#Local_News
Published 10 July 2024

▪️ ရန်ကုန်တိုင်းဒေသကြီး၊ ဒဂုံမြို့သစ်ဆိပ်ကမ်း၌ ဆီဘောက်ဆာယာဉ်(၁)စီး တိမ်းမှောက်မှုဖြစ်ပွားပြီး ဝရိန်ဆော်သူအမျိုးသား(၁)ဦးသေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့နှင့် ပရဟိတအသင်းများမှ သိရသည်။

▪️ ဇူလိုင် ၁၀ရက်နေ့၊ နေ့လယ် ၁နာရီ ၂၀ မိနစ်အချိန်က ရန်ကုန်တိုင်းဒေသကြီး၊ ဒဂုံမြို့သစ်ဆိပ်ကမ်းမြို့နယ်၊ ၇၇ ရပ်ကွက်၊ ပဲခူးမြစ်လမ်းတွင် ဆီဘောက်ဆာယာဉ်(၁)စီး တိမ်းမှောက်မှုဖြစ်ပွားကြောင်း သတင်းရရှိသဖြင့် ဒဂုံမြို့သစ်ဆိပ်ကမ်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ်ယာဉ်(၁)စီး၊ Foam မီးငြှိမ်းသတ်ယာဉ်(၁)စီးတို့ဖြင့် ထွက်ခွာငြိမ်းသတ်ခဲ့ကြောင်း သိရသည်။

▪️ အဆိုပါ ဆီဘောက်ဆာအားဝရိန်ဆော်ရာမှပေါက်ကွဲမှုဖြစ်ပွါးမှု ဖြစ်စဉ်ကြောင့် ဝရိန်ဆော်သူအမျိုးသား(၁)ဦး‌ေ_သဆုံးပြီး ရှင်သန်ခွင့်လူမှုကူညီရေးအသင်းယာဉ်ဖြင့် စံပြဆေးရုံသို့ ပို့ဆောင်ကူညီပေးခဲ့ကြောင်း သိရသည်။

#YMG/ NN #Yangon-Times

တရုတ်နိုင်ငံသို့ ဆန်နဲ့ ဆန်ကွဲတင်ပို့ခွင့် မှတ်ပုံတင်လျှောက်ထားလိုတဲ့  ကုမ္ပဏီအသစ်တွေ စိတ်ဝင်စားမှု EOI
အဆိုပြုလွှာတွေ လျှောက်ထားနိုင်ပြီလို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 10 July 2024
#ဆန်နှင့်ဆန်ကွဲတင်ပို့ #EOIအဆိုပြုလွှာလျှောက်ထားနိုင်
#NN #Yangon_Times

ယနေ့ကမ္ဘာ့ရွှေဈေးဟာမနေ့ကထက် (၁၁)ဒေါ်လာကျဆင်းခဲ့ပြီး မြန်မာ့ရွှေဈေးကျပ်(၁၇၀၀၀)ကျော်ကျဆင်းသွားတယ်လို့ ရန်ကုန်တိုင်းရွှေလုပ်ငန်းရှင်များအသင်းမှ သိရပါတယ်။
#Local_News
Published 10 July 2024
#ယနေ့ကမ္ဘာ့ရွှေဈေးကျ # မြန်မာ့ရွှေဈေးကျပ်(၁၇၀၀၀)ကျော်ကျ
#tthl #Yangon_Times

မြစ်ကြီးနားတက္ကသိုလ်၊ မြန်မာစာဌာနက တန်ဖိုးမဖြတ်နိုင်တဲ့ စာအုပ်တွေသောင်းချီရေနစ်မြုပ်ဆုံးရှုံးခဲ့ရပြီး ငါးပုံတစ်ပုံသာကျန်ရှိတော့လို စာအုပ်တွေ လှူဒါန်းပေးဖို့လိုအပ်နေတယ်လို့ သိရပါတယ်။
#Local_News
Published 10 July 2024
#မြစ်ကြီးနားတက္ကသိုလ် #စာကြည့်တိုက်ရေနစ်မြုပ်
#tthl #Yangon_Times

#Local_News
Published 10 July 2024

▪️ ပခုက္ကူမြို့နယ်ရှိ ဧရာဝတီမြစ်ကမ်းဘေးရှိ နေအိမ်များ ရေဝင်ရောက်ခြင်းကြောင့် ကူညီကယ်ဆယ်ရေးများလုပ်ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့မှသိရသည်။

▪️ ဇူလိုင် ၁၀ရက်နေ့၊ မနက်၉ နာရီ အချိန်ခန့်က ၊ မကွေးတိုင်းဒေသကြီး၊ ပခုက္ကူမြို့နယ်၊ အမှတ်(၁၊ ၁၀၊ ၁၄)ရပ်ကွက်၊ ကမ်းနားလမ်း၊ ဧရာဝတီမြစ်ကမ်းဘေးရှိ ရေဝင်ရောက်လျက်ရှိသော နေအိမ်များအား ပခုက္ကူမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးသင့်ပြည်သူများအား ပြောင်းရွှေ့နေရာချထားရေးလုပ်ငန်းများ ဆောင်ရွက်ခဲ့ကြောင်း သိရသည်။

#YMG/NN #Yangon_Times

#Local_News
Published 10 July 2024

▪️ လာမည့် ဇူလိုင် (၁၉) ရက်တွင် ကျရောက်မည့် (၇၇) နှစ်မြောက် အာဇာနည်နေ့အခမ်းအနားပြုလုပ်နေစဉ်အချိန်၌ ရန်ကုန်မြို့ရှိအာဇာနည်ဗိမာန်၊ ဗိုလ်ချုပ်အောင်ဆန်းနေအိမ်ပြတိုက်နှင့်အတွင်းဝန်ရုံးအနီးရှိ လမ်းအချို့ကို ခေတ္တပိတ်ကာ လမ်းပိတ်၊ လမ်းလွှဲ ဆောင်ရွက်သွားမည်ဖြစ်ရာ လမ်းပိတ်ထားစဥ်ကာလအတွင်းလမ်းလွှဲများမှမောင်းနှင်နိုင်ကြောင်း ရန်ကုန်တိုင်းဒေသကြီး အစိုးရအဖွဲ့က ထုတ်ပြန်အသိပေးထားသည်။

▪️ အဆိုပါ ထုတ်ပြန်ချက်တွင် အာဇာနည်နေ့ အခမ်းအနားကို ဗဟန်းမြို့နယ်ရှိ အာဇာနည်ဗိမာန်၌ ပြုလုပ်မည်ဖြစ်၍   နံနက် (၄) နာရီမှ အခမ်းအနားပြီးဆုံးချိန်အထိ အနောက်ရွှေဂုံတိုင်လမ်းအား ရေတာရှည်လမ်းဟောင်းမှလည်းကောင်း၊ ရွှေဂုံလမ်းအား ဓမ္မစေတီ-ရွှေဂုံလမ်းဆုံမှလည်းကောင်း၊ အာဇာနည်လမ်းအား အနောက်ရွှေဂုံတိုင်လမ်းမှ ဦးထောင်ဘိုလမ်းအထိလည်းကောင်း၊ ဦးဝိစာရလမ်းအား ဦးဝိစာရအဝိုင်းမှ ဦးဝိစာရ-ဓမ္မစေတီလမ်းဆုံအထိလည်းကောင်း လမ်းပိတ်/လမ်းလွှဲဆောင်ရွက်သွားမည်ဖြစ်ကြောင်း သိရသည်။

▪️ ထိုနည်းတူ ဗိုလ်ချုပ်အောင်ဆန်း နေအိမ်ပြတိုက်အနီးရှိ လမ်းပိုင်းကိုလည်း ဇူလိုင် (၁၉) ရက်တွင် နံနက် (၅)နာရီမှ ညနေ (၆)နာရီအတွင်း နတ်မောက်လမ်းအား ဝင်္ကဘာလမ်းဆုံမှ ဖိုးစိန်လမ်းဆုံထိလည်းကောင်း၊ ဗိုလ်ချုပ်ပြတိုက်လမ်းအား ငါးထပ်ကြီးဘုရားလမ်းဆုံနှင့် စောမဟာလမ်းဆုံမှလည်းကောင်း၊ ဗိုလ်ချိုလမ်းအား ရွှေကြက်ယက်လမ်းနှင့်ဆုံရာမှလည်းကောင်း လမ်းပိတ်/လမ်းလွှဲဆောင်ရွက်သွားမည်ဖြစ်ကြောင်း တိုင်းအစိုးရအဖွဲ့၏ ထုတ်ပြန်ချက်အရ သိရသည်။

▪️ ထို့ပြင် အလံတင်အခမ်းအနား ကျင်းပမည့် အတွင်းဝန်ရုံးအနီးရှိ လမ်းအချို့ကိုလည်း ဇူလိုင် (၁၉)ရက်တွင် နံနက် (၅) နာရီမှ ညနေ (၆) နာရီအတွင်း သိမ်ဖြူလမ်းအား ဗိုလ်ချုပ်လမ်းဆုံမှ ကုန်သည်လမ်းဆုံအထိလည်းကောင်း၊ အနော်ရထာလမ်းအား ဗိုလ်မြတ်ထွန်းလမ်းဆုံမှလည်းကောင်း၊ မဟာဗန္ဓုလလမ်းအား ပန်းဆိုးတန်းလမ်းဆုံမှလည်းကောင်း၊ ဗိုလ်အောင်ကျော်လမ်းအား ကုန်သည်လမ်းဆုံမှလည်းကောင်း လမ်းပိတ်/လမ်းလွှဲ ဆောင်ရွက်သွားမည်ဖြစ်ကြောင်း သိရသည်။

▪️ ထိုကဲ့သို့လမ်းပိုင်းများ လမ်းပိတ်/လမ်းလွှဲရှိမှုများကြောင့်ယာဉ်မောင်းများအနေဖြင့် အာဇာနည်နေ့ အခမ်းအနားကျင်းပစဉ် အခြားသင့်လျော်သည့် လမ်းများမှ မောင်းနှင်သွား လာနိုင်ကြောင်း သိရသည်။

#YMG/NN #Yangon_Times

#World_News
Published 10 July 2024

▪️ အမေရိကန်သမ္မတ ဂျိုးဘိုင်ဒင်က ယူကရိန်းကို ရုရှားကျူးကျော်မှုမှ အင်ပြည့်အားပြည့် ကာကွယ်ခုခံသွားမယ်လို့ အင်္ဂါနေ့မှာပြုလုပ်တဲ့ ဝါရှင်တန် နေတိုး(NATO)ထိပ်သီးအစည်းအဝေးမှာ ကတိပြုပြောကြားလိုက်ကာ သူဟာကမ္ဘာကို ဦးဆောင်နိုင်နေဆဲဖြစ်ကြောင်း ပြည်တွင်းနဲ့ ပြည်ပတို့မှ မဟာမိတ်များကို စင်ပေါ်ကနေ ပြသဖို့ကြိုးစားခဲ့ပါတယ်။

▪️ ဇွန် ၂၇ ရက်နေ့ စကားစစ်ထိုးပွဲမှာ စွမ်းဆောင်ရည်ကောင်း မပြနိုင်ခဲ့သဖြင့် အသက် ၈၁ နှစ်ရှိဘိုင်ဒင်ဟာ သူ့အသက်အရွယ်နဲ့ ပတ်သက်လို့ မေးခွန်းသံသယတွေကို ၁၂ ရက်ကြာအောင် တောင့်ခံခဲ့ရကာ လွှတ်တော်ရှိ နောက်လိုက်ဒီမိုကရက်အချို့နဲ့ စည်းရုံးရေးအလှူရှင်အချို့က နိုဝင်ဘာ ၅ ရက်နေ့ ရွေးကောက်ပွဲမှာ ဘိုင်ဒင်ရှုံးနိမ့်မှာကို စိုးရိမ်လာကြပါတယ်။

▪️ ရုရှားသမ္မတ ဗလာဒီမာပူတင်က ယူကရိန်းကို လက်အောက်ခံဘဝသို့ သွတ်သွင်းပြီး မြေပုံကနေ ပယ်ဖျောက်ဖို့ကိုပဲ အလိုရှိနေတာဖြစ်ကာ ယူကရိန်းဟာ ပူတင်ကို ရပ်တန့်နိုင်လိမ့်မယ်လို့ ဘိုင်ဒင်က ပြောကြားသွားပါတယ်။

▪️ စကားစစ်ထိုးပွဲနောက်ပိုင်း ဘိုင်ဒင်အနေနဲ့ အကောင်းဆုံးမိန့်ခွန်း ပြောကြားပြီး အပြောင်းအလဲဖြစ်နိုင်ဖို့ အိမ်ဖြူတော်က မျှော်လင့်နေပေမယ့် အစည်းအဝေးမှ သံတမန်အချို့ကတော့ အဆိုပါ စကားစစ်ထိုးပွဲတုန်းက စွမ်းဆောင်ရည်နိမ့်ကျခဲ့တာကို ပယ်ဖျောက်ရန် ခက်ခဲမယ်လို့ ဆိုကြပါတယ်။

▪️ အင်္ဂါနေ့က ဘိုင်ဒင်ဟာ ယုံကြည်မှုရှိပြီး ပြတ်သားခိုင်မာတဲ့ လေသံဖြင့် ပြောဆိုနိုင်ခဲ့ပြီး စကားစစ်ထိုးပွဲတုန်းကလိုမျိုး စကားလုံးတွေရှုပ်ထွေးနေတာမျိုး မရှိခဲ့ပါဘူး။

▪️ သမ္မတဟောင်း ဒေါ်နယ်ထရမ့်နဲ့ ယှဉ်ပြိုင်မှုကနေ လက်လျှော့ဖို့ တောင်းဆိုနေကြတာတွေကို ဘိုင်ဒင်က ငြင်းဆန်လိုက်ကာ ရွေးကောက်ပွဲမှာ အနိုင်ယူသွားမယ်လို့ ကြုံးဝါးသွားပါတယ်။

▪️ ဘိုင်ဒင်ဟာ သူ့ပါတီအဓိကလူတွေထံမှ ထောက်ခံမှုအများစုကို ရရှိထားဆဲဖြစ်ပါတယ်။

▪️ နေတိုးအဖွဲ့ဝင်တွေ စစ်ရေးတိုက်ခိုက်ခံရလာရင် ဘိုင်ဒင်က ကာကွယ်ပေးနိုင်မှာ မဟုတ်ဘူးလို့ ထရမ့်ကဆိုပြီး ရုရှားနဲ့စစ်ပွဲအတွင်း ယူကရိန်းကို ထောက်ပံ့ကူညီမှုပေးနေတဲ့ အတိုင်းအတာကိုလည်း မေးခွန်းထုတ်လိုက်ပါတယ်။

▪️ နေတိုးအစည်းအဝေးရဲ့ အဓိကရည်မှန်းချက်က ယူကရိန်းကို စစ်ရေးနဲ့ လူသားချင်းစာနာမှု အထောက်အပံ့တွေ ကူညီသွားဖို့ဖြစ်ကြောင်း အမေရိကန် နိုင်ငံခြားရေးဝန်ကြီး အန်တိုနီဘလင်ကန်က ပြောပါတယ်။

▪️ အစည်းအဝေးပွဲမှာ ဘိုင်ဒင်က မဟာမိတ်တွေ ပြည်တွင်းရေးတွေရဲ့ ထောက်ပံ့မှုကို စည်းရုံးဖို့ကြိုးစားခဲ့ပေမယ့် ဥရောပထိပ်သီး အရာရှိအများအပြားက ထရမ့်နိုင်ငံခြားရေးမူဝါဒအကြံပေးတစ်ဦးနဲ့ တွေ့ဆုံခဲ့ပါတယ်။

#Source: Reuters

#Local_News
Published 10 July 2024

▪️ သာကေတမြို့နယ် ၁/အနော်မာရပ်ကွက်တပ်ဖွဲ့လမ်းတွင်  ယနေ့ဇူလိုင်(၁၀)ရက်၌နေအိမ်မီးလောင်မှုဖြစ်ပွားခဲ့ကြောင်း သာကေတမြို့နယ်လူမှုကူညီရေးအဖွဲ့မှ သိရသည်။

▪️ မီးလောင်မှုဖြစ်စဉ်တွင် အသက်(၈)နှစ် ဝန်းကျင်ခန့် ကလေးတစ်ဦးအသက်ဆုံးရှုံးခဲ့သည့်အတွက် အောင်နိုင်သူလူမှုကူညီရေးအသင်းယာဥ်ဖြင့် စံပြဆေးရုံသို့ ပို့ဆောင်ကူညီခဲ့သည်ဟုဆိုသည်။

▪️ ဖြစ်စဉ်မှာ ဇူလိုင်(၁၀)ရက် မနက် 07:21 အချိန်တွင် ရန်ကုန်တိုင်းဒေသကြီး သာကေတမြို့နယ် ၁/အနော်မာရပ်ကွက် တပ်ဖွဲ့လမ်းတွင် နေအိမ်မီးလောင်မှုဖြစ်ပွားကြောင်း ၊

သာကေတမြို့နယ်လူမှုကူညီရေးအဖွဲ့မှ သာကေတမြို့နယ်မီးသတ်ဦးစီးဌာန၊အရှေ့ပိုင်းခရိုင်မီးသတ်ဦးစီးဌာနတို့နှင့် ပူးပေါင်းထွက်ခွာပြီး ရေဘောက်ဆာအကူအညီပေးခြင်း၊ Medical Cover ပေးခြင်း၊ မီးငြိမ်းသတ်ရေးလုပ်ငန်းစဉ်များတွင် ဝိုင်းဝန်းကူညီပေးခြင်း စသည်တို့အား ကူညီဆောင်ရွက်ပေးခဲ့ကြောင်း 07:24 အချိန် မီးထိန်းပြီး 07:25 အချိန် မီးငြိမ်းကြောင်း သာကေတမြို့နယ်လူမှုကူညီရေးအဖွဲ့၏ ထုတ်ပြန်ချက်အရ သိရသည်။

#tthl #Yangon_Times

#World_Health
Published 10 July 2024

▪️ ဒီမန်ရှာရောဂါဆိုတာဟာ နေ့စဉ်နေထိုင်မှုဘဝကိုပါ ထိခိုက်စေသည်အထိ ဦးနှောက်လုပ်ဆောင်ချက်တွေ ကျဆင်းလာတဲ့ လက္ခဏာတွေ ဖြစ်ပါတယ်။

▪️ ထိုထဲမှာ မှတ်ဉာဏ်ပျောက်ဆုံးခြင်း၊ စဉ်းစားခြင်း ပြဿနာဖြေရှင်းခြင်း ပြောဆိုခြင်းတို့မှာ အခက်အခဲဖြစ်လာခြင်း၊ စိတ်အခြေအနေနဲ့ အပြုအမူ ပြောင်းလဲခြင်းတို့ ပါဝင်ပါတယ်။
ဒီရောဂါဟာ အသက်အရွယ်၊ မျိုးဗီဇတို့ကြောင့် ဖြစ်တတ်ပြီး အချို့သော အစားအစာများဖြင့် ဖြစ်နိုင်ခြေကို လျှော့ချနိုင်ပါတယ်။

(၁) အစိမ်းရောင်ဟင်းရွက်များ
▪️ ကိုက်လံ၊ ဟင်းနုနွယ်၊ မုန်ညင်းစိမ်းတို့လို အစိမ်းရောင်ဟင်းရွက်တွေမှာ ဗိုက်တာမင်-ကေ၊ အီး၊ ဖောလိတ်၊ ဓာတ်တိုးဆန့်ကျင်ပစ္စည်းများ ကြွယ်ဝစွာပါဝင်ကာ ဦးနှောက်ထဲက ရောင်ရမ်းဓာတ်တိုးခြင်းကို လျှော့ချပေးပါတယ်။

(၂) ဘယ်ရီသီးများ
▪️ ဘလူးဘယ်ရီ၊ စတော်ဘယ်ရီ၊ ဘလက်ဘယ်ရီတို့ဟာ ဓာတ်တိုးဆန့်ကျင်ပစ္စည်း ကြွယ်ဝပြီး ဦးနှောက်ဆဲလ်များ ပျက်စီးခြင်းမှ ကာကွယ်ပေးပါတယ်။

(၃) အခွံမာသီးများ
▪️ ယင်းတို့မှာ ကျန်းမာရေးနဲ့ ညီညွတ်တဲ့အဆီများ၊ ဓာတ်တိုးဆန့်ကျင်ပစ္စည်းများ၊ ဗိုက်တာမင်-အီးတို့ ကြွယ်ဝကာ ဦးနှောက်ကျန်းမာရေးကို အထောက်အကူ ဖြစ်စေပါတယ်။

(၄) ဖက်တီးအက်ဆစ်ပါသောငါးများ
▪️ ဆယ်လ်မွန်၊ ငါးကွမ်းရှပ်၊ ငါးသေတ္တာတို့မှာ အိုမီဂါ-၃ ဖက်တီးအက်ဆစ်များ ပါဝင်ပြီး ဦးနှောက်ကျန်းမာရေးအတွက် ကောင်းမွန်ကာ ရောင်ရမ်းခြင်းကို လျှော့ချပေးပါတယ်။

(၅) ဂျုံစပါးမျိုးများ
▪️ ဆန်ညို၊ ပေါင်မုန့်ကြမ်း၊ အုတ်ဂျုံတို့ဟာ အမျှင်ဓာတ်များ၊ ဗိုက်တာမင်များ၊ ဓာတ်တိုးဆန့်ကျင်ပစ္စည်းများ ပါဝင်ကာ သွေးတွင်းသကြားဓာတ်ကို ပုံမှန်ထိန်းသိမ်းပေးပါတယ်။

(၆) သံလွင်ဆီ
▪️ မပြည့်ဝဆီများနဲ့ ဓာတ်တိုးဆန့်ကျင်ပစ္စည်းများ ကြွယ်ဝကာ ဓာတ်တိုးဖိစီးခြင်းနဲ့ ရောင်ရမ်းခြင်းတို့ကို လျှော့ချပေးပါတယ်။

(၇) နနွင်း
▪️ နနွင်းမှာပါတဲ့ ကာကူမင်ဒြပ်ပေါင်းက ဦးနှောက်ကို ကာကွယ်ပေးနိုင်တဲ့ အစွမ်းသတ္တိများ ပါဝင်ပါတယ်။

(၈) ချောကလက်မည်း
▪️ ဖလေဗိုနွိုက်၊ ကဖင်း၊ ဓာတ်တိုးဆန့်ကျင်ပစ္စည်းများ ပါဝင်ကာ ဦးနှောက်လုပ်ဆောင်ချက် တိုးတက်စေပြီး ဦးနှောက်ချို့ယွင်းခြင်းမှ ကာကွယ်ပေးပါတယ်။

(၉) လက်ဖက်စိမ်း
▪️ သူ့မှာပါတဲ့ ဓာတ်တိုးဆန့်ကျင်ပစ္စည်းများက ဦးနှောက်လုပ်ဆောင်ချက်ကို တိုးတက်စေကာ အာရုံကြောချို့တဲ့ရောဂါ ဖြစ်နိုင်ခြေကို လျှော့ချပေးပါတယ်။

#Source: DoctorNDTV

#Local_News
Published 10 July 2024

▪️ ရန်ကုန်မြစ်၊ လှိုင်မြစ်အတွင်း သဗ္ဗာန်‌တိမ်းမှောက်ခဲ့ပြီး ရေယာဉ်ပေါ်ပါရှိသူ (၁၇)ဦးအနက် (၈)ဦးအား ကယ်ဆယ်နိုင်ခဲ့ပြီး (၉)ဦးကိုဆက်ရှာနေကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ချက်အရသိရသည်။

▪️ ထုတ်ပြန်ချက်တွင် ၁၀.၇.၂၀၂၄ ရက်နေ့၊ ၀၈ ၁၀ အချိန်ခန့်၊ ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ ဈေးကလေးရပ်ကွက်၊ ရန်ကုန်မြစ်အတွင်း၊ ဗားကရားဆိပ်ကမ်းမှ ရေမိုင်(၅)ဖာလုံခန့်အကွာတွင် သမ္ဗာန်(၁)စီးတိမ်းမှောက်မှုဖြစ်ပွားကြောင်း၊

▪️ အနောက်ပိုင်းခရိုင်မီးသတ်စခန်းမှ 191 ယာဉ်(၁)စီး၊ သူနာတင်ယာဉ်(၁)စီး၊ ကျောက်တံတားမြို့နယ်မီးသတ်စခန်းမှ သူနာတင်ယာဉ်(၁)စီး၊ အလုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ကြည့်မြင်တိုင်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ကမာရွတ်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်လျက်ရှိကြောင်း ဖော်ပြထားသည်။

▪️ လတ်တလောတွင် ရေယာဉ်ပေါ်ပါရှိသူ (၁၇)ဦးအနက် (၈)ဦးအား ကယ်ဆယ်နိုင်ခဲ့ပြီး ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

▪️ ရန်ကုန်မြစ်အတွင်း အဆိုပါရေယာဉ်ပေါ်၌ကြည့်မြင့်တိုင်တဖက်ကမ်းမှ ကျောင်းသား /သူ နှင့်လူအချို့လိုက်ပါစီးနင်းလာကြောင်း သိရသည်။

#tthl #Yangon_Times

#World_Health
Published 10 July 2024

▪️ ဆေးလိပ်သောက်ခြင်းရဲ့ ကျန်းမာရေးဆိုးကျိုးတွေကို သိရှိထားပြီးဖြစ်ကြပြီး ကင်ဆာ၊ လေဖြတ်ခြင်း၊ အဆုတ်ရောဂါများ၊ ဆီးချို၊ အသားအရေ အိုမင်းမြန်ခြင်းတို့ ပါဝင်ပါတယ်။

▪️ ယခုအခါမှာ ဩစတြီးယား အမျိုးသားတစ်ဦးကတော့ စီးကရက်စွဲလမ်းစွာ သောက်သုံးရင်း လည်ချောင်းမှာ အမျှင်ပေါက်လာတာ ဖြစ်ပါတယ်။

▪️ အသက် ၅၂ နှစ်အရွယ် အမျိုးသားဟာ ဆေးလိပ်စသောက်ပြီး ၁၇ နှစ်အကြာ ၂၀၀၇ ခုနှစ်မှာ ဆရာဝန်တွေထံ ပြသခဲ့ပါတယ်။

▪️ လည်ချောင်းကို ပြွန်ချောင်းကြည့်ရာမှာ ယခင်ခွဲစိတ်ဖူးတဲ့ လည်ချောင်းနေရာတဝိုက် ရောင်ရမ်းပြီး အမွှေးအမျှင်များစွာ ထွက်နေခဲ့ပါတယ်။

▪️ အသက် ၁၀ နှစ်အရွယ်မှာ ရေနစ်လုနီးပါး ဖြစ်ခဲ့ပြီး အသက်ပုံမှန်ရှူနိုင်ဖို့အတွက် လေပြွန်ဖောက်ခဲ့ရပါတယ်။
ဒီနောက် နားရွက်မှ အရေပြားနဲ့ အရိုးနုများယူပြီး ဒဏ်ရာကို ပိတ်ခဲ့ရပါတယ်။

▪️ နောက်ပိုငးမှာ ချောင်းဆိုးခြင်း၊ အသက်ရှူကြပ်ခြင်း၊ ဒဏ်ရာနေရာကနေ အမွှေးထွက်ခြင်းတို့ ဖြစ်ပေါ်ခဲ့ပါတယ်။
ဆရာဝန်တွေက အမျှင်တွေကို ဆွဲနုတ်ခဲ့ကြပေမယ့် အပြီးတိုင် ပျောက်ကင်းမသွားပါဘူး။

▪️ အမွှေးတွေက ဆက်လက်ရှည်ထွက်နေပြီး ၁၄ နှစ်တိုင်အောင် နှစ်စဉ်ဆေးရုံပြသနေရပါတယ်။

▪️ ၂ လက်မလောက်ရှည်တဲ့ အမွှေး ၆ ချောင်းကနေ ၉ ချောင်းလောက်က အသံအိုးကိုဖောက်ကာ ပါးစပ်ထဲထိ ရှည်ထွက်နေပြီး ဖယ်ထုတ်တဲ့အခါမှာ ပိုးသတ်ဆေးတွေ ပေးခဲ့ရပါတယ်။

▪️ ၂၀၂၂ မှာတော့ ဆေးလိပ်သောက်တာ ရပ်လိုက်ပြီး အမျှင်ထွက်တဲ့ ပြဿနာသက်သာသွားကာ အမျှင်ထွက်တဲ့ အမြစ်ကိုပါ ကုသလိုက်ပါတယ်။

▪️ နောက်ထပ်တစ်ကြိမ် ကုသရာမှာတော့ အမျှင်တွေ ပြန်ထွက်မနိုင်အောင်ပါ ဖယ်ရှားနိုင်ခဲ့ပါတယ်။

▪️ အချို့ကတော့ ဒီလိုပြဿနာဟာ ဆေးလိပ်သောက်တာကြောင့်လို့ ဆိုကြပြီး လည်ချောင်းတစ်ရှူးရောင်ရမ်းကာ ပင်မစတမ်ဆဲလ်တွေကနေ မွှေးညင်းပေါက်များအဖြစ် ပြောင်းလဲသွားကာ အမွှေးအမျှင် ထွက်လာရတယ်လို့ ဆိုပါတယ်။

#Source: New York Post

၉ ဇူလိုင် ၂၀၂၄

ရှမ်းပြည်နယ်(မြောက်ပိုင်း)ဒေသ တိုက်ပွဲဖြစ်စဉ်များနှင့်ပတ်သက်၍ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ရှင်းလင်းပြောကြားမှုများကို မီဒီယာများသို့ ပေးပို့ခဲ့ရာ အပြည့်အစုံပြန်လည်ဖော်ပြ ပေးအပ်ပါတယ်။

-ymg/knl