#World_Health
Published 22 January 2026

■ လူပျိုဖော်ဝင်စ အရွယ်ရောက်ချိန်မှာ ခန္ဓာကိုယ်ထဲ ဇီဝကမ္မဖြစ်စဉ်တွေ၊ စိတ်ခံစားချက်ပိုင်း၊ ဟော်မုန်း၊ စိတ်ကျန်းမာရေးအခြေအနေတို့ များစွာ အပြောင်းအလဲဖြစ်တာကြောင့် ခန့်မှန်းရခက်ပါတယ်။

■ အက်စတာဝှိုက်ဖီးလ်ဆေးရုံမှ ကလေးအထူးကု ဒေါက်တာ ဂျိုသီရက်ဂ်ဟူရမ်က "အသက် ၁၁ နှစ်အရွယ်မှာ အရွယ်ရောက်တာဟာ သာမန်အသက်အပိုင်းအခြားအတွင်း ရှိနေတယ်" လို့ ဆိုပါတယ်။

■ ပြီးခဲ့တဲ့ ဆယ်စုနှစ်တွေအတွင်းမှာတော့ ကမ္ဘာတဝှမ်း ကလေးတွေ အရွယ်ရောက်တဲ့အချိန် တဖြည်းဖြည်း စောစောလာတယ်လို့ တွေ့ရှိခဲ့ပါတယ်။

■ မိန်းကလေးတွေမှာ ပထမဆုံး အပျိုဖော်ဝင်စလက္ခဏာက ရင်သားဖွံ့ဖြိုးမှုဖြစ်ပြီး ၉ နှစ်မှ ၁၃ နှစ်အတွင်း ဖြစ်တတ်ကြပါတယ်။

■ ဒါကြောင့် ၁၁ နှစ်ဆိုတာ ဒီအသက်အပိုင်းအခြားအတွင်း ကြားထဲမှာရှိနေပါတယ်။

■ ယောက်ျားလေးတွေမှာ အနည်းငယ် နောက်ကျတတ်ပြီး အသက် ၁၀ နှစ်မှ ၁၄ နှစ်ကြား လူပျိုဖော်ဝင်တတ်ကာ အဓိကစိုးရိမ်စရာက အသက်အရွယ်မဟုတ်ဘဲ ဖွံ့ဖြိုးမှုအဆင့်က ရင့်ကျက်မှုနဲ့အညီ ဖြစ်ဖို့ပါပဲလို့ ပြောပါတယ်။

■ မိန်းကလေးမှာ ၈ နှစ်ထက်စောခြင်း၊ ယောက်ျားလေးမှာ ၉ နှစ်ထက်စောခြင်းတို့ကတော့ ဟော်မုန်းမညီမျှခြင်း၊ ဗဟိုအာရုံကြောစနစ်ဖြစ်စဉ်များနဲ့ အခြားသောကိုယ်တွင်းပြဿနာများကြောင့် ဖြစ်နိုင်ပါတယ်။

■ အရွယ်ရောက်ချိန်က အချက်အလက်အများကြီးအပေါ် မူတည်ပြီး မျိုးရိုးဗီဇ၊ အစားအသောက်၊ ခန္ဓာကိုယ် ဖွဲ့စည်းပုံ၊ နာတာရှည်ဖျားနာခြင်း၊ လှုပ်ရှားမှုပြင်းထန်ခြင်း၊ ဖိစီးမှု စတဲ့အချက်တွေက သက်ရောက်နေနိုင်ပါတယ်။

■ အသက် ၁၁ နှစ်အရွယ်လောက်မှာ အရွယ်ရောက်တဲ့ ကလေးအများစုက ရေရှည်ကျန်းမာရေးပြဿနာများ မခံစားရတတ်ဘဲ သူများတွေထက် စောစီးစွာ အရွယ်ရောက်သူတွေကတော့ ပူပန်ခြင်း၊ အရှုံးပေးတတ်ခြင်းတို့ ခံစားရတတ်ပါတယ်။

Source: Indian Express

ဆူဒန်မှာ စွမ်းအင်ပြဿနာ ပိုမိုဆိုးရွားလာခြင်းရဲ့ သက်ရောက်မှု ကြုံတွေ့နေရပြီး ပဋိပက္ခတွေ သုံးနှစ်နီးပါးဖြစ်နေတာကြောင့် ရေနံမြေတွေ ပိတ်သိမ်းထားရကာ ရေနံချက်စက်ရုံတွေ မလည်ပတ်ဘဲရှိနေပါတယ်။

#World_Crisis
Published 21 January 2025
#ဆူဒန် #ရေနံချက်စက်ရုံ
#YMG #Yangon_Times #Yangon_Media_Group

ရန်ကုန်မြို့ရှိ တိရစ္ဆာန်ဥယျာဥ် ရဲ့(၁၂၀)နှစ်ပြည့်မြောက်အထိမ်းအမှတ်ပွဲတော်ကို ဇန်နဝါရီလ (၃၁) ရက်နေ့ကနေစတင်ပြီးငါးရက်တိုင်တိုင် ကျင်းပသွားမယ်လို့ သိရပါတယ်။

#Local_News
Published 21 January 2025
#တိရစ္ဆာန်ဥယျာဥ် #ရန်ကုန်မြို့
#YMG/NN #Yangon_Times

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီအနေနဲ့ကျပ်သန်းပေါင်း၉၅၀၀ကျော်နဲ့ အမေရိကန်ဒေါ်လာ သုညဒဿမ ခုနစ်သန်း‌ကျော်တန်ဖိုးရှိ ရင်းနှီးမြုပ်နှံမှုလုပ်ငန်းများကို လုပ်ကိုင်ခွင့်ပြုခဲ့တယ်လို့သိရပါတယ်။

#Local_News
Published 30 January 2026
#ရန်ကုန်တိုင်းဒေသကြီး #ရင်းနှီးမြှုပ်နှံမှုကော်မတီ
#YMG/SW #Yangon_Times

မြန်မာ့စိုက်ပျိုးရေးထွက်ကုန်များ အိန္ဒိယနိုင်ငံသို့ ပိုမိုတိုးမြှင့်တင်ပို့နိုင်ရေးအတွက် နှစ်နိုင်ငံတာဝန်ရှိသူများ တွေ့ဆုံဆွေးနွေးခဲ့တယ်လို့သိရပါတယ်။

#Local_News
Published 21 January 2025
#အိန္ဒိယနိုင်ငံ #မြန်မာ့စိုက်ပျိုးရေးထွက်ကုန်
#YMG/SW #Yangon_Times

လာနီညာဖြစ်စဥ်ကြောင့် ဒေသအချို့မှာ ညအပူချိန်များ လျော့နည်းနိုင်တာ ၊ အချိန်အခါမဟုတ် မိုးရွာသွန်းမှုဖြစ်စဉ်တွေ ပိုမိုဖြစ်ပေါ်လာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ၂၀၂၆ ခုနှစ်၊ ဇန်နဝါရီလ တတိယ(၁၀)ရက်ပတ်အတွင်းဖြစ်ပေါ်နိုင်တဲ့ လာနီညာအခြေအနေသတင်းထုတ်ပြန်ချက်အရသိရပါတယ်။

#Local_News
Published 21 January 2025
#လာနီညာ #မိုး
#YMG/NN #Yangon_Times

ရှမ်းပြည်နယ်(တောင်ပိုင်း)အင်းလေးဒေသရှိ ရိုးရာခြေတံရှည်အိမ်များ ပြုပြင်ထိမ်းသိမ်းနိုင်ဖို့အတွက် မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်းချုပ် (𝐌𝐂𝐄𝐅) နည်းပညာဖွံဖြိုးတိုးတက်ရေး ကော်မတီမှ ကြီးမှူးကာသင်တန်းပို့ချပေးလျှက်ရှိတယ်လို့သိရပါတယ်။

#Local_News
Published 21 January 2025
#အင်းလေးဒေသ #𝐌𝐂𝐄𝐅
#YMG/SW #Yangon_Times

#Daily_News
Published 21 January 2025

၁။‌ ‎ရန်ကုန်တိရစ္ဆာန်ဥယျာဥ်၏ (၁၂၀) နှစ်ပြည့်မြောက်အထိမ်းအမှတ်ပွဲတော်ကျင်းပမည်

‎‎၂။ ‌‌‌‌‌‌‌‌‌‌‌‎‎‎‎‎‎မြန်မာ့စိုက်ပျိုးရေးထွက်ကုန်များ အိန္ဒိယနိုင်ငံသို့ ပိုမိုတိုးမြှင့်တင်ပို့နိုင်ရေး နှစ်နိုင်ငံဆွေးနွေး
‎
‎‎၃။‌‌‎ ‌‌‌‌‌‌‌‌‌‎လာနီညာကြောင့် ညအပူချိန်များလျော့နည်းပြီး အချိန်အခါမဟုတ် မိုးရွာသွန်းမှုများပိုဖြစ်နိုင်
‎
‎‎‎၄။‎ ‌‌‌‌‌‌‌‌‌‎ဆူဒန်စစ်ရေးပဋိပက္ခများကြောင့် ရေနံမြေများပိတ်သိမ်းထားရကာစွမ်းအင်လောင်စာပြဿနာကြုံတွေ့ ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 21 January 2025

▪️ တရုတ်ပြည်သူ့ သမ္မတနိုင်ငံ မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၃) ၏ စီမံကိန်းအတွင်း၌ဆေးဖက်ဝင်မျိုးစိတ် ၁၅၀ ကို စုဆောင်းနိုင်ခဲ့ပြီး လက်ဖက်မျိုးစိတ်နှစ်မျိုးကိုလည်း မှတ်တမ်းအသစ်တင်နိုင်ခဲ့ကြောင်းသိရသည်။

▪️ အဆိုပါ မဲခေါင်-လန်ချန်း ပူးပေါင်းဆောင်ရွက်မှုဆိုင်ရာ အထူးရန်ပုံငွေအထောက်အပံ့ဖြင့် “မြန်မာနိုင်ငံ မဲခေါင်မြစ်ဝှမ်းဒေသအတွင်းရှိ သဘာဝဆေးဖက်ဝင်အပင် မျိုးစိတ်များ စဉ်ဆက်မပြတ်အသုံးပြုခြင်းနှင့် ထိန်းသိမ်းကာကွယ်ခြင်းစီမံကိန်း” ၏ စီမံကိန်းပြီးမြောက်ခြင်း အလုပ်ရုံဆွေးနွေးပွဲဖွင့်ပွဲအခမ်းအနားကို ယမာန်နေ့မနက်ပိုင်းက နေပြည်တော်ရှိ သစ်တောဦးစီးဌာန အင်ကြင်းခန်းမတွင် ကျင်းပသည်။

▪️ ဖွင့်ပွဲသို့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီ၊ ဒုတိယဝန်ကြီး ဦးမင်းသူ၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးမှ သံအမတ်ကြီးနှင့် တာဝန်ရှိသူများ၊ အမြဲတမ်းအတွင်းဝန်နှင့် ဌာနဆိုင်ရာတာဝန်ရှိသူများ၊ ဆက်စပ်ဌာနနှင့် အဖွဲ့အစည်းများမှ ကိုယ်စားလှယ်များ၊ စီမံကိန်းဒေသမှ ဌာနေတိုင်းရင်းဆေးဆရာများ တက်ရောက်ကြသည်။

▪️ ပြည်ထောင်စုဝန်ကြီး ဦးခင်မောင်ရီက ယခုစီမံကိန်းကို ရှမ်းပြည်နယ်အရှေ့ပိုင်း မဲခေါင်မြစ်ဝှမ်းဒေသတွင် စီမံကိန်းကာလနှစ်နှစ်ဖြင့် ဆောင်ရွက်ခဲ့ခြင်းဖြစ်ကြောင်း၊ စီမံကိန်းဒေသအတွင်းရှိ သဘာဝဆေးဖက်ဝင်အပင် မျိုးစုံမျိုးကွဲများအား စာရင်းကောက်ယူ၍ မျိုးခွဲစစ်ဆေးလေ့လာဖော်ထုတ်ခြင်း၊ ဌာနေတိုင်းရင်းသားများ လူမျိုးစုများ၏ ရိုးရာဓလေ့ထုံးတမ်းအစဉ်အလာအရ အသုံးပြုသောအပင်များအား လေ့လာဖော်ထုတ်ပြီး အပင်မျိုးစိတ်များ၏ ဓာတုဒြပ်ပေါင်းပါဝင်မှုကို သိပ္ပံနည်းကျစမ်းသပ်လေ့လာခြင်းများ ဆောင်ရွက်ခဲ့ကြောင်း၊ စီမံကိန်းဒေသမှ ဆေးဖက်ဝင်မျိုးစိတ် ၁၅၀ ကို စုဆောင်းနိုင်ခဲ့ပြီး ထူးခြားဂုဏ်သတ္တိရှိ ဓာတုဒြပ်ပေါင်းများပါဝင်မှုကို ဓာတ်ခွဲစမ်းသပ်ခဲ့ကြောင်း၊ အဆိုပါမျိုးစိတ်များတွင် အပင်မျိုးစိတ် ၁၆ မျိုးကို မြန်မာနိုင်ငံအတွက် အပင်မျိုးစိတ်မှတ်တမ်းအသစ်အဖြစ် လေ့လာဖော်ထုတ်မှတ်တမ်းတင်နိုင်ခဲ့ကြောင်း။

▪️ အလားတူ လက်ဖက်မျိုးစိတ်နှစ်မျိုးအား မှတ်တမ်းအသစ်တင်နိုင်ခဲ့ပြီး ဓာတ်ခွဲစမ်းသပ်ချက်များအရ ရောဂါအမျိုးမျိုးကုသနိုင်သော ထူးခြားဂုဏ်သတ္တိရှိသည့် ဓာတုဒြပ်ပေါင်းများ ပါဝင်နေသည်ကို လေ့လာဖော်ထုတ်နိုင်ခဲ့ကြောင်း၊ စီမံကိန်းရလဒ်အနေဖြင့် ဆေးဖက်ဝင်အပင်များ၏ ဂုဏ်သတ္တိဆိုင်ရာ နည်းပညာဗဟုသုတများကို မြှင့်တင်ပေးသည့်အပြင် နောင်အနာဂတ်ဆေးဝါးသစ်များ ထုတ်လုပ်မှုဖွံ့ဖြိုးတိုးတက်ရေးအတွက် အရေးပါသောအချက်အလက်များ ပံ့ပိုးပေးနိုင်မည်ဖြစ်ကြောင်း၊ စီမံကိန်းသုတေသနရလဒ်အဖြစ် “Medicinal Plants of Mekong Region in Myan-mar” ဆေးဖက်ဝင်အပင်စာအုပ် ထုတ်ဝေသွားမည်ဖြစ်ကြောင်း၊ ယခုစီမံကိန်းသည် မြန်မာနိုင်ငံနှင့် မဲခေါင်ဒေသအတွက် ရလဒ်ကောင်းများ ရရှိစေပြီး ရုက္ခဗေဒအချက်အလက်နှင့် အသုံးချဇီဝဗေဒသိပ္ပံဆောင်ရွက်နေသော နယ်ပယ်အသီးသီးအတွက်လည်း အထောက်အကူပြုနိုင်မည်ဖြစ်ကြောင်း ပြောကြားသည်။

▪️ ဆက်လက်၍ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီးက မဲခေါင်မြစ်ဝှမ်းဒေသ၏ အရေးပါပုံနှင့် တရုတ်-မြန်မာ ပူးပေါင်းဆောင်ရွက်မှု အခန်းကဏ္ဍအားပြောကြားပြီး စီမံကိန်းကာလအတွင်း ဆောင်ရွက်ချက်များအား Video Clip ပြသသည်။ ထို့နောက် ပြည်ထောင်စုဝန်ကြီးနှင့် ဧည့်သည်တော်များက ခင်းကျင်းပြသထားမှုနှင့် ပိုစတာများအား လှည့်လည်ကြည့်ရှုရာ တာဝန်ရှိသူများကရှင်းလင်းတင်ပြကြသည်။

▪️ ယင်းနောက် အလုပ်ရုံဆွေးနွေးပွဲကို ဆက်လက်ကျင်းပရာ တက်ရောက်လာသူများက မဲခေါင်မြစ်ဝှမ်းဒေသရှိ ဆေးဖက်ဝင်အပင်မျိုးစိတ်များ၊ လက်ဖက်မျိုးစိတ်များနှင့် မှတ်တမ်းအသစ်မျိုးစိတ်များ၊ ရိုးရာဓလေ့ဆေးဖက်အသုံးပြုမှုနှင့် သိပ္ပံနည်းကျဓာတ်ခွဲစမ်းသပ်ခြင်းမှ တွေ့ရှိချက်များကို နှိုင်းယှဉ်လေ့လာခြင်းများနှင့်ပတ်သက်၍ ဆွေးနွေးအကြံပြုကြကြောင်း သိရသည်။

#YMG/NN #Yangon_Times

#Local_News
Published 21 January 2026

▪️ ရုပ်ရှင်သရုပ်ဆောင်သဉ္ဇာဝင့်ကျော်နှင့်အကအဖွဲ့ဝင်များအား ကမာရွတ်မြို့နယ်ရဲစခန်းမှ ရာဇသတ်ကြီးပုဒ်မ၂၉၄(က)/၁၄၄ဖြင့် အမှုဖွင့်လှစ်ထားကြောင်း သိရသည်။

▪️ ယခုလ ၁၅ရက်က ကမာရွတ်မြို့နယ်ရှိ နိုဗိုတယ်ဟိုတယ်တွင်ပြုလုပ်သော Cloud Seven Production & Entertainment Founder & CEO၏ မွေးနေ့ပွဲနှင့်ရုပ်ရှင်ဇာတ်ကားမိတ်ဆက်ပွဲ၌ ရုပ်ရှင်သရုပ်ဆောင်သဉ္ဇာဝင့်ကျော်နှင့်အကအဖွဲ့ဝင်များသည် မြန်မာ့ရိုးရာယဉ်ကျေးမှုနှင့် ဆန့်ကျင်၍ လိင်အသားပေးကပြ ဖျော်ဖြေခဲ့သောကြောင့် အမှုဖွင့်အရေးယူခြင်းဖြစ်ကြောင်း သိရသည်။

▪️ ထို့ပြင် အဆိုပါရုပ်ရှင်ဇာတ်ကားမိတ်ဆက်ပွဲ ပြုလုပ်ခြင်းအား ပွဲမိန့်ခွင့်ပြုချက်ရယူထားခြင်းမရှိကြောင်းလည်း သိရသည်။

▪️ သဉ္ဇာဝင့်ကျော်အား မြန်မာအမျိုးသမီးများစောင့်ထိန်းအပ်သည့် မြန်မာ့ယဉ်ကျေးမှုကို ထိခိုက်စေသော လိင်အသားပေးဓာတ်ပုံ၊ Video များကို လူမှုကွန်ရက်တွင် အခကြေးငွေရယူ ဖြန့်ဝေသည်ဆိုသော စွပ်စွဲချက်ဖြင့် ပြီးခဲ့သည့်၂၀၂၂ ခုနှစ် ဩဂုတ်လအတွင်း က တရားစွဲဆို ထိန်းသိမ်းခံ ပြီး ၂၀၂၂ ခုနှစ် ဒီဇင်ဘာလ ၂၃ ရက်တွင် ရန်ကုန်မြို့ အင်းစိန်ထောင်တွင်း တရားရုံး၊ မရမ်းကုန်းမြို့နယ် တရားခွင်က ထောင်ဒဏ် ၅ နှစ်အမိန့် ချမှတ်ခံခဲ့ရကာ ၂၀၂၅ ခုနှစ် ဇန်နဝါရီလ ၄ ရက်လွတ်ငြိမ်းချမ်းသာတွင် ပြန်လည်လွတ်လာခြင်းဖြစ်သည်။

#YMG/SW #Yangon_Times

#World_News
Published 21 January 2026

■ အမေရိကန်က နေတိုး(NATO) ကွပ်ကဲရေးဌာနတွေမှာ တာဝန်ချထားတဲ့ စစ်မှုထမ်းတွေကို လျှော့ချသွားဖို့ စီစဉ်နေပါတယ်။

■ ဒါဟာ နေတိုးမဟာမိတ်အတွက် အမေရိကန်ရဲ့ အရေးစိုက်မှုအပေါ် ဥရောပရဲ့စိုးရိမ်မှုတွေ ပိုမိုဆိုးရွားလာစေမယ်လို့ သတင်းနီးစပ်သူ ၃ ဦးက ပြောပါတယ်။

■ ထရမ့်အစိုးရအဖွဲ့က ဥရောပမြို့တော်များကို ဆက်သွယ်ကာ စစ်ရေးနဲ့ ထောက်လှမ်းရေးတို့ကို ကြီးကြပ်နေတဲ့ နေတိုးအဖွဲ့တွေမှ နေရာပေါင်း ၂၀၀ ခန့်ကို ဖယ်ရှားသွားမှာ ဖြစ်တယ်လို့ ပြောပါတယ်။

■ ဒီထဲမှာ အမေရိကန်အခြေစ်ိုက် NATO Intelligence Fusion Centre ၊ ဘရူဆဲလ်မှာရှိတဲ့ Allied Special Operations Forces Command တို့ ပါဝင်ပါတယ်။

■ ဒါ့အပြင် ရေကြောင်းစစ်ဆင်ရေးတွေကို ကွပ်ကဲတဲ့ ပေါ်တူဂီအခြေစိုက် STRIKFORNATO လည်း ပါဝင်ပါတယ်။

■ ဒီလိုလျှော့ချရတဲ့ အကြောင်းအရင်းကို အတိအကျ မသိရပေမယ့် ထရမ့်အစိုးရက ရင်းမြစ်တွေကို အနောက်တိုင်းဆီ ပိုမိုရယူလလိုတဲ့ဘဘော တွေ့နေရပါတယ်။

■ ဒါပေမဲ့ ဥရောပမှာ အမေရိကန်စစ်မှုထမ်းအရေအတွက်က ၈ သောင်းခန့် ရှိတာကြောင့် လျှော့ချမယ့်ပမာဏက အနည်းငယ်သာ ဖြစ်နေပါတယ်။

■ လျှော့ချသွားမယ့် အဖွဲ့အစည်းတွေမှာ အမေရိကန်စစ်မှုထမ်း ၄၀၀ ခန့် စခန်းချထားတာကြောင့် တဝက်လောက်လျော့သွားမယ့်သဘော ဖြစ်နေပါတယ်။

■ ထရမ့်ဟာ ပထမအကြိမ် သမ္မတတာဝန် ထမ်းဆောင်စဉ်ကလည်း နေတိုးကနေ နုတ်ထွက်ဖို့ ခြိမ်းခြောက်ခဲ့ပါသေးတယ်။

■ ထရမ့်အလိုရှိနေတဲ့ ဂရင်းလန်းသိမ်းယူရေးကိစ္စမှာ ဒိန်းမတ်ကို ထောက်ခံနေတဲ့ နေတိုးအဖွဲ့ဝင်နိုင်ငံတွေကို ထရမ့်က ဖေဖော်ဝါရီ ၁ ရက်ကစတင်ပြီး အခွန်စည်းကြပ်သွားမယ်လို့ ပြောထားပါတယ်။

Source: Reuters

#World_Health
Published 21 January 2026

■ မာလကာသီးက ဆေးပညာပြဿနာအများအပြားကို ကောင်းစွာထိန်းချုပ်နိုင်တာကြောင့် မာလကာသီးရဲ့ ကျန်းမာရေးအကျိုးကျေးဇူး ၃ မျိုးကို အာဟာရပညာရှင် ဒီ့ဆီခါဂျိန်းက ရှင်းပြထားပါတယ်။

■ မာလကာသီးမှာ လိုင်ကိုပင်းဆိုတဲ့ ဓာတ်တိုးဆန့်ကျင်ပစ္စည်း ပါဝင်တာကြောင့် ကိုလက်စထရော လျှော့ချပေးနိုင်သလို သွေးပေါင်ချိန်ကိုလည်း ကျစေနိုင်ပါတယ်။

■ ရောင်ရမ်းဆန့်ကျင်အာနိသင် အားကောင်းတာကြောင့် ဓမ္မတာလာစဉ် ကြွက်သားတောင့်ခြင်းကို လျော့ပါးစေသလို ကိုက်ခဲခြင်းလက္ခဏာများကို လျော့နည်းစေနိုင်ပါတယ်။

■ အမျှင်ဓာတ်ကြွယ်ဝပြီး အူကျန်းမာရေး တိုးတက်စေကာ ဝမ်းချုပ်ခြင်းကို သက်သာစေပြီး ဗိုက်တာမင်-စီလည်း ကြွယ်ဝတာကြောင့် ဆီးချိုရှိသူတွေအတွက် ကောင်းမွန်ပါတယ်။

■ မာလကာသီးကို အခွံပါစားသုံးရင် ပိုတက်ဆီယံ၊ ဇင့်တို့လို အာဟာရဓာတ်တွေ အပိုရနိုင်ကာ အခွံမှာ ဗိုက်တာမင်-စီ ကြွယ်ဝတာကြောင့် အသားအရည် ကောင်းမွန်စေပါတယ်။

■ ဒါပေမဲ့ ဆီးချိုနဲ့ ကိုလက်စထရောများသူတွေမှာတော့ အခွံမနွှာဘဲ မစားသင့်ကြောင်း၊ အခွံပါစားသုံးပါက ဆီးချိုနဲ့ ကိုလက်စထရောကို ပိုဆိုးစေနိုင်ကြောင်း သတိပေးထားပါတယ်။

■ ဒါကြောင့် ပညာရှင်တွေ အကြံပြုထားတာတွေကို စိတ်ထဲမှတ်သားပြီး မာလကာသီး စားသုံးခြင်းဖြင့် ကျန်းမာရေးအကျိုးကျေးဇူးများ ရယူသင့်ပါတယ်။

Source: NDTV