#World_Science
Published 1 February 2025

▪️ မိခင်ကနေ ကလေးဆီကို လက်ဆင့်ကမ်းလာတဲ့ X ခရိုမိုဆုန်းက ဦးနှောက်စောစီးစွာ အိုမင်းလာပြီး အယ်လ်ဇိုင်းမားလိုမျိုး ရောဂါဖြစ်နိုင်ခြေများစေနိုင်ဖွယ် ရှိတယ်လို့ လေ့လာချက်အသစ်မှာ တွေ့ထားပါတယ်။

▪️ မိန်းမတွေမှာ X ခရိုမိုဆုန်း ၂ ခုပါဝင်ပြီး ယောက်ျားတွေမှာ Y ခရိုမိုဆုန်းတစ်ခုနဲ့ X ခရိုမိုဆုန်းတစ်ခု ပါဝင်ပါတယ်။

▪️ မိန်းမတွေမှာ X ခရိုမိုဆုန်း ၂ ခုထဲက တစ်ခုဟာ ဆဲလ်တစ်ခုချင်းစီအတွင်း ကျပန်းအလုပ်မလုပ်တော့ဘဲ ပြောင်းလဲသက်ရောက်မှုတွေ ဖြစ်လာပါတယ်။

▪️ ယခင်သုတေသနတွေမှာ X ခရိုမိုဆုန်းက ဦးနှောက်ကျန်းမာရေးအတွက် အရေးကြီးတယ်လို့ တွေ့ရှိထားပါတယ်။

▪️ ဦးနှောက်ဆက်စပ် မျိုးဗီဇပစ္စည်းတွေ ပေါများတဲ့ X ခရိုမိုဆုန်းက ဦးနှောက်အိုမင်းခြင်းမှာ သက်ရောက်နေတာတွေအတွက် အလွန်အရေးကြီးတယ်လို့ ပါရဂူ ဆမ်မီရာအက်ဒူလိုင်ဆိုင်ကူက ပြောသွားပါတယ်။

▪️ ဓာတ်ခွဲခန်းထဲမှာ အသက်အရွယ် အမျိုးမျိုးရှိတဲ့ ကြွက်မတွေနဲ့ စမ်းသပ်ခဲ့ကြပြီး ဖခင်မှရတဲ့ X ခရိုမိုဆုန်းကို ပိတ်ထားကာ မိခင်ရဲ့ Xကိုပဲ ချန်ထားပြီး အခြားကြွက်တွေနဲ့ နှိုင်းယှဉ်ခဲ့ကြပါတယ်။

▪️ မိခင်ရဲ့ X ခရိုမိုဆုန်းရထားတဲ့ ငယ်ရွယ်တဲ့ ကြွက်တွေမှာ ဦးနှောက်စွမ်းရည်ပိုင်း ဆင်တူပေမယ့် အသက်ပိုကြီးတဲ့ ကြွက်တွေမှာတော့ ဦးနှောက်စွမ်းရည် ပိုမိုလျင်မြန်စွာ ကျဆင်းလာကာ သင်ယူခြင်းနဲ့ မှတ်သားခြင်းဆိုင်ရာ ဟစ်ပိုကမ်ပတ်စ်နေရာမှာ ဇီဝသက်တမ်း လျင်မြန်စွာအိုမင်းလာပါတယ်။

▪️ ဒါကြောင့် မိခင် X ခရိုမိုဆုန်း ပိုမိုပါဝင်ပတ်သက်နေတဲ့ အမျိုးသမီးတွေမှာ ဦးနှောက်အိုမင်းမှု ပုံမှန်မဟုတ်ခြင်းမျိုး၊ အယ်လ်ဇိုင်းမားလိုမျိုးရောဂါ ဖြစ်နိုင်ခြေ များစေတာမျိုး တွေ့နိုင်ခြေရှိတယ်လို့ သုတေသနပြုစုသူ ဒီနာဒူဘယ်က ဆိုပါတယ်။

▪️ ကျားမနှစ်မျိုးစလုံးမှာ ဦးနှောက်အိုမင်းခြင်းကို နှောင့်နှေးစေမယ့်နည်းလမ်းတွေ ရှာဖွေသွားရမယ်လို့ ဆိုပါတယ်။

#Source: WION

#World_Health
Published 1 February 2025

▪️ လူငယ်တွေမှာပါ အဖြစ်များလာတဲ့ အူမကြီးကင်ဆာကြောင့် ဆရာဝန်များနဲ့ ပညာရှင်များ အဖြေရှာစရာ ဖြစ်လာပါတယ်။

▪️ အခုဆိုရင် နိုင်ငံတကာ သုတေသီများအဖွဲ့တစ်ဖွဲ့က သုံးသပ်ဖော်ပြထားရာမှာ အသက် ၃၅ နှစ်မတိုင်မီ အူမကြီးရောဂါ စောစီးစွာတွေ့ရှိမှုတွေနဲ့ ရောဂါဖြစ်စေတဲ့ အဓိကအကြောင်းအရင်း ၃ ခု တွေ့ရှိခဲ့ကြပါတယ်။

▪️ ကယ်လ်စီယံဓာတ် ချို့တဲ့ခြင်းက အဓိကအကြောင်းအရင်း ဖြစ်နေပြီး ငယ်ရွယ်သူတွေ အူမကြီးကင်ဆာဖြစ်ခြင်းရဲ့ ၅ ပုံ ၁ ပုံလောက်နဲ့ ဆက်စပ်နေပါတယ်။

▪️ အယ်လ်ကိုဟော သောက်သုံးခြင်းက ဒုတိယအန္တရာယ် အများဆုံးဖြစ်ပြီး အဝလွန်ခြင်းက တတိယမြောက်ဖြစ်နေပါတယ်။

▪️ ယခုလအစောပိုင်း လေ့လာချက်မှာတော့ တစ်နေ့ကို နို့တစ်ခွက် သောက်သုံးခြင်းနဲ့ အမျိုးသမီးတွေမှာ အူမကြီးကင်ဆာ ဖြစ်နိုင်ခြေနည်းပါးခြင်းတို့ကြား ဆက်စပ်နေတယ်လို့ ယူဆနေကြပါတယ်။

▪️ ၁၉၉၀ မှ ၂၀၁၉ ခုနှစ်အတွင်း တစ်ကမ္ဘာလုံးရှိ အသက် ၃၅ နှစ်အောက် လူတွေရဲ့ အူမကြီးကင်ဆာ ဖြစ်ပွားမှုတွေကို လေ့လာကြရာမှာ အသက်ဆုံးပါးမှု ပိုမိုများပြားလာပြီး အဓိကဆက်နွယ်ချက်က နို့နဲ့ ကယ်လ်စီယံနည်းပါးခြင်း၊ အယ်လ်ကိုဟောသောက်ခြင်း၊ ခန္ဓာကိုယ်ယိုင်ညွှန်းကိန်း များပြားခြင်းတို့ ဖြစ်နေပါတယ်။

▪️ သို့ပေမဲ့ လေ့ကျင့်လှုပ်ရှားမှု မရှိခြင်း၊ ဆေးလိပ်သောက်ခြင်းတို့နဲ့တော့ သိပ်ပြီးမသက်ဆိုင်ပါဘူး။

▪️ အဆင့်ဆင့်ထုပ်ပိုးထုတ်လုပ်ထားတဲ့ အစားအစာတွေက အူမကြီးကင်ဆာ ဖြစ်ရတဲ့အကြောင်းအရင်းထဲ ပါဝင်နေတာလည်း တွေ့ရပါတယ်။

▪️ သာမန်အားဖြင့်ဆိုရင် အသက်အရွယ် အားလုံးမှာ တွေ့ရတတ်ပြီး အူမကြီးကင်ဆာကြောင့် စအိုသွေးယိုခြင်း၊ ဝမ်းဗိုက်နာခြင်း၊ အလေးသွားပုံ ပြောင်းလဲခြင်း၊ ကိုယ်အလေးချိန်ကျခြင်း၊ သွေးအားနည်းခြင်း၊ နွမ်းနယ်ခြင်းတို့ ဖြစ်စေနိုင်ပါတယ်။

▪️ အရင်က သက်ကြီးသူတွေမှာသာ ကင်ဆာဖြစ်တယ် ထင်ခဲ့ကြပေမယ့် လတ်တလောနှစ်တွေမှာတော့ အသက်အရွယ် စောစီးစွာမှာပဲ ကင်ဆာဖြစ်လာကြတာ တွေ့နေရကြောင်း မိုင်ယာမီဆီလ်ဗက်စတာတက္ကသိုလ်မှ ကင်ဆာအထူးကု ဒေါက်တာ ကိုရယ်အိုလာဇာဂတ်စတီက ပြောသွားပါတယ်။

#Source: New York Post

ဘိုးအင်းကုမ္ပဏီဟာ ၂၀၂၄ နောက်ဆုံးသုံးလအတွက် ဒေါ်လာ ၃.၉ ဘီလီယံ အသားတင်ဆုံးရှုံးမှုရှိခဲ့ပြီး တစ်နှစ်လုံးစာအတွက် ၁၁.၈ ဘီလီယံ ဆုံးရှုံးခဲ့တယ်လို့ အင်္ဂါနေ့က တင်ပြခဲ့ပါတယ်။
#World_Business
Published 31 January 2025
#ဘိုအင်းကုမ္ပဏီ #ဒေါ်လာ၃.၉ဘီလျံအရှုံးပြ
#YMG #Yangon_Times #Yangon_Media_Group

#Daily_News
Published 31 January 2025

၁။ EV ကားစက်ရုံအပါအဝင် ရင်းနှီးမြှုပ်နှံမှုလုပ်ငန်းအသစ် ၁၄ ခုကိုခွင့်ပြု

၂။ စက်သုံးဆီလုပ်ငန်းရှင်‌များကို ဒေါ်လာ သန်း ၂၀ ထုတ်ရောင်းပေးမည်

၃။ လျှပ်စစ်ဓာတ်အား အမြန်ထုတ်လုပ်နိုင်ရေးလုပ်ငန်းများအပြီးသတ်ရန် တိုက်တွန်း

၄။ ဘိုအင်းကုမ္ပဏီ သုံးလအတွင်း ဒေါ်လာ ၃.၉ဘီလျံအထိ အရှုံးပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံရင်းနှီးမြှုပ်နှံမှုကော်မရှင်က EV ကားစက်ရုံအပါအဝင် ရင်းနှီးမြှုပ်နှံမှုလုပ်ငန်းအသစ် ၁၄ ခုကိုလုပ်ကိုင်ခွင့်ပြုခဲ့တယ်လို့ သိရပါတယ်။
#Local_News
Published 31 January 2025
#EV #ရင်းနှီးမြှုပ်နှံမှုကော်မရှင်
#YMG/SW #Yangon_Times

စက်သုံးဆီလုပ်ငန်းရှင်‌တွေကို အမေရိကန်ဒေါ်လာသန်း ၂၀ ထုတ်ရောင်းပေးသွားမယ်လို့ မြန်မာနိုင်ငံတော်ဗဟိုဘဏ်က ထုတ်ပြန်ထားပါတယ်။
#Local_News
Published 31 January 2025
#စက်သုံးဆီလုပ်ငန်းရှင်‌ #ဒေါ်လာသန်း၂၀
#YMG/NN #Yangon_Times

လက်ရှိပြည်တွင်းမှာ ဓာတ်အားထုတ်လုပ်မှုကျဆင်းလျက်ရှိနေတာကြောင့် လျှပ်စစ်ဓာတ်အား အမြန်ထုတ်လုပ်နိုင်ရေး တည်ဆောက်ဆဲလုပ်ငန်း‌တွေအပြီးသတ်ဖို့ လုပ်ငန်းညှိနှိုင်းအစည်းအ‌ဝေးတစ်ရပ်ပြုလုပ်ခဲ့ပါတယ်။
#Local_News
Published 31 January 2025
#လျှပ်စစ်ဓာတ်အား #ဓာတ်အားထုတ်လုပ်မှုကျဆင်း
#YMG/SW #Yangon_Times

ရန်ကုန်ဈေးကွက်မှာဓာတ်ဆီဈေးက နှစ်ပတ်ဆက်တိုက်မြင့်တက်‌နေပြီး သုံးပတ်ဆက်တိုက်မြင့်တက်ခဲ့တဲ့ ဒီဇယ်ဈေးတွေကတော့ ပြန်လည်ကျဆင်းခဲ့တယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ ထုတ်ပြန်ချက်အရ သိရပါတယ်။
#Local_News
Published 31 January 2025
#စက်သုံးဆီလုပ်ငန်းရှင်‌ #ဒီဇယ်ဈေးပြန်ကျ
#YMG/NN #Yangon_Times

#Local_News
Published 31 January 2025

▪️ ဖေဖော်ဝါရီလအတွင်း ရန်ကုန်ဆိပ်ကမ်းသို့  နိုင်ငံတကာသင်္ဘောလိုင်းများမှ  ကုန်သေတ္တာတင်သင်္ဘော (၅၃) စီး ဝင်ရောက်မည်ဖြစ်ကြောင်း ရန်ကုန်ဆိပ်ကမ်းအာဏာပိုင်(MPA) မှ  သိရသည်။

▪️ ထိုသို့ဝင်ရောက်ရာတွင် ကုန်တင်သင်္ဘောလိုင်း ၁၃ ခုမှ ပြေးဆွဲခြင်းဖြစ်ပြီး SITC မှ  ၁၀ စီး၊ COSCO မှ  ၈ စီး၊ SAMUDERA မှ ၆ စီး၊ Maersk A/S မှ ၅ စီး ဝင်ရောက်မည်ဖြစ်ကြောင်း သိရသည်။

▪️ ထို့အပြင်  CMA-CGM နှင့် MSC တို့မှ  ၄ စီးစီ၊ ONE ၊ RCL နှင့် Ti2 Container Line တို့မှ ၃ စီးစီ၊ BLPL ၊ EVERGREEN နှင့် OCEAN SALUTE တို့မှ  ၂ စီးစီ၊ Land and SEA မှ  ၁ စီး ရန်ကုန်ဆိပ်ကမ်းသို့ ဝင်ရောက်မည်ဖြစ်‌ကြောင်း သိရသည်။

#YMG/NN #Yangon_Times

#Local_News
Published 31 January 2025

▪️ ယခု ၂၀၂၄- ၂၀၂၅ ဘဏ္ဍာနှစ်တွင် စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ မြန်မာ့ကုန်ပစ္စည်းစစ်ဆေးရေးနှင့် စမ်းသပ်မှုလုပ်ငန်း လီမိတက် (Myanmar Inspection & Testing Services L.td) မန္တလေးဓာတ်ခွဲခန်း၌ စားသုံးဆီနမူနာပေါင်း ၁၃ခု အား အရည်အသွေးကောင်း/မကောင်း၊ စားသုံးရန်သင့်/မသင့်၊ ကျန်းမာရေးနှင့် ညီညွတ်မှုရှိ/မရှိကို စားသုံးရန်သင့်၊ မသင့်စစ်ဆေးထားပြီးဖြစ်ကြောင်း မန္တလေးတိုင်းဒေသကြီး စားသုံးရေးရာဦးစီးဌာနမှ သိရသည်။

▪️ ထို့အပြင်  မန္တလေးတိုင်းအတွင်းရှိ ကျောက်ဆည်ခရိုင်၊ မြင်းခြံခရိုင်၊ မိတ္ထီလာခရိုင်အတွင်းက ဝါစေ့ဆီများကိုလည်း စစ်ဆေးပေးလျက်ရှိခြင်းဖြစ်ကြောင်း သိရသည်။

▪️ ဈေးကွက်အတွင်း စားသုံးရန်ရောင်းချလျက်ရှိနေသည့်  မြေပဲဆီ၊ နေကြာဆီ၊ နှမ်းဆီနှင့် အခြားဆီအမျိုးမျိုးတို့ကို အဆိုပါဓာတ်ခွဲခန်းမှာ ဓာတ်ခွဲစမ်းသပ်ပေးနေပြီး စားသုံးဖို့သင့်တော်မှုရှိ/မရှိ၊ လတ်ဆတ်မှုရှိ/မရှိ၊ အရည်အသွေးကောင်း/ မကောင်း၊ ကျန်းမာရေးနှင့်သင့်တော်မူရှိ/မရှိကို ဓာတ်ခွဲစမ်းသပ်ကာ သတ်မှတ်ထားသည့် ဆီအရည်အသွေးနှင့်ကိုက်ညီပါက အသိအမှတ်ပြု လက်မှတ်(Certificate) ထုတ်ပေးနေခြင်းဖြစ်သည်။

▪️ ထို့အတူဓာတ်ခွဲရလဒ်များအပေါ်မူတည်ပြီး ကုန်ကြမ်းပိုင်း ဆိုင်ရာနှင့် ကုန်ချောပိုင်းဆိုင်ရာ ပြင်ဆင်သင့်သည့် အကြံပြုချက်များအားလည်း ထုတ်ပြန်ပေးလျက်ရှိ‌ကြောင်း သိရသည်။

▪️ အဆိုပါ  မန္တလေးဓာတ်ခွဲခန်း၌ မြန်မာပြည်အထက်ပိုင်းရှိ စားသုံးဆီအားလုံးကိုလာရောက်စစ်ဆေးနိုင်ကြောင်း သိရသည်။

▪️ ၎င်းအပြင် စားသုံးရန်သင့်/မသင့်စစ်ဆေးခြင်း၊ ကျန်းမာရေးအတွက် အထူးပြု/မပြုစစ်ဆေးခြင်း၊ ဆီ၏တာရှည်ခံနိုင်မှုနှင့် လတ်ဆတ်မှုကို စစ်ဆေး ခြင်းစသည်တို့ဖြင့် စစ်ဆေးသူ၏ စစ်ဆေးလိုသည့် အကြောင်းအရာပေါ်မူတည်ကာ ဓာတ်ခွဲပမာဏအလိုက် ကုန်ကျစရိတ်ကျသင့်သွားမည်ဖြစ်ကြောင်း  သိရသည် ။

#YMG/NN #Yangon_Times

#Local_News
Published_ 31 Jan 2025

▪️ နိုင်ငံတစ်ဝန်းလုံးအရေးပေါ်အခြေအနေ ကြေညာထားသည့်ကာလကို နောက်ထပ် ၆ လ တိုးမြှင့်လိုက်ကြောင်း ယနေ့ဇန်နဝါရီလ ၃၁ ရက်တွင် နေပြည်တော်ရှိနိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ပြုလုပ်သည့်ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေး(၁/၂ဝ၂၅)က သိရသည်။

▪️ အစည်းအဝေးတွင် ယာယီသမ္မတ(တာဝန်)၊ တပ်မတော်ကာကွယ်ရေးဦးစီးချုပ်က နိုင်ငံတော်၏ ကာကွယ်ရေးနှင့် လုံခြုံရေးဆိုင်ရာ အခြေအနေများ၊ နိုင်ငံတော်စီမံအုပ်ချုပ်ရေးကောင်စီ အနေဖြင့် နိုင်ငံ့တာဝန်များကို စတင်ထမ်းဆောင်ချိန်မှစ၍ ရှေ့လုပ်ငန်းစဉ်များချမှတ်ပြီး နိုင်ငံတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး လုပ်ငန်းများကို အလေးထားဆောင်ရွက်လျက်ရှိမှုအခြေအနေများ၊ နိုင်ငံရေးရည်မှန်းချက်(၂)ရပ်ဖြစ်သည့် ပါတီစုံဒီမိုကရေစီစနစ်ခိုင်မာရေးနှင့် ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုတည်ဆောက်ရေးကို အကောင်အထည် ဖော်ဆောင်ရွက်နေမှုအခြေအနေများ၊ စိုက်ပျိုးရေးနှင့်မွေးမြူရေးထုတ်ကုန်များ တိုးမြှင့်ထုတ်လုပ်နိုင်ရေး ကြိုးပမ်းဆောင်ရွက်လျက်ရှိမှုအခြေအနေများ၊ နိုင်ငံတော်၏ ဖွံဖြိုးတိုးတက်မှုနှုန်း မြန်ဆန်လာစေရေးအတွက် ပညာရေးကဏ္ဍမြှင့်တင်ရေးကြိုးပမ်း ဆောင်ရွက်လျက်ရှိမှုအခြေအနေများ၊ ကျန်းမာမှပညာ သင်ကြားနိုင်ပြီး လူမှုရေး၊ စီးပွားရေးစသည့် လုပ်ငန်းများကို ဆောင်ရွက်နိုင်မည်ဖြစ်သဖြင့် ကျန်းမာရေးကဏ္ဍ မြှင့်တင်ရေးကြိုးပမ်းဆောင်ရွက်လျက်ရှိမှုအခြေအနေများ၊ သဘာဝဘေးအန္တရာယ်ကြောင့် ထိခိုက်ခဲ့ရသည့် ဒေသများပြန်လည်ထူထောင်ရေးအတွက် နိုင်ငံတော်မှ ကူညီဆောင်ရွက်ပေးခဲ့မှုအခြေအနေများ၊ နိုင်ငံတော် စီမံအုပ်ချုပ်ရေးကောင်စီအနေဖြင့် နိုင်ငံတော်၏ တာဝန်ကိုစတင်ထမ်းဆောင်ချိန်ကတည်းက နိုင်ငံအတွင်း ဖြစ် ပွားနေသည့် လက်နက်ကိုင် ဝိုင်ပဋိပက္ခများချုပ်ငြိမ်းပြီး ထာဝရငြိမ်းချမ်းရေးရရှိရေးအတွက် ကြိုးပမ်းဆောင်ရွက်လျက်ရှိမှုအခြေအနေများ၊ ပါတီစုံဒီမိုကရေစီစနစ်ခိုင်မာရေးနှင့် ဒီမိုကရေစီ ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး ဖက်ဒရယ်ဆောင်ရွက်လျက်ရှိမှု အခြေအနေများ၊ လွတ်လပ် ပြီး တရားမျှတသည့် ပါတီစုံဒီမိုကရေစီအထွေထွေရွေးကောက်ပွဲကျ ပွဲကျင်းပနိုင်ရေး ပြင်ဆင်ဆောင်ရွက်လျက်နေမှု အခြေအနေများ၊ ပွဲကျင်းပရာတွင် ခိုင်လုံမှန်ကန်သော မဲစာရင်းများရရှိရေးအတွက် လူဦးရေရွေးကောက်ပွဲနှင့်သန်းခေါင်စာရင်းကောက်ယူခြင်းလုပ်ငန်းများ ဆောင်ရွက်ခဲ့မှု အခြေအနေများကိုရှင်းလင်းတင်ပြပြီး မိမိတို့အားလုံးရည်မှန်းထားသည့် အထွေထွေရွေးကောက်ပွဲကြီး အောင်မြင်စွာကျင်းပနိုင်ရေး ဆက်လက်လုပ်ဆောင်ရန် ကျန်ရှိနေသေးသည်ကိုတွေ့ရကြောင်း၊ အဓိကအားဖြင့် လွတ်လပ်ပြီး တရားမျှတမှုအပြည့်ဖြင့် ကျင်းပနိုင်မည့် အထွေထွေရွေးကောက်ပွဲတစ်ရပ်ဖြစ်စေရေး တည်ငြိမ်အေးချမ်းမှု လိုအပ်နေသေးသည့်အတွက် လုပ်ဆောင်ရန်လိုအပ်ချက်များကို အရှိန်အဟုန်မပျက် ဆက်လက် လုပ် ဆောင်နိုင်ရန် တာဝန်ထမ်းဆောင်ခွင့်ကို ထပ်မံ၍ ၆ လ သက်တမ်း တိုးမြှင့်ပေးနိုင်ရန်တင်ပြခဲ့ကြောင်း သိရသည်။

▪️ ယင်းတင်ပြချက်များကို ဝိုင်းဝန်းသုံးသပ်ဆွေးနွေးခဲ့ကြကာ ယာယီ သမ္မတ (တာဝန်)တပ်မတော်ကာ ကွယ် ရေးဦးစီးချုပ်အပါအဝင်အမျိုးသား ကာကွယ်ရေး နှင့် လုံခြုံရေးကောင်စီအဖွဲ့ဝင်များအားလုံးက ဖွဲ့စည်းပုံအခြေခံဥပဒေ (၂၀၀၈)ခုနှစ် ပုဒ်မ ၄၂၅ နှင့်အညီ “နိုင်ငံတစ်ဝန်းလုံးအရေးပေါ်အခြေအနေ ကြေ ညာ ထားသည့် ကာလကို နောက်ထပ် ၆ လ တိုးမြှင့်သတ်မှတ်ကြောင်း” တစ်ညီတစ်ညွတ်တည်းဆုံးဖြတ်ခဲ့ကြကြောင်း သိရသည်။

▪️ အစည်းအဝေးသို့ ယာယီသမ္မတ(တာဝန်)၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်သူ့ လွှတ်တော်ဥက္ကဋ္ဌ ဦးတီခွန်မြတ်၊ ဒုတိယ တပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးမောင်မောင်အေး၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ် ချုပ်ကြီး ထွန်းထွန်းနောင်၊ အထူးဖိတ်ကြားထားသည့် နိုင်ငံတော်စီမံအုပ်ချုပ်ရေးကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေးနှင့် တွဲဖက်အတွင်းရေးမှူး ဗိုလ်ချုပ်ကြီးရဲဝင်းဦးတို့ တက်ရောက်ကြကြောင်း သိရသည်။

#Yangon_Times/PP

#World_News
Published 31 January 2025

▪️ Google(ဂူဂဲလ်)က အမေရိကန်သမ္မတ ဒေါ်နယ်ထရမ့်ရဲ့ ညွှန်ကြားချက်အတိုင်း မက္ကဆီကိုပင်လယ်ကွေ့ကို အမည်ပြောင်းလဲသွားဖို့ ဆုံးဖြတ်လိုက်ပြီးနောက်မှာ မက္ကဆီကိုသမ္မတ ကလော်ဒီယာရှိန်းဘမ်းက အမေရိကန်အနေနဲ့ နာမည်ပြောင်းလဲလို့ မရဘူးဆိုပြီး ဂူဂဲလ်ဆီကို စာရေးသားကန့်ကွက်ခဲ့တယ်လို့ CNNမှာ ဖော်ပြထားပါတယ်။

▪️ ရှိန်းဘမ်းက စာစောင်ကို သတင်းထောက်တွေထံ ပြသရာမှာ ပင်လယ်ရေပြင်ဥပဒေ ကုလသမဂ္ဂ လုပ်ရိုးလုပ်စဉ်စည်းမျဉ်းများအရ အမေရိကန် အချုပ်အခြာပိုင် နယ်မြေက ပင်လယ်ရေပြင် ၁၂ မိုင်အထိသာ ရောက်ရှိနိုင်တယ်လို့ ခုခံပြောဆိုထားပါတယ်။

▪️ ထိုနေရာဟာ မက္ကဆီကိုကမ်းရိုးတန်းလိုင်းကနေ ပင်လယ်ရေပြင် ၁၂ မိုင်မှာ ရှိတယ်လို့ သတ်မှတ်ပြီး ကမ္ဘာတဝှမ်းက နိုင်ငံအားလုံးလည်း ဒီအတိုင်းအကျုံးဝင်းကြောင်း၊ နိုင်ငံတစ်နိုင်ငံအနေနဲ့ ပင်လယ်ပြင်ထဲမှာ တစ်ခုခုရဲ့ သတ်မှတ်ချက်ကို ပြောင်းလဲချင်ရင် ပင်လယ်ရေပြင် ၁၂ မိုင်အထိသာ အကျုံးဝင်ကြောင်း၊ အခု မက္ကဆီကိုပင်လယ်ကွေ့ ကိစ္စမှာဆိုရင် အမေရိကန်က အကျုံးမဝင်ကြောင်း၊ ဂူဂဲလ်ကို အသေးစိတ် ရှင်းပြထားကြောင်း ရှိန်းဘမ်းက ပြောထားပါတယ်။

▪️ အမေရိကန်မှ ဂူဂဲလ်မြေပုံ အသုံးပြုသူတွေမှာ မက္ကဆီကိုပင်လယ်ကွေ့ကို အမေရိကားပင်လယ်ကွေ့လို့ အမည်ပြောင်းလဲထားကြောင်း ဂူဂဲလ်က ကြေညာထားပါတယ်။

▪️ တရားဝင်အစိုးရရင်းမြစ်တွေမှာ ပြုပြင်ဖော်ပြထားတဲ့အတိုင်း အမည်ပြောင်းလဲရေး ထုံးတမ်းများနဲ့အညီ ဆောင်ရွက်တာဖြစ်တယ်လို့ ဂူဂဲလ်က ဆိုပါတယ်။

▪️ မက္ကဆီကိုမှ လူတွေကတော့ ဂူဂဲလ်မြေပုံမှာ မက္ကဆီကိုပင်လယ်ကွေ့လို့ ဆက်မြင်ရမှာဖြစ်ပြီး ကျန်တဲ့နေရာက လူတွေမှာတော့ နာမည်နှစ်မျိုးစလုံး မြင်ရမှာဖြစ်ပါတယ်။

▪️ အမေရိကားပင်လယ်ကွေ့လို့ အမည်ပြောင်းရတာဟာ ထွန်းကားလာတဲ့ စီးပွားရေးရင်းမြစ်များနဲ့ တိုင်းပြည်နဲ့လူမျိုးအတွက် အထူးအရေးကြီးပုံတို့ကို အသိအမှတ်ပြုတဲ့အနေနဲ့ ထရမ့်က သမ္မတအမိန့် ထုတ်ပြန်ခဲ့တာဖြစ်ပါတယ်။
ဖက်ဒရယ်အစိုးရ မြေပုံအားလုံးနဲ့ စာရွက်စာတမ်းတွေမှာ လိုက်လံပြောင်းလဲဖို့ ညွှန်ကြားထားပါတယ်။

▪️ ဒါ့အပြင် ထရမ့်ဟာ အမေရိကန်မှ အမြင့်ဆုံးတောင် ဒီနယ်လီကို မောင့်မက်ကင်လေလို့ ပြန်ပြောင်းဖို့လည်း ညွှန်ကြားထားပါတယ်။

#Source: ANI News