ဆီးရီးယားမြို့တော် ဒမတ်စ်ကပ်စ်မှာ ရေရှားမှုပြဿနာ အလွန်ဆိုးရွားနေပြီး လူအများဟာ သောက်သုံးရေနဲ့ နေ့စဉ်သုံးရေ အလုံအလောက်ရရှိဖို့ ခက်ခဲနေပါတယ်။
#World_Crisis
Published 9 June 2025
#အပူချိန်မြင့်တက်လာခြင်း #ဆိုးရွားစွာမိုးခေါင်ရေရှား
#YMG #Yangon_Times #Yangon_Media_Group

#Daily_News

Published 9 June 2025

၁။ စားအုန်းဆီရည်ညွှန်းဈေး တစ်ပိဿာကျပ် ခြောက်ထောင်ဝန်းကျင်သို့ ကျဆင်း

၂။ ကမ္ဘာ့အိုလံပစ်နေ့ အထိမ်းအမှတ် Steward Course သင်တန်း၌ သင်တန်းသား ၄၀ဦးခန့်တက်ရောက်

၃။ MSME များအတွက် ထိခိုက်ဆုံးရှုံးနိုင်ခြေများ စီမံခန့်ခွဲမှု သင်တန်းကိုအခမဲ့တက်ရောက်နိုင်မည်

၄။ အပူချိန်မြင့်တက်လာခြင်းနှင့်အတူ ဆီးရီးယားမြို့တော်၌ ဆိုးရွားစွာမိုးခေါင်ရေရှား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

တောင်တရုတ်ပင်လယ်နဲ့ ဘင်္ဂလားပင်လယ်အော်မှာဖြစ်ပေါ်ကြမယ့်လေပွေလှိုင်းနဲ့ တိုင်ဖုန်းအရှိန်တွေကြောင့် မြန်မာတစ်နိုင်ငံလုံးမိုးရွာနိုင်တဲ့အပြင် မွန်နှင့်တနင်္သာရီ၌ မိုးကြီးနိုင်တယ်လို့ မိုးလေဝသပြင်ပပညာရှင်ဦးဝင်းနိုင်ကခန့်မှန်းထားပါတယ်။
#Local_News
Published 9 June 2025
#လေပွေလှိုင်းနှင့်တိုင်ဖုန်းအရှိန် #မွန်နှင့်တနင်္သာရီ၌ မိုးကြီးနိုင်
#YMG/NN #Yangon_Times

#World_Science
Published 09 June 2025

▪️ ပစိဖိတ်ကမ်းရိုးတန်းနားမှ ထူးခြားဆန်းကျယ်ပြီး အလွန်လှုပ်ရှားနေတဲ့ ပင်လယ်ရေအောက်မီးတောင်တစ်ခုဟာ ယခုနှစ်ကုန်ပိုင်းလောက်မှာ ပေါက်ကွဲနိုင်တယ်လို့ သိပ္ပံပညာရှင်များ ပြောပါတယ်။

▪️ Axial Seamount လို့ခေါ်တဲ့ မီးတောင်ဟာ ဆန်ဖရန်ဆစ္စကို အနောက်မြောက်ဖက် မိုင် ၇၀၀ အကွာ ရေအောက်တစ်မိုင်နီးပါးမှာ တည်ရှိပြီး ၁၉၈၀ ဝန်းကျင်တွေမှာ သိပ္ပံပညာရှင်တွေ တွေ့ရှိပြီး စိတ်ဝင်စားလာကြပါတယ်။

▪️ ၁၉၉၈၊ ၂၀၁၁၊ ၂၀၁၅ တို့မှာ ၃ ကြိမ်ပေါက်ကွဲခဲ့တယ်လို့ အော်ရီဂွန်ပြည်နယ်တက္ကသိုလ်မှ သုတေသီ ဘီလ်ချက်ဝစ်က ပြောပါတယ်။

▪️ ဒါပေမဲ့ ပြင်းပြင်းထန်ထန်ကြီး ပေါက်ကွဲတာမဟုတ်တဲ့အတွက် ကယ်လီဖိုးနီးယား၊ အော်ရီဂွန်၊ ဝါရှင်တန်တို့မှ နေထိုင်သူတွေအတွက် ဆူနာမီအန္တရာယ် လုံးဝမရှိပါဘူး။

▪️ Axial Seamount ပင်လယ်ရေအောက်မီးတောင်က ပေါက်ကွဲတဲ့အခါ ချော်ရည်တွေ စိမ့်ထွက်လာရုံဖြစ်ပြီး လူတွေသတိထားမိမှာ မဟုတ်ပါဘူး။

▪️ ပေါက်ကွဲရာကနေ ထွက်လာတဲ့ အပူငွေ့တွေက မိုင်တဝက်နီးပါးလောက်သာ ရှိနိုင်တာကြောင့် ရေမျက်နှာပြင်အထိတောင် မရောက်နိုင်ဘူးလို့ ဝါရှင်တန်တက္ကသိုလ်မှ သမုဒ္ဒရာဆိုင်ပါမောက္ခ ဝီလီယံဝီလ်ကော့ခ်က ပြောပါတယ်။

▪️ ချော်ရည်တွေပိကျလာတဲ့အခါ ပင်လယ်နေသတ္တဝါများနဲ့ သိပ္ပံနည်းပညာပစ္စည်းများ ပျက်စီးနိုင်ပေမယ့် မျက်နှာပြင်နားနေထိုင်တတ်တဲ့ ဝေလငါးလို သတ္တဝါတွေကတော့ မသက်ရောက်နိုင်လောက်ပါဘူး။

▪️ ကုန်းပေါ်က မီးတောင်အများအပြားက အချိန်ကြာမြင့်စွာ ငြိမ်နေတတ်ပြီးမှ ရုတ်တရက်လှုပ်ရှားတတ်ပေမယ့် Axial Seamount ကတော့ အချိန်တိုင်းလှုပ်ရှားနေပါတယ်။

▪️ မီးတောင်ပေါက်ကွဲတာက သိပ်ပြီးမကြာမြင့်တာကြောင့် ဖမ်းယူရိုက်ကူးမိဖို့ဆိုရင် အချိန်မှန်နေရာမှန်မှာ ရှိနေရမှာဖြစ်ပါတယ်။

#Source: Seattle Times

အသေးစား၊ အငယ်စားနဲ့ အလတ်စားစီးပွားရေးလုပ်ငန်းတွေ (MSME) အနေနဲ့ လုပ်ငန်းလည်ပတ်မှုအတွင်းနဲ့ ပြင်ပပတ်ဝန်းကျင်ကတစ်ဆင့် ရင်ဆိုင်ကြုံတွေ့နိုင်တဲ့ ထိခိုက်ဆုံးရှုးနိုင်ခြေအမျိုးမျိုး၊ စိန်ခေါ်မှုအမျိုးမျိုးအတွက် “ထိခိုက်ဆုံးရှုံးနိုင်ခြေများ စီမံခန့်ခွဲမှု (Risk Management)” သင်တန်းကို အခမဲ့တက်ရောက်နိုင်မယ်လို့ သိရပါတယ်။
#Local_News
Published 9 June 2025
#MSME #စီမံခန့်ခွဲမှုသင်တန်း
#YMG/SW #Yangon_Times

ကမ္ဘာ့အိုလံပစ်နေ့အထိမ်း အမှတ် Steward Course သင်တန်း၌ သင်တန်းသား၄၀ဦးခန့် တက်ရောက်ခဲ့တယ်လို့ မြန်မာနိုင်ငံမြင်းစီးအားကစားအဖွဲ့ချုပ်က သိရပါတယ်။
#Local_News
Published 9 June 2025
#ကမ္ဘာ့အိုလံပစ်နေ့အထိမ်းအမှတ် #Steward_Courseသင်တန်း
#YMG/NN #Yangon_Times

#Local_News
Published 9 June 2025

▪️ ပြည်မြို့အနီး၌ အင်အားရစ်(ခ်)တာစကေး (၄.၅) အဆင့်ရှိမြေငလျင် တစ်ခု ယနေ့ လှုပ်ခတ်ခဲ့ကြောင်းမိုးလေဝသနှင့်ဇလဗေဒညွှန်ကြားမှုဦးစီးဌာနမှ
သိရသည်။

▪️ ဇွန်လ ၉ ရက်နေ့၊ မြန်မာစံတော်ချိန် (၉) နာရီ၊ (၄၄)မိနစ်၊ (၄၉)စက္ကန့် အချိန်တွင် ဂွမြေငလျင်စခန်းမှ အရှေ့မြောက်ဘက် မိုင် (၉၀) ခန့်ကွာဝေးသော မြန်မာနိုင်ငံပြည်တွင်း (ပြည်မြို့၏ အနောက်ဘက် (၁၁) မိုင်ခန့်အကွာ) မြောက် လတ္တီတွဒ် (၁၈.၈၃) ဒီဂရီ၊ အရှေ့လောင်ဂျီတွဒ် (၉၅.၀၅) ဒီဂရီ၊ အနက် (၇၇) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိကြောင်း သိရသည်။

#YMG/NN #Yangon_Times

ဈေးကွက်အတွင်းမှာ ရောင်းချတဲ့ စားအုန်းဆီတွေအတွက် ရည်ညွှန်းစျေးကို အပတ်စဉ်သတ်မှတ် ထုတ်ပြန်ပေးလျှက်ရှိရာမှာ ယခုတစ်ပတ်အတွက် ထုတ်ပြန်ပေးတဲ့ ရည်ညွှန်းဈေးမှာတော့ တစ်ပိဿာကို ကျပ်ခြောက်ထောင်ခန့်အထိ ကျဆင်းလာပါတယ်။
#Local_News
Published 9 June 2025
#စားအုန်းဆီရည်ညွှန်းဈေး #စားအုန်းဆီဈေးကျဆင်း
#YMG/SW #Yangon_Times

#Local_News
Published 9 June 2025

▪️ ဆောက်လုပ်ရေးဝန်ကြီးဌာန၏ ကြီးကြပ်မှုဖြင့်တည်ဆောက်နေသည့် ဒဂုံ မြို့သစ်(တောင်ပိုင်း)မြို့နယ် သုခဒဂုံပြည်သူ့အငှါးအိမ်ရာမှထပ်မံ ပြီးစီးသည့်တိုက် ၄ လုံး ကို မကြာမီ မဲနှိုက်နေရာချထားပေးသွားမည်ဖြစ်ကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနမှ သိရသည်။

▪️ မဲနှိုက်ခွင့်ရရှိသည့်မြို့နယ်နှင့် ဌာနဆိုင်ရာအမည်များကိုလည်း ယခုလ ၁၀ ရက်နေ့ တွင် ထပ်မံကြေညာမည်ဖြစ်ကြောင်း၊ ထို့ကြောင့် သုခဒဂုံ အိမ်ရာအတွင်းတိုက်ခန်းနှင့် ဆိုင်ခန်းများကို ဝယ်ယူခွင့်ရမည်ဆိုပြီး လိမ်လည်သူများ၊ တိုက်ခန်း ငှါးရမ်းခွင့်ရမည်ပြောပြီး လိမ်ညာနေသူများ ရှိနေပါသဖြင့် ပြည်သူများအနေဖြင့် လိမ်ညာမခံရအောင် သတိပြုကြရန်လည်း ဌာနမှ အသိပေးနှိုးဆော်ထားသည်။

▪️ ဆောက်လုပ်ရေးဝန်ကြီးဌာနအနေဖြင့် ပြည်သူများ နေထိုင်ရေး အဆင်ပြေစေရန် အတွက် အငှားအိမ်ရာများ တည်ဆောက်ငှားရမ်းပေးခြင်း၊ တန်ဖိုးနည်းအိမ်ရာများ တည်ဆောက်၍ ဘဏ်နှင့် ချိတ်ဆက်ကာ အရစ်ကျစနစ်ဖြင့် ရောင်းချပေးခြင်းများကိုဆောင်ရွက်ပေးလျှက်ရှိပြီး လက်ရှိတွင်လည်း အိမ်ရာလေးခုမှ အခန်းများရောင်းချပေးရန် လျှောက်လွှာများ ခေါ်ယူလျှက်ရှိသည်။

#YMG/SW #Yangon_Times

#Local_News
Published 9 June 2025

▪️ ဆော်ဒီအာရေဗျတွင် ကျင်းပမည့် Esports World Cup 2025 ပြိုင်ပွဲတွင် မြန်မာကိုယ်စားပြု MLBB အသင်းအဖြစ် Mythic Seal ကသွားရောက်ယှဥ်ပြိုင်မည် ဖြစ်သည်။

▪️ ထိုသို့သွားရောက်ယှဥ်ပြိုင်ရန်အတွက် ပြည်တွင်းရှိ Mobile Legends:Bang Bang (MLBB) အသင်းများမှ ကိုယ်စားပြုအသင်းအဖြစ်ရွေးချယ်ရန် MSL MM 2025 Season 1 ကို ကျင်းပခဲ့ရာ ပြည်တွင်းအသင်းပေါင်းများစွာမှ Mythic Seal အသင်းက Champions ဆုကြီးကို ရရှိခဲ့ပြီး မြန်မာနိုင်ငံကိုယ်စားပြုအသင်းအဖြစ် သွားရောက်ယှဥ်ပြိုင်ခွင့်ရရှိခဲ့ခြင်း ဖြစ်သည်။

▪️ Mythic Seal အသင်းအနေဖြင့် Grand Final တွင် Yangon Galacticos အသင်းနှင့် ယမန်နေ့ညနေပိုင်းက Best of 7 ပွဲစဥ်အဖြစ် ယှဥ်ပြိုင်ကစားခဲ့ရပြီး ၄-၂ ရလာဒ်ဖြင့် အနိုင်ရရှိခဲ့ ခြင်းဖြစ်သည်။ Mythic Seal အသင်းတွင် Coach အဖြစ် Lnyydaddy အသင်းသားများအဖြစ် Kenn, Nikko,Bo Ye,Zippy,Khun တို့ ပါဝင် ဖွဲ့စည်းထားပြီး Coach အပါအဝင် Kenn, Nikko, Zippy စသည့် ကစားသမားများသည် နိုင်ငံတကာ MLBB ပြိုင်ပွဲများတွင် သွားရောက်ယှဥ်ပြိုင်ဖူးသည့် ဝါရင့် ကစား သမားများဖြစ်ကြောင်း သိရ သည်။

▪️ ဆော်ဒီအာရေဗျတွင် ကျင်းပမည့် Esports World Cup 2025 ပြိုင်ပွဲ၏ MLBB Mid Season Cup 2025 ပြိုင်ပွဲကို လာမည့်ဇူလိုင်လ ၁၀ရက်မှ သြဂုတ်လ ၂ရက်အထိ ကျင်းပသွားမည်ဖြစ်သည်။

#YMG/SW #Yangon_Times

#World_News
Published 09 June 2025

▪️ အမေရိကန်မှာ သဘောထားကွဲလွဲတဲ့ လူဝင်မှုနှိမ်နင်းရေးတွေအပေါ် အကြီးအကျယ် ဆန္ဒပြနေကြတဲ့အချိန်မှာ သမ္မတဒေါ်နယ်ထရမ့်က လော့စ်အိန်ဂျလိစ်မှာ အမျိုးသားကာကွယ်ရေးတပ်များ ဖြန့်ကျက်ပြီးနောက် တနင်္ဂနွေနေ့က ရီပတ်ဘလစ်ကန်တွေနဲ့ ဒီမိုကရက်တွေ စကားလုံးတွေနဲ့ အပြန်အလှန်ထိုးနှက်ခဲ့ကြပါတယ်။

▪️ "ထရမ့်ဟာ ငြိမ်းချမ်းရေးကို စောင့်ထိန်းနေတာမဟုတ်ဘဲ ကွဲပြားအောင် လုပ်ချင်နေတယ်ဆိုတာ အမှတ်ရနေဖို့ အရေးကြီးတယ်။ သူတို့ဟာအခွင့်ရရင် ဥပဒေစည်းမျဉ်းတွေကို အဆုံးသတ်သွားလိမ့်မယ်" လို့ ဒီမိုကရက်တစ် လွှတ်တော်အမတ် ခရစ္စမာဖီက တိုက်ရိုက်ပြောဆိုလိုက်ပါတယ်။

▪️ လွှတ်တော်အမတ် ကိုရီဘွတ်ကာကလည်း ကယ်လီဖိုးနီးယား ခွင့်ပြုချက်မရဘဲ တပ်ဖြန့်ကျက်ခဲ့တဲ့ထရမ့်ကို ရှုတ်ချလိုက်ကာ ဒီလုပ်ရပ်ဟာ တင်းမာမှုမြင့်တက်စေရုံပဲရှိတယ်လို့ သတိပေးလိုက်ပါတယ်။

▪️ ဒါ့အပြင် ထရမ့်ကို သူတော်ကောင်းယောင်ဆန်သူလို့ စွပ်စွဲလိုက်ပြီး ၂၀၂၁ ဇန်နဝါရီ ၆ ရက်နေ့ အမေရိကန် ကပ်ပီတိုလ်ကို ထရမ့်ထောက်ခံသူထောင်နဲ့ချီ ကျူးကျော်ခဲ့ခြင်းနဲ့ နောက်ပိုင်းမှာ ဒီကိစ္စကြောင့် အဖမ်းခံရသူများကို ထရမ့်ပြန်လွှတ်တဲ့ လုပ်ရပ်တွေကိုလည်း ထောက်ပြလိုက်ပါတယ်။

▪️ ဗီဒီယိုဖော်ပြချက်တွေထဲမှာ တနင်္ဂနွေနေ့က လော့စ်အိန်ဂျလိစ်ရှိ ဖက်ဒရယ်အဆောက်အအုံမှာ စစ်ဖက်ဆိုင်ရာယာဉ် ဒါဇင်ဝက်ခန့်နဲ့ အကာအကွယ်ဒိုင်းတွေ မြင်တွေ့ရပြီး အစိုးရရဲတပ်ဖွဲ့တွေက ဆန္ဒပြသူများထံ မျက်ရည်ယိုဗုံးများ ပစ်နေခဲ့ကြပါတယ်။

▪️ ကယ်လီဖိုးနီးယားအုပ်ချုပ်ရေးမှူး ဂေဗင်နယူးဆမ်က ထရမ့်ဟာ အလွန်အကျွံတုံ့ပြန်ခဲ့တယ်လို့ ရှုတ်ချလိုက်သလို ထရမ့်ကတော့ နယူးဆမ်ဟာ တည်ငြိမ်းအေးချမ်းရေး မထိန်းသိမ်းနိုင်ဘူးလို့ စွပ်စွဲလိုက်ပါတယ်။

▪️ အောက်လွှတ်တော်ဥက္ကဌ မိုက်ခ်ဂျွန်ဆန်က ထရမ့်ရဲ့ဆုံးဖြတ်ချက်ကို ခုခံသွားကာ အဓိကက အင်အားသုံးပြီး တည်ငြိမ်အေးချမ်းမှု ထိန်းသိမ်းရန်ဖြစ်တယ်လို့ ပြောသွားပါတယ်။

▪️ လူဝင်မှုကိစ္စများ၊ ဆန္ဒထုတ်ဖော်ခွင့်များ၊ ပြည်တွင်းရေးမှာ အစိုးရမှအင်အားသုံးမှုများအပေါ် အငြင်းပွားနေကြရာမှာ ဆန္ဒပြတာတွေက အချက်အခြာဖြစ်လာပြီး သမ္မတလုပ်ပိုင်ခွင့်နဲ့ ပြည်သူတွေရဲ့ ငြင်းဆန်ပိုင်ခွင့်တွေအကြောင်း ဆက်လက်အငြင်းပွားစရာ ဖြစ်လာပါတယ်။

#Source: Reuters

#World_Health
Published 09 June 2025

▪️ ဗိုက်တာမင်-ဒီ ဖြည့်စွက်အားဆေးတွေက အသက်ကြီးလာတဲ့အခါ တိုတောင်းသွားတဲ့ ခရိုမိုဆုန်းအဆုံးသတ်နားက ဒီအင်န်အေဆက်ကြောင်း တီလိုမယ်ရာတွေ ဆုံးရှုံးလာခြင်းကို တားဆီးပေးပြီး ဆဲလ်အိုမင်းရင့်ရော်ခြင်းကို နှောင့်နှေးစေနိုင်တယ်လို့ လေ့လာချက်အသစ်တစ်ခုမှာ တွေ့ရှိထားပါတယ်။

▪️ VITAL လို့ခေါ်တဲ့ စမ်းသပ်မှုကြီးတစ်ခုမှာ ဗိုက်တာမင်-ဒီ ဖြည့်စွက်ဆေးတွေက အသက်အရွယ်နဲ့ သက်ဆိုင်တဲ့ရောဂါများအပေါ် ကာကွယ်ပေးနိုင်စွမ်းရှိပုံကို တွေ့ရှိခဲ့ကြတယ်လို့ ဟားဗတ်ဆေးတက္ကသိုလ်မှ ပရော်ဖက်ဆာ ဂျိုအန်မန်ဆန်က ပြောသွားပါတယ်။

▪️ ဗိုက်တာမင်-ဒီက ရောင်ရမ်းခြင်းကို လျှော့ချပေးနိုင်တဲ့အပြင် အဆင့်မြင့်ကင်ဆာများနဲ့ အသက်အန္တရာယ်၊ ကိုယ်ခံအားဆိုင်ရာ ရောဂါများကိုပါ လျှော့ချပေးနိုင်တာကို သိပြီးသားဖြစ်ပါတယ်။

▪️ VITAL စမ်းသပ်ချက်ထဲမှာ အသက် ၅၅ နှစ်နဲ့အထက် အမျိုးသမီးတွေနဲ့ အသက် ၅၀ နဲ့အထက် အမျိုးသား စုစုပေါင်း ၂၆,၀၀၀ နီးပါးကို ဗိုက်တာမင်-ဒီ အားဆေးများ၊ ငါးကြီးဆီများတိုက်တဲ့အဖွဲ့နဲ့ နှစ်မျိုးစလုံးတိုက်တဲ့အဖွဲ့ဆိုပြီး ခွဲခဲ့ပါတယ်။

▪️ တီလိုမယ်ရာတွေ အလွန်တိုတောင်းသွားပြီး ဆဲလ်မကွဲနိုင်တော့ဘဲ သေဆုံးသွားတဲ့အခါ ခန္ဓာကိုယ်မှာ အိုမင်းလာပါတယ်။

▪️ တစ်နေ့ကို ဗိုက်တာမင်-ဒီ ၂,၀၀၀ IU ပေးတဲ့သူတွေမှာ တီလိုမယ်ရာတွေ တိုတောင်းမှုပမာဏ နည်းသွားတာတွေ့ရပြီး ငါးကြီဆီကတော့ သက်ရောက်မှုမရှိပါဘူး။

▪️ စတင်စမ်းသပ်ချိန်မှာ စမ်းသပ်ခံသူတွေမှာ ဒီအင်န်အေတီလိုမယ်ရာအစုံ ၈,၇၀၀ ခန့်ကို အရှည်တိုင်းတာခဲ့ရာ ဗိုက်တာမင်-ဒီကြောင့် လေးနှစ်အတွင်း အစုံ ၁၄၀ ခန့်လောက်က တိုသွားတာ တွေ့ရပါတယ်။

▪️ ယူကေမှ အသက် ၆၀ အထက်လူတွေကို လေ့လာရာမှာ သွေးထဲမှာ ဗိုက်တာမင်-ဒီပမာဏ အလွန်မြင့်မားပေမယ့် တီလိုမယ်ရာတွေ တိုတောင်းတာတွေ့ရတာကြောင့် များတိုင်းလည်း ပိုကောင်းတာ မဟုတ်ပါဘူး။

▪️ ဒါကြောင့် စမ်းသပ်မှုတွေကို သေချာအောင် အမျိုးမျိုးသောနမူနာတွေနဲ့ လေ့လာဖို့လိုအပ်ပါသေးတယ်။

#Source: SCI AM