#World_Health
Published 14 August 2025

▪️ ထမင်းစားခြင်းက ဆီးချိုရောဂါ ဖြစ်နိုင်ခြေများစေတယ်ဆိုတဲ့ ယူဆချက်တွေ ကျယ်ပြန့်နေပါတယ်။

▪️ ထမင်းက လူသန်းပေါင်းများစွာအတွက်တော့ နေ့စဉ်မပါမဖြစ် အစားအစာဖြစ်ပါတယ်။

▪️ ဒီအကြောင်းကို အိန္ဒိယစိုက်ပျိုးမွေးမြူရေး သုတေသနအဖွဲ့အစည်းမှ
ဒုအကြီးအကဲနဲ့ စိုက်ပျိုးရေးသိပ္ပံပညာရှင်ကြီး ဒေါက်တာအာရှော့ကူမာဆင်းနဲ့ ဆွေးနွေးခဲ့ကြပါတယ်။

▪️ ဒေါက်တာက ထမင်းကို သုတေသနလုပ်နေတာ ဆယ်စုနှစ် ၃ ခုကျော်ရှိပြီဖြစ်သလို ဆီးချိုလည်းရှိသူဖြစ်ပါတယ်။

▪️ အစားစားတဲ့အခါ သွေးထဲက သကြားဓာတ်ပမာဏ မြင့်တက်ကာ GI လို့ခေါ်တဲ့နည်းလမ်းဖြင့် တိုင်းတာပါတယ်။

▪️ GI မြင့်မားတဲ့ အစားအစာတွေဆိုရင် သွေးတွင်းသကြားဓာတ်ကို လျင်မြန်စွာ မြင့်တက်စေပါတယ်။

▪️ GI နည်းတဲ့ အစားအစာတွေကတော့ သွေးတွင်းသကြားဓာတ်ကို နှောင့်နှေးစွာဖြင့်သာ တက်စေပါတယ်။

▪️ GI ၅၅ ရာခိုင်နှုန်းအထက်ဆိုရင် မြင့်တယ်လို့ သတ်မှတ်ပါတယ်။

▪️ ဆန်တွေမှာလည်း GI နည်းတဲ့ဆန်ရှိတာကြောင့် ရွေးချယ်စားသုံးတဲ့ ဆန်အမျိုးအစားက အရေးကြီးပါတယ်။

▪️ GI ၄၅ ရာခိုင်နှုန်းအောက်ရှိတဲ့ ဆန်မျိုးကို နိုင်ငံတကာ ဆန်သုတေသနအဖွဲ့အစည်း (IRRI)က ထုတ်လုပ်ထားပြီး ဆီးချိုရှိသူတွေ၊ သွေးတွင်းသကြားဓာတ် ထိန်းချင်သူတွေအတွက် သင့်လျော်ပါတယ်။

▪️ ထမင်းစားတဲ့အခါ ပဲနီလေးနဲ့ အချိုးတူစားသုံးရင် အစာခြေနှုန်းလျှော့ချပြီး GI လျော့နည်းစေပါတယ်။

▪️ ဆန်ညိုဆိုရင် ဆန်အဖြူတွေထက် အမျှင်ဓာတ်နဲ့ အာဟာရဓာတ်တွေ ပါဝင်တာကြောင့် GI ပိုနည်းပါတယ်။

▪️ ဆီးချိုဆိုတာက မျိုးရိုးဗီဇနဲ့ နေထိုင်စားသောက်မှုပုံစံအပေါ် များစွာမူတည်နေပါတယ်။

▪️ မျိုးရိုးလိုက်နိုင်ခြေရှိတဲ့အပြင် လေ့ကျင့်ခန်းမလုပ်၊ အထိုင်များတဲ့ စားသောက်နေထိုင်မှုပုံစံနဲ့ဆိုရင် ဆီးချိုဖြစ်နိုင်ခြေ များစေနိုင်ပါတယ်။

▪️ ဒါကြောင့် ဆီးချိုစိုးရိမ်သူများအနေနဲ့ ထမင်းလုံးဝဖြတ်ခြင်းမျိုး မလိုအပ်ဘဲ ကျန်းမာရေးနဲ့ ညီညွတ်တဲ့ ဆန်မျိုးကိုရွေးချယ်ပြီး ညီညွတ်မျှတစွာစားခြင်း၊ တက်ကြွလှုပ်ရှားခြင်းတို့ဖြင့် ဆီးချိုကာကွယ်နိုင်မှာဖြစ်ပါတယ်။

Source: India Today.

ဆိုးလ်၊ ဩဂုတ် ၁၃ (ဘလွန်းဘတ်) – ပြစ်တင်စွပ်စွဲခံထားရသော တောင်ကိုရီးယားသမ္မတ ယွန်းစုခ်  ယော်၏ ဇနီး ကင်ကီယွန်ဟီအား စတော့ဈေးကွက် ကြိုးကိုယ်ခြယ်လှယ်မှုမှသည် လာဘ်ပေး  လာဘ်ယူ   မှုအထိ စွဲချက်များဖြင့် စုံစမ်းစစ်ဆေးနေသည့်လုပ်ငန်းစဉ်ကြောင့် အင်္ဂါနေ့နှောင်းပိုင်းက ဖမ်းဆီးခဲ့သည် ဟု စုံစမ်းစစ်ဆေးရေးအရာရှိများက ပြောကြားသည်။

ဆိုးလ်ဗဟိုခရိုင်တရားရုံးက သမ္မတကတော်ဟောင်းအတွက် ဖမ်းဝရမ်းကိုအတည်ပြုပေးပြီးနောက် ၎င်းအား ဖမ်းဆီးခဲ့ခြင်းဖြစ်သည်။ ကင်ကီယွန်ဟီသည် ပြီးခဲ့သည့်နှစ်အစောပိုင်းက တိုင်းပြည်၏  နိုင်ငံရေး   ကို လှုပ်ခတ်ခဲ့သည့် ဒီယော(Dior bag) အိတ် အရှုပ်တော်ပုံတွင် ပါဝင်ပတ်သက် နေခဲ့သူ  ဖြစ် သည်။

တောင်ကိုရီးယားတွင် ရာထူးမှထွက်ပြီးနောက် ကံကြမ္မာပြောင်းလဲသွားခဲ့သည့် ခေါင်းဆောင်များ စာရင်း အရှည်ကြီးရှိသော်လည်း သမ္မတဟောင်းနှင့် သူ၏ဇနီးတို့ တစ်ချိန်တည်း အဖမ်းခံရသည်မှာ နိုင်ငံ  သမိုင်းတွင် ပထမဆုံးအကြိမ်ဖြစ်သည်။ ကင်ကီယွန်ဟီသည် တောင်ကိုရီးယားသမိုင်းတွင် အဖမ်းခံရသည့် ပထမဆုံးသော သမ္မတကတော်ဟောင်းလည်း ဖြစ်သည်။

စုံစမ်းရေးအရာရှိများသည် ကင်ကီယွန်ဟီအား ဇိမ်ခံလက်ကိုင်အိတ်တစ်လုံးနှင့် လည်ဆွဲကြိုးတစ်ကုန်း   လက်ဆောင်ရရှိမှုမှအစ ၂၀၀၉ ခုနှစ်မှ ၂၀၁၂ ခုနှစ်အတွင်း စတော့ဈေးကွက် ကြိုးကိုင်မှု အစီအစဉ်တွင် ပါဝင်ပတ်သက်နေမှုအထိ စွဲချက်အမျိုးမျိုးဖြင့် စစ်ဆေးနေသည်။

ကင်ကီယွန်ဟီ အဖမ်းခံရခြင်းမှာ သူမ၏ခင်ပွန်းဖြစ်သူ သမ္မတဟောင်း ဖြုတ်ချခံရ ပြီးလေးလအကြာတွင် ဖြစ်သည်။ ယွန်းစုခ်ယော်သည် နိုင်ငံနှင့် ကမ္ဘာကို လှုပ်ခတ်ခဲ့သည့် မာရှယ်လော ထုတ်ပြန်ခဲ့မှုမရှုမလှ  ပျက်ပြားခဲ့ပြီးနောက် ဖြုတ်ချခံခဲ့ရသည်။ ယွန်းစုခ်ယော်ကိုယ်တိုင်လည်း ဒီဇင်ဘာလအစောပိုင်းက မာရှယ်လောထုတ်ပြန်မှု မအောင်မြင်ပြီးနောက် ဒုတိယအကြိမ်အဖြစ် ပြီးခဲ့သည့်လက ထပ်မံ အဖမ်းခံခဲ့ ရသည်။ ဇနီးမောင်နှံနှစ်ဦးစလုံးကို သီးခြားထိန်းသိမ်းရေးစခန်းများတွင် ချုပ်နှောင်ထားသည်။

ကင်ကီယွန်ဟီသည် ပြီးခဲ့သည့်အပတ်က စစ်ဆေးမှုခံယူရန်လာစဉ် တောင်းပန်ခဲ့သော်လည်း မည်သည့် တရားမဲမှုမျှ မပြုလုပ်ခဲ့ဟု ငြင်းဆိုခဲ့သည် ဟု ယွန်ဟတ်သတင်းဌာနက ဖော်ပြခဲ့သည်။

Source : Bloomberg

အမေရိကန်သည် ပထဝီနိုင်ငံရေးအရ တရုတ်ကို ဟန်ချက်ညီစေရန်အတွက်

အိန္ဒိယကို ကြာမြင့်စွာ ကတည်းက စည်းရုံးခဲ့သော်လည်း ထရမ့်၏ ကုန်သွယ်ရေးစစ်ပွဲများကြောင့်

ပေကျင်းနှင့် နယူးဒေလီ တို့သည် ဘုံရပ်တည်ချက်ကို ရှာဖွေတွေ့ရှိနေကြသည်

၁၃ ဩဂုတ် ၂၀၂၅

အိန္ဒိယနှင့် တရုတ်တို့သည် ၂၀၂၀ ခုနှစ်က နယ်စပ်တွင် အသက်ဆုံးရှုံးခဲ့ရသည့် ရင်ဆိုင်တိုက်ခိုက် မှုကြောင့် တင်းမာခဲ့သော စီးပွားရေးဆက်ဆံရေးများကို ပြန်လည်တည်ဆောက်နေပြီဖြစ်သည်။ ဤသည် မှာ အမေရိကန်သမ္မတ ဒေါ်နယ်လ် ထရမ့်က အိန္ဒိယနိုင်ငံအပေါ် ၅၀% အခွန်ကောက်ခံပြီးနောက် ဝန်ကြီး ချုပ် နရင်ဒြာ မိုဒီက BRICS နိုင်ငံများနှင့် ပိုမိုနီးကပ်လာနေသည့် နောက်ဆုံးလက္ခဏာဖြစ်သည်။

သမ္မတမိုဒီ၏ နောက်ဆုံးလှုပ်ရှားမှုမှာ လာမည့်လတွင် တရုတ်နိုင်ငံနှင့် တိုက်ရိုက်လေကြောင်း ခရီးစဉ်များ ပြန်လည်စတင်ရန်ဖြစ်သည်ဟု အသေးစိတ်ကိစ္စရပ်များကို ဆွေးနွေးနေကြသည့် အမည်မဖော်လိုသည့် သတင်းရင်းမြစ်များက ပြောကြားခဲ့သည်။ မိုဒီသည် သြဂုတ်လ ၃၁ ရက်နေ့မှစ၍ တရုတ်နိုင်ငံ တီယန်ကျင်းမြို့တွင်ကျင်းပမည့် ရှန်ဟိုင်းပူးပေါင်းဆောင်ရွက်ရေးအဖွဲ့အစည်း (Shanghai Cooperation Organization) သို့ ခုနစ်နှစ်အတွင်း ပထမဆုံးအကြိမ်အဖြစ် သွားရောက်ကာ ခေါင်းဆောင် ရှီကျင့်ဖျင်နှင့် တွေ့ဆုံမည့်အချိန်တွင် အဆိုပါသဘောတူညီချက်ကို တရားဝင် ကြေညာနိုင်ဖွယ်ရှိကြောင်းလည်း ၎င်းတို့က ပြောသည်။

ကိုဗစ်-၁၉ ကပ်ရောဂါကာလအတွင်း လေကြောင်းခရီးစဉ်များကို ဆိုင်းငံ့ထားခဲ့ပြီး၊ ယင်းအချိန်သည် ဟိမဝန္တာတောင်တန်းရှိ နယ်စပ်တိုက်ခိုက်မှုကြောင့် အိန္ဒိယစစ်သား ၂၀ ဦးနှင့် တရုတ်စစ်သည် အရေအတွက်မသိဦးရေ သေဆုံးခဲ့ရပြီးနောက် နျူကလီးယားလက်နက်ပိုင်ဆိုင်သည့် အိမ်နီးချင်းနှစ်နိုင်ငံ ကြား ဆက်ဆံရေး သိသိသာသာ ယိုယွင်းလာခဲ့ချိန်နှင့်လည်း တိုက်ဆိုင်ခဲ့သည်။

ယခုလတွင် သမ္မတထရမ့်က အိန္ဒိယနိုင်ငံ၏ ရုရှားရေနံဝယ်ယူမှုကို အပြစ်ပေးသည့်အနေဖြင့် အိန္ဒိယ ကုန်ပစ္စည်းများအပေါ် အခွန်နှစ်ဆ တိုးမြှင့်ကာ ၅၀% အထိ ကောက်ခံလိုက်သည့်အခါ မိုဒီ၏ စီးပွားရေး   တွက်ချက်မှုမှာ လုံးဝပြောင်းလဲသွားခဲ့သည်။ အိန္ဒိယ၏ စီးပွားရေးမှာ “သေဆုံးနေပြီ” ဖြစ်ပြီး ၎င်း၏ အခွန်အတားအဆီးများမှာ “အော့နှလုံးနာစရာ” ဖြစ်ကြောင်း အမေရိကန်သမ္မတ၏ ပြောဆိုချက်များက ဆက်ဆံရေးကို ပိုမိုတင်းမာစေခဲ့သည်။

အိန္ဒိယ၏ အကြီးဆုံးကုန်သွယ်ဖက်နိုင်ငံထံမှ ရိုက်ခတ်မှုမှာ ပြင်းထန်ခဲ့သည်။ အထူးသဖြင့် မိုဒီသည် ထရမ့်အား ချီးကျူးဂုဏ်ပြုခဲ့ပြီးနောက် ထရမ့်သမ္မတအိမ်ဖြူတော်သို့ ပြန်ရောက်လာသည့်အခါ ပထမဆုံး လာရောက်လည်ပတ်သည့် နိုင်ငံခြားခေါင်းဆောင်များထဲမှ တစ်ဦးဖြစ်ခဲ့သည့် နောက်ပိုင်းတွင် ဖြစ်ပွားခဲ့ ခြင်းဖြစ်သည်။

ပေကျင်းအခြေစိုက် Center for China and Globalization ဉာဏ်ကြီးရှင်အဖွဲ့၏ ဥက္ကဋ္ဌ ဟင်နရီဝမ်က အိန္ဒိယနှင့် တရုတ်တို့အကြား ဆက်ဆံရေးမှာ “ကောင်းမွန်သည့်အခြေအနေသို့ ရောက်ရှိနေသည်” ဟု ပြောကြားခဲ့ပြီး ကမ္ဘာလုံးဆိုင်ရာ တောင်ပိုင်းနိုင်ငံများ၏ ခေါင်းဆောင်များအနေဖြင့် “၎င်းတို့ အချင်းချင်း တကယ်ကို စကားပြောဆိုသင့်သည်” ဟု ပြောကြားခဲ့သည်။

“ထရမ့်ရဲ့ အိန္ဒိယအပေါ် အခွန်စစ်ပွဲက အိန္ဒိယကို မဟာဗျူဟာမြောက် ကိုယ်ပိုင်အုပ်ချုပ်ခွင့်နဲ့ မဟာဗျူဟာမြောက် လွတ်လပ်မှုကို ထိန်းသိမ်းထားဖို့ လိုတယ်ဆိုတာ နားလည်အောင် လုပ်ပေးလိုက်တာပါပဲ” ဟု ၎င်းက ပြောသည်။

ထရမ့်၏ ကုန်သွယ်ရေးစစ်ပွဲများတွင် ပစ်မှတ်ထားခံရသည့် တရုတ်နိုင်ငံကလည်း ဆက်ဆံရေး ပြန်လည်ကောင်းမွန်လာရေး အဆင်သင့်ဖြစ်နေသည့် အရိပ်လက္ခဏာများကို ပြသခဲ့သည်။ ယခုလတွင် ကမ္ဘာ့အကြီးဆုံး ယူရီးယားဓာတ်မြေဩဇာ တင်သွင်းသူဖြစ်သည့် အိန္ဒိယနိုင်ငံသို့ ယူရီးယား တင်ပို့မှုအပေါ် ချမှတ်ထားသော ကန့်သတ်ချက်များကို ဖြေလျှော့ပေးခဲ့သည်။

ကနဦး ပမာဏမှာ နည်းပါးသော်လည်း ကုန်သွယ်မှု ပိုမိုကျယ်ပြန့်လာနိုင်ပြီး ကမ္ဘာလုံးဆိုင်ရာ ပြတ်လပ် မှုနှင့် စျေးနှုန်းများကို လျှော့ချနိုင်မည်ဖြစ်သည်။ တရုတ်နိုင်ငံသည် ဇွန်လကတည်းက ပိတ်ပင်မှုကို ဖြေလျှော့ပေးခဲ့သော်လည်း အိန္ဒိယအပေါ် ကန့်သတ်ချက်များကို ယခုအချိန်အထိ ထိန်းသိမ်းထားခဲ့သည်။

အဒါနီအုပ်စုသည် တရုတ်လျှပ်စစ်ကားကုမ္ပဏီကြီး ဘီဝိုင်ဒီ (BYD Co.) နှင့် ပူးပေါင်းရန် စီစဉ်နေကြောင်း၊ ယင်းပူးပေါင်းမှုက ဘီလီယံနာ ဂေါတမ်အဒါနီ၏ လုပ်ငန်းစုကို အိန္ဒိယနိုင်ငံတွင် ဘက်ထရီများ ထုတ်လုပ်ကာ သန့်ရှင်းသောစွမ်းအင်ကဏ္ဍသို့ ပိုမိုတိုးချဲ့နိုင်စေမည်ဖြစ်ကြောင်း အဆိုပါကိစ္စနှင့် နီးစပ်သူ များက ပြောသည်။

မိုဒီအစိုးရသည် နှစ်ပေါင်းများစွာ ကန့်သတ်ထားခဲ့ပြီးနောက် မကြာသေးမီက တရုတ်နိုင်ငံ  သားများအတွက် ခရီးသွားဗီဇာများကို ခွင့်ပြုပေးခဲ့သည်။ တရုတ်သည် အမေရိကန်ပြီးလျှင် အိန္ဒိယ၏ ဒုတိယအကြီးဆုံး ကုန်သွယ်ဖက်ဖြစ်ပြီး အိန္ဒိယသည် ၎င်း၏ထုတ်လုပ်မှုကဏ္ဍ အခြေခံကောင်းများ တည်ဆောက်ရန်အတွက် တရုတ်ထံမှ အရေးကြီးသော သွင်းအားစုများ လိုအပ်နေသည်။

ဆက်ဆံရေးအေးခဲမှု ပြေလျော့လာနိုင်သော်လည်း အာရှအင်အားကြီးနှစ်နိုင်ငံသည် ညတွင်းချင်းတော့ ယုံကြည်မှုအပြည့်အဝ ပြန်လည်တည်ဆောက်နိုင်ဖွယ်မရှိနိုင်သေးပါ။ ၎င်းတို့သည် နှစ်ပေါင်းများစွာ အချင်းချင်း ပြိုင်ဘက်များအဖြစ် သဘောထားခဲ့ကြပြီး လွန်ခဲ့သောလအနည်းငယ်က အိန္ဒိယနှင့် ပါကစ္စ  တန်စစ်ရေးအငြင်းပွားမှု ဖြစ်ပွားခဲ့ရာတွင် တရုတ်က ပါကစ္စတန်ကို လက်နက်များနှင့် ထောက်လှမ်း   ရေးဆိုင်ရာ အကူအညီများ ပေးခဲ့ခြင်းကြောင့် ပွတ်တိုက်မှုများ ပိုမိုတိုးလာခဲ့သည်။

ထရမ့်က နယူးဒေလီအပေါ် မကြာသေးမီက ဒေါသထွက်ရသည့် အကြောင်းရင်းတစ်စိတ်တစ်ပိုင်းမှာ ပါကစ္စတန်နှင့် တင်းမာမှုများကို ပြေလျော့စေရန် ၎င်း၏ကြားဝင်စေ့စပ်မှုက အထောက်အကူ  ပြုခဲ့  သည်ဆိုသည့် ပြောဆိုချက်များကို အိန္ဒိယက ငြင်းပယ်ခဲ့ခြင်းကြောင့်ဖြစ်သည်။ မိုဒီသည်လည်း ဇွန်လက ထရမ့်နှင့် ဖုန်းပြောဆိုရာတွင် အဆိုပါပြောဆိုချက်များကို တိုက်ရိုက်စိန်ခေါ်ခဲ့သည်။ ထိုအချိန်  နောက်ပိုင်း  တွင် အိမ်ဖြူတော်၏ ရပ်တည်ချက် ပြောင်းလဲသွားသည်ကို အိန္ဒိယက သတိပြုမိကြောင်း အိန္ဒိယ အရာရှိများထံမှ သိရသည်။

မိုဒီသည် BRICS အဖွဲ့ဝင်များဖြစ်သည့် ဘရာဇီးနှင့် ရုရှားတို့နှင့်လည်း ဆက်ဆံရေးကို ပိုမိုခိုင်မာအောင် လုပ်ဆောင်နေသည်။ အမေရိကန်နှင့် ဆက်ဆံရေး တင်းမာလာသည်နှင့်အမျှ သြဂုတ်လတွင် သမ္မတ ဗလာဒီမာ ပူတင်အား အိန္ဒိယသို့ လာရောက်လည်ပတ်ရန် ဖိတ်ကြားခဲ့သည်။

ထရမ့်သည် အိန္ဒိယက ယူကရိန်းရှိ ကရင်မလင်စစ်ပွဲအတွက် ရန်ပုံငွေဖြစ်စေသည့် ရုရှားရေနံကို လျှော့ဈေးဖြင့် ဆက်လက်တင်သွင်းမှုအပေါ် စိတ်ပျက်နေသည်။ မိုဒီသည် နောက်ဆုတ်မည့်အရိပ်အယောင် မပြဘဲ ၎င်း၏အစိုးရသည် စီးပွားရေးပူးပေါင်းဆောင်ရွက်မှုကို ပိုမိုနက်ရှိုင်းစေရန်အတွက် ယခုလတွင် မော်စကိုနှင့် သဘောတူညီချက်များ လက်မှတ်ရေးထိုးခဲ့သည်။

ယူကရိန်းစစ်ဖြစ်ပြီးနောက် ရုရှားဆိပ်ကမ်းအားလုံးမှ ရေနံစိမ်းတင်ပို့မှု၏ လေးပတ်ပျမ်းမျှပမာဏကို ကြည့်လျှင်  အိန္ဒိယ၏ ဝယ်ယူမှုများ ရုတ်တရက် မြင့်တက်လာသည်ကို ပြသနေသည်။

မိုဒီသည် ဘရာဇီးသမ္မတ လူးဝစ် အီနာစီယို လူလာ ဒါဆေးလ်ဗားနှင့်လည်း ကုန်သွယ်ရေးနှင့် ၎င်းတို့   နိုင်ငံများအပေါ် တစ်ဖက်သတ်အခွန်များ ချမှတ်ခြင်းကိစ္စများကို ဆွေးနွေးခဲ့သည်။ ဘရာဇီးနှင့် အိန္ဒိယတို့  အကြား ကုန်သွယ်ရေးဆက်ဆံမှုများကို အားကောင်းစေရန်မှာ ဇူလိုင်လက ဘရာဇီးနိုင်ငံသို့ မိုဒီ၏သွား  ရောက်လည်ပတ်မှုတွင် အဓိကအကြောင်းအရာတစ်ခုဖြစ်သည်။ သြဂုတ်လအစောပိုင်းတွင် ဖုန်းပြောဆို   စဉ် လူလာနှင့် မိုဒီတို့သည် ဘရာဇီးအပါအဝင် တောင်အမေရိကအကောက်ခွန်သမဂ္ဂဖြစ်သည့် Mercosur နှင့် အိန္ဒိယ၏ ကုန်သွယ်ရေးသဘောတူညီချက်ကို တိုးချဲ့ရန်လည်း သဘောတူခဲ့ကြသည်။

အမေရိကန်သည် ပထဝီနိုင်ငံရေးအရ တရုတ်ကို ဟန်ချက်ညီစေရန်အတွက် အိန္ဒိယကို ကြာမြင့်စွာ ကတည်းက စည်းရုံးခဲ့သော်လည်း ထရမ့်၏ ကုန်သွယ်ရေးစစ်ပွဲများကြောင့် ပေကျင်းနှင့် နယူးဒေလီ တို့သည် ဘုံရပ်တည်ချက်ကို ရှာဖွေတွေ့ရှိနေကြသည်။ အိန္ဒိယဆိုင်ရာ တရုတ်သံအမတ် ရှူဖေးဟုန် (Xu Feihong) က အခွန်ကောက်ခံမှုနှင့်ပတ်သက်၍ မိုဒီကို စိတ်ဓာတ်ပိုင်းဆိုင်ရာ ထောက်ခံကြောင်း ပြသခဲ့  သည်။

“အနိုင်ကျင့်သူကို တစ်လက်မ ပေးလိုက်ရင် တစ်မိုင်ယူသွားလိမ့်မယ်” ဟု ရှူးဖေးဟုန်က “အခြားနိုင်ငံများ  ကို ဖိနှိပ်ရန် လက်နက်တစ်ခုအဖြစ်” အခွန်များကို အသုံးပြုခြင်းကို ရှုတ်ချသည့် တရုတ်နိုင်ငံခြားရေး  ဝန်ကြီး ဝမ်ယီ၏ ပြောဆိုချက်ကို ကိုးကား၍ ပြီးခဲ့သည့်ရက်သတ္တပတ်က X လူမှုကွန်ရက်တွင် ရေးသားခဲ့သည်။

မူရင်း- Bloomberg သတင်းစာပါ India and China rebuild ties after Modi’s rupture with Trump သုံးသပ်ချက်ဆောင်းပါးကို မြန်မာဘာသာသို့ပြန်ဆိုပါသည်-အယ်ဒီတာ။

#Local_News

Published 13 August 2025

▪️ မန္တလေးတိုင်းဒေသကြီး ပျော်ဘွယ်မြို့နယ်တွင် ပြင်းထန်ငလျင်ကြောင့် ထိခိုက်ခံစားခဲ့ရသော အိမ်ထောင်စုများအား ပြန်လည်ထူထောင်ရေးအတွက် ငွေသားထောက်ပံ့ခြင်းအစီအစဥ်ကို သြဂုတ်လ(၁၃)ရက်က ဆက်လက်ပြုလုပ်ခဲ့ရာ ငွေကျပ်သိန်း ၃၀၀ကျော်ထောက်ပံ့ကူညီခဲ့ကြောင်း မြန်မာနိုင်ငံကြက်ခြေနီအသင်းမှသိရသည်။

▪️ ထိုသို့ထောက်ပံ့ရာတွင် ရှမ်းပွဲနှင့် မြို့မရပ်ကွက်များရှိ ငလျင်ဘေးသင့် အိမ်ထောင်စု (၁) စုလျှင် ထောက်ပံ့ငွေ ကျပ် ၄၀၀,၀၀၀/ နှုန်းဖြင့် အိမ်ထောင်စုပေါင်း (၇၉) စုအတွက် စုစုပေါင်း ကျပ် ၃၁,၆၀၀,၀၀၀ / ကို အဆိုပါ အိမ်ထောင်စုများ လက်ဝယ်အရောက် ထောက်ပံ့ပေးခဲ့ခြင်းဖြစ်ပြီး ကျန်းမာရေး မကောင်းသဖြင့် စုရပ်သို့ မလာရောက်နိုင်သည့် အိမ်ထောင်စု(၂)စု မှ အမျိုးသမီး (၁)ဦး အမျိုးသား (၁)ဦး ကိုလည်း အိမ်တိုင်ရာရောက် သွားရောက် ထောက်ပံ့ပေးခဲ့‌ကြောင်းသိရသည်။

▪️ ငွေသား ထောက်ပံ့ခြင်း အစီအစဉ်ကို ဆောင်ရွက်ရာတွင် လေ့ကျင့်ထားသော ကြက်ခြေနီစေတနာလုပ်အားရှင်များသည် အဆိုပါ ရပ်ကွက်များ အတွင်းသို့ ပြီးခဲ့သည့် ဇွန်လ နှင့် ဇူလိုင်လ များအတွင်း၌ ကွင်းဆင်းကာ စနစ်တကျ လေ့လာဆန်းစစ်ခြင်းများကိုတစ်အိမ်ထောင်စုချင်း စီ အလိုက် အိမ်တိုင်ယာရောက် စနစ်တကျလေ့လာဆန်းစစ်ခြင်းများကို အသင်း ၏ သတ်မှတ်ချက်စံနှုန်းများနှင့်အညီ အကျိုးခံစားခွင့်ရှိသူများ စာရင်း ကို ရပ်ရွာအတွင်း အများပြည်သူဆိုင်ရာနေရာများတွင် ကြေငြာပေးခဲ့ပြီး community engagement and accountability လုပ်ငန်းစဉ်ကိုပါ ပွင့်လင်းမြင်သာစွာ တပြိုင်နက်ဆောင်ရွက်ခဲ့ကြောင်းသိရသည်။

▪️ မြန်မာနိုင်ငံကြက်ခြေနီအသင်း(MRCS)သည် အပြည်ပြည်ဆိုင်ရာ ကြက်ခြေနီနှင့်လခြမ်းနီအသင်းများ ဖက်ဒရေးရှင်း(IFRC)၏ ပံ့ပိုးကူညီမှုဖြင့် ငွေသားထောက်ပံ့ခြင်းဖြစ်ပြီး အသင်း ဘေးအန္တရာယ်ဆိုင်ရာ စီမံခန့်ခွဲမှုဌာနမှ ဝန်ထမ်းများ၊ ဒေသခံကြက်ခြေနီစေတနာလုပ်အားရှင်များ၊ လာရောက် အားဖြည့် ကူညီသည့် မွန်ပြည်နယ်နှင့် ဧရာဝတီတိုင်းဒေသကြီး တို့မှ ကြက်ခြေနီ စေတနာလုပ်အားရှင် များသည် ရပ်ရွာလူထုနှင့်အတူ ပူးပေါင်း ဆောင်ရွက်ခဲ့ခြင်း ဖြစ်‌ကြောင်းသိရသည်။

#YMG/SW #Yangon_Times

#Local_News
Published 13 August 2025

▪️ မြန်မာနိုင်ငံဆိုင်ရာ ဂျပန်သံရုံးသည် ဂျပန်ဖောင်ဒေးရှင်း - ရန်ကုန် ဂျပန်ယဉ်ကျေးမှုစင်တာ၊ မြန်မာနိုင်ငံ ဂျပန်ပြန် ပညာသင်ဟောင်းအသင်း (MAJA)တို့နှင့် ပူးပေါင်းပြီး"၂၆ ကြိမ်မြောက် ဂျပန်ဘာသာ စကားပြောပြိုင်ပွဲ"ကို ပြုလုပ် ကျင်းပသွားမည်ဖြစ်ရာပြိုင်ပွဲဝင်များကို စတင် ဖိတ်ခေါ်လျှက်ရှိကြောင်း သိရသည်။

▪️ ပြိုင်ပွဲသို့ အသက်၁၆နှစ်မှ၃၀နှစ်အတွင်းရှိ မြန်မာနိုင်ငံသား ဝင်ရောက်ယှဉ်ပြိုင်နိုင်ပြီးပြိုင်ပွဲဝင်များအနေဖြင့် လျှောက်လွှာများကို ယခုလ (၂၈) ရက် နောက်ဆုံးထားပေးပို့ရမည်ဖြစ်ပြီးပဏာမအဆင့် ရွေးချယ်ခံရသူများသည် ၂၀၂၅ ခုနှစ်၊ အောက်တိုဘာလ(၁၈)ရက် (စနေနေ့)တွင် ပြုလုပ်ကျင်းပမည့် ဂျပန်ဘာသာစကားပြောပြိုင်ပွဲတွင် ဝင်ရောက်ယှဥ်ပြိုင်ကြရမည်ဖြစ်‌ေကြာင်း သိရသည်။

▪️ အသေးစိတ်အချက်အလက်များကို မြန်မာနိုင်ငံဆိုင်ရာဂျပန်သံရုံး ဝက်ဘ်ဆိုက်တွင် ဝင်ရောက်ကြည့်ရှုနိုင်ကြောင်း သိရသည်။

#YMG/SW #Yangon_Times

#Daily_News

Published 13 August 2025
၁။‎‎တက္ကသိုလ်ဝင်စာမေးပွဲ အမှတ်စာရင်းများတိုကင်စနစ်ဖြင့်ပြန်လည်ထုတ်ပေး
‎
‎‎၂။ ‌‎‎‎‎CMP အထည်များ ဥရောပနှင့်ဒေသတွင်းနိုင်ငံများသို့တင်ပို့နေ
‎
၃။‎‎ ငါးရက်အတွင်း နိုင်ငံတစ်ဝန်းမိုးကြီးလေထန်ဖြစ်စဥ်များဖြစ်ပွားနိုင်
‎
‎၄။ ‎ ရှန်ဟိုင်း၌အလိုအလျောက်မောင်းနှင်တက္ကစီများ အလျင်အမြန်တိုးချဲ့... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရှန်ဟိုင်းမှာ အလိုအလျောက်မောင်းနှင်တက္ကစီများ ချဲ့ထွင်လာကာ နည်းပညာဆန်းသစ်တီထွင်မှုမြှင့်တင်ရေး အားထုတ်မှုတွေရဲ့ တစ်စိတ်တစ်ပိုင်းဖြစ်ပါတယ်။

#Asia_Technology
Published 13 August 2025
#ရှန်ဟိုင်း #အလိုအလျောက်မောင်းနှင်တက္ကစီ
#YMG #Yangon_Times #Yangon_Media_Group

မြန်မာနိုင်ငံတော်ဗဟိုဘဏ်က စက်သုံးဆီလုပ်ငန်းရှင်တွေအတွက် အမေရိကန်ဒေါ်လာ ၃၂ သန်း ထပ်မံ  ထုတ်ရောင်းပေးမယ်လို့ဒီကနေ့မှာ အသိပေးလာပါတယ်။

#Local_News
Published 13 August 2025
#စက်သုံးဆီ #မြန်မာနိုင်ငံတော်ဗဟိုဘဏ်
#YMG/NN #Yangon_Times

မုတ်သုံလေ အားကောင်းလာနိုင်ခြင်းနဲ့လေထုမငြိမ်မသက်ဖြစ်ခြင်း‌တွေကြောင့် ယနေ့မှစတင်ကာငါးရက်အတွင်း နိုင်ငံတစ်ဝန်းလုံး မိုးကြီးလေထန်ဖြစ်စဥ်တွေ ဖြစ်ပွားနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ အထူးသတင်းတစ်ရပ်အနေနဲ့ထုတ်ပြန်ထားပါတယ်။

#Local_News
Published 13 August 2025
# မိုးကြီးလေထန် #မိုးလေဝသနှင့်ဇလဗေဒညွှန်ကြားမှုဦးစီးဌာန
#YMG/SW #Yangon_Times

CMP စနစ်နဲ့ချုပ်လုပ်ထားတဲ့ အထည်တွေကို ဥရောပ ၊အမေရိကန် စတဲ့ နိုင်ငံတွေအပါအဝင် ဒေသတွင်းနိုင်ငံတွေကိုပါတင်ပို့နေတယ်လို့ သိရပါတယ်။

#Local_News
Published 13 August 2025
#CMPအထည် #ဥရောပ_အမေရိကန်တင်ပို့
#YMG/NN #Yangon_Times

ယနေ့သြဂုတ်လ(၁၃)ရက်မှ စတင်ကာတက္ကသိုလ်ဝင်စာမေးပွဲ အမှတ်စာရင်းများကို တိုကင်စနစ်ဖြင့်ပြန်လည်ထုတ်ပေးနေပြီဖြစ်တယ်လို့မြန်မာနိုင်ငံစာစစ်ဦးစီးဌာနမှ သိရပါတယ်။

#Local_News
Published 13 August 2025
#တက္ကသိုလ်ဝင်စာမေးပွဲ #အမှတ်စာရင်းပြန်လည်ထုတ်ပေး
#YMG/SW #Yangon_Times

#Local_News
Published 13 August 2025

▪️ စားသုံးဆီတင်သွင်းသည့်ကုမ္ပဏီများ  ၊ CMP ကုမ္ပဏီများနှင့်Non-trade payment  များကို အမေရိကန်ဒေါ်လာ(၁)သန်းကျော်  မြန်မာနိုင်ငံတော်ဗဟိုဘဏ်မှယမာန်နေ့က ထုတ်ရောင်းလိုက်ကြောင်းသိရသည်။

▪️ ထိုသို့ ရောင်းချရာတွင် CMP ကုမ္ပဏီများထံမှဝယ်ယူထားသည့်  နိုင်ငံခြားငွေများမှ အမေရိကန်ဒေါ်လာ ၁ဒဿမ၃၁၃ သန်းကို
မြန်မာနိုင်ငံတော်ဗဟိုဘဏ်က သြဂုတ်လ ၁၂ ရက်နေ့တွင်  စားသုံးဆီတင်သွင်းသည့်  ကုမ္ပဏီများသို့လည်းကောင်း ၊ အမေရိကန်ဒေါ်လာ ၄၆၇,၄၇၆ ကိုလည်း CMP ကုမ္ပဏီများကိုလည်း  Non-trade payment များအတွက် ရောင်းပေးခဲ့ကြောင်း သိရသည်။

▪️ မြန်မာနိုင်ငံတော်ဗဟိုဘဏ်အနေဖြင့်  သြဂုတ်လ(၁၂) ရက်နေ့၊ FX Trading Platform တွင်အမေရိကန်ဒေါ်လာငွေလဲနှုန်းကို ၃၆၂၃ ကျပ် သတ်မှတ်ရောင်းဝယ်ခဲ့ကြောင်းသိရသည်။

#YMG/NN #Yangon_Times