ဆေးကုမ္ပဏီတွေကနေပြည်သူတွေ လိုအပ်နေတဲ့ဆေးဝါးတွေကို တိုက်ရိုက်ရောင်းချပေးမှု ဒီကနေ့ ရန်ကုန်မြို့မှာစတင်‌ ရောင်းချပေးနေပြီလို့ မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်း (MCCPMD) ကနေ ထုတ်ပြန်လာပါတယ်။
“ဆေးကုမ္ပဏီများမှ သုံးစွဲသူပြည်သူများသို့ ဆေးဝါးများ တိုက်ရိုက်ရောင်းချပွဲ”ကို ရန်ကုန်မြို့၊ ကုန်သည်လမ်းနှင့် လမ်း ၃၀ ထောင့်မှာရှိတဲ့ မြန်မာကုန်သွယ်မှုမြှင့်တင်ရေးဌာန အဆောက်အဦးမှာ ဒီကနေ့ ဇူလိုင်လ ၁၇ ရက်ကစပြီး ပြုလုပ်သွားမှာပါ။
#Local_News
Published 17 July 2024
#ဆေးပစ္စည်းလုပ်ငန်းရှင်များ #တိုက်ရိုက်ရောင်းချမှုစတင်
#NN #Yangon_Times

#World_News
Published 17 July 2024

▪️ ဘန်ကောက်မြို့ရှိ အထက်တန်းစားဟိုတယ်တစ်ခုမှ အခန်းတစ်ခန်းထဲမှာ အင်္ဂါနေ့က နိုင်ငံခြားသားလူမျိုး ၆ ဦးရဲ့ အလောင်းတွေကို တွေ့ရှိပြီးနောက် ထိုင်းရဲတပ်ဖွဲ့က စုံစမ်းစစ်ဆေးမှုများ ပြုလုပ်နေပြီး ထိုဖြစ်ရပ်နဲ့ ဆက်စပ်နေတဲ့ ၇ ယောက်မြောက်ပုဂ္ဂိုလ်ကို ရှာဖွေနေပါတယ်။

▪️ ၆ ဦးစလုံးဟာ ဗီယက်နမ်လူမျိုးများဖြစ်ပြီး ၂ ဦးကတော့ အမေရိကန် နိုင်ငံကူးလက်မှတ် ကိုင်ဆောင်ထားတာဖြစ်ကာ စနေနေ့နဲ့ တနင်္ဂနွေနေ့တို့မှာ ဘန်ကောက်ကို ရောက်ရှိလာကြပြီး ဂရန်းဟျက်အီရာဝမ်ဟိုတယ်မှာ မတူညီတဲ့အချိန် ၂ ချိန်အတွင်း တည်းခိုရန်စာရင်းပေးခဲ့ကြကြောင်း ရဲအရာရှိ ထီတီဆောင်ဆာဝမ်က သတင်းထောက်တွေကို ပြောကြားပါတယ်။

▪️ အမျိုးသား ၃ ဦးနဲ့ အမျိုးသမီး ၃ ဦးပါတဲ့ အဖွဲ့ဟာ အခန်းတွေခွဲပြီး စာရင်းပေးခဲ့ကြပေမယ့် အလောင်းတွေကိုတော့ တစ်ခန်းတည်းမှာသာ တွေ့ရှိခဲ့တာဖြစ်ပြီး ရုန်းရင်းဆန်ခတ်ဖြစ်တဲ့ အရိပ်အယောင်မျိုး မတွေ့ရဘူးလို့ ပြောပါတယ်။

▪️ ကိုယ့်ဘာသာ လုပ်ကြံတာမျိုးမဟုတ်ဘဲ တစ်စုံတစ်ဦးက ယင်းတို့ကို သေဆုံးစေတာဖြစ်တယ်လို့ ပြောပါတယ်။

▪️ လေယာဉ်ပေါ်က ဆင်းတဲ့အချိန်ကနေစပြီး ခြေရာခံလိုက်နေတယ်လို့ သိရပါတယ်။

▪️ ညနေ ၅ နာရီခွဲခန့်မှာ ဟိုတယ်ဝန်ထမ်းက လူသေဆုံးတာကို တွေ့ရှိကြောင်း အကြောင်းခဲ့သဖြင့် ရဲတွေရောက်ရှိလာခဲ့တယ်လို့ ထိုင်းရဲတပ်ဖွဲ့က ထုတ်ပြန်ထားပါတယ်။

▪️ ထိုင်းဝန်ကြီးချုပ် ဆရက်ထာထဝီစင်က အင်္ဂါနေ့နှောင်းပိုင်းမှာ အကြီးတန်းရဲအရာရှိများနဲ့အတူ ဟိုတယ်သို့ ရောက်ရှိလာပြီး အမြန်ဆုံးစုံစမ်းစစ်ဆေးရန် မိန့်ကြားခဲ့တယ်လို့ ထုတ်ပြန်ထားပါတယ်။

▪️ တိုင်းပြည်ရဲ့ ဧည့်ခရီးသွားလုပ်ငန်းထိခိုက်မှုမရှိဖို့အတွက် အမြန်ဆုံးဆောင်ရွက်ကြဖို့ ဝန်ကြီးချုပ်က အမိန့်ပေးခဲ့ပါတယ်။

▪️ အမေရိကန် နိုင်ငံခြားရေးဌာနကလည်း အခြေအနေကို အနီးကပ်စောင့်ကြည့်နေပြီး အကြံပေးကူညီဖို့ အသင့်ရှိနေကြောင်း ပြောရေးဆိုခွင့်ရှိသူတစ်ဦးက ပြောပါတယ်။

▪️ ဂရန်းဟျက်အီရာဝန်ဟိုတယ်ဟာ အခန်းပေါင်း ၃၅၀ ကျော်ရှိပြီး မြို့တော်ဘန်ကောက်ရဲ့ ဧည့်ခရီးသွားများ စည်ကားရာနေရာမှာ တည်ရှိပါတယ်။

▪️ ဟိုတယ်နဲ့ ဘန်ကောက်ရှိ ဗီယက်နမ်သံရုံးတို့ကတော့ ဒီကိစ္စနဲ့ ပတ်သက်ပြီး မှတ်ချက်ပြောကြားခြင်း မရှိသေးပါဘူး။

▪️ ထိုင်းနိုင်ငံအတွက် ခရီးသွားလုပ်ငန်းက အဓိကအချက်အခြာဖြစ်ပြီး ယခုနှစ်အတွင်း လာရောက်လည်ပတ်သူ နိုင်ငံခြားသား ၃၅ သန်းခန့် ရှိမယ်လို့ အစိုးရက မျှော်လင့်ထားပါတယ်။

▪️ ယမန်နှစ်ကတော့ ၂၈ သန်းလာရောက်ခဲ့ကာ ၁.၂ ထရီလီယံဘတ် သုံးစွဲခဲ့ကြပါတယ်။

▪️ ဧည့်သည်များကို ပိုမိုဆွဲဆောင်နိုင်ရန် အစိုးရက ဗီဇာနေထိုင်သက်တမ်းကို တိုးချဲ့ပေးထားပြီး နိုင်ငံခြားလူမျိုး အများအပြားကို ခွင့်ပြုထားပါတယ်။

#Source: Reuters

#Local_News
Published 17 July 2024

▪️ လမ်းပြုပြင်ရန်ရှိ၍ ထို့ကော်ကိုးလမ်းပိုင်းကို ဇူလိုင် ၁၈ရက်/၁၉ ရက်၊၂၀ရက် (၃) ရက်တာ ခေတ္တပိတ်ထားမည်ဖြစ်ကြောင်း အသိပေးကြေငြာအပ်ပါသည်။

▪️ ပိတ်ထားသည့် (၃)ရက်တာကာလအတွင်း ကားကြီး၊ ကားသေးမည်သည့်ကားမျှသွားခွင့်ပြုမည်မဟုတ်ကြောင်း သိရသည်။

▪️ လမ်းပိတ်ထားသည့် (၃)ရက်တာအတွင်း ထို့ကော်ကိုးလမ်းပိတ်ထားစဉ်ကာလအတွင်း ၁၈ တောလမ်း သစ်ကတေးတောလမ်း မြဝတီလမ်းဟောင်းမှ သွားလို့ရမည်ဖြစ်ကြောင်း အသိပေးထားသည်။

▪️ ဇူလိုင်လအတွင်းတွင် မိုးသည်းထန်သဖြင့် ထို့ကော်ကိုးလမ်းတွင် ကားများမြေထဲနစ်ဝင်ပြီး မောင်းမရ၊ ရုန်းမရခြင်းများရှိနေ၍ ပြုပြင်ရခြင်းဖြစ်ကြောင်း သိရသည်။

#tthl #Yangon_Times

#Local_News
Published 17 July 2024

▪️ (၃၁) ကြိမ်မြောက် အစိုးရနိကာယ်စာမေးပွဲအောင်စာရင်းများကို အွန်လိုင်းမှ ထုတ်ပြန်ကြေညာမည်ဖြစ်ကြောင်း သာသနာရေးနှင့်ယဉ်ကျေးမှုဝန်ကြီးဌာ၊ သာသနာရေးဦးစီးဌာနမှ သိရသည်။

▪️ ပြည်ထောင်စုသမ္မတမြန်မာနိုင်ငံတော်အစိုးရ၊ သာသနာရေးနှင့်ယဉ်ကျေးမှုဝန်ကြီးဌာ၊ သာသနာရေးဦးစီးဌာနက ကျင်းပပြီးစီးခဲ့သည့်  အစိုးရနိကာယ်စာမေးပွဲ အောင်စာရင်းများကို ဇူလိုင်လ ၁၇ ရက် နံနက် ၆ နာရီတွင် ထုတ်ပြန်ကြေညာပေးသွားမည်ဖြစ်ကြောင်း သိရသည်။

▪️ အဆိုပါ အောင်စာရင်းများကို နိုင်ငံတော်သံဃမဟာနာယကအဖွဲ့ Websitewww.mahana.org.com၊ သာသနာရေးနှင့်ယဉ်ကျေးမှုဝန်ကြီးဌာန Website-www.mora.gov.mmနှင့် သာသနာရေးဦးစီးဌာန Website- www.dra.gov.mm တို့မှ ထုတ်ပြန်ကြေညာပေးသွားမည်ဖြစ်ကြောင်း သိရသည်။

#YMG/ NN #Yangon_Times

#World_Health
Published 17 July 2024

▪️ လေ့လာချက်အသစ်အရ အလုပ်အကိုင်ကောင်းတဲ့သူတွေဟာ ကင်ဆာဖြစ်စေနိုင်တဲ့ မျိုးဗီဇဆိုင်ရာအန္တရာယ် ပိုများကြောင်း တွေ့ရှိထားပါတယ်။

▪️ ယခင်က ဆင်းရဲနွမ်းပါးသူတွေဟာ ကင်ဆာဖြစ်နိုင်ခြေ များတယ်ဆိုတဲ့ ယူဆချက်တွေနဲ့ ဆန့်ကျင်ဘက် ဖြစ်နေပါတယ်။

▪️ ယခုလေ့လာချက်အတွက် လူပေါင်း ၂၈၀၀၀၀ ထံမှ မျိုးဗီဇ၊ ကျန်းမာရေး၊ လူမှုစီးပွားရေး အချက်အလက်များကို ရယူကာ ရောဂါ ၁၉ မျိုးဖြစ်နိုင်ခြေကို အကဲဖြတ်ခဲ့ပါတယ်။

▪️ ပညာရေးအသိနည်းပါးတဲ့သူတွေက အဆစ်ရောင်၊ အဆုတ်ကင်ဆာ၊ စိတ်ဓာတ်ကျရောဂါ၊ အရက်စွဲလမ်းခြင်းနဲ့ ဆီးချိုတို့ ဖြစ်နိုင်ခြေပိုများပြီး ပညာရေးအသိ ကြွယ်တဲ့သူတွေကတော့ ရင်သားကင်ဆာနဲ့ ဆီးကျိတ်ကင်ဆာတို့ ဖြစ်နိုင်ခြေပိုများတာကို တွေ့ရှိခဲ့ကြပါတယ်။

▪️ ယခုသုံးသပ်ချက်က မျိုးဗီဇကိုသာ အလေးထားတာဖြစ်ပြီး ပတ်ဝန်းကျင်နဲ့ နေထိုင်စားသောက်မှုပုံစံတို့အပေါ် ထည့်မတွက်ထားပါဘူး။

▪️ ဝင်ငွေနည်းပါးတဲ့သူတွေဟာ အာမခံမရှိခြင်း၊ ကာကွယ်ရေး ဆေးစစ်ခြင်း ကုသခြင်းတို့ကို ရရှိဖို့ ခက်ခဲတာကြောင့် ဖိအားပိုများတယ်လို့ သုတေသီတွေ ဆိုထားကြပါတယ်။

▪️ အဆင့်အတန်းမြင့်မားတဲ့ လူတွေက ကျန်းမာရေးစောင့်ရှောက်မှုစနစ်များကို ပိုမိုရရှိနိုင်ပြီး မကောင်းတဲ့ အလေ့အကျင့်တွေ စွဲလမ်းနိုင်ခြေ နည်းတယ်လို့ ဒေါက်တာ ဖီအိုနာဟေဂင်ဘိခ်က ပြောပါတယ်။

▪️ လူမှုစီးပွားရေး မြင့်မားသူတွေမှာ ကင်ဆာဖြစ်နိုင်ခြေ များတယ်ဆိုတာက ယင်းတို့ဟာ ငယ်ရွယ်စဉ်မှာ မသေဆုံးကြဘဲ ကြီးလာတဲ့အခါမှာမှ ကင်ဆာဖြစ်တာကြောင့် ဖြစ်တယ်လို့ ပြောသွားပါတယ်။

▪️ အဆင့်အတန်းမြင့်မားတဲ့အခါမှာ ဆေးစစ်တာမျိုး ပိုမိုပြုလုပ်ဖြစ်ပြီး ရောဂါတွေ့ရှိတာဖြစ်တယ်လို့ NYU ကင်ဆာစင်တာမှ တွဲဖက်ပရော်ဖက်ဆာ ဒေါက်တာ ဂျီယောင်းအန်းက ရှင်းပြပါတယ်။

▪️ ရင်သားကင်ဆာနဲ့ ဆီးကျိတ်ကင်ဆာတို့ဆိုရင် စစ်ဆေးမှုတွေ ပြုလုပ်ပါမှ တွေ့ရှိရတာဖြစ်တယ်လို့ ရင်သားခွဲစိတ်ရေးမှူး ဒေါက်တာ အယ်လီဆာပို့တ်က ဆိုပါတယ်။

▪️ ထိုကင်ဆာမျိုးတွေက နေထိုင်စားသောက်မှုပုံစံ ပြောင်းလဲခြင်းဖြင့် ကာကွယ်နိုင်ခြေ ရှိပါတယ်။
ကိုယ်အလေးချိန် ပုံမှန်ဖြစ်အောင် ထိန်းသိမ်းခြင်း၊ အရက်သေစာ ကန့်သတ်သုံးစွဲခြင်းတို့က အကောင်းဆုံးဖြစ်ပါတယ်။

▪️ ဆေးစစ်ခြင်းဖြင့် ကင်ဆာဖြစ်တာကို စောစီးစွာသိရှိပြီး ကုသရလွယ်ကူပါတယ်။

▪️ ရင်သားကင်ဆာ ဖြစ်နိုင်ခြေများတဲ့ အသက် ၄၀ မှ ၇၄ နှစ်ကြား အမျိုးသမီးတွေအနေဖြင့် နှစ်စဉ်စစ်ဆေးမှု ပြုလုပ်ဖို့ အကြံပြုနေကြပါတယ်။

#Source: New York Post

#Local_News
Published_17 July 2024

▪️ နိုင်ငံတော်စီမံအုပ်ချုပ်ရေးကောင်စီ၏ ဝါဆိုသင်္ကန်းဆက်ကပ်လှူဒါန်းပွဲ မဟာမင်္ဂလာအခမ်းအနားကို ယမန်နေ့ ဇူလိုင်လ ၁၆ ရက်နံနက်ပိုင်းက နေပြည်တော်ကောင်စီနယ်မြေ၊ ဥပ္ပါတသန္တိစေတီတော်မြတ်ကြီး ပရိဝုဏ်တော်အတွင်းရှိ သာသနာ့မဟာဗိမာန်တော်ကြီး၌ ကျင်းပပြုလုပ်ခဲ့ကြောင်း သိရသည်။

▪️ အဆိုပါအခမ်းအနားသို့ နိုင်ငံတော်သံဃမဟာနာယကအဖွဲ့ဥက္ကဋ္ဌ ရန်ကုန်တိုင်းဒေသကြီး၊ သန်လျင်မြို့၊ မင်းကျောင်းပထမပြန်စာသင်တိုက်၊ ပဓာနနာယက၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဒေါက်တာဘဒ္ဒန္တစန္ဒိမာဘိဝံသနှင့် နိုင်ငံတော်သံဃမဟာနာယကအဖွဲ့အကျိုးတော်ဆောင်၊ မန္တလေးမြို့၊ မစိုးရိမ်တိုက်သစ် မဟာနာယက၊ ဓမ္မသမိဒ္ဓိကျောင်းဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိက မဟာဓမ္မကထိကဗဟုဇနဟိတဓရ ဘဒ္ဒန္တဝါသေဋ္ဌာဘိဝံသတို့ အမှူးပြုသော ဥပ္ပါတသန္တိစေတီတော် ဂေါပကအဖွဲ့၏ ဩဝါဒါစရိယ ဆရာတော်ကြီးများအပါအဝင် ပင့်ဖိတ်ထားသည့် ဆရာတော်ကြီး ၂၇ ပါး ကြွရောက်ချီးမြှင့်တော်မူကြကြောင်း သိရသည်။

▪️ အခမ်းအနားသို့ တက်ရောက်လာသောနိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က သာသနာ့မဟာဗိမာန်တော်ကြီးအတွင်းရှိ ဗုဒ္ဓရုပ်ပွားတော်မြတ်အား ဖူးမြော်ကြည်ညို၍ မြသပိတ်ဆွမ်းတော်၊ သစ်သီး၊ ပန်း၊ သောက်တော်ရေချမ်းနှင့် ဆီမီးတို့ကို ကပ်လှူပူဇော်ကာခဲ့ကြောင်း သိရသည်။

▪️ ယင်းနောက် အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့ဖွင့်လှစ်၍ နိုင်ငံတော်စီမံအုပ်ချုပ် ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်ဇနီး၊ အခမ်းအနားတက်ရောက်လာကြသူများက နိုင်ငံတော် သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်း ဆရာတော်ကြီးထံမှ ငါးပါးသီလခံယူဆောက်တည်ကြပြီး ဆရာတော်ကြီးများ ရွတ်ပွားချီးမြှင့်တော်မူသည့် မေတ္တသုတ်ပရိတ်တရားတော်များကို နာယူကြည်ညိုကြ ကာနိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်း ဆရာတော်ကြီးထံ ဝါဆိုသင်္ကန်းနှင့် လှူဖွယ်ပစ္စည်းများကို ဆက်ကပ်လှူဒါန်းခဲ့ကြောင်း သိရသည်။

▪️ ထို့အပြင်နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ်က နိုင်ငံတော်သံဃမဟာနာယက အဖွဲ့ အကျိုးတော်ဆောင် မစိုးရိမ်တိုက်သစ် ဆရာတော်ကြီးထံ ဝါဆိုသင်္ကန်းနှင့် လှူဖွယ်ပစ္စည်းများကို ဆက်ကပ်ခြင်း၊ ကောင်စီအတွင်းရေးမှူးနှင့်ဇနီး၊ တွဲဖက်အတွင်းရေးမှူးနှင့်ဇနီး၊ ကောင်စီဝင်များနှင့်ဇနီးများ၊ ပြည်ထောင်စုအဆင့်ပုဂ္ဂိုလ်များက ဆရာတော်၊ သံဃာတော်များထံ ဝါဆိုသင်္ကန်းနှင့် လှူဖွယ်ပစ္စည်းများကို အသီးသီးဆက်ကပ်လှူဒါန်းခြင်းများပြုလုပ်ခဲ့ကြောင်း သိရသည်။

#Yangon_Times/PP

#World_Health
Published 17 July 2024

▪️ ကိုဗစ်-၁၉ ရောဂါကူးစက်ခံရတဲ့ အမျိုးသမီး ၁၀ ဦးထဲက တစ်ဦးနှုန်းဟာ ကိုဗစ်နောက်ဆက်တွဲလက္ခဏာများကို ပိုမိုကြာရှည်စွာ ခံစားရနိုင်ခြေများတယ်လို့ လေ့လာတွေ့ရှိထားပါတယ်။

▪️ ကိုယ်ဝန်ဆောင်စဉ် ကိုဗစ်ကူးစက်ခြင်းက ကလေးအသေမွေးခြင်းနဲ့ လမစေ့ဘဲမွေးဖွားတာမျိုး ဖြစ်နိုင်တာကြောင့် ပိုပြီးအန္တရာယ်ရှိပါတယ်။

▪️ ကိုယ်ဝန်ဆောင်စဉ် ကိုဗစ်ကူးစက်ခဲ့တဲ့ အမျိုးသမီး ၁၅၀၀ ကို လေ့လာခဲ့ပြီး ၆ လအကြာမှာ လက္ခဏာများကို တင်ပြခဲ့ပါတယ်။

▪️ ၉.၃ ရာခိုင်နှုန်းလောက်က ရေရှည်လက္ခဏာများ ခံစားခဲ့ရပြီး ပင်ပန်းနွမ်းနယ်ခြင်း၊ အစာအိမ်အူလမ်းကြောင်း ပြဿနာများ၊ ခြေကုန်လက်ပန်းကျခြင်းစတဲ့ လက္ခဏာတွေ ခံစားခဲ့ရပါတယ်။

▪️ ကိုဗစ်နောက်ဆက်တွဲလက္ခဏာတွေက ကိုယ်ဝန်ဆောင် လက္ခဏာတွေကိုပါ ဖုံးလွှမ်းနိုင်တာကြောင့် သတိပြုဖို့လိုအပ်တယ်လို့ သုတေသီများ အသိပေးလာပါတယ်။

▪️ ကိုယ်ဝန်ဆောင်ကာလနဲ့ မွေးဖွားပြီးစအချိန်တွေဟာ အရေးအကြီးဆုံး အချိန်ဖြစ်ပြီး ဒီလေ့လာချက်က ကိုဗစ်နဲ့ ကိုယ်ဝန်ကြား ဆက်စပ်မှုကို သိရှိစေတယ်လို့ NIH မှ နှလုံးသွေးကြောသိပ္ပံဌာနမှ ညွှန်ကြားရေးမှူး ဒေါက်တာ ဒေးဗစ်ဂေါ့ဖ်က ပြောသွားပါတယ်။

▪️ နောက်ထပ်လေ့လာချက်ကတော့ မွေးဖွားပြီး ၁၂ ပတ်ကျော်ကြာတဲ့အချိန်မှာ လက္ခဏာပြသူတွေ ပါဝင်ပါတယ်။

▪️ ကိုယ်ဝန်ဆောင်သူတွေမှာ ကိုဗစ်နောက်ဆက်တွဲလက္ခဏာတွေ ပိုဖြစ်တတ်တာကြောင့် ပိုပြီးသတိထား စောင့်ကြည့်ကြဖို့ သုတေသီတွေ အလေးပေးပြောပြသွားပါတယ်။

#Source: NDTV

ဂျပန်းယန်းငွေတန်ဖိုးကျဆင်းခြင်းကြောင့် ပြည်တွင်းဈေးနှုန်းများ မြင့်တက်လာကာ ပြည်သူများနေထိုင်မှုဘဝဖိအားတိုးလာ

ဂျပန်ယန်းငွေတန်ဖိုး ကျဆင်းလာတာကြောင့် ပြည်တွင်းဈေးနှုန်းများ တက်လာပြီး ဂျပန်ပြည်သူတွေရဲ့ နေထိုင်စားသောက်မှု ပိုမိုဖိအားများလာပါတယ်။
#World_Ecology
Published 16 July 2024
#ဂျပန်းယန်းငွေတန်ဖိုးကျဆင်း #ပြည်တွင်းဈေးနှုန်းများမြင့်တက်
#YMG #Yangon_Times #Yangon_Media_Group

#Daily_News
Published 16 July 2024

၁။ ပခုက္ကူချည်ထည်နှင့် သဘာဝဆိုးဆေးပါဝါများ‌ ဈေး‌နှုန်းထောင်ဂဏန်းသာလိုက်တက်‌ရပေမယ့် အရောင်းအေးနေ

၂။ ကင်ဆာရောဂါအထိဖြစ်နိုင်သည့် တားမြစ်ထားပြီး ကျန်းမာရေးနှင့် မညီညွတ်သော အစားအစာများ ထုတ်လုပ်ရောင်းချပါက စိစစ်အရေးယူမည်

၃။ မြန်မာယူ-၁၉ အသင်း အာဆီယံချန်ပီယံရှစ်ပွဲ၌ ဗီယက်နမ်အသင်းနှင့်ပွဲဦးထွက်ကန်မည်

၄။ ဂျပန်းယန်းငွေတန်ဖိုးကျဆင်းခြင်းကြောင့် ပြည်တွင်းဈေးနှုန်းများ မြင့်တက်လာကာ ပြည်သူများနေထိုင်မှုဘဝဖိအားတိုးလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်-မန္တလေး အမြန်လမ်းမကြီးပေါ်မှာ ၂၀၂၄ ခုနှစ်​ခြောက်လတာကာလအတွင်း ယာဉ်မတော်တဆမှု ၉၀ ကျော်ဖြစ်ပွားခဲ့ပြီး ၅၀ကျော်သေဆုံးခဲ့တယ်လို့ အမြန်လမ်းရဲတပ်ဖွဲ့မှူးရုံးမှတာဝန်ရှိသူတစ်ဦးထံက သိရပါတယ်။
#Local_News
Published 16 July 2024
#ရန်ကုန်-မန္တလေးအမြန်လမ်းမကြီး #အမြန်လမ်းရဲတပ်ဖွဲ့မှူးရုံး
#NN #Yangon_Times

အခုရက်ပိုင်းအတွင်းမှာ လေဖိအားနည်းရပ်ဝန်းထပ်ဖြစ်ပေါ်နိုင်သလို ပဲခူး၊ ရန်ကုန်၊ ဧရာဝတီ၊ တနင်္သာရီ၊ ရခိုင်၊ ကရင်နဲ့မွန်ပြည်နယ်တို့မှာ မိုးကြီးတာ၊ မြစ်ရေကြီးခြင်းများကြုံတွေ့နိုင်တယ်လို့  မိုး‌လေဝသနှင့် ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 16 July 2024
#လေဖိအားနည်းရပ်ဝန်းထပ်ဖြစ်
#tthl #Yangon_Times

#Local_News
Published 16 July 2024

▪️ ဧရာဝတီတိုင်းဒေသကြီး၊ ဟင်္သာတမြို့နယ်ရှိ  အိပ်ပျက်တာတမံကျိုးပေါက်မှုမရှိစေရေး ကြိုတင်ကာကွယ်မှုများပြုလုပ်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ထိုသို့ဆောင်ရွက်ရာတွင်  အိပ်ပျက်ကျေးရွာအုပ်စု၊ ဖောင်ဆိပ်ကျေးရွာတွင် ဧရာဝတီမြစ်ရေတိုက်စားမှုကြောင့် အိပ်ပျက်တာတမံကျိုးပေါက်မှုမရှိစေရေးအတွက် ဇူလိုင်၁၅ ရက်နေ့၊ ညနေ ၄နာရီခွဲ အချိန်မှစ၍ ဟင်္သတခရိုင်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့်ပူးပေါင်း၍ တာဘောင်ကြံ့ခိုင်ရေးလုပ်ငန်းများဖြစ်သော တာရေသွင်းခြင်း၊ တာဘောင်ခွေခြင်း၊ ကျောက်စီခြင်း၊ ကျောက်အိတ်ချခြင်းနှင့် တာဘောင်ပြုပြင်ခြင်းလုပ်ငန်းများ ဆောင်ရွက်ခဲ့ကြောင်း သိရသည်။

#NN #Yangon_Times