#World_Health
Published 20 January 2026

■ သွေးပေါင်ချိန်တိုးခြင်းဟာ ခန္ဓာကိုယ်ကို တိတ်တဆိတ် ဒုက္ခပေးနေပြီး နှလုံး၊ ဦးနှောက်၊ ကျောက်ကပ်၊ မျက်လုံးတို့ကို ဘေးဖြစ်စေပါတယ်။

■ သွေးတိုးနေသူ အများစုဟာ ကြံ့ခိုင်တယ်လို့ မြင်ရပေမယ့် အတွင်းအင်္ဂါတွေကတော့ တဖြည်းဖြည်း ထိခိုက်ပျက်စီးလာကာ မကုသဘဲထားပါက နှလုံးဖောက်ခြင်း၊ လေဖြတ်ခြင်း၊ ကျောက်ကပ်ရောဂါ စတဲ့ပြဿနာတွေ ဖြစ်လာနိုင်ပါတယ်။

■ ဒါကြောင့် အသက် ၃၀ နောက်ပိုင်းမှာ ပုံမှန်ကျန်းမာရေးစစ်ဆေးဖို့ အကြံပြုထားကြပါတယ်။

■ သွေးတိုးခြင်းကို မထိန်းချုပ်နိုင်ပါက ခန္ဓာကိုယ်ထဲက စနစ်တိုင်းနီးပါးမှာ ဖိအားများစေပြီး နှလုံးဆိုရင် အားနည်းလာနိုင်ပါတယ်။

■ ဦးနှောက်ဆိုရင် သွေးကြောတွေ ထိခိုက်လာပြီး လေဖြတ်နိုင်ခြေ များလာပါတယ်။

■ ရေရှည်မှာ မှတ်ဉာဏ်နဲ့ အသိဉာဏ်လုပ်ဆောင်ချက်များပါ ထိခိုက်လာနိုင်ပါတယ်။

■ သွေးတိုးခြင်းကြောင့်ဖြစ်တဲ့ ကျောက်ကပ်ထိခိုက်ခြင်းကလည်း အသံတိတ်ဖြစ်နေပြီး လုပ်ဆောင်ချက်တွေ ယိုယွင်းလာသလို မျက်လုံးထဲက နူးညံ့တဲ့သွေးကြောတွေလည်း ထိခိုက်တာကြောင့် ကြာလာတာနဲ့အမျှ အမြင်အာရုံပျက်ယွင်းလာနိုင်ပါတယ်။

■ အနည်းငယ်မျှ သွေးတိုးရင်တောင် ကျောက်ကပ်၊ နှလုံး၊ ဦးနှောက်တို့ ထိခိုက်နိုင်ပြီး ပုံမှန်ဆေးကုသခြင်း၊ နေထိုင်စားသောက်မှုပုံစံ ပြောင်းလဲခြင်းတို့ဖြင့် ဘေးအန္တရာယ်တွေ လျှော့ချနိုင်မှာ ဖြစ်ပါတယ်။

■ အတွင်းအင်္ဂါတွေပါ ထိခိုက်လာပြီဆိုရင် နေထိုင်စားသောက်မှုပုံစံ တစ်ခုတည်းနဲ့ မလုံလောက်ဘဲ ဆေးကုသခြင်း၊ ပုံမှန်စစ်ဆေးခြင်းတို့ပါ လိုအပ်လာပါတယ်။

■ အသက် ၃၀ ကျော်တဲ့အခါ သွေးပေါင်ချိန်ကို စောင့်ကြည့်တိုင်းတာပေးပြီး အချိန်မီ ဆေးကုသမှုခံယူဖို့က အရေးကြီးပါတယ်။

Source: Indian Express.

#World_Health
Published 20 January 2026

■ ညဘက်ကောင်းစွာ အိပ်စက်နိုင်ဖို့က ထင်ထားတာထက် ပိုအရေးကြီးကာ အိပ်ရေးမဝခြင်းက အသက်တိုခြင်းနဲ့ ဆက်စပ်နေနိုင်တယ်လို့ အော်ရီဂွန်ကျန်းမာရေးနဲ့ သိပ္ပံတက္ကသိုလ်က သုတေသနလုပ်ထားပါတယ်။

■ သုတေသီတွေက ၂၀၁၉ မှ ၂၀၂၅ အထိ ရောဂါထိန်းချုပ်ရေးစင်တာများမှ စစ်တပ်များကို နှိုင်းယှဉ်ခဲ့ကြပါတယ်။

■ ထိုအခါမှာ အိပ်စက်ခြင်းက အစားအသောက်၊ လှုပ်ရှားမှု၊ လူမှုရေး စတဲ့အချက်တွေထက် ပိုပြီး လူ့သက်တမ်းအပေါ် သက်ရောက်နေပါတယ်။

■ အိပ်ချိန် ၇ နာရီမှ ၉ နာရီကြား ရရှိဖို့က ထင်ထားတာထက် များစွာပိုပြီးအရေးကြီးကြောင်း အော်ရီဂွန်တက္ကသိုလ်မှ တွဲဖက်ပရော်ဖက်ဆာ အန်ဒရူးမက်ဟေးလ်က ပြောပါတယ်။

■ အိပ်ချိန်လုံလောက်ခြင်းက ကျန်းမာရေးကောင်းမွန်ဖို့အတွက် ကဏ္ဍအရပ်ရပ်မှာ ထောက်ပံ့ပေးတယ်လို့ သုတေသီတွေ အသိအမှတ်ပြုထားပါတယ်။

■ အိပ်ချိန်နဲ့ လူ့သက်တမ်းတို့ကြား ဆက်စပ်မှုအခြေအနေက သာမန်ထက်ပိုပြီး ပြင်းထန်နေတာ ဖြစ်ပါတယ်။

■ အိပ်စက်ခြင်းက နှလုံးသွေးကြော ကျန်းမာရေး၊ ကိုယ်ခံအားစနစ်၊ ဦးနှောက်ကျန်းမာရေးတို့ကို သက်ရောက်နေတာကြောင့် အိပ်စက်ခြင်းကို အရေးပေးဖို့ လိုအပ်ကြောင်း သုတေသီတွေ သတိပေးထားပါတယ်။

■ တစ်ခါတရံမှာ လူတွေက အိပ်စက်ခြင်းကို သိပ်ပြီးအလေးမထားတတ်ကြဘဲ အလုပ်နားတဲ့ရက်မှ စုပေါင်းအိပ်မယ်ဆိုပြီး စဉ်းစားတတ်ကြကြောင်း၊ ညဘက်ကောင်းစွာ အိပ်စက်ခြင်းက အသက်ဘယ်လောက်ရှည်လဲဆိုတာကိုပါ သက်ရောက်နေကြောင်း မက်ဟေးလ်က ပြောသွားပါတယ်။

Source: SciTechDaily

ကြာသပတေးနေ့က ကနေဒါနိုင်ငံ တိုရွန်တိုမြို့နဲ့ အနီးတဝိုက်မှာ အင်အားကြီး ဆောင်မုန်တိုင်းတိုက်ခတ်ပြီး ဆီးနှင်းသည်းထန်တာကြောင့် မြင်ကွင်းကျဆင်းပြီး သွားလာပို့ဆောင်ရေးတွေထိခိုက်ကာ ကျောင်းတွေပိတ်ထားရသလို ခရီးသွားလာမှုတွေနှောင့်နှေးရပါတယ်။

#World_Climate
Published 19 January 2025
#တိုရွန်တိုမြို့ #ကနေဒါနိုင်ငံ
#YMG #Yangon_Times #Yangon_Media_Group

#Local_News
Published 19 January 2025

▪️ နိုင်ငံ့အကျိုးပြု ဆိုလာနှင့် အသေးစားလေအားလျှပ်စစ် သုတေသနလုပ်ငန်းများ မြှင့်တင်ဆောင်ရွက်နေကြောင်း သိပ္ပံနှင့်နည်းပညာဝန်ကြီးဌာန ကပြောသည်။

▪️ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျသည် ဇန်နဝါရီ ၁၇ ရက်က ရန်ကုန်မြို့ သုတေသနနှင့်တီထွင်ဆန်းသစ်မှုဦးစီးဌာနရှိ ပြန်ပြည့်မြဲစွမ်းအင်နှင့် အီလက်ထရောနစ်နည်းပညာသုတေသနဗဟိုဌာနရှိ ဆိုလာနှင့် အသေးစားလေအားလျှပ်စစ် သုတေသနလုပ်ငန်းများ ဆောင်ရွက်နေမှုများနှင့် ရလဒ်အခြေအနေများကို ကြည့်ရှုစစ်ဆေးပြီး နိုင်ငံတော်ရှိ ပေါကြွယ်ဝသော ပြန်လည်ပြည့်ဖြိုး မြဲစွမ်းအင်ရင်းမြစ်များကို “နိုင်ငံတော်သာယာဖို့ သဘာဝပတ်ဝန်းကျင်ထိန်းကြ စို့” အမျိုးသားရေးဆောင်ပုဒ်နှင့်အညီ နိုင်ငံတော်သာယာပြီး စဉ်ဆက်မပြတ် ဖွံ့ဖြိုးတိုးတက်ရေးအတွက် စိုက်ပျိုး-မွေးမြူရေး ကုန်ကြမ်းအခြေပြု Agro-based Industries နှင့် MSME များတွင် အကျိုးရှိထိရောက်စွာ အသုံးချနိုင်ရန်အတွက် တီထွင်ဆန်းသစ်နည်းပညာ သုတေသနလုပ်ငန်းများ မြှင့်တင်ဆောင်ရွက်ရန်၊ သုတေသနရလဒ်များကို ဆက်စပ်ဌာနများ၊ MSME များတွင် အမှန်တကယ်အကျိုးရှိစွာသုံးစွဲနိုင်ရေး ဆက်လက်ဖြန့်ဝေလွှဲပြောင်းသွားရန် တိုက်တွန်းမှာကြားသည်။

▪️ ယင်းနောက် ဒုတိယဝန်ကြီးသည် Wind Tunnel မှရရှိသော လေအားအရင်းအမြစ်ဖြင့် ဒေါင်လိုက်ဝင်ရိုး (Vertical Axis) ကြောင်လိမ်လှေကားပုံစံ (Helical Design) တာဘိုင်အပါအဝင် အသေးစားလေအားလျှပ်စစ် သုတေသနလုပ်ငန်းများ စမ်းသပ်ဆောင်ရွက်နေမှုနှင့် ရလဒ်အခြေအနေတို့ကို ကြည့်ရှုစစ်ဆေးကာ ရေရှည် ကြံ့ခိုင်မှုရှိသောဒီဇိုင်းဖြစ်ရန်၊ တာဘိုင်များ ထပ်မံတိုးချဲ့ပေါင်းစပ်တပ်ဆင်ကာ ထုတ်လုပ်ရရှိသည့် လျှပ်စစ်စွမ်းအား၏ အရည်အသွေး (Power Quality) ကောင်းမွန်ရေး စနစ်တကျထိန်းချုပ် ဆောင်ရွက်ရန်၊ လျှပ်စစ်ရေတင်စနစ်များတွင် စမ်းသပ်တပ်ဆင်သုံးစွဲရန်၊ ပြင်ပသဘာဝပတ်ဝန်းကျင်ရှိ သင့်လျော်သည့် နေရာများတွင်ပါ လက်တွေ့ကျကျ စမ်းသပ်တပ်ဆင်ကြည့်ရန်မှာကြားသည်။

▪️ ထို့နောက် မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေစီမံကိန်း(၂၀၂၂)ဖြင့် ပူးပေါင်းဆောင်ရွက်ထားသော နေရောင်ခြည်စွမ်းအင်ပြခန်းစင်တာသို့ ရောက်ရှိ၍ စင်တာအတွင်းပြသထားသော ဆိုလာပြားနှင့် ဆိုလာစနစ်အမျိုးမျိုး၊ ဆိုလာ EV Charging Station၊ Smart City စနစ်အပါအဝင် ပြကွက်များကို လှည့်လည်ကြည့်ရှုစစ်ဆေးပြီး နည်းပညာဆိုင်ရာလိုအပ်သည်များ မှာကြားသည်။

▪️ ယင်းနောက် ဒုတိယဝန်ကြီးသည် စင်တာအပြင်ဘက်၌ ဆိုလာရေတင်စနစ်၊ ရန်ကုန်အနောက်ပိုင်း နည်းပညာတက္ကသိုလ်နှင့် သုတေသနပူးပေါင်း ဆောင်ရွက်နေသော MSME ဖွံ့ဖြိုးရေး တစ်တပ်တစ်အား အထောက်အကူပြုနိုင်ရေး သီးနှံများကို ဆိုလာစွမ်းအင်ဖြင့် တစ်ပိုင်တစ်နိုင်အခြောက်လှန်းနိုင်သော တန်ဖိုးနည်း Portable Solar Dryer သုတေသနလုပ်ငန်းရလဒ်များကို ကြည့်ရှုစစ်ဆေးကာ နည်းပညာဆိုင်ရာ ဆက်လက်ဆောင်ရွက်ရမည့်လုပ်ငန်းများကို မှာကြားခဲ့ကြောင်း သိရသည်။

#YMG/NN #Yangon_Times

သီတဂူဆရာတော်ကြီးကIBEC ဗုဒ္ဓတက္ကသိုလ်မှ ဘွဲ့ရရှိသူတွေကို ဘွဲ့တံဆိပ် တွေ အပ်နှင်းခဲ့တယ်လို့သိရပါတယ်။

#Local_News
Published 19 January 2025
#IBEC #သီတဂူဆရာတော်ကြီး
#YMG/NN #Yangon_Times

တိုင်းဒေသကြီးနဲ့ ပြည်နယ်သုံးခုရှိ လွှတ်တော်ကိုယ်စားလှယ်အဖြစ် USDPပါတီက အများဆုံးရွေးကောက်တင်မြှောက်ခံရတယ်လို့
ပြည်ထောင်စုရွေးကောက်ပွဲကော်မရှင်ရဲ့ ထုတ်ပြန်တဲ့စာရင်းတွေအရသိရပါတယ်။

#Local_News
Published 19 January 2025
#USDPပါတီ #ပြည်ထောင်စုရွေးကောက်ပွဲကော်မရှင်
#YMG/NN #Yangon_Times

လျှပ်စစ်ဓာတ်အားကို တရားမဝင်ချိတ်ဆက်သုံးစွဲပါက ထောင်ဒဏ် (၁၀)နှစ်အထိ ချမှတ်နိုင်တာကြောင့်တရားမဝင်ချိတ်ဆက်သုံးစွဲတာတွေမပြုလုပ်ဖို့ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ အသိပေးထုတ်ပြန်ထားပါတယ်။

#Local_News
Published 19 January 2025
#လျှပ်စစ်ဓာတ်အား
#YMG/SW #Yangon_Times

#Local_News
Published 19 January 2025

▪️ မြန်မာနိုင်ငံအိုလံပစ်ကော်မတီဥက္ကဋ္ဌ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် မန္တလေးတိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူးနှင့်အတူ ယမာန်နေ့မနက်ပိုင်းတွင် မန္တလေးငလျင်ဒဏ်ကြောင့် ထိခိုက်ပျက်စီးခဲ့သည့် မန္တလေးတိုင်းဒေသကြီးအတွင်းရှိ အားကစားကွင်း/ အားကစားရုံများအား ငလျင်အပြီး ပြန်လည်ပြုပြင်ဆောင်ရွက်နေမှု အခြေအနေများကို လိုက်လံကြည့်ရှုစစ်ဆေးသည်။

▪️ ပြည်ထောင်စုဝန်ကြီးနှင့်အဖွဲ့သည် မန္တလေးတိုင်းဒေသကြီး ချမ်းမြသာစည်မြို့နယ်ရှိ မန္တလာသီရိအားကစားကွင်းသို့ သွားရောက်၍ ငလျင်အပြီး ပြန်လည်ပြုပြင်ဆောင်ရွက်နေမှု အခြေအနေများကို လိုက်လံကြည့်ရှုစစ်ဆေးပြီး အားကစားကွင်း/အားကစားရုံများ သတ်မှတ်စံချိန်/စံညွှန်းနှင့်အညီ အရည်အသွေးပြည့်မီစေရေး၊ သတ်မှတ်ကာလအတွင်း အချိန်မီပြန်လည်ပြုပြင်ပြီးစီးနိုင်စေရေးအတွက် သက်ဆိုင်ရာကုမ္ပဏီ၊ အရည်အသွေးစစ်ဆေးသည့် (QC)ကုမ္ပဏီနှင့် ဝန်ကြီးဌာနမှ တာဝန်ရှိသူများက စိစစ်ကြပ်မတ်ဆောင်ရွက်သွားရန်လိုကြောင်း မှာကြားသည်။

▪️ ယင်းနောက် ချမ်းအေးသာစံမြို့နယ် ဗထူးအားကစားကွင်းရှိ ဗထူးမိုးလုံလေလုံအားကစားရုံသို့ သွားရောက်ကြည့်ရှုစစ်ဆေးပြီး မိုးလုံလေလုံအားကစားရုံ ရေရှည်တည်တံ့စေရေး၊ ခိုငှက်များ မဝင်ရောက်နိုင်စေရေးအတွက် သံဆန်ခါများဖြင့် စနစ်တကျကာရံသွားရန်၊ အားကစားရုံပတ်ဝန်းကျင် သန့်ရှင်းသပ်ရပ်မှုရှိစေရန်နှင့် ပြည်သူများ လာရောက်လေ့ကျင့်ကစားနိုင်စေရေးတို့အတွက် စနစ်တကျ ထိန်းသိမ်းဆောင်ရွက်သွားရန်လိုကြောင်း တာဝန်ရှိသူများအား မှာကြားပြီး မန္တလေးတိုင်းဒေသကြီး အားကစားနှင့်ကာယပညာဦးစီးဌာနမှ အရာထမ်း/အမှုထမ်းဝန်ထမ်းများနှင့် ရင်းရင်းနှီးနှီးတွေ့ဆုံကာ ဝန်ထမ်းများ၏ လိုအပ်ချက်များကို ဖြည့်ဆည်း ဆောင်ရွက်ပေးသည်။

▪️ ထို့ပြင် အားကစားနှင့် လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် တာဝန်ရှိသူများနှင့်အတူ ယမန်နေ့မွန်းလွဲပိုင်းတွင် မန္တလေးမြို့ရှိ ပုဂ္ဂလိကလုပ်ငန်းရှင်မှ ငှားရမ်းလုပ်ကိုင်ဆောင်ရွက်နေသော နိုင်ငံပိုင်ထွန်းလှဟိုတယ်သို့ သွားရောက်ကာ ခရီးသွားရာသီအတွင်း လာရောက်တည်းခိုကြသည့် ပြည်တွင်း ပြည်ပခရီးသွားဧည့်သည်များကို တန်းပြည့်ဝန်ဆောင်မှုပေး၍ လုပ်ငန်းဆောင်ရွက်ထားရှိမှုအခြေအနေများ၊ တိုးချဲ့ဆောက်လုပ်မည့် စားသောက်ခန်းမနေရာများကို ကြည့်ရှုစစ်ဆေးသည်။

▪️ ထို့နောက် ပြည်ထောင်စုဝန်ကြီးသည် ဟိုတယ်ရှိ ဝန်ထမ်းများ၏ ဝန်ဆောင်မှုအရည်အသွေးများ ယခုထက်ပိုမို အဆင့်မီကောင်းမွန်စေရေးအတွက် လေ့ကျင့်ဆောင်ရွက်ပေးရန်၊ ဟိုတယ်ဝင်းအတွင်း သန့်ရှင်းသာယာလှပရေး၊ လာရောက်တည်းခိုသည့် ဧည့်သည်များအတွက် စိတ်အပန်းဖြေနိုင်ရေးအတွက် မြေယာရှုခင်းအလှများကို ဆောင်ရွက်ထားရှိရန်၊ ရေကူးကန်အတွင်းရှိ ရေများသန့်ရှင်းအောင်ဆောင်ရွက်ထားရှိပြီး ရေကူးသူများ ဘေးအန္တရာယ်ကင်းရှင်းစွာ ရေကူးနိုင်ရေးအတွက် သတိပေးဆိုင်းဘုတ်များ၊ အစောင့်ဝန်ထမ်းများကို စနစ်တကျထားရှိရန်၊ ကားရပ်နားရန်နေရာများကိုပါ စနစ်တကျဆောင်ရွက်သတ်မှတ်ထားရှိရန်၊ ဌာနေဒေသခံများအတွက် အလုပ်အကိုင်အခွင့်အလမ်းများရရှိစေနိုင်မည့် လုပ်ငန်းများကို တိုးချဲ့စီစဉ်အကောင်အထည်ဖော် ဆောင်ရွက်သွားနိုင်ရန်ကိစ္စရပ်များကို မှာကြားခဲ့ကြောင်းသိရသည်။

#YMG/NN #Yangon_Times

မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA)မှ ကြီးမှူးကာ
မြန်မာနိုင်ငံအတွင်းက မြန်မာနိုင်ငံသားတိုင်း ပါဝင်ယှဉ်ပြိုင်နိုင်မယ့် (၂၁) ကြိမ်မြောက် ဂျပန်စာပေ ဘာသာပြန်ပြိုင်ပွဲကို လာမယ့်ဖေဖော်ဝါရီလ၁၄ရက်နဲ့၁၅ရက်‌တွေမှာ ကျင်းပသွားမယ်လို့သိရပါတယ်။

#Local_News
Published 19 January 2025
#ဂျပန်စာပေ #MAJA
#YMG/SW #Yangon_Times

#Daily_News
Published 19 January 2025

၁။‌ ‎‎‎တိုင်းနှင့်ပြည်နယ်သုံးခုရှိ လွှတ်တော်ကိုယ်စားလှယ်အဖြစ် USDPပါတီမှ အများဆုံးရွေးကောက်တင်မြှောက်ခံရ
‎
‎၂။ ‌‌‌‌‌‌‌‌‌‌‌‎‎‎‎လျှပ်စစ်ဓာတ်အားကို တရားမဝင်ချိတ်ဆက်သုံးစွဲပါကထောင်ဒဏ် (၁၀)နှစ်အထိ ချမှတ်နိုင်
‎
‎၃။‌‌‎ ‌‌‌‌‌‌‌‌‌‎‎ဂျပန်စာပေ ဘာသာပြန်ပြိုင်ပွဲ ကျင်းပမည်
‎
‎‎၄။‎ ‌‌‌‌‌‌‌‌‌‎တိုရွန်တိုမြို့၌အင်အားကြီးဆောင်မုန်တိုင်းတိုက်ခတ်သဖြင့် သွားလာရေးများနှောင့်နှေးထိခိုက် ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 19 January 2026

■ တနင်္လာနေ့မှာ အမေရိကန်ဒေါ်လာတန်ဖိုး ကျဆင်းလာပြီး သမ္မတဒေါ်နယ်ထရမ့်က ဂရင်းလန်းကိစ္စနဲ့ ပတ်သက်လို့ ဥရောပအပေါ် အခွန်စည်းကြပ်ရန် ခြိမ်းခြောက်တာတွေကြောင့် ရင်းနှီးမြှုပ်နှံသူတွေ ယုံကြည်မှုနည်းသွားကာ ခိုင်မာစိတ်ချရတဲ့ ဂျပန်ယန်းငွေနဲ့ ဆွစ်ဖရန့်ငွေတို့ကို မြှုပ်နှံလာကြပါတယ်။

■ အမေရိကန်သာ ဂရင်းလန်းကို ဝယ်ခွင့်မရပါက ဖေဖော်ဝါရီ ၁ ရက်နေ့မှစပြီး ဒိန်းမတ်၊ နော်ဝေး၊ ဆွီဒင်၊ ပြင်သစ်၊ ဂျာမနီ၊ နယ်သာလန်၊ ဖင်လန်တို့မှ ကုန်ပစ္စည်းများအပေါ် တင်သွင်းခွန် နောက်ထပ် ၁၀ ရာခိုင်နှုန်း စည်းကြပ်သွားမယ်လို့ ထရမ့်က ပြောထားပါတယ်။

■ ဥရောပသမဂ္ဂနိုင်ငံကြီးတွေက အဆိုပါ အခွန်စည်းကြပ်မှုတွေကို ရှုတ်ချလိုက်ကာ ပြင်သစ်ဆိုရင် ယခင်က မကျင့်သုံးဖူးတဲ့ တန်ပြန်ဆောင်ရွက်ချက်များ ပြုလုပ်ဖို့ အကြံပြုနေပါတယ်။

■ နိုင်ငံခြားငွေလဲလှယ်ရေးဈေးကွက်မှာ အာရှကုန်သွယ်ရေးအတွင်း ယူရိုငွေနဲ့ စတာလင် ရောင်းချဖို့ ဖြစ်ပါတယ်။

■ ရင်းနှီးမြှုပ်နှံသူတွေက ရေရှည်အကျိုးကို အကဲဖြတ်နေကြကာ ဒေါ်လာလည်း ဖိအားအောက် ရောက်ရှိလာပါတယ်။

■ ဒါကြောင့် ယူရိုနဲ့ စတာလင်ပေါင်တို့ ဆုံးရှုံးခဲ့တာတွေ ပြန်လည်သက်သာလာခဲ့ပါတယ်။

■ ကမ္ဘာတဝှမ်းကို ထရမ့်က အခွန်စည်းကြပ်မယ့် အစီအစဉ်ပြောလာပြီးနောက် အမေရိကန် ပိုင်ဆိုင်မှု တန်ဖိုးတွေအပေါ် ယုံကြည်မှုလျော့နည်းလာပါတယ်။

■ ဥရောပကို အခွန်စည်းကြပ်ဖို့ ခြိမ်းခြောက်နေပေမယ့် ဒေါ်လာကသာ ထိပါးနေတယ်လို့ ANZ မှ အာရှသုတေသနအကြီးအကဲ ခွန်ဂိုက ပြောသွားပါတယ်။

Source: Reuters

#World_Health
Published 19 January 2026

■ ဆေးဝါးတွေမတိုးတော့တဲ့ ကင်ဆာဆဲလ်တွေကို ပစ်မှတ်ထားနိုင်မယ့်နည်းလမ်းကို နိုင်ငံတကာသုတေသီအဖွဲ့ တွေ့ရှိထားပါတယ်။

■ ဒီတွေ့ရှိချက်တွေကို အစ္စရေးလ် ဝစ်ဇ်မန်းသိပ္ပံတက္ကသိုလ်က ကြေညာခဲ့တာ ဖြစ်ပါတယ်။

■ ကင်ဆာအများအပြားမှာ ယခင်က ကုထုံးအမျိုးမျိုးနဲ့ အလုပ်ဖြစ်ခဲ့တာတွေက ကုထုံးမတိုးတော့တဲ့ပြဿနာက အလွန်ကြီးမားနေပါတယ်။

■ ကြာလာတာနဲ့အမျှ ကင်ဆာဆဲလ်တွေ ဆင့်ကဲပြောင်းလဲလာပြီး ဒီကုသမှုတွေကို ရှောင်ရှားတတ်လာတာကြောင့် ဆေးဝါးတွေ အလုပ်မဖြစ်တော့တာ ဖြစ်ပါတယ်။

■ သိပ္ပံပညာရှင်တွေက ကင်ဆာအကျိတ်တွေ ကုသမှုယဉ်ပါးလာတဲ့အခါ ဖြစ်လာတဲ့ မျိုးဗီဇဆင့်ကဲပြောင်းလဲခြင်းကို လေ့လာထားကြပါတယ်။

■ ဒီပြောင်းလဲမှုတွေကနေ ကင်ဆာဆဲလ်တွေမှာ မော်လီကျူးအရာတွေ ကျန်ခဲ့ပါတယ်။

■ ဒီအရာတွေကို SpotNeoMet လို့ခေါ်တဲ့ စွမ်းအားမြင့်ကွန်ပျူတာကိရိယာဖြင့် ရှာဖွေပါတယ်။

■ ဒီနောက် ကုသမှုယဉ်ပါးတဲ့ ဆင့်ကဲပြောင်းလဲမှုတွေကို ရှာတွေ့နိုင်မယ့် အချက်အလက်တွေ ရှာဖွေပါတယ်။

■ ထိုအခါမှာ နီယိုအန်တီဂျင်လို့ခေါ်တဲ့ ပရိုတိန်း အပိုင်းအစတွေကို ထုတ်လုပ်ပေးကာ ဒီပစ္စည်းတွေက ကင်ဆာဆဲလ်တွေမှာပါ တွေ့ရပါတယ်။

■ ထိုနီယိုအန်တီဂျင်တွေကို ကိုယ်ခံအားကုသမှုအသစ်ပုံစံတွေ ဖြစ်လာအောင် လေ့ကျင့်ပေးပြီး ကင်ဆာဆဲလ်တွေကို တိုက်ခိုက်စေပါတယ်။

■ နောက်ထပ်လေ့လာစမ်းသပ်ချက်တွေ ပြုလုပ်ဖို့ လိုအပ်နေသေးကာ အခြားသော ကုထုံးယဉ်ပါးကင်ဆာတွေမှာ အသုံးပြုနိုင်ဖို့ ရည်ရွယ်ထားပါတယ်။

Source: India Today