#Local_News
Published_ 24 Aug 2022

ယခင်အစိုးရ (NLD) လက်ထက် ပြည်ထောင်စုအစိုးရဝန်ကြီးဌာနများ၊ တိုင်းဒေသကြီးနှင့်ပြည်နယ် အစိုးရများမှ နိုင်ငံရေးရာထူးလက်ရှိဖြစ်ခဲ့သူများ၊ လုပ်ပိုင်ခွင့်ရှိသူများရဲ့ အဂတိလိုက်စားမှု၊ အဂတိလိုက်စားမှုနှင့်သက်ဆိုင်တဲ့ ဆောင်ရွက်မှုများကြောင့် နိုင်ငံတော်ဘဏ္ဍာ မြန်မာကျပ်ငွေ ၂၅၉,၆၇၀ သန်းနှင့် အမေရိကန်ဒေါ်လာ ၁၃၃၂၆၇၄၆ နစ်နာဆုံးရှုံးဖြစ်ပေါ်ခဲ့ကြောင်း နစကရဲ့ သတင်းထုတ်ပြန်ချက်အရ သိရပါတယ်။

၂၀၂၁ ခုနှစ် ဖေဖော်ဝါရီ(၁)ရက်မှ ၂၀၂၂ ခုနှစ် ဇူလိုင် (၃၁) ရက်အထိ အဂတိလိုက်စားခဲ့မှုများကို တိုင်တန်းမှုများအရ စိစစ်ဖော်ထုတ်ပြီး တရားစွဲတင်ပိုခဲ့သည့် ရာဇဝတ်ကြီးမှု ၁၈၆ မှုနှင့် ရာဇဝတ်အထွေထွေမှု ၄၅ မှုရှိတယ်လို့ ဆိုပါတယ်။

အဂတိလိုက်စားမှုတွင် အကျုံးဝင်သည့် အစိုးရစီမံကိန်းများ၊ တည်ဆောက်ရေး လုပ်ငန်းများ၊ တိုင်းဒေသကြီးနှင့် ပြည်နယ်ဖွံ့ဖြိုးရေးလုပ်ငန်းများအပေါ် ဘဏ္ဍာရေး စည်းမျဉ်း စည်းကမ်းများကို ဖောက်ဖျက်ခြင်း၊ နိုင်ငံတော်နှင့်ချုပ်ဆိုခဲ့သည့် သဘောတူ စာချုပ်ပါ စည်းကမ်းချက်များကို လိုက်နာမှုမရှိခြင်း၊ တည်ဆဲဥပဒေ၊ စည်းမျဉ်းစည်းကမ်းများကို ဖောက်ဖျက်ခြင်း၊ အမိန့်ညွှန်ကြားချက်များကို မလိုက်နာခြင်း၊ မိမိကိုယ်ကျိုး စီးပွားရှာခြင်း၊ နိုင်ငံတော်၏ မြေယာပိုင်ဆိုင်မှုများကို အလွဲသုံးစားပြုလုပ်ခြင်းတိုကြောင့် နိုင်ငံတော်ဘဏ္ဍာ နစ်နာဆုံးရှုးစေခဲ့သည့်အမှု ၁၀၈ မှုရှိကာ နိုင်ငံတော်အနေဖြင့် မြန်မာငွေကျပ် သန်းပေါင်း၂၅၉,၆၇၀ သန်းနှင့် အမေရိကန်ဒေါ်လာ ၁၃၃၂၆၇၄၆ တိုကို နစ်နာ ဆုံးရှုံးခဲ့ရတယ်လို့ ထုတ်ပြန်ချက်မှာ ဖော်ပြထားပါတယ်။

၂၀၁၃ ခုနှစ်၊ ဩဂုတ် ၇ ရက်တွင် အဂတိလိုက်စားမှုတိုက်ဖျက်ရေး ဥပဒေကို အတည်ပြုပြဋ္ဌာန်းခဲ့ပြီး ၂၀၁၄ ခုနှစ်တွင် အဂတိလိုက်စားမှုတိုက်ဖျက်ရေးကော်မရှင်ကို ဖွဲ့စည်းခဲ့တာ ဖြစ်ပါတယ်။

အဂတိလိုက်စားမှုများကြောင့် နိုင်ငံတော်ဘဏ္ဍာများ လေလွင့်ဆုံးရှုံးခြင်း၊ အများပြည်သူအကျိုးစီးပွားအတွက် ဘဏ္ဍာငွေခွဲဝေချထားရာတွင် ထိရောက်မှန်ကန်မှုမရှိခြင်း၊ သဘာဝသယံဇာတများ လေလွင့်ဆုံးရှုံးခြင်း၊ မြေယာများ ဖော်ထုတ်စီမံခန့်ခွဲရာတွင် ထိရောက်အကျိုးရှိစွာ အသုံးမပြုနိုင်ခြင်း၊ ပြည်သူများရသင့်သော အခြေခံအခွင့်အရေးများ နစ်နာဆုံးရှုံးခြင်း၊ ဒေသတွင်းနှင့် နိုင်ငံခြားရင်းနှီးမြှုပ်နှံမှုများအား အဟန့်အတားဖြစ်စေခြင်းတို့ကြောင့် အုပ်ချုပ်ရေး၊ စီးပွားရေး၊ လူမှုရေးကဏ္ဍများတွင် အဖက်ဖက်မှ ဆုံးရှုံးနစ်နာမှုများစွာ ဖြစ်ပေါ်ခဲ့ကြောင်း အဂတိလိုက်စားမှုတိုက်ဖျက်ရေးကော်မရှင်ရဲ့ ထုတ်ပြန်ချက်အရ သိရပါတယ်။

ygm_mnn
#Yangon_Media_Group

#Health_Tips
Published 24 August 2022

ငရုတ်သီးသင့်တင့်မျှတစွာပါဝင်တဲ့ အစားအစာကိုစားသုံးခြင်းဖြင့် ကျန်းမာရေးကောင်းကျိုးအမျိုးမျိုး ရရှိစေနိုင်တာကြောင့် အစပ်ကြိုက်တဲ့သူတွေအတွက် သတင်းကောင်းပါ။

အစပ်ဆိုတဲ့ခံစားချက်က အချို၊ အချဉ်၊ အဖန်၊ အခါး၊ အငံ စတာတွေလိုမျိုး အရသာမဟုတ်ပါဘူး။

လျှာပေါ်က အရသာခံဖုလေးတွေကို သက်ရောက်တာမဟုတ်ဘဲ နာကျင်မှုအာရုံခံပစ္စည်းတွေပေါ်မှာ ပူစပ်ခြင်းဆိုတဲ့ ခံစားချက်ကို ပေးစွမ်းတာဖြစ်ပါတယ်။

ဒါကြောင့် ကပ်ဆေစင်ဆိုတဲ့ ဓာတုပစ္စည်းထွက်ရှိလာကာ ပူစပ်ခြင်းခံစားချက်ကို လျှာပေါ်မှာတင်ခံစားရတာမဟုတ်ဘဲ ခန္ဓာကိုယ်ရဲ့ အခြားနေရာတွေမှာပါ ခံစားရစေပါတယ်။

အစပ်စားခြင်းကြောင့် ဘယ်လိုအကျိုးကျေးဇူးများ ရရှိသလဲဆိုတော့...

(၁) အသက်ရှည်ခြင်း

၂၀၂၀ ခုနှစ်ကပြုလုပ်ခဲ့တဲ့ လေ့လာချက်အရ ငရုတ်သီးစားတဲ့သူတွေက မစားတဲ့သူတွေထက် နှလုံးရောဂါ၊ ကင်ဆာရောဂါကြောင့် သေဆုံးရနိုင်ချေ ပိုမိုနည်းပါးပါတယ်။

အစပ်စားသူတွေက နှလုံးရောဂါကြောင့် အသက်သေဆုံးနိုင်ချေ ၂၆ ရာခိုင်နှုန်း ပိုမိုနည်းပါးပြီး ကင်ဆာကြောင့် သေဆုံးနိုင်ချေ ၂၃ ရာခိုင်နှုန်းနဲ့ အခြားရောဂါဘယများကြောင့် သေဆုံးနိုင်ချေ ၂၅ ရာခိုင်နှုန်း ပိုမိုနည်းပါးနေပါတယ်။

(၂) အဝလွန်ခြင်းကို ကာကွယ်ပေးခြင်း

ကပ်ဆေစင်ဓာတ်ပစ္စည်းထွက်ရှိခြင်းက ကယ်လိုရီနဲ့ အစားအစာမှာပါဝင်တဲ့အဆီတွေကို လျှော့ချပေးပါတယ်။

ခန္ဓာကိုယ်က လိုအပ်တဲ့စွမ်းအင်ကိုတိုးများစေပြီး အဆီတစ်ရှူးတွေကိုဖြိုခွဲပေးကာ အဝလွန်ခြင်းကို ကာကွယ်ပေးပါတယ်။

(၃) ကင်ဆာဖြစ်နိုင်ချေကို လျှော့ချပေးခြင်း

ကပ်ဆေစင်က ကင်ဆာဆဲလ်များကို ဖျက်ဆီးပြီး ကင်ဆာဆဲလ်ကြီးထွားမှုကို တားဆီးပေးပါတယ်။

ဒါပေမဲ့ သုတေသနစမ်းသပ်ချက်က အသေးစားသာဖြစ်ပြီး အစပ်စားခြင်းက ကင်ဆာကိုကာကွယ်ပေးနိုင်တယ်ဆိုတဲ့ အထောက်အထား ခိုင်ခိုင်မာမာမပြနိုင်သေးပါဘူး။

(၄) အအေးမိဝေဒနာသက်သာစေခြင်း

ခံတွင်းနဲ့လည်ချောင်းထဲက ကပ်ဆေစင်ဟာ အသက်ရှူလမ်းကြောင်းတလျှောက် အရည်များထွက်ရှိစေကာ အအေးမိခြင်း၊ အသက်ရှူလမ်းကြောင်းရောဂါပိုးဝင်ခြင်း၊ ထိပ်ကပ်နာ၊ ရင်ကြပ်ခြင်းတိုကို သက်သာစေပါတယ်။

(၅) ဝမ်းဗိုက်အောင့်ခြင်းကို သက်သာစေခြင်း

အစာအိမ်နာကျင်တဲ့အခါ ငရုတ်ကောင်းကအသုံးဝင်လာနိုင်ကာ အူလမ်းကြောင်းမသက်မသာဖြစ်ခြင်းကို ထိန်းသိမ်းပေးပါတယ်။

Source: The Jerusalem Post
#Yangon_Media_Group

Published 23 Aug 2022

မလေးရှားဝန်ကြီးချုပ်ဟောင်း နာဂျစ်ရာဇက်ကို မလေးရှား ဖက်ဒရယ်တရားရုံးက ယနေ့ ဩဂုတ် ၂၃ ရက်မှာ အဂတိ လိုက်စား  မှုနှင့် ထောင်ဒဏ် ၁၂ နှစ်ချမှတ်လိုက်ပါတယ်။ သူဟာ 1MDB နိုင်ငံတော်ရန်ပုံငွေကို အလွဲသုံးစားမှုနှင့်ဆက်နွယ်တဲ့ အဂတိလိုက်စားမှုကြောင့် ချမှတ်ခဲ့တဲ့ တရားရုံးဆုံးဖြတ်ချက်ကို တရာရုံးချုပ်မှာ အယူခံဝင်ရာကနေ အယူခံရှုံးနိမ့်သွားတာ ဖြစ်ပါတယ်။

နာဂျစ်ဟာ မလေးရှားမှာ ပထမဆုံးထောင်ချခံရတဲ့ ခေါင်းဆောင်ဟောင်းတစ်ဦးပါ။ သူ့ကို အမိန့်ချပြီးတာနှင့် ချက်ခြင်းပဲ ကွာလာလမ်ပူမြို့ပြင်က ကာဂျန်းအကျဉ်းထောင်ကိုပို့လိုက်ပါတယ်။

အဖွဲ့ဝင်ငါးဦးပါတဲ့ ဖက်ဒရယ်တရားရုံးက တရားရုံးချုပ်ရဲ့ တရားစီရင်မှုဟာ မှန်ကန်ပြီး နာဂျစ်ရဲ့ အယူခံမှုဟာ ထိုက်တန်မှုမရှိ လို့ ဆုံးဖြတ်လိုက်တာဖြစ်ပါတယ်။

“ဒါဟာ အာဏာအလွဲသုံစားလုပ်မှု၊ ယုံကြည်မှုကို ဖောက်ဖျက်တဲ့ရာဇဝတ်မှုနှင့် ငွေကြေးခဝါချမှုဆိုတာရှင်းရှင်းကြီးဖြစ်တယ်” လို့ အမိန့်ဖတ်ကြားတဲ့ တရားသူကြီးချုပ် မိုင်မမ် တူအမ်မက်က ပြောပါတယ်။

၂၀၂၀မှာ သူ့ကိုအမိန့်ချပြီးကတည်းက အာမခံနှင့် နေနေတဲ့ နာဂျစ်ဟာ အခု အကျဉ်းထောင်ထဲသွားရမှာဖြစ်ပြီး ဒဏ်ငွေ မလေးရင်းဂစ် ၂၁၀သန်း( ဒေါ်လာ ၄၇သန်း)ကိုလည်းပေးဆောင်ရမယ် လို့အမိန့်မှာဖော်ပြထားပါတယ်။

1MDB ရန်ပုံငွေဟာ ၂၀၀၉ခုနှစ်မှာ  နာဂျစ်အာဏာရပြီးသိပ်မကြာခင် တည်ထောင်ခဲ့တာဖြစ်ပါတယ်။ အဲဒီရန်ပုံငွေထဲမှ ဒေါ်လာ ၄.၅ဘီလျံ အခိုးခံခဲ့ရပြီး နာဂျစ်ရဲ့ မိတ်ဆွေတွေက ငွေကြေးခဝါချခဲ့ကြတယ်လို့ စုံစမ်းဖော်ထုတ်သူတွေက ပြောခဲ့ပါတယ်။ အဲဒါကြောင့် ၂၀၂၀မှာ နာဂျစ်ကိုအပြစ်ရှိကြောင်း နှင့် 1MDB  ရဲ့ လုပ်ငန်းဖြစ်တဲ့ SRC International ထံမှ တရားမဝင်ဒေါ်လာ ၉,၄သန်းရယူခဲ့တဲ့အတွက် အဂတိအမှု(၇)မှုနှင့် တရားစွဲဆိုခဲ့တာဖြစ်ပါတယ်။

Source: AP

#Najib Razak

#Malaysia_Politics

#Malaysia_Former_PM_Jailed

Published 23 Aug 2022

တရုတ်နိုင်ငံတွင် စံချိန်တင်အပူချိန်များမြင့်မားနေပြီး မိုးရွာသွန်းမှုလျော့နည်းနေခြင်းတို့ကြောင့်  တရုတ်နိုင်ငံရဲ့ အကြီးဆုံးရေချိုကန်ကြီးဖြစ်တဲ့ ပိုရန်ရေကန်ကြီးဟာ ရေတွေခန်းခြောက်လာနေပါတယ်။

အဲဒါကြောင့်  အချိန်မတိုင်ခင်မှာ အဲဒီရေကန်ကြီးရဲ့ သမိုင်းဝင် လျူရှင်းတွမ်ကျွန်းဟာ အပြည့်အဝပေါ်လာတာကို မြင်တွေ့ကြရပါတယ်။

ရေထဲ တစ်ပိုင်းတစ်စမြုပ်နေတဲ့ အဲဒီရှေးဟောင်းအဆောက်အဦတွေဟာ ခြောက်သွေ့ရာသီမှာ နှစ်စဉ်အပြည့်အဝပေါ်လာတာ မြင်ကြရပေယ့် ပုံမှန်အားဖြင့် အောက်တိုဘာအထိကို အပြည့်ပေါ်လာခြင်းမရှိခဲ့ပါဘူး။ဒီနှစ်မှာ ဩဂုတ်လမှာ စောပြီးပေါ်လာတာဖြစ်ပါတယ်။

Source: AFP

#China_drought

#Poyang_Lake

#Luoxingdun_Island

#Local_News
Published - 23 August 2022

တရုတ်-မြန်မာနယ်စပ်ကုန်သွယ်ရေးဟာ ပြီးခဲ့တဲ့ ၂၀၂၁ ခုနှစ်နဲ့နှိုင်းယှဉ်ပါက ၅၀ ရာခိုင်နှုန်းကုန်သွယ်မှု တိုးတက်လာတယ် မူဆယ်ကုန်စည်ဒိုင်၊ ဆန်ကုန်သည်များအသင်းကနေ သိရပါတယ်။

#Yangon_Media_Group

#World_Art
Published 23 August 2022

ဂျပန်လက်မှုပညာရှင်တွေမှ ပြုလုပ်တဲ့ ပလတ်စတစ်အစားအသောက်ရုပ်ထုများကို တိုကျိုပြပွဲတစ်ခုမှာ ယခုအပတ်အတွင်း ပြသသွားခဲ့ပါတယ်။

#Yangon_Media_Group

#Local_News
Published_23 August

ရှားပါးမျိုးစိတ်စာရင်းဝင် မြန်မာ့ကြယ်လိပ်ပေါက်ပွားနှုန်းက များတယ်ဆိုပေမဲ့ ရှင်သန်နိုင်နှုန်းကတော့ ကျဆင်းနေပါတယ်။

#Yangon_Media_Group

#Local_News
Published _ 23 August 2022

ပြည်တွင်းဆန်လက်ကျန်နည်းတဲ့ ကာလတွေမှာ ဆန်ဈေးနှုန်းကို ထိန်းညှိနိုင်ဖို့အတွက် အရန်ဆန်စီမံကိန်းတစ်ခု ဆောင်ရွက်ဖို့ရှိတယ်လို့ မြန်မာနိုင်ငံ ဆန်စပါးအသင်းချုပ်ကနေ သိရပါတယ်။

#Yangon_Media_Group

#Local_News
Published_ 23 August 2022

အိမ်၊ ခြံ၊ မြေ ဝယ်ယူပြီး ရင်းနှီးမြုပ်နှံတဲ့သူတွေရှိလာတဲ့အတွက် အိမ်၊ ခြံ၊ မြေ တန်ဖိုးတွေဟာ အရင်ကထက် (၃၀)ရာခိုင်နှုန်း ပိုတက်လာတယ်လို့ မြန်မာနိုင်ငံ အိမ်၊ ခြံ၊ မြေ အသင်းဝင်၊ အိမ်၊ ခြံ၊ မြေ အကျိုးဆောင် ဒေါ်နှောင်းဝဿန်ထံမှ သိရပါတယ်၊၊

#Yangon_Media_Group

#DailyNews
Published - 23 August 2022

၁။ အိမ်၊ ခြံ၊ မြေ ဈေးကွက်တွင်ရင်းနှီးမြုပ်နှံသူများရှိလာ၍ ယခင်ကထက်တန်ဖိုး(၃၀)ရာခိုင်နှုန်းတက်

၂။ ဆန်ဈေး ထိန်းညှိနိုင်ရန် အရန်ဆန်စီမံကိန်းဖြင့် ဆောင်ရွက်နေ

၃။ ရှားပါးမျိုးစိတ်စာရင်းဝင် မြန်မာ့ကြယ်လိပ်ပေါက်ပွားနှုန်းများသော်လည်း ရှင်သန်နိုင်နှုန်း ကျဆင်း

၄။ တိုကျိုပြပွဲတွင် ပလတ်စတစ်အစားအစာရုပ်ထုများအား ခင်းကျင်းပြသ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_23 August 2022

ငြိမ်းချမ်းရေး ဦးဆောင်အဖွဲ့(PPST)ရဲ့ ပထမဆုံးနာယကကြီးဟာ ဗိုလ်ချုပ်ကြီးစောမူတူးစေးဖိုး ဖြစ်လာဖို့ အလားအလာ ရှိနေပါတယ်။

#Yangon_Media_Group

#Local_News
Published_23 August 2022

တရားမဝင်ကုန်သွယ်မှုတိုက်ဖျက်ရေးလုပ်ငန်းနှင့် ပတ်သက်၍ သတင်းပေးပို့ပါက ဆုငွေ ချီးမြှင့်မည်ဖြစ်ကြောင်း အကောက်ခွန်ဦးစီးဌာနက သိရသည်။

သတင်းပေးပို့သူနှင့်ပတ်သက်သော အချက်အလက်များကို လျှို့ဝှက်စွာ ထိန်းသိမ်းထားရှိမည် ဖြစ်ပြီး ရရှိမည့်ဆုငွေများကိုလည်း လျှို့ဝှက်စွာ ဆက်သွယ်အကြောင်းကြား၍ လုပ်ထုံးလုပ်နည်းနှင့်အညီ စိစစ်၍ ဆက်သွယ်ထုတ်ပေးသွားမည့်အပြင် သတင်းပေးသူကိုပါ လျှို့ဝှက်ထားရှိမည်ဖြစ်ကြောင်း သိရသည်။

တရားမဝင် တင်သွင်း၊ တင်ပို့မှုများ တွေ့ရှိပါက တင်သွင်း၊ တင်ပို့ ပစ္စည်းများနှင့် ပတ်သက်၍ တားဆီး၊ ဖမ်းဆီးနိုင်သည့် သတင်းအချက်အလက်တိတိကျကျဖော်ပြ၍ တိုင်းဒေသကြီးနှင့် ပြည်နယ် အသီးသီးရှိ တရားမဝင်ကုန်သွယ်မှုတိုက်ဖျက်ရေးအထူးအဖွဲ့များထံ လျှို့ဝှက်လုံခြုံစွာ သတင်းပေးတိုင်ကြားနိုင်ကြောင်းလည်း အကောက်ခွန်ဦးစီးဌာနက ဆက်သွယ်ရမည့် ဖုန်းနံပါတ်များဖြင့် ထုတ်ပြန်လိုက်ခြင်းလည်း ဖြစ်သည်။

တရားမဝင် တင်သွင်း၊ တင်ပို့မှုများနှင့် ပတ်သက်၍ တားဆီး၊ ဖမ်းဆီးပစ္စည်းများအပေါ် ရွေးယူဒဏ်ငွေ တပ်ရိုက်ခြင်း သို့မဟုတ် လေလံတင်ရောင်းချခြင်းမှ ရရှိငွေ၏ ၃၀ ရာခိုင်နှုန်းကို ဖမ်းဆီးသူများ အားလည်းကောင်း၊ ၂၀ ရာခိုင်နှုန်းကို သတင်းပေးသူများအားလည်းကောင်း ပြည်ထောင်စုအစိုးရ အဖွဲ့၏အမိန့်ကြော်ငြာစာအမှတ် ၇၀/၂၀၂၀ လုပ်ထုံးလုပ်နည်းနှင့်အညီ ဆုငွေချီးမြှင့်ရန် ထုတ်ပြန်ထားခြင်းလည်း ဖြစ်ကြောင်း သိရသည်။

ymg/mt
#Yangon_Media_Group