုက်မှုအမျိုးမျိုး ဖြစ်လာနိုင်ချေများနေပြီး စိတ်ပူပန်ခြင်း၊ စိတ်ဓာတ်ကျခြင်း၊ ဆေးစွဲခြင်း၊ အသိဉာဏ်ချို့ယွင်းခြင်းတို့ ဖြစ်ပေါ်နိုင်ကြောင်း လေ့လာမှုကြီးတစ်ခုမှာ တွေ့ရှိခဲ့ရာ ကြာသပတေးနေ့က ဖော်ပြခဲ့ကြပါတယ်။

"ကပ်ရောဂါတွေကြောင့် အမေရိကန်ရှိလူတွေ စိတ်ကျန်းမာရေးချိုယွင်းမှု ကြုံတွေ့ရနိုင်တယ်ဆိုတာကို သိထားပါတယ်။ ဒါပေမဲ့ ကိုဗစ်ကြောင့် ဘယ်လောက်အထိ ဆိုးဆိုးရွားရွားဖြစ်နိုင်သလဲဆိုတာကိုတော့ သေချာမသိရသေးပါဘူး" လို့ ဝါရှင်တန်တက္ကသိုလ်မှ သုတေသနဦးစီးချုပ် ဒေါက်တာ'ဇီယက်အယ်အာလီ'က ပြောပြသွားပါတယ်။

'အယ်အာလီ'နဲ့အဖွဲ့က ၂၀၂၀ မတ်လမှ ၂၀၂၁ ဇန်နဝါရီလအတွင်း ကိုဗစ်ကူးစက်ခဲ့တဲ့ လူနာပေါင်း ၁ သိန်းခွဲကို လေ့လာရှာဖွေခဲ့ကြပြီး နောက်တစ်နှစ်ကြာတဲ့အထိ စောင့်ကြည့်ခဲ့ကြပါတယ်။

အဆိုပါလူနာတွေနဲ့ ကိုဗစ်ကူးစက်ခြင်းမခံရသော်လည်း ကပ်ရောဂါကြောင့် လော့ဒေါင်းချခင်း၊ စာသင်ကြားရမှုမရှိခြင်း၊ အထီးကျန်ခြင်း၊ အလုပ်လက်မဲ့ဖြစ်ခြင်း၊ မိတ်ဆွေအပေါင်းအသင်းများနဲ့ဝေးကွာခြင်း စတဲ့ အခြေအနေတွေကို ခံစားခဲ့ရတဲ့ လူပေါင်း ၅ သန်းကျော်နဲ့ နှိုင်းယှဉ်ခဲ့ကြပါတယ်။

ကိုဗစ်ရောဂါကူးစက်ခဲ့တဲ့လူတွေမှာ စိတ်ကျန်းမာရေးအခြေအနေအမျိုးမျိုး ဖြစ်နိုင်ချေများကြောင်း၊ အများစုက ဆေးရုံတက်ကုသခြင်းမခံခဲ့ရပေမယ့်လည်း အိမ်မှာတင် ရောဂါအပျော့စားခံစားရာကနေ သက်သာလာတဲ့သူတွေဖြစ်ကြောင်း 'အာလီ'က ဆိုပါတယ်။

စိတ်ပူပန်ခြင်းဝေဒနာခံစားရသူ ၃၅ ရာခိုင်နှုန်း၊ စိတ်ဓာတ်ကျဝေဒနာခံစားရသူ ၃၉ ရာခိုင်နှုန်း၊ စိတ်ဖိစီးမှုနဲ့ပတ်သက်တဲ့အခြေအနေခံစားရသူ ၃၈ ရာခိုင်နှုန်း၊ အိပ်မပျော်ခြင်းဝေဒနာခံစားရသူ ၄၁ ရာခိုင်နှုန်း၊ ဆေးစွဲခြင်းခံစားရနိုင်ချေ ၇၆ ရာခိုင်နှုန်းနဲ့ အသိဉာဏ်ချို့ယွင်းခြင်းဖြစ်နိုင်ချေ ၈၀ ရာခိုင်နှုန်းတို့ ရှိကြောင်း ဖော်ပြထားပါတယ်။

လေ့လာမှုပြုလုပ်ခဲ့တဲ့ လူနာတွေရဲ့ပျမ်းမျှအသက်က ၆၁ နှစ်ရှိပြီး ၉၀ ရာခိုင်နှုန်းက အမျိုးသားတွေဖြစ်ပေမယ့် နောက်ဆုံးခြုံကြည့်တဲ့အခါမှာတော့ အသက်အရွယ်ပေါင်းစုံမှာ ဖြစ်ပွားနိုင်ပြီး အမျိုးသမီးတွေမှာလည်း ဖြစ်နိုင်ချေရှိပါတယ်။

ကပ်ရောဂါမဖြစ်ခင်အချိန်ကာလတွေမှာ အမေရိကန်နိုင်ငံအတွင်း ဆေးခြောက်သုံးစွဲမှုတွေကို ထိန်းချုပ်ထားခဲ့တာကြောင့် ဆေးလွန်ပြီးသေဆုံးမှုတွေ အဖြစ်နည်းလာခဲ့ပေမယ့် အခုကပ်ရောဂါကာလမှာတော့ ဒီပြဿနာတွေ ပြန်အဖြစ်များလာပြီဖြစ်ပါတယ်။

စိတ်ဓာတ်ကျဝေဒနာခံစားရမှုနဲ့ မိမိကိုယ်ကိုအဆုံးစီရင်ချင်တဲ့စိတ်အခြေအနေတွေကိုလည်း ထိန်းချုပ်နိုင်ဖို့ သတိထားသွားရပါမယ်။
Source: St. Louis Post-Dispatch 

#WorldHealth
Published - 21 February 2022

လေ့လာတွေ့ရှိချက်အသစ်အရ 'မ'ဟော်မုန်းတစ်ခုဖြစ်တဲ့ အီစထရိုဂျင်ဟာ ကိုဗစ်ရောဂါကြောင့်အသက်သေဆုံးမှုကို ကာကွယ်ပေးနိုင်သလားဆိုတဲ့ သံသယတွေဖြစ်ပေါ်လာစေပါတယ်။

မီးယပ်သွေးဆုံးပြီးသားဖြစ်ပြီး အီစထရိုဂျင်ပမာဏကျဆင်းနေတဲ့ အမျိုးသမီးကိုဗစ်လူနာ ၁၄,၆၈၅ ယောက်ကို ဆွီဒင်မှသုတေသီတို့ က လေ့လာခဲ့ကြပါတယ်။ထိုအမျိုးသမီးတွေထဲမှ ၁၇ ရာခိုင်နှုန်းဟာ မီးယပ်သွေးဆုံးဝေဒနာသက်သာစေဖို့အတွက် အီစထရိုဂျင်ဖြည့်စွက်အားဆေးတွေ သောက်သုံးနေကြသူတွေဖြစ်ပါတယ်။

အခြားရောဂါအခြေအနေတွေနဲ့ပါ တွက်ချက်လေ့လာလိုက်တဲ့အခါ အီစထရိုဂျင်အားဆေးသောက်သုံးနေသူတွေက မသောက်သုံးတဲ့သူတွေထက် ကိုဗစ်ရောဂါကြောင့်အသက်သေဆုံးမှုနှုန်းကို ၅၃ ရာခိုင်နှုန်းလျှော့ချပေးနိုင်ကြောင်း တွေ့ရှိခဲ့ကြပါတယ်။

ဒီလိုစူးစမ်းလေ့လာမှုတွေမှာ အီစထရိုဂျင်ပမာဏမြင့်မားခြင်းက ရောဂါကာကွယ်နိုင်တယ်ဆိုတဲ့ အထောက်အထားတော့ မပြနိုင်ပါဘူး။ဒါ့အပြင် ကိုဗစ်ကာကွယ်ဆေးတွေမရရှိခင်က အမျိုးသမီးတွေမှာ ရောဂါကူးစက်ခဲ့ကြောင်း အူမေယာတက္ကသိုလ်မှ ဒေါက်တာ'မာလင်ဆန်း'က ပြောကြားခဲ့ပါတယ်။

"ကိုဗစ်ကာကွယ်ဆေးထိုးနှံခြင်းက ကိုဗစ်ကြောင့်အသက်သေဆုံးမှုကို ကာကွယ်နိုင်တယ်လို့ ထင်ထင်ရှားရှားပြသနေပေမယ့် အီစထရိုဂျင်ဟော်မုန်းကို ထည့်သွင်းစဉ်းစားရာမှာတော့ ခန့်မှန်းလို့ မရနိုင်ပါဘူး" လို့ 'မာလင်ဆန်း'က ဆိုပါတယ်။

အီစထရိုဂျင်က ဆေးရုံတက်ကုသခံယူနေရတဲ့ ကိုဗစ်လူနာတွေကို ကာကွယ်ပေးတယ်ဆိုတဲ့ ယူဆချက်အား တူလိန်းတက္ကသိုလ်မှာ အပြင်းအထန်စမ်းသပ်စစ်ဆေးနေပြီဖြစ်ပါတယ်။
Source: Re 

Published 20 February 2022

သမ္မတဟောင်းဒေါ်နယ်ထရမ့်ရဲ့ ဆိုရှယ်မီဒီယာပလက်ဖောင်းအသစ်တစ်ခုဖြစ်တဲ့ Truth Social ဟာ ဖေဖော်ဝါရီ(၂၁)ရက် တနင်္လာနေ့(မနက်ဖန်)မှာ အက်ပဲလ်ရဲ့ စတိုးကနေ စတင်လွှင့်တင်တော့မယ်လို့ ရိုက်တာကရေးသားပါတယ်။

ရိုက်တာက တွေမြင်ခဲ့ရတဲ့ အမှုဆောင်အရာရှိတစ်ဦးစမ်းသပ်အသုံးပြုနေတဲ့ အဲဒီအက်ပလီကေးရှင်းမှာ တင်ထားတဲ့ ပို့စ်တစ်ခုအရ သိရတာလို့ သတင်းကရေးသားပါတယ်။

သောကြာနေ့က စမ်းသပ်အသုံးပြုသူတွေထဲက ဘီလီဘီလ်လို့ဖော်ပြထားတဲ့ Truth Social ကွန်ယက်ရဲ့ ထုတ်ကုန်အရာရှိချုပ်က ဖိတ်ခေါ်ပြီးစမ်းသပ်အသုံးပြုခွင့်ရတဲ့သူတွေရဲ့ မေးခွန်းတွေကို သူ့ရဲ့ တရားဝင်အကောင့်ကနေ ပြန်လည်ဖြေကြားခဲ့ပါတယ်။တစ်ဦးက ဒီအက်ပလီကေးရှင်းကို ဘယ်တော့စသုံးနိုင်မလဲလို့မေးတဲ့အခါ “ ကျွန်တော်တို့ ဖေဖော်ဝါရီ၂၁ရက် တနင်္လာနေ့မှာ စတင်အသုံးပြုနိုင်ဖို့ လက်ရှိမှာ စီစဉ်ထားပါတယ်” လို့ သူကပြန်ဖြေထားပါတယ်။

ရိုက်တာက screenshots မှာ မြင်ခဲ့ရတဲ့ မှာ အက်ပလီကေးရှင်းရဲ့ဗားရှင်းဟာ အဆင့်(၁၀)ဖြစ်နေပြီး ဒါဟာ အများပြည်သူသုံးနိုင်တဲ့အဆင့် လို့ ဆိုပါတယ်။ဗုဒ္ဓဟူးနေ့ညအထိ ဗားရှင်းက (၉)အထိပဲရှိသေးတာဖြစ်ပါတယ်။

 Source Reuters

Published 20 February 2022

မက္ကဆီကိုအနောက်ပိုင်း မီချိုအကန်ပြည်နယ် ကနေ အမေရိကန်ပြည်ထောင်စုကို ထောပတ်သီးတွေတင်ပို့နေမှု တစ်ပတ်ကြာ ရပ်ဆိုင်းခဲ့ပြီးနောက် ယခုအခါ ပြန်လည်တင်ပို့နေပြီဖြစ်ပါတယ်။ အမေရိကန်စစ်ဆေးရေးမှူးတွေရဲ့ လုံခြုံရေးကို အသေအချာ စီမံပြီးတဲ့နောက် ယခုလိုပြန်လည်တင်ပို့ခွင့်ပြုခဲ့တာလို့ အမေရိကန်အစိုးရက ပြောပါတယ်။

မီချိုအကန်ဟာ ကမ္ဘာပေါ်မှာ ထောပတ်သီး အများဆုံးထုတ်လုပ်တဲ့ ဒေသဖြစ်ပါတယ်။ အဲဒီထဲက ၈၅ရာခိုင်နှုန်းကို အမေရိကန်ပြည်ထောင်စုကို တင်ပို့ပါတယ်။  ဒါပေမယ့် အဲဒီပြည်နယ်ဟာ ရာဇဝတ်ဂိုဏ်းတွေရဲ့ အကြမ်းဖက်မှု အများဆုံးထိခိုက်ခံရတဲ့ ပြည်နယ်လည်းဖြစ်နေပြန်ပါတယ်။

Source AFP

The Following is a press release(official text translation) by SAC's MOFA on 20 February 2022.

Press Release by the Ministry of Foreign Affairs on ASEAN Foreign Ministers’ Meeting Retreat

The Ministry of Foreign Affairs of the Republic of the Union of Myanmar takes note of the Press Statement of the Chairman of the ASEAN Foreign Ministers’ Meeting Retreat (AMM Retreat) which was held on 17 February 2022.

The Ministry welcomes the priorities and deliverables presented by Cambodia in advancing ASEAN Community building. The Ministry also welcomes the initiatives taken to accelerate regional integration through the implementation of the Master Plan on ASEAN Connectivity (MPAC) 2025 and the IAI Work Plan IV (2021-2025); for reaffirming that TAC is the key code of conduct governing interstate relations in the region and as foundation for maintaining regional peace and stability; for the commitment to preserve Southeast Asia region as a nuclear-weapon-free zone and free of all other weapons of mass destruction; for stressing the importance of strengthening ASEAN centrality and unity; for working toward the ASEAN Community’s Post-2025 Vision; and for full and effective implementation of ASEAN COVID-19 initiatives, including ASEAN Comprehensive Recovery Framework (ACRF) among others.

On RCEP, while taking note of the entry into force of the RCEP Agreement on 1 January 2022, the Ministry would like to recall that Myanmar is one of the signatory states to early deposit its instrument of ratification of the RCEP in accordance with the provision of the RCEP Agreement. However, the Ministry regrets that Myanmar’s ratification of RCEP have been politicized by some members and therefore the depository was not able to comply with the provisions of the RCEP Agreement ultimately causing delays for the Agreement to enter into force for Myanmar. Such course of action will not only damage ASEAN’s credibility but also the credibility of the ASEAN Secretariat. Myanmar hopes that such course of action will never take place again in ASEAN which is supposed to be a rule-based inter-governmental organization.

The Ministry welcomes ASEAN Chair’s emphasis on strengthening ASEAN centrality and unity in ASEAN’s external relations through promoting ASEAN norms and principles, including those enshrined in the ASEAN Charter and the Treaty of Amity and Cooperation in Southeast Asia (TAC). Myanmar is encouraged by the increasing request by countries to accede to the TAC and looks forward to their accession at an early date. Myanmar encourages ASEAN to uphold the past practices which has existed in ASEAN for over the past 50 years when signing TAC documents.

The Ministry notes ASEAN’s continued support for Myanmar’s repatriation efforts, especially on the follow-up to the recommendations of the Preliminary Need Assessment (PNA) in facilitating the voluntary return of the displaced persons from Rakhine State in a safe, secure and dignified manner. While ASEAN looks forward to the conduct of the Comprehensive Needs Assessment (CNA) when conditions allow, Myanmar again encourages the Secretary-General of ASEAN to revitalize the High-Level Coordination Meeting with a view to finalize the remaining project proposals as well as to identify possible areas for ASEAN to effectively facilitate the repatriation process.

On the implementation of the five-point consensus, significant progress and challenges have been briefed to the diplomats in Yangon on 8 February 2022 by the Union Minister for Foreign Affairs. The Ministry welcomes Mr. Prak Sokhonn, Deputy Prime Minister, Minister of Foreign Affairs and International Cooperation as the special envoy of the ASEAN Chair. Myanmar will continue to promote constructive cooperation with ASEAN, including with the special envoy, with the understanding that it is Myanmar-owned, Myanmar-led process as stated in the press statement by the Chairman of the AMM Retreat.

The Ministry notes that while some deliberations were constructive on the implementation of the five-point consensus, two members have suggested special envoy to engage with unlawful associations and terrorist groups which Myanmar Government has declared as terrorist groups. The Ministry would like to recall that the Anti-Terrorism Central Committee of Myanmar has declared CRPH, NUG and all their subordinates as terrorist groups on 8 May 2021 for perpetrating violence and pursuing total destructive path which are conducive to terrorism in the country. Suggesting the special envoy to engage with such groups are not only contrary to the principles of the ASEAN Charter but also undermine ASEAN’s counter-terrorism efforts. In this regard, the Ministry again urges the two members not to use ASEAN platforms to make such comments and encourages to condemn the terrorist acts.

Ministry of Foreign Affairs
Dated, 20 February 2022

#LocalNews
Published- 20 Feb 2022

ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ မင်္ဂလာဈေး၊ ဒုတိယအထပ်တွင် ယနေ့ည ၇ နာရီ ၁၀ မိနစ်ခန့်ကစတင်ကာ မီးလောင်မှု ဖြစ်ပွား တယ်လို့သိရပါတယ်။

ရန်ကုန်တိုင်းမီးသတ်တပ်ဖွဲ့ရဲ့ထုတ်ပြန်ချက်အရဖေဖော်ဝါရီလ၂၀ရက်နေ့၊ ည၇နာရီ ၉မိနစ် အချိန်ခန့်၊ ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ မင်္ဂလာဈေးတွင် မီးလောင်မှုဖြစ်ပွားကြောင်း သတင်းရရှိသဖြင့် Level 1 ယာဉ်အုပ်စုများ ထွက်ခွာလျက်ရှိကာ၇နာရီမိနစ်၂၀အချိန်တွင် မီးထိန်းခဲ့ကာ ၇နာရီ၂၇မိနစ် အချိန်တွင် မီးငြိမ်းခဲ့တယ်လို့သိရပါတယ်။

"မီးက ခဏပဲ မီးသတ်ကားတွေ ငြှိမ်းလိုက်နိုင်တော့ ငြိမ်းသွားပါပြီ။ ဝါယာရှော့ခ်လို့လည်း ပြောသံကြားတယ်။ သေချာတော့ မသိသေးဘူး" လို့ အနီးပတ်ဝန်းကျင်နေထိုင်သူတစ်ဦးကပြောပါတယ်။

လက်ရှိမှာမီးလောင်မှုကိုစုံစမ်းနေတယ်လို့ ရန်ကုန်တိုင်းဒေသကြီးမီးသတ်တပ်ဖွဲ့ကသိရပါတယ်။
ymg/hm
#Yangon_Media_Group 

TV_Yangon_Times_Mattersအစီအစဉ်
Published - 20 Feb 2022

အစီအစဉ်တင်ဆက်သူ ဆရာဟိန်းလတ်နဲ့ အတူ ဦးသန်းဋ္ဌေး (Renewable Energy Association Myanmar) တို့က "မရှိမဖြစ်ပြန်လည်ပြည့်ဖြိုးမြဲစွမ်းအင်" ဆိုတဲ့ခေါင်းစဉ်အောက်မှာ ကမ္ဘာကြီးမှာ ရှေ့တန်းရောက်လာပြီး မသုံးမဖြစ်သုံးကြရတော့မယ့် ပြန်လည်ပြည့်ဖြိုးမြဲစွမ်းအင်နှင့်ပတ်သက်တဲ့ ပြည်တွင်းပြည်ပ အခြေအနေတွေကို သုံသပ်ဆွေးနွေးပေးထားပါတယ်။

#Yangon_Media_Group