#World_Health
Published 08 February 2025

▪️ အချိုဓာတ်ပါတဲ့ သောက်သုံးစရာများကြောင့် ကမ္ဘာတဝှမ်းမှာ တစ်နှစ်ကို ဆီးချိုဖြစ်ပွားသူ ၂.၂ သန်းနဲ့ နှလုံးရောဂါဖြစ်ပွားသူ ၁.၁ သန်းကျော် ဖြစ်ကြရတယ်လို့ မကြာသေးမီက လေ့လာချက်မှာ တွေ့ရှိခဲ့ပါတယ်။

▪️ Nature Medicine ဂျာနယ်မှာ ဖော်ပြချက်အရ ဆီးချိုရောဂါ ဒုတိယအမျိုးအစား ဖြစ်ပွားသူ ၆ ဦးမှာ ၁ ဦးနှုန်းက အချိုရည်တွေကြောင့် ဖြစ်ပြီး ဒါဟာ ရောဂါဖြစ်ပွားသူစုစုပေါင်းရဲ့ ၁၀ ရာခိုင်နှုန်းနီးပါး ဖြစ်နေပါတယ်။

▪️ နိုင်ငံပေါင်း ၁၈၄ နိုင်ငံကို လေ့လာရာမှာ ၂၀၂၀ ဗြိတိန်အတွင်း ဆီးချိုဖြစ်ပွားသူ ၃ သောင်းခွဲဟာ အချိုရည်သောက်သုံးခြင်းကြောင့် ဖြစ်တယ်လို့ တွေ့ခဲ့ကြပါတယ်။

▪️ ဒီလိုအချိုရည်တွေကို လူတွေမသောက်သုံးဖို့ မာဆာချူဆက်စ် တပ်ဖ်စ်တက္ကသိုလ်မှ ဒေါက်တာ လော်ရာလာရာကက်စ်တာက ပြုလုပ်လိုနေပြီး ကျောင်းတွေ အလုပ်တွေမှာပါ တည်ခင်းဧည့်ခံခြင်းကို ရှောင်ရှားခိုင်းနေပါတယ်။

▪️ ကုမ္ပဏီတွေ သကြားထည့်သွင်းမှု လျှော့ချအောင် သကြားအခွန်မြှင့်တင်ဖို့ စဉ်းစားသင့်တယ်လို့ ဆိုပါတယ်။

▪️ နိုင်ငံ ၃၀ ကြား အချိုရည်သောက်ခြင်းကြောင့် ဆီးချိုဖြစ်ပွားမှု အမြင့်မားဆုံးအဖြစ် ဗြိတိန်က နံပါတ် ၁၀ မှာ ရှိနေပါတယ်။

▪️ ၂၀၂၀ အတွင်း ဗြိတိန်မှာ ဆီးချိုကြောင့် သေဆုံးသူ ၂၅ ဦးမှာ ၁ ဦးနှုန်းက အချိုရည်ကြောင့်လို့ ခန့်မှန်းထားကြပါတယ်။

▪️ နှလုံးရောဂါကြောင့် သေဆုံးသူ အယောက် ၄၀ မှာ ၁ ယောက်နှုန်းက အချိုရည်ကြောင့် ဖြစ်နေပါတယ်။

▪️ ကမ္ဘာတဝှမ်းမှာ အချိုရည်သောက်သုံးခြင်း ကန့်သတ်လျှော့ချဖို့ ကြိုးပမ်းသင့်တယ်လို့ လာရာကက်စ်တာက ပြောသွားပါတယ်။

#Source: WION

#World_Health
Published 08 February 2025
▪️ တစ်နေ့ကို လက်ဖက်စိမ်းရည် ၃ ခွက်နဲ့အထက် သောက်သုံးခြင်းဖြင့် ဦးနှောက်စွမ်းရည် ကျဆင်းခြင်းနဲ့ ဒီမန်ရှာရောဂါဖြစ်ခြင်းတို့မှ ဦးနှောက်ကို ကာကွယ်ပေးနိုင်ဖွယ်ရှိတယ်လို့ ဂျပန်လေ့လာချက်တစ်ခုမှာ ဖော်ပြထားပါတယ်။

▪️ သုတေသီများက အသက် ၆၅ နဲ့အထက် လူပေါင်း ၈ထောင်ကျော်ထံမှ အချက်အလက်များကို ဆန်းစစ်ခဲ့ကြပြီး အစားအသောက် မေးခွန်းစစ်တမ်းများ၊ MRI ဦးနှောက်ဓာတ်မှန်များ ပြုလုပ်ခဲ့ကြပါတယ်။

▪️ ထိုအခါမှာ လက်ဖက်စိမ်းရည် များများသောက်ခြင်းနဲ့ ဦးနှောက်ထဲက အဖြူရောင်သားထိခိုက်မှု လျော့ကျခြင်းတို့ကြား ဆက်စပ်မှုကို တွေ့ရှိခဲ့ကြပါတယ်။

▪️ ဦးနှောက်အဖြူသား ထိခိုက်မှုဟာ ဦးနှောက်ကျန်းမာရေး ဆိုးရွားခြင်းကို ညွှန်ပြပြီး ဦးနှောက်စွမ်းရည် ကျဆင်းခြင်း၊ မှတ်ဉာဏ်ပြဿနာများ၊ ဒီမန်ရှာနဲ့ အယ်လ်ဇိုင်းမားတို့ ဆက်စပ်နေပါတယ်။

▪️ အသက်ကြီးလာတာနဲ့အမျှ ဦးနှောက်အဖြူရောင်သား ထိခိုက်မှုများလာပြီး ဒီမန်ရှာဖြစ်နိုင်ခြေ များစေပါတယ်။

▪️ နေ့စဉ် လက်ဖက်စိမ်းရည် အနည်းဆုံး ၃ ခွက်သောက်သူတွေဟာ တစ်ခွက်တည်းသောက်သူတွေထက် ဦးနှောက်အဖြူရောင်သား ထိခိုက်မှုလျော့နည်းတာ တွေ့ရပါတယ်။

▪️ သိပ္ပံပညာရှင်တွေက  MRI ဓာတ်မှန်ဖြင့် ဦးနှောက်အစိတ်အပိုင်း ၅ ခုရဲ့ ဝိသေသလက္ခဏာတွေနဲ့ ဦးနှောက်အရည်ထုထည်တို့ကို တိုင်းတာခဲ့ကြရာ လက်ဖက်စိမ်းရည်သောက်ခြင်းက ဟစ်ပိုကမ်ပတ်စ်လို့ခေါ်တဲ့ မှတ်ဉာဏ်ပိုင်းဆိုင်ရာ နေရာကိုတော့ သက်ရောက်ခြင်းမရှိပါဘူး။

▪️ လက်ဖက်စိမ်းမှာပါဝင်တဲ့ ဓာတ်တိုးဆန့်ကျင်ပစ္စည်းများက ရောင်ရမ်းမှုကို ဆန့်ကျင်ပေးကာ သွေးပေါင်ချိန်နဲ့ သွေးလည်ပတ်မှုတို့ကို သက်ရောက်စေပါတယ်။

▪️ လက်ဖက်စိမ်းရည် ပုံမှန်သောက်သူတွေမှာ ဦးနှောက်အဖြူသား အရည်ထုထည် ရာခိုင်နှုန်း လျော့နည်းသွားပါတယ်။

▪️ ဒီလေ့လာချက်က ဦးနှောက်ကာကွယ်ဖို့ အရေးကြီးကြောင်းကို ဖော်ပြနေပြီး မျှတတဲ့ အစားအစာ၊ ရုပ်ပိုင်းဆိုင်ရာ ပုံမှန်လှုပ်ရှားမှုနဲ့ ပုံမှန်ဆေးစစ်ဆေးမှုများ ပေါင်းစပ်ပြုလုပ်ဖို့လည်း ညွှန်ပြနေပါတယ်။

#Source: The Jerusalem Post

လာအိုကိုဖြတ်ပြီး ထိုင်းနိုင်ငံနဲ့ တရုတ်နိုင်ငံကို ချိတ်ဆက်ပေးမယ့် မြန်နှုန်းမြင့်ရထားလမ်းစီမံကိန်း ဒုတိယအဆင့်ကို ထိုင်းအစိုးရအဖွဲ့က အင်္ဂါနေ့မှာ အတည်ပြုလိုက်ပြီး ၂၀၃၀ မှာ ပြီးစီးမယ်လို့ မျှော်မှန်းထားကြပါတယ်။
#Asia_Development
Published  7 February 2025
#မြန်နှုန်းမြင့်ရထားလမ်း #ထိုင်းအစိုးရအတည်ပြု
#YMG #Yangon_Times #Yangon_Media_Group

#Daily_News
Published  7 February 2025

၁။ ယခုလအတွင်း စက်သုံးဆီတင်သင်္ဘော ၂၉ စီးဝင်ရောက်မည်

၂။ Smart Farm Korea 2025 သို့ တက်ရောက်မည့် မြန်မာလုပ်ငန်းရှင်များကို ကုန်ကျစရိတ်ကျခံပေးမည်

၃။ ဓာတ်ဆီဈေးပြန်ကျပြီး ဒီဇယ်ဈေးပါ နှစ်ပတ်ဆက်တိုက်ကျဆင်း

၄။ လာအိုဖြတ်သန်း၍ တရုတ်နှင့်ချိတ်ဆက်မည့် မြန်နှုန်းမြင့် ရထားလမ်းစီမံကိန်းဒုတိယအဆင့် ထိုင်းအစိုးရအတည်ပြု ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 7 February 2025

▪️ ဖေဖော်ဝါရီလ၈ရက်(မနက်ဖြန်) နံနက် ၁၀ နာရီမှ နေ့လည်၂နာရီအထိ မြို့နယ်တချို့တွင် ယာယီလျှပ်စစ်ဓာတ်အားပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ထုတ်ပြန်ထားသည်။

▪️ ရန်ကုန်လျှပ်စစ်ဓာတ်အားပေးရေးကော်ပိုရေးရှင်း၊ စီမံရေးဌာန၊ မြေအောက်ဓာတ်ကြိုးဌာနခွဲ၏ 66kV ကျိုက္ကဆံ (၂) ဓာတ်အားလိုင်းသစ်အား ဓာတ်အားလွှတ်ခြင်းလုပ်ငန်း ဆောင်ရွက်နိုင်ရန် မလွတ် ကင်းသော သစ်ပင်သစ်ကိုင်းများ ခုတ်ထွင်ရှင်းလင်းခြင်းလုပ်ငန်း၊ Insulator များအား အစားထိုး လဲလှယ်ခြင်းလုပ်ငန်းနှင့် မြေအောက်ဓာတ်ကြိုးများ ဆက်သွယ်တပ်ဆင်ခြင်းလုပ်ငန်း ဆောင်ရွက်ရန် အတွက် လွတ်ကင်းမှုမရှိသော 66kV သာကေတ - ကျိုက္ကဆံ ၊ 66kV သာကေတ - ပုသိမ်ညွန့်၊ 66kV သာကေတ - တာမွေဈေး၊ 66kV သာကေတ - ဒဂုံအရှေ့(၂) ဖီဒါများအား (၈.၂.၂၀၂၅) ရက်နေ့၊ (၁၀:၀၀) နာရီ မှ (၁၄:၀၀)နာရီအချိန်အထိ ဓာတ်အားပိတ်၍ လုပ်ငန်းဆောင်ရွက်သွားမည်ဖြစ်ကြောင်း၊

▪️ အဆိုပါလုပ်ငန်းဆောင်ရွက်နေစဉ်အတွင်း သင်္ဃန်းကျွန်းမြို့နယ်၊ တောင်ဉက္ကလာပမြို့နယ်၊ ရန်ကင်းမြို့နယ်၊ တာမွေမြို့နယ်၊ မင်္ဂလာတောင်ညွန့်မြို့နယ်နှင့် ဗဟန်းမြို့နယ်တို့၏ ရပ်ကွက် နေရာအချို့တို့တွင် ယာယီဓာတ်အားပြတ်တောက်မှုရှိမည်ဖြစ်ကြောင်း သိရသည်။

▪️ ထိုသို့ဆောင်ရွက်စဉ် ဓာတ်အားပြတ်တောက်ချိန်  ကြာမြင့်မှုမရှိစေရေး၊ ဓာတ်အားပြတ်ဧရိယာ လျော့နည်းစေရေးအတွက် အလေးထား ဆောင်ရွက်သွား မည်ဖြစ်ကြောင်း သိရသည်။

#YMG/SW #Yangon_Times

သဘာဝ ဝါးတောတွေကနေ ဝါးထုတ်လုပ်တာအပြင်  ပုဂ္ဂလိကဝါးစိုက်ခင်းများလည်း ခွင့်ပြုပေးနေတယ်လို့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနက သိရပါတယ်။
#Local_News
Published  7 February 2025
#သဘာဝဝါးတော #ပုဂ္ဂလိကဝါးစိုက်ခင်း
#YMG/NN #Yangon_Times

ရန်ကုန်ဈေးကွက်မှာ ဓာတ်ဆီဈေးကနှစ်ပတ်ဆက်တိုက်မြင့်တက်‌နေပြီး သုံးပတ်ဆက်တိုက်မြင့်တက်ခဲ့တဲ့ ဒီဇယ်ဈေးတွေကတော့ ပြန်လည်ကျဆင်းခဲ့တယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ ထုတ်ပြန်ချက်အရ သိရပါတယ်။
#Local_News
Published  7 February 2025
#ဒီဇယ်ဈေးပြန်ကျ #ဓာတ်ဆီဈေးတက်
#YMG/NN #Yangon_Times

ကိုရီးယားနိုင်ငံမှာ ကျင်းပမယ့်Smart Farm Korea 2025 ကို တက်ရောက်မယ့် မြန်မာလုပ်ငန်းရှင်Buyers တွေ အတွက် အသွား/အပြန် လေယာဉ်လက်မှတ်နဲ့ (၂) ရက်တာ တည်းခိုစရိတ်တို့ကို ထောက်ပံ့ပေးသွားမယ်လို့ သိရပါတယ်။
#Local_News
Published  7 February 2025
#Smart_Farm_Korea_2025 #မြန်မာလုပ်ငန်းရှင်များ
#YMG/SW #Yangon_Times

ယခုဖေဖော်ဝါရီလအတွင်းမှာ ပြည်တွင်းကို စုစုပေါင်းစက်သုံးဆီတင်သင်္ဘော ၂၉စီးဝင်ရောက်မှာဖြစ်တာကြောင့် စက်သုံးဆီဈေးနှုန်းတွေ ဆက်လက်ကျဆင်းမှာဖြစ်တယ်လို့ စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ သိရပါတယ်။
#Local_News
Published  7 February 2025
#စက်သုံးဆီတင်သင်္ဘော #စက်သုံးဆီဈေးနှုန်းကျဆင်း
#YMG/SW #Yangon_Times

#Local_News
Published 7 February 2025

▪️ မြန်မာနိုင်ငံတော်ဗဟိုဘဏ်က  အမေရိကန်ဒေါ်လာနှင့် တရုတ်ယွမ်ငွေသုံးသိန်း ကျော်ကို ယမန်နေ့က  ထုတ်ရောင်းလိုက်ကြောင်း သိရသည်။

▪️ ထိုသို့ရောင်းချရာတွင် ငွေလဲနှုန်း ၃၅၉၃ ကျပ်ဖြင့်  အမေရိကန်ဒေါ်လာ ၁၅၀,၂၆၅ နှင့်  ငွေလဲနှုန်း ၅၄၂ ကျပ်ဖြင့်   တရုတ်ယွမ် ၂၁၄,၈၃၀ တို့ကိုလည်းဖေဖော်ဝါရီလ (၆) ရက်နေ့တွင်  ထုတ်ရောင်းခဲ့ ခြင်းဖြစ်သည်။

▪️ ထိုနေ့တစ်ရက်တည်းတွင်  AD လိုင်စင်ရဘဏ်များနှင့် လုပ်ငန်းရှင်များ အကြား အမေရိကန်ဒေါ်လာ ၁၁.၅၉၆ သန်း၊ တရုတ်ယွမ် ၂၀.၆၃၉ သန်းနှင့်  ထိုင်းဘတ် ၅၇.၃၅၈ သန်း အလွှဲအပြောင်းရှိခဲ့ကြောင်း သိရသည်။

#YMG/NN #Yangon_Times

#World_News
Published 07 February 2025

▪️ ကမ္ဘာတဝှမ်းမှာရှိတဲ့ အမေရိကန် နိုင်ငံတကာဖွံ့ဖြိုးရေး အေဂျင်စီ(USAID)ရဲ့ ဝန်ထမ်းပေါင်းတစ်သောင်းကျော်ထဲမှာမှ ၃၀၀ အောက်သာ ထားရှိဖို့ သမ္မတ ဒေါ်နယ်ထရမ့်အစိုးရအဖွဲ့က စီစဉ်နေတယ်လို့ သတင်းရင်းမြစ် ၄ ခုက ကြာသပတေးနေ့မှာ ရိုက်တာသတင်းဌာနကို ပြောပါတယ်။

▪️ ဒေါ်နယ်ထရမ့် သမ္မတပြန်ဖြစ်လာကတည်းက စီးပွားရေးသမား အီလွန်မက်စ်ဦးဆောင်ပုံဖော်နေတဲ့ အစိုးရပြန်လည်ဖွဲ့စည်းရေး အစီအစဉ်မှာ ဝါရှင်တန်မှ လူသားချင်းစာနာမှုကူညီရေး အဓိကအေဂျင်စီကြီးကို ပစ်မှတ်ထားနေတာ ဖြစ်ပါတယ်။

▪️ ထိုအေဂျင်စီထဲမှာ ဝန်ထမ်း ၂၉၄ ဦးကိုသာ အလုပ်မှာ ဆက်လက်လုပ်ကိုင်ခွင့် ပေးသွားဖို့ စီစဉ်နေပြီး အာဖရိကဗျူရိုမှာ ၁၂ ဦးနဲ့ အာရှဗျူရိုမှာ ၈ ဦးတို့သာ ပါဝင်မယ်လို့ ဆိုပါတယ်။

▪️ ဒီလိုမျိုး ဝန်ထမ်းအများအပြားကို အလုပ်ရပ်နားလိုက်ရင် ကမ္ဘာပေါ်က သန်းပေါင်းများစွာသောလူတွေ အသက်ဆက်ရှင်အောင် ကူညီပေးနေတဲ့ အေဂျင်စီကြီး ရပ်ဆိုင်းသိလိုဖြစ်သွားမယ်လို့ USAID အကြီးအကဲ ဘရိုင်ယန်အက်ဝုဒ်က ပြောပါတယ်။

▪️ ထရမ့်နဲ့ မက်စ်တို့က USAID ဝန်ထမ်းတွေဟာ ရာဇဝတ်သားတွေလို့ မှားယွင်းစွပ်စွဲတာတွေကို ဖြေရှင်းနေရကာ USAIDဝန်ထမ်းဒါဇင်ခန့် အလုပ်ရပ်နားသွားပြီး အတွင်းရေးကန်ထရိုက် ရာနဲ့ချီရပ်ဆိုင်းသွားကာ ကမ္ဘာတဝှမ်းမှ အသက်ကယ်အစီအစဉ်တွေ မရေမရာ ဖြစ်နေပါတယ်။

▪️ အစိုးရအုပ်ချုပ်ရေးအဖွဲ့က ကမ္ဘာတဝှမ်းမှ USAIDဝန်ထမ်းအားလုံးကို အလုပ်ရပ်ဆိုင်းသွားမှာဖြစ်ပြီး နိုင်ငံခြားမှာ အလုပ်လုပ်နေတဲ့ ဝန်ထမ်းထောင်ချီကို ပြန်ခေါ်သွားမယ်လို့ ကြေညာခဲ့ပါတယ်။

▪️ အလုပ်ရပ်ဆိုင်းသွားခြင်းကနေ ကင်းလွတ်စေမယ့် အစီအစဉ်တွေကို အစိုးရအဖွဲ့က ရှာဖွေပုံဖော်နေတယ်လို့ နိုင်ငံခြားရေးဝန်ကြီး မာကိုရူဘီယိုက ပြောပါတယ်။
အစိုးရအဖွဲ့ရဲ့ ရည်မှန်းချက်က USAIDကို နိုင်ငံခြားရေးဌာနနဲ့ ပူးပေါင်းသွားစေချင်တာ ဖြစ်ပါတယ်။

▪️ အချို့ဝန်ထမ်းတွေဆိုရင် အလုပ်ရပ်ဆိုင်းခြင်း အသိပေးစာရရှိထားပြီလို့ သတင်းနီးစပ်သူများက ဆိုပါတယ်။

▪️ မရှိမဖြစ်လိုအပ်တဲ့ ဝန်ထမ်းတွေကိုတော့ ဆက်လက်အလုပ်လုပ်စေဖို့ အသိပေးသွားဖို့ ရှိပါတယ်။

▪️ USAID ဟာ ၂၀၂၃ အတွင်း နိုင်ငံပေါင်း ၁၃၀ ခန့်ကို အကူအညီများ ထောက်ပံ့ခဲ့ပြီး အများစုက စစ်ရေးပဋိပက္ခနဲ့ အလွန်အမင်း နွမ်းပါးတဲ့နိုင်ငံတွေ ဖြစ်ပါတယ်။

#Source: Reuters

#Local_News
Published 7 February 2025

▪️ နိုင်ငံကျော်တေးရေးနိုင်မြန်မာ ယနေ့မနက်ပိုင်းက ကွယ်လွန်သွားကြောင်း ဂီတအသိုင်းအဝိုင်းမှ သိရသည်။

▪️ တေးရေးနိုင်မြန်မာ ကွယ်လွန်သည့်အကြောင်းကို ဂစ်တာနိုင်ဇော်က‘‘တေးရေးနိုင်မြန်မာ ကွယ်လွန်ခြင်းအတွက် ဂီတလောကတစ်ခုလုံး ဆုံးရှုံးရသလိုခံစားရပါတယ်’’ဟု ရေးသားထားသည်။

▪️ တေးရေးနိုင်မြန်မာသည်ကွယ်လွန်ချိန်တွင် (၆၈) နှစ်ရှိပြီကာ  မြန်မာ့ဂီတလောကတွင် ကျော်ကြားခဲ့သော တေးသီချင်းများကို ရေးသားခဲ့သူ ဖြစ်သည်။

▪️ ၎င်းရေးသားခဲ့သောသီချင်းများအနက် ဝါဆိုမိုး၊ တခါက မြစန်းကြည်၊  မြစန်းကြည်လေးရေ၊ အခုတော့ ပါးစပ်ရာဇဝင်လေးဖြစ်ခဲ့ပြီ၊ ရင်တွင်း‌မေ၊ ဒုံးယိမ်းညသီချင်းများအပြင် ထင်ရှားကျော်ကြားသည့်  သီချင်းများစွာကို ရေးသားခဲ့သူ ဖြစ်ကြောင်း သိရသည်။

#YMG/NN #Yangon_Times