#Local_News

Published_ 26 September 2023

နိုင်ငံတော်စီမံအုပ်ချုပ်ရေးကောင်စီကို ယနေ့စက်တင်ဘာ ၂၅ ရက်နေ့တွင်ပြင်ဆင်ဖွဲ့စည်းခဲ့ပါတယ်။

အသစ်ပြန်လည်ဖွဲ့စည်းလိုက်တဲ့ နစကကောင်စီမှာ ဒုတိယဗိုလ်ချုပ်ကြီးမိုးမြင့်ထွန်းနှင့် ဒုတိယဗိုလ်ချူပ်ကြီးစိုးထွဋ် တို့ ပါဝင်လာခြင်းမရှိတော့ဘဲ ယင်းနေရာတွင် ဗိုလ်ချုပ်ကြီးမောင်မောင်အေးနှင့် ဒုတိယဗိုလ်ချုပ်ကြီးညိုစောတို့ကို ထည့်သွင်းဖွဲ့စည်းလိုက်တာဖြစ်ပါတယ်။ ကျန်သူများ အပြောင်းအလဲ မရှိပါဘူး။

၂၀၂၃ခုနှစ် ဩဂုတ်လ(၂)ရက်နေ့တွင် နစကကို ပြင်ဆင်ဖွဲ့စည်းခဲ့ပြီး တစ်လနှင့် ၂၃ရက်အကြာတွင် ယခုလို အမိန့်အမှတ် ၈၅/၂၀၂၃ဖြင့် ထပ်မံပြောင်းလဲဖွဲ့စည်းခဲ့တာဖြစ်ပါတယ်။

#Yangon_Times #YMG

#World_Health
Published 26 September 2023

သွားတိုက်ဆေးဖြင့် သွားတိုက်ပြီးသည့်တိုင်အောင် ခံတွင်းနံ့ဆိုးခြင်းမျိုး ဖြစ်ရတဲ့ အကြောင်းအရင်း များစွာရှိပါတယ်။

ခံတွင်းနံ့ဆိုးခြင်း ဖြစ်ပေါ်ရတဲ့ အချို့သော အကြောင်းအရင်းတွေကတော့ …

(၁) အယ်လ်ကိုဟော ပါဝင်တဲ့ ခံတွင်းသန့်စင်ဆေးတွေက ပါးစပ်ကိုခြောက်သွေ့စေပြီး ခံတွင်းနံ့ ပိုဆိုးစေတာကြောင့် အယ်လ်ကိုဟော မပါတဲ့ သန့်စင်ဆေးတွေကို ပြောင်းသုံးသင့်ပါတယ်။

(၂) တံတွေး လုံလောက်စွာ မထုတ်ခြင်း၊ ရေဓာတ်ခန်းခြောက်ခြင်း၊ အချို့သော ဆေးဝါးများသုံးစွဲရခြင်းတို့ကြောင့် ခံတွင်းခြောက်သွေ့ကာ  ဘက်တီးရီးယားများ ဝင်ရောက်ပေါက်ဖွားနိုင်ပါတယ်။

(၃) သွားပိုးစားခြင်းများ၊ သွားဖုံးရောဂါများကြောင့် ဘက်တီးရီးယားများ ပေါက်ဖွားကာ အနံ့ဆိုးထွက်စေပါတယ်။

(၄) လျှာမျက်နှာပြင် ကြမ်းတမ်းတဲ့အခါ ဆဲလ်သေများ စုပြုံလာပြီး ခံတွင်းနံ့ဆိုးရွားစေပါတယ်။

(၅) ကြက်သွန်ဖြူ၊ ကြက်သွန်နီ၊ အစပ်တို့လို စားစရာတွေက အနံ့ပြင်းပြီး အငွေ့ပျံလွယ်တဲ့ ဒြပ်ပေါင်းများထုတ်လွှတ်တဲ့အပြင် အရက်၊ ကော်ဖီ၊ အက်ဆစ်ဓာတ်ပါဝင်တဲ့ အချိုရည်တို့ကြောင့်လည်း ခံတွင်းနံ့ဆိုးစေပါတယ်။

(၆) ဆေးလိပ်တွေက အနံ့ပြင်းတဲ့အပြင် ခံတွင်းခြောက်ခြင်း၊ သွားဖုံးရောဂါတို့လည်း ဖြစ်စေနိုင်ပါတယ်။

(၇) နာတာရှည်လေပြွန်ရောင်ရောဂါ၊ အက်ဆစ်လျှံတက်ခြင်း၊ အာသီးရောင်ခြင်း၊ အသက်ရှူလမ်းကြောင်းရောဂါပိုး ကူးစက်ခြင်း၊ အသည်း ကျောက်ကပ်ပြဿနာများ၊ ဆီးချိုရောဂါတို့ကြောင့် ခံတွင်းနံ့ဆိုးစေနိုင်ပါတယ်။

(၈) စိတ်ဖိစီးမှု၊ ပူပန်သောကတို့ကြောင့်လည်း ခံတွင်းခြောက်သွေ့စေနိုင်ပါတယ်။

 
သွားတိုက်ရုံဖြင့် ခံတွင်းနံ့မပျောက်ဘူးဆိုရင် သက်သာစေမယ့် နည်းလမ်းများကတော့..

(၁) တစ်နေ့ ၂ ကြိမ်သွားတိုက်ခြင်း၊ ပါးစပ်သန့်စင်ရည်ဖြင့် သန့်ရှင်းခြင်းတို့ဖြင့် ဘက်တီးရီးယားများနဲ့ အစာအကြွင်းအကျန်များကို ဖယ်ရှားပေးပါတယ်။

(၂) လျှာမျက်နှာပြင်ကို သွားတိုက်တံ ဒါမှမဟုတ် လျှာပွတ်တံတို့ဖြင့် ညင်သာစွာ ပွတ်တိုက်ပေးသင့်ပါတယ်။

(၃) တစ်နေ့တာလုံး ခံတွင်းခြောက်သွေ့မှု မဖြစ်စေရန် ရေများများသောက်ပါ။

(၄) ခံတွင်းနံ့ဆိုးစေတဲ့ ကြက်သွန်ဖြူ၊ ကြက်သွန်နီ၊ အစပ်များကို ကန့်သတ်လျှော့ချစားသုံးပါ။

(၅) သွားဖုံးရောဂါများနဲ့ ခံတွင်းခြောက်သွေ့ခြင်းကို ဖြစ်စေတဲ့ ဆေးလိပ်ကို ရှောင်ရှားရပါမယ်။

(၆) သကြားမပါတဲ့ ပူရှိန်း၊ ပီကေများ ဝါးပေးခြင်းဖြင့် တံတွေးထွက်အောင် လှုံ့ဆော်နိုင်ပြီး ဘက်တီးရီးယားများကို ရှင်းလင်းစေပါတယ်။

(၇) လေပြွန်ရောင်ရမ်းခြင်း၊ နှာခေါင်းပိုက်ထည့်ခြင်းတို့ကြောင့် အနံ့ဆိုးထွက်စေနိုင်ကာ နှာခေါင်းအစက်ချ သန့်စင်ဆေးများဖြင့် ရှင်းလင်းသင့်ပါတယ်။

Source: DoctorNDTV #World_Health #ခံတွင်းနံ့ဘာကြောင့်ဆက်ဆိုးနေ
#Yangon_Times #Daily_News #YMG

တရုတ်နိုင်ငံ လျှပ်စစ်ကားဈေးကွက်မှာ ဦးဆောင်နေတဲ့ BYD ကုမ္ပဏီက လျှပ်စစ်ကားများ ရောင်းချရန် ဖိလစ်ပိုင်မှ အကြီးမားဆုံး စီးပွားရေးကော်ပိုရေးရှင်းကြီးတစ်ခုနဲ့ သဘောတူလက်မှတ် ရေးထိုးပြီးနောက် အရှေ့တောင်အာရှဈေးကွက်မှာ တိုးချဲ့လျက်ရှိနေပါတယ်။

Published_ 25 September 2023
#World_Industry #တရုတ်လျှပ်စစ်ကားထုတ်လုပ် #အာရှဈေးကွက်တိုးချဲ့နေ

#Daily_News
Published_ 25 September 2023

၁။ တိုက်ကြီးမြို့နယ်တွင် ငလျင်(၈)ကြိမ်လှုပ်ခဲ့၊ ပန်းတစ်ပွင့်တောင်ရှိ အဆောက်အဦးများထိခိုက်ခဲ့သော်လည်း ဖူးကြီးရေလှောင်ကန်မထိခိုက်

၂။ အောက်တိုဘာ ၁ ရက်ကစပြီး ပြည်ပရောက် မြန်မာများ၏ လစာအပေါ်အခွန်ကောက်ခံတော့မည်

၃။ ယခုတစ်ပတ် စားအုန်းဆီရည်ညွှန်းဈေးအနည်းငယ်ကျဆင်း၊ ဒေသ(၁၃)ခုတွင် ရည်ညွှန်းဈေးအတိုင်းရောင်းချပေးထားဟုဆို

၄။ တရုတ်လျှပ်စစ်ကားထုတ်လုပ်ရေး BYD အရှေ့တောင်အာရှဈေးကွက်တိုးချဲ့နေ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published 25 September 2023

ရန်ကုန်အပြည်ပြည်ဆိုင်ရာလေဆိပ်တွင်တရားဝင်စာရွက်စာတမ်းအထောက်အထားမပြနိုင်သည့် တိုင်းရင်းဆေး ဒူးနာပျောက်ဆေး(၁၄၉)ဗူးနှင့်Hand Setခြောက်လုံး၊Electrical Spare Partsတစ်ခု ကျပ်(၄၅)သိန်းကျော်တန်ဖိုးရှိ ပစ္စည်းများကို သိမ်းဆည်းရမိခဲ့ကြောင်း တရားမဝင်ကုန်သွယ်မှုတိုက်ဖျက်ရေးကော်မတီ၏ထုတ်ပြန်ချက် ချက်အရသိရသည်။

အဆိုပါပစ္စည်းများကို တာဝန်ကျအကောက်ခွန်အဖွဲ့များမှ သိမ်းဆည်းရမိခဲ့ပြီး အကောက်ခွန်လုပ်ထုံးလုပ်နည်းနှင့် အညီအရေးယူဆောင်ရွက်လျက်ရှိသည်ဟုဆိုသည်။

ယင်းပစ္စည်းများအပြင် တနင်္သာရီတိုင်းတွင် တရားမဝင်ငါးဖမ်းစက်လှေစက်လှေပေါ်မှ ငါးသယ်ရေယာဉ်တစ်စီး ကိုလည်း ဖမ်းဆီးရမိသိမ်းဆည်းခဲ့သည်ဟုဖော်ပြထားသည်။

တရားမဝင်ကုန်သွယ်မှုတိုက်ဖျက်ရေးကော်မတီ၏ဦးဆောင်မှုဖြင့် တရားမဝင်လူသုံးကုန်ပစ္စည်းများ၊လုပ်ငန်းသုံး ပစ္စည်းများ၊စားသောက်ကုန်ပစ္စည်းများ၊ယာဉ်များကိုသိမ်းဆည်းရမိခဲ့ကြောင်းနှင့် စက်တင်ဘာလ(၂၀)ရက်မှ (၂၂)ရက်အထိ သုံးရက်တာအတွင်း အမှုတွဲပေါင်း(၂၂)မှု သိမ်းဆည်းရမိခဲ့သည့် သိန်း(၄၄၀၀)ကျော်တန်ဖိုးရှိ ပစ္စည်းများကို သိမ်းဆည်းရမိခဲ့ပြီး ဥပဒေနှင့်အညီအရေးယူဆောင်ရွက်မှုများဆောင်ရွက်လျက်ရှိကြောင်း သိရသည်။
Yangon_Time/tthl
#Local_News
#YMG #Yangon_Times

ပြည်နှင့်ပုပ္ပါးဘက်ကလာတဲ့ သြဇာသီးတွေ ဈေးကွက်ထဲကို အများပြား ဝင်ရောက် လာပေမယ့် ဝယ်လိုအားမရှိတာကြောင့် အချို့ကုန်သည်တွေဟာ သယ်ယူစရိတ် အရှုံးခံကာ ကုန်ဖိုးပြန်ရနိုင်ဖို့အတွက် ဈေးလျော့ရောင်းနေရတယ်လို့ ဆိုပါတယ်။

Published_ 25 September 2023
#Local_News
#သြဇာသီးဈေးကွက် #သယ်ယူစရိတ်အရှုံးခံ
#YMG/LW #Yangon_Times

‘အခုရက်ပိုင်းအတွင်း လေပွေလှိုင်းနဲ့ လေဖိအားနည်းရပ်ဝန်းအရှိန်ကြောင့် ရန်ကုန်တိုင်း၊ ပဲခူးတိုင်း၊ ဧရာဝတီတိုင်း ၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ မိုးထစ်ချုန်းတာ၊ မိုးကြီးတာနဲ့ လေပြင်းတိုက်ခတ်တာတွေဖြစ်ပေါ်နိုင်တယ်’ ဦးလှထွန်း(ညွှန်ကြားရေးမှူး၊ မိုးလေဝသနှင့်ဇလဗေဒညွှန်ကြားမှုဦးစီးဌာန)

Published_ 25 September 2023
#လေပွေလှိုင်းနှင့်လေဖိအားနည်းရပ်ဝန်း #မိုးထစ်ချုန်း #လေပြင်းတိုက်ခတ်
#tthl #Yangon_Times

‘စားအုန်းဆီတွေ ဝယ်မရဘူးဆိုတာ မရှိလို့ ရှားပါးလို့မဟုတ်ပါဘူး စားအုန်းဆီတွေကအလုံအလောက်ရှိပါတယ်။ နေရာဒေသအပေါ်မူတည်ပြီး အဲဒီ့ဒေသကိုမရောက်သေးတာနဲ့ မလိုအပ်ဘဲ စားအုန်းဆီတွေ ဝယ်ထားတဲ့သူတွေကြောင့်ဖြစ်တာဖြစ်တယ်’ ဘုရင့်နောင် စားအုန်းဆီလက်ကားဒိုင်မှ တာဝန်ရှိသူတစ်ဦး

Published_ 25 September 2023
#Local_News
#စားအုန်းဆီရည်ညွှန်းဈေး #ဆီရှားပါးခြင်းမရှိ
#tthl #Yangon_Times

ပြောင်းလဲပြင်ဆင်ထားတဲ့ဥပဒေမှာ ပြည်ပရောက် မြန်မာနိုင်ငံသားများကို လစာ မဟုတ်တဲ့ဝင်ငွေများက ၁၀ရာခိုင်နှုန်း အခွန်ကောက်ခံမှုကို မပြောင်းလဲဘဲ ယခင်အတိုင်း သတ်မှတ်ထားပေမယ့်လဲ အခုခါမှာလစာနဲ့လုပ်ကိုင်သူတွေကိုပါ စတင်အခွန်ကောက်ခံမှာ ဖြစ်တယ်လို့ နိုင်ငံပိုင်သတင်းစာများကနေ အသိပေးကြေညာခဲ့ပါတယ်။

Published_ 25 September 2023
#YMG/LW #Yangon_Times
#လစာအပေါ်အခွန်ကောက်ခံ #နိုင်ငံပိုင်သတင်းစာ

‘ဖူးကြီးရေလှောင်ကန်ထိခိုက်ပျက်စီးမှုမရှိပေမယ့် ပန်းတစ်ပွင့်တောင်ရှိသာသနိကအဆောက်အဦးတွေ ထိခိုက်ပျက်စီးခဲ့ပြီး ယခင်တန်ဖိုးကျပ်သိန်း ၃၀၀ခန့် အဆောက်အဦးများထိခိုက်ပျက်စီးခဲ့ရတယ်။ ကျောင်းတွေက ကလေးငယ်တွေကို ငလျင်နဲ့ပတ်သက်လို့ဇာတ်တိုက်လေ့ကျင့်ပေးနေတယ်” တိုက်ကြီးမြို့နယ်၊ ဒေသခံတစ်ဦး

Published_ 25 September 2023
#Local_News #ပန်းတစ်ပွင့်တောင် #ဖူးကြီးရေလှောင်ကန်
#tthl
#Yangon_Times

#Local_News
Published 25 Setember 2023

ရန်ကုန်တိုင်းဒေသကြီး သာကေတမြို့နယ် ဧရာဝဏ်လမ်းမကြီး ကျောက်တိုင်မှတ်တိုင်အနီး Max ဆီဆိုင်အရှေ့တွင် Taxi တစ်စီးမှ အရှိန်လွန်၍ လမ်းဘေးဆိုင်းဘုတ်တိုင်အား ဝင်တိုက်မှုဖြစ်ခဲ့ကြောင်း သာကေတမြို့နယ် လူမှုကူညီရေး အသင်းထံက သိရသည်။

အဆိုပါယာဉ်တိုက်မှုမှာ စက်တင်ဘာ ၂၄ရက် ည ၁၁နာရီ ခွဲ အချိန်ခန့် ဖြစ်ခဲ့တာဖြစ်ပြီး ကားထဲ တွင် အသက် ၃၅ခန့် အမျိုးသားတစ်ဦး ညပ်နေတာကြောင့် သာကေတမြို့နယ်လူမှုကူညီရေးအဖွဲ့၊ Emergency Medical Service တို့မှမြေပြင်ကို ကယ်ထုတ်ပေးကာ မနောဖြူလူမှုကူညီရေးအသင်းက လူနာတင်ယာဉ်ဖြင့် ရန်ကုန်ဆေးရုံကြီးကို ပို့ဆောင်ပေးခဲ့ကြောင်း သိရသည်။

ယင်းအမျိုးသားမှာ ရင်ဘတ်နှင့်ဒူးခေါင်းထိခိုက်ဒဏ်ရာရရှိပြီး ဆေးရုံသို့ရောက်ရှိပြီးနောက်၂၅ ရက်နံနက်၂နာရီခွဲတွင် သေဆုံးသွားခဲ့ကြောင်း သိရသည်။

#YMG/LW #Local_News #အမျိုးသားတစ်ဦးသေဆုံး #အရှိန်လွန်၍လမ်းဘေးဆိုင်းဘုတ်ကိုဝင်တိုက် #Yangon_Times

#World_News
Published 25 September 2023

ပြင်သစ်ဟာ ဇူလိုင်လက စစ်အာဏာသိမ်းမှု ဖြစ်ပွားခဲ့တဲ့ နိုင်ဂျာနိုင်ငံနဲ့ စစ်ရေးပူးပေါင်းဆောင်ရွက်မှုကို အဆုံးသတ်ပြီး ယခုနှစ်ကုန်မှာ နိုင်ဂျာရှိ ယင်းတို့ရဲ့ တပ်သား ၁,၅၀၀ ကို ပြန်လည်ဆုတ်ခွာတော့မှာ ဖြစ်ကြောင်း ပြင်သစ်သမ္မတ အီမန်နျူယယ်မက်ခရွန်က တနင်္ဂနွေနေ့မှာ ပြောကြားလိုက်ပါတယ်။

ဒီလိုတပ်ဆုတ်ရတာဟာ ဆာဟယ်ဒေသရှိ ပြင်သစ်တို့ရဲ့ အကြမ်းဖက်နှိမ်နင်းရေး လုပ်ငန်းစဥ်များနဲ့ ပြင်သစ်လွှမ်းမိုးမှုတို့မှာ အထိနာစရာ ဖြစ်ရပေမယ့် အာဏာသိမ်းသူတွေ လက်အောက်မှာ ဓားစာခံအဖြစ်မခံနိုင်ဘူးလို့ မက်ခရွန်က ဆိုပါတယ်။

‘’နိုင်ဂျာရှိ ပြင်သစ်သံအမတ်ကို ပြန်ခေါ်ပြီး နိုင်ဂျာနဲ့ စစ်ရေးပူးပေါင်းဆောင်ရွက်မှု အဆုံးသတ်ရန် ဆုံးဖြတ်လိုက်ပါပြီ’’ လို့ TF1 ၊ France 2 တီဗီရုပ်သံတို့နဲ့ အင်တာဗျူးမှာ မက်ခရွန်က ပြောပြခဲ့ပါတယ်။

နိုင်ဂျာခေါင်းဆောင်ကလည်း ထိုကြေညာချက်ကို ကြိုဆိုလိုက်ကာ တိုင်းပြည်အချုပ်အခြာအာဏာ တည်မြဲရန် ခြေလှမ်းသစ်တစ်ခု ဖြစ်တယ်လို့ ဆိုလိုက်ပါတယ်။

‘’နယ်ချဲ့ဝါဒီတွေနဲ့ ကိုလိုနီလက်သစ်တွေရဲ့ တပ်တွေကို ဒီတိုင်းပြည်ကနေ မကြိုဆိုတော့ပါဘူး။ အပြန်အလှန် လေးစားမှုနဲ့ အချုပ်အခြာအာဏာ တည်မြဲရေးတို့ကို အခြေခံတဲ့ ခေတ်သစ်ဆီသို့ လျှောက်လှမ်းနေပါပြီ’’ လို့ ကြေညာခဲ့ပါတယ်။

တပ်ဆုတ်တာကို ငြိမ်းချမ်းစွာ လုပ်ဆောင်ချင်တာကြောင့် လာမယ့် ရက်သတ္တပတ်များအတွင်း အာဏာသိမ်းသူများနဲ့ တိုင်ပင်ဆွေးနွေးသွားမှာဖြစ်ကြောင်း မက်ခရွန်က ဆိုပါတယ်။

ပြင်သစ်ဟာ နိုင်ဂျာနိုင်ငံ ဆာဟယ်ဒေသမှာ ဂျီဟတ်ဒ်ဆန့်ကျင်ရေး တပ်နေရာချထားခြင်းအဖြစ် တပ်သား ၁,၅၀၀ ခန့် ထားရှိထားတာဖြစ်ပါတယ်။

ဇူလိုင် ၂၆ ရက်နေ့မှာ သမ္မတ မိုဟာမက်ဘာဇွန်းမ်ကို အာဏာဖြုတ်ချပြီးနောက် ပြင်သစ်သံအမတ် ဆယ်လ်ဗိန်းအစ်ထယ်ကို နိုင်ဂျာစစ်ခေါင်းဆောင်များက တိုင်းပြည်မှ ထွက်ခွာခိုင်းခဲ့ပါတယ်။

၄၈ နာရီအတွင်းထွက်ခွာရန် ဩဂုတ်လအတွင်း ရာဇသံထုတ်ပြန်ခဲ့ပေမယ့် ပြင်သစ်အစိုးရက နိုင်ဂျာစစ်ခေါင်းဆောင်များကို တရားဝင်အသိအမှတ် မပြုတာကြောင့် သံအမတ်ကို ဆက်လက်ထားရှိခဲ့ပါတယ်။

ဘာဇွန်းမ်ကို စစ်ခေါင်းဆောင်များက ဖမ်းဆီးထိန်းသိမ်းထားကာ ဒီမိုကရေစီနည်းအရ ရွေးကောက်တင်မြှောက်ထားတဲ့ သူ့ကိုပဲ မက်ခရွန်က တရားဝင်ခေါင်းဆောင်အဖြစ် သတ်မှတ်တယ်လို့ ဆိုပါတယ်။

ဆာဟယ်ဒေသမှာ နိုင်ဂျာအာဏာသိမ်းမှုအပြင် မာလီ၊ ဘာကီနာဖာဆို၊ ဂီနီယာတို့မှာလည်း မကြာသေးမီနှစ်များအတွင်း အလားတူဖြစ်ရပ်များ ဖြစ်ပေါ်ခဲ့ပါတယ်။

#World_News #နိုင်ဂျာနိုင်ငံ #ပြန်လည်ဆုတ်ခွာ #ပြင်သစ်သမ္မတဆုံးဖြတ်
Source: DW