#Daily_News
Published 12 January 2026

၁။‌‎ ‎‎နေပြည်တော်တွင် ကျပ်(၇၅)ဘီလီယံခန့်ရင်းနှီးမြုပ်နှံကာအဆောက်အုံများတည်ဆောက်မည်
‎
‎‌‎၂။ ‌‌‌‌‌‌‌‌‌‌‌‎‎‎‎‎‎‎‎‎ကိုဗစ်ချေးငွေ အတိုးအရင်းမပေးဆပ်သူ (၃၅၇)ဦးရှိနေ
‎
‎၃။‌‌‎ ‌‌‌‌‌‌‌‌‌‎ဘန်ကောက်ကျောက်မျက်ရတနာပြပွဲသို့ မြန်မာနိုင်ငံမှပါဝင်ပြသမည်

‎၄။‎ ‌‌‌‌‌‌‌‌‌‎‎(၂၀၂၆)လတ်စ်ဗေးဂတ်စ် အီလက်ထရွန်နစ်ပြပွဲ၌ AIဖြင့်ကျန်းမာရေးနှင့်ဒီဂျစ်တယ်ရုပ်ပွားနည်းပညာများပြသ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 12 January 2025

▪️ ပြီးခဲ့သည့်ရက်ပိုင်းက ယာယီ ရပ်နားထားရသည့် ရန်ကုန်-မန္တလေး ရထားခရီးစဉ်များကို ယခုအခါ ပြန်လည်ပေးဆွဲနေပြီဖြစ်ကြောင်း မြန်မာ့မီးရထားမှသိရသည်။

▪️ ပဲခူးတိုင်းဒေသကြီး၊ တောကျွဲအင်းမြို့နှင့် အနီးဝန်းကျင်၌ ဖြစ်ပွားခဲ့သည့် တိုက်ပွဲကြောင့် လုံခြုံရေးအခြေအနေအရ ရန်ကုန်- နေပြည်တော်-မန္တလေး အမှတ်(၃၁)အဆန် DEMU ရထားနှင့် ရန်ကုန်-မန္တလေး အမှတ်(၁၁) အဆန် အမြန် ရထားနှစ်စင်းလုံး၏ ခရီးစဉ်များကို ဇန်နဝါရီ ၉ ရက်နှင့် ၁၀ ရက်နေ့များတွင် လုံခြုံရေးအခြေအနေ အရပြေးဆွဲမှုများကို ယာယီရပ်နားခဲ့ခြင်းဖြစ်ပြီး ရထားခရီးစဉ်များ ယာယီရပ်နားခဲ့သည့်အတွက် ကြိုတင်လက်မှတ် ဝယ်ယူထားသူများ ကိုလည်း လက်မှတ်ခငွေကို ပြန်လည်ထုတ်ပေးခဲ့ကြောင်း သိရသည် ။

▪️ ယခုအခါ ယာယီရပ်နားခဲ့သည့် ရန်ကုန်-မန္တလေး ရထားခရီးစဉ်များကို ဇန်နဝါရီ ၁၁ ရက်၊ မနက်ပိုင်း ရထားခရီးစဉ်မှစတင်၍ ပုံမှန်အချိန်အတိုင်း ပြန်လည်ပြေးဆွဲနေပြီ ဖြစ်ကြောင်းသိရသည်။

#YMG/NN #Yangon_Times

#World_News
Published 12 January 2026

■ အမေရိကန်ရဲ့ လုံခြုံရေးပြဿနာများ ဖြေရှင်းဖို့အတွက် နေတိုး(NATO)အနေနဲ့ အာတိတ်မှာ စစ်ရေးစီမံကိန်း ဆောင်ရွက်သင့်တယ်လို့ ဘယ်ဂျီယံကာကွယ်ရေးဝန်ကြီးက တနင်္ဂနွေနေ့မှာ ပြောသွားပြီး အမေရိကန်သမ္မတ ဒေါ်နယ်ထရမ့် ဂရင်းလန်းကို ထိန်းချုပ်လိုတဲ့ ကိစ္စနဲ့ ပတ်သက်ပြီး ဥရောပမှာ မငြိမ်မသက် ဖြစ်နေတဲ့ကြား နေတိုးကို တိုက်တွန်းလိုက်တာ ဖြစ်ပါတယ်။

■ အတူတကွ ပူးပေါင်းလုပ်ဆောင်ကြပြီး စည်းလုံးညီညွတ်မှု ပြသဖို့လိုအပ်ကာ နေတိုးအနေနဲ့ မြောက်ပိုင်းမှာ စစ်ရေးစီမံကိန်း လိုအပ်ကြောင်း ကာကွယ်ရေးဝန်ကြီး သီယိုဖရန်ကင်က ပြောသွားပါတယ်။

■ အမေရိကန်ကတော့ အနာဂတ်မှာ ဂရင်းလန်းကို ရုရှားနဲ့ တရုတ်တို့ရန်မှ ကာကွယ်လိုတဲ့အတွက် ထိန်းချုပ်ချင်တာဖြစ်တယ်လို့ ထရမ့်က ပြောထားပါတယ်။

■ ဒိန်းမတ်ရဲ့ ကိုယ်ပိုင်အုပ်ချုပ်ခွင့်ရဒေသဖြစ်တဲ့ ဂရင်းလန်းကျွန်းမှာ အမေရိကန်ရဲ့ လုံခြုံရေးပူပန်မှု ပြဿနာများ ပြေလည်အောင် ဥရောပအရာရှိတွေက ‌ဆွေးနွေးနေကြတာ ဖြစ်ပါတယ်။

■ နေတိုးရဲ့ ဘော်တိတ်အစောင့်နှင့် အရှေ့အစောင့်စစ်ဆင်ရေးများ ပြုလုပ်ဖို့ ဖရန်ကင်က အကြံပြုပြီး ဒရုန်းများ၊ ဆင်ဆာများ၊ နည်းပညာများဖြင့် နိုင်ငံအရပ်ရပ်မှ တပ်အင်အားများ ပေါင်းစည်းထားတဲ့ စစ်ဆင်ရေးတွေ ဖြစ်ပါတယ်။

■ နေတိုးအကြီးအကဲ မာ့ခ်ရုက အမေရိကန်သမ္မတ မာကိုရူဘီယိုနဲ့ အာတိတ်လုံခြုံရေး အရေးကြီးပုံတွေ၊ နေတိုးစွမ်းရည် မြှင့်တင်မယ့်အကြောင်းတွေကို ဆွေးနွေးခဲ့ကြပါတယ်။

■ ဒိန်းမတ်နဲ့ ဂရင်းလန်းခေါင်းဆောင်များက ဂရင်းလန်းကျွန်းဟာ သိမ်းပိုက်ရန် မဟုတ်ကြောင်း၊ နိုင်ငံတကာလုံခြုံရေးက ဒီလိုလုပ်ရပ်ကို မဖြေရှင်းပေးနိုင်ကြောင်း ပြောထားပါတယ်။

■ ၁၉၅၁ သဘောတူညီချက်အရ အမေရိကန်ဟာ ဂရင်းလန်းမှာ စစ်အင်အားတွေ ချထားပြီးသား ဖြစ်ပါတယ်။

Source: Reuters

#World_Science
Published 12 January 2026

■ ကော်နယ်တက္ကသိုလ်မှ သုတေသီတွေက ဓာတ်ခွဲခန်းထဲက ကြွက် ၄၄ ကောင်ကို အပြင်ဘက်အလုံပိတ်နေရာကြီးတစ်ခုထဲ လွှတ်ပေးကာ လွတ်လပ်စွာ သွားလာနေထိုင်ခိုင်းခဲ့ပါတယ်။

■ တစ်ပတ်ပြီးတဲ့နောက်မှာပဲ ကြွက်တွေရဲ့ စိုးရိမ်စိတ်တွေက ပုံမှန်ပြန်ဖြစ်သွားတာ တွေ့ခဲ့ကြတယ်လို့ ဇီဝပညာရှင် မက်သရူးဇစ်ပယ်က ပြောပါတယ်။

■ ဒီလိုမျိုး သဘာဝကျတဲ့ ပတ်ဝန်းကျင်မှာ နေထိုင်ခြင်းဖြင့် ကြောက်ရွံ့စိတ်ဖြစ်ပေါ်မှုကို ပိတ်ပင်ပေးကာ ဓာတ်ခွဲခန်းထဲမှာတုန်းက ဖြစ်ပေါ်ခဲ့တဲ့ ကြောက်ရွံ့စိတ်ကိုလည်း ပြန်လျှော့ချနိုင်ခဲ့ပါတယ်။

■ ကြွက်တွေရဲ့ စိုးရိမ်မှုကို တိုင်းတာတဲ့ EPM ဝင်္ကပါကိရိယာဖြင့် စမ်းသပ်ခဲ့ကာ ပိတ်ထားတဲ့ဘက်မှာဆိုရင် ကြွက်တွေက ပိုမိုလုံခြုံသလို ခံစားရစေကာ ဖွင့်ထားတဲ့ဘက်ကတော့ ပိုပြီးလွတ်လပ်တဲ့နေရာ ဖြစ်ပါတယ်။

■ ကြွက်တွေက ဝင်္ကပါရဲ့ ဖွင့်ထားတဲ့ဘက်မှာဆိုရင် ရှောင်ရှားကြပြီး အလုံပိတ်တဲ့ဘက်ကို ပိုမိုကြိုက်နှစ်သက်ကြပါတယ်။

■ လွတ်လပ်စွာ နေထိုင်ခွင့်ပေးထားတဲ့ ကြွက်တွေကတော့ နှစ်ဖက်စလုံးကို စူးစမ်းကြပါတယ်။

■ သဘာဝပတ်ဝန်းကျင်နဲ့ ထိတွေ့တဲ့အခါ ကြွက်တွေရဲ့ စိုးရိမ်မှုအတိုင်းအတာ သိသိသာသာ ကျဆင်းသွားပြီး ယခင်က ပူပန်စိတ်တွေကိုပင် ကျော်လွှားသွားနိုင်ပါတယ်။

■ မတူညီတဲ့အရာတွေများစွာကို ကြုံတွေ့ရတဲ့အခါ ဘယ်ဟာက ကြောက်စရာကောင်းလဲဆိုတာကို ချင့်ချိန်သွားနိုင်တယ်လို့ အာရုံကြောဇီဝပညာရှင် မိုက်ကယ်ရှီဟန်က ပြောပါတယ်။

■ ဇီဝအချက်အလက်တွေထက် ပတ်ဝန်းကျင် အခြေအနေတွေက စိုးရိမ်စိတ်ကို ပုံဖော်ရာမှာ ပိုပြီးပါဝင်ပတ်သက်နေနိုင်တယ်လို့ ယူဆရပါတယ်။

■ မစိုးရိမ်သင့်တာကို သေချာမသိတဲ့အခါ မလိုလားအပ်ဘဲ ပူပန်မှုဖြစ်စေတယ်လို့ ရှီဟန်က သုံးသပ်ထားပါတယ်။

Source: NDTV

#World_Health
Published 12 January 2026

■ သွေးပေါင်ချိန်ကို ခဏခဏတိုင်းခြင်းက သင့်လျော်ရဲ့လားဆိုတာကို ဒေါက်တာ အာမစ်ဆာရက်ဖ်က ပြောပြပါတယ်။

■ သွေးပေါင်ချိန်ကို ပုံမှန်တိုင်းတာခြင်းက ဘေးအန္တရာယ်မရှိဘဲ ဘာအကြောင်းကြောင့် ဘယ်လိုတိုင်းလဲဆိုတာက အရေးကြီးပါတယ်။

■ အချို့တွေကတော့ မကြာခဏ တိုင်းခြင်းဖြင့် စိတ်ချရမှုခံစားကြပြီး အချို့ကတော့ မလိုလားအပ်တဲ့ စိုးရိမ်ပူပန်စိတ်တွေ ခံစားရတတ်ပါတယ်။

■ စိတ်ဖိစီးမှုဖြစ်တိုင်း၊ အစားစားပြီးတိုင်း၊ တစ်ခုခုခံစားရတိုင်း ခဏခဏတိုင်းနေတာကတော့ အသုံးမဝင်စေဘဲ ယာယီသွေးပေါင်ချိန်မြင့်တက်တာကိုကြည့်ပြီး စိုးရိမ်စိတ်ဖြစ်နိုင်တယ်လို့ ဆိုပါတယ်။

■ ဒါဟာ တကယ့်သွေးပေါင်ချိန် တက်တာမဟုတ်ဘဲ စိတ်ခံစားချက်ကြောင့်သာ ဖြစ်ပါတယ်။

■ အိမ်မှာ သွေးပေါင်ချိန် ပုံမှန်တိုင်းတာသင့်တဲ့ သူတွေက သွေးတိုးရောဂါရှိသူ၊ သွေးထိန်းဆေး သုံးစွဲနေသူ၊ ဆီးချို ကျောက်ကပ် နှလုံးရောဂါဝေဒနာသည်တွေ ဖြစ်ပြီး သွေးတိုးမရှိသူတွေက နေ့စဉ် တိုင်းတာနေစရာ မလိုဘူးလို့ ပြောပါတယ်။

■ သွေးတိုးရှိသူတွေအနေနဲ့ မနက်တစ်ကြိမ်၊ ညနေတစ်ကြိမ် တိုင်းတာသွားနိုင်ပြီး ရေရှည်မှာတော့ တစ်ပတ်ကို အကြိမ်ရေအနည်းငယ် တိုင်းတာနိုင်ပါတယ်။

■ ဆက်တိုက်ခေါင်းကိုက်ခြင်း၊ မူးဝေခြင်း၊ ရင်ဘတ်မအီမသာဖြစ်ခြင်း၊ နွမ်းနယ်ခြင်း၊ နှလုံးတုန်ခြင်းစတဲ့ လက္ခဏာများ ခံစားရတဲ့အခါလည်း တိုင်းတာသင့်ပါတယ်။

■ အိမ်မှာ သွေးပေါင်ချိန်တိုင်းတဲ့အခါ မတိုင်းခင် ၅ မိနစ်ခန့် ငြိမ်သက်စွာထိုင်ခြင်း၊ ကဖင်းရှောင်ရှားခြင်း၊ လက်မောင်းကို နှလုံးနဲ့တစ်တန်းတည်းထားခြင်း၊ အသိအမှတ်ပြု သွေးပေါင်ချိန်စက် အသုံးပြုခြင်း၊ နှစ်ခါတိုင်းပြီး ပျမ်းမျှယူခြင်းတို့က အရေးကြီးပါတယ်။

Source: Indian Express

ဆံတော်ရှင်ကျိုက်ထီးရိုးဘုရားသို့ သုံးလကျော်ကာလအတွင်းခရီးသွားခုနှစ်သိန်းခုနှစ်သောင်းကျော် ဝင်ရောက်ထားတယ်လို့ ကျိုက်ထီးရိုးစေတီတော် ဂေါပကအဖွဲ့ကသိရပါတယ်။

#Local_News
Published 10 January 2026
#ကျိုက်ထီးရိုး
#YMG/NN #Yangon_Times

#World_Health
Published 11 January 2026

■ ကိုယ်ခံအားမြှင့်တင်ချင်တဲ့အခါ ဗိုက်တာမင်-စီနဲ့ ဇင့်တို့ကို အများဆုံးသောက်သုံးကြပြီး ရောဂါကာကွယ်ရေးအတွက် တစ်ခုနဲ့တစ်ခု ဖြည့်စွက်ထောက်ပံ့ပေးကြပါတယ်။

■ ဗိုက်တာမင်-စီက ကိုယ်ခံအားနစ် နိုးကြားနေအောင် ထိန်းသိမ်းပေးပြီး ရောဂါပိုးမွှားတွေကို တိုက်ခိုက်ပေးသလို ဓာတ်တိုးဆန့်ကျင်ပစ္စည်းအဖြစ်လည်း ဆောင်ရွက်ပေးပါတယ်။

■ ဇင့်ကတော့ ကိုယ်ခံအားဆဲလ်တွေ ပုံမှန်လုပ်ဆောင်စေပြီး နား၊ လည်ချောင်း၊ အဆုတ်နံရံတို့မှာ ရောဂါပိုးမွှားများကို တားဆီးပေးပါတယ်။

■ ဇင့်နဲ့ ဗိုက်တာမင်-စီတို့ကို အတူတကွ သောက်သုံးလျှင် ကိုယ်ခံအားကို ညီတူမျှတူ ထောက်ပံ့ပေးပြီး ကိုယ်ခံအားစနစ် လျင်မြန်စွာတုံ့ပြန်စေပါတယ်။

■ ဇင့်ကို ရေရှည်မှာ ပမာဏများများ မှီဝဲရင်တော့ အခြားသတ္တုဓာတ်တွေ စုပ်ယူမှုကို နှောင့်ယှက်စေပြီး ရောဂါခုခံအား ကျဆင်းသွားစေပါတယ်။

■ ဗိုက်တာမင်-စီ များလွန်းရင် အချို့လူတွေမှာ အစာအိမ်ပြဿနာ ဖြစ်နိုင်ပါတယ်။

■ ဒါကြောင့် ကျန်းမာရေးပညာရှင်များရဲ့ အကြံပြုချက်ဖြင့်သာ ချင့်ချိန်သောက်သုံးသင့်ပါတယ်။

■ အချို့သော ပဋိဇီဝဆေးများ၊ ဆီးရွှင်ဆေးများက ဇင့်၊ ဗိုက်တာမင်-စီတို့နဲ့ အပြန်အလှန်သက်ရောက်စေနိုင်ပါတယ်။

■ နှစ်မျိုးစလုံးက သင့်တင့်တဲ့ပမာဏဆိုရင် စိတ်ချရပေမယ့် များလွန်းရင်တော့ ဘေးထွက်ဆိုးကျိုးများ ဖြစ်တတ်ပါတယ်။

■ လုံလောက်စွာ အိပ်စက်ခြင်း၊ မျှတစွာ စားသုံးခြင်း၊ ပုံမှန်လှုပ်ရှားခြင်း၊ ဖိစီးမှုထိန်းချုပ်ခြင်းတို့က ကိုယ်ခံအားအတွက် အရေးကြီးပြီး လိုအပ်တဲ့ပမာဏအတိုင်းသာ ဖြည့်စွက်သုံးစွဲသင့်ပါတယ်။

Source: Indian Express

#World_Health
Published 11 January 2026

■ တစ်နေ့ကို စီးကရက် ၂ လိပ်သောက်ခြင်းက တစ်လအတွင်း သက်ရောက်မှုတွေ သိသာလာတယ်လို့ အက်စတာအာရ်ဗီဆေးရုံမှ အဆုတ်အထူးကု ဒေါက်တာ ပူဂျာတီက ပြောပါတယ်။

■ နီကိုတင်းက လျင်မြန်စွာ လုပ်ဆောင်ပြီး ပမာဏအနည်းငယ်မျှကို ပုံမှန်သုံးစွဲသွားရင်တောင် စွဲလမ်းသွားစေတယ်လို့ ပြောပါတယ်။

■ နှလုံးခုန်နှုန်း၊ သွေးပေါင်ချိန်တို့ကို ယာယီမြင့်တက်စေပြီး နှလုံးသွေးကြောစနစ်အပေါ် ဖိစီးမှုဖြစ်စေကာ သွေးခဲနိုင်ခြေလည်း မြင့်မားလာပါတယ်။

■ ထိခိုက်တဲ့အထဲမှာ အဆုတ်လည်း မဖြစ်မနေပါဝင်ပြီး လေလမ်းကြောင်းနံရံတွေ ရောင်ရမ်းကာ ချွဲပိုထစေပါတယ်။

■ ချောင်းဆိုးခြင်း၊ ရင်ဘတ်အောင့်ခြင်း၊ အသက်ရှူကြပ်ခြင်းတို့ ဖြစ်လာတတ်ပါတယ်။

■ ဆေးလိပ်မီးခိုးကို အနည်းငယ်မျှ ရှူမိရင်တောင် အဆုတ်စွမ်းဆောင်ရည် ကျဆင်းစေတာ ဖြစ်ပါတယ်။

■ ဒါ့အပြင် စီးကရက်ငွေ့ထဲက အဆိပ်သင့်ဓာတုပစ္စည်းတွေနဲ့ ထိတွေ့တဲ့အခါမှာလည်း ဓာတ်တိုးဖိစီးမှုတွေ ဖြစ်စေကာ ကိုယ်ခံအားနည်းခြင်း၊ ဒဏ်ရာသက်သာမှုနှုန်းနှေးခြင်း၊ ကြံ့ခိုင်ရည်နည်းခြင်းတို့ ဖြစ်လာနိုင်ပါတယ်။

■ ဆေးလိပ်ကို အနည်းငယ်မျှ သောက်ရင် ပိုပြီးစိတ်ချရတယ်ဆိုတာဟာ လွဲမှားနေပြီး ပုံမှန်သောက်သူတွေလိုပဲ အန္တရာယ်သင့်ဓာတုတွေ ရောက်ရှိနိုင်ပါတယ်။

■ ဆေးလိပ်စသောက်သူတွေက မူးဝေအော့အန်ခြင်းလို ခဏတာလက္ခဏာတွေ ခံစားရနိုင်ပြီး ရေရှည်သောက်သူတွေကတော့ ကျန်းမာရေးအန္တရာယ်တွေ ဖြစ်နိုင်ပါတယ်။

■ ဆေးလိပ်စောစောဖြတ်ရင် အစပိုင်းကျန်းမာရေးသက်ရောက်မှုတွေကို ပြန်လည်ချေဖျက်နိုင်ပေမယ့် ဆဲလ်တွေကတော့ ခဏတာသောက်မိတာနဲ့ ထိခိုက်ပျက်စီးစေပါတယ်။

Source: Indian Express.

ဗင်နီဇွဲလားမြို့တော် ကရာကက်စ်မှာ ဆန္ဒပြသူတွေ ဗုဒ္ဓဟူးနေ့က လမ်းပေါ်ထွက်လာကြပြီး နိုင်ငံ့အချုပ်အခြာအာဏာကိုလေးစားဖို့နဲ့ သမ္မတနီကိုလတ်စ်မဒူရို၊ ဇနီးဖြစ်သူ စီလီယာဖလော်ရက်စ်တို့ကို အမေရိကန်အစိုးရ ပြန်လွှတ်ပေးဖို့ တောင်းဆိုနေကြပါတယ်။

#World_News
Published 10 January 2026
#ဗင်နီဇွဲလားမြို့တော် #ကရာကက်စ်
#YMG #Yangon_Times #Yangon_Media_Group

စားအုန်းဆီဈေးအနည်းငယ်ပြန်တက်လာတယ်လို့ စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ထုတ်ပြန်တဲ့ဈေးနှုန်းတွေအရ သိရပါတယ်။

#Local_News
Published 10 January 2026
#စားအုန်းဆီ #စားသုံးဆီ
#YMG/SW #Yangon_Times

နေပြည်တော်‌ ကောင်စီနယ်‌မြေအတွင်း အဆင့်မြင့်အိမ်ရာစီမံကိန်းသုံးခုကိုအကောင်အထည်ဖော်တည်ဆောက်သွားမယ်လို့ နေပြည်တော်စည်ပင်သာယာရေးကော်မတီမှသိရပါတယ်။

#Local_News
Published 10 January 2026
#နေပြည်တော် #စည်ပင်သာယာရေးကော်မတီ
#YMG/SW #Yangon_Times

ပြည်ပနိုင်ငံတွေကို ၂၀၂၅ခုနှစ် ဒီဇင်ဘာလအတွင်း ဆန်နဲ့ဆန်ကွဲတန်ချိန် သုံးသိန်းကျော်နဲ့ စံချိန်တင် တင်ပိုနိုင်ခဲ့တယ်လို့ မြန်မာနိုင်ငံ
ဆန်စပါးအသင်းချုပ်ကသိရပါတယ်။

#Local_News
Published 10 January 2026
#ဆန် #ဆန်ကွဲ
#YMG/NN #Yangon_Times