#Local_News
Published -19 August 2022

တိုင်းနဲ့ပြည်နယ်အသီးသီး၌ လိုအပ်ပါက ကုသရေးစင်တာတွေကို ထပ်မံတိုးချဲ့သွားမယ်လို့ ကျန်းမာရေးဝန်ကြီးဌာနကနေ သိရပါတယ်။

#Yangon_Media_Group

#DailyNews
Published - 19 August 2022

၁။ လိုအပ်ပါက ကိုဗစ်ကုသရေးစင်တာများ ထပ်မံတိုးချဲ့မည်

၂။ ယွမ်ငွေဈေး မြင့်တက်မှုကြောင့် တရုတ်နယ်စပ် ကုန်သွယ်မှုလျော့ကျနေ

၃။ နောက်ထပ်လာမည့်လေပွေလှိုင်းကြောင့် ရှမ်း၊ ကရင်နှင့် မွန်ဒေသတွင် မိုးဆက်များပြီး သဘာဝဘေးတွေ့နိုင်

၄။ တရားမဝင်ကျားရောင်းဝယ်ရေးကို တိုက်ဖျက်နိုင်ရန် ကျားအစင်းကြောင်းတွေကို ရှာဖွေစစ်ဆေးနိုင်မည့် အိုင်တီနည်းပညာအားတီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_19 August 2022

ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် Ms. Noeleen Heyzer ရဲ့ မြန်မာနိုင်ငံခရီးစဉ်နောက်ပိုင်းမှာ လက်ရှိမြန်မာ့အကျပ်အတည်းကို နိုင်ငံတကာအနေနဲ့ ထိထိရောက်ရောက်ပံ့ပိုးကူညီနိုင်ရေးကိုပဲ ငြိမ်းချမ်းရေးဦးဆောင်အဖွဲ့ (PPST) အနေနဲ့ မျှော်လင့်နေတယ်လို့ သိရပါတယ်။

#Yangon_Media_Group

#Local_News
Published _ 19 August 2022

မလေးရှားနှင့် ထိုင်းနယ်စပ်မှာရှိသည့် ရာဘာခြံတစ်ခုအတွင်း မြန်မာနိုင်ငံသား ၁၂ ဦးဖမ်းဆီးခံရကြောင်း ထုတ်ပြန်ချက်များအရ သိရသည်။

မလေးရှား ခြေလျင်တပ်ရင်း (၂) ဌာနချုပ်က တရားမဝင်လမ်းကြောင်းမှတစ်ဆင့် မလေးရှားနိုင်ငံသို့ တရားမဝင် ဝင်ရောက်ရန် ကြိုးပမ်းသည့် မြန်မာနိုင်ငံသား ၁၂ ဦးကို သြဂုတ်လ ၁၇ ရက် ည၁၂နာရီက ဖမ်းဆီးခံရမိကြောင်း သိရသည်။

ယင်းနယ်စပ်မှာ လှည့်ကင်းဆောင်ရွက်နေသည့်ကင်းလှည့်အဖွဲ့မှ နယ်စပ်ခြံစည်းရိုးမှ တရားမဝင် ဝင်ရောက်လာကြောင်း သံသယရှိသည့် အရပ်သားအဖွဲ့တစ်ဖွဲ့၏လှုပ်ရှားမှုကို တွေ့ရှိခဲ့ကြောင်း သိရသည်။

စစ်ဆေးမှု ရလဒ်တွေအရ ၎င်းတို့အားလုံးမှာ တရားဝင် ခရီးသွား စာရွက်စာတမ်းမရှိသည့် မြန်မာနိုင်ငံသားများဖြစ်ကာ အသက် ၂၀ မှ ၄၅ နှစ်ကြား အမျိုးသား ၁၀ ဦးနှင့် အမျိုးသမီး ၂ ဦးတို့ဖြစ်ကြောင်း သိရသည်။

ဖမ်းမိသူများထံမှ လက်ကိုင်ဖုန်း ၁၀လုံးနှင့် ခရီးဆောင်သေတ္တာ ၇လုံး စုစုပေါင်းတန်ဖိုး ရင်းဂစ် ၄,၇၀၀ သိမ်းဆည်းရမိကြောင်း ထုတ်ပြန်ထားသည်။

ဖမ်းဆီးရမိသူများကို Bukit Kayu Hitam ရဲစခန်းသို့ လွှဲပြောင်းပေးအပ်ထားကြောင်း သိရသည်။

ymg/NN
#Yangon_Media_Group

#Local_News
Published -19 August 2022

ရန်ကုန်တိုင်းအတွင်း ယခင်ကရှိသည့် ခရိုင်တရားရုံးများကို ပယ်ဖျက်ပြီး ခရိုင်တရားရုံးအသစ်များ ဖွင့်လှစ်လိုက်ကြောင်း ပြည်ထောင်စုတရားလွှတ်တော်ချုပ်က ထုတ်ပြန်ထားသည်။

ရန်ကုန်တိုင်းအတွင်းရှိ တိုက်ကြီးခရိုင်၊ လှည်းကူးခရိုင်၊ မှော်ဘီခရိုင်၊ မင်္ဂလာဒုံခရိုင်၊ အင်းစိန်ခရိုင်၊ သင်္ဃန်းကျွန်းခရိုင်၊ ဗိုလ်တထောင်ခရိုင်၊ ဒဂုံမြိုသစ်ခရိုင်၊ သန်လျင်ခရိုင်၊ တွံတေးခရိုင်၊ ကျောက်တံတားခရိုင်၊ အလုံခရိုင်၊ မရမ်းကုန်းခရိုင်နဲ့ ကမာရွတ်ခရိုင် တရားရုံးတွေကို ဖွင့်လှစ်ခွင့်ပြုခဲ့ကြောင်း သိရသည်။

ယင်းအပြင် ယခင်ရှိထားခဲ့သည့် ရန်ကုန်အရှေ့ပိုင်းခရိုင်၊ အနောက်ပိုင်းခရိုင်၊ တောင်ပိုင်းခရိုင်နှင့် မြောက်ပိုင်းခရိုင် တရားရုံးတွေကို ပယ်ဖျက်လိုက်ပြီ ဖြစ်ကြောင်းလည်း ထုတ်ပြန်ခဲ့သည်။

နစက ပြည်ထဲရေးဝန်ကြီးဌာနသည် ပြီးခဲ့တဲ့ မေလပိုင်းတွင် တစ်နိုင်ငံလုံးရှိ ခရိုင်အသစ် ၄၆ ခုကို အသစ်တိုးချဲ့ဖွဲစည်းခဲ့ပြီး တစ်နိုင်ငံလုံး၌ စုစုပေါင်း ၁၂၁ ခရိုင်ရှိလာကြောင်း သိရသည်။

ymg/sth
#Yangon_Media_Group

#Local_News
Published -19 August 2022

NIVEA နှင့် Hansaplast ထုတ်လုပ်သည့် Beiersdorf Myanmar ဒီနှစ်ကုန်ပိုင်းတွင် မြန်မာနိုင်ငံဈေးကွက်မှ ပြန်လည်ထွက်ခွာတော့မည်ဖြစ်ကြောင်း သိရသည်။

Beiersdorf သည် အလှကုန်ပစ္စည်းများ ထုတ်လုပ်သည့် ဂျာမန်အခြေစိုက်ကုမ္ပဏီတစ်ခုဖြစ်ပြီး ပြည်တွင်း၌ နာမည်ကြီး NIVEA အလှကုန်ပစ္စည်းနှင့် Hansaplast ပလာစတာတိုကို ထုတ်လုပ်ရောင်းချနေခြင်းဖြစ်သည်။

လက်ရှိဖြစ်ပေါ်နေသည့် မြန်မာနိုင်ငံတွင်း ဈေးကွက်အခြေအနေတွေကြောင့် ဆက်လက်လည်ပတ်ရန် မဖြစ်နိုင်တော့သည့်အတွက် ယခုလို Beiersdorf ကုမ္ပဏီအနေဖြင့် မြန်မာနိုင်ငံဈေးကွက်က ပြန်ထွက်ခွာမည် ဖြစ်သည်ဟု Beiersdorf Myanmar ၏ တာဝန်ရှိသူတစ်ဦးက ပြောကြားထားသည်။

Beiersdorf Myanmar အနေနှင့် သူ၏ မြန်မာနိုင်ငံထဲက ဈေးကွက်ကို ပြည်တွင်းက လူသုံးကုန်ပစ္စည်းဖြန့်ဖြူးရောင်းချရေး ကုမ္ပဏီတစ်ခုဖြစ်တဲ့ DKSH Myanmar ကို လွှဲပြောင်းပေးသွားမည်ဖြစ်ကြောင်း သိရသည်။

ပြည်တွင်း၌ ရင်းနှီးမြှုပ်နှံနေသည့် နိုင်ငံတကာ ကုမ္ပဏီအချို့ ပြန်ထွက်ခွာသွားမှုများရှိနေပြီး တယ်လီနော၊ Total Energies စတဲ့ ကုမ္ပဏီများ မြန်မာနိုင်ငံက ပြန်လည်ထွက်ခွာသွားခဲ့သည်။

ymg/sth
#Yangon_Media_Group

#Local_News
Published_19 August 2022

ဂျပန်နိုင်ငံနှင့် မြန်မာနိုင်ငံအပါအဝင် အာဆီယံနိုင်ငံများက အထက်တန်းကျောင်းသားများ ပါဝင်နိုင်မည့်ဂျပန်-အာဆီယံအထက်တန်းအဆင့် Online Exchange ပရိုဂမ်တစ်ခု ပြုလုပ်သွားမည်ဖြစ်ကြောင်း မြန်မာနိုင်ငံဆိုင်ရာ ဂျပန်သံရုံးမှ သိရသည်၊၊

အဆိုပါ ပရိုဂမ်ကို စက်တင်ဘာလ၁၂ရက်မှ ၂၂ ရက်အထိ zoom ဖြင့်ပြုလုပ်သွားမည်ဖြစ်ပြီး သဘာဝဘေးဆိုင်ရာနှင့် ငြိမ်းချမ်းရေးဆိုင်ရာ Schedule နှစ်ခုဖြင့် Exchange ပရိုဂမ် ပြုလုပ်သွားမည်ဖြစ်သည်၊၊

ဂျပန်-အာဆီယံ အထက်တန်းအဆင့် Online Exchange ပရိုဂမ်ကို အွန်လိုင်းကနေတစ်ဆင့် ပါဝင်နိုင်ပြီး ပါဝင်လိုသူများ သြဂုတ်လ(၂၄)ရက်နောက်ဆုံးထားပြီး Application Form တင်ထားရမည်ဟု ဆိုသည်၊၊

ယင်းပရိုဂမ်သည် ဂျပန်နှင့်အာဆီယံရှိ အထက်တန်းအဆင့်ကျောင်းသားများအတွက် ရည်ရွယ်ဆောင်ရွက်ခြင်းဖြစ်ပြီး အသေးစိတ်သိလိုသူများ မြန်မာနိုင်ငံဆိုင်ရာဂျပန်သံရုံး Page တွင် ကြည့်ရှုနိုင်ကြောင်းနှင့် စိတ်ပါဝင်စားသူများ စာရင်းသွင်းနိုင်ကြောင်း သိရသည်၊၊

ymg/tthl
#Yangon_Media_Group

Published 19 August 2022

အက်ပဲလ်က ယင်းရဲ့ အိုင်ဖုန်း၊အိုင်ပက်နှင့် ကွန်ပျူတာတွေမှာ အရေးကြီးတဲ့  လုံခြုံရေးဆိုင်ရောပျော့ကွက်တွေဖြစ်ပေါ်ခဲ့ပြီး အဲဒါကြောင့် ဟက်ကာတွေဟာ အဲဒီပစ္စည်းတွေကို ထိန်းချုပ်မှုပြုလုပ်နိုင်ကြလိမ့်မယ်လို့  ဖွင့်ဟသတိပေးခဲ့ပါတယ်။

အဲဒီ လုံခြုံရေးပညာရှင်တွေရဲ့ သတိပေးချက်ကြောင့် အက်ပဲလ်သုံးသူတွေဟာ သူတို့ရဲ့ ပစ္စည်းတွေကို အဆင့်မြှင့်တင်ဖို့ လိုအပ်လာပြီဖြစ်ပါတယ်။

အက်ပဲလ်က ဘာပြောတာလဲ

လာမယ့်လတစ်ရက်ရက်မှာ ထုတ်ပေးဖို့ရှိတဲ့ iOS 16 ဆော့ဝဲအသစ်ကြိးတစ်ခုမတိုင်ခင် သိပ်မကွာတဲ့အချိန်ဖြစ်တဲ့ ဗုဒ္ဓဟူးနေ့နှင့် ကြာသပတေးနေ့မှာ ကုမ္ပဏီက လက်ရှိဆော့ဖ်ဝဲကို အဆင့်မြှင့်တင်Update ဖို့ အံအားသင့်စရာ ကြေညာခဲ့ပါတယ်။

အဲဒီဆော့ဝဲလ်အဆင့်မြှင့်ဖို့ကြေညာချက်ဟာ လုံးဝမျှော်လင့်မထားတဲ့ အချိန်ပိုင်းမှာဖြစ်ပြီး အရေးပေါ်လုံခြုံရေး အပြေင်းအလဲတွေ ကြောင့်လို့ဖော်ပြထားပါတယ်လို့ ဖော့ဘ်ရဲ့ နည်းပညာစာရေးဆရာ ဒေးဗစ်ဖီလန်က ပြောပါတယ်။

အကန့်အသတ်နှင့်သာဖော်ပြထားတဲ့အသေးစိတ်အချက်အလက်ကို အက်ပဲလ်ရဲ့ ဆော့ဝဲလ်အဆင့်မြှင့် ပေ့ချ်ကနေသာ ဖော်ပြခဲ့တာဖြစ်ပြီး ကုမ္ပဏီကနေ မကြေညာခဲ့ပါဘူး။

အဲဒီလုံခြုံရေးပျော့ကွက်တွေကို ဘယ်သူတွေ့ခဲ့တာလဲ ဘယ်လိုတွေ့တာလဲ ဆိုတာ အက်ပဲလ်ကမဖော်ပြဘဲ သူ့ရဲ့ စာထဲမှာ အမည်မဖော်လိုသူ သုတေသနသမားတွေဆီက လို့ပဲ ရေးထားပါတယ်။

Telegram Channelတွင်ဖတ်ရှုလိုပါက

အက်ပဲလ် ဆော့ဝဲရဲ့ အစိတ်အပိုင်းနှစ်ခုပြဿနာလို့ ဝက်ဘ်ဆိုက်မှာဖော်ပြထားပါတယ်။ အဲဒါတွေက အိုင်အိုအက်စ်နှင့် အချက်အခြာဖြစ်တဲ့ kernel အပိုင်းနှင့် ဝက်ဘ်ဘရောင်စာအင်ဂျင် WebKit တို့ဖြစ်ကြပြီး အဲဒီအားနည်းချက်တွေကြောင့် ကုတ်ဒ်တွေကို ထင်သလိုပြောင်းလဲလုပ်ပစ်လိုက်နိုင်တာဖြစ်ပါတယ်။

ဘာသဘောလဲ

ဒီပျော့ကွက်ကြောင့်ဟက်ကာဟာ အက်ဒမင်အဖြစ် ကိုယ့်ပစ္စည်းထဲ အပြည့်အဝဝင်ရောက်လုပ်ဆောင်နိုင်သွားမယ့် သဘောဖြစ်ပါတယ်။

အဲဒါကြောင့် ကျူးကျော်ဝင်ရောက်မယ့်သူဟာ ပိုင်ရှင်အယောင်ဆောင်ပြီး သူတို့အမည်နှင့် ကြိုက်တဲ့ ဆော့ဝဲတွေ သွင်းနိုင်မယ်လို့ ဆိုရှယ်ပရုဖ် လုံခြုံရေးမှူးချုပ် ရာချဲလ် တိုဘက်ကပြောပါတယ်။

ဒီလိုပျော့ကွက်တွေနှင့်ပတ်သက်လို့ ကျွမ်းကျင်တဲ့ ကုမ္ပဏီတွေထဲကတစ်ခုဖြစ်တဲ့ အစ္စရေးရဲ့ အင်န်အက်စ်အိုအုပ်စုက  ပစ်မှတ်ထားတဲ့ စမတ်ဖုန်းတွကို လျှို့ဝှက်စွာကူးစက်ပြီးတော့ သူတို့ရဲ့ contentsတွေကို ထုတ်ယူပြီး အချိန်နှင့်တပြေးညီ ပစ်မှတ်တွေကို စုံစမ်းထောက်လှမ်းတတ်ကြတယ်လို့ ပြောပါတယ်။

MacOS.

ပြဿနာဖြေရှင်းနိုင်ပြီလား

အက်ပဲလ်ရဲ့ အဆင့်မြှင့်တင်ရေးပေ့ချ်ကတော့ အဆင့်မြှင့်တင်လိုက်တာနှင့် အဲဒီပြဿနာတွေ ပြေလည်သွားပြီလို့ရေးထားပါတယ်။

ဘယ်ကိရိယာ/ပစ္စည်းတွေ အဆင့်မြှင့်ဖို့လိုသလဲ

• iPhone 6s and later
• iPad Pro (all models)
• iPad Air 2 and later,
• iPad 5th generation and later
• iPad mini 4 and later
• iPod touch (7th generation)
• Mac computers running MacOS Monterey

Source :ABC News

#Apple

#Serious_security_vulnerabilities

#Hacker_alert