#World_Science
Published 05 February 2025

▪️ ကမ္ဘာပေါ်က အကြီးဆုံး ရေခဲစိုင်တုံးကြီးဟာ အတ္တလန္တိတ်တောင်ပိုင်း သမုဒ္ဒရာ ဂျော်ဂျီယာတောင်ပိုင်းသို့ အန္တရာယ်ကြီးစွာ မျောပါလာနေသဖြင့် စောင့်ကြည့်နေကြပါတယ်။

▪️ A23a လို့အမည်ပေးထားတဲ့ ရေခဲစိုင်ကြီးဟာ မွမ်ဘိုင်းမြို့ထက် စတုရန်းကီလိုမီတာ ၃၇၀၀ လောက် ပိုမိုကြီးမားပြီး ၁၉၈၆ မှာ Filchner–Ronne ရေခဲကျောက်ဆောင်ကြီးကနေ ခွဲထွက်လာတဲ့ ဧရာမရေခဲစိုင်ကြီး ဖြစ်ပါတယ်။

▪️ ဝက်ဒဲလ်ပင်လယ်မှာ ဆယ်စုနှစ်တွေကြာအောင် ပိတ်မိနေခဲ့ပြီးနောက် ၂၀၂၀ မှာ မြောက်ပိုင်းသို့ စတင်ရွေ့လျားလာပါတယ်။

▪️ စူးစမ်းလေ့လာရေးအဖွဲ့တစ်ဖွဲ့က မျောနေတဲ့ရေခဲစိုင်ကြီးကနေ ၂၀ မီတာလောက်သာဝေးတဲ့ နေရာမှာ သင်္ဘောပေါ်ကနေ ဗီဒီယိုရိုက်ကူးခဲ့ကြပါတယ်။

▪️ သိပ္ပံပညာရှင်များနဲ့ ဒေသတွင်းအာဏာပိုင်များ စိုးရိမ်လာကြပြီး A23aဟာ လက်ရှိမှာ ဂျော်ဂျီယာတောင်ပိုင်း အနောက်တောင်ဘက် ပင်လယ်ရေပြင် ၁၄၅ မိုင်ခန့်မှာ တည်ရှိနေပါတယ်။

▪️ ရေခဲစိုင်ကြီးက ကျွန်းဆီသို့ တိုက်ရိုက်လမ်းကြောင်းမှာ မရှိပေမယ့် သမုဒ္ဒရာရေစီးကြောင်းတွေကြောင့် ရောက်လာနိုင်ပါတယ်။

▪️ ဂျော်ဂျီယာတောင်ပိုင်းမှာ ပင်လယ်ရေမှော်များ ရှိနေတာကြောင့် ပင်ဂွင်းများ ဖျံများ မှီခိုစားသောက်နေတဲ့ ဂေဟစနစ် ထိခိုက်လာနိုင်ပါတယ်။

▪️ ရေခဲစိုင်ကြီးကို မြင်ရတာ ဆန်းကျယ်လှပေမယ့် ဘေးအန္တရာယ်တွေကလည်း ပါလာနိုင်ပါတယ်။

▪️ ရက်သတ္တပတ်များအတွင်း ဂျော်ဂျီယာတောင်ပိုင်းသို့ ရောက်ရှိနိုင်ဖွယ်ရှိတယ်လို့ ခန့်မှန်းနေကြပြီး ဂေဟဟစနစ် ထိခိုက်မှုအနည်းဆုံးဖြစ်အောင် ပြင်ဆင်မှုများ ပြုလုပ်လာရပါတယ်။

▪️ သိပ္ပံပညာရှင်တွေက ရွေ့လျားမှုကို စောင့်ကြည့်နေပြီး ရေခဲပြင်တွေပေါ်မှာ ရာသီဥတု ပြောင်းလဲသက်ရောက်မှုအကြောင်းတွေ လေ့လာနေကြပါတယ်။

▪️ ဒီရေခဲစိုင်ကြီးက အနာဂတ်မှာ ပင်လယ်ဂေဟစနစ်ရော ကမ္ဘာ့ပင်လယ် ရေမျက်နှာပြင်ကိုပါ ဘယ်လိုလွှမ်းမိုးနိုင်မလဲဆိုတာကို နားလည်ဖို့ ကြိုးပမ်းနေကြပါတယ်။

#Source: India Today

#World_Technology
Published 05  February 2025

▪️ လူလုပ်အသိဉာဏ်(AI)ဖြင့် လူတစ်ဦးချင်းအတွက် အထူးပြုလုပ်တဲ့ ကင်ဆာကာကွယ်ဆေးကို ၄၈ နာရီအတွင်း ထုတ်လုပ်ပေးနိုင်တယ်လို့ Oracle ဥက္ကဌ လယ်ရီအယ်လီဆန်က ပြောပါတယ်။

▪️ အိမ်ဖြူတော်မှ Stargate Projectစတင်ကျင်းပပွဲမှာ အယ်လီဆန်က AIတိုးတက်လာခြင်းက ကျန်းမာရေးစောင့်ရှောက်မှုတွေကို တိုးတက်ပြောင်းလဲစေနိုင်ပြီး တစ်ဦးချင်းစီမှာ ကင်ဆာတိုက်ဖျက်နိုင်ဖို့ အထူးပြုလုပ်ချက် mRNAကာကွယ်ဆေးများကို စက်ရုပ်စနစ်များအသုံးပြုပြီး AIက ဖန်တီးပေးနိုင်လိမ့်မယ်လို့ ပြောသွားပါတယ်။

▪️ သွေးထဲမှာ အကျိတ်အပိုင်းအစငယ်များ ပေါ်ထွက်လာတည်းက သွေးစစ်ဆေးချက် ပြုလုပ်ခြင်းဖြင့် AIက တွေ့ရှိနိုင်မှာဖြစ်ပြီး ကင်ဆာအကျိတ်ရဲ့ မျိုးဗီဇအချက်အလက်အကြောင်း သိရပြီဆိုရင် တစ်ဦးချင်းစီအတွက် ကင်ဆာကာကွယ်ဆေး ဖော်ထုတ်နိုင်ပါမယ်လို့ ရှင်းပြပါတယ်။

▪️ mRNA ကာကွယ်ဆေးကို စက်ရုပ်တွေနဲ့ AIအသုံးပြုပြီး ၄၈ နာရီအတွင်း ပြုလုပ်နိုင်မှာဖြစ်ကြောင်း၊ ကင်ဆာကို စောစီးစွာတွေ့ရှိပြီး တစ်ဦးချင်းစီရဲ့ ကင်ဆာအလိုက် ကာကွယ်ဆေးရရှိနိုင်မှာ ဖြစ်ကြောင်း၊ ဒါဟာ AIဘက်က အာမခံချက်ဖြစ်ကြောင်း ပြောသွားပါတယ်။

▪️ အမေရိကန်သမ္မတ ဒေါ်နယ်ထရမ့်က အမေရိကန်ရှိ AIကဏ္ဍအတွက် ဒေါ်လာ ၁၀၀ ဘီလီယံ ရင်းနှီးမြှုပ်နှံဖို့ ကြေညာထားပါတယ်။

▪️ mRNA ကာကွယ်ဆေးဆိုတာက messenger RNA အပိုင်းအစငယ်တစ်ခု အသုံးပြုပြီး ခန္ဓာကိုယ်ဆဲလ်တွေကနေ ပရိုတိန်းတစ်မျိုး ထုတ်လုပ်ပေးကာ ရောဂါခုခံအား လှုံ့ဆော်ပေးတာ ဖြစ်ပါတယ်။

▪️ ခုခံအားစနစ်ကနေ ကင်ဆာဆဲလ်တွေကို သိရှိတိုက်ခိုက်နိုင်အောင် ကူညီပေးပါတယ်။

▪️ ဒီလိုကာကွယ်ဆေးတွေက ဘေးကင်းစိတ်ချရပြီး အလျင်အမြန် ထုတ်လုပ်နိုင်ပါတယ်။

#Source: India Today

၄ ဖေဖော်ဝါရီ ၂၀၂၅

နိုင်ငံဖြတ်ကျော်မှုခင်းတွေနှင့် အွန်လိုင်းရာဇဝတ်မှုတွေကို ထိန်းချုပ်ဟန့်တားနိုင်ဖို့အတွက် ထိုင်းနိုင်ငံကနေ မြန်မာနိုင်ငံနယ်စပ်ဒေသတွေကိုပေးနေတဲ့ လျှပ်စစ်ဓာတ်အား၊အင်တာနက်နှင့် လောင်စာဆီတင်ပို့မှုတွေကို ဖေဖော်ဝါရီ ၅ ရက် မနက် ၉ နာရီက စတင်ပြီး ဖြတ်တောက်ပစ်မယ်လို့  ထိုင်းကာကွယ်ရေးဝန်ကြီး ဖမ်သမ်ဝီချာရာချိုင်းက  အမျိုးသားလုံခြုံရေးကောင်စီအစည်းအဝေး အပြီးမှာ ထုတ်ဖော်ပြောကြားပါတယ်။

အခုအရေးယူဆောင်ရွက်မှုတွေဟာ ထိုင်းမြန်မာနယ်စပ်က ဒေသငါးနေရာ အကျုံးဝင်ပါတယ်။ အဲဒီနေရာတွေဟာ အွန်လိုင်းရာဇဝတ်မှု(ကျားဖြန့်) တွေအခြေစိုက်တဲ့နေရာတွေအဖြစ် သံသယရှိထားတဲ့ နေရာတွေဖြစ်ကြပါတယ်။

ထိုင်းနိုင်ငံရဲ့အမျိုးသားလုံခြုံရေးကောင်စီအစည်းအဝေးကို ပြည်နယ်လျှပ်စစ်အာဏာပိုင်အဖွဲ့ (ပီအီးအေ)ကို ကြီးကြပ်ရတဲ့ ဒုတိယဝန်ကြီးချုပ်နှင့် ပြည်ထဲရေးဝန်ကြီး  အန်နုတင်ချန်ဗီယာကူ၊ တရားရေးဝန်ကြီး တာဝီဆိုဆောင်၊ ဒုတိယကာကွယ်ရေးဝန်ကြီး ဗိုလ်ချုပ်ကြီး နာတာပွန်နပ်ဖန်နစ်နှင့် ကောင်စီအတွင်းရေးမှူးချုပ် ချတ်ချိုင်း ဘန်ချတ်တို့လည်း တက်ရောက်ခဲ့ကြပါတယ်။

သက်ဆိုင်တဲ့ အေဂျင်စီအဖွဲ့အစည်းတွေဆီကရရှိတဲ့ သတင်းအချက်အလက်တွေစုစည်းပြီးတဲ့အခါ ဒီပြဿနာဟာ အမျိုးသားလုံခြုံရေးကို ခြိမ်းခြောက်မှုရှိနေတယ်လို့ ကောက်ချက်ချခဲ့ကြပါတယ်လို့ ကာကွယ်ရေးဝန်ကြီး ဖန်သမ်က ပြောပါတယ်။  အဲသလို ဖြတ်တောက်မှုကြောင့် လူပေါင်း ၅၅၇,၅၀၀ ထိခိုက်မှုရှိပြီး ဆုံးရှုံးမှုဟာ ဘတ် ၈၆ ဘီလျံကျော်ရှိပါလိမ့်မယ်။ နေ့စဉ်ဆုံးရှုံးမှုဟာ ဘတ် သန်း၈၀ လို့ တွက်ချက်ထားကြပါတယ်။ ယခုအကျပ်အတည်းဟာ ထိုင်းနိုင်ငံသားတွေနှင့် ကမ္ဘာ့အသိုက်အဝန်းနှစ်ခု စလုံးကို ကြီးကျယ်တဲ့ရှုပ်ထွေးမှုဖြစ်စေတယ်လို့ အာဏာပိုင်တွေက ဆုံးဖြတ်ခဲ့ကြပါတယ်။

ယနေ့ညမှာ အဲဒီအမိန့်ကို သူလက်မှတ်ရေးထိုးမယ်လို့ ဒုတိယဝန်ကြီးချုပ်လည်းဖြစ်တဲ့ ကာကွယ်ရေး ဝန်ကြီး ဖန်သမ်က ပြောပါတယ်။

“ ဒီနေ့ည ကျွန်တော်အားလုံးအဆုံးသတ်ပြီး အမိန့်ကိုလက်မှတ်ထိုးမယ်။ပြီးတော့ သက်ဆိုင်တဲ့ အဖွဲ့တွေကို အကြောင်းကြားပါမယ်” လို့သူကပြောပါတယ်။

“ နိုင်ငံခြားရေးဝန်ကြီးဌာနက မြန်မာအစိုးရကို အသိပေးမှာဖြစ်သလို ကြိုတင်လုပ်စရာရှိတာ လုပ်လို့ရအောင် ဆေးရုံတွေအပါအဝင်  ပတ်သက်တဲ့ အဖွဲ့အစည်းတွေကို လည်း သတင်းပါးပါမယ်။  မနက် ၉နာရီမှာတော့ ဖြန့်ဖြူးထားတာတွေ(လျှပ်စစ်မီး၊အင်တာနက်၊လောင်စာ) တွေဖြတ်တောက်ပါမယ်” လို့သူကပြောပါတယ်။

“ထိုင်းနိုင်ငံဖက်ကနေ မြန်မာဖက်ကို အသိပေးပြီးနောက်ပိုင်းမှာတော့ နောက်ထပ်အရေးယူ  ဆောင်ရွက်မှုတွေပြုလုပ်ဖို့က မြန်မာအစိုးရသဘောပါပဲ။ ထိုင်းနိုင်ငံအနေနှင့် သူတို့ရဲ့ပြည်တွင်းရေးမှာ ဝင်စွက်ဖက်မှာမဟုတ်ဘူး” လို့သူကပြောပါတယ်။

မြန်မာဘက်က လက်စားချေတဲ့အနေနှင့် ထိုင်းကို ပို့နေတဲ့ သဘာဝဓာတ်ငွေ့တွေဖြတ်ပစ်နိုင်သလားလို့ သတင်းထောက်တွေကမေးတဲ့အခါ ဒီကိစ္စဆွေးနွေးပြီးဖြစ်ပါတယ်လို့ သူကဖြေပါတယ်။ ဒါဟာ ထိုင်းပြဿနာတစ်ခုတည်းမဟုတ်ဘဲ နိုင်ငံတကာကိစ္စလို့ မြန်မာဘက်က နားလည်ထားပါတယ်။ နိုင်ငံများစွာက လူတစ်ဦးချင်းစီဟာ ဒီလုပ်ငန်းတွေရဲ့သားကောင်တွေဖြစ်ခဲ့ကြရတယ်လို့ သူကဆက်ပြောပါတယ်။

တရားမဝင်လျှပ်စစ်မီးသွယ်တန်းတာတွေနှင့်ပတ်သက်လို့လည်း ဒီအတိုင်းအရေးယူဆောင်ရွက်မှာဖြစ်ပြီး မြန်မာက ဓာတ်အားပေးစက်ဂျင်နရေတာတွေသုံးမယ်ဆိုရင်တော့ ဒါသူတို့  ကိုယ်ပိုင်ဆုံးဖြတ်ချက်သာ  ဖြစ်တယ်လို့ သူကပြောပါတယ်။

လျှပ်စစ်မီးဖြတ်တောက်မှုတွေလုပ်မယ့်နေရာ (၅)ခု Ban Three Pagodas Pass ဘုရားသုံးဆူ- မွန်ပြည်နယ်၊ Ban Muang Daeng တာချီလိတ်-ရှမ်းပြည်နယ်၊ ထိုင်း-မြန်မာ ချစ်ကြည်ရေးတံတား မြဝတီ-ကရင်ပြည်နယ်၊ ထိုင်း-မြန်မာ ချစ်ကြည်ရေးတံတား ၂ မြဝတီ-ကရင်ပြည်နယ်၊ Ban Huai Muang မြဝတီ၊ကရင်ပြည်နယ်တို့ဖြစ်ကြပါတယ်။

Source : The Nation

ဖိလစ်ပိုင်နိုင်ငံမှာ ၂၀၂၅ တိုင်းပြည်ဘတ်ဂျက်နဲ့ ပတ်သက်ပြီး တင်းမာမှုမြင့်တက်နေရာ အကျင့်ပျက်ခြစားခြင်းနဲ့ အရေးယူမခံရခြင်းတို့အပေါ် လူထုကမခံမရပ်နိုင်တော့ဘဲ ဆန္ဒပြနေကြပြီး သောကြာနေ့က မြို့တော်မနီလာ ကေဇွန်မြို့ရှိ EDSA ဗိမာန်ရှေ့က လမ်းမမှာ ပိတ်ဆို့ထားကြပါတယ်။
#Asia_News
Published  4 February 2025
#ဖိလစ်ပိုင် #ပြည်သူများဆန္ဒပြကန့်ကွက်
#YMG #Yangon_Times #Yangon_Media_Group

#Daily_News
Published  4 February 2025

၁။ နာမည်ကြီးရွှေဆိုင်အချို့၏ ဆိုင်ခွဲများလိုင်စင်တင်ခြင်းမရှိ ဟုဆို

၂။ ပြည်ပပြန်လုပ်သားများအား ပြည်တွင်း၌အလုပ်အကိုင်ချိတ်ဆက်ပေးမည်

၃။ မိန်းမလှကျွန်းဘေးမဲ့တော၌  ဆောင်းခိုငှက်မျိုးစိတ် ၁၄၀ ကျော်လာရောက်ကျက်စား

၄။ ဖိလစ်ပိုင်တွင် အစိုးရဘတ်ဂျက်အား ပြည်သူများဆန္ဒပြကန့်ကွက်
... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 4 February 2025

▪️ ထားဝယ်မြို့တွင် ဆီပိဿာချိန်၆၀၀၀ခန့်ကိုသတ်မှတ်ရည်ညွှန်း စျေးအတိုင်း စားသုံးသူများအား ရောင်းချပေးသွားမည်ဖြစ်ကြောင်း စားသုံးသူရေးရာဦးစီးဌာနမှ သိရသည်။

▪️ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ စီစဥ်မှုဖြင့် Myanmar Oil Alliance Co,Ltd မှ တင်ပို့ရောင်းချသည့် စားအုန်းဆီ ၁ ပေပါလျှင် ၁၁၀ ပိဿာပါ စားအုန်းဆီ (၅၃)ပေပါသည် ဖေဖော်ဝါရီလ ၃ ရက်နေ့၊ ၁၁း၀၀ နာရီ အချိန်တွင် ထားဝယ်မြို့၊ အိမ်ရှေ့ပြင်ရပ် ကွက်၊ ရေးလမ်းရှိ ရွှေမြင့်မိုရ်ယာဥ်ရပ်နားစခန်းသို့ရောက်ရှိခဲ့ပြီး ဖြစ်ကြောင်း သိရသည်။

▪️ အဆိုပါစားအုန်းဆီစုစုပေါင်း(၅၃)ပေပါအား ကုမ္ပဏီ၏လက်ကားအရောင်းကိုယ်စားလှယ်မှ တစ်ဆင့် ထားဝယ်မြို့၊ အနောက်ရပ်၊ ဦးကျော်ရင်လမ်းရှိ ဦးစန်းအောင်၏ အောင်ပွဲရုံ ကုန်စုံဆိုင် အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်း စျေးအတိုင်း စားသုံးသူများအား ရောင်းချပေးသွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 4 January 2025

▪️ မြန်မာနိုင်ငံတော်ဗဟိုဘဏ်သည် တရုတ်ယွမ် ၅ သိန်း ကို ယမန်နေ့က ထုတ်ရောင်းခဲ့ကြောင်း သိရသည်။

▪️ ထိုသို့ရောင်းချရာတွင် ငွေလဲနှုန်း ၅၄၁ ကျပ်ဖြင့်  တရုတ်ယွမ် ၅ သိန်းကို  ဖေဖော်ဝါရီလ (၃) ရက်နေ့၌ ထုတ်ရောင်းခဲ့ခြင်းဖြစ်သည်။

▪️ ၎င်းအပြင် AD လိုင်စင်ရဘဏ်များ၌  လုပ်ငန်းရှင်များအကြား အမေရိကန်ဒေါ်လာ ၁၃.၀၂၃ သန်း၊ တရုတ်ယွမ် ၂.၉၉၉ သန်းနှင့် ထိုင်းဘတ် ၇၀.၉၅၄ သန်း အလွှဲအပြောင်းရှိခဲ့ကြောင်း သိရသည်။

#YMG/NN #Yangon_Times

#Local_News
Published 4 January 2025

▪️ ဂျပန်ပညာရေးပြပွဲကို ရန်ကုန်မြို့၌ နှစ်ရက်တာ ကျင်းပသွားမည်ဖြစ်ကြောင်း သိရသည်။

▪️ အဆိုပါ ဂျပန်ပညာရေးပြပွဲ(ရန်ကုန်) ၂၀၂၅ ကို ဖေဖော်ဝါရီလ ၁၅ ရက်နှင့် ၁၆ ရက်တို့တွင် နံနက် ၁၀ နာရီမှ ညနေ ၃ နာရီအထိ ရန်ကုန်မြို့၊ ကမာရွတ်မြို့နယ် ပြည်လမ်းရှိ အမှတ် (၅၂၇) M-Tower ၁၈ လွှာမည်  ကျင်းပသွားမည်ဖြစ်သည်။

▪️ ယင်းပြပွဲတွင် မြန်မာနိုင်ငံဆိုင်ရာ ဂျပန်သံရုံး၊ MAJA Education Center၊ OJEIC တို့က ပါဝင်ဆွေးနွေးကြမည်ဖြစ်ပြီး ဂျပန်နိုင်ငံရှိ ဝိဇ္ဇာသိပ္ပံတက္ကသိုလ်များ၊ အသက်မွေးဝမ်းကျောင်း ကောလိပ်များနှင့် ဂျပန်နိုင်ငံသင်တန်းကျောင်းများမှ တာဝန်ခံဆရာ/ဆရာမများက လာရောက်ရှင်းလင်းပြောကြားကြမည်ဖြစ် ကြောင်း သိရသည်။

▪️ ဂျပန်-မြန်မာ စကားပြန်များကိုလည်း စီစဉ်ပေးထားပြီး လွတ်လပ်စွာ တိုက်ရိုက်မေးမြန်းဆွေးနွေးနိုင်မည့် အပြင် ပါဝင်ပြသကြမည့် ဂျပန်စာသင်ကျောင်းများအကြောင်း မိတ်ဆက်သွားမည် ဖြစ်ကြောင်း သိရသည်။

▪️ ပြပွဲ၌ ဂျပန်ပညာတော်သင်ဆိုင်ရာ သိကောင်းစရာများ ဟောပြောဆွေးနွေးခြင်း၊ ပညာသင်ထောက်ပံ့ကြေးဆိုင်ရာ အခွင့်အလမ်းများ၊ တက္ကသိုလ် တက်ရောက်နိုင်မည့် အခြေအနေ၊ အလုပ်အကိုင်အခွင့်အလမ်းများ၊ အချိန်ပိုင်းအလုပ်များနှင့် ပညာတော်သင်ဆိုင်ရာ အတွေ့အကြုံများကို ဆွေးနွေးပြောကြားသွားမည် ဖြစ်သည်။

▪️ ၎င်းအပြင် ပညာတော်သင်ထောက်ပံ့ကြေးရရှိရန် ကျောင်းသား/ကျောင်းသူများအတွက် MAJA နှင့် OJEIC အဖွဲ့အစည်းမှ နှစ်စဉ်ပေးအပ်လေ့ရှိသည့် Scholarship Program များ၊ စာပေပြိုင်ပွဲများကိုလည်း ပြပွဲတွင် ရှင်းလင်းပြောကြားပေးသွားမည်ဖြစ်သည်။

▪️ ဂျပန်ပညာရေးပြပွဲ(ရန်ကုန်) ၂၀၂၅ တွင်ပါဝင်မည့်အဖွဲ့အစည်းများနှင့် ကျောင်းများမှာ မြန်မာနိုင်ငံဆိုင်ရာ ဂျပန်သံရုံး Kyoto University of Advanced Science၊ Chinzei Gakuin University၊ Yu Language Academy၊ Okayama University Japan Education Information Center(OJEIC)၊ Myanmar Association of Japan Alumni(MAJA) တို့ဖြစ်ပြီး ပြပွဲသို့ ကျောင်းသားမိဘများနှင့် ဂျပန်စာသင်တန်းကျောင်းများမှ ဆရာ/ဆရာမများလည်း တက်ရောက်ရန် ဖိတ်ကြားထားကြောင်း သိရသည်။

#YMG/NN #Yangon_Times

အကောက်ခွန်ကုန်လှောင်ရုံတွေမှာ ပို့ကုန်သွင်းကုန် ထည့်သွင်းခွင့်အတွက် CMP လုပ်ငန်းဆောင်ရွက်ခွင့်ရ ကုမ္ပဏီတွေ လျှောက်ထားနိုင်တယ်လို့ အကောက်ခွန်ဦးစီးဌာနမှ သိရပါတယ်။
#Local_News
Published  4 February 2025
#CMP #အကောက်ခွန်ကုန်လှောင်ရုံ
#YMG/SW #Yangon_Times

နှစ်လတာအတွင်း မိန်းမလှကျွန်းဘေးမဲ့တောမှာ ဆောင်းခိုငှက်မျိုးစိတ် ၁၄၀ ကျော်လာရောက်ကျက်စားဆောင်းခိုခဲ့တယ်လို့ သယံဇာတနှင့်သဘာဝ ပတ်ဝန်းကျင်ထိန်းသိမ်းရေးဝန်ကြီးဌာန ကသိရပါတယ်။
‌#Local_News
Published  4 February 2025
#မိန်းမလှကျွန်းဘေးမဲ့တော #ဆောင်းခိုငှက်မျိုးစိတ်
#YMG/NN #Yangon_Times

ပြည်ပနိုင်ငံ‌တွေကနေ ပြည်တွင်းကို ပြန်လည်ရောက်ရှိလာတဲ့ လုပ်သားတွေကို ပြည်တွင်းမှာပဲ အလုပ်အကိုင်အခွင့်အလမ်းရရှိ‌စေဖို့ ချိတ်ဆက်‌ဆောင်ရွက်ပေးလျှက်ရှိတယ်လို့ အလုပ်သမားဝန်ကြီးဌာနက ထုတ်ပြန်ထားပါတယ်။
#Local_News
Published  4 February 2025
#အလုပ်သမားဝန်ကြီးဌာန #အလုပ်အကိုင်ချိတ်ဆက်ပေး
#YMG/SW #Yangon_Times

ရန်ကုန်မြို့၊ မြို့နယ်တွေမှာ ဆိုင်ခွဲတွေများစွာ ဖွင့်လှစ်ထားတဲ့ နာမည်ကြီး ရွှေဆိုင်အချို့ရဲ့ ဆိုင်ခွဲတွေကို  လုပ်ငန်းလိုင်စင်တင်ထားတာ မရှိတာကို စစ်ဆေးတွေ့ရှိရတယ်လို့ ကျောက်တံတားခရိုင် စီမံအုပ်ချုပ်ရေးအဖွဲ့က သိရပါတယ်။
#Local_News
Published  4 February 2025
#နာမည်ကြီးရွှေဆိုင် #လိုင်စင်တင်ခြင်းမရှိ
#YMG/NN #Yangon_Times