#Local_News
Published 17 May 2025
▪️ မြန်မာနိုင်ငံတော်ဗဟိုဘဏ်သည် ထိုင်းဘတ်၁သန်းကျော်နှင့်ဒေါ်လာ၃သိန်းကို ယမန်နေ့က ထုတ်ရောင်းခဲ့ကြောင်း သိရသည်။
▪️ ထိုသို့ရောင်းချရာတွင် ငွေလဲနှုန်း ၃၆၀၆ ကျပ်ဖြင့် အမေရိကန်ဒေါ်လာ သုံးသိန်းအပြင် ငွေလဲနှုန်း ၁၃၁.၇၈ ကျပ်နှင့် ထိုင်းဘတ် ၁.၆၀၂ သန်းလည်း ရောင်းပေးခဲ့ခြင်းဖြစ်သည်။
▪️ ၎င်းနေ့တစ်ရက်တည်းတွင် AD လိုင်စင်ရဘဏ်များနှင့် လုပ်ငန်းရှင်များ အကြား အမေရိကန်ဒေါ်လာ ၁၈.၀၁၉ သန်း၊ တရုတ်ယွမ် ၁.၁၉၈ သန်းနှင့် ထိုင်းဘတ် ၄၁.၁၄၃ သန်း အလွှဲအပြောင်းရှိခဲ့ကြောင်း သိရသည်။
▪️ မြန်မာနိုင်ငံတော်ဗဟိုဘဏ်သည် နိုင်ငံခြားငွေများကို အဆက်မပြတ် ထုတ်ရောင်းပေးလျှက်ရှိရာမေလ ၁၅ရက်ကလည်း ငွေလဲနှုန်း ၃၆၀၆ ကျပ်နှင့် အမေရိကန်ဒေါ်လာ ၁၃၈,၅၀၀ ၊ ငွေလဲနှုန်း ၁၃၁.၇၈ ကျပ်ဖြင့် ထိုင်းဘတ် ၃.၀၅၅ သန်းများကိုလည်းရောင်းပေးခဲ့ကြောင်း သိရသည်။
#YMG/NN #Yangon_Times
#World_News
Published 17 May 2025
▪️ လိင်စော်ကားမှုဖြင့် စွပ်စွဲခံနေရတဲ့ နိုင်ငံတကာရာဇဝတ်တရားရုံး(ICC) ရှေ့နေချုပ် ကာရင်ခန်းဟာ လုပ်ငန်းတာဝန်မှခေတ္တနားသည့် Administrative ခွင့်ပေးခံလိုက်ရကြောင်း ICC က သောကြောနေ့မှာ ကြေညာလိုက်ပါတယ်။
▪️ ကုလသမဂ္ဂလက စုံစမ်းစစ်ဆေးနေရာမှာ နောက်ဆုံးအဆင့်ရောက်နေပြီလို့ သိရပါတယ်။
▪️ အမည်မဖော်လိုတဲ့ အကြီးတန်းအရာရှိတစ်ဦးက ဒီအကြောင်းကို အတည်ပြုလိုက်ကာ ခန်းဟာ ပြီးခဲ့တဲ့နှစ် မေလတည်းက ဖိအားဒဏ်ခံနေရပြီး ICC ဆက်စပ်အဖွဲ့အစည်းတွေမှ ထိပ်သီးအရာရှိများက သူ့ကို ရာထူးမှဆင်းဖို့ တိုက်တွန်းခဲ့ကြတယ်လို့ ပြောပါတယ်။
▪️ "၂၀၂၅ မေလ ၁၆ ရက်နေ့မှာ ရှေ့နေချုပ်က Administrative ခွင့်ပေးမှုခံယူရန် ဆုံးဖြတ်လိုက်ကြောင်း အီးမေးလ်ဖြင့် ဆက်သွယ်ခဲ့တယ်" လို့ ဖင်လန်သံအမတ် ပိုင်ပီကော်ကိုရန်တာက ဖော်ပြထားပါတယ်။
▪️ ရှေ့နေချုပ်မရှိတဲ့အချိန်မှာ လက်ထောက်ရှေ့နေချုပ်များက ရှေ့နေရုံးကို ထိန်းသိမ်းကိုင်တွယ်သွားမှာ ဖြစ်တယ်လို့လည်း အီးမေးလဲထဲမှာ ပြောထားပါတယ်။
▪️ လူ့အခွင့်အရေးဆိုင်ရာ နိုင်ငံတကာဖက်ဒရေးရှင်းက ခန်းရဲ့ဆုံးဖြတ်ချက်ကို ကြိုဆိုလိုက်ပြီး ဒါဟာ တာဝန်ခံရမယ့် တစ်ခုတည်းသောဆုံးဖြတ်ချက်ဖြစ်ကာ တရားရုံးတော်ရဲ့ ဂုဏ်သိက္ခာကိုကာကွယ်ဖို့ အရေးကြီးကြောင်း ပြောထားပါတယ်။
▪️ ခန်းရဲ့အလုပ်လက်ထောက်ဖြစ်ခဲ့ဖူးတဲ့ မလေးရှားမှ အသက် ၃၀ ဝန်းကျင် အမျိုးသမီးရှေ့နေက ခန်းကို စွပ်စွဲတဲ့အကြောင်းတွေကို Wall Street ဂျာနယ်က ပြီးခဲ့တဲ့သီတင်းပတ်အတွင်း ဖော်ပြခဲ့ပါတယ်။
▪️ ကုလအရာရှိများထံ သူမပေးအပ်ခဲ့တဲ့ သက်သေထွက်ဆိုချက်စာတမ်းအရဆိုရင် နယူးယော့ခ်၊ ကိုလံဘီယာ၊ ကွန်ဂို၊ ချက်ဒ်၊ ပဲရစ်တို့ကို အလုပ်ခရီးသွားစဉ်အချိန်တွေနဲ့ ဟိဂ်မြို့ရှိ ခန်းရဲ့ဇနီးဖြစ်သူပိုင်ဆိုင်တဲ့ နေအိမ်မှာရှိချိန်တို့မှာ အတင်းအဓမ္မ လိင်မှုပြုကျင့်ခိုင်းတယ်လို့ စွပ်စွဲထားပြီး ဒါကို ခန်းက ငြင်းဆန်ထားပါတယ်။
▪️ ခန်းရဲ့ရှေ့နေတွေကတော့ လိင်မှုစော်ကားတာမျိုး ပြုခဲ့တယ်ဆိုတာ မှန်ကန်ခြင်းမရှိဘူးလို့ ငြင်းဆိုထားပါတယ်။
▪️ စာတမ်းအရ ခန်းဟာ လပေါင်းများစွာတိုင်အောင် အလိုမတူ လိင်ပိုင်းဆိုင်ရာထိတွေ့မှုများ အစပြုခဲ့ပြီး နောက်ဆုံးမှာ အတင်းအကြပ် လိင်မှုပြုကျင့်စေကြောင်း၊ ဒီအလုပ်မှာ ဆက်နေရတဲ့အကြောင်းအရင်းက ကမ္ဘာပေါ်က အကြီးမားဆုံး လူ့အခွင့်အရေးအဖွဲ့အစည်းတစ်ခုကနေ အလုပ်မထွက်လိုတာကြောင့်နဲ့ လစာမရရှိပါက မိခင်ဖြစ်သူ ကင်ဆာကုသနေရတဲ့ ဆေးရုံစရိတ်တွေ မပေးနိုင်မှာစိုးတဲ့အတွက်ကြောင့် ဖြစ်ကြောင်း မလေးရှားမှ တရားလိုရှေ့နေက ကုလသမဂ္ဂစုံစမ်းစစ်ဆေးသူများထံ ထွက်ဆိုထားပါတယ်။
▪️ အတွင်းရေးသုံးသပ်စစ်ဆေးမှု လုပ်ပြီးချိန်မှာ သောကြာနေ့က တရားရုံးကနေ အခုလို ထုတ်ပြန်ကြေညာလာတာ ဖြစ်ပါတယ်။
#Source: NPR
#Local_News
Published 17 May 2025
▪️ မန္တလေးငလျင်ကြီး ကြောင့်ပြိုကျခဲ့ရသည့်မန္တလေးမြို့ Sky Villa အဆောက်အဦရှိ မီးခံသေတ္တာအတွင်းမှ ဘဏ်စာအုပ် ၃၁ အုပ်အပါအဝင် ရွှေတုံးနှင့်လက်ဝတ်ရတနာများအားပိုင်ရှင်ထံပြန်ပေးအပ်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
▪️ မေ၁၆ ရက်နေ့တွင် မြန်မာနိုင်ငံမီးသတ်တပ်ဖွဲ့မှ ယန္တရားများနှင့်အတူ ရုပ်အလောင်းကျန်ရှိနေသော မန္တလေးမြို့ Sky Villa အဆောက်အဦ (B)အဆောင်နှင့် (C) အဆောင်များအား ဖယ်ရှားရှင်းလင်းခြင်းနှင့် ရုပ်အလောင်းထုတ်ယူနိုင်ရေးဆောင်ရွက်ရာတွင် B ဆောင် အခန်းအမှတ် (14)မှ တွေ့ရှိခဲ့ခြင်းဖြစ်သည်။
▪️ အဆိုပါ မီးခံသေတ္တာအတွင်းမှ ထွက်ရှိလာသည့် အရေးကြီးစာရွက်စာတမ်းဖိုင် (၂၃)ဖိုင်၊ ဘဏ်စာအုပ်(၃၁)အုပ်၊ ရွှေဆွဲကြိုး(၁၅)ကုံး၊ ရွှေလက်ကောက် (၁၂)ကွင်း၊ ရွှေဟန်းချိန်း(၁၁)ကုံး၊ ရွှေလက်စွပ်(၂၅)ကွင်း၊ ရွှေဆွဲသီး(၂၁)ခု၊ ရွှေနားကပ်(၁၅)ရံ၊ (၁)ကျပ်သားရွှေတုံး(၁၀)တုံး၊ 0.2g ရွှေပြား(၆)ပြား၊ ရွှေတွယ်ချိတ်(၃)ခု ထုတ်ယူရရှိမှုအား ပိုင်ရှင်ဖြစ်သူထံသို့ ပစ္စည်းလက်ခံလွှဲပြောင်းရေးအဖွဲ့နှင့်အတူ လွှဲပြောင်းပေးအပ်ခဲ့ကြောင်း သိရသည်။
▪️ ယင်းနေ့တစ်ရက်တည်းမှာပင် ၁၆ ရက်နေ့တွင် Sky Villa အဆောက်အဦ C ဆောင် အခန်းအမှတ် M-10 မှ တွေ့ရှိသော US ဒေါ်လာ (၁၀၀)တန် (၈)ရွက်၊ ၁ဒေါ်လာ (၁)ရွက်၊ ယူပီ(၅၀၀)တန်(၁၈)ရွက်၊ ရွှေနားကပ်(၄)ရံ၊ ကျောက်ပါရွှေဆွဲသီး(၁)ခု၊ ရွှေဆွဲသီး(၂)ခု၊ ရွှေလက်စွပ်(၂)ကွင်း၊ ရွှေဆွဲကြိုး (၁)ကုံး၊ ဖန်စီလက်ဝတ်လက်စား (၁)အိတ်၊ Shashi Bushan အမည်ပါစာရွက်စာတမ်းများ၊ Shashi Bushan အမည်ပါ passport (၂)အုပ်၊ Cosmatic ပစ္စည်းများအား ပစ္စည်းလက်ခံလွှဲပြောင်းရေးအဖွဲ့နှင့်အတူ ပိုင်ရှင်ဖြစ်သူ၏ ကိုယ်စားလှယ်ထံသို့ လွှဲပြောင်းပေးအပ်ခဲ့ကြောင်း သိရသည်။
▪️ ထို့အပြင် ယင်းနေ့ ညနေ ၅နာရီ၅၅မိနစ် အချိန်တွင် C ဆောင် အခန်းအမှတ် M2 မှ ကျား(၁)ဦး၏ ရုပ်အလောင်းအား ထုတ်ယူနိုင်ခဲ့ကြောင်း သိရသည်။
#YMG/NN #Yangon_Times
#World_Health
Published 17 May 2025
▪️ ငှက်ပျောသီးစားပေးသင့်တဲ့ အကြောင်းအရင်းများစွာရှိတဲ့ထဲမှာ သွေးပေါင်ချိန်ထိန်းပေးတဲ့ ပိုတက်ဆီယံ၊ အစာခြေခြင်းကို ကူညီပေးတဲ့ အမျှင်ဓာတ်တို့ပါဝင်ပြီး စွမ်းအင်အဖြစ်အသုံးပြုတဲ့ သဘာဝကာဗိုဟိုက်ဒရိတ်တို့ကို မြှင့်တင်ပေးပါတယ်။
▪️ ဒါပေမဲ့ ငှက်ပျောသီးဟာ ရင့်မှည့်မှုအနေအထား ၇ မျိုးပေါ်မူတည်ပြီး အာဟာရတန်ဖိုး ကွဲပြားပါတယ်။
▪️ (၁) လုံးဝအစိမ်းရောင် - ဒီအဆင့်မှာ ကစီဓာတ်မြင့်မားစွာ ပါဝင်ပြီး အစာကြေညက်ရန် အချိန်ကြာမြင့်ကာ သွေးတွင်းသကြားဓာတ် မြန်မြန်ဆန်ဆန် မတက်စေဘဲ ဆာလောင်စိတ်ကို ကြာရှည်ထိန်းချုပ်စေနိုင်ပါတယ်။
▪️ (၂) အဝါရောင်အနည်းငယ်ပါသည့်အစိမ်းသီး - ကစီဓာတ်တွေက သကြားအဖြစ်ပြောင်းလဲလာကာ ပိုချိုလာစေပြီး အမျှင်ဓာတ်ကြွယ်ဝနေသလို သကြားဓာတ်နည်းပါးသေးတာကြောင့် အမျှတဆုံးအဆင့်ဖြစ်ပါတယ်။
▪️ (၃) အဝါထက်အစိမ်းပိုများသည့်အဆင့် - မမှည့်သေးတဲ့အသီးတွေထက် အစာခြေရန်လွယ်ကူပြီး သကြားဓာတ်ကို ပိုမိုစုပ်ယူအသုံးချနိုင်ပါတယ်။
▪️ (၄) အစိမ်းထက်အဝါပိုများသည့်အဆင့် - ပိုတက်ဆီယံ၊ ဗိုက်တာမင်-ဘီ၆၊ ဗိုက်တာမင်-အေတို့ ကြွယ်ဝသလို ဓာတ်တိုးဆန့်ကျင်ပစ္စည်း တိုးများစေသဖြင့် နှလုံးကျန်းမာရေး ကောင်းမွန်စေဖို့နဲ့ ဆက်စပ်နေပါတယ်။
▪️ (၅) ထိပ်ပိုင်းစိမ်းနေသည့်အဝါအဆင့် - အသီးအနှံသယ်ယူပို့ဆောင်တဲ့ FruitGuys ကုမ္ပဏီက ဒီအဆင့် ၅ ငှက်ပျောသီးတွေဟာ ပို့ဆောင်လို့ အကောင်းဆုံးအဆင့်ဖြစ်ပြီး ၁ ရက် ၂ ရက်အတွင်း လုံးဝမှည့်တော့မှာ ဖြစ်တဲ့အပြင် ခွန်အားနဲ့ အမျှင်ဓာတ်မျှတစွာ ပေးစွမ်းပါတယ်။
▪️ (၆) လုံးဝအဝါရောင် - ဓာတ်တိုးဆန့်ကျင်ပစ္စည်းနဲ့ အမျှင်ဓာတ် ပြည့်ဝနေသဖြင့် ကိုယ်ခံအားစနစ်နဲ့ အစာခြေခြင်းကို မြှင့်တင်ပေးတဲ့အပြင် သဘာဝအတိုင်း ချိုမြနေသလို မုန့်ပြုလုပ်ခြင်း၊ ဖျော်သောက်ခြင်းအတွက်လည်း သင့်လျော်ပါတယ်။
▪️ (၇) အညိုရောင်အစက်ပြောက်ပါသည့်အဝါ - အမှည့်လွန်ငှက်ပျောသီးက အချိုဆုံးနဲ့ အစာခြေရအလွယ်ကူဆုံးဖြစ်ကာ အာဟာရဓာတ် အနည်းငယ်လျော့နည်းသွားပေမယ့် ခွန်အားနဲ့ ပိုတက်ဆီယံကိုတော့ ပေးစွမ်းနိုင်ပါသေးတယ်။
#Source: New York Post
Nay Pyi Taw, May 16, 2025 — Myanmar authorities have arrested 26 individuals, including five members of the Arakan Army (AA) insurgent group’s logistics team, in connection with a large-scale drug trafficking operation. The suspects were found in possession of a massive consignment of narcotics valued at more than 282.325 billion Kyats, equivalent to approximately USD 70.58 million, based on prevailing market exchange rates.
According to a press release issued by the State Administration Council (SAC), law enforcement officials seized a total of 4,093 kilograms of ICE (methamphetamine) and 3,000 kilograms of ketamine. The narcotics were destined for Malaysia and were intercepted in two separate maritime operations conducted on April 26 and 27. One group of suspects was arrested aboard a vessel named “Ahman Thit”, located approximately 60 nautical miles southwest of Pyapon in the Ayeyarwady Region. The second operation resulted in the arrest of another group on board a cargo ship about 180 nautical miles west of Kawthaung in the Tanintharyi Region.
Among the individuals apprehended were logistics officers and members of the AA insurgent group. The SAC identified five key figures: Nay Paing Lin (also known as Aung Naing Kywel, age 34), who served as a logistics officer; Nay Myint Tun (also known as Pyae Sone or Lu Gyi, age 41), the deputy logistics officer; Paing Paing Htwe (also known as Aung Naing Htwe, Aung Naing Thu, or Paing Paing, age 26); Naw Naw, age 24; and Ko Ko Oo, age 58. All five were identified as part of the AA's logistics network.
During interrogations, the suspects reportedly admitted that the narcotics had been procured from two individuals: Ko Saing and Ko Tayoke (also known as Saing Aung Lu), both of whom are from Wan Hine Village in Kyethi Township, Loilem District, Southern Shan State. The shipment was said to have been purchased with the intent of transporting the drugs to Malaysia for distribution.
#ymg/knl
တရုတ်နဲ့ ဗီယက်နမ်နိုင်ငံကြား နိုင်ငံတကာ သယ်ယူပို့ဆောင်ရေးလမ်းကြောင်းသစ် ဖွင့်လှစ်လိုက်ပြီဖြစ်ကာ တရုတ်တောင်ပိုင်း ကွမ်ရှီကျွမ်းဒေသ နန်နင်မြို့နဲ့ တရုတ်အနောက်တောင်ပိုင်း ယူနန်ဒေသ ကူမင်မြို့တို့ကနေ စတင်ကာ ဗီယက်နမ်မြို့တော်ဟနွိုင်းအထိ ဖြစ်ပါတယ်။
#Asia_Industry
Published 16 May 2025
#တရုတ်နှင့်ဗီယက်နမ်ကုန်းတွင်းပိုင်း #ပို့ဆောင်ရေးလမ်းမသစ်ကြီးဖွင့်လှစ်
#YMG #Yangon_Times #Yangon_Media_Group
#Daily_News
Published 16 May 2025
၁။ ငလျင်ဘေးသင့်ဒေသများတွင် သန့်ရှင်းသောသောက်သုံးရေ ရရှိရေးရေသန့်စင်စက်များတပ်ဆင်
၂။ ကျိုက်ထီးရိုးစေတီတော်သို့ ဘုရားဖူးဧည့်သည် ၁ သန်းကျော်လာရောက်ပြီးပြည်ပဘုရားဖူးများတွင် ထိုင်းမှ အများဆုံးလာရောက်ဖူးမျှော်
၃။ ငလျင်ဘေးသင့်ဒေသမှ မသန်စွမ်းသူများအား ဆက်လက်ထောက်ပံ့သွားမည်
၄။ တရုတ်နှင့်ဗီယက်နမ်ကုန်းတွင်းပိုင်းအထိ တိုက်ရိုက်ချိတ်ဆက်ထားသော ပထမဆုံးကုန်းကြောင်း ပို့ဆောင်ရေးလမ်းမသစ်ကြီးဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
#Local_News
Published 16 May 2025
နေပြည်တော်ကို Clean City ၊ Green City ၊ Smart City ဖြစ်စေရေး ဆောင်ရွက် လျက်ရှိ နေပြည်တော်မြို့ပြစီမံကိန်းရေးဆွဲရေး မေလ ၁၅ ရက် မွန်းလွဲပိုင်းက နေပြည်တော်စည်ပင်သာယာရေးကော်မတီ၊ မြို့တော်ဝန်ရုံးအစည်းအဝေးခန်းမ၌ပြုလုပ်ခဲ့ကြောင်း သိရသည်။
အဆိုပါအစည်းအဝေးသို့ နေပြည်တော်စည်ပင်သာယာရေးကော်မတီ ဥက္ကဋ္ဌ၊ မြို့တော်ဝန် ဦးသန်းထွန်းဦး၊ ဒုတိယမြို့တော်ဝန် ဦးမောင်မောင်၊ ကော်မတီဝင်များ၊ တွဲဖက်အတွင်းရေးမှူးနှင့် ဌာနကြီးမှူးများ၊ သက်ဆိုင်ရာဌာနမှူးများ၊ ဆောက်လုပ်ရေးဝန်ကြီးဌာန (မြို့ပြနှင့်အိမ်ရာဖွံ့ဖြိုးရေးဦးစီးဌာန)မှ တာဝန်ရှိသူများ တက်ရောက်ကြပြီး မြို့တော်ဝန်က အမှာစကားပြောကြားခဲ့ကြောင်း သိရသည်။
မြို့ပြစီမံကိန်းရေးဆွဲရာ၌ ငလျင်ဒဏ်ကြောင့် ထိခိုက်ပျက်စီးခဲ့သော အဆောက် အဦများ ပြန်လည်ဆောက်လုပ်နိုင်ရေးနှင့် အခြားမြို့ပြအင်္ဂါရပ်ဆိုင်ရာ အချက်အလက်များ ပြည့်စုံစွာပါဝင်ရေး၊ နေပြည်တော်ကို Clean City ၊ Green City ၊ Smart City ဖြစ်စေရေး ဆောင်ရွက်လျက်ရှိခြင်းကြောင့် မြို့တွင်းလမ်းများ စနစ်တကျ ဖောက်လုပ်နိုင်ရေး၊ သစ်ပင်/ပန်းမံများ လှပဝေဆာစွာ စိုက်ပျိုးနိုင်ရေးနှင့် ရေစီးရေလာကောင်းမွန်စေရေး စသည်တို့ကို ထည့်သွင်း စီမံရေးဆွဲရန်၊ အဆောက်အဦများဆောက်လုပ်ရာတွင် ဆောက် လုပ်ရေးဝန်ကြီးဌာနမှ ထုတ်ပြန်ထားသော Standard Operating Procedure (SOP)နှင့်အညီ ဆောင်ရွက်ရန်၊ နေပြည်တော် မြို့ပြဖွံဖြိုးရေး စီမံကိန်းရေးဆွဲရာတွင် သက်ဆိုင်ရာပညာရှင်များနှင့် ကျယ်ကျယ်ပြန့်ပြန့် ဆွေးနွေးတိုင်ပင်၍ ပြည့်စုံစွာရေးဆွဲ အကောင်အထည်ဖော် ဆောင်ရွက်ရန်တို့ကို မြို့တော်ဝန် ဦးသန်းထွန်းဦးက ပြောကြားခဲ့ကြောင်း သိရသည်။
ထို့ပြင် ငလျင်ဒဏ်ကြောင့် ထိခိုက်ပျက်စီးခဲ့သည့် ဝန်ကြီးဌာနရုံးများနှင့် နိုင်ငံဝန်ထမ်းအိမ်ရာများအား ပြန်လည်နေရာချထားရေး အဆိုပြုစီမံချက် နှင့် နေပြည်တော် မြို့ပြဖွံ့ဖြိုးရေးစီမံကိန်းရေးဆွဲထားရှိမှုများကို ဆွေးနွေးခဲ့ကြောင်း သိရသည်။
#YMG/SW #Yangon_Times
ပြီးခဲ့တဲ့ အပတ်က စတင်ကျဆင်းလာတဲ့ ရန်ကုန်အထိုင်စက်သုံးဆီဈေးနှုန်းတွေဟာ အခုတစ်ပတ်မှာလည်း ထပ်မံကျဆင်းလာပြီး နှစ်ပတ်တာအတွင်း တစ်လီတာကို ၁၃၀ ကျပ်ကနေ၂၀၀ကျပ် အတွင်း ထပ်မံကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက သိရပါတယ်။
#Local_News
Published 16 May 2025
#စက်သုံးဆီဈေးထပ်ကျ #ရန်ကုန်အထိုင်စက်သုံးဆီဈေးနှုန်း
#YMG/NN #Yangon_Times
ငလျင်သင့်ဒေသမှ မသန်စွမ်းအဖွဲ့ဝင်တွေကို ဆက်လက်ထောက်ပံ့ပေးသွားမယ်လို့ ရွှေမင်းသားဖောင်ဒေးရှင်း (မြန်မာ)က အသိပေးထားပါတယ်။
#Local_News
Published 16 May 2025
#မသန်စွမ်းသူများ #ဆက်လက်ထောက်ပံ့သွား
#YMG/SW #Yangon_Times
မွန်ပြည်နယ်ရှိ ဆံတော်ရှင်ကျိုက်ထီးရိုးစေတီတော်မြတ်ကြီးသို့ ဗုဒ္ဓပူဇနိယပွဲတော် ခုနစ်လတာအတွင်း ပြည်တွင်း/ပြည်ပ ဘုရားဖူးခရီးသွား ၁ သန်းကျော် လာရောက်ဖူးမြော်ခဲ့ပြီး လာရောက်ကြတဲ့ ပြည်ပဘုရားဖူးတွေမှာတော့ ထိုင်းနိုင်ငံက အများဆုံးလာရောက်ဖူးမျှော်ခဲ့တယ်လို့ ဘဏ္ဍာတော်ထိန်း ဂေါပကအဖွဲ့က သိရပါတယ်။
#Local_News
Published 16 May 2025
#ဆံတော်ရှင်ကျိုက်ထီးရိုးစေတီ #ထိုင်းမှအများဆုံးလာရောက်ဖူးမျှော်
#YMG/NN #Yangon_Times
ငလျင်ဘေးသင့်ဒေသတွေမှာ သန့်ရှင်းတဲ့သောက်သုံးရေရရှိစေဖို့အတွက် ကမ္ဘာ့ကျန်းမာရေးအဖွဲ့(WHO)က ၎င်းရဲ့မိတ်ဖက်အဖွဲ့အစည်းတွေရဲ့ ပံ့ပိုးကူညီမှုနဲ့ရေသန့်စင်စက်တွေ တပ်ဆင်ပေးခဲ့တယ်လို့ သိရပါတယ်။
#Local_News
Published 16 May 2025
#သန့်ရှင်းသောသောက်သုံးရေ #ကမ္ဘာ့ကျန်းမာရေးအဖွဲ့
#YMG/SW #Yangon_Times
Page 214 of 1859
