စီးပွားရေးပြန်လည်ကောင်းမွန်လာစေဖို့ ပြည်တွင်းအသေးစား အငယ်စား အလတ်စား စီးပွားရေးလုပ်ငန်းတွေကို အထောက်အကူပြုစေဖို့အတွက် SKD ၊ CKD စနစ်နဲ့ တင်သွင်းမယ့်ယာဉ်တွေအတွက် အခွန်ငါးရာခိုင်နှုန်း အထိ ဖြေလျှော့ပေးလိုက်တယ်လို့ စီမံကိန်းနဲ့ဘဏ္ဍာရေးဝန်ကြီးဌာနက ဇွန်လ၄ရက်နေ့ရက်စွဲနဲ့ ထုတ်ပြန်ထားပါတယ်။
#Local_News
Published 5 June 2025
#အခွန်ငါးရာခိုင်နှုန်းဖြေလျှော့ #SKD၊ CKD
#YMG/SW #Yangon_Times

မန္တလေးငလျင်ကြီးအပြီး ဆက်လက်မြင့်တက်နေတဲ့လိုအပ်ချက်တွေကို ဖြည့်ဆည်းနိုင်ဖို့အတွက် ဥရောပသမဂ္ဂက ရန်ပုံငွေ ယူရို ၅ သန်းပေးအပ်ကြောင်းကို ကမ္ဘာ့စားနပ်ရိက္ခာအစီအစဉ် (WFP) နဲ့ ဥရောပသမဂ္ဂ (EU) တို့က ယမန်နေ့က ပူးတွဲသတင်းထုတ်ပြန်လိုက်ပါတယ်။
#Local_News
Published 5 June 2025
#လိုအပ်ချက်များကိုဖြည့်ဆည်း #EUကယူရို၅သန်းပေး
#YMG/SW #Yangon_Times

#Local_News
Published 5 June 2025

▪️ မြန်မာနိုင်ငံတော်ဗဟိုဘဏ် အနေဖြင့် ထိုင်းဘတ် ငွေ ၂သန်းအပြင်အမေရိကန်ဒေါ်လာနှင့်တရုတ်ယွမ် ၇သိန်းကျော်ကို ဇွန်လ ၄ ရက်နေ့မှာ ထုတ်ရောင်းခဲ့ကြောင်း သိရသည်။

▪️ နိုင်ငံခြားငွေကြေးဈေးကွက် (FX Trading Platform) မှ စက်သုံးဆီလုပ်ငန်းရှင်များအတွက် အမေရိကန်ဒေါ်လာ သန်း ၃၀ ရောင်းချပေးမည် ဖြစ်ကြောင်း  ဇွန်လ ၄ ရက်နေ့က  ကြေညာခဲ့ပြီးနောက်  ထုတ်ရောင်းပေးခဲ့ကြောင်း သိရသည်။

▪️ ထိုသို့ရောင်းချရာတွင် ငွေလဲနှုန်း ၃၆၁၀ ကျပ်နှင့်  အမေရိကန်ဒေါ်လာ ၄၂၂,၀၀၀ ၊ ငွေလဲနှုန်း ၅၄၈.၂၄ ကျပ်နှင့် တရုတ်ယွမ် ၃၄၅,၈၅၂ ၊ ငွေလဲနှုန်း ၁၃၂.၇၅ ကျပ်ဖြင့် ထိုင်းဘတ် ၂.၁၁၀ သန်းကိုလည်း ရောင်းချပေးခဲ့ကြောင်း သိရသည်။

#YMG/NN #Yangon_Times

#Local_News
Published 5 June 2025

▪️ တရုတ်နိုင်ငံမှ အိမ်ရှင်အဖြစ်လက်ခံကျင်းပပေးနေသည့် တရုတ်-အာဆီယံ ပိုက်ကျော်ခြင်းပြိုင်ပွဲ၌  မြန်မာပိုက်ကျော်ခြင်းအသင်းမှ ရွှေနှင့်ကြေးတံဆိပ်နှစ်ခုစီ  စုစုပေါင်း ဆု လေးဆု ဆွတ်ခူးရရှိခဲ့ကြောင်း သိရသည်။

▪️ အဆိုပါ ပြိုင်ပွဲကို ဇွန် ၁ ရက်မှ ၄ ရက် အထိ ကျင်းပခဲ့ပြီးပြိုင်ပွဲအမျိုးအစား လေးမျိုးထည့်သွင်းကျင်းပရာ မြန်မာပိုက်ကျော်ခြင်းအသင်းသည် ယင်းလေးမျိုးစလုံးဆုတံဆိပ် ရယူနိုင်ခဲ့ခြင်းဖြစ်သည်။

▪️ ထိုသို့ ဆုရရှိရာတွင် မြန်မာပိုက်ကျော်ခြင်းအသင်းသည် အမျိုးသားသုံးယောက်တွဲပြိုင်ပွဲတွင် ရွှေတံဆိပ်ဆု၊ အမျိုးသားလေးယောက်တွဲပြိုင်ပွဲတွင် ရွှေတံဆိပ်ဆု၊ အမျိုးသမီးသုံးယောက်တွဲပြိုင်ပွဲတွင် ကြေးတံဆိပ်ဆု၊ အမျိုးသမီးလေးယောက်တွဲ ပြိုင်ပွဲတွင်ကြေးတံဆိပ်ဆုရရှိခဲ့ခြင်း ဖြစ် ကြောင်း သိရသည်။

▪️ ထို့အပြင် အမျိုးသားသုံးယောက်တွဲပြိုင်ပွဲတွင် မြန်မာအသင်းကရွှေတံဆိပ်ဆု ရယူနိုင်ခဲ့ခြင်းဖြစ်ပြီး အုပ်စုအဆင့်တွင် အိမ်ရှင်တရုတ်အသင်းကို နှစ်ပွဲပြတ်၊ မလေးရှားအသင်းကို နှစ်ပွဲပြတ်အနိုင် ရရှိကာ အုပ်စုပထမဖြင့် ဆီမီးဖိုင်နယ်တက်ရောက်နိုင်ခဲ့သည်။

▪️ ဆီမီးဖိုင်နယ်တွင် လာအိုအသင်းကို နှစ်ပွဲပြတ်အနိုင်ရပြီး ဗိုလ်လုပွဲတွင် မလေးရှားအသင်းနှင့် ပြန်လည်တွေ့ဆုံရာ ၂-၁ ပွဲဖြင့် ထပ်မံအနိုင်ယူပြီး ရွှေတံဆိပ်ဆုရခဲ့ခြင်းဖြစ်သည်။လေးယောက်တွဲ အမျိုးသားပြိုင်ပွဲတွင် မြန်မာအသင်းသည် အုပ်စုပွဲစဉ်၌ မလေးရှားအသင်းကို နှစ်ပွဲပြတ်၊ ဗီယက်နမ်အသင်းကို ၂-၁ ပွဲဖြင့် အနိုင်ရရှိကာ ဆီမီးဖိုင်နယ် တက်ရောက်ခဲ့သည်။

▪️ ဆီမီးဖိုင်နယ် တွင်အိမ်ရှင် တရုတ်အသင်းကို ၁၅-၁၁ မှတ်၊ ၁၅-၅ မှတ်ဖြင့် နှစ်ပွဲ ပြတ်အနိုင်ရရှိပြီးဗိုလ်လုပွဲတွင် ဗီယက်နမ်အသင်းနှင့်ပြန်လည် တွေ့ဆုံခဲ့ရာ   မြန်မာအသင်းသည် ပထမပွဲငယ်တွင် ၁၃-၁၅ မှတ်ဖြင့် အရေးနိမ့်သော် လည်း ဒုတိယပွဲငယ်တွင် ၁၅-၁၂ မှတ်၊ တတိယပွဲငယ်တွင် ၁၅-၁၀ မှတ်ဖြင့် ပြန်လည်အနိုင်ရရှိကာရွှေတံဆိပ်ဆုရရှိခဲ့ခြင်းဖြစ်ကြောင်း သိရသည်။

#YMG/NN #Yangon_Times

#Local_News
Published 5 June 2025

▪️ မြေနီကုန်းဂုံးတံတားအပေါ်လူတစ်ဦးအားကားတစ်စီးမှတိုက်ပြေးမှုတစ်ခု ယမန်နေ့ ညပိုင်းက ဖြစ်ပွါးခဲ့ကြောင်း သိရသည်။

▪️ ဇွန်လ ၄ရက်နေ့ ည၉နာရီ ၄၅မိနစ်အချိန်ခန့်က စမ်းချောင်းမြို့နယ် ပြည်လမ်း မြေနီကုန်းဂုံးတံတားပေါ်တွင် လူတစ်ဦးအား ကားတစ်စီးမှတိုက်ပြေးမှုဖြစ်ပွါးခဲ့ခြင်းကြောင့် အခင်းဖြစ်ပွားရာနေရာသို့ အနာဂတ်အလင်းတန်းပရဟိတအသင်းမှအရေးပေါ်လူနာတင်ယာဉ်တစ်စီးထွက်ခွါ၍ကူညီ လူနာအားလိုအပ်သည့်မြေပြင်ကုသမှုများပြုလုပ်ပေး၍ကူညီပေးခဲ့ကြောင်း သိရသည်။

▪️ အဆိုပါ လူနာအား အခင်းဖြစ်ပွါးရာသို့ ကနဦးရောက်ရှိနေသည့်ပြည်သူ့+လူရွှင်တော်ပရဟိတအသင်းလူနာတင်ယာဉ်ဖြင့်ရန်ကုန်ဆေးရုံကြီးသို့ဆက်လက်၍ပို့ဆောင်ကူညီပေးခဲ့ကြောင်း သိရသည်။

Crd - အနာဂတ်အလင်းတန်းပရဟိတအသင်း
#YMG/SW #Yangon_Times

#World_News
Published 05 June 2025

▪️ မြန်မာနိုင်ငံအပါအဝင် နိုင်ငံ ၁၂ ခုမှ နိုင်ငံသားများ အမေရိကန်သို့ ဝင်ရောက်ခွင့်ကို ပိတ်ပင်တားမြစ်မယ့် ထုတ်ပြန်ကြေညာချက်တစ်ခုကို သမ္မတဒေါ်နယ်ထရမ့်က ဗုဒ္ဓဟူးနေ့မှာ လက်မှတ်ရေးထိုးလိုက်ပါတယ်။

▪️ ဒီလိုလုပ်ရတာဟာ နိုင်ငံရပ်ခြားမှ အကြမ်းဖက်သမားများ၊ လုံခြုံရေးခြိမ်းခြောက်မှုများမှ ကာကွယ်ရန်အတွက် ဖြစ်တယ်လို့ ပြောသွားပါတယ်။
ဒီနိုင်ငံတွေထဲမှာ အာဖဂန်နစ္စတန်၊ ချက်ဒ်၊ ကွန်ဂို၊ အီကွေတိုရီယယ်ဂီနီ၊ အဲရီထရီယာ၊ ဟေတီ၊ အီရန်၊ လစ်ဗျား၊ ဆိုမာလီယာ၊ ဆူဒန်၊ ယီမင်နဲ့ မြန်မာတို့ ဖြစ်ပါတယ်။

▪️ နောက်ထပ် ၇ နိုင်ငံဖြစ်တဲ့ ဘူရွန်ဒီ၊ ကျူးဘား၊ လာအို၊ ဆီယာရာလီယွန်၊ တိုဂို၊ တာ့ခ်မင်နစ္စတန်၊ ဗင်နီဇွဲလားတို့မှ နိုင်ငံသားများဝင်ရောက်ခွင့်ကိုလည်း တစ်စိတ်တစ်ပိုင်း ကန့်သတ်လိုက်ကြောင်း CBS News က ဦးဆုံးဖော်ပြလာပါတယ်။

▪️ "ကျွန်ုပ်တို့ကို အန္တရာယ်ပြုလိုတဲ့သူတွေကို ဝင်ခွင့်ပေးမှာမဟုတ်ပါဘူး။ ဒီစာရင်းကို ပြန်လည်ဆန်းစစ်ကာ နောက်ထပ်နိုင်ငံများ ထပ်ထည့်နိုင်ပါတယ်" လို့ ထရမ့်က X ဆိုရှယ်မီဒီယာမှာ ဗီဒီယိုတင်ထားပါတယ်။

▪️ ဒီထုတ်ပြန်ကြေညာချက်ဟာ ၂၀၂၅ ဇွန်လ ၉ ရက်နေ့ နံနက်မိုးသောက် ၁၂ နာရီ ၁ မိနစ်ကစပြီး အသက်ဝင်လာမှာဖြစ်ကာ ထိုရက်စွဲမတိုင်ခင် ထုတ်ပေးခဲ့တဲ့ ဗီဇာတွေတော့ ရုပ်သိမ်းမှာမဟုတ်ဘူးလို့ သိရပါတယ်။

▪️ ဒေါ်နယ်ထရမ့် ပထမအကြိမ်သမ္မတဖြစ်စဉ်က မွတ်ဆလင်လူများစု ၇ နိုင်ငံမှ သွားလာဝင်ရောက်ခွင့်ကို ပိတ်ပင်ဖို့ အကြိမ်ကြိမ်ကြိုးပမ်းခဲ့ပြီး ၂၀၁၈ မှာ တရားရုံးချုပ်က ထောက်ခံခဲ့ပေမယ့် နောက်တက်လာတဲ့ သမ္မတဟောင်း ဂျိုးဘိုင်ဒင်က ၂၀၂၁ မှာ ဒီပိတ်ပင်ချက်ကို ပယ်ဖျက်ခဲ့ပါတယ်။

▪️ ဝင်ခွင့်ကန့်သတ်ပိတ်ပင်ရတဲ့ ထိုနိုင်ငံတွေဟာ အကြမ်းဖက်သမား အများအပြားရှိနေခြင်း၊ ဗီဇာလုံခြုံရေးကိစ္စများမှာ ပူးပေါင်းနိုင်မှုမရှိခြင်း၊ ခရီးသွားများရဲ့ သက်သေခံအချက်အလက်များကို အတည်ပြုစစ်ဆေးနိုင်စွမ်းမရှိခြင်း၊ ရာဇဝတ်သမိုင်းကြောင်းများ လုံလောက်စွာ မှတ်တမ်းမထိန်းသိမ်းထားခြင်း၊ အမေရိကန်မှာ ဗီဇာရက်လွန်နေထိုင်မှုနှုန်း မြင့်မားခြင်းတို့ကြောင့် ဒီလိုဆုံးဖြတ်ရတာ ဖြစ်တယ်လို့ ထရမ့်ကဆိုပါတယ်။

#Source: Reuters

#World_Health
Published 05 June 2025

▪️ ဝါရှင်တန်ကျန်းမာရေးဌာနက ကိုဗစ်-၁၉ မျိုးဗီဇကွဲအသစ် တွေ့ရှိထားကြောင်း တနင်္လာနေ့က ပြောပါတယ်။

▪️ ဝါရှင်တန်မှာ NB.1.8.1 မျိုးဗီဇကွဲကို ၁၄ ယောက်မှာ တွေ့ရှိထားတယ်လို့ ဆိုပါတယ်။

▪️ အစောဆုံးအနေနဲ့ ဧပြီ ၇ ရက်နေ့ဖြစ်ပြီး ယခုနောက်ဆုံးတစ်ယောက်က မေလ ၂၀ ရက်နေ့က တွေ့ခဲ့တာဖြစ်ပါတယ်။

▪️ CDC ရဲ့ ဧည့်ခရီးသွားမျိုးဗီဇစစ်ဆေးရေး ပရိုဂရမ်အရ SEA လေဆိပ်မှ နမူနာများ စစ်ဆေးရာမှာ ၁၃ ဦးမှာ တွေ့ရှိခဲ့ပါတယ်။

▪️ နောက်တစ်ဦးကတော့ အမေရိကန် လေကြောင်းဆေးပညာမှ တင်ပြထားတာ ဖြစ်ပါတယ်။

▪️ ဝါရှင်တန်မှာ တွေ့ရှိတာဖြစ်ပေမယ့် သူတို့တွေက ဝါရှင်တန်မှာ နေထိုင်သူတွေလား ဒါမှမဟုတ် နမူနာရယူပြီးမှ ဝါရှင်တန်မှာ နေနေကြတာလားဆိုတာ မသိရသေးဘူးလို့ ကျန်းမာရေးအာဏာပိုင်များက ပြောပါတယ်။

▪️ NB.1.8.1 တွေ့ရှိရာနေရာမှာ အဖြစ်များလာတာကြောင့် WHO က မျိုးဗီဇကွဲအဖြစ် သတ်မှတ်ထားပေမယ့် ကျန်းမာရေးအန္တရာယ်ကတော့ နည်းပါးတယ်လို့ဆိုပါတယ်။

▪️ အချက်အလက်များအရ ယခုမျိုးဗီဇကွဲဟာ ယခင်ဟာတွေလောက် ရောဂါပြင်းထန်တဲ့သဘော မရှိပါဘူး။

▪️ လက်ရှိကာကွယ်ဆေး အမျိုးအစားတွေက NB.1.8.1 ကြောင့် ရောဂါလက္ခဏာပေါ်ခြင်းနဲ့ ရောဂါပြင်းထန်ခြင်းတို့မှ ကာကွယ်ပေးနိုင်မယ်လို့ ယူဆထားပါတယ်။

▪️ ဝါရှင်တန်ကျန်းမာရေးဌာနကတော့ ကိုဗစ်-၁၉ ကာကွယ်ဆေး နောက်ဆုံးထုတ်ပြန် သတင်းများအတိုင်း နေထိုင်ကြဖို့ တိုက်တွန်းထားပါတယ်။

#Source: King5

#Local_News
Published 5 June 2025

▪️ သဘာဝဘေးအန္တရာယ်ဆိုင်ရာ အရေးပေါ်ကယ်ဆယ်ရေး ဆေးဘက်ဆိုင်ရာအဖွဲ့ (JDR) တွင် ပါဝင်ကူညီပေးခဲ့သော စကားပြန် ၂၃ ဦးကို မြန်မာနိုင်ငံဆိုင်ရာဂျပန်သံရုံးဂုဏ်ပြုလွှာများ ပေးအပ်ချီးမြှင့်ခဲ့ကြောင်း သိရသည်။

▪️ အဆိုပါဂုဏ်ပြုလွှာများ ပေးအပ်ချီးမြှင့်ခြင်းအခမ်းအနားကိုမေလ ၃ဝ ရက်က ဂျပန်သံအမတ်ကြီးနေအိမ်၌ ကျင်းပခဲ့ခြင်းဖြစ်ကြောင်း ဂျပန်သံရုံးက ယမန်နေ့တွင် ထုတ်ပြန်ထားသည်။

▪️ အခမ်းအနားတွင် မြန်မာနိုင်ငံဆိုင်ရာ ဂျပန်သံရုံး၏အကြီးအကဲ မစ္စတာ ယိုရှိတခဲ ရှိုးဂိုသည် သဘာဝဘေး အန္တရာယ်ဆိုင်ရာ အရေးပေါ်ကယ်ဆယ်ရေး ဆေးဘက်ဆိုင်ရာအဖွဲ့ (JDR) တွင် ပါဝင်ကူညီ ပေးခဲ့သော စကားပြန် ၂၃ ဦးကို ကျေးဇူးတင် ဂုဏ်ပြုစကားပြောကြားခဲ့ကာဂုဏ်ပြုလွှာများ ချီးမြှင့်ပေးအပ်ခဲ့ကြောင်း သိရသည်။

▪️ မြန်မာနိုင်ငံဆိုင်ရာဂျပန်သံရုံးဂုဏ်ပြုလွှာကို ဂျပန်သံရုံး၏ သံတမန် ရေးရာလုပ်ငန်းများတွင် အရေးပါသောအခန်းကဏ္ဍမှ ပူးပေါင်းပါဝင်ကူညီပေးသော လူပုဂ္ဂိုလ် တစ်ဦးချင်းနှင့် အသင်းအဖွဲ့များသို့ ကျေးဇူးတင်ဂုဏ်ပြုသည့်အနေဖြင့် ချီးမြှင့်ပေးအပ်ခြင်းဖြစ်ကြောင်း သိရသည်။

#YMG/SW #Yangon_Times

#World_Science
Published 05 June 2025

▪️ နာဆာစက်ရုပ်အာကာသယာဉ်နှစ်စီးကနေ ရရှိတဲ့ အချက်အလက်များဖြင့် လကမ္ဘာဆွဲအားစစ်ဆေးခဲ့ရာမှာ ဘာကြောင့် လကမ္ဘာမျက်နှာပြင်နှစ်ခု ဒီလောက်ကွာခြားနေလဲဆိုတဲ့အကြောင်း အရိပ်အမြွက် သိလာစေပါတယ်။

▪️ အမေရိကန် အာကာသအေဂျင်စီ GRAIL ရဲ့ အချက်အလက်အရ လကမ္ဘာအတွင်းနက်ပိုင်းမှာ ဘက်မညီတဲ့ တည်ဆောက်ပုံရှိနေပြီး လွန်ခဲ့တဲ့နှစ်ဘီလီယံခန့်က မီးတောင်ဖြစ်စဉ်ကြီးများကြောင့် မျက်နှာသွင်ပြင်အနေအထား ပြောင်းလဲသွားဟန်ရှိပါတယ်။

▪️ လက ကမ္ဘာဂြိုဟ်နားတဝိုက် အဝိုင်းပုံသဏ္ဍာန်လည်ပတ်နေစဉ် ကမ္ဘာနဲ့နီးတဲ့ လမျက်နှာပြင်က တခြားမျက်နှာပြင်ထက် အနည်းငယ်ပိုခုံးနေပြီး ဒါဟာ ကမ္ဘာဂြိုဟ်ရဲ့ ဆွဲအားသက်ရောက်မှုကြောင့်ဖြစ်ကာ လအတွင်းပိုင်း မျက်နှာပြင်နှစ်ဖက်ကို ကွာခြားသွားစေတာ ဖြစ်တယ်လို့ တွေ့ရှိခဲ့ကြပါတယ်။

▪️ ဒါ့အပြင် ကမ္ဘာနဲ့နီးတဲ့ လမျက်နှာပြင်အတွင်းပိုင်းက ပိုမိုပူနွေးပြီး ဘူမိဗေဒအရ ပိုမိုနက်ရှိုင်းနေတယ်လို့ နာဆာဓာတ်ခွဲခန်းမှ ဆိုလာစနစ်ဒိုင်နမစ်အဖွဲ့ရဲ့ ကြီးကြပ်ရေးမှူး ရိုင်ယန်ပတ်ခ်က ပြောပါတယ်။

▪️ ကမ္ဘာနဲ့နီးစပ်တဲ့ လဖက်ခြမ်းမှာ အရည်ပူကျောက်များ အေးခဲသွားရာကနေ ဖြစ်လာတဲ့ ကွင်းပြင်ကျယ်ကြီးတွေ ဖုံးအုပ်နေပြီး အဝေးဖက်ခြမ်းကတော့ မျက်နှာပြင် ပိုမိုကြမ်းတမ်းပါတယ်။

▪️ အနီးဖက်ခြမ်းမှာ မီးတောင်ဖြစ်စဉ်များကနေ ရေဒီယိုသတ္တိကြွများ ထွက်လာပြီး အပူထုတ်ပေးတဲ့ဒြပ်စင်များ စုပြုံလာသဖြင့် ကွဲပြားတာဖြစ်တယ်လို့ သိပ္ပံပညာရှင်အချို့ ယူဆထားပါတယ်။

▪️ လမျက်နှာပြင်နှစ်ဖက်ဟာ အတော်လေးကွဲပြားနေပြီး မြေမျက်နှာသွင်ပြင်၊ အလွှာအထူ၊ အပူထုတ်ဒြပ်စင်ပမာဏတို့မှာ ကွာခြားနေတယ်လို့ ပတ်ခ်ကပြောပါတယ်။

▪️ အဆင့်မြှင့်တင်ထားတဲ့ ဆွဲငင်အားမြေပုံက လကမ္ဘာနေရာ၊ လမ်းညွှန်မှု၊ အချိန်စနစ်တို့ ထုတ်လုပ်ရာမှာ အရေးကြီးတဲ့အခြေခံဖြစ်ပြီး အနာဂတ်လကမ္ဘာ ရှာဖွေစူးစမ်းရေးအလုပ်တွေ အောင်မြင်ဖို့အတွက် အလွန်အရေးပါတယ်လို့ ပြောပါတယ်။

▪️ ဒီလိုနည်းလမ်းနဲ့ပဲ လကမ္ဘာအတွင်းပိုင်းကိုလည်း ဆွဲအားအချက်အလက်များဖြင့် ဆန်းစစ်နိုင်မယ်လို့ သုတေသီများ ပြောသွားပါတယ်။

#Source: Reuters

ကမ္ဘာပေါ်က အကြီးမားဆုံး အီလက်ထရွန်နစ်ဈေးတွေထဲက တစ်ခုဖြစ်တဲ့ ဟွာချန်ပေဟာ တရုတ်တောင်ပိုင်း ကွမ်တုံပြည်နယ် ရှန်ကျန်မှာရှိပြီး နိုင်ငံခြားဧည့်ခရီးသွားများ မဖြစ်မနေသွားကြတဲ့နေရာ ဖြစ်လာပါတယ်။
#World_Technology
Published 4 June 2025
#နိုင်ငံခြားခရီးသွား #တရုတ်ကွမ်တုံမှအီလက်ထရွန်နစ်ဈေး
#YMG #Yangon_Times #Yangon_Media_Group

#Local_News
Published 4 June 2025

▪️ ဂျပန်နိုင်ငံသို့ သွား‌ရောက်မည့် အမျိုးသမီးလုပ်သား၁၂၂ ဦးကို OWIC ကတ်ပြုလုပ်ခွင့်ထပ်မံခွင့်ပြုလိုက်ကြောင်း အလုပ်သမားဝန်ကြီးဌာနမှ သိရသည်။

▪️ ဂျပန်နိုင်ငံသို့ပြည်ပအလုပ်အကိုင် အကျိုးဆောင်လိုင်စင်ရအေဂျင်စီများမှတစ်ဆင့် သွားရောက်အလုပ်လုပ်ကိုင်နိုင်ရေး ပြည်ပအလုပ်အကိုင် လမ်းညွှန်သင်တန်းတက်ရောက်ခွင့်နှင့် ပြည်ပအလုပ်အကိုင် အလုပ်သမား သက်သေခံကတ် ( OWIC) ပြုလုပ်ခွင့် တင်ပြထားလျှောက်ထားလာကြသည့်  အေဂျင်စီ ၃၇ ခုမှ အမျိုးသမီး အလုပ်သမား ၁၂၂ ဦး အတွက် ပြည်ပအလုပ်အကိုင် လမ်းညွှန်သင်တန်းတက်ရောက်ခွင့်နှင့်  OWIC ကတ်  ပြုလုပ်ခွင့်ပြုသည့် စာရင်းကို အလုပ်သမားဝန်ကြီးဌာန၏ Safe Migration Telegram channel မှ ယနေ့ ထုတ်ပြန်ပေးလိုက်ခြင်းဖြစ်သည်။

▪️ အဆိုပါအမည်စာရင်းတွင် ပါဝင်သူများသည် ပြည်ပအလုပ်အကိုင် လမ်းညွှန်သင်တန်းကို ၅-၆-၂၀၂၅ ရက်တွင်တက်ရောက်ရမည်ဖြစ်ပြီး
OWIC  ကတ်ကို ၆-၆-၂၀၂၅ ရက်နေ့တွင် ပြုလုပ်ရမည်ဖြစ်ကြောင်း ၊သတ်မှတ်နေ့ရက်တွင် သင်တန်းတက်ရောက်ခြင်း၊ OWIC ကတ် ပြုလုပ်နိုင်ခြင်းမရှိပါက ပြန်လည်တင်ပြရမည်ဖြစ်‌ေကြာင်း သိရသည်။ 

▪️ ထို့ပြင်အေဂျင်စီများအနေဖြင့် OWIC ရရှိပြီးသည့်အလုပ်သမားများအတွက် စေလွှတ်ခွင့်အား ထွက်ခွာလိုသည့်ရက် (ရက်သတ္တ တစ်ပတ်အတွင်း ) ဖော်ပြပြီး စေလွှတ်မည့်အလုပ်သမားစာရင်း၊ နိုင်ငံကူးလက်မှတ် မိတ္တူ၊ OWIC ကတ် မိတ္တူတိုနှင့်အတူ Excel Soft Copy ပြုစု၍ အလုပ်သမားညွှန်ကြားရေးဦးစီးဌာန၊ This email address is being protected from spambots. You need JavaScript enabled to view it. သို့ အမြန်ပြန်လည်တင်ပြရမည်ဖြစ်‌ကြောင်း သိရသည်။

#YMG/SW #Yangon_Times

နှစ်စဉ်ဓာတ်အားကီလိုဝပ်နာရီသန်းပေါင်း (၇.၅၆)ထုတ်လုပ်နိုင်မယ့် နေရောင်ခြည်သုံး လျှပ်စစ်စီမံကိန်းတစ်ခုကို အေးသာယာ စက်မှုဇုန်မှာ အကောင်အထည်ဖော်သွားမယ်လို့ သိရပါတယ်။
#Local_News
Published 4 June 2025
#အေးသာယာစက်မှုဇုန် #နေရောင်ခြည်သုံးလျှပ်စစ်စီမံကိန်း
#YMG/SW #Yangon_Times