ဇူလိုင်၈- ၂၀၂၄

နေတိုးအဖွဲ့ကြီးအနေနှင့် အာရှပစိဖိတ်ဒေသမှာ တင်းမာမှုတွေလုပ်နေတာကို ရပ်တန့်ဖို့  တရုတ် နိုင်ငံကတောင်းဆိုလိုက်ပါတယ်။ အဲဒီအပြင် စစ်အေးကာလစိတ်သဘောထားတွေကို လျှောက်ဖြန့်နေတာ နှင့် အဖွဲ့ရဲ့ ထိပ်တိုက်ရင်ဆိုင်ရေးတွေကိုပါရပ်တန်ဖို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရသူ လင် ကျန်းက ဇူလိုင် ၈ရက်ကပြောဆိုလိုက်ပါတယ်။

Source CCTV+

မြို့နယ်အသီးသီးမှာ ရောင်းချနေတဲ့ လက်လီဆန်ဆိုင်တွေမှာ သို‌လှောင်ထားတဲ့ဆန်တွေကို ရည်ညွှန်းစျေးတွေနဲ့ စားသုံးသူတွေကို ရောင်းချ‌ပေးဖို့ မြန်မာနိုင်ငံဆန်စပါးအသင်းချုပ် MRFက တိုက်တွန်းလိုက်ပါတယ်။
#Local_News
Published 09 July 2024
#သို‌လှောင်ထားသည့်ဆန် #ရည်ညွှန်းစျေးဖြင့်ရောင်းချ
#NN #Yangon_Times

ဧရာဝတီမြစ်၊ ချင်းတွင်းမြစ်နဲ့ဒုဌဝတီမြစ်ရေတွေဟာ ဆက်တက်နေပြီး မြစ်ရေကြီးနိုင်တဲ့ မြို့(၁၁)မြို့ရှိနေတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 09 July 2024
#မြစ်ရေဆက်တက် #မြို့(၁၁)မြို့ရှိနေ
#tthl #Yangon_Times

တောင်သူတွေထုတ်ရောင်းတာများပြားလို့ ကြက်သွန်နီအဝင်များချိန်မှာ ဈေးကွက်အေးနေတဲ့အတွက် ဈေးနှုန်းတွေ ကျဆင်းနေတယ်လို့ ကြက်သွန်နီဈေးကွက်ထဲက သိရပါတယ်။
#Local_News
Published 09 July 2024
#ကြက်သွန်နီအဝင်များ #ကြက်သွန်နီဈေးကျဆင်း
#NN #Yangon_Times

 ကျောင်းလခအနည်းငယ်သာပေးရမယ့် အမြတ်မယူတဲ့ ပုဂ္ဂလိကကျောင်းတွေဖော်ဆောင်နိုင်ခြေရှိတယ်လို့ မြန်မာနိုင်ငံပုဂ္ဂလိကကျောင်းများအသင်းမှ သိရပါတယ်။
#Local_News
Published 09 July 2024
#ပုဂ္ဂလိကကျောင်းများ #ကျောင်းလခနည်း
#tthl #Yangon_Times

ဝမ်းပျက်ဝမ်းလျှောဖြစ်လို့(၃)ရက်အတွင်း ဆေးရုံတက်ကုသရတဲ့(၁၆၇)ဦးအထိရှိလာပြီး ပြင်းထန်ဝမ်းပျက်ဝမ်းလျှောဖြစ်သူ(၁၃)ဦးတွေ့တယ်လို့  ကျန်းမာရေးဝန်ကြီးဌာနရဲ့ထုတ်ပြန်ချက်အရ သိရပါတယ်။
#Local_News
Published 09 July 2024
#ဝမ်းပျက်ဝမ်းလျှောဖြစ် #ဆေးရုံတက်ရသည့်လူနာ(၁၆၇)ဦး
#tthl #Yangon_Times

#Local_News
Published 9 July 2024

▪️ ယခု ၂၀၂၄-၂၀၂၅ ဘဏ္ဍာနှစ်သုံးလတာအတွင်း ပြည်တွင်း၊ ပြည်ပရင်းနှီးမြှုပ်နှံမှုလုပ်ငန်းပေါင်း ၄၈ ခုကိုခွင့်ပြုပေးထားကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ သိရသည်။

ဧပြီလမှ ဇွန်လအထိ သုံးလတာအတွင်း နိုင်ငံခြားသားရင်းနှီးမြှုပ်နှံမှုလုပ်ငန်း ၁၉ ခုကို ရင်းနှီးမြှုပ်နှံမှု တိုးမြှင့်ခြင်း အပါအဝင် အမေရိကန်ဒေါ်လာ ၁၄၇ ဒသမ ၉၉၉ ‌သန်း လုပ်ငန်းဆောင်ရွက်ခွင့် စိစစ်ခွင့်ပြုခဲ့ပြီး မြန်မာနိုင်ငံသား ရင်းနှီးမြှုပ်နှံမှုလုပ်ငန်းပေါင်း ၂၉ ခုအတွက် ရင်းနှီးမြှုပ်နှံမှုပမာဏ ကျပ် ၁၂၁၅ ဒသမ ၀၆၀ ဘီလီယံ ခွင့်ပြုပေးခဲ့ကြောင်း သိရသည်။

▪️ ပြည်ပရင်းနှီးမြှုပ်နှံမှုအများဆုံး ဝင်ရောက်ရာတွင် စင်္ကာပူနိုင်ငံကရင်းနှီးမြှုပ်နှံမှုပမာဏ အမေရိကန်ဒေါ်လာ  ၈၄ ဒသမ ၀၁၉ သန်းဖြင့်အများဆုံး၊ တရုတ်ပြည်သူ့သမ္မတနိုင်ငံက ရင်းနှီးမြှုပ်နှံ မှု  အမေရိကန်ဒေါ်လာ ၃၂ ဒသမ ၆၅၉ သန်းဖြင့်ဒုတိယအများဆုံး၊  အင်ဒိုနီးရှားနိုင်ငံက ရင်းနှီးမြှုပ်နှံမှု ပမာဏ အမေရိကန်ဒေါ်လာ ၂၀ ဒသမ ၈၉၂ သန်းဖြင့်တတိယအများဆုံးရင်းနှီးမြှုပ်နှံထားကြောင်း သိရသည်။ 

▪️ ထို့အပြင် ကဏ္ဍအလိုက် ရင်းနှီးမြှုပ်နှံမှုအနေဖြင့် ပို့ဆောင်ရေးနှင့် ဆက်သွယ်ရေးကဏ္ဍတွင် အမေရိကန်ဒေါ်လာ ၈၂ ဒသမ ၆၆ သန်း ဖြင့် အများဆုံး၊ စက်မှုကဏ္ဍတွင် အမေရိကန်ဒေါ်လာ ၆၄ ဒသမ ၁၂၆ သန်းဖြင့် ဒုတိယအများဆုံး၊  မွေးမြူရေးနှင့်ပတ်သက်သည့် လုပ်ငန်းများမှာတတိယအများဆုံးဖြစ်ပြီး အမေရိကန်ဒေါ်လာ ၁ ဒသမ ၀၈၈ ဒေါ်လာ သန်းဖြစ်ကြောင်း ၊၂၀၂၃-၂၄ ဘဏ္ဍာနှစ်၏ ကာလတူနှင့် နှိင်းယှဉ်ပါက ယခုနှစ်တွင်  ရင်းနှီးမြှုပ်နှံမှု ပမာဏ ပိုမိုတိုးတက်လာကြောင်း သိရသည်။

#YMG/ NN #Yangon_Times

#Daily_News
Published 09 July 2024

၁။ ကျောင်းလခနည်းမည့် အမြတ်မယူသည့် ပုဂ္ဂလိကကျောင်းများဖော်ဆောင်လာနိုင်‌ခြေရှိဟုဆို

၂။ ကြက်သွန်နီအဝင်များချိန် ဈေးကွက်အေး၍ဈေးနှုန်းကျဆင်း

၃။ မြစ်ရေဆက်တက်ပြီး မြစ်ရေကြီးနိုင်သော မြို့(၁၁)မြို့ရှိနေ

၄။ ဒုတိယကမ္ဘာစစ်အတွင်း ဂျပန်ဇီဝလက်နက်အဖွဲ့မှ ကျူးလွန်ခဲ့သော စစ်ရာဇဝတ်မှုများအကြောင်း တိုကျို၌မှတ်တမ်းရုပ်ရှင်ပြသ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 9 July 2024

▪️ ကရင်ပြည်နယ်၊ ဘားအံမြို့တွင် ရင်းနှီးမြှုပ်နှံမှုပမာဏ ငွေကျပ်သန်းပေါင်း ၅,၉၀၀ ဖြင့် Hyper Market တည်ဆောက်သွားမည်ဖြစ်ကြောင်း သိရသည်။

▪️ ဘားအံမြို့၊ အမှတ်(၂)ရပ်ကွက်၊ ရွှေယဉ်မျှော်ဘုရားအနီးရှိ ယင်းဈေးသစ်တည်ဆောက်မည့်မြေနေရာတွင်  ဇူလိုင်လ ၄ ရက်က ပန္နက်တင်မင်္ဂလာအခမ်းအနားကို ကျင်းပခဲ့ပြီးဖြစ်ကာ ဈေးသစ်ကြီးကို Kayin State Development(Public) ကုမ္ပဏီလီမိတက်၏ဦးဆောင်မှုဖြင့် အောင်ငွေဖူး ကုမ္ပဏီ လီမိတက်က မြေဧရိယာ ၃ ဒသမ ၆၄၂ ဧကပေါ်တွင် ၂၀ ပေ x ၅၀ ပေ x RC ၂ ထပ် အဆင့်မြင့် လူနေဆိုင်ခန်း ၁၀ လုံး၊ ၃၀ ပေ x ၅၀ ပေ x RC ၂ ထပ် အဆင့်မြင့်လူနေဆိုင်ခန်း ၁ လုံး၊ ၁၀၀ ပေ x ၁၀၀ ပေ x RC ၄ ထပ် Hyper Market အဆောက်အဦများကို တာဝန်ယူတည်ဆောက်သွားမည်ဖြစ်ကြောင်း သိရသည်။

▪️ အဆိုပါ ဈေး၌  ဆိုင်ခန်းပေါင်း ၁၆၄ ခန်း ပါဝင်ရာ စိတ်ပါဝင်စားသူများအနေဖြင့်  မိမိကြိုက်နှစ်သက်ရာ ဈေးဆိုင်ခန်းများကို ဦးရာလူ စနစ်ဖြင့် ဝယ်ယူနိုင်မည်ဖြစ်ကြောင်း သိရသည်။

#YMG/ NN #Yangon_Times

#World_News
Published 09 July 2024

▪️ အမေရိကန်သမ္မတ ဂျိုးဘိုင်ဒင်က သမ္မတရွေးကောက်ပွဲ ထပ်မံယှဉ်ပြိုင်ရေးအတွက် စည်းရုံးရေးလုပ်ငန်းများ ဆက်လက်ပြုလုပ်သွားမယ်လို့ အခိုင်အမာ ပြောကြားလိုက်ကာ ဘိုင်ဒင်အခုလို နိုဝင်ဘာလ ၅ ရက်နေ့ရွေးကောက်ပွဲအတွက် မရမကယှဉ်ပြိုင်နေခြင်းက ယင်းတို့ပါတီအနေနဲ့ အိမ်ဖြူတော်နဲ့ ကွန်ဂရက်လွှတ်တော်တို့ကို ဆုံးရှုံးရစေနိုင်တယ်ဆိုပြီး လွှတ်တော်အဆောက်အအုံမှ ဒီမိုကရက်အချို့နဲ့ အလှူရှင်အချို့ စိုးရိမ်နေကြတာတွေကို ငြင်းပယ်လိုက်ပါတယ်။

▪️ အသက် ၈၁ နှစ်ရှိ ဘိုင်ဒင်က သူ့ရဲ့စွမ်းရည်ကို သံသယရှိတယ်လို့ ယူဆတဲ့ ကိုယ်စားလှယ်လောင်းတွေအနေနဲ့ ဩဂုတ်လမှာ ကျင်းပမယ့် ဒီမိုကရက်တစ် အမျိုးသားညီလာခံမှာ စိန်ခေါ်နိုင်တယ်လို့ ဆိုလိုက်ကာ ဒါဟာ ဘိုင်ဒင်ယခုနှစ်အတွင်း အနိုင်ရခဲ့တဲ့ ကိုယ်စားလှယ်လောင်းတွေကို ထည့်သွင်းစဉ်းစားခွင့် မပေးဘူးဆိုရင် ဖြစ်နိုင်ခွင့်မရှိတဲ့ အနေအထားပါ။

▪️ ဇွန် ၂၇ ရက်နေ့ ဒေါ်နယ်ထရမ့်နဲ့ စကားစစ်ထိုးပွဲမှာ ဘိုင်ဒင်အခြေအနေ မကောင်းခဲ့ဘဲ ပြန်လည်ကာကွယ်ဖို့ စည်းရုံးရေးဆင်းနေခဲ့ကာ ယခုရက်သတ္တပတ်များအတွင်း ဝေဖန်ခံနေရပါတယ်။

▪️ လွှတ်တော်ဒီမိုကရက်အမတ် အများအပြားက ဘိုင်ဒင်ရဲ့ အသက်အရွယ်နဲ့ စွမ်းဆောင်ရည်တွေကို ပူပန်နေကြကာ ရွေးကောက်ပွဲမှ နုတ်ထွက်ဖို့ တောင်းဆိုခဲ့ကြပါတယ်။

▪️ ဒီမိုကရက်တစ် ကိုယ်စားလှယ် အဒမ်စမစ်က ဘိုင်ဒင်အနေနဲ့ ထိုစကားစစ်ထိုးပွဲပြီးနောက်ပိုင်း တုန့်ပြန်ပုံတွေ လက်ခံနိုင်စရာ မရှိဘဲ အနားယူသင့်ပြီလို့ အပြင်းအထန် ပြောကြားလာပါတယ်။

▪️ တိုင်းပြည်မှာ အမြင့်ဆုံးတာဝန်ယူထားတဲ့သူအနေနဲ့ ဖိအားဝန်ထုပ်တွေကို ခံနိုင်ရည် ရှိရမှာဖြစ်ပြီး သမ္မတဘိုင်ဒင်ကတော့ ဒီဖိအားကို ဆက်လက်မခံယူနိုင်တော့တာ သိသာနေပါတယ်လို့ ပြောသွားပါတယ်။

▪️ ဘိုင်ဒင် သမ္မတရွေးကောက်ပွဲ ဝင်မှာနဲ့ပတ်သက်ပြီး ယခုသီတင်းပတ်အတွင်း အသေအချာ ဆွေးနွေးသွားမယ်လို့ ဒီမိုကရက် နံပါတ်-၂ အထက်လွှတ်တော်အမတ် ဒစ်ဒါဘင်က သတင်းထောက်တွေကို ပြောသွားပါတယ်။

▪️ ဘိုင်ဒင်အတွက် ဖြေရှင်းချက်တစ်မျိုးအနေဖြင့် စည်းရုံးရေးဆင်းစဉ် မဲဆန္ဒရှင်တွေရဲ့ရှေ့မှာ ဘိုင်ဒင်ကို လက်တန်းစကားတွေ ပိုမိုပြောပြခိုင်းရမယ်လို့ ဒီမိုကရက်တစ် အမတ်အချို့က ဆိုပါတယ်။

▪️ စကားရည်လုပွဲမှာ ဘိုင်ဒင်ကောင်းစွာ မငြင်းခုန်နိုင်တာဟာ အာရုံကြောရောဂါတစ်မျိုးမျိုး ခံစားနေရတာကြောင့်လားလို့ မေးခွန်းထုတ်လာကြပါတယ်။

▪️ အချို့အမတ်တွေကတော့ ဘိုင်ဒင်သမ္မတရွေးကောက်တာကို ထောက်ခံနေဆဲဖြစ်ပြီး တိုင်းပြည်မှ လူသန်းပေါင်းများစွာက မဲပေးရွေးချယ်ခဲ့ကြတာ ဖြစ်တယ်လို့ ကိုယ်စားလှယ် စတီဗင်ဟော်စ်ဖော့ဒ်က ပြောပါတယ်။

#Source: Reuters

#Local_News
ချင်းတောင် ဇူလိုင် ၈

▪️ နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချူပ်မှူးကြီးစိုးဝင်းသည် ယနေ့ဇူလိုင် ၈ရက်က တရုတ်ပြည်သူ့ သမ္မတနိုင်ငံ ချင်းတောင်မြို့ရှိ ချင်းတောင် နိုင်ငံတကာကွန်ဖရင့်စင်တာတွင်ကျင်းပသည့် ရှန်ဟိုင်းပူပေါင်းဆောင် ရွက်ရေးအဖွဲ့နိုင်ငံများ၏ စိမ်းလန်းသောဖွံ့ဖြိုးတိုးတက်မှုဖိုရမ်သို့ တက်ရောက်ကာ မိန့်ခွန်းပြောကြားခဲ့သည်။

▪️ မြန်မာနိုင်ငံအနေဖြင့် စိမ်းလန်းသောဖွံ့ဖြိုးတိုးတက်မှုများကို အမျိုးသားပတ်ဝန်းကျင်ထိန်းးသိမ်းရေးမဟာဗျူဟာ များနှင့်မူဝါဒများဖြင့် မည်ကဲ့သို့ အကောင်အထည်ဖော်နေသည်ကို ဒုတိယဝန်ကြီးချုပ်က ရှင်းလင်းပြောကြားခဲ့သည်။

▪️ မြန်မာနိုင်ငံသည် ပင်လယ်ကမ်းခြေများစွာရှိ၍ အပြာရောင်စီးပွားရေးကိုလည်း အာရုံစိုက်လုပ်ဆောင် နေကြောင်းကိုပါ သူက ထည့်သွင်းပြောကြားခဲ့သည်။

▪️ အဆိုပါဖိုရမ်ကို SCO အိမ်နီးချင်းကောင်းစိတ်ဓာတ်၊ချစ်ကြည်ရေးနှင့်ပူးပေါင်းဆောင်ရွက်ရေးကော်မရှင် GNFCC SCO (Good-Neighborliness, Friendship, and Cooperation Commission of the Shanghai Cooperation Organization) အဖွဲ့အစည်းက ကမကထပြုကျင်းပခဲ့ခြင်းဖြစ်ကာ ထိုအဖွဲ့ကြီး၏ ဥက္ကဋ္ဌ Ms. Shen Yueyue က တရုတ်သမ္မတ ရှီကျင့်ဖျင်ပေးပို့သည် ဂုဏ်ပြုသဝဏ်လွှာကိုဖတ်ကြားပြီးနောက် အဖွင့်အမှာစကား ဆက်လက် ပြောကြားခဲ့သည်။

▪️ SCO ကို နိုင်ငံတကာဆက်ဆံရေးနှင့် ဒေသတွင်းပူးပေါင်းဆောင်ရွက်ရေး အမျိုးအစားအသစ်၏ ပုံစံတစ်ခုဟု သမ္မတ ရှီက ဖော်ပြခဲ့သည်။ တရုတ်နိုင်ငံက SCO အလှည့်ကျဥက္ကဋ္ဌ တာဝန်လွှဲပြောင်းရယူပြီးကြောင်းလည်း စာထဲတွင် ဖော်ပြထားသည်။

▪️ SCO countries နိုင်ငံများမှ အကြီးတန်းနှင့်အဆင့်မြင့်အရာရှိကြီးများ၊ SCO အတွင်းရေးမှူးချုပ် Mr. Zhang Ming တို့ကလည်း အမှာစကားများပြောကြားခဲ့ကြသည်။

▪️ ဒုတိယဗိုလ်ချုပ်မှူးကြီးစိုးဝင်းသည် Ms. Shen Yueyue နှင့်အခြား နိုင်ငံများမှ အကြီးတန်းတာဝန်ရှိသူများနှင့်အတူ အခမ်းအနားမစတင်မီတွ်“ ဒေသတွင်းပူးပေါင်းဆောင်ရွက်ရေးနှင့်ဖွံ့ဖြိုးတိုးတက်ရေးမြှင့်တင် ဟူသော ခေါင်းစဉ်ဖြင့် ခင်းကျင်းပြသထားသည့် ပြခန်းကို ကြည့်ရှုခဲ့ကြောင်းသိရှိရသည်။

#ymg/knl

#Local_News
Published 09 July 2024

▪️ ပြင်သစ်-ဂျာမန် ရန်ပုံငွေဖြင့် လူငယ်ဖက်ရှင်သင်တန်းဖွင့်မည်ဖြစ်ပြီး  ဖက်ရှင်သင်တန်းအစီအစဉ် (၂)အတွက် သင်တန်းသား(၄)ဦး ထပ်မံ ခေါ်ယူမည်ဖြစ်ကြောင်းသိရသည်။

▪️ Goethe-Institut Myanmar နှင့် Institut français de Birmanie (ပြင်သစ်ယဉ်ကျေးမှုဌာန)တို့ ပူးပေါင်းပြုလုပ်သည့် ဖက်ရှင်သင်တန်းအစီအစဉ် (၂) အတွက် စတင်လျှောက်ထားနိုင်ပြီ ဖြစ်သည်ဟုဆိုသည်။

▪️ ဒီဇိုင်းပိုင်း၊ ဖန်တီးချုပ်လုပ်မှုပိုင်း၊ ချုပ်ထည်ရောင်းချမှုပိုင်းများအတွက် လိုအပ်သည့် အထောက်အပံ့များ ပေးအပ်၍ သင်တန်းပြီးစီးသည့်အခါ ကိုယ်ပိုင်အမှတ်တံဆိပ်များ တီထွင်ဖန်တီးနိုင်ရန် ရည်ရွယ်ချက်ဖြင့် သင်ကြားပို့ချပေးသွားမည် ဖြစ်ပါသည်။

 
▪️ လျှောက်ထားလိုသူများအနေဖြင့် ပညာရေးအနည်းဆုံး အခြေခံပညာအထက်တန်းအဆင့် ပြီးမြောက်သူ၊ ဖက်ရှင်ဆိုင်ရာ အခြေခံဘာသာရပ်များဖြစ်သည့် fashion design၊ garment construction နှင့် textiles တို့ကို ပြီးစီးတတ် မြောက်ထားသူ ဖြစ်ရမည်ဖြစ်သည်။

 
▪️ ယင်းအပြင် အင်္ဂလိပ်ဘာသာစကားကို Intermediate အဆင့် ကျွမ်းကျင်သူ ဖြစ်ရမည်ဖြစ်ပြီးကျား/မ Pattern Making နှင့် Sewing ၌ Intermediate အဆင့် ကျွမ်းကျင်သူ၊ ဖက်ရှင်နယ်ပယ်၌ အတွေ့အကြုံ (၃) နှစ်မှ (၄) နှစ် ရှိထားသူ ဖြစ်ရမည်ဖြစ်ကြောင်းသိရသည်။

▪️ လျှောက်ထားရမည့် ရက်မှာ၂၀၂၄ ခုနှစ်၊ ဇူလိုင်လ (၅) မှ (၁၄)ရက်အထိဖြစ်‌ပြီးလျှောက်ထားရန် အီးမေးThis email address is being protected from spambots. You need JavaScript enabled to view it. ကို လျှောက်ထားနိုင်ကြောင်း သိရသည်။

#tthl #Yangon_Times