Published 14 March 2023
မြန်မာနိုင်ငံရဲ့သယ်ယူပို့ဆောင်ရေးကဏ္ဍမြှင့်တင်ရေးအတွက် ရုရှားနိုင်ငံအနေဖြင့် သုတေသနပြု ဆောင်ရွက်ပေးဖို့ စီစဉ်နေတယ်လို့သိရပါတယ်။
နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က မြန်မာနိုင်ငံကိုရောက်ရှိနေတဲ့ ရုရှားဖက်ဒေရေးရှင်းနိုင်ငံ၊ ရော့စ်ကွန်ဂရက်ရင်းနှီးမြှုပ်နှံမှု ရန်ပုံငွေအဖွဲ့မှ ညွှန်ကြားရေးမှူး SHATIROV Alexander Sergeevich ဦးဆောင်သည့်ကိုယ်စားလှယ်အဖွဲ့ကို ယနေ့ မတ် ၁၄ရက်နေ့ မွန်းလွဲပိုင်းတွင် နေပြည်တော်ရှိ နစက ဥက္ကဋ္ဌရုံးတွင် လက်ခံတွေ့ဆုံစဉ် အဆိုပါကိစ္စကိုဆွေးနွေးခဲ့ကြတာဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။
ယင်းအပြင် မြန်မာနိုင်ငံမှ တွင်းထွက်နှင့် သဘာဝသယံဇာတ ပစ္စည်းများကိုတန်ဖိုးမြှင့် ထုတ်ကုန်များအဖြစ် ထုတ်လုပ်နိုင်ရေးနှင့် သဘာဝသယံဇာတများ ထိန်းသိမ်းနိုင်ရေးအတွက် သုတေသနလုပ်ငန်းများ ဆောင်ရွက်မည့်ကိစ္စရပ်များ၊ မြန်မာနိုင်ငံမှထွက်ရှိသည့် စိုက်ပျိုးမွေးမြူရေး ထုတ်ကုန်များ၊ ရေထွက်ပစ္စည်းများကို ရုရှားနိုင်ငံသို့တင်ပို့နိုင်ရေးကိစ္စရပ်များနှင့် နှစ်နိုင်ငံအပြန်အလှန်ကုန်သွယ်မှု မြှင့်တင်ရေးဆိုင်ရာကိစ္စရပ်များ၊ မြန်မာနိုင်ငံမှထွက်ရှိသည့် သစ်တောထွက်ပစ္စည်းများကို နည်းပညာအသုံးပြု၍ အဆင့်မြင့်ပရိဘောဂပစ္စည်းများ၊ အသုံးအဆောင်ပစ္စည်းများ ထုတ်လုပ်နိုင်မှုနှင့် စက္ကူပျော့ဖတ်များထုတ်လုပ်နိုင်မှုကိစ္စရပ်များ၊ နှစ်နိုင်ငံ တိုက်ရိုက်လေကြောင်းပို့ဆောင်ရေး လုပ်ငန်းများနှင့် ခရီးသွားကဏ္ဍဖွံ့ဖြိုးတိုးတက်ရေးအတွက် ပူးပေါင်းဆောင်ရွက်မည့်ကိစ္စရပ်များ၊ မြန်မာနိုင်ငံတွင် ရုရှားနိုင်ငံမှ ရင်းနှီးမြှုပ်နှံမှုများဆောင်ရွက်နိုင်မည့်ကိစ္စရပ်များနှင့် နှစ်နိုင်ငံချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ဆက်လက်တိုးမြှင့်ရေးဆိုင်ရာကိစ္စရပ်များနှင့် ရှေ့ဆက်ဆောင်ရွက်သွားမည့် လုပ်ငန်းစဉ်များနှင့်ပတ်သက်၍ ရင်းနှီးပွင့်လင်းစွာဖြင့် အမြင်ချင်း ဖလှယ်ဆွေးနွေးခဲ့ကြတယ်လို့လည်း သတင်းထုတ်ပြန်ချက်မှာဖော်ပြထားပါတယ်။
တွေ့ဆုံပွဲသို့ နစက ဥက္ကဋ္ဌနှင့်အတူ နှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနပြည်ထောင်စုဝန်ကြီး ဒေါက်တာကံဇော်တို့ တက်ရောက်ကြပြီးရုရှားဖက်ဒရေးရှင်းနိုင်ငံ၊ ရော့စ်ကွန်ဂရက်ရင်းနှီးမြှုပ်နှံမှုရန်ပုံငွေအဖွဲ့မှ ညွှန်ကြားရေးမှူး SHATIROVAlexander Sergeevich နှင့်အတူ ကိုယ်စားလှယ်အဖွဲ့ဝင်များ၊ မြန်မာနိုင်ငံဆိုင်ရာရုရှားဖက်ဒရေးရှင်းနိုင်ငံသံရုံးမှ တာဝန်ရှိသူများ တက်ရောက်ခဲ့ကြတယ်လို့သိရှိရပါတယ်။
-ymg/knl
#ရော့စ်ကွန်ဂရက်ရင်းနှီးမြှုပ်နှံမှုရန်ပုံငွေအဖွဲ့
#SHATIROVAlexander_Sergeevich
#မြန်မာ-ရုရှား
#YangonMediaGroup
Published 14 March 2023
ဆီလီကွန်တောင်ကြားဘဏ်ပြိုလဲကျတဲ့ဂယ်ကြောင့် ပြိုလဲကျအပြီး (၂)ရက်အကြာမှာ တစ်ကမ္ဘာလုံးရဲ့ ငွေကြေးစတော့ ဈေးကွက်ဟာ အမေရိကန်ဒေါ်လာ ၄၆၅ ဘီလျံ ဆုံးရှုံးမှုတွေဖြစ်ပေါ်သွားတယ်လို့ ထိပ်တန်း စီးပွားရေးသတင်းဌာနကြီး ဖြစ်တဲ့ ဘလွမ်းဘတ်က ရေးသားပါတယ်။
ဆုံးရှုံးမှုတွေဟာ ယနေ့ မတ်လ ၁၄ရက် အင်္ဂါနေ့မှာ ပိုမိုကျယ်ပြန့်လာပြီး MSCI အာရှပစိဖိတ် ဘဏ္ဍာငွေကြေး ညွှန်းကိန်းဟာ ပြီးခဲ့တဲ့နှစ် နိုဝင်ဘာ ၂၉ရက်နှင့်ယှဉ်ရင် ၂.၇ ရာခိုင်နှုန်းပြုတ်ကျသွားခဲ့ပါတယ်။ ဂျပန်နိုင်ငံမှာ မစ်ဆူဘီရှီ ယူအက်ဖ်ဂျေ ငွေကြေးအုပ်စုကုမ္ပဏီဟာ တန်ဖိုး ၈.၃ ရာခိုင်နှုန်းကျဆင်းသွားခဲ့ပါတယ်။ တောင်ကိုရီးယားရဲ့ ဟန်နာ ငွေကြေးအုပ်စုဟာ ၄.၇ ရာခိုင်နှုန်းကျဆင်းသွားပြီး ဩစတြေလျက အေအင်န်ဇက်အုပ်စုဟိုးလ်ဒင်းဟာ ၂.၈ ရာခိုင်နှုန်း ဆုံးရှုံးမှုတွေ အသီးသီးဖြစ်ပေါ်ခဲ့ပါတယ်။
ဆီလီကွန်ဘဏ်ကိစ္စစိတ်ပူပန်မှုတွေကြောင့် ငွေချေးစာချုပ် bonds နှင့် အခြားသော တန်ဆာပလာတွေအပေါ် ရင်းနှီးမြှပ်နှံမှုတွေ ရိုက်ခတ်နေတာကို ငွေကြေးကုမ္ပဏီတွေက တွေ့မြင်လာရပြီး စိုးရိမ်မှုတွေဖြစ်နေကြပါတယ်။
“ ငွေကြေးဈေးကွက်ဟာ အတော့်ကို သတိထားနေရတဲ့အခြေအနေဖြစ်နေတယ်” လို့ Credit Suisse Group AG ရဲ့ အာရှပစိဖိတ်ဆိုရာ ရင်းနှီးမြှပ်နှံမှုအရာရှိချုပ် ဂျွန်ဝုဒ်က ဘလွမ်းဘတ်ရုပ်သံ ကိုပြောပါတယ်။ “ ကျယ်ပြန်တဲ့ ဈေးကွက် ဝန်နးကျင်တစ်ခုလုံးမှာ ဘယ်လိုအကျိုးဆက်တွေရိုက်ခတ်မယ်ဆိုတာ ကျွန်တော်တို့အတိအကျသိဖို့လိုတယ် ။ ကျွန်တော်ထင်တာက Fed ဖက်ဒရယ်အရန်စနစ်ဟာ ဆိုင်းသွားကောင်းဆိုင်းနိုင်တယ်။ ဘာဖြစ်လို့လဲဆိုတော့ ငွေပေါ်လွယ်မှု အန္တရာယ်ကို ဖြေရှင်းစရာတွေအကြီးကြီးပဲလေ” လို့ သူကပြောပါတယ်။
MSCI World Financials Index နှင့် MSCI EM Financials Index တို့အပါအဝင် ကုမ္ပဏီတွေရဲ့ ဈေးကွက်စုပေါင်း တန်ဖိုးဟာ သောကြာနေ့ကတည်းကစတွက်ရင် အမေရိကန်ဒေါ်လာ ၄၆၅ ဘီလျံပြုတ်ကျသွားခဲ့ပါတယ်။ အဲဒီအထဲမှာ အမေရိကန်ရဲ့ ဒေသဆိုင်ရာဘဏ်တွေဟာ အထိခိုက်ဆုံးဖြစ်နေပါတယ်။ ဥရောပဘဏ်တွေနှင့်အာမခံအဖွဲ့အစည်းတွေရဲ့ ရှယ်ယာတွေဟာလည်း တနင်္လာနေ့က ကျဆင်းသွားခဲ့ပါတယ်။
ဒေသအတွင်းမှာ ဂျပန်ဘဏ်တွေဟာ ရှယ်ယာတန်ဖိုးအချိုးအစားမှာ သဘာဝမကျတဲ့ ဆုံးရှုံးမှုအမြင့်မားဆုံးတွေထဲ ပါဝင်နေပါတယ်လို့ သိရပါတယ်။ Jimoto Holdings ၊ Tsukuba Bank နှင့် Fukushima Bank တွေဟာ အနည်းဆုံး ၉ရာခိုင်နှုန်း သဘာဝမကျတဲ့ ဆုံးရှုံး ခဲ့ပါတယ်လို့ ဘလွမ်းဘတ်ကရေးသားဖော်ပြထားပါတယ်။
Source Bloomberg
#ဆီလီကွန်တောင်ကြားဘဏ်ပြိုလဲမှု
#ကမ္ဘာလုံးဆိုင်ရာငွေကြေးဆုံးရှုံးမှုဒေါ်လာ ၄၆၅ဘီလျံ
#YangonMediaGroup
#SVB Bank
#Breaking_News
Published 13 March 2023
နယူးယောက်ပြည်နယ်အာဏာပိုင်တွေက နယူးယောက်အခြေစိုက် ဆစ်ခ်နေချာဘဏ် Signature Bank ကို မတ် လ ၁၂ ရက်နေ့ တနင်္ဂနွေနေ့ မှာ ပိတ်သိမ်းလိုက်ပါတယ်။ ဒါဟာ ကာလီဖိုနီးယားအခြေစိုက် ဆီလီကွန်တောင်ကြားဘဏ်ပြိုလဲပြီး နှစ်ရက်အကြာမှာ အမေရိကန်ပြည်ထောင်စုရဲ့ ဒုတိယမြောက်ဘဏ်ပြိုလဲခြင်းဖြစ်ပါတယ်။
အမေရိကန်ဘဏ္ဍာရေးဝန်ကြီးဌာနနှင့် အခြားဘဏ်အာဏာပိုင်တွေက ပူးတွဲကြေညာချက်ကို တနင်္ဂနွေနေ့က ထုတ်ပြန်ကြေညာရာမှာ Signature Bank ရဲ့ အပ်နှံသူတွေရဲ့ငွေတွေ ပြန်လည်ရရှိလိမ့်မှာဖြစ်ပြီး ဆုံးရှုံးမှုတွေကို အခွန်ထမ်းပြည်သူတွေပေးစရာမလိုဘူးလို့ ပြောပါတယ်။
Signature Bank ပြိုလဲမှုဟာ အမေရိကန်သမိုင်းမှာ တတိယမြောက်အကြီးဆုံးဖြစ်ပါတယ်။
Signature Bank ဟာ မတ်၈ရက်နေ့အထိ အပ်နှံငွေစုစုပေါင်း အမေရိကန်ဒေါ်လာ ၈၉.၁၇ ဘီလျံရှိပြီး ပိုင်ဆိုင်မှုတန်ဖိုးဟာ ဒေါ်လာ ၁၁၀.၃၆ ဘီလျံရှိတယ်လို့ နယူးယောက်ပြည်နယ်ဘဏ္ဍာရေးဌာနကနေသိရှိရပါတယ်။
Source CNA
Published _28 February 2023
Online Game လောင်းကစားလုပ်ငန်း၊ Online ကံစမ်းမဲဖောက်လောင်းကစားလုပ်ငန်းနှင့် တရားမဝင် Online ချေးငွေလုပ်ငန်းလုပ်ကိုင်သူ လူ ၇၀ ကျော် ဖမ်းဆီးရမိခဲ့ကြောင် နစက သတင်းထုတ်ပြန်ရေးအဖွဲ့က သိရသည်။
အဆိုပါလုပ်ငန်း လုပ်ကိုင်သူ အမျိုးသား ၂၄ ဦးနှင့် အမျိုးသမီး ၄၇ ဦး တို့အား လုပ်ငန်းများလုပ်ကိုင်ရာတွင် အသုံးပြုသည့် ဆက်စပ်ပစ္စည်းများ၊ ဘဏ်အကောင့်များနှင့်အတူ ဖော်ထုတ်ဖမ်းဆီးရမိခြင်းဖြစ်ကြောင်း ယင်းထုတ်ပြန်ချက်တွင်ဖော်ပြထားသည်။
ပြီးခဲ့သည့်ဇန်နဝါရီလ ၂၉ ရက် ည ၇ နာရီအချိန်က ရန်ကုန်တိုင်း ဒေသကြီး၊ လှိုင်သာယာ(အရှေ့ပိုင်း)မြို့နယ်၊ FMI CITY ၊ ငွေနှင်းဖြူ သစ်ခွလမ်း၊ အမှတ်(O-178) နေအိမ်၌ TTbet Online Game လောင်းကစားလုပ်ငန်း များလုပ်ကိုင်နေကြောင်း သတင်းအရ ဝင်ရောက်ရှာဖွေခဲ့ရာ မို့မို့စံ(ခ)Yuki ပါ တရားခံ ၉ ဦးအား TTbet Online Game လောင်းကစား ရာတွင် အသုံးပြုသည့် လက်ကိုင်ဖုန်း ၅၀ လုံး၊ လက်တော့ ၂၂ လုံး၊ မော်နီတာ ၄ လုံး၊ ဆင်းကတ် ၇၄၁ ကတ်၊ ဆက်စပ်ပစ္စည်းများနှင့်အတူ ဖမ်းဆီးရမိခဲ့ခြင်းဖြစ်ကြောင်းသိရသည်။
ဖမ်းဆီးရမိသူများ၏ ထွက်ဆိုချက်အရ လှိုင်သာယာ(အရှေ့ပိုင်း)မြို့ နယ်၊ FMI CITY၊ ချင်းတွင်းလမ်းရှိ အိမ်အမှတ်(FG-98)ကို ထပ်မံဝင်ရောက်ရှာဖွေရာ Golden Gift(Online ကံစမ်း မဲဖောက်လောင်းကစားလုပ်ငန်း)အား စီမံခန့်ခွဲလုပ်ကိုင်သူ အောင်ဖုန်းကျော်နှင့် ကြီးကြပ်လုပ်ကိုင်သူ ထင်အောင်ကျော်(ခ)အယ်လစ် ပါ တရားခံ ၁၉ ဦးတို့အား လက်ကိုင်ဖုန်း ၃၇ လုံး၊ လက်တော့ ၂၅ လုံး၊ မော်နီတာ ၃ လုံး၊ System Box ၁ လုံး၊ UPS ၁ လုံး၊ ကာလာပရင်တာ ၁ လုံး၊ ဆက်စပ်ပစ္စည်း များနှင့်အတူ ထပ်မံဖမ်းဆီးရမိခဲ့ကြောင်းသိရသည်။
သတင်းဆက်ဖော်ထုတ်ချက်အရ လှိုင်သာယာ(အရှေ့ပိုင်း)မြို့နယ်၊ FMI CITY ၊ ချင်းတွင်း လမ်းရှိ အိမ်အမှတ်(FG-95)ကို ထပ်မံဝင်ရောက်ရှာဖွေရာ TTbet Online Game လောင်းကစား လုပ်ငန်းအား ကြီးကြပ်/စာရင်းကိုင်အဖြစ် လုပ်ကိုင်သူ အေးငြိမ်းသူနှင့် ကြီးကြပ်လုပ်ကိုင်သူ စိုင်းသီဟဇော် ပါ တရားခံ ၁၉ ဦးတို့အား လက်တော့ ၁၁ လုံး၊ လက်ကိုင်ဖုန်း ၂၂ လုံး၊ ဆက်စပ်ပစ္စည်းများနှင့်အတူ ဖမ်းဆီးရမိခဲ့ကြောင်းသိရသည်။
ယင်းဖမ်းဆီးရမိသူများ၏ ထွက်ဆိုချက်အရ TTbet Online Game လောင်းကစား လုပ်ငန်းနှင့် Golden Gift(Online ကံစမ်းမဲဖောက်လောင်းကစားလုပ်ငန်း)များအား ဦးစီးပြီး စီမံ ခန့်ခွဲလုပ်ကိုင်သူ ရန်နိုင်ကျော်(ခ)အားဖုအား ဇန်နဝါရီလ ၃၀ ရက် နံနက် ၂ နာရီခွဲအချိန်တွင် လှိုင်သာယာ(အရှေ့ပိုင်း)မြို့နယ်၊ ပန်းလှိုင်အိမ်ရာ၊ ပန်းလှိုင်ကွန်ဒို(D)၊ အခန်းအမှတ်(၁၀၂)၌ လက်ကိုင်ဖုန်း ၁ လုံး၊ Macbook Pro လက်တော့ ၁ လုံး၊ Macbook Air လက်တော့ ၁ လုံး၊ ယာဉ်အမှတ် YGN 6S-8888 Mercedes-Benz အမျိုးအစား အနက်ရောင်ယာဉ် ၁ စီး၊ ယာဉ်အမှတ် YGN 9B-6667 Lexus အနက်ရောင်ယာဉ် ၁ စီးတို့နှင့်အတူ ဖမ်းဆီးရမိခဲ့ကြောင်းသိရသည်။
ဖမ်းဆီးရမိသည့် တရားခံ ရန်နိုင်ကျော်(ခ)အားဖု၏ ထွက်ဆိုချက်အရ ဖေဖော်ဝါရီလ ၄ ရက် မွန်းလွဲ ၃ နာရီခွဲအချိန်တွင် ရန်ကုန်တိုင်းဒေသကြီး၊ လှိုင်မြို့နယ်၊ MICT Park၊ တိုက်အမှတ် (၉)၊ (၄)လွှာရှိ Sky Pay Mobile Financial Services Co.,Ltd. ရုံးခန်းသို့ ဝင်ရောက်ရှာဖွေရာ Money Bag Application I Cash Now Application ၊ Cola Kyat Application တို့အား အသုံးပြုပြီး တရားမဝင် Online ချေးငွေလုပ်ငန်းလုပ်ကိုင်နေသည့် မန်နေဂျာ ကျော်ဆန်းလင်း (ခ)အားချန် ပါ ၂၂ ဦးတို့အား လက်ကိုင်ဖုန်း ၃၀ လုံး၊ လက်တော့ ၅၅ လုံး၊ Desktop ၁ လုံးနှင့် ဆက်စပ်ပစ္စည်း များဖြင့်လည်းကောင်း၊ဖေဖော်ဝါရီလ ၅ ရက်မွန်းလွဲ ၁၂ နာရီ ၃၅ မိနစ်အချိန်တွင် လှိုင်မြို့နယ်၊ MICTPark ၊ တိုက်အမှတ်(၁၇)၊ (၄)လွှာရှိ Sky Pay Mobile Financial Services Co.,Ltd. ရုံးခန်းတွင် Money Bag Application I Cash Now Application | Cola Kyat Application I U Loan Application တို့အား အသုံးပြုပြီး တရားမဝင် Online ချေးငွေလုပ်ငန်းလုပ်ကိုင်နေသည့် စာရင်းကိုင်ဖြစ်သူ ကျော်မျိုးအောင်အား လက်တော့ ၄၉ လုံး၊ ပရင်တာ ၁ လုံး၊ ဆက်စပ်ပစ္စည်းများဖြင့်လည်းကောင်း အသီးသီးဖမ်းဆီးရမိခဲ့ကြောင်းသိရသည်။
ယင်းဖမ်းဆီးရမိသူများ၏ ထွက်ဆိုချက်အရ TTbet Online Game လောင်းကစား လုပ်ငန်းနှင့် Golden Gift(Online ကံစမ်းမဲဖောက်လောင်းကစားလုပ်ငန်း)များအား ဦးစီးပြီး စီမံ ခန့်ခွဲလုပ်ကိုင်သူ ရန်နိုင်ကျော်(ခ)အားဖုအား ဇန်နဝါရီလ ၃၀ ရက် နံနက် ၂ နာရီခွဲအချိန်တွင် လှိုင်သာယာ(အရှေ့ပိုင်း)မြို့နယ်၊ ပန်းလှိုင်အိမ်ရာ၊ ပန်းလှိုင်ကွန်ဒို(D)၊ အခန်းအမှတ်(၁၀၂)၌ လက်ကိုင်ဖုန်း ၁ လုံး၊ Macbook Pro လက်တော့ ၁ လုံး၊ Macbook Air လက်တော့ ၁ လုံး၊ ယာဉ်အမှတ် YGN 6S-8888 Mercedes-Benz အမျိုးအစား အနက်ရောင်ယာဉ် ၁ စီး၊ ယာဉ်အမှတ် YGN 9B-6667 Lexus အနက်ရောင်ယာဉ် ၁ စီးတို့နှင့်အတူ ဖမ်းဆီးရမိခဲ့ကြောင်းသိရသည်။
ဖမ်းဆီးရမိသည့် တရားခံ ရန်နိုင်ကျော်(ခ)အားဖု၏ ထွက်ဆိုချက်အရ ဖေဖော်ဝါရီလ ၄ ရက် မွန်းလွဲ ၃ နာရီခွဲအချိန်တွင် ရန်ကုန်တိုင်းဒေသကြီး၊ လှိုင်မြို့နယ်၊ MICT Park၊ တိုက်အမှတ် (၉)၊ (၄)လွှာရှိ Sky Pay Mobile Financial Services Co.,Ltd. ရုံးခန်းသို့ ဝင်ရောက်ရှာဖွေရာ Money Bag Application I Cash Now Application ၊ Cola Kyat Application တို့အား အသုံးပြုပြီး တရားမဝင် Online ချေးငွေလုပ်ငန်းလုပ်ကိုင်နေသည့် မန်နေဂျာ ကျော်ဆန်းလင်း (ခ)အားချန် ပါ ၂၂ ဦးတို့အား လက်ကိုင်ဖုန်း ၃၀ လုံး၊ လက်တော့ ၅၅ လုံး၊ Desktop ၁ လုံးနှင့် ဆက်စပ်ပစ္စည်း များဖြင့်လည်းကောင်း၊ဖေဖော်ဝါရီလ ၅ ရက်မွန်းလွဲ ၁၂ နာရီ ၃၅ မိနစ်အချိန်တွင် လှိုင်မြို့နယ်၊ MICT Park ၊ တိုက်အမှတ်(၁၇)၊ (၄)လွှာရှိ Sky Pay Mobile Financial Services Co.,Ltd. ရုံးခန်းတွင် Money Bag Application I Cash Now Application | Cola Kyat Application I U Loan Application တို့အား အသုံးပြုပြီး တရားမဝင် Online ချေးငွေလုပ်ငန်းလုပ်ကိုင်နေသည့် စာရင်းကိုင်ဖြစ်သူ ကျော်မျိုးအောင်အား လက်တော့ ၄၉ လုံး၊ ပရင်တာ ၁ လုံး၊ ဆက်စပ်ပစ္စည်းများဖြင့်လည်းကောင်း အသီးသီးဖမ်းဆီးရမိခဲ့ကြောင်းသိရသည်။
ဖမ်းဆီးရမိသူများ၏ ထွက်ဆိုချက်များအရ ဖမ်းဆီးရမိသူများ၏ ထွက်ဆိုချက်များအရ TTbet Online Game လောင်းကစား လုပ်ငန်း၊ Golden Gift(Online ကံစမ်းမဲဖောက်လောင်းကစားလုပ်ငန်း)နှင့် Sky Pay Mobile Financial Services Co.,Ltd. 3pm Money Bag Application Cash Now Application Cola Kyat နှင့် U Loan Application များအသုံးပြု၍ တရားမဝင် Online ချေးငွေလုပ်ငန်းတို့အား တရားခံ ရန်နိုင်ကျော်(ခ)အားဖုက ပိုင်ရှင်အဖြစ် စီမံခန့်ခွဲလုပ်ကိုင်ခဲ့ခြင်းဖြစ်ပြီး TTbet Online Game လောင်းကစားလုပ်ငန်းအား Telegram မှတစ်ဆင့် သိရှိသူ Yang Song (စိစစ်ဆဲ)နှင့် ချိတ်ဆက်၍ လည်းကောင်း၊ Sky Pay Mobile Financial Services Co.,Ltd. အမည်ခံကာ Money Bag Application | Cash Now Application Cola Kyat & U Loan Application :တရားမဝင် Online ချေးငွေလုပ်ငန်းကို Telegram မှတဆင့်သိရှိသူ Sunny(စိစစ်ဆဲ)နှင့်ချိတ်ဆက်၍ လည်းကောင်း၊ Golden Gift(Online ကံစမ်းမဲဖောက်လောင်းကစားလုပ်ငန်း)အား အစ်ကိုဖြစ်သူ အောင်ဖုန်းကျော်အား ဦးစီးစေ၍လည်းကောင်း လုပ်ကိုင်ခဲ့ခြင်းဖြစ်ကြောင်း၊ယင်းလုပ်ငန်းများလုပ်ကိုင်ရာတွင် ကျော်ဆန်းလင်း(ခ)အားချန်သည် မန်နေဂျာအဖြစ် လည်းကောင်း၊ အေးငြိမ်းသူ(ခ)Neo သည် ကြီးကြပ်/စာရင်းကိုင်အဖြစ်လည်းကောင်း၊ မို့မို့စံ(ခ)Yuki နှင့် ကျော်မျိုးအောင်တို့သည် စာရင်းကိုင်များအဖြစ်လည်းကောင်း၊ ထင်အောင်ကျော်(ခ)အယ်လစ် နှင့် စိုင်းသီဟဇော်တို့သည် ကြီးကြပ်သူများအဖြစ်လည်းကောင်း အသီးသီးလုပ်ကိုင်ခဲ့ကြပြီး အခြား ဝန်ထမ်းများခန့်ထားကာ ကျူးလွန်ခဲ့ကြခြင်းဖြစ်ကြောင်း ဖော်ထုတ်သိရှိရကြောင်း သိရသည်။
ဖြစ်စဉ်များတွင် Online Game လောင်းကစားလုပ်ငန်း၊ Online ကံစမ်းမဲဖောက် လောင်းကစားလုပ်ငန်းနှင့် တရားမဝင် Online ချေးငွေလုပ်ငန်းလုပ်ကိုင်သည့် အမှုပေါင်း ၅ မှုမှ တရားခံ အမျိုးသား ၂၄ ဦး၊ အမျိုးသမီး ၄၇ ဦး၊ စုစုပေါင်း ၇၁ ဦးတို့အား ဖမ်းဆီးရမိခဲ့ကာ လက်တော့ ၁၆၄ လုံး၊ လက်ကိုင်ဖုန်း ၁၄၀ လုံး၊ မော်နီတာ ၇ လုံး၊ ပရင်တာ ၂ လုံး၊ System Box ၁ လုံး၊ UPS ၁ လုံး၊ Desktop ၁ လုံး၊ ဆင်းကတ် ၇၄၁ ကတ်၊ ယာဉ်အမှတ် YGN 6S-8888 Mercedes Benz အနက်ရောင်ယာဉ် ၁ စီးနှင့် ယာဉ်အမှတ် YGN 9B-6667 Lexus အနက်ရောင် ယာဉ် ၁ စီးတို့အား ว ว သိမ်းဆည်းရမိခဲ့ပြီး အမှုမှ တရားခံများ ပြစ်မှုကျုးလွန်ရာတွင် ဖွင့်လှစ်အသုံးပြုခဲ့သည့် ဘဏ်အကောင့် များနှင့် KBZ Pay ၊ Wave Pay အကောင့်တို့ရှိ ငွေကျပ် ၄၈၀၅ သိန်းခန့်နှင့် KBZ Pay အကောင့် ၁၄ ခုတို့အား ယာယီတားဆီးထိန်းသိမ်းထားရှိကာ အဆိုပါအကောင့်များအတွင်းရှိ ငွေများအား စိစစ်လျက် ရှိပြီး တရားခံများအား တည်ဆဲဥပဒေများနှင့်အညီ ထိရောက်စွာ အရေးယူနိုင်ရေး ဆက်လက် ဆောင်ရွက်လျက်ရှိကြောင်း သိရသည်။
ymg/mt
Yangon _Media_Group
Published 26 Feb 2023
ပြည်ပနိုင်ငံတွေမှာရှိကြတဲ့ မြန်မာသံရုံးတွေနှင့် ကောင်စစ်ဝန်ချုပ်ရုံးတွေမှာ စီးပွားရေးသံမှူးတွေအဖြစ် တာဝန်ထမ်းဆောင်ဖို့အတွက် ဝန်ကြီးဌာနတွေက အရာထမ်း (၁၆)ဦးကို ခန့်အပ်လိုက်တယ်လို့ ဇန်နဝါရီ ၁၆ ရက် နေ့စွဲဖြင့် ထုတ်ပြန်တဲ့ နစက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ အမိန့်ကြော်ငြာစာ အမှတ် ၆/၂၀၂၃ အရသိရပါတယ်။
စီး/ကူးဝန်ကြီးဌာန ပြည်ထောင်စုဝန်ကြီး ဦးအောင်နိုင်ဦး လက်မှတ်ရေထိုးထုတ်ပြန်တဲ့ အဆိုပါ စီးပွားရေးသံမှူးများခန့်အပ်တာဝန်ပေးတဲ့ အမိန့်မှာ စီမံကိန်းဘဏ္ဍာရေးဝန်ကြီးဌာန၊ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဟိုတယ်နှင့်ခရီးသွားလာရေးဝန်ကြီးဌာန၊ကာကွယ်ရေးဝန်ကြီးဌာနတို့မှ အရာရှိကြီး (၁၆)ဦးပါဝင်ပါတယ်။
ခန့်အပ်ခံရတဲ့ စီးပွားရေးသံမှူးများမှာ အဆိုပါ ဝန်ကြီးဌာန (၅)ခုတွင် တာဝန်ထမ်းဆောင်နေသည့် ဦးစီးအရာရှိအဆင့်(၁)ဦး၊လက်ထောက်ညွှန်ကြားရေးမှူးအဆင့် (၆)ဦးနှင့် ဒုတိယညွှန်ကြားရေးမှူးအဆင့်(၉)ဦးတို့ပါဝင်ကြတယ်လို့ အမိန့်ကြော်ငြာစာတွင်ဖော်ပြထားပါတယ်။
ယင်းစီးပွားရေးသံမှူး (၁၆)ဦးသည် ပြည်ပ(၁၂)နိုင်ငံဖြစ်တဲ့ ဂျာမနီ၊ဗီယက်နမ်၊ဖိလစ်ပိုင်၊အမေရိကန်ပြည်ထောင်စု၊ဂျပန်၊အိန္ဒိယ၊ တောင်ကိုရီးယား၊တရုတ်၊ အာရပ်စော်ဘွားများပြည်ထောင်စု၊ရုရှားဖက်ဒရေးရှင်းစင်္ကာပူနှင့်ထိုင်းနိုင်ငံတို့မှာ တာဝန်ထမ်းဆောင်ကြမှာဖြစ်ပါတယ်။
အဆိုပါစီးပွားရေးသံမှူးတွေဟာ သက်ဆိုင်ရာ ပြည်ပနိုင်ငံများရှိ မြန်မာသံရုံးများ၊ ကောင်စစ်ဝန်ချုပ်ရုံးများတွင် နိုင်ငံခြားရေးဝန်ကြီးဌာနရှိ အဆင့်တူသံတမန်ဝန်ထမ်းများအတွက် သတ်မှတ်ထားသည့် လစာနှင့် နိုင်ငံခြားစရိတ်များအတိုင်း ခံစားခွင့်ပြုကြောင်းလည်းအမိန့်အရသိရပါတယ်။
YMG/knl
#စီးပွားရေးသံမှူး
#မြန်မာစီးပွားရေးသံမှူး
#မြန်မာနိုင်ငံရေး
#မြန်မာစီးပွားရေး
#YangonMediaGroup
#Myanmar_News
Published 26 Feb 2023
သာမာန်အိမ်ထောင်စုရဲ့ အခြေခံစားကုန်ဖြစ်တဲ့ ကြက်သွန်နီရဲ့ ဈေးနှုန်းတွေဟာ အခြားဟင်းသီးဟင်းရွက်တွေလိုပဲ မြင့်တက်လာတဲ့အတွက် ကြက်သွန်နီ ရှားပါးပြတ်လပ်မှုတွေဟာ ကမ္ဘာ့စားနပ်ရိက္ခာအကျပ်အတည်းတစ်ခုကို စနက်မီးပျိုးပေးနိုင်တယ်လို့ အိန္ဒိယတူဒေးသတင်းဌာနက သတင်းရေးသားလိုက်ပါတယ်။
နိုင်ငံတော်တော်များများက ပြည်သူတွေဟာ ပစ္စည်းရှားပါးပြတ်လပ်မှုကြောင့် ကြက်သွန်ဈေးမတန်တဆတက်နေတာကြောင့် ဟင်းလျာများချက်ပြုတ်ရာမှာ မပါမဖြစ်ကြက်သွန်နီကို ဖယ်ထားနေကြရပါတယ်။ ဖိလစ်ပိုင်မှာဆိုရင် ကြက်သွန်ဈေးတွေမတရားမြင့်တက်နေလို့ မှောင်ခိုကြက်သွန်တွေ ခေါင်းထောင်ထလာနေပါတယ်။ အစိုးရက အမြတ်ကြီးစားကုန်သည်တွေကို အဲဒီကိစ္စနှင့်ပတ်သက်လို့ စုံစမ်းစစ်ဆေးမှုတွေ ချက်ခြင်းလုပ်လာနေကြရပါတယ်။
#ကြက်သွန်နီပြတ်လပ်မှုကအချို့နိုင်ငံတွေမှာအကျပ်အတည်းဖြစ်လာ
ဘလွမ်းဘတ်သတင်းဌာနရဲ့ သတင်းတစ်ပုဒ်မှာ ကြက်သွန်နီဈေးတွေဟာ ကမ္ဘာအနှံ့မှာ မြင့်တက်လာနေဆဲဖြစ်ပြီး အဲဒါက ငွေကြေးဖောင်းပွမှုကို ပိုအားကောင်းလာစေပါတယ်လို့ရေးသာပါတယ်။ မော်ရိုကို၊တူရကီနှင့် ကာဇက်စတန်လို နိုင်ငံတွေမှာ ရောင်းချမှုစိတ်ချရဖို့ အရေးယူလုပ်ဆောင်မှုတွေ လုပ်လာရပါတယ်လို့ဆိုပါတယ်။
ကြက်သွန်နီတွေပြတ်လပ်တာနှင့် ဈေးတက်လာတာတွေဟာ မုန်လာဥနီ၊အာလူး၊ပန်းသီးစတာတွေလို အခြားသော သစ်သီးဝလံဟင်းသီးဟင်းရွက်တွေရဲ့ ဈေးနှုန်းကိုပါရိုက်ခတ်နေပါတယ်လို့ ကုလသမဂ္ဂနှင့် ကမ္ဘာ့ဘဏ်ကနေသိရပါတယ်။
ယူကေမှာဆိုရင် အခြေအနေအတော့်ကိုဆိုးနေပါတယ်။ အချို့သော သစ်သီးနှင့်ဟင်းသီးဟင်းရွက်တွေကိုစူပါမားကက်ကြီးတွေမှာ ခွဲတမ်းစနစ်နှင့်ကန့်သတ်ရောင်းချနေရပါတယ်။ စပိန်တောင်ပိုင်းနှင့် မြောက်အာဖရိကတို့မှာ စိုက်ရေးပျိုးရေး မကောင်းလို့ ဒါတွေဖြစ်နေရတာပါ။
တစ်ကမ္ဘာလုံးမှာ ဟင်းလျာမှသည် အသုပ်တွေအထိ အခြေခံစားကုန်ဖြစ်နေတဲ့ ကြက်သွန်နီဟာ ကမ္ဘာပေါ်မှာ စားသုံးမှု အများဆုံး ဟင်းသီးဟင်းရွက်ဖြစ်ပါတယ်။ တစ်နှစ်တစ်နှစ်ကို မက်ထရစ်တန် ၁၀၆သန်းခန့် ထုတ်လုပ်ပေးနေရပြီး အဲဒီ ပမာဏဟာ မုန်လာဥနီ၊တရုတ်မုန်လာ၊ငရုတ်သီးစိမ်း၊ငရုတ်ကောင်းနှင့် ကြက်သွန်ဖြူ အားလုံးပေါင်းထုတ်ကုန်နှင့်ပင် ညီမျှပါတယ်။
#ပြတ်လပ်မှုဘာကြောင့်ဖြစ်တာလဲ
ဈေးနှုန်းတွေမြင့်တက်ပြတ်လပ်မှုဖြစ်ရတဲ့ အကြောင်းရင်းတွေ အများကြီးရှိပါတယ်။ ရာသီဥတုဖောက်ပြန်တာကအစ ပထဝီနိုင်ငံရေးတင်းမာမှုတွေအဆုံးပါ။ ပြီးခဲ့တဲ့နှစ်က ပါကစ္စတန်မှာ ရေအကြီးအကျယ်လွှမ်းမိုးခဲ့ပါတယ်။ အလယ်အာရှမှာ ဆီးနှင်းရိုက်လို့ သိုလှောင်ထားတာတွေပျက်စီးကုန်ပါတယ်။ ပြီးတော့ ယူကရိန်းမှာ ရုရှားစစ်ပွဲကလည်း အချို့သော အဓိကအကြောင်းရင်းတွေထဲကတစ်ခုဖြစ်နေပြန်ပါတယ်။
မြောက်အာဖရိကမှာလည်း မိုးခေါင်ရေရှားဒဏ်၊မျိုးစေ့နှင့်ဓာတ်မြေဩဇာဈေးနှုန်းမြင့်တက်မှုတွေ ကြောင့် ကြက်သွန်နီထုတ်လုပ်မှုတွေ ထိခိုက်ခဲ့ရပါတယ်။မော်ရိုကိုနိုင်ငံမှာဆို ရာသီဥတုညံ့ဖျင်းလို့ ကြက်သွန်အထွက်နှုန်းတွေကျဆင်းခဲ့ရပြန်ပါတယ်။
#ကြက်သွန်နီပြတ်လပ်မှုကကမ္ဘာ့စားနပ်ရိက္ခာအကျပ်အတည်းကိုအစပျိုးလာနိုင်
လွန်ခဲ့တဲ့ လအနည်းငယ်ခန့်က ဖိလစ်ပိုင်မှာ ကြက်သွန်နီမလုံလောက်မှုက အခြားသော အိမ်ထောင်စုစားသောက်ကုန်တွေဖြစ်တဲ့ ဆားနှင့်သကြားတို့လိုမျိုးအမည်တွေကိုပါ ဒိုမီနိုအကျိုးသက်ရောက်မှုတွေ ဖြစ်ခဲ့ပါတယ်။ ကြက်သွန်နီဈေးက ဈေးတွေ မတရားခေါင်ခိုက်ခဲ့တာဟာ အသားဈေးထက်တောင် ဈေးကြီးနေသလို ဖြစ်ခဲ့ကြရပါတယ်။ အဲဒါကြောင့် အချို့သော လေယာဉ်မောင် လေယာဉ်မယ်တွေဟာ အရှေ့အလယ်ပိုင်းကနေ ကြက်သွန်နီမှောင်ခိုသွင်းတာကို ဖမ်းဆီမိတဲ့အထိဖြစ်လာခဲ့ပါတယ်။
ကာဇက်စတန်မှာ ကြက်သွန်နီဈေး မိုးထိအောင်ခေါင်ခိုက်နေတာကြောင့် အာဏာပိုင်တွေဟာ မဟာဗျူဟာမြောက် လှောင်ထားတဲ့အထဲက ရောင်းချဖို့လုပ်ခဲ့ရပါတယ်။ ကုန်သွယ်ရေးဝန်ကြီးကလည်း စူပါမားကက်တွေမှာ အလျင်စလိုနှင့် အမြောက်အမြားဝယ်ယူတာမျိုးမလုပ်ဖို့ ပြည်သူတွေကို တောင်းဆိုထားပါတယ်။ အဲဒီအပြင် ကာဇက်စတန်၊ဥဘက်ကစ္စတန်နှင့်တာဂျစ်ကစ္စတန်တို့မှာ ကြက်သွန်နီပြည်ပတင်ပို့မှုပိတ်ပင်ခဲ့ပါတယ်။ အာဇာဘိုင်ဂျန်လို နိုင်ငံမျိုးမှာတောင် ကြက်သွန်နီရောင်းတာကို ပမာဏကန့်သတ်ခဲ့ပြီး ဘယ်လာရုစ်မှာ ကြက်သွန်နီတင်ပို့မှုအတွက် လိုင်စင်ရယူဖို့ လုပ်ဆောင်နေကြောင်း ဘလွမ်းဘတ်သတင်းဌာနက သတင်းရေးသားထားတာဖြစ်ပါတယ်။
Source: IndiaToday/Bloomberg
#ကြက်သွန်နီဈေးမြင့်တက်
#ကမ္ဘာလုံးဆိုင်ရာစားနပ်ရိက္ခာအကျပ်အတည်း
#ကြက်သွန်နီပြတ်လပ်
#YangonMediaGroup
#အထူးဆောင်းပါး
Published 19 Feb 2023
တရုတ်လျှပ်စစ်ကားထုတ်လုပ်တဲ့ ဘီဝိုင်ဒီ BYD ဟာ ပင်လယ်ရပ်ခြားလုပ်ငန်းတွေကိုတိုးချဲ့နေရာ ၂၀၂၃ခုနှစ်မှာ ဘီဝိုင်ဒီကားအရောင်းဟာ ပြိုင်ဘက် အမေရိကန် Tesla တဲဆ်လာလို ကျော်ဖြတ်ဖို့ ရည်မှန်းထားပါတယ်။
ဂျပန်၊အရှေ့တောင်အာရှနှင့် ဥရောပအပါအဝင် နိုင်ငံပေါင်း ၄၀ကျော်ကို လုပ်ငန်းတွေတိုးချဲ့ထားတဲ့ BYD ဟာ ဒီနှစ် အတွင်းမှာ လျှပ်စစ်ကားစီးရေ (၂)သန်းနီးပါး အထိရောင်းချဖို့ အစီအစဉ်ရေးဆွဲထားပါတယ်။
“ နှစ်ပေါင်း ၂၀ ကျော် သုတေသနနှင့်ဖွံ့ဖြိုးရေးရလာဒ်တွေအရ ကျွန်တော်တို့အိပ်မက်တွေ တကယ်ဖြစ်လာတော့မှာပါ။ဇိမ်ခံကားတွေအတွက် ကမ္ဘာလုံးဆိုင်ရာ လုပ်ငန်းဖွဲ့စည်းတည်ဆောက်ပုံတွေကို ကျွန်တော်တို့ ပြောင်းလဲပစ်ပါမယ်” လို့ BYD တည်ထောင်သူနှင့် ဥက္ကဋ္ဌ ဝမ်ချွမ်ဖူးက ပြောခဲ့ပါတယ်။
BYD ဟာ ၂၀၀၃ခုနှစ်မှာ ကားဈေးကွက်ထဲဝင်ရောက်လာပြီးနောက် ဇိမ်ခံလျှပ်စစ်ကားတွေကို ရည်မှန်းပစ်မှတ်ထားနေပါတယ်။
BYD ဟာ ၂၀၂၃ခုနှစ်အတွင်း လမ်းကြမ်းမောင်း အက်စ်ယူဗွီ ကား Yangwang U8 နှင့် U9 supercarတို့ကို ယွမ်ငွေ ရှစ်သောင်းနှင့် တစ်သန်းခွဲအကြား ဈေးနှုန်းတွေနှင့် ရောင်းချဖို့ရှိနေပါတယ်။
Yangwang မိုဒယ်လ်ဟာ ကားဘီးလေးဘီးမှာ တစ်ဘီးစီးကို သီးခြားခွဲထိန်းချုပ်မောင်းနှင်တာဖြစ်လို့ ကားဘီးတစ်လုံးပေါက်သွားရင်တောင် ကားကိုဆက်မောင်းနိုင်မှာဖြစ်ပါတယ်။ U8 ကတော့ ရေပေါ်မှာ ပေါလောပေါ်ပြီး မောင်းနှင်နိုင်ပါတယ်။
BYD ဟာ ဇိမ်ခံလျှပ်စစ်ကားလုပ်ငန်းထဲကို ဝင်လာဖို့လုပ်နေပါတယ်။ ကုမ္ပဏီဟာ Song၊Qin၊Dolphin နှင့် Han တို့လို ယွမ်တစ်သိန်းမှ သုံးသိန်းအကြား ဈေးနှုန်းနိမ့်နှင့်အလတ် ကားတွေမှာ ရောင်းအားအလွန်ကောင်းနေပါတယ်။ တရုတ်နိုင်ငံမှာ ဗောက်စ်ဝက်ဂွန်နှင့်ဟွန်ဒါ လျှပ်စစ်ကားတွေဟာ BYD ရဲ့ ဈေးကွက်မင်းမူနေမှုကို စိန်ခေါ်လာနေပါတယ်။
Source: Nikkei Asia
#BYD
#Tesla
#Luxury_EV
Page 26 of 61
