အာဆီယံချန်ပီယံရှစ်ပြိုင်ပွဲမှာ မြန်မာယူ-၁၉ အသင်းဟာ ဗီယက်နမ်ယူ-၁၉အသင်းနဲ့ ဇူလိုင် (၁၈)ရက်မှာ ပွဲဦးထွက်ယှဉ်ပြိုင်ဖို့ပြိုင်ပွဲကျင်းပမယ့် အင်ဒိုနီးရှားနိုင်ငံသို့ထွက်ခွာသွားပြီ ဖြစ်တယ်လို့ မြန်မာနိုင်ငံဘောလုံးအဖွဲ့ချုပ်မှ သိရပါတယ်။
#Local_News
Published 16 July 2024
#ဗီယက်နမ်အသင်း #အာဆီယံချန်ပီယံရှစ်
#tthl #Yangon_Times

ကျောက်ကပ်ပျက်စီးတာအပြင် ကင်ဆာရောဂါအထိဖြစ်နိုင်တဲ့ တားမြစ်ထားပြီး ကျန်းမာရေးနှင့် မညီညွတ်တဲ့အစားအစာတွေကို ထုတ်လုပ်ရောင်းချပါက စိစစ်အရေးယူသွားမယ်လို့ ကျန်းမာရေးဝန်ကြီရေးဝန်ကြီးဌာနက သိရပါတယ်။
#Local_News
Published 16 July 2024
#ကင်ဆာရောဂါ #ကျောက်ကပ်ပျက်စီး
#NN #Yangon_Times

ပခုက္ကူ လက်ယက်ကန်းချည်ထည်နဲ့ သဘာဝဆိုးဆေးပါဝါတွေ ဈေးနှုန်းထောင်ဂဏန်းတက်ပြီး အရောင်းအေးနေတယ်လို့ သိရပါတယ်။ ချည်ဈေး၊ သယ်ယူပို့ဆောင်စရိတ်၊ ငွေလွှဲထုတ်ခတွေကြောင့် ဈေးအနည်းငယ်တက်ရတယ်လို့ ဆိုပါတယ်။
#Local_News
Published 16 July 2024
#ပခုက္ကူချည်ထည် #ချည်ထည်အရောင်းအေးနေ
#tthl #Yangon_Times

#Local_News
Published 16 July 2024

▪️ ပို့ကုန်သွင်းကုန်လုပ်ငန်းရှင်များအား မြန်မာနိုင်ငံဗဟိုဘဏ်မှ Fx Trading Platform မှတစ်ဆင့် တရုတ်ယွမ် (၅)သန်းကို ဇူလိုင် (၁၅) ရက်တွင် ရောင်းချပေးခဲ့ကြောင်း ထုတ်ပြန်ထားသည်။ 

▪️ နိုင်ငံခြားငွေလဲလှယ်နှုန်းတည်ငြိမ်စေရန်နှင့် ဈေးကစားမှုမရှိစေရန်အတွက် ဗဟိုဘဏ်မှ ပို့ကုန်သွင်းကုန်လုပ်ငန်းရှင်များအား Fx Trading Platform မှတဆင့် ဇူလိုင်လ (၁၀) ရက်တွင် ဒေါ်လာ (၅) သန်းကို ထုတ်ရောင်းပေးခဲ့ပြီးယခုအခါ ဒုတိယအကြိမ် ထုတ်ရောင်းပေးခဲ့ခြင်းဖြစ်သည်။

▪️ ဇူလိုင်လဆန်းပိုင်းမှ စတင်ကာ နိုင်ငံခြားငွေလဲလှယ်နှုန်းတဖြည်းဖြည်းမြင့်တက်လာသည့်အတွက် ဗဟိုဘဏ်က ယခုရက်ပိုင်းအတွင်း Online Trading Platform မှတဆင့် ပို့ကုန်/သွင်းကုန် လုပ်ငန်းရှင်များအတွက် ဒေါ်လာများဆက်တိုက်ထုတ်ရောင်းပေးနေပြီး ဇူလိုင်လ (၄) ရက်တွင်လည်း စားသုံးဆီ၊ ဆေးဝါးပစ္စည်း၊ ဓာတ်မြေဩဇာ တင်သွင်းသူများအား ဒေါ်လာ ၅ ဒသမ ၄ သန်းထုတ်ရောင်းပေးထားကြောင်း ဗဟိုဘဏ်က ထုတ်ပြန်ထားသည်။

▪️ ဗဟိုဘဏ်အနေဖြင့် ပို့ကုန်သွင်းကုန်လုပ်ငန်းရှင်များအဆင်ပြေစေရန် လစဉ် အမေရိကန်ဒေါ်လာ၊ တရုတ်ယွမ်နှင့် ထိုင်းဘတ်များကို အဓိက ရောင်းချပေးလျက်ရှိကြောင်း သိရသည်။

#tthl #Yangon_Times

#World_News
Published 16 July 2024

▪️ လုပ်ကြံသူတစ်ဦးရဲ့ သေနတ်ပစ်ခတ်မှုကြောင့် ဒေါ်နယ်ထရမ့် ညာဘက်နားရွက်မှာ ဒဏ်ရာရပြီးနောက် တနင်္လာနေ့မှာ ပြုလုပ်တဲ့ ရီပတ်ဘလစ်ကန် နိုင်ငံလုံးဆိုင်ရာ ညီလာခံမှာ ပတ်တီးထူထူစီးကာ အောင်ပွဲခံဝင်ရောက်လာခဲ့ပြီး ပါတီက တခဲနက် အားပေးဂုဏ်ပြုခဲ့ကြပါတယ်။

▪️ ထရမ့်ဒဏ်ရာရခဲ့စဉ်က လက်သီးလက်မောင်းတန်းပြီး 'အားတင်း အားတင်း အားတင်း'လို့ ကြွေးကြော်ခဲ့တဲ့အတိုင်း ယခုညီလာခံမှာ လူအုပ်ကြီးက လိုက်အော်နေခဲ့ပါတယ်။

▪️ သမ္မတဟောင်းက လူအုပ်ကြီးကို ကျေးဇူးတင်ခဲ့ပြီး သူ့ကလေးတွေ၊ အထက်လွှတ်တော်အမတ် ဂျေဒီဗန့်စ်နဲ့အတူ နေရာယူခဲ့ပါတယ်။

▪️ ထရမ့်ဟာ ပါတီမှ ကိုယ်စားလှယ်အဖြစ် တရားဝင်လက်ခံရယူမှာဖြစ်ပြီး နိုဝင်ဘာ ၅ ရက်နေ့ ရွေးကောက်ပွဲမှာ ဒီမိုကရက်တစ်သမ္မတ ဂျိုးဘိုင်ဒင်နဲ့ ရင်ဆိုင်သွားရမှာ ဖြစ်ပါတယ်။

▪️ ပန်ဆယ်ဗေးနီးယားမှာ ပြုလုပ်ခဲ့တဲ့ ထရမ့်စည်းရုံးရေးပွဲမှာ သေနတ်သမားတစ်ဦး ပစ်ခတ်ခဲ့တာကြောင့် ထောက်ခံသူတစ်ဦး သေဆုံးခဲ့ပြီးနောက် ၄၈ နာရီမကြာသေးခင်မှာပဲ ၄ ရက်တာညီလာခံ စတင်ပြုလုပ်ခဲ့တာ ဖြစ်ပါတယ်။

▪️ သေနတ်သမားကို အသေပစ်ခတ်ခဲ့ပြီး လုပ်ကြံရတဲ့ ရည်ရွယ်ချက်ကို မသိရပါဘူး။

▪️ ထရမ့်ကိုဆန့်ကျင်တဲ့ လွှတ်တော်အမတ် တင်မ်စကော့က ထရမ့်ကို ဘုရားသခင်က ကယ်တင်နေဆဲဖြစ်ပြီး သူကလည်း စည်းရုံးရေးတွေ ပြုလုပ်နေဆဲဖြစ်ကြောင်း၊ သေနတ်သမားရောက်လာခဲ့ပေမယ့် ကံကောင်းစွာဖြင့် အသက်မပျောက်ခဲ့ကြောင်း ပြောသွားပါတယ်။

▪️ ယခုနောက်ပိုင်း ထရမ့်ကို ထောက်ခံလာတဲ့ ဗန့်စ်က ထရမ့်ဟာ နိုင်ငံရေးဘက်ကို စောင်းပေးပြီး ကွန်ဆာဗေးတစ် အကြောင်းအရာကိစ္စတွေကြောင့် ကြားနေမဲပေးသူတွေရဲ့ ထောက်ခံမှု မရနိုင်ဘူးလို့ ဆိုလိုက်ပါတယ်။

▪️ ပစ်ခတ်မှုဖြစ်ပြီးနောက် ထရမ့်ဟာ နိုင်ငံတော်စည်းလုံးညီညွတ်ရေးအကြောင်း မိန့်ခွန်းပြောကြားခဲ့ပါတယ်။

▪️ ထရမ့်ဟာ အပြာမင်းသမီး စတော်မီဒန်နီယယ်လ်ကို လျှို့ဝှက်ငွေပေးမှုအား ဖုံးကွယ်ရန်ကြိုးပမ်းမှုဖြင့် စက်တင်ဘာလမှာ တရားစီရင်ခံရပါတယ်။

▪️ ဒါပေမဲ့ ဝါရှင်တန်မှ အစိုးရတရားစွဲချက်များနဲ့ ဂျော်ဂျီယာမှ တရားစွဲချက်များကတော့ ရွှေ့ဆိုင်းထားပါတယ်။

▪️ လုပ်ကြံကိစ္စပြီးတဲ့အခါမှာတော့ ဘိုင်ဒင်က နိုင်ငံရေးလောကကလူတွေကို စိတ်လျှော့ထိန်းသိမ်းကြဖို့ တောင်းဆိုခဲ့ပြီး အမေရိကမှာ အကြမ်းဖက်မှု အလိုမရှိဘူးလို့ ပြောသွားပါတယ်။

#Source: Reuters

#World_Research
Published 16 July 2024

▪️ ကမာကောင်တွေနဲ့ ယောက်သွားကောင်တွေမှာ ဖန်မျှင်စများ မြင့်မားစွာ ပါဝင်နေတာကို ပထမဆုံးအနေဖြင့် တွေ့ရှိထားကြောင်း ဖော်ပြထားပါတယ်။

▪️ ဒါဟာ ပင်လယ်နေသတ္တဝါတွေမှာ ဖန်ပလတ်စတစ်တွေ ကူးစက်နေတာကို တွေ့ခဲ့ရတာဖြစ်ကြောင်း ဘရိုက်တန်တက္ကသိုလ်မှ အဏ္ဏဝါဇီဝဗေဒဌာနမှ ပို့ချသူ ကိုရီနာရှိုကန်က ပြောသွားပါတယ်။

▪️ ဘရိုက်တန်နဲ့ ပို့စ်မောက်တက္ကသိုလ်တို့မှ သုတေသီများက အင်္ဂလန်တောင်ပိုင်း ကမ်းရိုးတန်းရှိ ချီချက်စတာဆိပ်ကမ်းမှ စားလို့ရတဲ့ ပင်လယ်စာနမူနာများကို ရယူခဲ့ပါတယ်။

▪️ ဂုံးကမာတွေထဲကနေ တစ်ကီလိုဂရမ်လျှင် ဖန်စပေါင်း ၁၁၂၂၀ ကို တွေ့ရှိခဲ့ကြပြီး ယောက်သွားတွေမှာတော့ ၂၇၄၀ ဖန်မှုန်တွေ့ရှိခဲ့ပါတယ်။

▪️ ယင်းတို့ဟာ ပလတ်စတစ်မှုန်တွေကို အစာအမှတ်နဲ့ ဝါးမျိုခဲ့ကြတာလို့ ရှိုကန်က ရှင်းပြပါတယ်။
ဖန်မျှင်စတွေဟာ ပလတ်စတစ်တစ်မျိုးဖြစ်ပြီး ပစ္စည်းအမျိုးမျိုးမှာ ပါဝင်တတ်ပါတယ်။

▪️ ဖန်မျှင်တွေက လူသားတွေမှာ မျက်လုံး၊ အရေပြား၊ အသက်ရှူလမ်းကြောင်းတို့မှာ ထိခိုက်စေပြီး အဆုတ်ပြဿနာများနဲ့ ကင်ဆာအချို့ ဖြစ်စေနိုင်ပါတယ်။

▪️ ဒီအမှုန်တွေက သတ္တဝါတွေရဲ့ အစာခြေစွမ်းရည်တွေကို ထိခိုက်စေပြီး ကျန်းမာရေးကို ထိခိုက်စေပါတယ်။

▪️ အမှုန်တွေက အသားထဲဝင်ရောက်သွားပြီး မစွန့်ထုတ်နိုင်တော့ကာ ရောင်ရမ်းလာပြီး ရောဂါတွေနဲ့ သေဆုံးခြင်းကိုပါ ဖြစ်စေနိုင်တယ်လို့ ရှင်းထားပါတယ်။

▪️ ဒါဟာ သဘာဝတရားကြီးမှာ မမြင်ရတဲ့ အန္တရာယ်တွေကို သတိပေးရာရောက်ပါတယ်။

▪️ သမုဒ္ဒရာညစ်ညမ်းမှုတွေ ဘယ်လိုများပြားသလဲ ဆိုတာနဲ့ မိုက်ခရိုပလတ်စတစ်တွေက ဂေဟစနစ်နဲ့ လူသားတွေကို ဘယ်လောက်သက်ရောက်နေလဲဆိုတာ သုတေသန တွေ့ရှိလာရတာဖြစ်ပါတယ်။

#Source: New York Post

#World_Health
Published 16 July 2024

▪️ အသက်အရွယ် ကြီးလာတာနဲ့အမျှ အသားအရေ တည်ဆောက်ပုံနဲ့ လုပ်ဆောင်ချက်များ ယိုယွင်းလာပြီး အိုမင်းရင့်ရော်တဲ့ လက္ခဏာတွေ ပေါ်ပေါက်လာပါတယ်။

▪️ ခန္ဓာကိုယ်တွင်း အိုမင်းလာခြင်းကို မျိုးဗီဇ အချက်အလက်တွေနဲ့ သက်တမ်းတို့က သက်ရောက်စေပြီး ပြင်ပအရေပြား အိုမင်းခြင်းကတော့ ပတ်ဝန်းကျင်နဲ့ နေထိုင်စားသောက်မှု ပုံစံတို့အပေါ် မူတည်နေပါတယ်။

▪️ အချို့အကြောင်းအရာတွေက အိုမင်းရင့်ရော်ခြင်းကို ပိုမိုလျင်မြန်စွာ ဖြစ်ပေါ်စေနိုင်ပါတယ်။

▪️ (၁) နေရောင်ထိတွေ့မှု များလွန်းခြင်းက ခရမ်းလွန်ရောင်ခြည်များဟာ အရေပြားဆဲလ်တွေထဲက ဒီအင်န်အေကို ထိခိုက်စေပြီး ကော်လာဂျင်များ ပျက်စီးစေကာ အရေးကြောင်းများ၊ တင်းတိပ်များ ဖြစ်ပေါ်စေနိုင်ပါတယ်။

▪️ (၂) ဆေးလိပ်သောက်ခြင်းကြောင့် ကော်လာဂျင်နဲ့ အီလက်စ်တင်တို့ ပျက်စီးစေပြီး သွေးလည်ပတ်မှု အားနည်းကာ အရွယ်မတိုင်ခင် အရေပြားတွန့်လာနိုင်ပါတယ်။

▪️ (၃) ကျန်းမာရေးနဲ့ မညီညွတ်တဲ့ အစားအစာများဖြစ်တဲ့ အဆင့်ဆင့်ထုပ်ပိုးထားသော စားစရာများ၊ အချိုဓာတ်များတဲ့ စားစရာများ၊ အဆီများဟာ ရောင်ရမ်းခြင်းကို ဖြစ်စေပြီး အရေပြားကို လျင်မြန်စွာ ရင့်ရော်စေပါတယ်။

▪️ (၄) ရေဓာတ်ခန်းခြောက်ခြင်းကြောင့် အရေပြား ခြောက်သွေ့လာကာ အရေးကြောင်းများ ဖြစ်ပေါ်ပြီး ကြာရှည်လာရင် အရေပြားမတင်းရင်းတော့ပါဘူး။

▪️ (၅) အိပ်ရေးပျက်ကပါက အရေပြားပြုပြင်ခြင်း ချို့ယွင်းလာပြီး မျက်ကွင်းညိုခြင်း၊ ဖောင်းအစ်ခြင်း၊ အရေးကြောင်းများ ဖြစ်ပေါ်တတ်ပါတယ်။

▪️ (၆) ကာလကြာရှည်စွာ ဖိစီးမှုများတဲ့အခါ ကော်လာဂျင်နဲ့ အီလက်စ်တင်တို့ ပြိုကွဲလာပြီး အရေပြား လျော့တွဲလာကာ အိုမင်းတဲ့လက္ခဏာ ပေါ်လာပါတယ်။

▪️ (၇) အရက်အလွန်အကျွံ သောက်ခြင်းဖြင့် အရေပြား ခြောက်သွေ့စေပြီး အာဟာရဓာတ်များ ချို့တဲ့လာကာ ရောင်ရမ်းခြင်းနဲ့ ရင့်ရော်ခြင်းလက္ခဏာများ ဖြစ်ပေါ်စေပါတယ်။

▪️ (၈) မိတ်မဖျက်ဘဲ နေခြင်းဟာ ချွေးပေါက်များပိတ်စေပြီး ဝက်ခြံထွက်ကာ အတွန့်များ ဖြစ်ပေါ်တတ်ပါတယ်။

▪️ (၉) အလှကုန်ပစ္စည်းများ အသုံးများခြင်းကြောင့် အရေပြားလွှာ ထိခိုက်စေပြီး သဘာဝအဆီလွှာ ပျက်စီးစေကာ အရေပြား ထိခိုက်နိုင်ပါတယ်။

▪️ (၁၀) ကိုယ်လက်လှုပ်ရှားမှုမရှိဘဲ အထိုင်များခြင်းက သွေးလည်ပတ်မှု အားနည်းစေပြီး အရေပြားကို ထောက်ပံ့ပေးတဲ့ အောက်ဆီဂျင်နဲ့ အာဟာရဓာတ်တွေ နည်းပါးစေတာကြောင့် အရွယ်မတိုင်ခင် အရေပြားရင့်ရော်စေပါတယ်။

#Source: DoctorNDTV

ဂျပန်မြို့ငယ်များတွင်လူဦးရေကျဆင်းလာကာ သက်ကြီးရွယ်အိုတွေသာကျန်ရစ်သဖြင့် အိမ်အလွတ်တွေများပြားလာ

ဂျပန်မှာ သက်ကြီးရွယ်အိုတွေများလာပြီး ကလေးမွေးနှုန်းကျဆင်းလာတာကြောင့် ယခုကာလများအတွင်း အိမ်လွတ်တွေများလာပြီး ဝါကာယာမာစီရင်စုမှာ အခြားနေရာတွေထက် အိမ်လွတ်တွေ ပိုများနေပါတယ်။
#World_News
Published 15 July 2024
#ကလေးမွေးနှုန်းကျဆင်း #သက်ကြီးရွယ်အိုတွေသာကျန်ရစ် #အိမ်အလွတ်တွေများ
#YMG #Yangon_Times #Yangon_Media_Group

#Daily_News
Published 15 July 2024

၁။ ရန်ကုန်အပါအဝင်(၅)ရက်ကြာ မိုးကြီးမည့်‌ ဒေသ (၇)ခုရှိ၊ မိုးသက်လေပြင်းပါတိုက်နိုင်

၂။ နှစ်ပတ်ကျော်ကာလအတွင်း ရွှေဈေးကျပ်တစ်သိန်းခွဲနီးပါးမြင့်တက်

၃။ မကွေးတွင်ဧရာဝတီမြစ်ရေကြီး၍ မြစ်နားနီးသည့်စာသင်ကျောင်း အချို့ယာယီပိတ်ထားရ

၄။ ဂျပန်မြို့ငယ်များတွင်လူဦးရေကျဆင်းလာကာ သက်ကြီးရွယ်အိုတွေသာကျန်ရစ်သဖြင့် အိမ်အလွတ်တွေများပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အမေရိကန်ရောက်မြန်မာများက စုပေါင်းရှင်ပြုရဟန်းခံနှင့် သီလရှင်ဝတ်ပွဲတော်ကို ရိုးရာဓလေ့အတိုင်းပြုလုပ်ခဲ့ကြ

မြန်မာနိုင်ငံသားတွေအနေနဲ့ အကြောင်းအမျိုးမျိုးကြောင့် ပြည်ပနိုင်ငံတွေမှာ နေထိုင်ကြရပေမဲ့ ကိုယ့်နိုင်ငံ၊ ကိုယ့်လူမျိုး၊ကိုယ့်ယဉ်ကျေးမှုစတာတွေကို မေ့ပျောက်လေ့ မရှိကြပါဘူး။
#Local_News
Published 15 July 2024
#အမေရိကန်ရောက်မြန်မာ #စုပေါင်းရှင်ပြုရဟန်းခံ
#Yangon_Times/PP

မြန်မာနိုင်ငံကထွက်ရှိတဲ့ သတ္တုတွင်းထွက်ပစ္စည်းတွေကို  ပြည်ပနိုင်ငံ‌တွေတင်ပို့တဲ့အခါမှာ   ပုဂ္ဂလိက ကဏ္ဍကနေအဓိကတင်ပို့နေတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက  သိရပါတယ်။
#Local_News
Published 15 July 2024
#သတ္တုတွင်းထွက်ပစ္စည်း #ပုဂ္ဂလိကကဏ္ဍမှအဓိကတင်ပို့
#NN #Yangon_Times

#Local_News
Published 15 July 2024

▪️ပထမဆု ဒေါ်လာ ၃၅၀၀ ရရှိမည့် ထိုင်းသီချင်းဆိုပြိုင်ပွဲ T-Pop Star Challenge, Myanmar ကို မြန်မာနိုင်ငံသားများ ပါဝင်ယှဉ်ပြိုင်နိုင်ပြီး ယခုဇူလိုင်လကုန်အထိ ပေးပို့ယှဉ်ပြိုင်နိုင်မည်ဖြစ်ကြောင်း မြန်မာနိုင်ငံဆိုင်ရာ ထိုင်းသံရုံးမှ သိရသည်။

▪️ အဆိုပါ T-Pop Star Challenge ကိုထိုင်းနိုင်ငံ၏ အကြီးမားဆုံး သီချင်းနှင့် စီးရီးထုတ်လုပ်ရေး ကုမ္ပဏီများဖြစ်သည့် GMM Grammy နှင့်GMMTVများ၏ အထောက်အပံ့နှင့်အတူ ထိုင်းသံရုံး၊ရန်ကုန်မှ စီစဉ်ကျင်းပပေးခြင်းဖြစ်သည်။

▪️ သီချင်းဆိုပြိုင်ပွဲတွင် ဆုရရှိသူများကိုGrand Prize - ငွေသား USD 3,500 နှင့်ဆုတံဆိပ်၊
 1st Runner Prize: ငွေသား USD 1,600၊
2nd Runner Prize: ငွေသား USD 1,000၊
3rd Runner Prize: ငွေသား USD 700၊
Top 5 - 12 Prizes (8 prizes)ငွေသား USD 400 တွေရရှိသွားမည်ဖြစ်သည်ဟုဆိုသည်။

▪️ ပြိုင်ပွဲဝင်မည့် သီချင်းဗွီဒီယိုကို ဇူလိုင်လ (၃၁)ရက်၊ ၂၀၂၄ အထိ www.tpopstar.com သို့ ပေးပို့ ယှဉ်ပြိုင်နိုင်ပြီး အသေးစိတ်စည်းကမ်းချက်များကို www.tpopstar.com မှာ လေ့လာဖတ်ရှုနိုင်သည်ဟု ဖော်ပြထားသည်။

▪️ ယင်းပြိုင်ပွဲသည်၂၀၂၄ခုနှစ်၊ စက်တင်ဘာလ (၂၇)ရက်နေ့မှ (၂၉)ရက်နေ့ထိ Junction City မှာကျင်းပမည့် ထိုင်းနိုင်ငံ၏ထုတ်ကုန်တွေ၊ ထိုင်းဖက်ရှင်များ၊ ထိုင်းရုပ်ရှင်များနှင့်ထိုင်းတေးဂီတတွေပါဝင်သည့် “Thai Festival 2024 in Yangon “ပွဲကြီးရဲ့တစ်စိတ်တဒေသဖြစ်ပြီး မြန်မာပြည်သူတွေအတွက် ပျော်ရွှင်ကြည်နူးမှုတွေဆောင်ကြဉ်းပေးမည်ဖြစ်ကြောင်း မြန်မာနိုင်ငံဆိုင်ရာထိုင်းသံအမတ်ကြီးက အလေးပေးပြောကြားခဲ့သည်။

▪️ ယင်းပြိုင်ပွဲတွင် အဆိုတော်ဝိုင်းလေး၊ အုပ်စိုးခန့်တို့ကလည်း အကဲဖြတ်ဒိုင်အဖြစ်ပါဝင်ထားကြမည်ဖြစ်ကြောင်းနှင့် ဆန်ကာတင်ပြိုင်ပွဲဝင် ၁၂ ဦးကို ဩဂုတ်လ (၁၀) ရက်၊ ၂၀၂၄ မှာကြေညာပေးမည် ဖြစ်ကြောင်း၊Junction Cityတွင်September 28, 29 ရက်များတွင် Semi Final နဲ့ Final ကျင်းပရန်ရှိကြောင်း သိရသည်။

#tthl #Yangon_Times