#Local_News
Published 19 June 2025

▪️ နိုင်ငံတော်ဘဏ္ဍာအဖြစ် သိမ်းဆည်းထားသော သံရည်ကျိုအပ်နှံမည့် ယာဉ်နှင့်ယန္တရား ပေါင်း ၁၀၀၀ ကျော်ကို ဖြတ်တောက် သယ်ယူပို့ဆောင်ပေးရန် စိတ်ပါဝင်စားသည့်ကုမ္ပဏီများအား တင်ဒါခေါ်ယူထားကြောင်း စက်မှုဝန်ကြီးဌာနမှ သိရသည်။

▪️ တင်ဒါအောင်မြင်သည့်ကုမ္ပဏီအနေဖြင့်ပြည်ထောင်စုအဆင့်အဖွဲ့အစည်း၊ ဝန်ကြီးဌာနများနှင့် စီမံကိန်းနှင့်ဘဏ္ဍာရေးဝန်ကြီးဌာနမှစစ်ကိုင်းတိုင်းဒေသကြီးနှင့် မကွေးတိုင်းဒေသကြီး အတွင်းရှိ   ဘဏ္ဍာသိမ်း သံရည်ကျိုအပ်နှံမည့် မော်တော်ယာဉ်၊ မော်တော်ဆိုင်ကယ်နှင့် ယန္တရား စုစုပေါင်း ၁,၀၁၅ စီးကို စက်မှုဝန်ကြီးဌာနအောက်ရှိ အမှတ်(၁) အကြီးစားစက်မှုလုပ်ငန်း၊ အမှတ်(၁)သံမဏိစက်ရုံ (မြင်းခြံ)သို့  ဖြတ်တောက်၊ သယ်ယူ၊ ပို့ဆောင်အပ်နှံပေးရမည်ဖြစ်ကြောင်း သိရသည်။

▪️ ထိုကြောင့် စိတ်ပါဝင်စားသည့် ကုမ္ပဏီနှင့်အဖွဲ့အစည်းများအနေဖြင့် နေပြည်တော်ရှိ အုပ်ချုပ်ရေးဌာန၊ အမှတ်(၁)အကြီးစားစက်မှုလုပ်ငန်း၊ စက်မှုဝန်ကြီးဌာန ရုံးအမှတ်(၃၀)၌  ဇွန် ၁၆ ရက်မှစတင်ကာ တင်ဒါပုံစံလျှောက်လွှာများအား ထုတ်ယူနိုင်ပြီး လာမည့် ဇွန် ၃၀ ရက်နောက်ဆုံးထား လျှောက်လွှာတင်သွင်းရမည်ဖြစ်ကြောင်း သိရသည်။

#YMG/SW #Yangon_Times

#World_Science
Published 19 June 2025

▪️ စကြဝဠာကြီးက လူသားတွေကို အံ့အားသင့်စရာတွေ ပေးနေတာ နှစ်ရာနဲ့ချီ ကြာနေပြီဖြစ်ပြီး အဝေးကြည့်မှန်ပြောင်းများ ဆောက်လုပ်ကာ အာကာသထဲကို လေ့လာကြည့်ရှုကြပါတယ်။

▪️ ကျွန်ုပ်တို့ စကြဝဠာစနစ်မှာ အခြားဂြိုဟ် ၇ ခုလည်းရှိပေမယ့် သက်ရှိတွေတော့ မနေထိုင်နိုင်ပါဘူး။

▪️ လွန်ခဲ့တဲ့ နှစ်ဘီလီယံခန့်က မားစ်ဂြိုဟ်မှာ သက်ရှိတွေရှိခဲ့မယ်လို့ သိပ္ပံပညာရှင်များ ထင်ထားပေမယ့် ပြောင်းလဲသွားဟန်ရှိပါတယ်။

▪️ ကမ္ဘာဂြိုဟ်လိုပဲ အပြာရောင်ဂြိုဟ်တစ်ခုဖြစ်တဲ့ ယူရေးနပ်စ်ဂြိုဟ်ဟာ ဟိုက်ဒရိုဂျင်ဆာလ်ဖိုက်၊ ဟီလီယံ၊ မီသိန်းတို့ပြည့်နေကာ မျက်နှာပြင်မရှိဘဲ အနံ့အသက် အလွန်ဆိုးရွားပါတယ်။

▪️ ဒီလိုမျိုး အဆိပ်သင့်ယူရေးနပ်စ်ဂြိုဟ်ဆီကို လူသားတွေ ရောက်ရှိသွားတဲ့ပုံစံမျိုး ကွန်ပျူတာဖြင့်သရုပ်ဖော်ရာမှာ လူသားတွေဟာ အချိန် ၅ စက္ကန့်တောင် ခံနိုင်မှာမဟုတ်ပါဘူး။

▪️ တစ်နာရီကို ၉၀၀ ကီလိုမီတာနှုန်းဖြင့် တိုက်ခတ်နေတဲ့ စိန်မုန်တိုင်းကြား ပါသွားနိုင်ကာ အဆင့် ၅ ဟာရီကိန်းထက် သုံးဆခွဲမျှ ပိုမိုပြင်းထန်နိုင်ပါတယ်။

▪️ မီသန်းကြောင့် ယူရေးနပ်စ်ဟာ စိမ်းပြာရောင်သမ်းနေပြီး အန္တရာယ်ရှိဓာတ်ငွေ့ ဖိအားအလွန်များတဲ့ အနေအထားကနေ စိန်တွေဖြစ်ပေါ်လာပါတယ်။

▪️ ယူရေးနပ်စ်ဂြိုဟ်နဲ့ နီးလာရင် အပူချိန်က -၂၂၄ ဒီဂရီဆဲလ်စီးယပ်စ်မှာ အေးခဲသွားနိုင်သလို ဟိုက်ဒရိုဂျင်ဆာလ်ဖိုက်ပါဝင်တဲ့ တိမ်တိုက်တွေထဲရောက်သွားရင် ရှူမိပြီးတော့ ချက်ချင်းအသက်ဆုံးရှုံးနိုင်ပါတယ်။

▪️ အပေါ်ယံလွှာကရဲ့ ဖိအားက ကမ္ဘာ့ပင်လယ်ရေပြင်ထက် အဆတစ်ရာကျော် ပိုများတာကြောင့် ကာဗွန်ကနေ စိန်တွေအဖြစ် ပြောင်းလဲသွားနိုင်ပါတယ်။

#Source: WION

#World_Health
Published 19 June 2025

▪️ ဆံပင်ဖြီးခြင်းက နေ့စဉ်တစ်ကိုယ်ရည်ထိန်းသိမ်းမှုမှာ မရှိမဖြစ်ဆိုပေမယ့် ဆံပင်စိုစွတ်နေတုန်း ခေါင်းဖြီးတာကတော့ ဆိုးကျိုးဖြစ်စေပါတယ်။

▪️ ဒါဟာ ဆံကေသာကို မော်လီကျူးအဆင့်မှာပင် အားနည်းစေနိုင်တယ်လို့ အစ္စတန်ဘူလ်စမိုင်းဟဲဆေးခန်း ပူးတွဲတည်ထောင်သူ ဒေါက်တာ မာမက်အာဒိုဂန်က ပြောပါတယ်။

▪️ ဒီလိုဖြီးခြင်းက အချိန်ကြာလာတာနဲ့အမျှ ဆံပင်ကျိုးကြေပါးလွှာစေနိုင်တယ်လို့ ဆိုပါတယ်။

▪️ ဆံပင်က စိုနေတဲ့အခါ အပြင်ပိုင်းမှာ ပြောင်းလဲမှုတွေဖြစ်သွားတယ်လို့ ဆိုပါတယ်။

▪️ ရေကြောင့် ဆံခြည်မျှင်အရင်းက ဖောင်းတင်းလာပြီး မွေးညင်းပေါက် ဆွဲဆန့်သလိုဖြစ်ကာ ကျိုးကြေလွယ်လာပါတယ်။

▪️ ဒါကြောင့် အတွင်းပရိုတိန်းတည်ဆောက်ပုံ ပျက်စီးစေကာ ကြာလာရင် ဆံကေသာအားနည်းလာစေတယ်လို့ သတိပေးလိုက်ပါတယ်။

▪️ ခြောက်သွေ့တဲ့အခါကျရင် မူလအခြေအနေ ပြန်မရောက်တော့ဘဲ ပျက်စီးနေခဲ့ပြီ ဖြစ်ပါတယ်။

▪️ ဆံပင်စိုက ကြွပ်ဆတ်တဲ့အပြင် ကြမ်းကြမ်းတမ်းတမ်း ဖြီးလိုက်ရင် ကျိုးပျက်တတ်ပြီး ဖိစီးမှု၊ ဟော်မုန်းပြဿနာ၊ ဆံပင်အလှပြင်ခြင်း၊ ဓာတုပစ္စည်းများကြောင့်လည်း ထိခိုက်ပျက်စီးတတ်ပါတယ်။

▪️ ဆံပင်အရောင်စိုးသူတွေ၊ ကောက်ဖြောင့်သူတွေဟာ ဆံပင်စိုကို ဖြီးမိလို့ ပိုမိုပျက်စီးနိုင်ပါတယ်။

▪️ ဆံကေသာထိခိုက်ခြင်းမှ လျှော့ချနိုင်ဖို့ အသွားကျဲတဲ့ ဘီးများအသုံးပြုသင့်တယ်လို့ အကြံပြုထားကြပါတယ်။

▪️ ဆံပင်အလှပြင်တဲ့အခါ အပူပေးခြင်းကိုလည်း လျှော့ချသင့်သလို အရောင်ချွတ်ဆေးတွေ ထပ်ခါထပ်ခါ သုံးခြင်းကိုလည်း ရှောင်ရှားသင့်ပါတယ်။

▪️ ဆံပင်ကို ပုံမှန်ဖြီးတဲ့အခါ ဖြည်းဖြည်းနဲ့ ညင်သာစွာ ပြုလုပ်ပေးသင့်ပါတယ်။

#Source: New York Post

၂၇ ကြိမ်မြောက် ရှန်ဟိုင်းနိုင်ငံတကာ ရုပ်ရှင်ပွဲတော်(SIFF)ဟာ စနေနေ့က ခမ်းနားလှတဲ့ဖွင့်ပွဲနဲ့အတူ စတင်ကျင်းပလိုက်ပြီး နိုင်ငံပေါင်း ၁၁၉ နိုင်ငံမှ ရုပ်ရှင်ကားပေါင်း ၃,၉၀၀ တင်သွင်းလာကြကာ မှတ်တမ်းသစ်တင်နိုင်ခဲ့ပါတယ်။
#World_Event
‎Published 18 June 2025
#ရှန်ဟိုင်း #နိုင်ငံတကာရုပ်ရှင်ပွဲတော်
#YMG #Yangon_Times #Yangon_Media_Group

#Daily_News

Published 18 June 2025

၁။ ‌‎ဒလတံတား စီမံကိန်းလုပ်ငန်းများ ဒီဇင်ဘာလကုန်တွင်ပြီးစီးရန်ဆောင်ရွက်နေ

၂။ ‌‎RBF ကိုငလျင်ဘေးဒဏ်သင့်ဒေသများနှင့် ရန်ကုန်တိုင်းတွင် ၅၆ယူနစ်အထိ တိုးချဲ့ဆောင်ရွက်ပေးမည်

၃။ ‎‎‎‎ဆင်အမွှာလေးကျော်ပုလဲအား လိုအပ်ပါက အသက်နှစ်နှစ်ခန့်မှသာခါးဆစ်ရိုးခွဲစိတ်မည်

၄။ ‎(၂၇)ကြိမ်မြောက် ရှန်ဟိုင်းနိုင်ငံတကာရုပ်ရှင်ပွဲတော်စတင်ဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာ့ငလျင်အတွက်လူသားချင်းစာနာမှုထောက်ပံ့မှုအဖြစ် အာရှဖွံ့ဖြိုးမှုဘဏ်(ADB Bank) က အမေရိကန်ဒေါ်လာသန်း၁၀၀ကူညီမယ်လို့ ယမန်နေ့က ထုတ်ပြန်လိုက်ပါတယ်။
#Local_News
‎Published 18 June 2025
#ADB #အမေရိကန်ဒေါ်လာသန်း၁၀၀ကူညီ
#YMG/SW #Yangon_Times

ရန်ကုန်- မန္တလေးအမြန်လမ်းပေါ်မှာရှိတဲ့ ဝင်္ကဘော်ဆင်စခန်းက  ဆင်အမွှာသားလေးကျော် ပုလဲခါးဆစ်ရိုးထိခိုက်ခဲ့ပြီး လမ်းမလျှောက်နိုင်တာကြောင့် စနစ်တကျကုသတာတွေပြုလုပ်ပေးနေပြီး လိုအပ်ပါက အသက်နှစ်နှစ်အရွယ်ခန့်မှသာ ခွဲစိတ်မှုပြုလုပ်ပေးနိုင်မယ့် အခြေအနေရှိနေတယ်လို့ ပဲခူးတိုင်းဒေသကြီး မြန်မာ့သစ်လုပ်ငန်းက သိရပါတယ်။
#Local_News
‎Published 18 June 2025
#ဆင်အမွှာလေးကျော်ပုလဲ #ခါးဆစ်ရိုးခွဲစိတ်
#YMG/NN #Yangon_Times

ကျေးလက်စီးပွားမြင့်မားရေးရန်ပုံငွေ ထူထောင်ခြင်းစီကိန်း(RBF)ကို ငလျင်ဘေးဒဏ်သင့် ဒေသတွေနဲ့ နို့စားနွားမွေးမြူရေးစီမံကိန်း ဆောင်ရွက်လျက်ရှိတဲ့ ရန်ကုန်တိုင်းဒေသကြီးတို့မှာ ယူနစ်(၅၆)ယူနစ်အထိတိုးချဲ့ဆောင်ရွက်ပေးသွားမယ်လို့ သမဝါယမနှင့် ‌ကျေးလက်ဖွံ့ဖြိုး‌ရေးဝန်ကြီးဌာန၊‌ကျေးလက်‌ဒေသဖွံ့ဖြိုးတိုးတက်ရေးဦးစီးဌာနမှ သိရပါတယ်။
#Local_News
‎Published 18 June 2025
#RBF #ယူနစ်၅၆ယူနစ်
#YMG/SW #Yangon_Times

မြန်မာ-ကိုရီးယားချစ်ကြည်ရေး ဒလတံတား စီမံကိန်းလုပ်ငန်းတွေ ဇင်ဘာလကုန်မှာပြီးစီးဖို့ ရည်မှန်းချက်ထား ဆောင်ရွက်နေတယ်လို့ ပို့ဆောင်ရေးနှင့်ဆက်သွယ်ရေးဝန်ကြီးဌာနက သိရပါတယ်။
#Local_News
‎Published 18 June 2025
#ဒလတံတားစီမံကိန်း #မြန်မာ-ကိုရီးယားချစ်ကြည်ရေး
#YMG/NN #Yangon_Times

#Local_News
Published 18 June 2025

▪️ နိုင်ငံခြားငွေကြေးဈေးကွက် (FX Trading Platform)တွင်အမေရိကန်ဒေါ်လာ ၃၃ သန်းကို စက်သုံးဆီလုပ်ငန်းရှင်များအတွက်ထုတ်ရောင်းပေးမည်ဖြစ်ကြောင်း မြန်မာနိုင်ငံတော်ဗဟိုဘဏ်မှ အသိပေးလာသည်။

▪️ သို့သော်ထုတ်ရောင်းပေးမယ့် ငွေပမာဏအတွက် ရည်ညွှန်းငွေလဲနှုန်းကိုမူ  သီးခြားဖော်ပြထားခြင်းမရှိပေ။

▪️ ထို့အပြင် မြန်မာနိုင်ငံတော်ဗဟိုဘဏ်သည် ယခု ဇွန်လအတွင်း စက်သုံးဆီလုပ်ငန်းရှင်များအတွက် အမေရိကန်ဒေါ်လာ ၆၂ သန်းကို ထုတ်ရောင်းပေးခဲ့ပြီး ဖြစ်ကြောင်း သိရသည်။

#YMG/NN #Yangon_Times

#Local_News
Published 18 June 2025

▪️ မန္တလေးငလျင်ကြောင့် ပြိုကျခဲ့ရသည့်  မန္တလေးမြို့ရှိ Sky Villa အ ဆောက်အဦမှ ရုပ်တစ်လောင်းတစ်လောင်း ထပ်မံ၍ ယနေ့တွေ့ရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇွန် ၁၈ ရက်နေ့တွင် မြန်မာနိုင်ငံမီးသတ်တပ်ဖွဲ့ ရှာဖွေကယ်ဆယ်ရေးတပ်ဖွဲ့ဝင်များမှ ရုပ်အလောင်းကျန်ရှိနေသော မန္တလေးမြို့ Sky Villa အဆောက်အဦ(A)အဆောင်နှင့် (B)အဆောင်တို့အား ယာဉ်ယန္တရားများအသုံးပြု၍ ဖယ်ရှားရှင်းလင်းခြင်းနှင့် ရုပ်အလောင်းထုတ်ယူနိုင်ရေးဆောင်ရွက်လျက်ရှိရာနေ့လည် ၁၂ နာရီ ၅ မိနစ်အချိန်က B အဆောင် အခန်းအမှတ် G-3 မှ အမျိုးသမီး(၁)ဦး၏ ရုပ်အလောင်းအား ထုတ်ယူနိုင်ခဲ့ ကြောင်း သိရသည်။

#YMG/NN #Yangon_Times

#Local_News
Published 18 June 2025

▪️ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ (MISIS)နှင့် အီဂျစ်နိုင်ငံခြားရေးရာကောင်စီအဖွဲ့ (Egyptian Council for Foreign Affairs-ECFA) တို့အကြား ပူးပေါင်းဆောင်ရွက်မှု သဘောတူစာချုပ် (LOAC)ကို ယခုလ၁၆ရက်က ECFAရုံးခန်းတွင် လက်မှတ်ရေးထိုးခဲ့ရာ အီဂျစ်အာရပ်သမ္မတနိုင်ငံဆိုင်ရာ မြန်မာသံအမတ်ကြီး ဦးကျော်တင်ရှိန်က MISIS အဖွဲ့ ဥက္ကဋ္ဌကိုယ်စား သွားရောက်လက်မှတ်ရေးထိုးခဲ့ကြောင်း သိရသည်။

▪️ အဆိုပါ သဘောတူညီချက် (LOAC)အား လက်မှတ်ရေးထိုးခြင်းဖြင့် နှစ်နိုင်ငံ နိုင်ငံခြားရေးဝန်ကြီးဌာနလက်အောက်ရှိ Think Tanks အဖွဲ့နှစ်ဖွဲ့အကြား နိုင်ငံတကာရေးရာနှင့် ဒေသတွင်း အရေးကိစ္စများအား ပူးတွဲလေ့လာသုတေသနပြုလုပ်ခြင်းနှင့် စာတမ်းများ ပြုစုရေးသားခြင်း၊ သုတေသနစာတမ်းများအား ပူးတွဲထုတ်ဝေခြင်း စသည်တို့ကို ပြုလုပ်သွားနိုင်မည်ဖြစ်ပြီး Online မှတစ်ဆင့် တွေ့ဆုံဆွေးနွေးမှုများ၊ နှစ်နိုင်ငံ အပြန်အလှန် လည်ပတ်၍ လူကိုယ်တိုင် တွေ့ဆုံ ဆွေးနွေးပွဲများနှင့် ဟောပြောပွဲများ ကျင်းပပြုလုပ်ခြင်း စသည်တို့ကိုလည်း ဆောင်ရွက်နိုင်မည်ဖြစ်ကြောင်း၊MISIS အဖွဲ့နှင့် ECFA အဖွဲ့အကြား ပူးတွဲသုတေသနပြုလုပ်ရာတွင် Global South နှင့် United Nations Sustainable Development Goals (SDGs) ဆိုင်ရာ အကြောင်းအရာများအပေါ် အဓိကထား၍ လေ့လာသုတေသနပြုလုပ်သွားမည် ဖြစ်ကြောင်း ၊ထို့အပြင်Think Tanks အဖွဲ့နှစ်ဖွဲ့အကြား ပူးပေါင်းဆောင်ရွက်မှုမှတစ်ဆင့် မြန်မာ-အီဂျစ် နှစ်နိုင်ငံ ဆက်ဆံရေး တိုးတက်လာစေရေးအတွက်ကိုလည်း အထောက်အကူပြုနိုင်မည်ဖြစ်ကြောင်း သိရသည်။

▪️ လက်မှတ်ရေးထိုးမှုနှင့် တွေ့ဆုံဆွေးနွေးပွဲသို့ မြန်မာသံရုံးဘက်မှ တာဝန်ရှိသူအချို့ နှင့် ECFA ဘက်မှ Director ဖြစ်သူ Ambassador (Rtd) Mr. Ezzat Saad Elsayed နှင့် တာဝန်ရှိသူအချို့ တက်ရောက်ခဲ့ကြောင်း သိရသည်။

#YMG/SW #Yangon_Times