#Local_News
Published_ 30 September 2023

နိုင်ငံ့ဝန်ထမ်းများနှင့် တပ်မတော်(ကြည်း၊ရေ၊လေ) ဝန်ထမ်းများကို အပိုထောက်ပံ့ကြေးအဖြစ် တစ်လလျှင့် ကျပ်သုံးသောင်း ချီးမြှင့်သွားမယ်လို့ နစကရဲ့သတင်းထုတ်ပြန်ချက်အရသိရပါတယ်။

နိုင်ငံတော်အတွင်းနိုင်ငံတော်၏ တာဝန်ကိုထမ်းဆောင်လျက်ရှိကြသည့် နိုင်ငံ့ဝန်ထမ်းများ၊ တပ်မတော် (ကြည်း၊ရေ၊လေ) ဝန်ထမ်းများ၏ စားဝတ်နေရေးသက်သာ ချောင်လည်မှုရှိစေရန်အတွက် လက်ရှိလစာအပြင် အပို ထောက်ပံ့ကြေးအဖြစ် တစ်ဦး လျှင် တစ်လကျပ် ၃၀၀၀၀ (သုံးသောင်း) နှုန်းဖြင့် လစဉ်ခံစားခွင်ပြုသွားမှာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

အလားတူ အစိုးရဌာနများနှင့် အဖွဲ့အစည်များရှိ နေ့စားအလုပ်သမားများ၏ လုပ်ခကိုအလုပ်ချိန် တစ်နေ့ ၈ နာရီအတွက် လက်ရှိသတ်မှတ်ထားသော လုပ်ခ ကျပ် ၄,၈၀၀ (ကျပ်လေးထောင့်ရှစ်ရာတိတိ) အပေါ်တွင် အပိုထောက်ပံ့ကြေးအဖြစ် တစ်ထောင်ကျပ်တိတိထပ်မံခံစားခွင့်ပြုသွားမှာလည်းဖြစ်ပါတယ်။

အဆိုပါ အပိုထောက်ပံ့ကြေးခံစားခွင့်ပြုမည့် ကိစ္စရပ်နှင်စပ်လျဉ်း၍ စီမံကိန်းနှင့်ဘဏ္ဍာရေးဝန်ကြီးဌာနမှလည်း အမိန့်ကြေညာစာထုတ်ပြန်ထားပြီးဖြစ်တယ်လို့ သိရပါတယ်။

#Local_News #နိုင်ငံ့ဝန်ထမ်းများ #တပ်မတော်သား #အပိုထောက်ပံ့ကြေးသုံးသောင်းကျပ်
#Yangon_Times

#BreakingNews

၃၀ စက်တင်ဘာ ၂၀၂၃

နစက ဥက္ကဋ္ဌ တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီး မင်းအောင်လှိုင်နှင့် ကရင်တိုင်းရင်းသားခေါင်းဆောင်စောမူတူးစေးဖိုးတို့ နေပြည်တော်တွင် ငြိမ်းချမ်းရေးကိစ္စများဆွေးနွေးခဲ့ကြပါတယ်။

ဗိုလ်ချုပ်မှူးကြီး မင်းအောင်လှိုင်သည် ကရင်တိုင်းရင်းသားခေါင်းဆောင် စောမူတူးစေးဖိုးဦးဆောင်သည့်အဖွဲ့အား ယနေ့နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာ၊ဧည့်ခန်းမဆောင်၌ လက်ခံတွေ့ဆုံပြီး ငြိမ်းချမ်းရေး ဆိုင်ရာကိစ္စရပ်များ ဆွေးနွေးခဲ့ကြတာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

အဲဒီ ငြိမ်းချမ်းရေးတွေ့ဆုံဆွေးနွေးပွဲသို့ ဗိုလ်ချုပ်မှူးကြီးမင်းအောင်လှိုင်နှင့်အတူ  ကာကွယ်ရေးဦးစီးချုပ်ရုံးမှ ဒုတိယဗိုလ်ချုပ်ကြီး ရဲဝင်းဦးနှင့် တပ်မတော် အရာရှိကြီးများ၊ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီဥက္ကဋ္ဌ ဒုတိယဗိုလ်ချုပ်ကြီး ရာပြည့်တို့တက်ရောက်ကြပြီး ကရင်တိုင်းရင်းသားခေါင်းဆောင် စောမူတူးစေးဖိုး နှင့်အတူ ကရင်အမျိုးသားအစည်းအရုံး . (KNU) ဗဟိုကော်မတီဝင်ဟောင်းဖြစ်သူ .. စောရောဂျာခင်၊ ကော့ကရိတ်ခရိုင် ဥက္ကဋ္ဌ ပဒိုရွှေမောင်း တို့ တက်ရောက်ကြခဲ့ကြကြောင်း သတင်းထုတ်ပြန်ချက်မှာဖော်ပြထားပါတယ်။

#World_News
Published 30 September 2023

အမေရိကန်ရှိ အစိုးရယန္တရားများ ရပ်ဆိုင်းတော့မယ့်အကြောင်း အစိုးရက အလုပ်သမားများကို အသိပေးလိုက်ပြီဖြစ်ပြီး ကွန်ဂရက်လွှတ်တော်မှ နောက်ဆုံးသဘောတူညီချက် မရသရွေ့ သန်းနဲ့ချီတဲ့ အစိုးရဝန်ထမ်းများနဲ့ စစ်မှုထမ်းများဟာ အိမ်ပြန်ပို့ခံရခြင်း ဒါမှမဟုတ် လစာမရဘဲ အလုပ်လုပ်ရခြင်းတို့ ကြုံတွေ့လာနိုင်ပါတယ်။

သဘောတူညီချက် မရခဲ့ဘူးဆိုရင် အစိုးရရန်ပုံငွေအများစုဟာ စနေနေ့ ညသန်းခေါင်ယံမှာ သက်တမ်းကုန်ဆုံးမှာ ဖြစ်ပြီး အစစအရာရာအတွက် အခက်အခဲများ ကြုံတွေ့လာနိုင်ကာ ယန္တရားရပ်ဆိုင်းမှု ရှည်ကြာလာပါက အမေရိကန်စီးပွားရေးကို ပိုမိုထိခိုက်လာစေမှာ ဖြစ်ပါတယ်။

ဒါတွေဟာ သဘောထားတင်းမာနေတဲ့ ရီပတ်ဘလစ်ကန် အနည်းစုကြောင့် ကွဲလွဲမှုတွေ ပေါ်ပေါက်လာတာ ဖြစ်ပါတယ်။

ယန္တရားရပ်ဆိုင်းမည်ဖြစ်တာကြောင့် ကြိုတင်ပြင်ဆင်ထားကြရန် အချို့အစိုးရဝန်ထမ်းတွေကို အသိပေးထားတယ်လို့ AFP က ဖော်ပြလိုက်ပါတယ်။

အစိုးရဌာနတိုင်းနီးပါး လည်ပတ်မှုရပ်ဆိုင်းတော့မှာ ဖြစ်တာကြောင့် ဝန်ထမ်းလျှော့ချမှာ ဖြစ်ပေမယ့် အဓိကလုပ်ငန်းများကတော့ ဆက်လက်လည်ပတ်နေမှာ ဖြစ်တယ်လို့ ကျန်းမာရေးနှင့် ပြည်သူ့ဝန်ဆောင်မှုဌာနမှ ဝန်ထမ်းတစ်ဦးရရှိတဲ့ အသိပေးစာမှာ ဖော်ပြထားပါတယ်။

အရေးပေါ်ဖြစ်လာနိုင်တဲ့ အစီအစဥ်များကိုလည်း ပြင်ဆင်ဖော်ပြလိုက်ကာ ကြိုတင်အကြောင်းကြားခံရတဲ့ ဝန်ထမ်းတွေဟာ ယာယီအလုပ်နားနေရမှာ ဖြစ်ပြီး ရပ်ဆိုင်းမှုပြီးမြောက်ပြီးနောက် နစ်နာကြေး ရရှိမှာဖြစ်တယ်လို့ အသိပေးစာမှာ ဖော်ပြထားပါတယ်။

အစိုးရယန္တရားရပ်ဆိုင်းတဲ့အခါ သန်းနဲ့ချီတဲ့ အစိုးရဝန်ထမ်းတွေဟာ လစာမရရှိဘဲ အလုပ်နားနေရမှာဖြစ်ပြီး စစ်ဘက်ဆိုင်ရာ အမှုထမ်းတွေနဲ့ မရှိမဖြစ်လိုအပ်တဲ့ အခြားဝန်ထမ်းတွေကတော့ လစာမရဘဲ အလုပ်ဆက်လုပ်နေရမှာ ဖြစ်ပါတယ်။

လုံခြုံရေးအစောင့်တွေလိုမျိုး နေရာတွေက ကိစ္စမရှိပေမယ့် လစာမရတဲ့သူတွေကတော့ တဖြည်းဖြည်းနဲ့ အလုပ်မလာတော့ဘဲ အချို့ကဏ္ဍကြီးတွေ ထိခိုက်လာမှာ ဖြစ်ပါတယ်။

ဒါ့အပြင် ဖက်ဒရယ်လေကြောင်းစီမံအုပ်ချုပ်ရေး (FAA)ဟာ လုပ်ပိုင်ခွင့် ပြန်လည်အပ်နှံခြင်း ကိစ္စနဲ့ပတ်သက်ပြီး ခေါင်းခဲနေရပါတယ်။

အခုအချိန်က အစိုးရယန္တရားများ ရပ်ဆိုင်းရန် သင့်လျော်တဲ့အချိန် မဟုတ်ကြောင်း၊ အကျိုးဆက်အနေနဲ့ ပျက်စီးရန်အန္တရာယ် ရှိနေကြောင်း သယ်ယူပို့ဆောင်ရေးဝန်ကြီး ပီ့တ်ဘွတ်တီဂျက်က ဗုဒ္ဓဟူးနေ့က ရှင်းလင်းပွဲမှာ ပြောကြားခဲ့ပါတယ်။

ယန္တရားရပ်ဆိုင်းမှုဖြစ်ပေါ်ပါက ဖက်ဒရယ်အရေးပေါ် စီမံခန့်ခွဲရေးအေဂျင်စီရဲ့ သဘာဝဘေးအန္တရာယ် ကယ်ဆယ်ရေးအတွက် ရန်ပုံငွေ မလုံလောက်မှု ဖြစ်ပေါ်လာနိုင်ကာ တိုင်းပြည်အနှံ့ရှိ ရေရှည်ပြန်လည်ဖော်ဆောင်ရေး စီမံကိန်း ၂ ထောင်နီးပါး နှောင့်နှေးသွားနိုင်တယ်လို့ အိမ်ဖြူတော်က သတိပေးထုတ်ပြန်လိုက်ပါတယ်။

အထက်လွှတ်တော် လူများစုခေါင်းဆောင် ချက်ခ်ရှူမာက အောက်လွှတ်တော်ဥက္ကဌ မက်ကာသီဟာ လက်ယာစွန်းရောက် လက်တစ်ဆုပ်စာရဲ့ ဆန္ဒတွေကို ဦးစားပေးရွေးချယ်ခဲ့တယ်လို့ စွပ်စွဲလိုက်ပါတယ်။

ယန္တရားအလုံးစုံ ရပ်ဆိုင်းရပါက ထိုကာလအတွင်း အစိုးရဝန်ထမ်းပေါင်း ၁.၈ သန်းနီးပါးဟာ လစာရရှိမှာမဟုတ်ဘူးလို့ အမေရိကန်အစိုးရဝန်ထမ်း ဖက်ဒရေးရှင်းသမဂ္ဂက ခန့်မှန်းလိုက်ပါတယ်။

#World_News #အမေရိကန်အစိုးရ #အစိုးရဝန်ထမ်းများကိုအသိပေး #Source: Bangkok Post

“ဒီစာများသည် မမှန်ပါဘူး အတုများဖြစ်ပါတယ်။

ဒီလိုသတင်းတုတွေဟာ စီးပွားရေးအရ၊ နိုင်ငံရေးအရ ထိုးနှက်မှုကို အချိန်ကိုက်လုပ်ဆောင်နေကြခြင်းဖြစ်တယ်”

ဗိုလ်ချုပ်ဇော်မင်းထွန်း

၅၀ ကျပ်တန်နှင့် ၁၀၀ ကျပ်တန် ငွေစက္ကူများ ရုပ်သိမ်းကြောင်း အမိန့်ကြော်ငြာစာများသည်  လုပ်ကြံထားသည့် အမိန့်ကြော်ငြာစာအတုများသာဖြစ်​ကြောင်း  နစက သတင်းပြန်ကြားရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်း အတည်ပြုပြောကြားပါတယ်။

#Local_News
Published_ 30 September 2023

၅၀ ကျပ်တန်နှင့် ၁၀၀ ကျပ်တန်များရုပ်သိမ်းခြင်းဟူ၍ ဆိုရှယ်မီဒီယာပေ့ချ်အချို့တွင် ရေးသားနေကြသည်မှာ သတင်းတုသတင်းမှားများသာဖြစ်ကြောင်း နစက၏သတင်းထုတ်ပြန်ရေးအဖွဲ့မှထုတ်ပြန်‌ဖြေရှင်းလိုက်ကြောင်း သိရသည်။

လူမှုကွန်ရက်ပေါ်တွင်ပျံနှံ့လာသည့် မြန်မာနိုင်ငံအတွင်းလက်ရှိသုံးစွဲလျက်ရှိသည့် ၅၀ ကျပ်တန်နှင့် ၁၀၀ ကျပ်တန်များအား ရုတ်သိမ်းလိုက်ကြောင်း စက်တင်ဘာ(၂၉)ရက်ရက်စွဲဖြင့် ဗဟိုဘဏ်မှထုတ်ပြန်သည်ဟု အမိန့်ကြေညာစာအတုထွက်ပေါ်ခဲ့သည်။

 အဆိုပါ ထုတ်ပြန်ချက် အမိန့်ကြေညာစာများသည် သတင်းတုသတင်းမှားများသာ ဖြစ်ကြောင်း၊ယင်းကိစ္စနှင့်ပတ်သက်၍ ဗဟိုဘဏ်မှလည်း ဆက်လက်ထုတ်ပြန်ပေးသွားမည်ဖြစ် ကြောင်း နစက ၏သတင်းထုတ်ပြန်ရေးအဖွဲ့မှ ထုတ်ပြန်လိုက်ခြင်းဖြစ်သည်။

ထုတ်ပြန်ချက်အတု၌ (၅၀)ကျပ်တန်၊ (၁၀၀) ကျပ်တန်များအား စက်တင်ဘာ (၂၉ )ရက်နံနက်( ၆ )နာရီမှစတင်၍ ရုတ်သိမ်းလိုက်သည်ဟု ဗဟိုဘဏ်၏ အမိန့်ကြော်ငြာစာအမှတ်(၂၇/ ၂၀၂၃)ဖြင့် ဗဟိုဘဏ်ဥပဒေပုဒ်မ ၄၀ နှင့် ၄၁ တို့အရအပ်နှင်းထားသော လုပ်ပိုင်ခွင့်ကိုကျင့်သုံး၍ ထုတ်ပြန်ခြင်းဖြစ်သည်ဟု ရေးသားထားကြောင်းသိရသည်။

#Local_News #၅၀ကျပ်တန်နှင့်၁၀၀ကျပ်တန် #ဆိုရှယ်မီဒီယာပေ့ချ်အချို့ #နစကမှထုတ်ပြန်ဖြေရှင်း #tthl #Yangon_Times

#World_Health
Published 30 September 2023

ကော်ဖီသောက်ခြင်းဖြင့် မနက်ခင်းမှာ နိုးကြားမှုကို ပေးစွမ်းနိုင်သလို အစာခြေစနစ်ကိုလည်း လှုံ့ဆော်ပေးတဲ့အပြင် အစာခြေနှုန်း၊ အစားအစာများမှ အာဟာရဓာတ်များ စုပ်ယူမှုကိုလည်း သက်ရောက်နေပါတယ်။

ဒါ့အပြင် ကဖင်းဓာတ်ဟာ အချို့ဆေးဝါးတွေနဲ့ အပြန်အလှန်သက်ရောက်မှုရှိပြီး ဆေးဝါးစုပ်ယူနိုင်စွမ်းကို သက်ရောက်စေပါတယ်။

 
(၁) စိတ်ကျရောဂါသက်သာဆေးများ

ယခုဆယ်စုနှစ်များအတွင်း အဆိုပါဆေးဝါးများကို အများအပြား သုံးစွဲလာကြပြီး ကော်ဖီက ဒီဆေးတွေရဲ့ စုပ်ယူနိုင်စွမ်းနဲ့ ထိရောက်မှုအပေါ် သက်ရောက်နေတာကို သိရှိထားဖို့ အရေးကြီးပါတယ်။

ဖလူဗိုဇမင်းလို ဆေးမျိုးဆိုရင် ကဖင်းဓာတ်ကို ပိုမိုတုန့်ပြန်စေကာ အိပ်မပျော်ခြင်း၊ နှလုံးခုန်မြန်ခြင်းတို့ကို ပိုဆိုးစေတတ်ပါတယ်။

ဒါကြောင့် စိတ်ကျရောဂါသက်သာဆေးများကို ကော်ဖီနဲ့ အနည်းဆုံး ၁နာရီခြားပြီး သောက်သုံးသင့်ပါတယ်။

 
(၂) သွေးပေါင်ချိန်ထိန်းဆေးများ

သွေးကျဆေးတွေဟာ နှလုံးခုန်နှုန်းကျစေပြီး နှလုံးမှ သွေးညှစ်ထုတ်အားကို လျော့ကျစေပါတယ်။

အမ်လိုဒီပင်းလို ဆေးကို ကော်ဖီနဲ့ တွဲဖက်သောက်သုံးပါက ဆေးစုပ်ယူနိုင်စွမ်းကို လျော့ကျစေပြီး အာနိသင်ကိုပါ ယုတ်လျော့စေပါတယ်။

 
(၃) ပန်းနာရင်ကြပ်ဆေးများ

ရင်ကြပ်ဝေဒနာကြောင့် အမိုင်နိုဖိုင်လင်း၊ သီယိုဖိုင်လင်းလို ဆေးတွေ အသုံးပြုနေရသူတွေအတွက် ဆေးရဲ့အလုပ်လုပ်ပုံကို နားလည်ထားဖို့ လိုအပ်ပါတယ်။

ထိုဆေးတွေမှာ အသက်ရှူလမ်းကြောင်းကို ကျယ်စေကာ အသက်ရှူရလွယ်ကူစေတဲ့ စတီးရွိုက်တွေ ပါဝင်ပေမယ့် ခေါင်းကိုက်ခြင်း၊ ကဏာမငြိမ်ခြင်း၊ ဗိုက်အောင့်ခြင်း၊ မအီမသာဖြစ်ခြင်းတို့ ဖြစ်စေတတ်ပါတယ်။

ကော်ဖီနဲ့ အချို့သော အချိုရည်သောက်ခြင်းဖြင့် ထိုဘေးထွက်ဆိုးကျိုးတွေကို ပိုမိုဆိုးရွားစေကာ ဆေးစုပ်ယူနိုင်စွမ်းကို ကျဆင်းစေနိုင်ပါတယ်။

 
(၄) ဆီးချိုကုသမှုများ

ကဖင်းဓာတ်ပါဝင်တဲ့ သောက်စရာတွေကြောင့် အင်ဆူလင်နဲ့ သွေးတွင်းသကြားဓာတ်ကို မြင့်မားစေနိုင်ပါတယ်။

ဒါကြောင့် ကော်ဖီသောက်တဲ့အခါ သကြားဓာတ် ထိန်းချုပ်ရန် ခက်ခဲလာပြီး ဆီးချိုရောဂါလက္ခဏာများ ပိုမိုဆိုးရွားလာတတ်ပါတယ်။

ဒါ့အပြင် ကော်ဖီထဲမှာ နို့ထည့်သောက်သုံးခြင်းကလည်း သွေးတွင်းသကြားဓာတ်ကို ပိုမိုမြင့်တက်စေပြီး ဆီးချိုသက်သာဆေးဝါးများရဲ့ အာနိသင်ကို လျော့ကျစေနိုင်ပါတယ်။

 
(၅) အအေးမိဖျားနာပျောက်ဆေးဝါးများ

အအေးမိခြင်း ဖျားနာခြင်းတို့အတွက် သောက်သုံးရတဲ့ဆေးတွေဟာ စတီးရွိုက်၊ ဆူဒိုအက်ဖက်ဒရင်း ဟိုက်ဒရိုကလိုရိုက်တို့လို အရာတွေပါဝင်ပြီး ဗဟိုအာရုံကြောစနစ် လှုပ်ရှားမှုကို မြင့်မားစေပါတယ်။

ထိုဆေးတွေကို ကော်ဖီနဲ့ သောက်သုံးမိရင် ဆေးတွေရဲ့ အာနိသင်ကို မြှင့်တင်ပေးပြီး ကဏာမငြိမ်ခြင်း၊ မအီမသာဖြစ်ခြင်း၊ အိပ်မပျော်ခြင်းတို့ကို ပိုမိုဆိုးရွားစေနိုင်ပါတယ်။

#World_Health #ကော်ဖီ #ဆေးဝါး(၅)မျိုး #Source:_The_Jerusalem_Post

#World_Health
Published 30 September 2023

အဆင့်ဆင့် ထုတ်လုပ်ထုပ်ပိုးထားတဲ့ အစားအစာတွေဟာ စိတ်ဓာတ်ကျခြင်း အခြေအနေ ဖြစ်နိုင်ချေများစေတယ်ဆိုတဲ့ လေ့လာချက်အသစ်ကို JAMA Open Network ဂျာနယ်မှာ ဖော်ပြထားပါတယ်။

ဘရစ်ဂမ်အမျိုးသမီးဆေးရုံနဲ့ ဟားဗတ် T.H ချန် ပြည်သူ့ကျန်းမာရေးဆေးရုံတို့မှ သုတေသီများက အသက် ၄၂ နှစ်မှ ၆၂ နှစ်ကြား အမျိုးသမီး ၃၁,၀၀၀ ကျော်ရဲ့ ရွေးချယ်စားသောက်မှုများနဲ့ စိတ်ကျန်းမာရေး အခြေအနေတို့ကို ဆန်းစစ်ခဲ့ကြပါတယ်။

အဆင့်ဆင့် ထုတ်လုတ်ထုပ်ပိုးထားတဲ့ အစားအစာများ(UPF)တွေထဲမှာ တာရှည်ခံဆေးများ၊ ဆိုးဆေးများ ပါဝင်တယ်လို့ မြောက်ကယ်ရိုလိုင်းနားမှ အာဟာရပညာရှင် တန်ညာဖရိုင်းရစ်ချ်က ဆိုပါတယ်။

စမ်းသပ်ပါဝင်သူတွေကို လေ့လာရာမှာ စိတ်ဓာတ်ကျခြင်းနဲ့ ဆက်စပ်နေတဲ့ အသက်အရွယ်၊ ကိုယ်အလေးချိန်ထုထည်ညွှန်းကိန်း၊ ရုပ်ပိုင်းဆိုင်ရာ လှုပ်ရှားမှု၊ ဆေးလိပ်သောက်ခြင်း၊ အိပ်စက်ခြင်း၊ နာတာရှည်ကိုက်ခဲခြင်း၊ အရက်သေစာ သောက်သုံးခြင်း၊ ဝင်ငွေ၊ အခြားကျန်းမာရေး အခြေအနေများကိုလည်း ထည့်သွင်းတွက်ချက်ခဲ့ကြပါတယ်။

ထိုအခါမှာ UPF အစားများသူတွေ အထူးသဖြင့် ထုတ်လုပ်ထားတဲ့ အချိုဓာတ်အမှုန့်များ၊ ထုတ်လုပ်ထားတဲ့ အချိုရည်များကို သောက်သုံးသူတွေက စိတ်ဓာတ်ကျဝေဒနာ ဖြစ်နိုင်ချေ ပိုများနေကြောင်း တွေ့ရှိခဲ့ကြပါတယ်။

ဖြစ်နိုင်တဲ့ အကြောင်းအရင်းတစ်ခုကတော့ ထိုပစ္စည်းတွေဟာ ဦးနှောက်ထဲမှာ ဓာတုပြောင်းလဲမှု ဖြစ်စေပြီး စိတ်ဓာတ်ကျခြင်းကို ဖြစ်ပေါ်စေတာ ဖြစ်ပါတယ်။

UPF အစားအစာတွေ အမြင့်မားဆုံးပမာဏ စားသုံးသူများဟာ စိတ်ဓာတ်ကျခြင်း ဝေဒနာဖြစ်နိုင်ချေ ၃၄ ရာခိုင်နှုန်းမှ ၄၉ ရာခိုင်နှုန်းရှိနေပါတယ်။

စားစရာများနဲ့ ကင်ဆာ၊ ဟော်မုန်းပြောင်းလဲမှုမျး၊ ကိုယ်အလေးချိန်တက်ခြင်း၊ စိတ်ကျန်းမာရေး အခြေအနေတို့ကြား ဆက်စပ်မှုများကို အများအပြား လေ့လာမှတ်တမ်းတင်ထားတယ်လို့ ဖရိုင်းရစ်ချ်က Fox News Digital ကို ပြောပြပါတယ်။

အမျိုးသမီးအများအပြားကို လေ့လာခဲ့တာဖြစ်ပေမယ့် လူမျိုးဘာသာအားလုံး ပါဝင်နေတာ မဟုတ်ပါဘူး။

ဒီလေ့လာချက်က စောင့်ကြည့်သုံးသပ်ရေးသာဖြစ်ပြီး ထိန်းချုပ်စမ်းသပ်တာမျိုး မဟုတ်တာကြောင့် UPF တွေက စိတ်ဓာတ်ကျခြင်းကို တကယ်ဖြစ်စေတာလားဆိုတာ မသိရပါဘူး။

ဒါပေမဲ့လည်း ဒီလိုမျိုးဆက်စပ် တွေ့ရှိတာဟာ တိုက်ဆိုက်မှုတော့ မဟုတ်ဘူးလို့ ကောက်ချက်ချခဲ့ကြပါတယ်။

ဒီလိုမျိုး အဆင့်ဆင့် ထုတ်လုပ်ထုပ်ပိုးထားတဲ့ စားစရာတွေကို စားမယ့်အစား လတ်ဆတ်တဲ့ အစားအစာများ၊ ချက်ပြုတ်စားသောက်တာမျိုးကို ဖြည်းဖြည်းချင်း ပြုလုပ်သွားသင့်တယ်လို့လည်း အကြံပြုထားပါတယ်။

ထုတ်လုပ်ထားတဲ့ အချိုဓာတ်အမှုန့်တွေရာ သဘာဝသကြားတွေရော လျှော့ချစားသုံးနိုင်ရင်တော့ ရုပ်ပိုင်းဆိုင်ရာရော စိတ်ပိုင်းဆိုင်ရာ ကျန်းမာရေးအတွက် အကောင်းဆုံးဖြစ်ပါတယ်။

ကျန်းမာရေးအတွက် သင့်လျော်တဲ့ အစားအစာတွေဆိုရင် အသီးအနှံများ၊ ဟင်းသီးဟင်းရွက်များ၊ အခွံမာသီးများ၊ ပဲစေ့များ၊ အစေ့အဆန်များ၊ ကောက်ပဲသီးနှံများ၊ ပရိုတိန်းများကို အားထားသင့်ပါတယ်။

#World_Health #ကျန်းမာရေးနှင့်မညီညွတ် #စိတ်ကျဝေဒနာဖြစ်နိုင်ချေ
#Source:_New_York_Post

တရုတ်နိုင်ငံမှ ရပ်ဝန်းတစ်ခုလမ်းကြောင်းတစ်သွယ် စီမံကိန်းကြီး (BRI)လက်အောက်မှ အထင်ကရ စီမံကိန်းတစ်ခုဖြစ်တဲ့ ပထမဆုံး အီဂျစ်လျှပ်စစ်မီးရထား သယ်ယူပို့ဆောင်ရေး (LRT)စနစ်ဟာ ၂၀၂၂ ဇူလိုင်လက စတင်ပြေးဆွဲနေခဲ့ပြီး ဒေသတွင်းပြည်သူများအတွက် ထိရောက်တဲ့ ပို့ဆောင်ရေးဝန်ဆောင်မှု ပေးနေပြီဖြစ်ပါတယ်။

Published_ 29 September 2023
#World_News
#အီဂျစ် #လျှပ်စစ်မီးရထားလိုင်း #LRTစနစ်စတင်ပြေးဆွဲ

#Daily_News
Published_ 29 September 2023

၁။ မြန်မာနိုင်ငံတွင် ‘ကမ္ဘာ့ပင်လယ်ရေကြောင်းနေ့’ကျင်းပ၊ ရေထုညစ်ညမ်းမှုဆိုင်ရာဥပဒေပြဋ္ဌာန်းနိုင်ရေးဆောင်ရွက်လျက်ရှိဟုဆို

၂။ ငှက်ပျောသီး ဈေးထက်ဝက်ခန့် မြင့်လာပေမယ့် ငှက်ပျောစိုက်တောင်သူတွေအတွက်အကျိုးမြတ်မရှိဟုဆို

၃။ စာသင်ကျောင်းများတွင် စားပွဲခုံအောက်ထက် ကျောင်းကွင်းပြင်ကျယ်သည် ငလျင်ဘေးအန္တရာယ်အကင်းဆုံးဖြစ်ဟုဆို

၄။ အီဂျစ်တွင်ပထမဆုံး လျှပ်စစ်မီးရထားလိုင်း LRT စနစ်စတင်ပြေးဆွဲ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published_ 29 September 2023

ဗဟန်းမြို့နယ်၊ရွှေတောင်ကြား(၂)ရပ်ကွက်၊ အင်းယားမြိုင်လမ်းတွင်မီးလောင်ကျွမ်းမှုဖြစ်ပွားခဲ့ပြီး သက်ကြီးအမျိုးသမီး(၂)ဦးသေဆုံးခဲ့ကြောင်း စမ်းချောင်းမြို့နယ်အရန်မီးသတ်တပ်ဖွဲ့မှသိရသည်။

စက်တင်ဘာလ ၂၉ ရက်၊ မနက်ပိုင်းတွင်ဖြစ်ပွားခဲ့ခြင်းဖြစ်ပြီး မီးလောင်ကျွမ်းသည်ကိုသိရှိမှုနောက်ကျခဲ့ သလိုသော့အဆင့်ဆင့်လည်းခတ်ထားသည့်အတွက် အသက်(၆၀)ကျော်အမျိုးသမီးကြီးတစ်ဦးနှင့် အသက်(၃၅)ခန့်ရှိသောအမျိုးသမီးတစ်ဦးသေဆုံးသွားခဲ့သည်ဟု မီးသတ်တပ်ဖွဲ့မှတာဝန်ရှိသူတစ်ဦးက YMG ကို ပြောသည်။

‘အင်းလျားမြိုင်လမ်းမှ ာမီးလောင်တယ်ဆိုတာဟုတ်ပါတယ်။ Yangon Tea House ဆိုင်လောင်တာ မဟုတ်ပါဘူး။ အဲဒီ့နားကနှစ်ထပ်တိုက်နေအိမ်မီးလောင်တာပါ။ အမျိုးသမီးကြီးနှစ်ဦးသေဆုံးပါတယ်။ အဲဒီ့ရပ်ကွက်ကနေအိမ်တွေကကျယ်ဝန်းပြီး လူတွေလည်းသိပ်မသိတာလည်းပါတယ်။ သော့အဆင့်ဆင့်ခတ်ထားတာလည်းပါပါတယ်’ဟု စမ်းချောင်းမြို့နယ်အရန်မီးသတ်တပ်ဖွဲ့မှတာဝန်ရှိသူ တစ်ဦးကပြောသည်။

ယင်းမီးလောင်ကျွမ်းမှုဖြစ်စဉ်ကို အနောက်ပိုင်းခရိုင်မီးသတ်စခန်းမှ မီးသတ်ယာဉ်(၁)စီး၊ စမ်းချောင်းမြို့ နယ်မီးသတ်စခန်းမှ မီးသတ်ယာဉ်(၂)စီး၊ လှိုင်မြိုနယ်မီးသတ်စခန်းမှ မီးသတ်ယာဉ်(၁)စီး၊ အလုံမြို့နယ် မီးသတ်စခန်းမှ မီးသတ်ယာဉ်(၁)စီး၊ ကမာရွတ်မြို့နယ်မီးသတ်စခန်းမှ မီးသတ်ယာဉ်(၁)စီး၊ ရန်ကင်း မြို့နယ်မီးသတ်စခန်းမှ မီးသတ်ယာဉ်(၁)စီးတိုဖြင့် ငြှိမ်းသတ်ပေးခဲ့ကြောင်းသိရသည်။

#tthl #Local_News #အင်းယားမြိုင်လမ်း #အမျိုးသမီး(၂)ဦးသေဆုံး #Yangon_Times

‘အားကောင်းတဲ့လေဖိအားနည်းရပ်ဝန်းအရှိန်ကြောင့် အခုရက်ပိုင်းမှာ တနင်္သာရီတိုင်း၊ရခိုင်ပြည်နယ်တို့မှာ ဒေသအလိုက်နဲ့ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ ချင်းပြည်နယ်၊ကရင်ပြည်နယ်၊ မွန်ပြည်နယ်တို့မှာနေရာကွက်ပြီး မိုးကြီးနိုင်သလို မြန်မာ့ကမ်းရိုးတန်းတစ်လျှောက်နဲ့ကမ်းလွန်ပင်လယ်တို့မှာ မိုးသက်လေပြင်းတွေ တိုက်ခတ်နိုင်တယ်’မိုးလေဝသနှင့်ဇလဗေဒညွှန်ကြားမှုဦးစီးဌာန

Published_ 29 September 2023
#လေဖိအားနည်းရပ်ဝန်း #မြန်မာ့ကမ်းရိုးတန်း

#tthl #Yangon_Times

မကွေးတိုင်းဒေသကြီး တောင်တွင်းကြီးမြို့နယ်မှာ မိုးသည်းထန်စွာရွာပြီး တောင်ကျချောင်းရေ ဝင်ရောက်လာတာကြောင့် မြို့ပေါ်ရှိ ရပ်ကွက်များမှ အိမ်ထောင်စုတစ်သောင်းကျော် ရေဘေးသင့်ခဲ့ကာ လူအသေပျောက်လဲရှိခဲ့တယ်လို့ မြို့ပေါ်ရှိ လူမူကူညီရေးအသင်းတွေထံက သိရပါတယ်။

Published_ 29 September 2023
#Local_News
#တောင်တွင်းကြီး #ရေအနည်းငယ်ပြန်ကျ
#YMG/LW #Yangon_Times