#Local_News
Published 11 June 2025

▪️ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန် မိုးလေဝသနှင့်ဇလ‌ ဗေဒညွှန်ကြားမှုဦးစီးဌာနမှ ယမန်နေ့က အထူးမိုးလေဝသသတင်းထုတ်ပြန်၍ အကြံပြု သတိပေးထားသည်။

▪️ ဇွန်၁၀ရက်နေ့  မြန်မာစံတော်ချိန် ၁၆ နာရီ ခွဲအချိန်တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေ အားကောင်းရာမှ အားအလွန်ကောင်းနေခြင်းကြောင့် လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း ဇွန် ၁၀ရက်နေ့ညနေပိုင်းကနေ ၁၆ရက်နေ့အတွင်း နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီတိုင်း၊ ကချင်၊ ကယား၊ ကရင်၊ ချင်း၊ မွန် ၊ ရခိုင်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်း ရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်ဖြစ်ကြောင်း ဖော်ပြထားသည်။

▪️ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်ဖြစ်ကြောင်း၊ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ်နိုင်ပြီး  လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၉ ပေ မှ ၁၁ ပေခန့်ရှိနိုင်ကြောင်း သိရသည်။

▪️ ထို့ကြောင့်  မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုနိုင်ပါရန် သတိပေးနှိုးဆော်ထားကြောင်း သိရသည်။

#YMG/NN #Yangon_Times

#Local_News
Published 11 June 2025

▪️ (၂၂)ကြိမ်မြောက် တရုတ်-အာဆီယံကုန်စည်ပြပွဲတွင်မြန်မာနိုင်ငံအနေဖြင့် ကုန်စည်ပြပွဲ၏ ဂုဏ်ထူးဆောင်နိုင်ငံ Country of Honor အဖြစ် ဆောင်ရွက်သွားမည်ဖြစ်ကြောင်း မြန်မာကုန်သွယ်မှုမြှင့်တင်ရေးအဖွဲ့မှ သိရသည်။

▪️ အဆိုပါ ကုန်စည်ပြပွဲကို တရုတ်ပြည်သူ့သမ္မတနိုင်ငံ၊ ကွမ်ရှီး(ကျွမ့်) ကိုယ်ပိုင်အုပ်ချုပ်ခွင့်ရဒေသ၊ နန်နင်းမြို့၌  စက်တင်ဘာလ ၁၇ ရက်မှ ၂၁ ရက်အထိ ပြုလုပ်သွားမည်ကြောင်း၊ မြန်မာနိုင်ငံမှ ဂုဏ်ထူးဆောင်နိုင်ငံ  အဖြစ် ဆောင်ရွက်သွားမည့်အပြင် မြန်မာနိုင်ငံ၏ နှစ်လိုဖွယ်ရာမြို့ပြခန်းဆောင် City of Charm နှင့် ကုန်စည်ပြခန်းဆောင်တို့ကို ပါဝင်ပြသသွားမည်ဖြစ်ကြောင်း သိရသည်။

▪️ ထိုကုန်စည်ပြပွဲသို့ တက်ရောက်ပြသမည့်ကိစ္စရပ်နှင့် ပတ်သက်ပြီးပြည်တွင်း/ပြည်ပကုန်စည်ပြပွဲ လုပ်ထုံးလုပ်နည်းနှင့် စည်းမျဉ်းစည်းကမ်းများဆိုင်ရာ အလုပ်ရုံ ဆွေးနွေးပွဲ မိတ်ဆက်ပွဲအခမ်းအနားကိုလည်း ယခုလ၈ရက် ၊ ရန်ကုန်မြို့၊ UMFCCI အစည်းအဝေးခန်းမတွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့နှင့် မြန်မာနိုင်ငံကုန်စည်ပြပွဲနှင့်ဆွေးနွေးပွဲများ ဆိုင်ရာလုပ်ငန်းအသင်းတို့ ပူးပေါင်းပြုလုပ်ခဲ့ကြောင်း သိရသည်။

#YMG/SW #Yangon_Times

#Local_News
Published 11 June 2025

▪️ လှိုင်သာယာမြို့နယ်ရှိ BOC ပန်းခြံရှေ့တွင် ယာဉ်တိုက်မှုဖြစ်ပွားပြီး လူညှပ်နေ၍ ကယ်ထုတ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇွန် ၁၁ ရက်နေ့၊ မနက်၉နာရီခွဲ အချိန်၌ ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ (၉)ရပ်ကွက်၊ အင်းစိန်-ညောင်တုန်းလမ်း၊ BOCပန်းခြံရှေ့တွင် ယာဉ်တိုက်မှုဖြစ်ပွားပြီး လူညှပ်နေကြောင်း  သိရသည်။

▪️ အဆိုပါ သတင်းရရှိသဖြင့် လှိုင်သာယာမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာကူညီခဲ့ရာ၉နာရီ ၃၅မိနစ်အချိန်တွင် ညှပ်နေသူကျား(၁)ဦး ထိခိုက်ဒဏ်ရာ(မစိုးရိမ်ရ)အား ကယ်ထုတ်ပြီးစီးခဲ့ကြောင်း သိရသည်။

#YMG/NN #Yangon_Times

#World_News
Published 11 June 2025

▪️ အမေရိကန်သမ္မတ ဒေါ်နယ်ထရမ့်က လော့စ်အိန်ဂျလိစ်မှာ တပ်ဖြန့်ကျက်ထားတဲ့ ဆုံးဖြတ်ချက်ကို ကာကွယ်ဖို့အတွက် အင်္ဂါနေ့က တပ်သားများကို ဂုဏ်ပြုမိန့်ခွန်းပြောကြားခဲ့ပါတယ်။

▪️ ထရမ့်အစိုးရရဲ့ လူဝင်မှုမူဝါဒတွေနဲ့ ပတ်သက်ပြီး အတိုက်အခံဖြစ်နေကြရာမှာ ထရမ့်က လော့စ်အိန်ဂျလိစ်မှာ တပ်များဖြန့်ကျက်ထားသဖြင့် ဝေဖန်ရေးသမားများက ဒါဟာ နိုင်ငံရေးအရ အလွန်အကဲ တုံ့ပြန်လှုံ့ဆော်မှုဖြစ်တယ်လို့ ရှုတ်ချထားပါတယ်။

▪️ မြောက်ကယ်ရိုလိုင်းနား ခံတပ်ဘရက်ဂ်ရှိ စစ်အခြေစိုက်စခန်းမှာ ထရမ့်က "ခေတ်အဆက်ဆက် အသက်ပေးခဲ့ကြတဲ့ စစ်သားများဟာ တိုင်းတစ်ပါးမှ ကျူးကျော်ဝင်ရောက်ဖျက်ဆီးတာကို ဒီအတိုင်း ကြည့်မနေခဲ့ကြဘူး။

▪️ သောင်းကျန်းသူတွေက နိုင်ငံခြားအလံတွေကိုင်ပြီး ကယ်လီဖိုးနီးယားမှာ ငြိမ်းချမ်းရေးနဲ့ တိုင်းပြည်အချုပ်အခြာအာဏာတို့ကို ထိပါးနေတာ တွေ့နေရမှာပါ။ လော့စ်အိန်ဂျလိစ်ကို လွတ်မြောက်အောင် လုပ်သွားပါမယ်" လို့ စစ်သည်များကို ပြောသွားပါတယ်။

▪️ ထရမ့်သွားရောက်တဲ့ ခံတပ်ဘရက်ဂ်ဟာဆိုရင် စစ်မှုထမ်း ၅ သောင်းခန့်ရှိပါတယ်။

▪️ ထရမ့်ရဲ့ လူဝင်မှုမူဝါဒနဲ့ ပတ်သက်ပြီး လမ်းပေါ်မှာ ဆန္ဒပြနေကြတာကို တုံ့ပြန်တဲ့နေရာမှာ ထရမ့်က မရိန်းတပ်သား ၇၀၀ နဲ့ အမျိုးသားကာကွယ်ရေး အစောင့်တပ်သား ၄ ထောင်ကို လော့စ်အိန်ဂျလိစ်သို့ နေရာချခဲ့ပါတယ်။

▪️ အစိုးရပိုင်ပစ္စည်းတွေနဲ့ အမှုထမ်းတွေကို ကာကွယ်ဖို့ စစ်ရေးဖြန့်ကျက်ရန် လိုအပ်ကြောင်း ထရမ့်က ပြောပါတယ်။

▪️ မငြိမ်မသက်မှုများကြောင့် မြို့ထဲအချို့နေရာမှာ ပိတ်ဆို့နေပြီး ဆန္ဒပြသူအများစုက ရွှေ့ပြောင်းနေထိုင်သူများကို ထောက်ခံတဲ့အနေဖြင့် ငြိမ်းချမ်းစွာ ဆန္ဒပြနေကြပါတယ်။

▪️ အမေရိကန်စစ်တပ်ရဲ့ နှစ်(၁၅၀)ပြည့် အထိမ်းအမှတ်ပွဲမှာ ထရမ့်နဲ့ ကာကွယ်ရေးဝန်ကြီး ပိဟက်ဂ်ဆက်တို့က စစ်သားများ စစ်ရေးပြခြင်းနဲ့ တာဝေးပစ်ဒုံးကျည် ပစ်လွှတ်ခြင်းတို့ကို ကြည့်ရှုခဲ့ပါတယ်။

▪️ အင်္ဂါနေ့အစောပိုင်းကလည်း ဘဲဥပုံရုံးခန်းမှာ ထရမ့်က သတင်းထောက်တွေကို ပြောကြားရာမှာ ဆန္ဒပြသူတွေအနေနဲ့ အင်အားသုံးဖြိုခွဲတာကို ကြုံတွေ့ရမှာဖြစ်ကြောင်း၊ ငြိမ်းချမ်းစွာ ဆန္ဒပြသူတွေ အကြမ်းဖက်ဆန္ဒပြသူတွေဆိုပြီး ခွဲခြားနေမှာမဟုတ်ကြောင်း ဆိုပါတယ်။

#Source: Reuters

#World_Health
Published 11 June 2025

▪️ အိန္ဒိယနိုင်ငံရဲ့ လူဦးရေ ၇၆ ရာခိုင်နှုန်းနီးပါးဟာ အခုဆိုရင် အပူအန္တရာယ်မြင့်မားတယ်လို့ သတ်မှတ်ထားတဲ့ နေရာတွေမှာ နေထိုင်ကြတယ်လို့ လေ့လာချက်တစ်ခုမှာ ဖော်ပြထားပါတယ်။

▪️ နှစ် ၄၀ ရာသီဥတု အချက်အလက်များ အသုံးပြုပြီး ခရိုင် ၇၃၄ ခုကို အကဲဖြတ်ခဲ့ရာ ၄၁၇ ခုက အပူအန္တရာယ်အလွန်များတဲ့ နေရာတွေ ဖြစ်နေပါတယ်။

▪️ နေ့ဘက်အပူချိန် ဆက်လက်မြင့်တက်နေသလို ညဘက်တွေမှာလည်း အနိမ့်ဆုံးအပူချိန်က သာမန်နှုန်းထက် ၉၅ ရာခိုင်နှုန်း ပိုများနေပါတယ်။
ညဘက်အပူချိန်များတဲ့အခါ ခန္ဓာကိုယ်က အေးမြဖို့အချိန်မရတာကြောင့် ပိုပြီးအန္တရာယ်များပါတယ်။

▪️ လူဦးရေများတဲ့ နေရာတွေမှာ ညဘက်ပူနွေးတာ ပိုပြီးသိသာတယ်လို့ ဖော်ပြထားပါတယ်။

▪️ ဒီလိုမျိုး အပူချိန်နဲ့ စိုစွတ်မှုကို ကြာရှည်ထိတွေ့တဲ့အခါ ကျန်းမာရေးအပေါ် သက်ရောက်လာနိုင်တယ်လို့ ဆရာဝန်များ သတိပေးထားပါတယ်။

▪️ ခေါင်းကိုက်ခြင်း၊ မူးဝေခြင်း၊ နွမ်းနယ်ခြင်း၊ ကြွက်တက်ခြင်း၊ ရေဓာတ်ခန်းခြောက်ခြင်း၊ အိပ်ရေးမဝခြင်းတို့ အဖြစ်များလာတယ်လို့ ဒေါက်တာ အရူနက်ရှ်ကူပါက ပြောပါတယ်။

▪️ ၁၉၉၈ မှ ၂၀၁၇ အတွင်း အပူလှိုင်းကြောင့် ကမ္ဘာတဝှမ်းမှာ သေဆုံးသူ ၁ သိန်း ၆ ခြောက်သောင်းကျော် ရှိထားတယ်လို့ WHO က ထုတ်ပြန်ထားပါတယ်။

▪️ ၂၀၂၃ ခုနှစ်က အိန္ဒိယတစ်နိုင်ငံတည်းမှာပင် အပူလျှပ်သူ ၄၈,၀၀၀ ကျော်နဲ့ သေဆုံးသူ ၁၅၉ ဦး ရှိထားပါတယ်။

▪️ အပူလျှပ်ခြင်းမဖြစ်ရအောင် ရေဓာတ်ပြည့်ဝစွာနေခြင်း၊ ပေါ့ပါးသောအဝတ်များ ဝတ်ခြင်း၊ အပြင်ထွက်ရင် ဦးထုပ် နေကာမျက်မှန်များအသုံးပြုခြင်း၊ နေအမြင့်ဆုံးအချိန် အပြင်မသွားခြင်း၊ အပြင်မှာ အလုပ်လုပ်ရင် အနားယူပေးခြင်း၊ အပူလျှပ်ခြင်းလက္ခဏာများ သိရှိထားခြင်း၊ အေးမြအောင် နေထိုင်ခြင်း၊ အရည်ရွှမ်းသော စားစရာများစားခြင်း၊ သက်ကြီးရွယ်အိုများနဲ့ ကလေးများကို သေချာစောင့်ကြည့်ခြင်းတို့ ပြုလုပ်သင့်ပါတယ်။

#Source: India Today

#World_Health
Published 11 June 2025

▪️ ယနေ့ခေတ်လို အလျင်အမြန် တိုးတက်နေတဲ့ခေတ်ကြီးမှာ ရိုးရှင်းတဲ့ စိတ်ပိုင်းဆိုင်ရာ ကျန်းမာရေးအလေ့အထတွေကို မေ့လျော့နေတတ်ကြပါတယ်။
စိတ်ပိုင်းဆိုင်ရာ ကျန်းမာရေးကောင်းမွန်ရင် နေ့စဉ်ဘဝဖိစီးမှုတွေကို ခံနိုင်ပြီး စိတ်အခြေအနေတွေ ပူပန်စိတ်တွေ ခံစားချက်တွေကို မြှင့်တင်ပေးနိုင်ပါတယ်။

▪️ ဒါကြောင့် စိတ်ကျန်းမာရေးအတွက် အခြေခံကောင်းဖြစ်စေမယ့် အလေ့အထများကို ဖော်ပြလိုက်ပါတယ်။

▪️ (၁) အိပ်ချိန်ထချိန် ပုံမှန်ပြုလုပ်ခြင်းဖြင့် စိတ်အခြေအနေကို တည်ငြိမ်စေပြီး ပင်ပန်းနွမ်းနယ်တာတွေ လျော့နည်းစေနိုင်ပါတယ်။

▪️ (၂) ကျေးဇူးသိနိုင်မယ့် အရာတွေကို ပြန်လည်တွေးတောကြည့်တတ်တဲ့အကျင့်က လူကိုပျော်ရွှင်စေပြီး စိတ်ဓာတ်ကျနိုင်ခြေ နည်းစေပါတယ်။

▪️ (၃) သဘာဝအလင်းရောင် ထိတွေ့ခြင်းဖြင့် စိတ်အခြေအနေ ထိန်းညှိပေးတဲ့ ဆယ်ရိုတိုနင်ကို မြှင့်တင်ပေးနိုင်သဖြင့် နံနက်ခင်း လမ်းလျှောက်ခြင်း ပြုလုပ်နိုင်ပါတယ်။

▪️ (၄) တစ်ယောက်ယောက်ကို စကားပြောပေးတာက ပူပန်စိတ်တွေနဲ့ အထီးကျန်ခြင်းတွေကို ပြေလျော့စေနိုင်ပါတယ်။

▪️ (၅) ရေအလုံအလောက် သောက်ပေးရင် အားအင်ရော စိတ်အခြေအနေပါ ထိန်းသိမ်းပေးနိုင်ပါတယ်။

▪️ (၆) ပြောင်း၊ ဂျုံ၊ ပရိုတိန်း၊ အိုမီဂါ-၃ ဖက်တီးအက်ဆစ်အပါအဝင် အာဟာရဓာတ်မျှတစွာ စားသုံးခြင်းဖြင့် စိတ်အပြောင်းအလဲဖြစ်ခြင်းကို လျော့နည်းစေပါတယ်။

▪️ (၇) ဖုန်း ကွန်ပျူတာ တီဗီတို့အကြည့်များအရင် ပူပန်စိတ်ဖြစ်ပေါ်စေပြီး အိပ်စက်မှုကို အနှောင့်အယှက် ဖြစ်နိုင်တာကြောင့် ကြည့်ရှုချိန်ကန့်သတ်ထားရှိသင့်ပါတယ်။

▪️ (၈) လေ့ကျင့်ခန်းပုံမှန်ပြုလုပ်ပေးရင် ဦးနှောက်ထဲမှာ အင်ဒေါ်ဖင်းဟော်မုန်း ထွက်စေပြီး စိုးရိမ်ပူပန်မှုများ လျော့ကျစေနိုင်ပါတယ်။

▪️ (၉) ကိုယ့်ရဲ့အတွေးတွေကို ချရေးမှတ်ခြင်းက ခံစားချက်တွေကို ထိန်းချုပ်နိုင်ကာ အလွန်အကျွံတွေးတောခြင်းကို လျော့နည်းစေနိုင်ပါတယ်။

▪️ (၁၀) ငါးမိနစ်လောက် စိတ်ထဲရှုမှတ်တဲ့ အလေ့အကျင့်က အာရုံကြောစနစ် ငြိမ်သက်စေကာ အာရုံစူးစိုက်မှု၊ သည်းခံနိုင်စွမ်းတို့ကို တိုးတက်စေနိုင်ပါတယ်။

#Source: DoctorNDTV

တောင်အာဖရိကနိုင်ငံက တောရိုင်းတိရိစ္ဆာန် ထိန်းသိမ်းရေးမှာ ကြိုတင်လှုပ်ရှားနေပြီး မျိုးသုဉ်းအန္တရာယ်ရှိနေတဲ့ အာဖရိကပင်ဂွင်း ပေါက်ဖွားရာအဓိကနေရာ ၆ ခုမှာ ငါးမမျှားရနယ်မြေအဖြစ် သတ်မှတ်ဖို့ ၁၀ နှစ်တာ သဘောတူညီချက်ကို ဖော်ပြလာပါတယ်။
#World_Wildlife
Published 10 June 2025
#အာဖရိကပင်ဂွင်းမျိုးစိတ် #မျိုးသုဉ်းပျောက်ကွယ်
#YMG #Yangon_Times #Yangon_Media_Group

#Daily_News

Published 10 June 2025

၁။ ‎ရှစ်ရက်အတွင်း ကိုဗစ်လူနာ ၃၁ ဦး တွေ့ရှိ

၂။ ‎သီလဝါအထူးစီးပွားရေးဇုန်တွင် ပြည်ပပို့ကုန်တိုးမြှင့်တင်ပို့နိုင်ရေး ဆောင်ရွက်ရန်လို

၃။ ‎ဓမ္မာစရိယနှင့် ပါဠိပထမပြန်စာမေးပွဲ ၌သံဃာတော်၊ သီလရှင်နှင့်လူပုဂ္ဂိုလ် ၅၀၀ကျော်ဝင်ရောက်ဖြေဆို

၄။ ‎အာဖရိကပင်ဂွင်းမျိုးစိတ် မျိုးသုဉ်းပျောက်ကွယ်မည့်အန္တရာယ်ကြုံတွေ့... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 10 June 2025

▪️ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ကကြီးမှူးကျင်းပသည့် ၁၃၈၇ခုနှစ်၊နယုန်လပြည့်နေ့ (မဟာသမယအခါတော်နေ့)အခမ်းအနားကို ယနေ့နံနက်ပိုင်းမှစတင်၍ စေတီတော်ရင်ပြင်ရှိသတ်မှတ်နေရာများ၌ကျင်းပခဲ့ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှသိရသည်။

▪️ ထိုသို့ကျင်းပရာတွင်ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ်ဦးစိုးသိန်း၊ ရန်ကုန်တိုင်းစစ်ဌာနချုပ်တိုင်းမှူးဗိုလ်ချုပ်ပြည့်စုံလင်း၊ တိုင်းဒေသကြီး၀န်ကြီးများ၊ ဂေါပကအဖွဲ့ဝင်များနှင့် ဗုဒ္ဓဝေယျာဝစ္စအသင်းများအကျိုးဆောင်အဖွဲ့ဝင်များ၊ ဂေါပကရုံးဝန်ထမ်းများက ဧည့်ခံတန်ဆောင်း၌ ရွှေတိဂုံစေတီတော်မြတ်ကြီးအား ဆွမ်းတော်ကြီးနှင့် ဆွမ်း၊ ပန်း၊ ရေချမ်း၊ သစ်သီး၊ ဆီမီးများ ဆက်ကပ်လှူဒါန်းကြပြီးနောက် ရွှေတိဂုံစေတီတော် ဩဝါဒါစရိယဆရာတော်ကြီးများနှင့် ပင့်သံဃာတော်များအား စေတီတော်ရှိ ရှေးဟောင်းဗုဒ္ဓရုပ်ပွားတော်များတန်ဆောင်း၌ ဂေါပကအဖွဲ့ဝင်များက အရုဏ်ဆွမ်း ဆက်ကပ်လှူဒါန်းကြကြောင်း သိရသည်။

▪️ ထို့နောက် နယုန်လပြည့်နေ့(မဟာသမယအခါတော်နေ့)ရေစက်ချပွဲအခမ်းအနားကို စေတီတော်ရင်ပြင် ရှေးဟောင်းဗုဒ္ဓရုပ်ပွားတော်များ တန်ဆောင်း၌ ဆက်လက်ကျင်းပရာ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယ၊ တိပိဋကဓရဓမ္မဘဏ္ဍာဂါရိက၊ အဘိဓဇမဟာရဋ္ဌဂုရု၊ အဂ္ဂမဟာပဏ္ဍိတ၊ သ•စ•အ ဓမ္မာစရိယပါဠိပါရဂူ၊ တိပိဋကဓရတိပိဋကကော၀ိဒရွေးချယ်ရေးအဖွဲ့သြ၀ါဒါစရိယ မဟာ၀ိသုဒ္ဓါရုံကျောင်းတိုက်မှဘဒ္ဒန္တသိရိန္ဒာဘိ၀ံသ(ယောဆရာတော်)ထံမှဧည့်ပရိသတ်များက နဝင်္ဂသီလ ခံယူဆောက်တည် ကြပြီး ဆက်လက်၍ နယုန်လပြည့် (မဟာသမယအခါတော်နေ့)အခမ်းအနားကျင်းပရေးဗဟိုကော်မတီဥက္ကဌ၊ ဘဏ္ဍာတော်ထိန်းဂေါပကအဖွဲ့ဝင် ဒေါက်တာနေဝင်း က ဇယမင်္ဂလာအနုမောဒနာစာတမ်းလွှာကိုလျှောက်ထားကြောင်း သိရသည်။

▪️ ထို့နောက် ဩဝါဒါစရိယ ဆရာတော်ကြီးများနှင့်ပင့်သံဃာတော်များအား ဂေါပကအဖွဲ့၀င်များက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး
နောက် ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့ ဩဝါဒါစရိယ၊ သာသနဓဇဓမ္မာစရိယ၊  အဂ္ဂမဟာပဏ္ဍိတ၊ အဂ္ဂမဟာသဒ္ဒမ္မဇောတိကဓဇ၊ နိုင်ငံ‌ တော်သံဃမဟာနာယကအဖွဲ့ ဒုတိယဥက္ကဋ္ဌ၊ ထေရဝါဒဗုဒ္ဓသာသနာပြုဩဝါဒါစရိယအဖွဲ့ ဒုတိယဥက္ကဋ္ဌ၊ ဘုန်းတော်ကြီးသင်ပညာရေးကျောင်းဗဟိုဥက္ကဋ္ဌ၊ စမ်းချောင်းမြို့နယ် နေနတ်သားပရိယတ္တိ စာသင်တိုက်၊ ပဓာန နာယက၊ ဘဒ္ဒန္တသုစိတ္တထံမှ လှူဒါန်းမှုအစုစုတို့အတွက် အနုမောဒနာတရား နာယူကာ ရေစက်သွန်းချ အမျှပေးဝေကြသည်။

▪️ ထို့နောက် စေတီတော်ရင်ပြင် ချမ်းသာကြီးတန်ဆောင်းစုရပ်မှစတင်၍ နယုန်လပြည့် မဟာသမယအခါတော်နေ့ လှည်လည်ပူဇော်ပွဲအခမ်းအနားကိုကျင်းပရာမဟာသမယအခါတော်နေ့ ဖြစ်ပေါ်လာပုံအားဖော်ကျူးသည့်အားဖြင့် ဗုဒ္ဓဝေယျာဝစ္စအသင်းအဖွဲ့များက  ကပိလဝတ်နှင့် ကောလိယ နှစ်ပြည်ထောင်ကိုယ်စားပြု မင်း၊ မူးမတ်၊ အဆောင်အယောင်များဖြင့် ရာဇာ၀င်းခင်းကာဂေါပကအဖွဲ့၀င်များ၊ ဗုဒ္ဓဝေယျာဝစ္စအကျိုးဆောင်များအဖွဲ့နှင့်ရွှေတိဂုံစေတီတော်မြတ်ကြီးသို့လာရောက်ဖူးမြော်ကြည်ညိုကြသည့်ဘုရားဖူးပြည်သူများက ရွှေတိဂုံစေတီတော်မြတ်ကြီးအားလက်ယာရစ်တစ်ပတ်လှည့်လည်ပူဇော်ကြပြီးချမ်းသာကြီးတန်ဆောင်းတွင်စိန်ရောင်ခြည်ဘုရားပင့် ဂါထာဖြင့် ဘုရားရှင်ကို ပင့်လျှောက်ထားခြင်း၊နတ် ဗြဟ္မာများကို ဖိတ်ကြားခြင်း၊ရွှေတိဂုံဘုရားရှိခိုးဂါထာတော်ဖြင့် ရှိခိုးပူဇော်ခြင်း၊ မဟာသမယသုတ်ပါဠိတော်ကို စုပေါင်းရွတ်ဖတ်ပူဇော်ခြင်း၊ ဆုတောင်း, အမျှဝေ, သာဓုခေါ်ဆိုခြင်း၊ နတ် ဗြဟ္မာများကို ပြန်လည်ပို့ဆောင်ခြင်းတို့ပြုလုပ်ကြပြီး ဗုဒ္ဓသာသနံ စိရံ တိဋ္ဌတု သုံးကြိမ်ရွတ်ဆို ဆုတောင်း၍ အခမ်းအနားကိုရုပ်သိမ်းခဲ့ကြောင်း သိရသည်။

#YMG/NN #Yangon_Times

ပြည်တွင်းမှ အုန်းမှုတ်ခွက်‌တွေကို ကိုရီးယားသမ္မတနိုင်ငံသို့ တင်ပို့ဖို့အတွက် မြန်မာနိုင်ငံ သစ်သီးဝလံ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချ သူများအသင်း (MFVP) မှ စိုက်ပျိုးသူများနှင့် တင်သွင်းသူများထံ ဆက်သွယ်အကြောင်းကြားခဲ့တယ်လို့ သိရပါတယ်။
#Local_News
Published 10 June 2025
#အုန်းမှုတ်ခွက် #ကိုရီးယားနိုင်ငံသို့တင်ပို့
#YMG/SW #Yangon_Times

ဒဂုံဆိပ်ကမ်းမြို့နယ်၌ ဓမ္မာစရိယနှင့် ပါဠိပထမပြန်စာမေးပွဲမှာ  သံဃာတော်၊ သီလရှင်နဲ့ လူပုဂ္ဂိုလ် ၅၀၀ကျော်ဝင်ရောက်ဖြေဆိုခဲ့တယ်လို့  မြို့နယ်သံဃ မဟာနာယကအဖွဲ့ထံက သိရပါတယ်။
#Local_News
Published 10 June 2025
#ဓမ္မာစရိယနှင့်ပါဠိပထမပြန်စာမေးပွဲ #သီလရှင်နှင့်လူပုဂ္ဂိုလ်၅၀၀ကျော်ဝင်ရောက်ဖြေဆို
#YMG/NN #Yangon_Times

Nay Pyi Taw, June 10, 2025 - A Myanmar Air Force fighter jet crashed during a routine training flight at approximately 12:15 p.m. on Tuesday, according to an official statement released by the State Administration Council’s Information Team.

The aircraft reportedly experienced a sudden mechanical failure while flying over Pale Township in Sagaing Region. It crashed near Sapae Sei Village, approximately 2,000 meters east of Mintinebin Village. The crash triggered a fire at the site, authorities confirmed.

Security personnel have been deployed to secure the area and carry out safety operations. An investigation into the cause of the malfunction is currently underway, the statement added.

The type of the aircraft involved was not disclosed in the official report.

#ymg/knl