#Local_News
Published 20 May 2025

▪️ ငလျင်ဘေးအလွန် မြန်မာ့စီးပွားရေး ပြန်လည်ကုစားခြင်းနှင့် ပြန်လည်ထူ ထောင်ခြင်းဖိုရမ်ကို နေပြည်တော်၌ ယခုလကုန် မေလ ၃၀ ရက်နှင့် ၃၁ ရက်တို့တွင် ကျင်းပသွားမည်ဖြစ်ပြီး မည်သူမဆိုတက်ရောက်နိုင်ကြောင်း သိရသည်။

▪️ မန္တလေး ငလျင်ကြီးခံစားရပြီး နောက်ပိုင်း မြန်မာ့စီးပွားရေး ပြန်လည်ဦးမော့လာစေရန် ယခုဖိုရမ်ကို ကျင်းပမည်ဖြစ်ကြောင်း၊ ပြီးခဲ့သည့်မတ်လအတွင်းက နိုင်ငံတော်အဆင့်ဖိုရမ်တစ်ခုကို နိုင်ငံတကာပညာရှင်များအပါအဝင် ပြည်တွင်းပညာရှင်များဖြင့် အောင်မြင်စွာဆောင်ရွက် နိုင်ခဲ့ကြောင်း၊ ယခုဖိုရမ်မှလည်း နိုင်ငံတော်အတွက် ကောင်းမွန်သည့်ရလဒ်များ ရရှိနိုင်မည်ဟု ယုံကြည်ကြောင်း၊ ယခု ကျင်းပမည့် ဖိုရမ်သို့လုပ်ငန်းရှင်များ၊ စိတ်ပါဝင်စားသူပြည်သူများ ပါဝင်တက်ရောက်ပြီး လက်တွေ့ကျကျဆွေးနွေးနိုင်ရန်နှင့် ပြည်သူများ၊ လုပ်ငန်းရှင်များ ပိုမိုပူးပေါင်းဆောင်ရွက်ရန်လည်း ရည်ရွယ်ကြောင်း၊ အဆိုပါဖိုရမ်တွင် ကောင်းမွန်သည့်ရလဒ်များဖြင့် တိုင်းပြည်အရွေ့တစ်ခုသို့ ရောက်ရှိ စေရေးအတွက် လိုအပ်သည့်ဆွေးနွေးချက်များရရှိအောင် ဝိုင်းဝန်းဆောင်ရွက်ကြစေလို ကြောင်း ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင် မောင်အုန်းက နေပြည်တော်တွင် ပြုလုပ်ခဲ့သည့် ငလျင်ဘေးအလွန် မြန်မာ့စီးပွားရေး ပြန်လည် ကုစားခြင်းနှင့် ပြန်လည်ထူထောင်ခြင်း ဖိုရမ် ကျင်းပရေးလုပ်ငန်းညှိနှိုင်းအစည်းအဝေး၌ပြောကြားခဲ့သည်။

▪️ အဆိုပါ ဖိုရမ်တွင် မန္တလေးငလျင်ကြီး၏ စီးပွားရေးအပေါ်ရိုက်ခတ်မှုများ၊ စီးပွားရေးပြန်လည်ထူထောင်ရာတွင် စိန်ခေါ်မှုများနှင့် အခွင့်အလမ်းများ၊ စီးပွားရေးပြန်လည်ကုစားခြင်းအတွက် စုပေါင်းအဖြေရှာခြင်းဟူသည့် ခေါင်းစဉ်သုံးခုဖြင့် ဆွေးနွေးကြမည်ဖြစ်ပြီး မန္တလေးငလျင်ကြီးကြောင့် ထိခိုက်ပျက်စီးခဲ့ရသော စီးပွားရေးလုပ်ငန်းများအား ပြန်လည် ထူထောင် အားကောင်းလာစေရန်၊ ငလျင်ဘေးအလွန်ကာလတွင် ဖြစ်ပေါ်လာမည့် ပြည်တွင်း/ပြည်ပ ဈေးကွက် စီးပွားရေးအသစ်များ၊ နိုင်ငံ့စီးပွားရေးပိုမိုကောင်း မွန်စေမည့်အခွင့်အလမ်းများနှင့် ကြုံတွေ့ရနိုင်သည့်စိန်ခေါ်မှုများအား သိရှိနိုင်စေရန်၊ မြန်မာနိုင်ငံ၏ ပထဝီနိုင်ငံရေး အခင်းအကျင်းနှင့် ပထဝီစီးပွားရေးအခွင့်အလမ်းများကို သိရှိအသုံးချပြီး ပြည်တွင်းမှ ထုတ်ကုန် ပစ္စည်းများအား ဈေးကွက်ချဲ့ထွင်နိုင်ရေးနှင့် စီးပွားရေးလုပ်ငန်းရှင်များ အချင်းချင်း ပေါင်းစည်းမြှင့်တင်နိုင်ရန်ရည်ရွယ်ချက်ဖြင့် ကျင်းပမည်ဖြစ်ကြောင်းနှင့် ဖိုရမ်သို့ စိတ်ပါဝင်စားသူ မည်သူမဆို ပါဝင်တက်ရောက်နိုင်ကြောင်း သိရသည်။

#YMG/SW #Yangon_Times

#World_News
Published 20 May 2025

▪️ အမေရိကန်သမ္မတ ဒေါ်နယ်ထရမ့်က ရုရှားသမ္မတ ဗလာဒီမာပူတင်နဲ့ တနင်္လာနေ့က ဖုန်းပြောဆိုခဲ့ပြီးနောက် ရုရှားနဲ့ ယူကရိန်းတို့ အပစ်အခတ်ရပ်စဲရေးအတွက် ညှိနှိုင်းမှုများ ချက်ချင်းစတင်ပြုလုပ်သွားမယ်လို့ ပြောပါတယ်။

▪️ ဒါပေမဲ့ ရုရှားက ဒီအတွက် အချိန်ယူရမှာဖြစ်ပြီး ရုရှားကို ဖိအားပေးဖို့ ဥရောပမှ ဒဏ်ခတ်ပိတ်ဆို့မှုအသစ်များအတွက် ပူးပေါင်းရန် ထရမ့်အသင့်မရှိဘူးဆိုတဲ့သဘော ဖော်ပြခဲ့ပါတယ်။

▪️ ဆိုရှယ်မီဒီယာမှာ ဖော်ပြထားချက်အရ ထရမ့်က ပူတင်နဲ့ဖုန်းပြောပြီးနောက် ဒီအစီအစဉ်ကို ယူကရိန်းသမ္မတ ဗိုလိုဒီမာဇယ်လန်စကီအပြင် ဥရောပသမဂ္ဂ၊ ပြင်သစ်၊ အီတလီ၊ ဂျာမနီ၊ ဖင်လန်ခေါင်းဆောင်တို့နဲ့လည်း ထပ်ဆင့်ပြောပြခဲ့ပါတယ်။

▪️ ယူကရိန်းနဲ့ ရုရှားကြား တိုက်ရိုက်ဆွေးနွေးမှုများ ပြန်လည်စတင်ဖို့ ထောက်ပံ့ကူညီပေးတဲ့အတွက် ပူတင်က ထရမ့်ကို ကျေးဇူးတင်လိုက်ပါတယ်။

▪️ "ရုရှားဘက်က တင်ပြမယ်လို့ပြောတဲ့ အမေရိကန်သမ္မတနဲ့ သဘောတူပါတယ်။ အနာဂတ်မှာ ငြိမ်းချမ်းရေးရရှိဖို့အရေး သဘောတူညီမှုမူကြမ်းအတွက် ယူကရိန်းနဲ့အတူ လုပ်ဆောင်သွားဖို့ အသင့်ရှိပါတယ်" လို့ ပူတင်က သတင်းထောက်တွေကို ပြောသွားပါတယ်။

▪️ ယူကရိန်းနဲ့ ရုရှားတို့ တိုက်ရိုက်ဆွေးနွေးပြောဆိုမှုများ ဆက်လက်ပြုလုပ်သွားမယ့်သဘော မြင်ရပေမယ့် တနင်္လာနေ့ပြောဆိုမှုထဲမှာ အဓိကတိုးတက်မှုကြီးတွေတော့ မရရှိခဲ့ပါဘူး။

▪️ ဥရောပခေါင်းဆောင်တွေက ဒဏ်ခတ်ပိတ်ဆို့မှုများဖြင့် ရုရှားအပေါ် ဖိအားထပ်တိုးပေးသွားဖို့ ဆုံးဖြတ်လိုက်ကြောင်း ဂျာမနီအဓိပတိ ဖရိုင်းဒရစ်မာ့ဇ်က X ဆိုရှယ်မီဒီယာမှာ ဖော်ပြခဲ့ပါတယ်။

▪️ ဥရောပခေါင်းဆောင်တွေနဲ့ ယူကရိန်းတို့က ရုရှားကို အပစ်အခတ်ရပ်စဲရေး ချက်ချင်းသဘောတူညီစေချင်ပေမယ့် ရုရှားအစိုးရမှ ပြောရေးဆိုခွင့်ရှိသူ ဒီမစ်ထရီပက်စ်ကော့ဗ်ကတော့ နောက်ဆုံးသတ်မှတ်ချိန် မပြောနိုင်ဘူးလို့ ဆိုထားကြောင်း ရုရှားသတင်းဌာနတွေက ဖော်ပြထားပါတယ်။

#Source: Reuters

#Local_News
Published 20 May 2025

▪️ ထိုင်းနိုင်ငံတွင်ကျင်းပမည့် ၂၀၂၅ ခုနှစ်Sea Games အတွက် လက်ရွေးစင်များရွေးချယ်မည့်National Esports Championship: Road to SEA Game 2025 ပြိုင်ပွဲကို မေလတတိယပတ်မှစတင်ကာကျင်းပသွားမည်ဖြစ်ကြောင်း သိရသည်။

▪️ National Esports Championship ပြိုင်ပွဲသည် မြန်မာနိုင်ငံ၏ အမြင့်ဆုံးသော Esports အားကစားပြိုင်ပွဲဖြစ်ပြီး လက်ရည်စစ်ပွဲအဆင့်၊ အုပ်စုပြိုင်ပွဲအဆင့်၊ နောက်ဆုံးအဆင့်ဖိုင်နယ်ပြိုင်ပွဲကြီးဟူ၍ အဆင့်သုံးဆင့်ခွဲကာ ယှဉ်ပြိုင်သွားရမည်ဖြစ်ကာပြိုင်ပွဲကာလမှာ မေလတတိယပတ်မှ ဇူလိုင်လ တတိယပတ်အထိ နှစ်လခန့်ကြာမြင့်မည်ဖြစ်ကြောင်း၊ လက်ရည်စစ်ပွဲအတွက် ပြိုင်ပွဲဝင်အားကစားသမားများအနေဖြင့် မေလတတိယပတ်မှ စတင်စာရင်းပေးသွင်းနိုင်မည်ဖြစ်ကြောင်း၊ ပြိုင်ပွဲနှင့် သက်ဆိုင်သည့်အသေးစိတ်အချက်အလက်များကို MESL- Myanmar Esports League Facebook Page မှတစ်ဆင့် ကြေညာသွားမည်ဖြစ်ကြောင်း သိရသည်။

▪️ ပြည်ပ Esports ပြိုင်ပွဲများတွင် မြန်မာ့လက်ရွေးစင် Esports အားကစားအသင်းများက မြန်မာနိုင်ငံအိုလံပစ်ကော်မတီဦးဆောင်မှုဖြင့် ၂၀၂၃ ခုနှစ် နိုင်ငံတကာ Esports အားကစားအဖွဲ့ချုပ် (IESF) မှ ကျင်းပသော World Esports Champion-ship တွင် Dota 2 ပြိုင်ပွဲမှ ကမ္ဘာ့အဆင့် ငွေတံဆိပ်ဆုကိုလည်းကောင်း၊ ၂၀၂၃ ခုနှစ် ကမ္ဘောဒီးယားနိုင်ငံ၌ကျင်းပသော SEA Games ပြိုင်ပွဲတွင် Mobile Legends: Bang Bang ပြိုင်ပွဲမှ ကြေးတံဆိပ်ဆုကိုလည်းကောင်း၊ ၂၀၂၃ ခုနှစ် တရုတ်နိုင်ငံ၌ ကျင်းပသော Hangzhou 19th Asian Games တွင် Honor of Kings ပြိုင်ပွဲတွင်အဆင့် (၅) ကိုလည်းကောင်း အသီးသီးရရှိထားခဲ့ကြောင်း သိရသည်။

#YMG/SW #Yangon_Times

#Local_News
Published 20 May 2025
 
▪️ ယခင်နှစ်က စိုက်ပျိုးစရိတ်ချေးငွေ ကြွေးကျန်ကင်းရှင်းသည့် တောင်သူ လယ်သမားများအား မိုးရာသီစိုက်ပျိုးစရိတ်ချေးငွေအသစ်များကို ယမန်နေ့က စတင်၍ ထုတ်ချေးပေးနေပြီဖြစ်ကြောင်း မြန်မာ့လယ်ယာဖွံ့ဖြိုးရေးဘဏ်မှ သိရသည်။

▪️ စိုက်ပျိုးစရိတ်ချေးငွေများကို စိုက်ပျိုးရာသီအလိုက် ထုတ်ချေးပေးလျက်ရှိရာ တောင်သူဦးကြီးများအနေဖြင့် အချိန်စေ့ချေးငွေပြေကျေမှသာ (ယခင်ကြွေးကျန်ကင်းရှင်းမှသာ) ချေးငွေအသစ် ထုတ်ချေးခွင့်ရရှိမည်ဖြစ်ကြောင်းသိရသည်။

▪️ အဆိုပါ မြန်မာ့လယ်ယာဖွံ့ဖြိုးရေးဘဏ်က ထုတ်ချေးသော ဖွံ့ဖြိုးရေးချေးငွေ နှစ်တို၊ နှစ်ရှည်ချေးငွေများကိုလည်း သတ်မှတ်စည်းကမ်းချက်များနှင့်အညီ ထုတ်ချေးခွင့်ရရှိမည်ဖြစ်ကြောင်း သိရသည်။

▪️ ထိုသို့ ယခင် စိုက်ပျိုးစရိတ်ချေးငွေများအား အရင်း၊ အတိုးများပါ ပြေကျေစွာပေးဆပ်ပြီးသည့် တောင်သူများအား ၂၀၂၅ မိုးရာသီ စိုက်ပျိုးစရိတ်ချေးငွေအဖြစ် မိုးရာသီစိုက်ပျိုးချိန်အမီ ယမန်နေ့ မေလ ၁၉  ရက်နေ့မှစတင်၍  ယခင်နှစ်နည်းတူတစ်နှစ်လျှင် အတိုးနှုန်းငါးရာခိုင်နှုန်းဖြင့် သက်ဆိုင်ရာ ခရိုင်နှင့် မြို့နယ်ဘဏ်ခွဲများမှတစ်ဆင့် ထုတ်ချေးနေပြီဖြစ်ကြောင်း သိရသည်။

▪️ ထို့ကြောင့်  ယခင်ချေးငွေများ ပြေကျေစွာပေးဆပ်ပြီးသည့် တောင်သူလယ်သမားဦးကြီးများအနေဖြင့် ၂၀၂၅ မိုးရာသီစိုက်ပျိုး စရိတ်ချေးငွေများ အချိန်မီရရှိနိုင်ရေးအတွက် မြန်မာ့လယ်ယာဖွံ့ဖြိုးရေးဘဏ်၊ သက်ဆိုင်ရာ ခရိုင်/မြို့နယ်ဘဏ်ခွဲများနှင့် အမြန်ဆုံးဆက်သွယ်ကြရန်လည်း မြန်မာ့လယ်ယာဖွံ့ဖြိုးရေးဘဏ်က အသိပေးအကြောင်းကြားပါကြောင်းဖြင့် ထုတ်ပြန်ချက်တွင် ဖော်ပြထားသည်။

#YMG/NN #Yangon_Times

#World_Science
Published 20 May 2025

▪️ နေစကြဝဠာအဖွဲ့အစည်းရဲ့ အစွန်အဖျားပိုင်းမှာ အရာဝတ္ထုတစ်ခု ကွယ်နေတာကို လေ့လာခဲ့ပြီးနောက် နဝမမြောက်ဂြိုဟ်ဆိုတာ တကယ်ရှိနေနိုင်ပါတယ်။

▪️ ကိမ်းဘရစ်ချ်တက္ကသိုလ်မှ တယ်ရီလောင်းဖန်နဲ့ အဖွဲ့က ပလူတိုဂြိုဟ်အကျော်မှာ ဧရာမဂြိုဟ်တစ်ခု ရှိနေနိုင်တယ်လို့ အဆိုပြုဖော်ပြလာပါတယ်။

▪️ ထူးခြားတဲ့ဖြစ်စဉ်အချို့ တွေ့ရှိထားရပြီး သက်တမ်းကြာရှည် Kuiper ရပ်ဝန်းအရာဝတ္ထုများရဲ့ ပတ်လမ်းကြောင်း တိမ်းစောင်းလာတာဟာ နဝမဂြိုဟ်ကြောင့်လို့ ဖြေရှင်းစရာ ဖြစ်လာပါတယ်။

▪️ ၂၀၁၆ တည်းက နက္ခတ္တပညာရှင်များဖြစ်တဲ့ ကွန်စတန်တင်ဘတ်တီဂင်နဲ့ မိုက်ခ်ဘရောင်းတို့က နက်ပကျွန်းဖြတ်သန်းဂြိုဟ်အရာဝတ္ထု (TNO)များကြား ပုံမှန်မဟုတ်တဲ့ အစုအဖွဲ့များကို သတိထားမိခဲ့ကြပြီး ဧရာမဝတ္ထုကြီးက ယင်းတို့အပေါ်ကို ဆွဲငင်အားသက်ရောက်နေနိုင်တယ်လို့ ယူဆခဲ့ကြပါတယ်။

▪️ နဝမဂြိုဟ်သာ တကယ်ရှိရင် နက်ပကျွန်းဂြိုဟ်ထက် များစွာထုထည်ကြီးမားနိုင်ပြီး နေလုံးကနေ အကွာအဝေးများစွာ ဝေးကွာတည်ရှိနိုင်ပါတယ်။

▪️ သိပ္ပံပညာရှင်တွေက IRAS နဲ့ AKARI အနီအောက်ကောင်းကင် စောင့်ကြည့်ချက်များကြား ၂၃ နှစ်တာ နှိုင်းယှဉ်လေ့လာကြရာ နဝမဂြိုဟ်က နက်ပကျွန်းပတ်လမ်းကြောင်းကနေ များစွာကွာဝေးတာကြောင့် ပိုပြီးနှေးကွေးစွာ ရွေ့လျားနိုင်ကြောင်း ရှင်းပြထားပါတယ်။

▪️ နဝမဂြိုဟ်ရှိနိုင်တဲ့ ပတ်လမ်းကြောင်းအတိုင်း နေရာကွဲထွက်မှုပုံစံ ၁၃ စုံကို စမ်းသပ်လေ့လာခဲ့ကြရာ နဝမဂြိုဟ်လို့ သတ်မှတ်နိုင်မယ့်ပုံစံက တစ်စုံသာရှိပါတယ်။

▪️ နဝမမြောက်ဂြိုဟ်လို့ ယူဆနိုင်မယ့် အရာဝတ္တုရဲ့ ပတ်လမ်းကြောင်း အတိအကျကို ပိုမိုသိရှိဖို့အတွက် နောက်ထပ်လေ့လာမှုတွေ ပြုလုပ်ဖို့လိုအပ်တယ်လို့ ဖော်ပြထားပါတယ်။

#Source: WION

#Local_News
Published 20 May 2025

▪️ လာမည့် စက်တင်ဘာလအတွင်း ပြင်သစ်နိုင်ငံ၌ ကျင်းပမည့် Apparel Sourcing Paris 2025 ပြပွဲ ၌ မြန်မာနိုင်ငံမှMade in Myanmar ထုတ်ကုန်များပါဝင်ပြသမည်ဖြစ်ရာ စိတ်ပါဝင်စားသူ အသင်းဝင်စက်ရုံ၊ ကုမ္ပဏီများ အနေဖြင့် စာရင်းပေးသွင်းနိုင်ကြောင်း မြန်မာနိုင်ငံအထည်ချုပ်လုပ်ငန်းရှင်များအသင်းမှ သိရသည်။

▪️ အဆိုပါ Apparel Sourcing Paris 2025 ပြပွဲကို ပြင်သစ်နိုင်ငံ၊ ပဲရစ်မြို့ Paris Le Bourget, France ၌ စက်တင်ဘာလ ၁၅ ရက်မှ ၁၇ ရက်အထိ Messe Frankfurt France မှကြီးမှူးကျင်းပမည်ဖြစ်ရာ မြန်မာနိုင်ငံမှ အထည်ချုပ် လုပ်ငန်းရှင်များအား ပါဝင်ပြသရန် ဖိတ်ခေါ်ထားကြောင်း  သိရသည်။မြန်မာနိုင်ငံအထည်ချုပ်လုပ်ငန်းရှင်များအသင်း (MGMA)သည် ဥရောပနိုင်ငံမှ ဝယ်လက်များနှင့်ချိတ်ဆက်နိုင်ရန် Myanmar Pavilion အနေနဲ့ ၂၀၂၂ ခုနှစ်မှစတင်ကာ ပြပွဲ၌ဝင်ရောက်ပြသလေ့ရှိပြီး ယခုနှစ်မှာလည်း Made in Myanmar ထုတ်ကုန်များ ပါဝင်ပြသလိုသည့်  အသင်းဝင်စက်ရုံများကို ဖိတ်ခေါ်ထားကြောင်း သိရသည်။ 

▪️ ထို့ကြောင့် အသင်းဝင်များအနေဖြင့် ပြခန်းဖြင့်ပြသလိုပါက ပြခန်းကုန်ကျငွေကို စရိတ်မျှခံစနစ်ဖြင့် ကျခံ၍လိုက်ပါနိုင် မည်ဖြစ်ပြီး ပြပွဲလေ့လာသူနှင့် လိုက်ပါလိုသည့် အသင်းဝင်စက်ရုံများအနေဖြင့်လည်း Registration Fees ပေးသွင်း၍ လိုက်ပါနိုင်မည်ဖြစ်ကြောင်း သိရသည်။

▪️ မြန်မာနိုင်ငံအထည်ချုပ်လုပ်ငန်းရှင်များအသင်း (MGMA) ၏ အသင်းဝင်စက်ရုံ၊ ကုမ္ပဏီများမှ Apparel Sourcing Paris 2025 ပြပွဲသို့ တက်ရောက်ရန် စိတ်ဝင်စားပါက ဖုန်း ဝ၉-၄၃၀၈၁၄၂၄ သို့ မေလ ၃၁ ရက်နောက်ဆုံးထားကာ စာရင်းပေးသွင်းနိုင်ကြောင်း သိရသည်။

▪️ အဆိုပါပြပွဲသည် တစ်နှစ်လျှင်နှစ်ကြိမ် ပါရီမြို့၌ ကျင်းပလေ့ရှိပြီး ဖက်ရှင်လုပ်ငန်းမှ ပြပွဲပြသသူ ၁,၀၀၀ ကျော်ဖြင့် ပါဝင်ပြသသည့် ပြပွဲတစ်ခုဖြစ်ပြီး ကမ္ဘာတစ်ဝန်းမှ စီးပွားဖြစ်ဝယ်ယူသူများအတွက် အခြေခံပစ္စည်းများမှအစပြု၍ အဆန်းသစ်ဆုံးနှင့် အရည်အသွေးအမြင့်ဆုံး ထုတ်ကုန်များအထိ စုံလင်စွာရှာဖွေဝယ်ယူနိုင်သည့် ပလက်ဖောင်းတစ်ခုဖြစ်ကြောင်း သိရသည်။

#YMG/NN #Yangon_Times

#World_Health
Published 20 May 2025

▪️ AI နည်းပညာသစ်တစ်ခု အသုံးပြုကာ နိုင်ငံပေါင်း ၂၀ မှ လူပေါင်း ၅ သန်းကို ရင်ဘတ်အိတ်စ်ရေး စစ်ဆေးကြည့်ရှုခဲ့ကြပြီး အဆုတ်ကင်ဆာ အစောပိုင်းလက္ခဏာများ အောင်မြင်စွာ တွေ့ရှိခဲ့ပါတယ်။

▪️ အဆိုပါ AI အယ်ဂိုရစ်သမ်ကို AstraZeneca နဲ့ အိန္ဒိယကျန်းမာရေးနည်းပညာကုမ္ပဏီ Qure.ai တို့ ပူးပေါင်းထုတ်လုပ်ထားကာ အဆင့်မြင့် ရောဂါရှာဖွေရေးကိရိယာများ ရရှိမှုနည်းပါးတဲ့ အာရှ၊ အရှေ့အလယ်ပိုင်း၊ အာဖရိက၊ လက်တင်အမေရိကတို့မှာ စစ်ဆေးလေ့လာခဲ့ကြတာ ဖြစ်ပါတယ်။

▪️ ယင်းကုမ္ပဏီနှစ်ခုက ရင်းမြစ်ရှားပါးတဲ့ နေရာတွေမှာ AI စက်ပစ္စည်းများဖြင့် ကင်ဆာစောစီးစွာ တွေ့ရှိနိုင်ဖို့ ပူးပေါင်းထုတ်လုပ်ကြတာ ဖြစ်ပါတယ်။

▪️ qXR အယ်ဂိုရစ်သမ်အသုံးပြုထားတဲ့ ရောဂါရှာဖွေရေးအစီအစဉ်ဟာ အစောပိုင်းကင်ဆာအဆင့်တွေမှာ တွေ့ရလေ့ရှိတဲ့ အခြေအနေတွေကို ရင်ဘတ်အိတ်စ်ရေးဖြင့် စမ်းသပ်ရှာဖွေပါတယ်။

▪️ ယခုထက်ထိတော့ လူပေါင်း ၅ သောင်းနီးပါးမှာ အဖုအကျိတ်သဘောမျိုး တွေ့ရှိထားပြီး စောစီးစွာ ကုသထိန်းသိမ်းဖို့ အကြံပြုထားပါတယ်။

▪️ လူပေါင်း ၅ သန်းမှာ စစ်ဆေးနိုင်ခဲ့တာက ဒီဂျစ်တယ်ဆန်းသစ်တီထွင်မှုရဲ့ စွမ်းပကားဖြစ်ပြီး အကုန်အကျသက်သာစွာ အဆုတ်ကင်ဆာစစ်ဆေးနိုင်တယ်ဆိုတာ သိရှိထားကြပြီလို့ AstraZeneca နိုင်ငံတကာကင်ဆာဗေဒ ဒုဥက္ကဌ တီဟွေဟောင်က ပြောသွားပါတယ်။

▪️ ဒီအောင်မြင်မှုကနေ ကျန်းမာရေးစောင့်ရှောက်မှုတွေနဲ့ ရှာဖွေရေးစနစ်တွေမှာ လိုအပ်ချက်များကို AI က ဘယ်လိုဖြည့်ဆည်းပေးလဲဆိုတာ သိသာထင်ရှားကြောင်း Qure.ai စီအီးအို ပရာရှန့်ဝါရီယာက မှတ်ချက်ပြုလိုက်ပါတယ်။

▪️ အလယ်အလတ်နဲ့ နွမ်းပါးတဲ့နိုင်ငံတွေလိုမျိုး ရောဂါစစ်ဆေးရေးအစီအစဉ်များ ချို့တဲ့တဲ့နေရာတွေမှာ qXR နည်းပညာက အကျိုးရှိလာစေမှာပါ။

▪️ AstraZeneca နဲ့ Qure.ai တို့က အခုဆိုရင် လက်လှမ်းဝေးတဲ့ အရပ်ဒေသတွေဆီ AI စစ်ဆေးရေးနည်းပညာများ ရောက်ရှိဖို့အတွက် ဒေသခံအစိုးရများ၊ ကျန်းမာရေးအေဂျင်စီများနဲ့ လုပ်ဆောင်နေပါတယ်။

#Source: India Today

တရုတ်နဲ့ အမေရိကန်ကြား မကြာသေးမီက အခွန်စည်းကြပ်နှုန်း လျှော့ချပြီးနောက်မှာပဲ တရုတ်မှ တင်ပို့ကုန်အသားပေး စက်ရုံများနဲ့ လုပ်ငန်းများဟာ အမေရိကန်ဖောက်သည်များထံမှ အော်ဒါများ ပြန်လည်ရရှိလာပါတယ်။
#World_Business
Published 19 May 2025
#အခွန်စည်းကြပ်မှုလျှော့ပေါ့ #အမေရိကန်မှာယူမှုပြန်လည်မြင့်တက်
#YMG #Yangon_Times #Yangon_Media_Group

#Daily_News

Published 19 May 2025

၁။ Speed Boat အသုံးပြုရှာဖွေကယ်ဆယ်ရေးသင်တန်းဖွင့်မည်

၂။ ပထမအကြိမ် အာဆီယံဒူးရင်းပွဲတော်တွင် ပါဝင်ပြသရန် မြန်မာကို  ဖိတ်ကြားထား

၃။ မဟာမြတ်မုနိဘုရားအား ယနေ့ဖူးမြှော်ခွင့်ပြု၊ ဥပုသ်နေ့တိုင်း ဖူးမြှော်နိုင်ရန်ဆောင်ရွက်နေ

၄။ အခွန်စည်းကြပ်မှုလျှော့ပေါ့ကြောင်း ကြေညာပြီးနောက် တရုတ်မှကုန်ပစ္စည်းများအမေရိကန်မှာယူမှုပြန်လည်မြင့်တက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

"Magical Moe" is a deeply emotional love story, beautifully woven with soul-stirring songs that leave a lasting impression. Adapted by the renowned female author Loon Htar Htar, it captivates readers with its heartfelt narrative and musical charm.

The film “Magical Moe“ is produced by Frenzo Production, which proudly co-produced the 2010 Best Film Award winner "Adam, Eve, and Dassa " and followed it with the 2020 Best Film Award-winning “Padauk Musical”.

Magical Moe is directed by Mee Pwar, who won the Best Film Director award for " Padauk Musical “.The cast includes Academy Award-winning actor Sai Sai Khem Leng, who received two Academy Awards in 2020, along with May Toe Khine, Poe Mamhe Thar, Thein Lin Soe, Tayza Lin Young, Min Arkar, and Hein Thit Sa.

With a stellar cast and a visionary director, Magical Moe promises to redefine the standards of love stories in cinema brings passion, heartbreak, and music to life on the big screen.

Building on this tradition of excellence, they are devoted to making Magical Moe, highly anticipated 2025 release with an unforgettable cinematic masterpiece.

#MagicMoeFilm
#DirectorMeePwarr
#MayToeKhaing
#PoeMaMhiThar
#TheinLinSoe
#TayZarLinnYawn
#MinArKa
#HainThitZa
#SaiSaiKhamLai
#FrenzoProduction

အခုနှစ်ငါးလတာနီးပါးအတွင်း  စားအုန်းဆီတစ်ပိဿာ ကို  ၇၅၅ကျပ် အထိ ကျဆင်းလာတယ်လို့ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ထုတ်ပြန်တဲ့စာရင်းတွေအရ သိရပါတယ်။
#Local_News
Published 19 May 2025
#စားအုန်းဆီစျေးကျဆင်း #တင်သွင်းသိုလှောင်ဖြန့်ဖြူးခြင်းလုပ်ငန်း
#YMG/NN #Yangon_Times

ငလျင်ဒဏ်ကြောင့် ထိခိုက်ခဲ့တာတွေကိုပြန်လည်ပြုပြင်နေဆဲဖြစ်တဲ့ မန္တလေးမြို့ရှိ မဟာမြတ်မုနိရုပ်ရှင်တော်မြတ်ကို ဒီကနေ့ကနေ့ ဥပုသ်နေ့မှာ ဝင်ရောက်ဖူးမျှော်ခွင့်ပြုထားပြီး အပတ်စဉ်လည်း ဥပုသ်နေ့တိုင်း ဖူးမြှော်ခွင့်ပြုနိုင်ဖို့ဆက်လက် ဆောင်ရွက်နေတယ်လို့ မဟာမုနိဂေါပကအဖွဲ့က သိရပါတယ်။
#Local_News
Published 19 May 2025
#မဟာမြတ်မုနိဘုရား #ဥပုသ်နေ့တိုင်းဖူးမြှော်နိုင်
#YMG/NN #Yangon_Times