#World_Science
Published 20 July 2024

▪️ ပြီးခဲ့တဲ့ ရက်သတ္တပတ်က SpaceX ဒုံးပျံလွှတ်တင်မှု မအောင်မြင်ခဲ့ဘဲ ကြိုတင်လွှတ်တင်ခဲ့တဲ့ Starlink ရဲ့ ဂြိုဟ်တုအလုံး ၂၀ ဟာ ကမ္ဘာမြေသို့ ပြန်လည်ကျရောက်လာပြီး အထက်ပိုင်းလေထုထဲမှာ ဖျက်ဆီးပစ်ခဲ့ရတယ်လို့ သိပ္ပံပညာရှင်များ အတည်ပြုခဲ့ပါတယ်။

▪️ ဘာတွေဖြစ်ခဲ့လဲဆိုတာကို ပညာရှင်များ စစ်ဆေးနေကြပြီး ဒီမတိုင်ခင်အထိ ဒုံးပျံတွေကို ထိန်းသိမ်းထားဦးမှာ ဖြစ်ပါတယ်။

▪️ ကယ်လီဖိုးနီးယား ဗန်ဒင်ဘာ့ဂ်အာကာသစခန်းကနေ ဇူလိုင် ၁၁ ရက်နေ့ ည ၁၀ နာရီ ၃၅ မိနစ်အချိန်မှာ SpaceX က Falcon 9 ဒုံးပျံတစ်စင်းကို လွှတ်တင်ခဲ့ပါတယ်။

▪️ အစပိုင်းမှာတော့ ဒုံးပျံပထမအဆင့်က မျှော်မှန်းထားတဲ့အတိုင်း အောင်မြင်ခဲ့ပါတယ်။

▪️ ကမ္ဘာဂြိုဟ်နားတဝိုက် ပတ်လမ်းကြောင်းအနိမ့်တစ်နေရာမှာ သောင်တင်ခဲ့ပြီး အရည်အောက်ဆီဂျင် ယိုစိမ့်ကာ ဒုတိယအဆင့် မအောင်မြင်ခဲ့တာ ဖြစ်ပါတယ်။

▪️ ဒုံးပျံကနေ ဝန်ထုပ်တွေကို တဝက်လောက်အထိ လျှော့ချခဲ့ပေမယ့် ပတ်လမ်းကြောင်းမှာ ဆက်လက်သောင်တင်နေခဲ့ပါတယ်။

▪️ ဂြိုဟ်တုတွေဟာ ထိုအမြင့်နေရာမှာ ဆိုင်းငံ့နေခဲ့ကာ ကမ္ဘာမြေသို့ ၃ မိုင်နီးပါးလောက် ပြန်လည်ကျရောက်လာခဲ့တယ်လို့ SpaceX တာဝန်ရှိသူများက ဖော်ပြခဲ့ပါတယ်။

▪️ ဂြိုဟ်တုတွေကို ဆက်လက်မတွန်းကန်နိုင်တော့ဘဲ ကမ္ဘာ့လေထုထဲသို့ ပြန်ရောက်လာခဲ့တယ်လို့ ဆိုပါတယ်။

▪️ ကုမ္ပဏီတွေက ဂြိုဟ်တုအများစုကို ထိန်းသိမ်းထားလိုက်ပြီး လေထုထဲမှာ ဖျက်ဆီးဖို့ အမိန့်ပေးခဲ့တယ်လို့ Space News က ဖော်ပြထားပါတယ်။

#Source: WION

#World_Health
Published 20 July 2024

▪️ ကျန်းမာရေးနဲ့ ညီညွတ်စွာ နေထိုင်စားသောက်ခြင်းဖြင့် ကင်ဆာဖြစ်ပွားမှုနဲ့ ကင်ဆာကြောင့် သေဆုံးမှုများကို သိသိသာသာ လျှော့ချနိုင်တယ်လို့ အမေရိကန်ကင်ဆာ အဖွဲ့အစည်းက အကြံပြုလိုက်ပါတယ်။

▪️ စီးကရက်သောက်ခြင်းဟာ ကင်ဆာဖြစ်ပွားမှုတွေရဲ့ ၂၀ ရာခိုင်နှုန်းနီးပါးရှိပြီး ကင်ဆာကြောင့် သေဆုံးမှုတွေရဲ့ ၃၀ ရာခိုင်နှုန်း ပတ်သက်နေပါတယ်။

▪️ ၂၀၁၉ ခုနှစ်လေ့လာချကမှာ နေထိုင်စားသောက်မှုပုံစံကြောင့် ကင်ဆာဖြစ်ပွားသူ ၇ သိန်းကျော်နဲ့ သေဆုံးသူပေါင်း ၂၆၂၀၀၀ ကျော် ရှိနေပါတယ်။

▪️ ကင်ဆာဖြစ်နိုင်ခြေများစေတဲ့ ၁၀ ချက်ကို ဖော်ပြထားပါတယ်။

(၁) ဆေးလိပ်သောက်ခြင်း
▪️ စီးကရက်က ကင်ဆာဖြစ်ပွားမှုနဲ့ သေဆုံးမှုတို့ရဲ့ အဓိကအကြောင်းအရင်း ဖြစ်နေဆဲဖြစ်ပြီး ဆေးလိပ်သောက်တဲ့အကျင့်ကို ပြုပြင်ပြောင်းလဲပြီး ကျန်းမာရေးထိန်းသိမ်းနိုင်ပါတယ်။

(၂) ကိုယ်အလေးချိန်
▪️ ကင်ဆာဖြစ်ပွားခြင်းနဲ့ သေဆုံးခြင်းတို့ရဲ့ ၇ - ၈ ရာခိုင်နှုန်းလောက်က ကိုယ်အလေးချိန် များလွန်းတာနဲ့ ဆက်စပ်နေတယ်လို့ ခန့်မှန်းထားကြပါတယ်။

(၃) အရက်သေစာ
▪️ အရက်သောက်ခြင်းကြောင့် ကင်ဆာဖြစ်ပွားမှုနှုန်း အမျိုးသားတွေမှာ ၅.၄ ရာခိုင်နှုန်းနဲ့ အမျိုးသမီးတွေမှာ ၄.၁ ရာခိုင်နှုန်း ပတ်သက်နေပါတယ်။

(၄) စားသောက်မှုပုံစံလွဲမှားခြင်း
▪️ အသီးအနှံနဲ့ ဟင်းရွက်များ စားသုံးမှုနည်းပါးခြင်းက ကင်ဆာဖြစ်ပွားမှု များစေပါတယ်။

(၅) လေ့ကျင့်ခန်းမလုပ်ခြင်း
▪️ ကိုယ်အလေးချိန်များခြင်း၊ အရက်သေစာ သောက်သုံးခြင်း၊ ကိုယ်လက်လှုပ်ရှားမှု မရှိခြင်းတို့က ကင်ဆာဖြစ်ပွားမှု အများဆုံးဖြစ်နေပါတယ်။

(၆) ကင်ဆာစစ်ဆေးမှုမလုပ်ခြင်း
▪️ ကင်ဆာကို ပုံမှန်စစ်ဆေးမှု မပြုလုပ်တဲ့အခါ ကင်ဆာစတင်ဖြစ်ပွားနေမှန်း မသိဘဲ ကင်ဆာဖြစ်မှုနှုန်း မြင့်မားစေပါတယ်။

(၇) နေရောင်ထိတွေ့မှုများခြင်း
▪️ အရေပြားကင်ဆာဖြစ်ပွားမှု ၉၃ ရာခိုင်နှုန်းနီးပါးက ခရမ်းလွန်ရောင်ခြည် ထိတွေ့မှုကြောင့် ဖြစ်ပြီး နေရောင်ကာလိမ်းခြင်း၊ လုံခြုံစွာ ဝတ်ဆင်ခြင်း၊ နေကာမျက်မှန်တပ်ခြင်းတို့ဖြင့် ကာကွယ်နိုင်ပါတယ်။

(၈) ရောဂါကူးစက်မှု
▪️ HPV ကူးစက်မှုက ကင်ဆာဖြစ်ပွားမှုတွေရဲ့ ၁.၈ ရာခိုင်နှုန်းနဲ့ သေဆုံးမှုရဲ့ ၁.၂ ရာခိုင်နှုန်းရှိနေပါတယ်။

#Source: India Today

တရုတ်တွင်နေထိုင်သည့် အမေရိကန်ပရော်ဖက်ဆာ တရုတ်ပြည်တွင်နိုင်ငံခြားသားများ နေထိုင်ခွင့်ပိုမိုရရှိရန်ကြိုးပမ်း

အမေရိကန်ကနေ ပြောင်းရွှေ့လာကာ တရုတ်မှာ နေထိုင်တာ ၁၉ နှစ်ရှိပြီဖြစ်တဲ့ ပရော်ဖက်ဆာ မာ့ခ်လဗင်းဟာ တရုတ်ပြည်မှာနေထိုင်ရတဲ့ ဘဝအကြောင်းကို လက်ဦးဖော်ပြထားပြီး နိုင်ငံခြားသားများ အခြေချနေထိုင်ခွင့် ပိုမိုရရှိဖို့ ကြိုးပမ်းနေပါတယ်။
#World_News
Published 19 July 2024
#အမေရိကန်ပရော်ဖက်ဆာ #နေထိုင်ခွင့်ပိုမိုရရှိရန်ကြိုးပမ်း
#YMG #Yangon_Times #Yangon_Media_Group

#Daily_News
Published 19 July 2024

၁။ အာဇာနည်နေ့ လာရောက်ဂါဝရပြုသူများအတွက် ကျန်းမာရေးစောင့်ရှောက်မှု Medical Cover များပေးထား

၂။ ဇွန်လအတွင်း ကန်ဒေါ်လာသန်း ၈၀ ကျော်တန်ဖိုးရှိသည့် ဆန်နှင့်ဆန်ကွဲ တန်ချိန်တစ်သိန်းခြောက်သောင်းကျော်တင်ပို့

၃။ ရန်ကုန်တိုင်းရှိတိုက်ကြီးနှင့် မှော်ဘီတွင်လှိုင်မြစ်၊ ဘောလယ်မြစ်ရေများကြီးနေ

၄။ တရုတ်တွင်နေထိုင်သည့် အမေရိကန်ပရော်ဖက်ဆာ တရုတ်ပြည်တွင်နိုင်ငံခြားသားများနေထိုင်ခွင့်ပိုမိုရရှိရန်ကြိုးပမ်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်တိုင်းရှိတိုက်ကြီးနဲ့မှော်ဘီမှာလှိုင်မြစ်၊ ဘောလယ်မြစ်ရေဟာစိုးရိမ်ရေအမှတ်‌ ကျော်နေပြီး မြစ်နားကမ်းနားနေသူတွေ၊ သက်ကြီးရွယ်အိုနဲ့ကလေး‌တွေကို ရေဘေးမသင့်အောင်ကူညီရွှေ့ပြောင်းပေးနေတယ်လို့ သိရပါတယ်။
#Local_News
Published 19 July 2024
#ဘောလယ်မြစ်ရေကြီးနေ #စိုးရိမ်ရေအမှတ်‌ကျော်
#YMG/tthl #Yangon_Times

၂၀၂၄-၂၀၂၄ ဘဏ္ဍာနှစ် ဇွန်လအတွင်း ကန်ဒေါ်လာသန်း၈၀ ကျော်တန်ဖိုးရှိသည့် ဆန်နှင့်ဆန်ကွဲ တန်ချိန်တစ်သိန်းခြောက်သောင်းကျော် တင်ပို့ထားတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 19 July 2024
#ဆန်နှင့်ဆန်ကွဲတင်ပို့ #မြန်မာနိုင်ငံဆန်စပါးအသင်းချုပ်
#YMG/NN #Yangon_Times

၁၉ ဇူလိုင် ၂၀၂၄

ကမ္ဘာအနှံ့ မိုက်ခရိုဆော့ဖ် ပြတ်တောက်မှုကြီးဖြစ်ပွားခဲ့လို့  ကမ္ဘာတစ်လွှားရှိ လေယာဉ်ခရီးစဉ်တွေ၊ဘဏ်တွေ၊မီဒီယာလုပ်ငန်း  တွေနှင့် ကုမ္ပဏီ တွေ လုပ်ငန်းတွေရပ်တန့်မှုကြုံတွေ့နေရပါတယ်။

မိုက်ခရိုဆော့ ရဲ့ Microsoft 365 အက်ပလီကေးရှင်းနှင့်ယင်းရဲ့ လုပ်ငန်းတွေဝင်ရောက်ဆောင်ရွက်တဲ့အပေါ် အကျိုးသက်ရောက်နေတဲ့အပေါ် တဖြည်းဖြည်းချင်းပြန်လည်ပြုပြင်နေပြီးလို့ ကုမ္ပဏီက ကြေညာခဲ့ပေမယ့် ပြတ်တောက်မှု တွေကတော့ နာရီများစွာ ဆက်လက်ဖြစ်ပေါ်နေဆဲဖြစ်ပါတယ်။

Visa၊ ADT security ၊ Amazonနှင့် အမေရိကန်လေကြောင်းလိုင်းနှင့် ဒဲလ်တာလေကြောင်းလိုင်းအပါအဝင် လေကြောင်းလိုင်းတွေမှာ  ပြတ်တောက်မှုကျယ်ပြန့်လာနေတယ်လို့ DownDectector ဝက်ဘ်ဆိုက်က ထောက်လှမ်း ဖော်  ထုတ်ထားပါတယ်။

ဩစတြေလျနိုင်ငံမှာ လေကြောင်းလိုင်းတွေ၊ ဆက်သွယ်ရေးလုပ်ငန်းတွေနှင့်ဘဏ်တွေ ပြီးတော့ အသံလွှင့်လုပ်ငန်းတွေဟာ ကွန်ပျူတာစနစ်ထဲ ဝင်ရောက်လို့မရတဲ့အတွက် အလုပ်တွေပြတ်တောက်နေပြီး နယူးဇီလန်မှာလည်း ဘဏ်တွေ အွန်လိုင်း ဝင်မရဖြစ်နေတယ်လို့ မီဒီယာတွေက သတင်းရေးသားပါတယ်။

မိုက်ခရိုဆော့ဖ်က ပြန်တောက်မှုဘာကြောင့်ဖြစ်ရတယ်ဆိုတာကို မဖြေရှင်းထားသေးပါဘူး။

လက်ရှိအခြေအနေမှာတော့ လေကြောင်းလိုင်းနှင့်လေဆိပ်တွေမှာ စနစ်ပြတ်တောက်မှုတွေပိုမိုများပြားလာနေပါတယ်။

အမေရိကန်မှာ ယူနိုက်တက်၊အမေရိကန်၊ဒဲလ်တာနှင့် အလီဂျိုင်းယန့်လေကြောင်းလိုင်းလေယာဉ်တွေအားလုံး မြေချထား ရပါတယ်။

ဗြိတိန်မှာ လေကြောင်းလိုင်းတွေ၊ရထားခရီးစဉ်တွေနှင့်ရုပ်မြင်သံကြားဌာနတွေမှာ ကွန်ပျူတာပြဿနာကြောင့် အလုပ်တွေ ပြတ်တောက်နေပါတယ်။

ဥရောပနှင့်ဂျာမနီနိုင်ငံတွေမှာလည်း အလားတူအခြေအနေတွေနှင့်ကြုံတွေ့နေရပါတယ်။

ဈေးဝယ်သူတွေဟာလည်း ဘဏ်ကတ်တွေနှင့်ငွေချေလို့မရဖြစ်နေပါတယ်။နယူးဇီလန်က ဘဏ်ကြီးနှစ်ဘဏ်ဖြစ်တဲ့ ASB နှင့် Kiwibankတွေ ရဲ့ဝန်ဆောင်မှုတွေရပ်သွားနေကြောင်းလည်းသိရှိရပါတယ်။

Source AP

အာဇာနည်နေ့ လာရောက်ဂါဝရပြုသူတွေထဲမှာ အဆုတ်အားနည်းသူတွေ၊ သက်ကြီးရွယ်အိုတွေဟာ ရုတ်တရတ်ခေါင်းမူးတာ၊ မူးလဲတာတွေဖြစ်ပေါ်နိုင်လို့ medical coverအနေနဲ့ အောက်ဆီဂျင်ပါရှိတဲ့ လူနာတင်ယာဉ်တွေထားရှိပေးထားတယ်လို့ ရန်ကုန်တိုင်းရှိလူမှုကူညီရေးအဖွဲ့များထံမှ သိရပါတယ်။
#Local_News
Published 19 July 2024
#အာဇာနည်နေ့ #ကျန်းမာရေးစောင့်ရှောက်မှု
#tthl #Yangon_Times

၁၉ ဇူလိုင် ၂၀၂၄

တရုတ်နိုင်ငံနှင့်လာအိုနိုင်ငံတို့ဟာ ပြီးခဲ့တဲ့ ဇူလိုင်၁၆ ရက်အင်္ဂါနေ့က ပူးတွဲ  စစ်ရေး  လေ့ကျင့်ခဲ့ကြပါတယ်။ လာအိုပြည်သူ့တပ်မတော် ကွမ်မက်ဒမ်စစ်တက္ကသိုလ်ရဲ့လေ့ကျင့်ရေး ကွင်းထဲမှာ နှစ်နိုင်ငံ တပ်တွေဟာ ဂြိုဟ်တုဓါတ်ပုံတွေနှင့် အခြား အထောက်အကူပြုပစ္စည်းတွေကို အသုံးပြုပြီး အလုံးစုံအစီအစဉ်ရေးဆွဲခြင်း၊တပ်များနေရာယူခြင်းနှင့် စစ်ဆင်ရေးတွေကို လေ့ကျင့်ခဲ့ကြတယ်လို့ သိရပါတယ်။

Source CCTV+

#Local_News
Published 19 July 2024

▪️ Taxi ယာဉ်၊ ကျောင်းကားနဲ့  ၂ တန်နှင့်အထက် အငှားယာဉ်များ အားလုံးသက်တမ်းတိုးရာတွင် ယာဉ်စစ်ဆေးခြင်းကို လာမည့် ဇူလိုင် ၂၂ ရက်မှစတင်၍ ပြန်လည်ဆောင်ရွက်သွားမည်ဖြစ်ကြောင်း ကုန်လမ်းပို့ဆောင်ရေး ညွှန်ကြားမှုဦးစီးဌာန(ကညန)၏ ထုတ်ပြန်ချက်အရ သိရသည်။

▪️ ကုန်းလမ်းပို့ဆောင်ရေးညွှန်ကြားမှုဦးစီးဌာနအနေဖြင့် Road Safety ဖြစ်စေရေး အရေးကြီးသည့် အများပြည်သူ သယ်ယူပို့ဆောင်ရေး ခရီးသည်တင်ယာဉ်များ၊ ယာဉ်မှန်/မမှန်စစ်ဆေးခြင်း၊ ပြောင်းလဲခြင်းများအတွက် ယာဉ်စစ်ဆေးခြင်း၊ နယ်ဝင်ယာဉ်များကို စစ်ဆေးခြင်းနှင့် အကျုံးဝင်သည့် ယာဉ်များကို ယာဉ်စစ်ဆေး၍ အခြားမော်တော်ယာဉ်နှင့် မော်တော်ဆိုင်ကယ်အားလုံးကို ယာဉ်စစ်ဆေးခြင်းမပြုဘဲ နှစ်လဲသက်တမ်းတိုးလုပ်ငန်းများ ဆောင်ရွက်ပေးလျက်ရှိ‌ ကြောင်းသိရသည်။

▪️ ယခုအခါ ၂၀၂၄ ခုနှစ်၊ ဇူလိုင်လ ၂၂ ရက်မှစ၍ အထက်ဖော်ပြပါ ယာဉ်စစ်ဆေးသည့်ယာဉ်များအပြင် Taxi ယာဉ်များအားလုံး၊ School Bus ယာဉ်များအားလုံး၊ ၂ တန်နှင့်အထက် အငှားယာဉ်များအားလုံး သက်တမ်းတိုး မှတ်ပုံတင်လုပ်ငန်းများ ဆောင်ရွက်ရာတွင် ယာဉ်စစ်ဆေးခြင်းကို ပြန်လည်ဆောင်ရွက်သွားမည်ဖြစ်ကြောင်း အသိပေးကြေညာထားသည်။

▪️ ထို့အပြင် သက်တမ်းတိုးခြင်းအတွက် ခရီးလွန်ယာဉ်စစ်ဆေးခြင်းတွင် ရန်ကုန်တိုင်းဒေသကြီးအတွင်းရှိ ရုံးများ၊ မန္တလေးတိုင်းဒေသကြီးအတွင်းရှိ ခရိုင်ရုံး (မန္တလေးတောင်ပိုင်း)နှင့် (မန္တလေးမြောက်ပိုင်း) ရုံးများမှအပ ကျန်ရုံးများအားလုံးတွင် ယာဉ်ပြန်လည်စစ်ဆေးရမည့်ယာဉ်များအနက် သက်တမ်းတိုးယာဉ်များအတွက် ခရီးလွန်ယာဉ်စစ်ဆေးခြင်းအား ဆောင်ရွက်ခွင့်ပြုသွားမည်ဖြစ်‌ ကြောင်းသိရသည်။

▪️ လွိုင်ကော်၊ လားရှိုး၊ ကျောက်မဲ၊ မူဆယ်နှင့် ကော့ကရိတ်ရုံးများတွင် အခြားရုံးများမှ ယာဉ်များအား ခရီးလွန်ယာဉ်စစ်ဆေးခြင်းနှင့် ၎င်းရုံးများ၏ မှတ်ပုံတင်ယာဉ်များအား အခြားရုံးများ၌ ခရီးလွန်ယာဉ်စစ်ဆေးခြင်းတို့အား ဆောင်ရွက်ခွင့်မပြုကြောင်း ထုတ်ပြန်ချက်၌ဖော်ပြထားသည်။

▪️ ကိုယ်ပိုင်လူစီးမော်တော်ယာဉ်များ၊ ၂ တန်အောက်လုပ်ငန်းသုံးယာဉ်များ၊ မော်တော်ဆိုင်ကယ်များ၊ သုံးဘီးဆိုင်ကယ်နှင့် ထရော်လာဂျီယာဉ်များအားလုံးကို ၂၀၂၄ ခုနှစ်၊ စက်တင်ဘာ ၃၀ ရက်ထိ ယာဉ်စစ်ဆေးခြင်း မပြုဘဲမှတ်တမ်းနှင့် တိုက်ဆိုင်စိစစ်၍ ယာဉ်စစ်ဆေးခြင်းကင်းလွတ်ဖြင့် ဆက်လက်သက်တမ်းတိုး ဆောင်ရွက်ပေးသွားမည်ဖြစ်‌ ကြောင်း၊မော်တော်ဆိုင်ကယ်၊ သုံးဘီးဆိုင်ကယ်နှင့် ထရော်လာဂျီယာဉ်များ နယ်ဝင်/ နယ်ထွက် မှတ်ပုံတင်လုပ်ငန်း ဆောင်ရွက်ခြင်းများကို ယာဉ်စစ်ဆေးခြင်းကင်းလွတ်ဖြင့် ဆက်လက်ဆောင်ရွက်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 19 July 2024

▪️ အာဆီယံချန်ပီယံရှစ်ပြိုင်ပွဲတွင် မြန်မာယူ-၁၉ အသင်းသည် ဗီယက်နမ်ယူ-၁၉အသင်းနှင့် ဇူလိုင် (၁၈)ရက်တွင် ပွဲဦးထွက်ယှဉ်ပြိုင်ခဲ့ပြီး(၁)ဂိုး-(၁)ဂိုး သရေရလဒ်ရလဒ်ရခဲ့ကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။

▪️ မြန်မာအသင်းသည် အသင်းကြီးများဖြင့် တစ်အုပ်စုတည်းကျခဲ့ပြီး ပွဲကြပ်ခဲ့‌ပေမည့် တစ်ဂိုးစီနှင့် သရေရခဲ့ကြောင်းနှင့် Myanmar အတွက်Phyo Pyae Sone (59') နှင့်Vietnamအတွက်  Hong Quang Dung (68')တို့မှ တစ်ဂိုးစီသွင်းခဲ့သည် ဟုဆိုသည်။

▪️ အာဆီယံချန်ပီယံရှစ်ပြိုင်ပွဲဝင်ရန် မြန်မာယူ-၁၉ အသင်းဟာအာဆီယံချန်ပီယံရှစ်ပြိုင်ပွဲ2024 AFF U-19 Boys Championship ပြိုင်ပွဲကျင်းပမည့်အင်ဒိုနီးရှားနိုင်ငံ၊ ဆူရာဘာယားမြို့၌ ယှဉ်ပြိုင်ကစားရမည်ဖြစ်ကြောင်း သိရသည်။

#tthl #Yangon_Times

#World_News
Published 19 July 2024

▪️ ဘင်္ဂလားဒေ့ရှ်မှာ အရပ်ဘက်အစိုးရအမှုထမ်း ခန့်ထားရေးစည်းမျဉ်းများကို ဆန့်ကျင်တဲ့အနေနဲ့ ဆန္ဒပြမှုများ ပိုမိုပြုလုပ်လာကြပြီး ကျောင်းသားတွေက နိုင်ငံပိုင်ရုပ်သံလွှင့်ဌာနကို ကြာသပတေးနေ့က မီးရှို့ခဲ့ကြပါတယ်။

▪️ ဆန္ဒပြမှုများကြောင့် အနည်းဆုံးလူ ၃၉ ဦးသေဆုံးကာ အာဏာပိုင်တွေက အင်တာနက် လုံးဝပြတ်တောက်လုနီးပါးဖြစ်အောင် ကန့်သတ်လိုက်ပါတယ်။

▪️ ပြန်လည်ခုခံတိုက်ခိုက်တဲ့ ဆန္ဒပြသူအများအပြားနဲ့ မြို့တော်ဒါကာရှိ ဘင်္ဂလားဒေ့ရှ်ရုပ်သံ(BTV)ရုံးချုပ်သို့ ထွက်ပြေးလာတဲ့ အရာရှိများနောက် လိုက်လာတဲ့သူများကို ရဲတွေက ရော်ဘာကျည်ဆံများဖြင့် ပစ်ခတ်ခဲ့ပါတယ်။

▪️ ဆန္ဒပြသူများက ရုပ်သံလွှင့်ဌာန အဆောက်အအုံနဲ့ အပြင်မှာ ရပ်ထားတဲ့ကားတွေကို မီးရှို့ခဲ့ကြကာ ဝန်ထမ်းတွေကတော့ အဆောက်အအုံကနေ ဘေးကင်းစွာ ထွက်ပြေးနိုင်ခဲ့တယ်လို့ ဌာနအမှုဆောင်တစ်ဦးက AFP ကိုပြောကြားခဲ့ပါတယ်။

▪️ ထိုနေ့မတိုင်ခင်က ဝန်ကြီးချုပ် ရှိတ်ခ်ဟာဆီနာက ခိုက်ရန်ဖြစ်ပွားမှုများကို လျှော့ချထိန်းသိမ်းဖို့ နိုင်ငံတော်မိန့်ခွန်း ပြောကြားခဲ့ပါသေးတယ်။

▪️ အသက် ၁၈ နှစ်ရှိ ဆန္ဒပြသူ ဘီဒီရှာရင်မ်ဂျင်မ်က 'ပထမဆုံးဖြစ်ချင်တာက ဝန်ကြီးချုပ်အနေနဲ့ တောင်းပန်ရမှာဖြစ်ပြီး နောက်တစ်ချက်က အသတ်ခံရတဲ့ ညီအစ်ကိုမောင်နှမတွေအတွက် တရားမျှတအောင် လုပ်ပေးရမယ်'လို့ AFP ကိုပြောပြပါတယ်။

▪️ ဆန္ဒပြမှုများရဲ့ အဓိကဆက်သွယ်ရေးကဏ္ဍဖြစ်တဲ့ ဆိုရှယ်မီဒီယာများနဲ့ မိုဘိုင်းအင်တာနက်များကို ကန့်သတ်ထိန်းချုပ်ခဲ့ကြတယ်လို့ အင်တာနက်ပြတ်တောက်မှု စောင့်ကြည့်ရေးအဖွဲ့ NetBlocks က ပြောပါတယ်။

▪️ ၁၉၇၁ ပါကစ္စတန်နဲ့ တိုက်ခိုက်တဲ့ လွတ်မြောက်ရေးစစ်ပွဲမှာ ပါဝင်ခဲ့တဲ့ စစ်မှုထမ်းဟောင်းတွေရဲ့ ကလေးတွေ အပါအဝင် အချို့သောသူတွေအတွက် အရပ်ဘက်အမှုထမ်းနေရာ တဝက်ကျော်သတ်မှတ်ထားတဲ့ ခွဲတမ်းစနစ် အဆုံးသတ်ရေး အလိုရှိကြောင်း ယခုလအတွင်း နေ့စဉ်နီးပါး ဆန္ဒထုတ်ဖော်နေကြတာ ဖြစ်ပါတယ်။

▪️ ထိုစနစ်ဟာ အစိုးရလိုလားပြီး ထောက်ခံတဲ့ သူတွေအတွက်သာ အခွင့်ထူးရစေတယ်လို့ ဝေဖန်သုံးသပ်သူများက ဆိုပါတယ်။

▪️ အသက် ၇၆ နှစ်ရှိ ဟာဆီနာက ၂၀၀၉ ခုနှစ်ကတည်းက ဘင်္ဂလားဒေ့ရှ်ကို အုပ်ချုပ်နေပြီး ဇန်နဝါရီလကလည်း ၄ ကြိမ်ဆက်တိုက် ရွေးကောက်ပွဲအနိုင်ရခဲ့ပါတယ်။

▪️ ဟာဆီနာအစိုးရက အာဏာဆက်လက် ထိန်းချုပ်နိုင်ရန် အခြေခံဥပဒေများကို အလွဲသုံးစားလုပ်ခြင်း၊ အစိုးရအတိုက်အခံ လှုပ်ရှားသူများကို ဥပဒေပြင်ပ သတ်ဖြတ်ခြင်းအပါအဝင် သဘောထားကွဲလွဲမှုများကို သုတ်သင်ခြင်းများ ပြုလုပ်တယ်ဆိုပြီး အခွင့်အရေးစောင့်ကြည့်ရေးအဖွဲ့များ စွပ်စွဲနေကြပါတယ်။

▪️ ကျောင်းသားတွေက တိုင်းပြည်ရဲ့ ချုပ်ချယ်မှုစနစ်ကြီးကို ဆန့်ကျင်နေကြတာဖြစ်ပြီး ဟာဆီနာကို အာဏာရှင်လို့ပင် ခေါ်ဝေါ်နေကြကြောင်း နော်ဝေးရှိ အော့စလိုတက္ကသိုလ်မှ ဘင်္ဂလားဒေ့ရှ်ကျွမ်းကျင်သူ မူဘာရှာဟာဆန်က ပြောသွားပါတယ်။

▪️ ဟာဆီနာက အခြေအနေများကို ထိန်းသိမ်းကြဖို့ BTV ကနေ ပြောကြားခဲ့ပေမယ့် ရဲတွေက ရော်ဘာကျည်များ၊ မျက်ရည်ယိုဗုံးများဖြင့် ဆန္ဒပြသူများကို ထပ်မံဖြိုခွဲခဲ့ကြပါတယ်။

▪️ ကြာသပတေးနေ့အထိ အနည်းဆုံးလူ ၃၂ ဦးသေဆုံးကာ ၅ ဦးက သေနတ်ဒဏ်ရာများ ရခဲ့တယ်လို့ ဒါကာ ဥတ္တရာခရက်ဆန့်ဆေးရုံမှ အရာရှိတစ်ဦးက ပြောပါတယ်။

▪️ တိုက်ခိုက်မှုများကြောင့် ဆေးရုံတက်ကုသနေရသူပေါင်း ၁ ထောင်နီးပါးရှိနေပါတယ်။

▪️ ဒါကာတိုင်းမ်စ် သတင်းဌာနမှ သတင်းထောက် မက်ဟယ်ဒီဟာဆန်ဟာ တိုက်ခိုက်မှုများအတွင်း သေဆုံးသွားခဲ့တယ်လို့ သိရပါတယ်။

▪️ ဆန္ဒပြသူတွေက နိုင်ငံတော်ကပ်ဘေး ထိန်းသိမ်းရေးဌာနဝင်ပေါက်ရှိ ကားတွေကိုလည်း မီးရှို့ခဲ့ပါတယ်။

▪️ အကြမ်းဖက်မှုတွေက ပြဿနာဖြေရှင်းရာမရောက်ဘူးလို့ ကုလသမဂ္ဂ ပြောရေးဆိုခွင့်ရှိသူ စတီဖင်ဒူဂျာရစ်က ဆိုလိုက်ကာ နှစ်ဖက်စလုံးအနေဖြင့် ထိန်းသိမ်းအလျှော့ပေးကြဖို့ တောင်းဆိုလိုက်ပါတယ်။

#Source: France 24