#Local_News
Published -8 Jan 2025

▪️ မြန်မာနိုင်ငံဆိုင်ရာ အီရန်အစ္စလာမ်မစ်သမ္မတနိုင်ငံသံအမတ်ကြီး သံအမတ်ခန့်အပ်လွှာကို ယနေ့ဇန်နဝါရီလ ၇ ရက်နံနက် ၁၀ နာရီတွင် ပေးအပ်ခဲ့ကြောင်းသိရသည်။

▪️ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံ မြန်မာနိုင်ငံဆိုင်ရာ အီရန်အစ္စလာမ်မစ်သမ္မတ နိုင်ငံသံအမတ်ကြီးအဖြစ်ခန့်အပ်ရန် သဘောတူညီပြီး ဖြစ်သော သံအမတ်ကြီး H.E. Dr. Nassereddin HEIDARI က နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ သံတမန်ဆောင်ဧည့်ခန်းမ၌ ၎င်း၏ သံအမတ် ခန့်အပ်လွှာကို ပေးအပ်ခဲ့ခြင်းဖြစ်ကြောင်း သိရသည်။

▪️ ထို့နောက် နှစ်နိုင်ငံအကြား ချစ်ကြည်ရင်းနှီးမှုနှင့် သံတမန်ဆက်ဆံရေးဆိုင်ရာ ကိစ္စရပ်များ၊ အပြန်အလှန်ကုန်သွယ်မှုများမြှင့်တင်ဆောင်ရွက်ရေးဆိုင်ရာ ကိစ္စရပ်များ၊ သိပ္ပံနည်းပညာကဏ္ဍ၊ စိုက်ပျိုးရေးကဏ္ဍနှင့် ကာကွယ်ရေးကဏ္ဍများတွင် ပူးပေါင်း ဆောင်ရွက်မှုများ မြှင့်တင်နိုင်သည့် အခြေအနေများ၊ ယဉ်ကျေးမှုများ အပြန်အလှန်ဖလှယ်ရေးဆိုင်ရာကိစ္စရပ်များ၊ နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်အောင် မြှင့်တင်ဆောင်ရွက် သွားမည့် အခြေအနေများ၊ မြန်မာနိုင်ငံ၏နိုင်ငံရေးဖြစ်ပေါ်တိုးတက်ပြောင်းလဲမှု အခြေအနေများ၊ လွှတ်လပ်၍တရားမျှတသည့် ရွေးကောက်ပွဲကျင်းပနိုင်ရေး အတတ်နိုင်ဆုံးကြိုတင်ပြင်ဆင်ဆောင်ရွက် လျက်ရှိမှု၊ လွတ်လပ်၍တရားမျှတသောရွေးကောက်ပွဲဖြစ်စေရေး တရားဥပဒေစိုးမိုးရေးနှင့် တည်ငြိမ် အေးချမ်းရေးလိုအပ်မှုနှင့် ရွေးကောက်ပွဲကျင်းပချိန်တွင် နိုင်ငံတကာမှလေ့လာရေးအဖွဲ့ များ ဖိတ်ခေါ် သွားမည့် အခြေအနေများနှင့် စပ်လျဉ်းပြီး ရင်းရင်းနှီးနှီးဆွေးနွေးခဲ့ကြကြောင်းသိရသည်။

▪️ အဆိုပါ သံအမတ်ခန့်အပ်လွှာပေးအပ်ပွဲသို့ ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေနှင့် နိုင်ငံခြားရေးဝန်ကြီးဌာန၊ သံတမန်ရေးရာဦးစီးဌာနညွှန်ကြားရေးမှူးချုပ်ဦးဇော်ထွန်းဦးတို့တက်ရောက်ခဲ့ကြကြောင်း သိရသည်။

#Yangon -Times/PP

#Local_News
Published 7 January 2025

▪️ လာမည့်ဘဏ္ဍာနှစ်အတွက် ထီလက်မှတ်တဆင့်ပြန်လည်ရောင်းချမည့်သူများအနေဖြင့် သဘောတူကတိစာချုပ်ချုပ်ဆိုခြင်းများကို မတ် ၄ ရက် နောက်ဆုံးထား၍ အပြီးဆောင်ရွက်ရမည်ဖြစ်ကြောင်း အောင်ဘာလေသိန်းဆုဌာနခွဲက ယနေ့ထုတ်ပြန်ထားသည်။

▪️ ထုတ်ပြန်ချက်တွင်ပြည်တွင်းအခွန်များဦးစီးဌာန အောင်ဘာလေသိန်းဆုဌာနခွဲသည် ကျပ် ၁၀၀၀ တန် အောင်ဘာလေထီလက်မှတ် စာအုပ်များကို ဧပြီလတွင် စတင်ရောင်းချမည်ဖြစ်ရာဝယ်ယူခွင့်ရရှိသည့် ထီစာအုပ်အရေအတွက်အား အတည်ပြုချက်ရရှိပါက အာမခံငွေ(Deposit) ပေးသွင်းခြင်း၊ သဘောတူကတိစာချုပ်ချုပ်ဆိုခြင်းများကို မတ် ၄ ရက် နောက်ဆုံးထား၍ အပြီးဆောင်ရွက်ရမည်ဖြစ်ကြောင်း၊ ထို့ကြောင့်ထီစာအုပ် ဝယ်ယူရောင်းချလိုသူများအနေဖြင့် ရန်ကုန်တိုင်းဒေသကြီးအတွင်း နေထိုင်သူများက အောင်ဘာလေထီစာအုပ်များ ဝယ်ယူရောင်းချလိုပါက အောင်ဘာလေသိန်းဆုဌာနခွဲ (ရန်ကုန်)သို့လည်းကောင်း၊ မန္တလေးမြို့တော် စည်ပင်သာယာရေးနယ်နိမိတ်အတွင်း နေထိုင်သူများက အောင်ဘာလေထီစာအုပ်များ ဝယ်ယူရောင်းချလိုပါက အောင်ဘာလေသိန်းဆုဌာနခွဲ (မန္တလေးရုံးခွဲ)သို့လည်းကောင်း၊ ပြည်ထောင်စုနယ်မြေအပါအဝင် မန္တလေးမြို့တော် စည်ပင်သာယာရေးနယ်နိမိတ်ပြင်ပနှင့် ကျန်တိုင်းဒေသကြီး/ ပြည်နယ်များမှ အောင်ဘာလေထီလက်မှတ်စာအုပ်များ ဝယ်ယူရောင်းချလိုသူများက မိမိတို့နေထိုင်ရာမြို့နယ်ရှိ မြို့နယ်အခွန်ဦးစီး ဌာနမှူးရုံးများသို့လည်းကောင်း လျှောက်ထားနိုင်ကြောင်း၊ အောင်ဘာလေထီစာအုပ် ဝယ်ယူရောင်းချရန် လျှောက်ထားသူများသည် ထီလုပ်ငန်း အမှန်တကယ် လုပ်ကိုင်၍ ထီဆိုင်ဖွင့်လှစ်ရောင်းချသူများဖြစ်ရန်လိုအပ်ပြီး နိုင်ငံသားစိစစ်ရေးကတ်ပြားမူရင်း/မိတ္တူ အိမ်ထောင်စုလူဦးရေစာရင်း မူရင်း/မိတ္တူ၊ ထီစာအုပ်ဝယ်ယူရရှိပါက သတ်မှတ်ဈေးနှုန်းအတိုင်း ရောင်းချ မည်ဖြစ်ကြောင်း ကတိခံဝန်ချက်စသည်များကို လျှောက်လွှာနှင့်အတူ ကိုယ်တိုင်တင်ပြလျှောက်ထားရ မည်ဖြစ်ကြောင်း ဖော်ပြပါရှိသည်။

▪️ ထို့ပြင် ထီစာအုပ် ဝယ်ယူရောင်းချလိုသူများအနေဖြင့် တစ်လလျှင် မိမိရောင်းရမည့် ထီစာအုပ်အရေအတွက်အရ ဘဏ္ဍာနှစ်တစ်နှစ်လုံးအတွက် တာဝန်ယူရောင်းချမည့် ထီစာအုပ်အရေအတွက်ကို ဖော်ပြလျက် မပျက်မကွက် ဝယ်ယူရန် သဘောတူကတိစာချုပ် ချုပ်ဆိုရမည်ဖြစ်ကြောင်း၊ ထီစာအုပ်များဝယ်ယူရောင်းချရန် သဘောတူကတိစာချုပ်ချုပ်ဆိုပြီး စာချုပ်ပါသဘောတူညီချက် တစ်ရပ်ရပ်ကို လိုက်နာရန်ပျက်ကွက်ပါက ထီစာအုပ်ဝယ်ယူခွင့် ရပ်စဲခြင်း၊ အာမခံငွေ (Deposit)များ နိုင်ငံတော်ဘဏ္ဍာအဖြစ်သိမ်းယူခြင်း ဆောင်ရွက်သွားမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 08 January 2025

▪️ ဒိုးနတ်မုန့်တွေမှာ ကယ်လိုရီထောင်ချီ ပါဝင်ပြီး အသက် ၅၀ နဲ့အထက် လူတွေမှာ ဘေးအန္တရာယ် ဖြစ်စေနိုင်တယ်လို့ ဇီဝဖြစ်ပျက်မှုကျန်းမာရေး ကုမ္ပဏီတစ်ခုမှ တွေ့ရှိထားပါတယ်။

▪️ အစ္စရေးလ်နဲ့ ကမ္ဘာတဝှမ်းမှ လူပေါင်း ၂၇၀၀ ရဲ့ အချက်အလက်တွေကို ဆန်းစစ်ကြည့်တဲ့အခါ ခန္ဓာကိုယ်ထဲမှာ ကာဗိုဟိုက်ဒရိတ် ခြေဖျက်နိုင်စွမ်းက အသက် ၅၀ ကျော်လာရင် သိသိသာသာ ကျဆင်းလာတာ တွေ့ရပါတယ်။

▪️ ဒိုးနတ်တစ်ခုမှာ ပျမ်းမျှအားဖြင့် ၃၀၀-၄၀၀ ကယ်လိုရီနဲ့ ကာဗိုဟိုက်ဒရိတ် ၄၀-၅၀ ဂရမ်ခန့် ပါဝင်ကာ ဒါဟာ လူကြီးတစ်ယောက်အတွက် နေ့စဉ်ကာဗိုဟိုက်ဒရိတ် လိုအပ်ချက်ရဲ့ ၂၀-၃၀ ရာခိုင်နှုန်းလောက် ရှိနေပါတယ်။

▪️ အသက် ၅၀ ကျော်လာရင် ဇီဝဖြစ်ပျက်မှုနှုန်းက ကျဆင်းလာပြီး ကာဗိုဟိုက်ဒရိတ် ခြေဖျက်ဖို့ ခက်ခဲလာကာ အဆီအဖြစ် ပိုပြီးထိန်းသိမ်းလာပါတယ်။

▪️ ကိုယ်အလေးချိန်နဲ့လည်း သက်ဆိုင်နေပြီး သာမန်ကိုယ်အလေးချိန် ရှိသူတွေနဲ့ယှဉ်ရင် BMI ၃၀ကျော် ကိုယ်အလေးချိန် များသူတွေက ကာဗိုဟိုက်ဒရိတ် ခြေဖျက်ဖို့ ပိုကြာပြီး အဆီတွေပိုစုလာနိုင်ပါတယ်။

▪️ ဇီဝဖြစ်ပျက်မှု အပြောင်းအလဲလုပ်နိုင်စွမ်း ကောင်းတဲ့သူတွေမှာ ကာဗိုဟိုက်ဒရိတ်နဲ့ အဆီတို့ကို လိုအပ်ချက်အတွက် ထိန်းသိမ်းထားနိုင်ကာ စွမ်းအင်အဖြစ်သို့ ထိရောက်စွာ ပြောင်းလဲနိုင်စွမ်းရှိပါတယ်။

▪️ ဒီလိုမျိုး ကောင်းစွာမပြောင်းလဲနိုင်သူတွေမှာ ကိုယ်အလေးချိန်ထိန်းရန် ပိုခက်ခဲလာပြီး အစားအသောက်ပုံစံ၊ လေ့ကျင့်ခန်း၊ အသက်အရွယ်တို့က ပါဝင်ပတ်သက်နေပါတယ်။

▪️ ကျန်းမာရေးနဲ့ ညီညွတ်စွာ စားသောက်ခြင်း၊ လေ့ကျင့်ခန်း ပုံမှန်လုပ်ခြင်း၊ လုံလောက်စွာ အိပ်စက်ခြင်း၊ ဖိစီးမှုထိန်းချုပ်ခြင်းတို့ဖြင့် ကာဗိုဟိုက်ဒရိတ် မြင့်မားခြင်းကို ကိုင်တွယ်နိုင်မှာ ဖြစ်ပါတယ်။

▪️ ဒီလိုမျိုး ကျင့်ကြံနေထိုင်ပါက ဒိုးနတ်မုန့်တွေ စားရာမှာ ကိုယ်အလေးချိန်နဲ့ ကျန်းမာရေး သက်ရောက်မှုများကို လျှော့ချနိုင်မှာ ဖြစ်ပါတယ်။

#Source: The Jerusalem Post

တရုတ်-ရုရှားနယ်စပ်ဖြတ်သန်းကာ တရုတ်အရှေ့မြောက်ဘက် ဟေလောင်ကျန်ပြည်နယ် လျောင်ဘေကောင်တီနဲ့ ရုရှားမှ အေမာဇက်တို့ကို ဆက်သွယ်ထားတဲ့ ယာယီဗောတံတားတစ်ခုဟာ ဆောင်းရာသီအတွင်း နှစ်နိုင်ငံကြား ပို့ဆောင်သွားလာရေးအဆင်ပြေစေရန်အတွက် သောကြာနေ့က ဖွင့်လှစ်လိုက်ပါတယ်။
#World_News
Published 7 January 2025
#ယာယီဗောတံတားဖွင့် #တရုတ်-ရုရှားနယ်စပ်
#YMG #Yangon_Times #Yangon_Media_Group

#Daily_News
Published 7 January 2025

၁။ ဆန်ရည်ညွှန်းစျေးနှုန်းများထုတ်ပြန်ပြီး သတ်မှတ်နှုန်းအ‌ပေါ် ၈ ရာခိုင်နှုန်းထပ်မပိုရန် အသိပေး

၂။ စတော့အိပ်ချိန်း၌ ဒီဇင်ဘာလအတွင်း ရှယ်ယာစောင်ရေ တစ်သိန်းကျော် အရောင်းအဝယ်ဖြစ်ခဲ့

၃။ မျက်စိဆေးရုံမှ မျက်စိဝေဒနာရှင်တစ်သိန်းကျော်ကို ကုသပေး

၄။ ဆောင်းရာသီမြစ်အေးခဲချိန်၌ တရုတ်-ရုရှားနယ်စပ်အထိရောက်ဆုံးဖြတ်သန်းသွားလာနိုင်စေမည့် ယာယီဗောတံတားဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ယခု၂၀၂၅ ခုနှစ်မှာလူဦးရေ ၅ ဒသမ ၅ သန်းကို လူမှုဘ၀ရှင်သန်ရေး အကူအညီတွေပေးအပ်နိုင်ဖို့ ရည်မှန်းထားတယ်လို့ လူသားချင်းစာနာမှုဆိုင်ရာ သတင်းလွှာက တစ်ဆင့်သိရပါတယ်။
#Local_News
Published 7 January 2025
#လူမှုဘ၀ရှင်သန်ရေး #လူဦးရေ၅.၅သန်း
#YMG/SW #Yangon_Times

ရန်ကုန်မျက်စိဆေးရုံကြီးကနေ မျက်စိဝေဒနာရှင်တစ်သိန်းကျော်ကို ယမန်နှစ် တစ်နှစ်တာအတွင်း ကုသပေးခဲ့တယ်လို့ သိရပါတယ်။
#Local_News
Published 7 January 2025
#ရန်ကုန်မျက်စိဆေးရုံကြီး #မျက်စိဝေဒနာရှင်တစ်သိန်း
#YMG/NN #Yangon_Times

ရန်ကုန်စတော့အိပ်ချိန်းမှာ  ဒီဇင်ဘာလအတွင်း ရှယ်စောင်ရေတစ်သိန်းကျော် အရောင်းအဝယ်ဖြစ်ခဲ့တယ်လို့ သိရပါတယ်။
#Local_News
Published 7 January 2025
#ရန်ကုန်စတော့အိပ်ချိန်း #ရှယ်စောင်ရေတစ်သိန်းကျော်
#YMG/NN #Yangon_Times

စားသုံးသူ‌ရေးရာဦးစီးဌာနက ယခုဇန်နဝါရီလအတွက် ဆန်ရည်ညွှန်းစျေးနှုန်းတွေကိုထုတ်ပြန်‌ပေးလိုက်ပြီး ပြန်လည်ရောင်းချရာမှာ သတ်မှတ်နှုန်းအ‌ပေါ်၈% ထပ်မပိုစေဖို့ အသိပေးထားပါတယ်။
#Local_News
Published 7 January 2025
#ဆန်ရည်ညွှန်းစျေးနှုန်း #သတ်မှတ်နှုန်းအ‌ပေါ်၈% ထပ်မပိုရ
#YMG/SW #Yangon_Times

#Local_News
Published 7 January 2025

▪️ မြန်မာနိုင်ငံတော် ဗဟိုဘဏ် အနေဖြင့် အမေရိကန်ဒေါ်လာ ၂၅ သန်းအပါအဝင် နိုင်ငံခြားငွေကြေးများကို ယမန်နေ့က ထပ်မံထုတ်ရောင်းလိုက်ကြောင်း သိရသည်။

▪️ ထိုသို့ရောင်းချရာတွင် ဇန်နဝါရီလ ၆ ရက်နေ့တွင် ငွေလဲနှုန်း ၃၅၉၁ ကျပ်ဖြင့်  အမေရိကန်ဒေါ်လာ ၂၅ သန်း၊ ငွေလဲနှုန်း ၁၃၀.၃ ကျပ်ဖြင့် ထိုင်းဘတ် ၂.၈ သန်းများ ထုတ်ရောင်းပေးခဲ့ကြောင်း သိရသည်။

▪️ ပြီးခဲ့သည့် ဇန်နဝါရီလ ၂ ရက်နေ့ကလည်း ငွေလဲနှုန်း ၃၅၈၈ ကျပ်ဖြင့် အမေရိကန်ဒေါ်လာ ၂၅ သန်း၊ ငွေလဲနှုန်း ၅၃၈ ကျပ်ဖြင့်  တရုတ်ယွမ် ၆၇၈၃၅၄ ၊ ငွေလဲနှုန်း ၁၂၉.၉ ကျပ်ဖြင့် ထိုင်းဘတ် ၂.၄ သန်းကိုလည်း ထုတ်ရောင်းပေးခဲ့ပြီးဖြစ်ကြောင်း သိရသည်။

#YMG/NN #Yangon_Times

#Local_News
Published 7 January 2024

▪️ ရွှေပြည်သာ၌ ယနေ့မနက်အစောပိုင်း မှာ မီးလောင်မှုတစ်ခု ဖြစ်ပွားပြီး လူတစ်ဦးနှင့်ခွေးတစ်ကောင်သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့နှင့် ရွှေမေတ္တာလူမှုကူညီရေးအသင်းမှ သိရသည်။

▪️ ဇန်နဝါရီ ၇ရက်နေ့၊ မနက်၄ နာရီ၅၀ မိနစ်အချိန်ခန့်က ရန်ကုန်တိုင်းဒေသကြီး၊ ရွှေပြည်သာမြို့နယ်၊ (၅)ရပ်ကွက်၊ သီရိမင်္ဂလာပတ်လမ်းတွင် မီးလောင်မှုဖြစ်ပွား ခဲ့ကြောင်း သိရသည်။

▪️ အဆိုပါ  သတင်းရရှိသဖြင့် ရွှေပြည်သာမြို့နယ်မီးသတ်စခန်းမှ မီးသတ်ယာဉ်များ ထွက်ခွာငြှိမ်းသတ်ခဲ့ရာ၄ နာရီ ၅၆မိနစ်  အချိန်တွင်  Level 1 ယာဉ်အုပ်စုများ ထွက်ခွာငြိမ်းသတ်ခဲ့ပြီးနောက် မနက်၆ နာရီ  အချိန်တွင် မီးထိန်းပြီး ၆နာရီ ၁၉မိနစ် အချိန်တွင် မီးငြိမ်းခဲ့ကြောင်း သိရသည်။

▪️ ယင်းဖြစ်စဉ်ကြောင့် ‌ေ-သဆုံးနေသည့်  အမျိုးသမီး ခန္ဓာကိုယ်တစ်ခုနှင့် ခွေးတစ်ကောင်‌ေ-သဆုံးခဲ့ပြီး ခွေးအရှင်တစ်ကောင်ကို ကယ်ထုတ်နိုင်ခဲ့ကြောင်း သိရသည်။

#YMG/NN #Yangon_Times

#World_News
Published 07 January 2025

▪️ ရီပတ်ဘလစ်ကန် ရွေးချယ်ခံသမ္မတ ဒေါ်နယ်ထရမ့်ရဲ့ အနိုင်ရရှိမှုကို နိုဝင်ဘာလ ရွေးကောက်ပွဲမှာ ရှုံးနိမ့်ခဲ့တဲ့ ဒီမိုကရက်တစ် ဒုသမ္မတ ကာမယ်လာဟားရစ် ဦးဆောင်ပြီး အမေရိကန် ကွန်ဂရက် လွှတ်တော်က တနင်္လာနေ့မှာ တရားဝင် အသိအမှတ်ပြုလိုက်ပါတယ်။

▪️ နှစ်ပတ်အတွင်း ထရမ့်ကျမ်းသစ္စာဆိုပွဲအတွက် လမ်းစပြုတဲ့အနေနဲ့ ၄ နှစ်တစ်ကြိမ်ပြုလုပ်ခဲ့တဲ့ပွဲဟာ စီစဉ်ထားတဲ့အတိုင်း အဆင်ပြေချောမွေ့ခဲ့ပြီး လွန်ခဲ့တဲ့ ၄ နှစ်က ထရမ့်ရဲ့ထောက်ခံသူလူအုပ်ကြီး ကပ်ပီတိုလ်အဆောက်အအုံမှာ ဆူပူအုံကြွခဲ့စဉ်ကနဲ့ယှဉ်ရင် အတော်လေးကွဲပြားနေခဲ့ပါတယ်။

▪️ ထရမ့်က ၂၀၂၀ ရွေးကောက်ပွဲရှုံးနိမ့်ရတာဟာ လိမ်လည်မှုကြောင့်သာ ဖြစ်တယ်လို့ ဆက်ပြောနေပြီး ၂၀၂၄ စည်းရုံးရေးတလျှောက်မှာလည်း ဟားရစ်ကိုမနိုင်မချင်း အလားတူစိုးရိမ်နေရတယ်လို့ သတိပေးခဲ့ပါတယ်။

▪️ ဟားရစ်က အထက်လွှတ်တော်ဥက္ကဌအဖြစ် ဒုသမ္မတအခမ်းအနားမှူး နေရာကနေ ပြည်နယ်များတက်ရောက်ခြင်းရှိမရှိကို ကြီးကြပ်ခဲ့ပါတယ်။

▪️ ထရမ့်နဲ့ သူမတို့အတွက် ပြည်နယ်တစ်ခုချင်းစီမှ ရွေးကောက်ပွဲမဲ အသိအမှတ်ပြုလက်မှတ်များကို ပေးအပ်ခဲ့ပါတယ်။

▪️ "ယနေ့ဟာ အလွန်အရေးကြီးတဲ့နေ့ဖြစ်ပြီး ဒီမိုကရေစီရဲ့ အရေးကြီးဆုံး မဏ္ဍိုင်တစ်ခုဖြစ်တဲ့ ငြိမ်းချမ်းစွာ အာဏာလွှဲပြောင်းရေးတို့မှာ အမေရိကန်ပြည်သူတို့ လက်ခံကျေနပ်သင့်တဲ့ စံနှုန်းဖြစ်ရပါမယ်" လို့ ဟားရစ်က သတင်းထောက်တွေကို ပြောသွားပါတယ်။

▪️ လွှတ်တော်အမတ် ဂျေဒီဗန့်စ်ကိုလည်း ဒုသမ္မတအဖြစ် ဟားရစ်က အသိအမှတ်ပြုခဲ့ပါတယ်။

▪️ လွှတ်တော်က ယနေ့မှာ အောင်ပွဲအခမ်းအနားကို အသိအမှတ်ပြုခဲ့ပြီး သမိုင်းမှာ ခမ်းနားတဲ့အခိုက်အတန့် ဖြစ်တယ်လို့ ထရမ့်က Truth Social မီဒီယာမှာ ဖော်ပြထားပါတယ်။

▪️ အမေရိကန် အထက်လွှတ်တော်မှာ ရီပတ်ဘလစ်ကန်တွေက နေရာအများစု ရရှိထားကာ ထရမ့်အကောင်အထည်ဖော်လိုတဲ့ အခွန်လျှော့ချရေးနဲ့ တရားမဝင် ရွှေ့ပြောင်းသူများ နှိမ်နင်းရေးတို့မှာ ထောက်ခံသွားကြမှာ ဖြစ်ပါတယ်။

▪️ ယခုအသိအမှတ်ပြုပွဲအတွက် ကပ်ပီတိုလ်အပြင်ဘက်နဲ့ အတွင်းပိုင်းတို့မှာ လုံခြုံရေးမြှင့်တင်ထားပြီး ဇန်နဝါရီ ၂၀ ရက်နေ့ ထရမ့်ကျမ်းသစ္စာကျိန်ဆိုမှု ပြုလုပ်သည်အထိ အစီအစဉ်တကျ ရှိနေဖို့ မျှော်လင့်ထားပါတယ်။

#Source: Reuters