#Local_News
Published 10 December 2024
▪️ ဆောက်လုပ်ရေးလုပ်ငန်းရှင်များ၊ ကန်ထရိုက်တာများ၏ လုပ်ငန်းလည်ပတ်မှုအတွက် အထူးအသင့်တော်ဆုံး Construction Loan Service ကို CHID Bank တွင် ရယူနိုင်မည်ဖြစ်ကြောင်း သိရသည်။
▪️ ထို့အပြင် ဆောက်လုပ်ရေး၊အိမ်ရာနှင့်အခြေခံအဆောက်အအုံဖွံ့ဖြိုးရေးဘဏ်(CHDB)အနေဖြင့် ဆောက်လုပ်ရေးဆောက်လုပ်ရေးဝန်ကြီးဌာနမှ တည်ဆောက်ရောင်းချပေးလျှက်ရှိသည့် အိမ်ရာအခန်းများဝယ်ယူသူများအတွက် အိမ်ရာချေးငွေထုတ်ချေးပေးလျှက်ရှိကြောင်း သိရသည်။
▪️ " အိမ်ရာချေးငွေကတော့ ဒီဘဏ်မှာ Housing saving အကောင့်ဖွင့်ထားပြီး ဝယ်ယူမယ့်အိမ်ရာတန်ဖိုး၃၀ရာခိုင်နှုန်းပြည့်မီသူတွေကို ချေးပေးတာပါ။ လုပ်ငန်းရှင်တွေအတွက်က Construction Loan နဲ့ Tender Loan တွေကို ချေးပေးနေပါတယ်" ဟု CHID Bank မှ တာဝန်ရှိသူတစ်ဦးက ပြောသည်။
▪️ လုပ်ငန်းရှင်များအတွက် Construction Loan လျှောက်ထားရန် လိုအပ်ချက်များမှာ ချေးငွေလျှောက်လွှာ၊မှတ်ပုံတင်မိတ္တူ၊ အိမ်ထောင်စုစာရင်းမိတ္တူ၊ PP ဓာတ်ပုံ(၂)ပုံ၊ Audited Financial Statement၊ Management Financial Report၊ Cash Flow အခွန်ပြေစာ (၃)နှစ်၊(၆)လအတွင်း ရိုက်ကူးထားသော မြေပုံရာဇဝင် (ပုံစံ ၁၀၅၊ ၁၀၆)၊လုပ်ငန်း/ကုမ္ပဏီနှင့်ပတ်သက်သော စာရွက်စာတမ်းအထောက်အထားများ၊ အာမခံပစ္စည်းဓာတ်ပုံများနှင့် အခြားဆက်စပ်စာရွက်စာတမ်းများ စသော အထောက်အထားများ လိုအပ်ကြောင်း သိရသည်။
#YMG/SW #Yangon_Times
#Local_News
Published 10 December 2024
▪️ ဟောင်ကောင်တွင် လာမယ့်နှစ်လယ်ပိုင်း၌ကျင်းပမည့် နိုင်ငံတကာခရီးသွားလုပ်ငန်းပြပွဲ-၂၀၂၅အတွက် ပြည်တွင်းခရီးသွားလုပ်ငန်းရှင်များကို ဖိတ်ခေါ်ထားကြောင်းမြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲမှ သိရသည်။
▪️ အဆိုပါပြပွဲကိုဟောင်ကောင်မြို့၊ Hong Kong Convention and Exhibition Centre ၌ ၂၀၂၅ ခုနှစ်၊ ဇွန်လ ၁၂ ရက်နေ့မှ ၁၅ ရက်နေ့အထိ ကျင်းပမည်ဖြစ်ပြီးITE ကုန်စည်ပြပွဲများသည် ဟောင်ကောင်ဒေသအပါအဝင် မဟာပင်လယ်ကွေ့ဒေသ အခြေစိုက် လုပ်ငန်းများ၊ နိုင်ငံတကာမှ လုပ်ငန်းများ ပါဝင်ပြသကြပြီး ၂၀၂၄ ခုနှစ်တွင် ပြုလုပ်ခဲ့သည့် ITE ၌ ပါဝင်ပြသသူ ၅၁၅ ဦး၊ ကုန်သည်များလာရောက်မှု ၇၀၂၃ ဦး နှင့် ပြပွဲလာရောက်သူ ၆ သောင်း ကျော်ရှိခဲ့ကြောင်း၊ ၎င်းပြပွဲကို ၄ ရက်ကြာ ကျင်းပမည်ဖြစ်ရာ ခရီးသွားလုပ်ငန်းဆိုင်ရာ ကုန်သည်များနှင့် ဝယ်ယူသူများအတွက် ၂ ရက်နှင့် အများပြည်သူအတွက် ၂ ရက်၊ စုစုပေါင်း ၄ ရက် ကျင်းပ ပြုလုပ်မည်ဖြစ်ကြောင်း သိရသည်။
▪️ ပြပွဲအတွက် ပြခန်းငှားရမ်းမှုများနှင့်စပ်လျဉ်းသည့်အသေးစိတ်အချက်အလက်များကို www.itehk.com တွင်ဝင်ရောက်ကြည့်ရှုနိုင်ပြီးပြခန်းငှားရမ်းခကို ၂၀၂၅ ခုနှစ်၊ ပြခန်းခပေးချေမှု အစောဆုံး ပြုလုပ်သူများအတွက် ၁၅ ရာခိုင်နှုန်း သက်သာမှုရရှိမည်ဖြစ်ကြောင်း သိရသည်။
▪️ ဟောင်ကောင်ဒေသ နိုင်ငံတကာခရီးသွားလုပ်ငန်းပြပွဲ - ၂၀၂၅ ပြပွဲသို့ ပါဝင်ပြသလိုသည့် မြန်မာစီးပွားရေးလုပ်ငန်းရှင်များအနေဖြင့် မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲသို့ ဆက်သွယ်စာရင်းပေးသွင်းနိုင်ကြောင်း သိရသည်။
#YMG/SW #Yangon_Times
#World_Lifestyle
Published 10 December 2024
▪️ ရေမွှေးတွေထဲက ပါဝင်ပစ္စည်းတစ်မျိုးက ကျန်းမာရေးပြဿနာ အမျိုးမျိုး ဖြစ်စေနိုင်ပြီး အင်ဆူလင်ယဉ်ပါးခြင်းကနေ မျိုးပွားပြဿနာဖြစ်စေတဲ့အထိ နှလုံးသွေးကြော ရောဂါများ ဖြစ်စေနိုင်တယ်လို့ ဆရာဝန်များ သတိပေးလိုက်ပါတယ်။
▪️ ရေမွှေးအပါအဝင် အလှကုန်ပစ္စည်းတွေမှာပါတဲ့ သယ်လိတ်ကို လက်သည်းနီဆေး၊ ဆံပင်ဖျန်းဆေး၊ ခေါင်းလျှော်ရည်၊ ရေချိုးဆပ်ပြာ၊ လက်သန့်စင်ဆေး၊ ချိုင်းလီဆီတို့မှာ တွေ့ရပါတယ်။
▪️ သယ်လိတ်ဓာတ်က နှလုံးရောဂါ၊ အဝလွန်ခြင်း၊ အင်ဆူလင်ယဉ်ပါးခြင်း၊ ဆီးချိုတို့အပြင် ဓာတ်မတည့်ခြင်းနဲ့ ရင်ကြပ်တို့ပါ ဖြစ်စေနိုင်တယ်လို့ ၂၀၂၀ လေ့လာချက်မှာ တွေ့ရှိထားပါတယ်။
▪️ ဒါ့အပြင် အစောပိုင်းသုတေသနအရ သယ်လိတ်ဟာ အမျိုးသားရော အမျိုးသမီးမှာပါ မျိုးပွားအင်္ဂါများကို ထိခိုက်စေပြီး ကိုယ်ဝန်ဆောင်စဉ်နဲ့ မွေးဖွားချိန်တွေမှာ ပြဿနာဖြစ်စေနိုင်တယ်လို့ ပညာရှင်များ ယူဆထားပါတယ်။
▪️ သယ်လိတ်က ဟော်မုန်းတွေနဲ့ ဆဲလ်လုပ်ဆောင်ချက်တွေကို နှောင့်ယှက်စေတာကြောင့် ဖြစ်ပါတယ်။
▪️ မိန်းကလေးများ ဆယ်ကျော်သက်အရွယ်မှာ ဓမ္မတာစပေါ်ချိန် စောစေနိုင်တယ်လို့လည်း ၂၀၁၈ ခုနှစ်မှာ လေ့လာတွေ့ရှိခဲ့ပါတယ်။
▪️ အမျိုးသားတွေမှာ သယ်လိတ်ပုံမှန် ထိတွေ့သူတွေက သုတ်ပိုးဒီအင်န်အေ ထိခိုက်စေတယ်လို့လည်း တွေ့ရှိထားပါတယ်။
▪️ ဒါပေမဲ့ အလှကုန်ပစ္စည်းတွေမှာ ပါဝင်တဲ့ သယ်လိတ်ပမာဏက အန္တရာယ် ဖြစ်လောက်တဲ့အထိ မများပြားပါဘူး။
▪️ သင်းပျံ့တဲ့ အလှကုန်ပစ္စည်းတွေ လျှော့ချအသုံးပြုရုံဖြင့် အထောက်အကူ ဖြစ်စေနိုင်ပါတယ်။
#Source: New York Post
#Local_News
Published 10 December 2024
▪️ အိမ်နီးချင်းနိုင်ငံတချို့တွင် ကျောင်းသားလူငယ် အားကစားပွဲတော်များမှ ကမ္ဘာ့လူငယ်စံချိန်သာမက ကမ္ဘာ့စံချိန် တို့ကိုပါ ချိုးနိုင်ခဲ့သည့် လူငယ်လက်ရွေးစင်များ ပေါ်ထွက်ခဲ့သည်ကို တွေ့ရှိရသောကြောင့် မြန်မာနိုင်ငံတွင် လည်း လာမည့် နှစ်များတွင် ကျောင်းသားနှင့်လူငယ်အားကစားပြိုင်ပွဲများ ကျင်းပနိုင်ရေးနှင့် ဝန်ကြီး ဌာနပေါင်း စုံ ပြိုင်ပွဲများအပြင် အဆင့်မြင့်အားကစားပြိုင်ပွဲများ ကျင်းပနိုင်ရန် အားကစားပြက္ခဒိန်တွင် ထည့်သွင်းရေးဆွဲပြီး မြန်မာ့အားကစားအဆင့်အတန်း ပြန်လည်တိုးတက်အောင် ဆောင်ရွက်ကြရမည်ဟု နစက ဥက္ကဌက ပြောသည်။
▪️ ယနေ့ နေပြည်တော်ရှိ ဝဏ္ဏသိဒ္ဓိအားကစားကွင်း၌ ကျင်းပပြုလုပ်သော ၂ဝ၂၄ ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော် ဖွင့်ပွဲအခမ်း အနားအတွင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင်က အထက်ပါအတိုင်း ပြောကြားခဲ့ခြင်း ဖြစ်သည်။
▪️ ယခုအမျိုးသားအားကစားပွဲတော်တွင် ပြည်နယ်နှင့် တိုင်းဒေသကြီးအားကစား ပြိုင်ပွဲအတွက် အားကစားနည်း ၂၃ မျိုး၊ ဝန်ကြီးဌာန ပေါင်းစုံအားကစားပြိုင်ပွဲအတွက် အားကစားနည်း ၆ မျိုးနှင့် မသန်စွမ်း အားကစားပြိုင်ပွဲ ၄ မျိုးတို့ကို ထည့်သွင်းကျင်းပခဲ့ကြောင်း သိရသည်။
▪️ ပထမအကြိမ် အမျိုးသားအားကစားပွဲတော်ကို ၁၉၉၂ ခုနှစ်တွင် မေ (၃) ရက်မှ (၁၆) ရက်အထိ ရန်ကုန်မြို့၌ အားကစားနည်း (၂၂)နည်းဖြင့်လည်းကောင်း၊ ဒုတိယ အကြိမ်ကို ၁၉၉၄ ခုနှစ်တွင် ဇန်နဝါရီ (၂၅) ရက်မှ ဖေ ဖော်ဝါရီ (၆) အထိ ရန်ကုန်မြို့၌ အားကစားနည်း(၂၄)နည်းဖြင့်လည်းကောင်း၊ တတိယအကြိမ်ကို ၁၉၉၇ ခုနှစ် တွင် ဇန်နဝါရီ (၁၁) ရက်မှ (၂၄) ရက်အထိ ရန်ကုန်မြို့၌ အားကစားနည်း (၂၉) နည်းဖြင့် လည်းကောင်း၊ စတုတ္ထအကြိမ်ကို ၂၀၁၅ ခုနှစ်တွင် ဖေဖော်ဝါရီ (၁၃) ရက်မှ (၂၈) ရက်အထိ နေပြည်တော်၌ အားကစားနည်း (၂၇) နည်းဖြင့်လည်းကောင်း ကျင်းပခဲ့ပြီး ဖြစ်ကြောင်း သိရသည်။
▪️ ယခု ၂၀၂၄ ခုနှစ်တွင် ပဉ္စမအကြိမ် အမျိုးသားအားကစားပွဲတော်ကို နိုင်ငံ တော်၏ အားကစားအဆင့်အတန်း ပိုမိုတိုးတက်မြင့်မားလာစေရန်၊ (၃၃)ကြိမ်မြောက် အရှေ့တောင်အာရှ အားကစားပြိုင်ပွဲနှင့် အခြားနိုင်ငံတကာ ပြိုင်ပွဲများတွင် ပါဝင်ယှဉ်ပြိုင် အောင်မြင်မှုရရှိစေရန်၊ နိုင်ငံ့ဂုဏ်ဆောင်နိုင်မည့် အဆင့်မီအားကစားသမား များနှင့် အလားအလာရှိသော လူငယ်မျိုးဆက်သစ်အားကစားသမားများ ပေါ်ထွက်လာစေရန်၊ တိုင်းဒေသ ကြီးနှင့်ပြည်နယ်များ၊ ဝန်ကြီးဌာနများအကြား အချင်းချင်း ချစ်ကြည်ရင်းနှီး မှုရရှိပြီး အားကစားလှုပ်ရှားမှုများ ပိုမိုတိုးမြှင့်ဆောင်ရွက်လာနိုင်စေရန်၊ ပြည်သူလူထု တစ်ရပ်လုံးအားကစားကို ပိုမိုစိတ်ပါဝင်စားလာပြီး အားက စားလှုပ်ရှားမှုများတွင် ပါဝင် လာစေရန် စသည့်ရည်ရွယ်ချက်များဖြင့် နေပြည်တော်၌ ဝန်ကြီးဌာနအဆင့်အားကစားနည်း(၆)နည်း၊ ပြည်နယ်နှင့်တိုင်းဒေသကြီးအဆင့် အားကစားနည်း(၂၃)နည်း နှင့် မသန်စွမ်း အားက စားနည်း (၄) နည်း၊ စုစုပေါင်း ၃၃ နည်း တို့ဖြင့် ဒီဇင်ဘာလ အစောပိုင်းမှစတင်၍ နိုင်ငံတော်အဆင့် ကျင်းပ လျက်ရှိကြောင်း၊ မသန်စွမ်းအားကစားနည်းပြိုင်ပွဲများကို ဒီဇင်ဘာလ ၅ ရက်မှ ၈ ရက်ထိ ကျင်းပ ခဲ့ကြောင်းနှင့် ဝန်ကြီးဌာနအဆင့် အားကစားနည်းနှင့် ပြည်နယ်နှင့်တိုင်းဒေသကြီးအဆင့် အားကစားနည်းများကို ဆက်လက် ယှဉ်ပြိုင်ကစားလျက်ရှိကြောင်း သိရသည်။
▪️ ဖွင့်ပွဲအခမ်းအနားအား စတင်ကျင်းပရာ အလွတ်ခုန်လေထီးအဖွဲ့မှ လေထီးစစ်သည်များက အမျိုးသားအားကစားပွဲတော်အလံနှင့် တိုင်းဒေသကြီး၊ ပြည် နယ် အလံများကို ဝေဟင်ထက်မှ မြေပြင်သို့ ချိတ်ဆွဲ သယ် ဆောင်၍ ကွင်းအတွင်းသို့ ဂုဏ်ပြုဆင်းသက်ကြပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီး ချုပ်အား အလေးပြုကြကြောင်း သိရသည်။
▪️ ယင်းနောက် တေးသံရှင်ထူးအယ်လင်းက “ကျွန်ုပ်တို့ မြန်မာပြည်” သီချင်းဖြင့် ဂုဏ်ပြုသီဆိုဖျော်ဖြေပြီး မြန်မာ့ဆိုင်းဝိုင်း၊ မြန်မာ့တူရိယာများနှင့် မြိုင်မြိုင်ဆိုင်ဆိုင် တီးခတ်ထားသည့် တေးသံသာနှင့်အတူ မီးအလှပြ မှု(Lighting Show) ကို တင်ဆက်ပြ သသည်။ ယင်းနောက် အခမ်းအနားအား အမှတ်စဉ်ရေတွက်၍ ဖွင့်လှစ်ပြီး တစ်ချိန် တည်းတွင် မီးရှူးမီးပန်းများပစ်ဖောက်ကာ သာသနာရေးနှင့်ယဉ်ကျေးမှု ဝန်ကြီးဌာန အနုပညာဦးစီး ဌာနနှင့် ပညာရေးဝန်ကြီးဌာန အခြေခံပညာဦးစီးဌာနတို့ ပူးပေါင်း၍ “လှပချစ်စရာ တို့ရွှေမြန်မာ” တေးသီချင်း ဖြင့် သရုပ်ဖော်တင်ဆက်ကြကြောင်း သိရသည်။
▪️ မြန်မာနိုင်ငံတွင် အမျိုးသားအားကစားပွဲတော်များကို ၁၉၉၂ ခုနှစ်၊ ၁၉၉၄ ခုနှစ်၊ ၁၉၉၇ ခုနှစ်နှင့် ၂၀၁၅ ခုနှစ်တို့ တွင် လေးကြိမ်ကျင်းပခဲ့ပြီးဖြစ်ကြောင်း၊ ယခု ပဉ္စမ အကြိမ်မြောက် အမျိုးသားအားကစားပွဲတော်ကို ဆယ်နှစ်နီး ပါးအကြာတွင် ပြန်လည် ကျင်းပနိုင်ခြင်းလည်းဖြစ်ကြောင်း သိရသည်။
▪️ လက်ရှိတွင် ထူးချွန်အားကစားသမားတွေ ပေါ်ထွက်ရေးအတွက် လူထုအားကစား Mass Sports အဆင့်မှ Excellent Sports အဆင့်ထိ လုပ်ငန်းစဉ်များကို အကောင်အထည်ဖော်လျက်ရှိကြောင်းလည်း သိရသည်။
#Yangon_Times/PP
#Local_News
Published 10 December 2024
▪️ အဂတိလိုက်စားမှုကျုးလွန်သူများကို တရားစွဲဆိုအရေးယူရုံသာမက အဂတိလိုက်စားမှုကြောင့် ကြွယ်ဝချမ်းသာလာသည့် ငွေကြေးနှင့်ပစ္စည်းများကို ပြည်သူ့ဘဏ္ဍာအဖြစ် သိမ်းဆည်းခြင်းကို ဥပဒေနှင့်အညီ တိတိကျကျ ထိရောက်အောင် ဆောင်ရွက်ကြရန် နစက ဥက္ကဌက အသိပေးပြောကြားခဲ့ကြောင်း သိရသည်။
▪️ ယနေ့ ဒီဇင်ဘာလ ၉ ရက်က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်း ဗဟိုဌာန-၁ ၌ ကျင်းပပြု လုပ်သော အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့ အထိမ်းအမှတ် အခမ်းအနားအတွင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ပြောကြားသည်။ ဗိုလ်ချုပ်မှူးကြီး မင်းအောင်လှိုင်က အထက်ပါအတိုင်း ပြောကြားခဲ့ခြင်း ဖြစ်သည်။
▪️ နစကအစိုးရက ချမှတ်ထားသော “ရှေ့သို့ ချီမည် ပန်းတိုင်ဆီ” (Keep Moving Forward to Achieve Our Goal) ဆိုသည့်ဆောင်ပုဒ်အတိုင်းနိုင်ငံနှင့် တိုင်းရင်းသားပြည်သူအားလုံး၏ အကျိုးကိုရှေးရှုပြီး လူမှုစီးပွားဘဝ တိုးတက်မြင့်မား လာစေရန် ကြိုးပမ်းဆောင်ရွက်နေသောကြောင့် ချမှတ်ထားသည့် ဦးတည်ချက်၊ ရည်မှန်းချက် များနှင့် မူဝါဒများကို လုပ်ငန်းလမ်းညွှန်များအဖြစ် အလေးအနက်ခံယူပြီး အဂတိလိုက်စားမှု တိုက်ဖျက်ရေးလုပ် ငန်းများကို ကော်မရှင်နှင့် ပူးပေါင်းဆောင်ရွက် ရမည်ဖြစ်ကြောင်း လည်း နစက ဥက္ကဌက ပြောသည်။
▪️ နိုင်ငံအတွင်းအဂတိ လိုက်စားမှုများ ကင်းရှင်းစေရန်အတွက် အားလုံးက အဂတိလိုက်စားမှု တိုက်ဖျက်ရေးကို အမျိုးသားရေး တာဝန်တစ်ရပ်အဖြစ် တက်ညီလက်ညီ ဝိုင်းဝန်းကြိုးပမ်းဆောင်ရွက်သွားကြရန်လည်း ယင်းက ပြောကြားခဲ့သည်။
▪️ ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က အဂတိလိုက်စားမှု တိုက်ဖျက်ရေး ဆိုင်ရာ ပိုစကာ၊ ဗီဒီယိုနှင့် ဆောင်းပါးပြိုင်ပွဲတွင် ဆုရရှိ ခဲ့ကြသူများအား ဆုများပေးအပ်ချီးမြှင့်ခဲ့ကြောင်းလည်း သိရသည်။
▪️ ဒီဇင်ဘာလ(၉) ရက်ကို အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့အဖြစ် ၂၀၀၃ ခုနှစ်တွင်စ တင် သတ်မှတ် ခဲ့ပြီး ကမ္ဘာ့နိုင်ငံများတွင် အထိမ်းအမှတ်အခမ်းအနားများကိုနှစ်စဉ်ကျင်းပပြုလုပ်လျက်ရှိကြောင်း သိရသည်။
▪️ မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်က ၂၀၂၂ ခုနှစ်က စတင်၍ “ဖြောင့်မတ်တည်ကြည် သော အနာဂတ်ဖော်ဆောင်ဖို့၊ အဂတိတိုက်ဖျက် လူငယ် (Uniting with Youth against Corruption: Shaping Tomorrow's Integrity)" ဆောင်ပုဒ်အတိုင်း လုပ်ဆောင်နေကြောင်း သိရသည်။
▪️ ယင်းဆောင်ပုဒ်အရ အဂတိလိုက်စားမှုတိုက်ဖျက်ရေးဆိုင်ရာ လူငယ်အသိပညာပေးအစီအစဉ်နှင့် စကားဝိုင်း ဆွေးနွေးပွဲများ၊ ပညာရေးနှင့် ပူးပေါင်းဆောင်ရွက်ချက်များကိုလည်း လုပ်ဆောင်နေကြောင်း အဂတိလိုက်စားမှုသည် လူ့ဘောင်လောကကို အရုပ်ဆိုး အကျည်းတန်စေပြီး ကောင်းမွန်သည့် လူမှုစီးပွားဘဝ ပတ်ဝန်းကျင်ကို ထိခိုက်ပျက်စီးစေသည့် မကောင်းမှု ဒုစရိုက်တစ်ခုပင် ဖြစ်ကြောင်း၊ အဂတိလိုက်စားမှုများကြောင့် လူ့ဘောင်လောကတွင် တရားမျှတမှု ပျောက်ကွယ်ပြီး နိုင်ငံတော်နှင့် အများပြည်သူကို ထိခိုက်စေသည့်အပြင် နိုင်ငံဖွံ့ဖြိုးတိုးတက်ရေးရည်မှန်းချက်ပန်းတိုင်ကိုပျက်စီးစေရုံသာမက တရားဥပဒေစိုးမိုးရေးနှင့် တည်ငြိမ်အေးချမ်းမှုကိုလည်း ထိခိုက်စေနိုင်ကြောင်းနှင့်လက်တွေ့တွင်လည်း အဆိုပါအယူအဆ မှန်ကန်နေသည်ကို အားလုံးအသိပင်ဖြစ်ကြောင်း ယင်းက ပြောသည်။
▪️ အဂတိလိုက်စားမှုပြဿနာသည် ကမ္ဘာတစ်ဝန်းတွင် ပျံ့နှံ့နေသည့်ရောဂါဆိုးတစ်ခု ဖြစ်နေကြောင်း၊ ဖွံ့ဖြိုးပြီး နိုင်ငံများနှင့် ဖွံ့ဖြိုးဆဲနိုင်ငံများ၏ အစိုးရပိုင်းများသာမက ပုဂ္ဂလိကပိုင်းနှင့် အမြတ် အစွန်းမဟုတ်သည့် အချို့ ကုသိုလ်ဖြစ် လှူဒါန်းရေးအဖွဲ့များတွင်ပါ အမြစ်တွယ်လာနေသည့် ပြဿနာတစ်ခု ဖြစ်ကြောင်းလည်း ၎င်းက ပြောသည်။
▪️ အဂတိလိုက်စားမှုဆိုသည်ကို သာမန်အားဖြင့် လာဘ်ပေး လာဘ်ယူမှုလောက် သာထင်မှတ်ကြသော်လည်း အမှန်တွင်လူ့ဘောင်လောကတွင် ကျယ်ပြန့်နက်ရှိုင်း သည့် မကောင်းမှုကြီးဖြစ်ကြောင်း၊ ခြိမ်းခြောက် ငွေညှစ် ခြင်း၊ လိမ်လည်ခြင်း၊ နိုင်ငံတော် ဘဏ္ဍာနှင့် ပစ္စည်းများကို အလွဲသုံးစားလုပ်ခြင်း၊ ပြည်သူပိုင်ပစ္စည်း ငွေကြေး များကို ကိုယ်ကျိုးအတွက် မသင့်မလျော်သုံးစွဲခြင်း၊ မလျော်ဩဇာသုံးပြီး ကိုယ်ကျိုးအတ္တကိုရယူခြင်း စသည်များသည်လည်းအဂတိလိုက်စားမှုများပင် ဖြစ်ကြောင်း၊ အဂတိလိုက်စားမှုကြောင့် ရာဇဝတ်မှုများ အကြမ်းဖက် တိုက်ခိုက်မှုများကို အားပေး ကျူးလွန်ခြင်း၊ ခြင်းများ ဖြစ်ပေါ်လာစေသည့်အပြင်တရားဥပဒေ စိုးမိုးရေးနှင့် ဒီမိုက ရေစီ စနစ်ကို ထိခိုက်စေခြင်းတို့ကို ဖြစ်စေခြင်းကြောင့် ကမ္ဘာလုံးဆိုင်ရာ ပြဿနာကြီးတစ်ခု၊ ရောဂါဆိုးကြီး တစ်ခုဟု ဆိုနိုင်ကြောင်းလည်း နစက ဥက္ကဌက ပြောသည်။
▪️ နစက အနေဖြင့်နိုင်ငံတော်ဖွံ့ဖြိုးတိုးတက်ရေးတွင် အရေးကြီးသည့် အဂတိလိုက်စားမှု လျော့နည်းကျ ဆင်း လာ စေရေး၊ အဂတိကင်းစင်သည့် လူ့အဖွဲ့ အစည်းတစ်ရပ်ဖြစ်စေရေးနှင့် အများပြည်သူတို့၏ အကျိုး စီးပွားကို ကာ ကွယ်ပေးရေးတို့အတွက်ရည်မှန်းချက်၊ဦးတည်ချက်များချမှတ်အကောင်အထည်ဖော်ဆောင်ရွက်လျက်ရှိ ကြောင်းလည်း ယင်းက ပြောကြားခဲ့ကြောင်း သိရသည်။
#Yangon_Times/PP
#World_Health
Published 10 December 2024
▪️ အစားအများကြီး စားပြီးနောက် ဗိုက်အရွယ်အစား ကြီးမားလာတာကို ကြုံကြဖူးမှာပါ။
▪️ ပုံမှန်အားဖြင့် အစာအိမ်ဟာ သံဗူးအရွယ်အစားခန့်သာ ရှိပြီး ရေသန့်ဗူး ၂ လီတာအရွယ်အစားအထိ ချဲ့ထွင်နိုင်ပါတယ်။
▪️ ဒါဟာ ၄ ဆကျော်အထိ တိုးချဲ့နိုင်တာ ဖြစ်တယ်လို့ မိုင်ယိုဆေးရုံမှ တွဲဖက်ပရော်ဖက်ဆာ ဒေါက်တာ အာသာဘီဒါက ပြောပါတယ်။
▪️ အစာအိမ်မှ ပျော့ပြောင်းတဲ့ကြွက်သားတွေက သားရေကွင်းလို ကျုံ့နိုင်ဆန့်နိုင်စွမ်းရှိပြီး အချိန်အတော်ကြာ ချဲ့ပြီးတာတောင်မှ ပြန်ကျုံ့နိုင်ပါတယ်။
▪️ ဒါဟာ စားပွဲသောက်ပွဲတွေမှာ အများအပြား စားသောက်တဲ့အခါ အစာအိမ်က ချဲ့ပေးနိုင်ပါတယ်။
▪️ ဒါ့အပြင် ဗိုက်ပြည့်တင်းအောင် စားသောက်ပြီးနောက် လဲလျောင်းခြင်းကို သတိပေးလိုက်ကာ အက်ဆစ်လျှံတက်ခြင်း ဖြစ်စေနိုင်တယ်လို့ အကြံပြုထားပါတယ်။
▪️ ထိုအစား လမ်းလျှောက်ပေးခြင်းက အစာကြေဖို့ အထောက်အကူဖြစ်စေတယ်လို့ ဆိုပါတယ်။
▪️ အများအပြား စားသောက်ပြီးနောက် ရေများများသောက်ဖို့ အခြားပညာရှင်တွေက အကြံပြုထားပါတယ်။
▪️ စားပွဲသောက်ပွဲမှာ စားရမယ်ဆိုရင် ကြားထဲမှာ နားနားပြီး စားသောက်ဖို့ကိုလည်း အကြံပြုသွားပါတယ်။
#Source: New York Post
ရာစုနှစ်သက်တမ်းရှိတရုတ်ပြည်မှသစ်သားပေါင်းကူးတံတား၏ ရှေးဟောင်းအင်ဂျင်နီယာပညာကို ယူနက်စ်ကိုဒြပ်မဲ့အမွေအနှစ်စာရင်းထဲထည့်သွင်း
တရုတ်ပြည် ဖူကျန်ပြည်နယ် နင်ဒီမြို့မှ ဆောက်လုပ်ရေးလက်သမားဆရာတွေဟာ ရိုးရာလက်မှုပညာများ အသုံးပြုပြီး ရာစုနှစ်သက်တမ်းရှိတဲ့ တရုတ်သစ်သား ပေါင်းကူးတံတားကို ထိန်းသိမ်းနေကြပါတယ်။
#World_Culture
Published 09 December 2024
#ယူနက်စ်ကိုဒြပ်မဲ့အမွေအနှစ် #သစ်သားပေါင်းကူးတံတား
#YMG #Yangon_Times #Yangon_Media_Group
#Daily_News
Published 09 December 2024
၁။ နှစ်ပေါင်း ၁၀၀ နှင့်အထက်ရှိ အဆောက်အအုံပေါင်း ၄၀ ကို ရှေးဟောင်းအဆောက်အအုံများအဖြစ်သတ်မှတ်
၂။ မိုးပြောင်းရာသီချိန်၌ ပြည်ပဝယ်လိုအားများ၍ ဈေးကောင်းရနေ
၃။ ၁၁လအတွင်း အမြန်လမ်းမကြီးတွင် ယာဥ်မတော်တဆမှု (၂၀၀)နီး ပါးခန့်ဖြစ်ပွားပြီး (၈၇)ဦးေ-သဆုံးပြီး ၃၀၀ကျော်ဒဏ်ရာရ
၄။ ရာစုနှစ်သက်တမ်းရှိ တရုတ်ပြည်မှသစ်သားပေါင်းကူးတံတား၏ရှေးဟောင်းအင်ဂျင်နီယာပညာကို ယူနက်စ်ကိုဒြပ်မဲ့အမွေအနှစ်စာရင်းထဲထည့်သွင်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
#Local_News
Published 9 December 2024
▪️ ယနေ့ဒီဇင်ဘာ ၉ ရက် နံနက် ၁နာရီခန့်က ရန်ကုန်မြို့၊ကမာရွတ်မြို့နယ်၊ လှည်းတန်းခုံးကျော်တံတားအတက် ပြည်လမ်းပေါ်တွင် ငါးတင်သည့်ယာဉ် တစ်စီး တိမ်းမှောက်မှုဖြစ်ပွားခဲ့ကြောင်း သိရသည်။
▪️ အဆိုပါ ငါးများတင်ဆောင်လာသော ကုန်တင်ယာဉ်တစ်စီးသည် လှည်းတန်းခုံး ကျော်တံတားအတက် ချဉ်းကပ်လမ်း KBZ BANK အနီးတွင် GEAR BOX JOINT SHAFT ပြုတ်ထွက်ပြီး တိမ်းမှောက်ခဲ့ခြင်းဖြစ်ပြီး ထို ဖြစ်စဉ်ကြောင့် အမျိုးသားနှစ်ဦး ဒဏ်ရာရရှိခဲ့ပြီး အခင်းဖြစ်ပွားရာသို့ Yangon Rescue Organization (YRO)၏ အဖွဲဝင်" ရတနာဖြိုး-ကူညီကယ်ဆယ်ရေးအဖွဲ(သမိုင်း)၊ ဝင်းမေတ္တာ-လူမှုကူညီရေးအသင်း(ကြည့်မြင်တိုင်)၊ ဝန်းရံမှူး-လူမှုကူညီကယ်ဆယ်ရေးအသင်း (ကြည့်မြင်တိုင်)၊ ပြည်သူ+လူရွှင် တော်(အလုံ) ၊လှည်းတန်း-လူမှုကူညီရေးအသင်း (လှည်းတန်း) စသည့် အသင်းများမှ စေတနာ့ဝန်ထမ်းများ သွားရောက်ကူညီဆောင်ရွက်ပေးခဲ့ကြောင်း သိရသည်။
▪️ ယာဉ်တိမ်းမှောက်မှု ဖြစ်စဉ်အတွင်းအမျိုးသား ၂ဦး ထိခိုက်၊ ပွန်းပဲ့ဒဏ်ရာများ ရရှိခဲ့ခြင်းကြောင့် အထွေထွေရောဂါကု ဆေးရုံ (လမ်းမတော်) YGH" သို့ " ဝန်းရံမှူး၊ဝင်းမေတ္တာ"- အသင်းများ ၏ အရေးပေါ် လူနာတင်ယာဉ်ဖြင့် ပို့ဆောင်ကူညီပေးခဲ့ကြောင်း သိရသည်။
#YMG/SW #Yangon_Times
#Local_News
Published 9 December 2024
▪️ ပြည်ပရောက် မြန်မာနိုင်ငံသားများ၏ လုပ်ခလစာများကို တရားဝင်ဘဏ် လမ်း ကြောင်းမှ တစ်ဆင့် လွှဲပို့ပါက EV ယာဉ်များ တင်သွင်းခွင့်ပြုမည်ဟု ပြည်ပနိုင်ငံများရှိ မြန်မာသံရုံးများက ဒီဇင်ဘာလ ၉ရက်က ထုတ်ပြန်ကြေညာထားသည်။
▪️ ပြည်ပရောက် မြန်မာနိုင်ငံသားများအနေဖြင့် ၄င်းတို့၏ လုပ်ခလစာများကို မိသားစုထံသို့ တရားဝင်ဘဏ်လမ်းကြောင်းမှ တစ်ဆင့် ငွေလွှဲပြောင်း ပေးပို့မည်ဆိုပါက အထူးအစီအစဉ်အဖြစ် လျှပ်စစ်သုံး မော်တော်ယာဉ်/မော်တော်ဆိုင် ကယ် ဝယ်ယူတင် သွင်းခွင့် ရရှိနိုင်မည်ဖြစ်ကြောင်း စီးပွါးရေးနှင့်ကူးသန်းရောင်းဝယ်ရေး ဝန်ကြီးဌာနက အသိပေးကြေညာချက်တွင် ပြည်ပတွင်အလုပ်လုပ်ကိုင်နေ သောမြန်မာနိုင်ငံသားများ အတွက် ပုံမှန်လစာရရှိသူများ သင်္ဘောသားများအပါအဝင်နှင့် အခြားဝင်ငွေရရှိသူများ သည် တစ်နှစ်အတွင်း အမေရိကန်ဒေါ်လာ ငါးသောင်းနှင့်အထက် လွှဲပို့ပါက စုစုပေါင်း လွှဲပို့ငွေ၏ ၅ရာခိုင်နှုန်း တန်ဖိုးနှင့် ညီမျှသော လျှပ်စစ်သုံး မော်တော်ဆိုင်ကယ်၊ မော်တော်ယာဉ် တစ်နှစ်လျှင် တစ်စီးနှုန်း တင်သွင်းခွင့်ပြုမည်ဖြစ်ကြောင်း ဖော်ပြထားသည်။
▪️ ထိုအချက်များကိုက်ညီသူများကို တစ်ဦးချင်းတင်သွင်းမှုအနေဖြင့်လည်းကောင်း၊ တစ်ဦးချင်းတင်သွင်းရန် ယာဉ်တန်ဖိုးမပြည့်မီပါက စုပေါင်း၍ တင်သွင်းမှုကိုလည်း ကောင်းခွင့်ပြုပေးမည်ဖြစ်ကြောင်း၊ ထိုသို့တင်သွင်းမှုကို ၂၀၂၃ခုနှစ် အောက်တိုဘာလ ၂၆ရက်မှစတင်ကာခွင့်ပြုထားခြင်းဖြစ်ကြောင်း သိရသည်။
#YMG/SW #Yangon_Times
အခုဘဏ္ဍာနှစ် ရှစ်လတာအတွင်း အမေရိကန်ဒေါ်လာ သန်း၂၇၀ကျော် နိုင်ငံခြားရင်းနှီးမြှုပ်နှံမှုအားခွင့်ပြုပေးခဲ့တယ်လို့ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန (DICA) က သိရပါတယ်။
#Local_News
Published 09 December 2024
#နိုင်ငံခြားရင်းနှီးမြှုပ်နှံမှု #ကန်ဒေါ်လာသန်း၂၇၀
#YMG/NN #Yangon_Times
ရန်ကုန်-မန္တလေးအမြန်လမ်းမကြီးပေါ်တွင် အခုနှစ် ၂၀၂၄ ခုနှစ် ဇန်နဝါရီလက နေ နိုဝင်ဘာလကုန်အထိ ယာဉ်မတော်တဆမှုပေါင်း(၁၈၉)မှုဖြစ်ပွားခဲ့ပြီး ေ-သဆုံးသူ(၈၇)ဦးရှိခဲ့ပြီး ၃၀၀ကျော်ဒဏ်ရာရရှိခဲ့တယ်လို့ အမြန်လမ်းမကြီးရဲတပ်ဖွဲ့မှူးရုံးက သိရပါတယ်။
#Local_News
Published 09 December 2024
#ရန်ကုန်-မန္တလေးအမြန်လမ်း #ယာဉ်မတော်တဆမှု
#YMG/NN #Yangon_Times
Page 137 of 1617