တောင်ကိုရီးယားသို့ သွားရောက်အလုပ်လုပ်ကိုင်မယ့်အမျိုးသမီး‌တွေအတွက် အလုပ်လျှောက်လွှာတွေ စတင်ခေါ်ယူသွားမယ်လို့ အစိုးရပြည်ပအလုပ်အကိုင်အေဂျင်စီ(POEA)မှ သိရပါတယ်။
#Local_News
Published 25 December 2024
#ကိုရီးယား #အလုပ်လျှောက်လွှာစတင်ခေါ်ယူ
#YMG/SW #Yangon_Times

#Local_News
Published 25 December 2024

▪️ ၂၀၂၄ ခုနှစ်ရုပ်ရှင်ထူးချွန်ဆုပေးပွဲတွင် ရွှေကြိုမောင်မယ်အဖြစ်ပါဝင်ရန်  ရွှေကြိုမောင်မယ်များကို နောက်ဆုံးအဆင့်ရွေးချယ်ရာတွင် ရွေးချယ်ရေးအဖွဲ့၏ အမှတ် ၆၀ရာခိုင်နှုန်းနှင့် ပရိတ်သတ် ဆန္ဒမဲ ၄၀ ရာခိုင်နှုန်း ထည့်သွင်းကာရွေးချယ်မည်ဖြစ်‌ကြောင်း မြန်မာနိုင်ငံရုပ်ရှင်အစည်းအရုံး၊ ရွှေကြိုရွေးချယ်ရေးကော်မတီမှ သိရသည်။

▪️ နောက်ဆုံးအဆင့်ယှဉ်ပြိုင်ရမည့်ရွှေကြိုအမျိုးသမီး ၃၀ ဦး၊အမျိုးသား၂၅ ဦး စာရင်းကိုထုတ်ပြန်လိုက်ပြီး ထိုနောက်ဆုံးအဆင့်ယှဉ်ပြိုင်ခွင့်ရသူများသည် ဇန်နဝါရီလ ၅ ရက်တွင် ထပ်မံယှဉ်ပြိုင်ရမည်ဖြစ်ကြောင်း၊ နောက်ဆုံးအဆင့်ယှဉ်ပြိုင်ရန်အတွက် ၁။ ကျပမ်းဇာတ်ကောင်စရိုက်နှင့် ခံစားချက်အမူအရာကိုသရုပ်ဆောင်ပြခြင်း၊၂။ သရုပ်ဆောင်တစ်ယောက်တွင်ရှိသင့်သည့် အရည်အသွေးဆိုင်ရာဗဟုသုတကို ကျပမ်းမေးခွန်းများမေးကာစစ်ဆေးခြင်း။ ၃။ TikTok တွင် ‌Trend ဖြစ်သည့် အကြောင်းအရာများအနက်မှ မိမိနှစ်သက်ရာ တစ်ခုကို ရွေးချယ်ရိုက်ကူး ဆော့ကစားပြီး ထိုသို့ ရိုက်ကူးထားသည့် TikTok Video ကို ရွှေကြိုရွေးချယ်ရေးအဖွဲ့ ၏ Telegram  +959880896957 သို့ ၂၇-၁၂-၂၀၂၄ နေ့ရက် ည၁၀နာရီနောက်ဆုံးထားမဖြစ်မနေ ပေးပို့ရန်။ ( အဆိုပါ TikTok Video အား နောက်ဆုံးပြိုင်ပွဲနေ့ ပြိုင်ပွဲအစီအစဉ် တိုက်ရိုက်ထုတ်လွင့်မှု ၌ ပြသမည်။ ပရိတ်သတ်ဆန္ဒမဲ ရယူရန် ပြိုင်ပွဲဝင်များ၏ Promo vdo အဖြစ် ‌အကယ်ဒမီရွှေကြိုမောင်မယ် Facebook page တွင် ၂၀၂၄ ဒီဇင်ဘာ၂၈ရက်နေ့မှစတင် ဖေါ်ပြကြေညာမည်) တို့ကို ကြိုတင်ပြင်ဆငါထားရမည်ဖြစ်ကြောင်း သိရသည်။

▪️ ပရိတ်သတ်ရွေးချယ်မှု ၄၀ရာခိုင်နှုန်းအတွက် ဆန္ဒမဲများကို( က )  Hey Play App မှတဆင့် ဆန္ဒပြုခြင်း (အခမဲ့)၊ ( ခ ) Atom ၏ SMS နံပါတ် 6666 သို့SMS ပေးပို့ ဆန္ဒပြုခြင်းစသည့် နည်းလမ်းနှစ်မျိုးဖြင့် ပါဝင်ဆန္ဒပြုနိုင်ပြီး မဲပေးခြင်းကို ဒီဇင်ဘာလ၂၅ရက် နေ့လည်၁နာရီတွင်စတင်ဆောင်ရွက်နိုင်မည်ဖြစ်ကြောင်း သိရသည်။

▪️ ဒုတိယအဆင့် ယှဉ်ပြိုင်စဉ်က ရွှေကြိုများ၏ သရုပ်ဆောင်စွမ်းရည်ကို (၃) မိနစ်ထက်မပိုပဲပြသယှဉ်ပြိုင်စေခဲ့ပြီး နောက်ဆုံးအဆင့်အတွက်ရွေးချယ်ခဲ့ခြင်းဖြစ်ကြောင်း၊ယခုနောက်ဆုံးအဆင့်ရွေးချယ်ခံရသူများထဲမှ ရွှေကြိုအမျိုးသမီး ၁၀ဦး၊ ရွှေကြိုအမျိုးသား ၁၀ဦးကို ၂၀၂၄ခုနှစ် မြန်မာ့ရုပ်ရှင်ထူးချွန်ဆုပေးပွဲအခမ်းအနားတွင် ပါဝင်နိုင်ရန်ရွေးချယ်သွားမည်ဖြစ်ကြောင်း သိရသည်။

#YMG/SW #Yangon_Times

#World_News
Published 25 December 2024

▪️ ထိုင်းနိုင်ငံမှာ နှစ်သစ်ကူးသုံးစွဲမှုကနေ စီးပွားရေးလည်ပတ်မှု ဘတ် ၁၀၉ ဘီလီယံ ထုတ်လုပ်ပေးနိုင်မယ်လို့ မျှော်မှန်းထားပေမယ့် စီးပွားရေးက အပြည့်အဝ ပြန်လည်မကောင်းမွန်သေးတာကြောင့် လူတွေက သတိယှဉ်ပြီး သုံးစွဲနေကြတယ်လို့ ထိုင်းကုန်သည်ကြီးများအသင်းတက္ကသိုလ် (UTCC)က ပြောပါတယ်။

▪️ လာမယ့် နှစ်သစ်ကာလအတွက် UTCC မှ စစ်တမ်းကောက်ယူရာမှာ သုံးစွဲသူများ အသုံးစရိတ်များလာနိုင်တဲ့ကာလလို့ ယူဆထားပါတယ်။

▪️ စုစုပေါင်း ၁၀၉ ဘီလီယံဘတ် လည်ပတ်ရန် မျှော်မှန်းထားရာ ၃.၂ ရာခိုင်နှုန်း မြင့်တက်လာတဲ့သဘောဖြစ်ပြီး ဒါဟာ ထိုင်းနိုင်ငံမှာ စီးပွားရေး ပြန်လည်ဦးမော့လာမှု လက္ခဏာများ မြင်နေရတာ ဖြစ်ပါတယ်။

▪️ ဒီဇင်ဘာ ၁၆ ရက်နေ့မှ ၂၁ ရက်နေ့ကြား နိုင်ငံတဝှမ်းမှ ဖြေဆိုသူ ၁၃၀၀ထံမှ စစ်တမ်းကောက်ယူခဲ့တာ ဖြစ်ပါတယ်။

▪️ အသုံးစရိတ် မြင့်တက်လာမယ်လို့ ခန့်မှန်းထားပေမယ့် စီးပွားရေးမှာ တိုးတက်မှုအနည်းငယ်သာ တွေ့ရတာကြောင့် လူအများစုက စိတ်လွတ်ကိုယ်လွတ် သုံးဖြုန်းဖို့ လက်တွန့်နေကြသေးတယ်လို့ UTCCဥက္ကဌ ထာနာဝက်ဖွန်ဝီချိုင်က ပြောပါတယ်။

▪️ ယမန်နှစ်နဲ့ယှဉ်ရင် ကုန်စည်တည်ငြိမ်လာတာက ယခုလို သတိထားချဉ်းကပ်ဖို့ ဖြစ်လာပါတယ်။

▪️ ထိုင်းလူမျိုးတွေက ပါတီတွေ၊ အလှူအတန်းတွေ၊ အဝတ်အစားဝယ်ယူမှုတွေ၊ လက်ဆောင်ဝယ်ပေးတာတွေ စတာတွေမှာ သုံးစွဲဖို့စီစဉ်နေကြတယ်လို့ UTCC ကောင်စီအကြံပေး ဆာဝါနီးထိုင်ရွန်ဂရိုက ပြောပါတယ်။

▪️ ခရီးသွားအသုံးစရိတ်က စုစုပေါင်း ၅၁.၄ ဘီလီယံဘတ်ရှိမယ်လို့ မျှော်မှန်းထားပြီး ပြည်ပခရီးစဉ်အတွက် ၅.၄၇ ဘီလီယံနဲ့ ပြည်တွင်းအတွက်က ၄၅.၉ ဘီလီယံ ခန့်မှန်းထားပါတယ်။

▪️ အခြားဝယ်ယူသုံးစွဲမှုများအတွက်တော့ ၅၇.၈ ဘီလီယံဘတ် သုံးစွဲမယ်လို့ ခန့်မှန်းထားပါတယ်။

▪️ စစ်တမ်းဖြေဆိုသူ ၄၇ ရာခိုင်နှုန်းက ငွေစုပြီးမှ သူတို့ရဲ့ ဝင်ငွေတွေကို သုံးစွဲမှာဖြစ်ပြီး စုဆောင်းငွေထဲက ထုတ်ယူသုံးစွဲမယ့်သူတွေက ၃၇.၄ ကနေ ၄၅.၆ ရာခိုင်နှုန်း မြင့်တက်လာတာကြောင့် ရရှိတဲ့လစာက ကုန်ကျစရိတ်နဲ့ မကာမိဘဲ ဖြစ်နေပါတယ်။

▪️ ၂၀၂၅ ခုနှစ် ပထမ ၃လနဲ့ ဒုတိယ ၃လတို့မှာ စီးပွားရေး ပြန်လည်ဦးမော့ရန် မျှော်လင့်ထားတယ်လို့ မစ္စတာထာနာဝက်က ပြောသွားပါတယ်။

#Source: Bangkok Post

#World_Health
Published 25 December 2024

▪️ စားသုံးလိုက်တဲ့ အချို့သောအစာတွေက အူမကြီးထဲက ကင်ဆာဆဲလ်တွေ တိုက်ထုတ်နိုင်စွမ်းကို ဆိုးရွားစွာ ထိခိုက်စေတယ်လို့ လေ့လာတွေ့ရှိထားပါတယ်။

▪️ အဆင့်ဆင့် ထုတ်လုပ်ထုတ်ပိုးထားတဲ့ စားစရာတွေမှာ အများဆုံးပါဝင်တဲ့ အိုမီဂါ-၆ ဖက်တီးအက်ဆစ်ကို အလွန်အကျွံစားမိပါက အိုမီဂါ-၃ ဖက်တီးအက်ဆစ်ရဲ့ ရောင်ရမ်းခြင်းနဲ့ အကျိတ်တို့ကို တိုက်ဖျက်ပေးနိုင်စွမ်း လျော့ကျစေနိုင်ပါတယ်။

▪️ အစာအိမ်အူလမ်းကြောင်းထဲမှာ နေ့စဉ်နဲ့အမျှ ဆင့်ကဲပြောင်းလဲမှုတွေ ဖြစ်နေပြီး အိုမီဂါ-၃မှရတဲ့ မော်လီကျူးများ အကူအညီဖြင့် ကိုယ်ခံအားစနစ်က တိုက်ဖျက်ပေးနေတယ်လို့ ဒေါက်တာတင်မိုသီယိမန်းက ဖော်ပြထားပါတယ်။

▪️ အိုမီဂါ-၆ များပြားလာခြင်းကြောင့် ခန္ဓာကိုယ်ထဲမှာ နာတာရှည်ရောင်ရမ်းခြင်း ဖြစ်လာတဲ့အခါ ဆင့်ကဲပြောင်းလဲမှု ဖြစ်လွယ်လာပြီး ခန္ဓာကိုယ်က တိုက်ထုတ်ရခက်လာတယ်လို့ တမ်ပါအထွေထွေဆေးရုံမှ ပရော်ဖက်ဆာယိမန်းက ဆိုပါတယ်။

▪️ အနောက်တိုင်းမှ အစားအစာတွေမှာ ဟင်းရွက်ဆီကြောင့်ဖြစ်တဲ့ အိုမီဂါ-၆ ဖက်တီးအက်ဆစ် အများအပြားပါဝင်နေပြီး အမေရိကန်မှာရှိတဲ့ စားစရာ ၇၀ ရာခိုင်နှုန်းလောက်က အဆင့်ဆင့်ထုပ်ပိုးစားစရာများ လွှမ်းမိုးနေပါတယ်။

▪️ အိုမီဂါ-၆ ဖက်တီးအက်ဆစ်တစ်မျိုးဖြစ်တဲ့ လီနိုလစ်အက်ဆစ်ကို နေကြာဆီ၊ ပြောင်းဆီ၊ ပဲဆီ၊ ပဲပိစပ်ဆီတို့မှ ရရှိပါတယ်။

▪️ အမေရိကန်တွေက အိုမီဂါ-၆ ကြောင့်ဆိုတာထက် အိုမီဂါ-၃ ကြွယ်ဝတဲ့ ငါးတွေကို မကြိုက်တာက အဓိကပြဿနာဖြစ်တယ်လို့ ဆောက်သ်ဒါကိုတာတက္ကသိုလ်မှ ဒေါက်တာဘီလ်ဟားရစ်က ဆိုပါတယ်။

#Source: WION

#World_Health
Published 25 December 2024

▪️ နေထိုင်စားသောက်မှုပုံစံ ရွေးချယ်မှုတွေက ဒီမန်ရှာရောဂါ ဖြစ်နိုင်ခြေနဲ့ ဦးနှောက်ထဲမှာ အိုမင်းရင့်ရော်မှု လက္ခဏာများ စောစောဖြစ်ပေါ်ခြင်းတို့ကြား ဆက်စပ်မှုရှိကြောင်းကို ဆန်းရှိုင်းကို့စ်သွန်ဆန်တက္ကသိုလ်မှ သုတေသန တွေ့ရှိထားပါတယ်။

▪️ နေထိုင်စားသောက်မှုပုံစံကြောင့် ဒီမန်ရှာဖြစ်နိုင်ခြေ များသူတွေရဲ့ ဦးနှောက်ထဲမှာ အဖြူသားထုထည် လျော့နည်းပြီး လျှပ်စီးလှုပ်ရှားမှု မညီမျှတာကို တွေ့ရှိခဲ့ကြပါတယ်။

▪️ စားသောက်မှုပုံစံတွေ၊ အိပ်စက်မှုပုံစံတွေ၊ ကိုယ်လက်လှုပ်ရှားမှုပုံစံတွေက ဦးနှောက်ကို သက်ရောက်နေကြတယ်လို့ ဦးဆောင်သုတေသီ ဒေါက်တာသောမတ်စ်ပေ့စ်က ဖော်ပြထားပါတယ်။

▪️ နေထိုင်စားသောက်မှုပုံစံတွေက ဦးနှောက် စောစီးစွာအိုမင်းမှုကို ဖြစ်စေတယ်လို့ အတိအကျ မဆိုနိုင်ပေမယ့် ဆက်စပ်မှုရှိနေပါတယ်။

▪️ ဒေါက်တာပေ့စ်နဲ့ အဖွဲ့က ဩစတြေးလျ အာရုံကြောသိပ္ပံသုတေသနနဲ့ နယူးဆောက်သ်ဝေးလ်စ်တက္ကသိုလ်တို့မှ ထုတ်လုပ်ထားတဲ့ အွန်လိုင်းကိရိယာဖြင့် ပါဝင်စမ်းသပ်သူတွေရဲ့ အခြေအနေပြဇယားနဲ့ နေထိုင်စားသောက်မှုပုံစံတို့ကို အခြေခံပြီး ဒီမန်ရှာဖြစ်နိုင်ခြေကို တွက်ချက်ခဲ့ကြပါတယ်။

▪️ ပြောင်းလဲလို့မရတဲ့ အသက်အရွယ်၊ ကျား/မ၊ ပညာရေးတို့ကို အခြေထားပြီး နေထိုင်စားသောက်မှုပုံစံကြောင့်ပဲ ဒီမန်ရှာဖြစ်နိုင်ခြေကို အလေးထားခဲ့ကြပါတယ်။

▪️ MRI ၊ EEG တို့လို ဦးနှောက်ဓာတ်မှန် ကိရိယာများ သုံးပြီးတော့ မှတ်ဉာဏ်နဲ့ စဉ်းစားနိုင်စွမ်းတို့ကို အကဲဖြတ်စစ်ဆေးမှုများ ပြုလုပ်ခဲ့ကြပါတယ်။

▪️ ဦးနှောက်အဖြူသားဟာ ဦးနှောက်အစောပိုင်းရင့်ရော်ခြင်းကို တိုင်းတာနိုင်တဲ့ အရာဖြစ်တာကြာပြီဖြစ်ပေမယ့် လျှပ်စီးလှုပ်ရှားမှုမျှခြေကတော့ အခုမှ တွေ့ရှိလာတာ ဖြစ်ပါတယ်။

▪️ ဒီမန်ရှာဖြစ်နိုင်ခြေ လျှော့ချဖို့အတွက် စောစီးစွာကာကွယ်ဖို့က အရေးကြီးကြောင်းကို သွန်ဆန်အင်စတီကျုမှ ဦးနှောက်ကျန်းမာရေးအစီအစဉ်ကို ဦးဆောင်တဲ့ ဒေါက်တာဆိုဖီအန်ဒရူးက ဖော်ပြသွားပါတယ်။

▪️ ကျန်းမာရေးနဲ့ ညီညွတ်တဲ့ နေထိုင်စားသောက်မှုပုံစံ ကျင့်ကြံခြင်းဖြင့် ဦးနှောက်အိုမင်းခြင်းလက္ခဏာများ လျော့နည်းစေနိုင်ပါတယ်။

▪️ ဥပမာအနေဖြင့် မက်ဒီတာရေနီးယန်း စားသောက်မှုပုံစံ၊ တစ်ညကို ၇-၉နာရီအိပ်စက်မှုပုံစံ၊ ပုံမှန်လှုပ်ရှားလေ့ကျင့်ခန်းလုပ်ခြင်းပုံစံ၊ လူမှုဆက်ဆံရေး ထိန်းသိမ်းမှုပုံစံတို့ကို ဦးစားပေးသင့်ပါတယ်။

#Source: Medical Xpress

သက်ကြီးရွယ်အိုဦးရေတိုးများလာတဲ့ တောင်ကိုရီးယားမှာ အသက်ကြီးခရီးသွားတွေ များပြားလာတာနဲ့အညီ ဖြည့်ဆည်းပေးဖို့ ခရီးသွားလိုက်ပါဝန်ဆောင်မှုများ ပေါ်ထွက်လာပါတယ်။
#Asia_Travel
Published 24 December 2024
#တောင်ကိုရီးယား #သက်ကြီးရွယ်အိုခရီးသွား
#YMG #Yangon_Times #Yangon_Media_Group

#Daily_News
Published 24 December 2024

၁။ ဧရာဝတီတိုင်းဒေသကြီးအတွင်း ဒီရေတောပင်တစ်သိန်းခွဲ စိုက်ပျိုးခဲ့

၂။ YBS ယာဉ်များ၌ မီးသတ်ဆေးဗူးပါမပါ စစ်ဆေးသွားမည်

၃။ နိုင်ငံတကာဈေးကွက်ဝင်ကော်ဖီများ ထုတ်လုပ်နိုင်ရေး သင်တန်းများပို့ချမည်

၄။ တောင်ကိုရီးယားသက်ကြီးရွယ်အို ခရီးသွားဧည့်သည်များအတွက်ဝန်ဆောင်မှုပေးသည့်ကုမ္ပဏီများ တိုးများလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံတွင် LNG Terminal တည်ဆောက်ပြီး တရုတ်နှင့်မြန်မာနှစ်နိုင်ငံ သဘာဝဓာတ်ငွေ့များ မျှဝေသုံးစွဲမည့် စီမံကိန်းတစ်ခုကို အကောင်အထည်ဖော်နိုင်ရန် စီစဉ်နေတယ်လို့ သိရပါတယ်။
#Local_News
Published 24 December 2024
#LNG_Terminal #မြန်မာနှင့်တရုတ်နှစ်နိုင်ငံ
#YMG #Yangon_Times #Yangon_Media_Group

အခုနှစ်ကြံကြိတ်ခွဲရာသီ စတင်နေပြီဖြစ်ပေမယ့် မလည်ပတ်နိုင်သေးတဲ့သကြားစက်တွေရှိနေတယ်လို့ ကြံတောင်သူတွေနဲ့ မြန်မာနိုင်ငံသကြားနှင့်ကြံထွက်ပစ္စည်းလုပ်ငန်းရှင်များအသင်းက သိရပါတယ်။
#Local_News
Published 24 December 2024
#ကြံကြိတ်ခွဲရာသီ #သကြားစက်
#YMG/NN #Yangon_Times

ပြည်တွင်းမှာ နိုင်ငံတကာဈေးကွက်ဝင်ကော်ဖီတွေထုတ်လုပ်နိုင်ဖို့ သင်တန်း‌တွေပို့ချသွားမယ်လို့ မြန်မာနိုင်ငံကော်ဖီအသင်းက သိရပါတယ်။
#Local_News
Published 24 December 2024
#ဈေးကွက်ဝင်ကော်ဖီ #မြန်မာနိုင်ငံကော်ဖီအသင်း
#YMG/SW #Yangon_Times

YBS ယာဉ်တွေမှာမီးသတ်ဆေးဗူးပါမပါ စစ်ဆေးသွားဖို့ရှိနေတယ်လို့  ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC)က သိရပါတယ်။
#Local_News
Published 24 December 2024
#(YRTC) #မီးသတ်ဆေးဗူးပါမပါ
#YMG/NN #Yangon_Times

သဘာဝပတ်ဝန်းကျင်ထိန်းသိမ်း‌ရေးနဲ့ ဒီရေတောကာကွယ်ရေးအတွက် ဒီရေတောပင်တစ်သိန်းခွဲကို ဧရာဝတီတိုင်းဒေသကြီးအတွင်းစိုက်ပျိုးခဲ့တယ်လို့ သိရပါတယ်။
#Local_News
Published 24 December 2024
#ဒီရေတောပင် #ဒီရေတောကာကွယ်ရေး
#YMG/SW #Yangon_Times