#World_News
Published 28 July 2025

▪️ ထိုင်းနဲ့ ကမ္ဘောဒီးယားနယ်စပ်ပဋိပက္ခနဲ့ ပတ်သက်ပြီး တနင်္လာနေ့မှာ နှစ်ဖက်ခေါင်းဆောင်များက မလေးရှားမှာပြုလုပ်သွားမယ့် ညှိနှိုင်းဆွေးနွေးပွဲကို တက်ရောက်သွားမှာ ဖြစ်တယ်လို့ ထိုင်းအစိုးရက ပြောပါတယ်။

▪️ တနင်္လာနေ့ မွန်းလွဲ ၃ နာရီမှာ ဆွေးနွေးမှုပြုလုပ်ရန် စီစဉ်ထားပြီး ထိုင်းယာယီဝန်ကြီးချုပ် ဖွန်ထမ်ဝီချာယာချိုင်က ညှိနှိုင်းရေးအဖွဲ့ကို ဦးဆောင်လာမှာဖြစ်ကြောင်း အစိုးရက ထုတ်ပြန်ထားပါတယ်။

▪️ အာဆီယံဒေသတွင်း ပူးပေါင်းဆောင်ရွက်ရေးဖိုရမ်ကို ဦးစီးကျင်းပမယ့် မလေးရှားက ကမ္ဘောဒီးယားဝန်ကြီးချုပ် ဟွန်မာနက်လည်း တက်ရောက်မယ်လို့ အသိပေးထားပါတယ်။

▪️ ထိုင်းနဲ့ ကမ္ဘောဒီးယားတို့ဟာ မေလက နယ်စပ်တိုက်ပွဲတစ်ခုအတွင်း ကမ္ဘောဒီးယားစစ်သည်တစ်ဦး သေဆုံးခဲ့တဲ့ဖြစ်ရပ်နောက်ပိုင်း တင်းမာမှုမြင့်တက်နေကြကာ နှစ်ဖက်စလုံးမှ နယ်စပ်စစ်အင်အား တိုးချဲ့ထားသလို မတည်မငြိမ်ဖြစ်နေတဲ့ ထိုင်းညွန့်ပေါင်းအစိုးရ ပြိုလဲလုနီးပါး ဖြစ်ခဲ့ပါတယ်။

▪️ ကြာသပတေးနေ့က ပြန်လည်တိုက်ခိုက်လာကြပြီး ၄ ရက်အတွင်းမှာပဲ အရှေ့တောင်အာရှ နိုင်ငံများကြား ဆယ်စုနှစ်ကျော်အတွင်း အဆိုးရွားဆုံး တိုက်ခိုက်မှုအဖြစ် တင်းမာလာပါတယ်။

▪️ အသေအပျောက်စာရင်း ထိုင်းအရပ်သား ၁၃ ဦး၊ ကမ္ဘောဒီးယားအရပ်သား ၈ ဦးအပါအဝင် အယောက် ၃၀ ရှိလာကာ နယ်စပ်ဒေသတွေမှာ လူပေါင်း ၂ သိန်းကျော် ထွက်ပြေးတိမ်းရှောင်နေရတယ်လို့ အာဏာပိုင်များ ဖော်ပြထားပါတယ်။

▪️ နှစ်နိုင်ငံကတော့ တိုက်ခိုက်မှုတွေနဲ့ ပတ်သက်ပြီး အပြန်အလှန်စွပ်စွဲပြောဆိုထားပါတယ်။

▪️ ထိုင်းနဲ့ ကမ္ဘောဒီးယားတို့ဟာ နယ်စပ် ၈၁၇ ကီလိုမီတာတလျှောက် ပိုင်ဆိုင်မှုနဲ့ပတ်သက်ပြီး အချင်းများနေကြတာ ဆယ်စုနှစ်တွေ ကြာမြင့်နေပါပြီ။

#Source: Reuters

#Local_News
Published_28 July 2025

▪️ ပဲခူးတိုင်းဒေသကြီး၊ ကျောက်ကြီးမြို့နယ်၊ ကျောက်ကြီးမြို့၏ အနောက် ဘက်မီတာ ၄၀၀၀ ခန့်အကွာ လပတ် ကျေးရွာရှိ ပြည်သူ များအား KNLA နှင့် PDF များက လက်နက်ငယ်များ၊ တုတ်၊ ဓား များဖြင့် ပစ်ခတ်ခုတ်ဖြတ် မှုကြောင့် ကလေးငယ်များနှင့် သက်ကြီးဘိုးဘွားများအပါအဝင် အရပ်သား ၁၃ ဦး သေဆုံးခဲ့ပြီး ၁၅ ဦး ဒဏ်ရာ ရခဲ့ကြောင်း သိရသည်။

▪️ တပ်မတော်စစ်ကြောင်းများအနေဖြင့် ဖြစ်စဉ်ဖြစ်ပွားမှုကိုသိလျင်သိချင်း လိုအပ်သည့်နယ်မြေလုံခြုံရေးလုပ်ငန်း များ ဆောင်ရွက်ပြီး အဆိုပါကျေးရွာသို့ သွားရောက်စစ်ဆေးခဲ့ရာ KNLA နှင့် PDF များက ဇူလိုင်လ ၂၅ ရက် နံနက် ၁ နာရီခန့်တွင် ကျေးရွာ၏ အနောက်မြောက်ဘက်နှင့် အရှေ့ဘက်တို့မှ ဝင်ရောက်လာပြီး ကျေးရွာ အတွင်းမှ လူမမယ်ကလေးငယ်များနှင့် သက်ကြီးဘိုးဘွားများအပါအဝင် အပြစ်မဲ့ရွာသူ၊ ရွာသားများအား လက်နက်ငယ်များဖြင့် ယုတ်မာရက်စက်စွာ ပစ်ခတ်သတ်ဖြတ် ခဲ့ပြီး ဓားများဖြင့် ခုတ်ဖြတ်သတ်ဖြတ်ခဲ့ကြောင်း သိရသည်။

▪️ ထိုသို့ သတ်ဖြတ်ခဲ့မှုကြောင့် အသက် ၁၀ လသားအရွယ် ကလေးငယ် ၁ ဦး၊ အသက် ၃ နှစ်အရွယ် ကလေးငယ် ၂ ဦး၊ အသက် ၄ နှစ်အရွယ်ကလေးငယ် ၁ ဦး၊ အသက် ၆ နှစ်အရွယ် ကလေးငယ် ၁ ဦး၊ အသက် ၇ နှစ် အရွယ် ကလေးငယ် ၁ ဦး၊ အသက် ၁၀ နှစ်အရွယ် ကလေးငယ် ၁ ဦး အပါအဝင် အရပ်သားအမျိုးသား ၈ ဦး၊ အမျိုးသမီး ၅ ဦး၊ စုစုပေါင်း ၁၃ ဦး သေဆုံးခဲ့ပြီး အသက် ၃ နှစ်အရွယ် ကလေးငယ် ၁ ဦး၊ အသက် ၁၀ နှစ်အ ရွယ်ကလေးငယ် ၁ ဦး အပါအဝင် အမျိုးသား ၃ ဦး၊ အမျိုးသမီး ၁၂ ဦး၊ စုစုပေါင်း ၁၅ ဦး ထိခိုက် ဒဏ်ရာများ ရရှိခဲ့ကြောင်း သိရသည်။

▪️ အဆိုပါ သေဆုံးခဲ့သူများကိုလုံခြုံရေးတပ်ဖွဲ့ဝင်များ၊ သက်ဆိုင်ရာတာဝန်ရှိသူများနှင့် ရွာသူ၊ ရွာသားများက ထုံးတမ်းအစဉ်အလာများနှင့်အညီကောင်းမွန်စွာသင်္ဂြိုလ်ပေးခဲ့ပြီး ဒဏ်ရာရရှိခဲ့သူများအား နယ်မြေခံတပ်ဆေး ခန်းသို့ပို့ဆောင်၍ ဆေးကုသမှုခံယူစေလျက်ရှိကြောင်း သိရသည်။

#Yangon_Times/PP

‎#World_Health
‎Published 28 July 2025

▪️ ကောင်းစွာအိပ်စက်နိုင်ဖို့နဲ့ အားကစားစွမ်းဆောင်ရည် မြှင့်တင်ပေးဖို့ ပါးစပ်ကို တိပ်နဲ့ကပ်ပြီးအိပ်ကြတဲ့ ဆိုရှယ်မီဒီယာပို့စ်တွေဟာ အထောက်အထားမရှိသလို ဘေးအန္တရာယ်ပါ ဖြစ်နိုင်ဖွယ်ရှိတယ်လို့ မယ်ရီလန်း ဆေးလ်ဗားစပရင်းမှ အားကစားဆရာဝန် ဂျန်နီဖာဂေါ်ဒင်က ပြောပါတယ်။

▪️ အိပ်တဲ့အခါ နှာခေါင်းကနေ အသက်ရှူထုတ်တာကို တွန်းအားပေးဖို့ ပါးစပ်ကို တိပ်ကပ်ကြတာဖြစ်တယ်လို့ ဆိုပါတယ်။

▪️ လက်ရှိ အင်စတာဂရမ်နဲ့ တစ်တော့တို့မှာ ရေပန်းစားနေပြီး အိပ်စက်မှုအရည်အသွေး၊ အောက်ဆီဂျင်ပမာဏတို့ကို တိုးတက်စေပြီး ဟောက်တာကို လျှော့ချနိုင်တယ်လို့ ပြောနေကြပါတယ်။

▪️ ကြွက်သားပြန်လည်သက်သာစေပြီး အားကစားစွမ်းဆောင်ရည် မြှင့်တင်ပေးနိုင်တယ်ဆိုပြီး အားကစားကဏ္ဍတွေမှာ ကျင့်သုံးနေကြပါတယ်။

▪️ နှာခေါင်းကနေပဲ အသက်ရှူထုတ်တဲ့အခါ လေကိုစစ်ထုတ်ပြီး ပူနွေးစိုစွတ်စေတဲ့အတွက် ညဘက် ခံတွင်းခြောက်ခြင်း၊ ခံတွင်းနံ့ဆိုးခြင်းတို့မှ ကာကွယ်နိုင်တယ်လို့ ပြောနေကြပေမယ့် ခိုင်မာတဲ့အထောက်အထား မရှိထားပါဘူး။

▪️ အိပ်နေစဉ်အသက်ရှူကြပ်ခြင်းမျိုး၊ နှာခေါင်းပိတ်တာမျိုးဆိုရင် ပါးစပ်ကိုပါ တိပ်ကပ်ထားရင် အသက်မရှူနိုင်တော့ဘဲ အောက်ဆီဂျင်ပမာဏ ကျဆင်းသွားနိုင်ကာ အသက်အန္တရာယ် ရှိနိုင်ပါတယ်။

▪️ ဒီနည်းလမ်းအတွက် FDA ကလည်း အသိအမှတ်ပြုထားတာ မရှိပါဘူး။

▪️ ဒီနည်းလမ်းထက်စာရင် အမှောင်ချ ငြိမ်းချမ်းတဲ့ပတ်ဝန်းကျင်၊ ဖုန်းကွန်ပျူတာများ ကြည့်ချိန်လျှော့ချခြင်းတို့ဖြင့် အိပ်စက်ခြင်းတိုးတက်အောင် လုပ်သင့်တယ်လို့ ဂေါ်ဒင်က အကြံပြုပါတယ်။

#Source: wtop news

#World_Science
Published 28 July 2025

▪️ အာကာသက ကမ္ဘာမြေထက် များစွာပိုအေးခဲနိုင်ပေမယ့် ကြယ်တံခွန်တွေ၊ လတွေ၊ ဂြိုဟ်တွေကြားမှာတွေ့ရတဲ့ အေးခဲရေတွေက အိမ်ကရေခဲသေတ္တာထဲက ရေခဲထက် များစွာပိုရှုပ်ထွေးနေနိုင်ပါတယ်။

▪️ လန်ဒန်ကောလိပ်တက္ကသိုလ်နဲ့ ကိမ်းဘရစ်ချ်တက္ကသိုလ်မှ သိပ္ပံပညာရှင်များက ဓာတ်ခွဲခန်းစမ်းသပ်ချက်များ၊ တွက်ချက်မှုများသစ်များဖြင့် လေ့လာခဲ့ကြပါတယ်။

▪️ သူတို့ရဲ့ရေခဲတွေဟာ မရေမတွက်နိုင်လောက်တဲ့ နာနိုအရွယ်အစားအခဲလေးတွေ ပါဝင်ပါတယ်။

▪️ ကမ္ဘာပေါ်က ရေခဲတွေက ပုံသဏ္ဍာန်ကွက်များဖြင့် အနား ၆ ဖက်ညီတဲ့ နှင်းပွင့်ပုံစံတွေ ဖြစ်ပါတယ်။

▪️ အာကာသမှ ရေခဲတွေကတော့ ပုံသဏ္ဍာန်ညီညာစေမယ့် စွမ်းအင်မရှိဘဲ ပုံစံမျိုးစုံ ဖြစ်နေပါတယ်။

▪️ ရေခဲက သူ့ရဲ့ဖွဲ့စည်းပုံကို မှတ်သားထားကာ ပူနွေးတဲ့အခါ အခဲဖြစ်ပေါ်ခြင်းအပေါ် လွှမ်းမိုးနိုင်ပါတယ်။

▪️ အခဲပုံသဏ္ဍာန် တစ်စိတ်တစ်ပိုင်းဖြင့်ဆိုရင် အော်ဂဲနစ်မော်လီကျူးများ သိမ်းဆည်းခြင်းဆိုင်ရာ သီအိုရီတွေကို စိန်ခေါ်နေပါတယ်။

▪️ ဒီတွေ့ရှိချက်တွေက ပုံသဏ္ဍာန်မမှန် အစိုင်အခဲနည်းပညာပိုင်း တိုးတက်ခြင်းလိုမျိုး ရုပ်ပစ္စည်းသိပ္ပံပိုင်းအတွက် အသုံးချလာနိုင်ပါတယ်။

▪️ သုတေသီတွေက ၂၀၂၃ မှာ အလယ်အလတ်သိပ်သည်းဆရှိတဲ့ ရေခဲပုံစံကို တွေ့ရှိခဲ့ပါတယ်။

▪️ နောက်ထပ်လေ့လာချက်တွေမှာတော့ အာကာသရေခဲထဲမှာ နာနိုအခဲများဖြစ်ပေါ်ခြင်းအပေါ် သက်ရောက်နေတဲ့အချက်တွေကို စူးစမ်းသွားမှာ ဖြစ်ပါတယ်။

▪️ အာကာသရေခဲတွေကို အာကာသယာဉ် အကာအကွယ်၊ လောင်စာအဖြစ် အသုံးပြုခြင်းနဲ့ ရေအကြောင်းအရာတွေကို နားလည်ဖို့အတွက် အသုံးပြုနိုင်မှာ ဖြစ်ပါတယ်။

#Source: Earth.com

#World_Health
Published 27 July 2025

▪️ အသင့်ဖျော်ကော်ဖီတွေ သောက်သုံးခြင်းက အသက်အရွယ်ကြီးရင် ဖြစ်လာတတ်တဲ့ အမြင်အာရုံချို့တဲ့ခြင်း (AMD) ဖြစ်လာနိုင်ခြေ သိသိသာသာများနိုင်တယ်လို့ လေ့လာချက်တစ်ခုမှာ ဖော်ပြလာပါတယ်။

▪️ ယူကေဇီဝဘဏ်မှ လူပေါင်း ၅ သိန်းကျော်ရဲ့ အချက်အလက်တွေကို သုတေသီများ ဆန်းစစ်ခဲ့ကာ မျိုးဗီဇအခြေအနေအချို့နဲ့အတူ အသင့်ဖျော်ကော်ဖီ သောက်တတ်သူတွေဟာ ခြောက်သွေ့တဲ့ AMD ရောဂါဖြစ်လာနိုင်ခြေ ၇၀၀ ရာခိုင်နှုန်း ပိုများနေပါတယ်။

▪️ ဒီရောဂါက လက်ရှိမှာ ကုသလို့မရတဲ့ရောဂါ ဖြစ်ပါတယ်။

▪️ AMD ရောဂါဖြစ်ပွားမှုနဲ့ နေထိုင်စားသောက်မှုပုံစံ ကာကွယ်ထိန်းသိမ်းခြင်းတို့အကြောင်း ပိုမိုသိရှိလာစေမယ်လို့ တရုတ် ဟူပေဆေးတက္ကသိုလ်မှ အမြင်အာရုံသုတေသီ ဒေါက်တာ စီဝေလူက ပြောသွားပါတယ်။

▪️ ခြောက်သွေ့တဲ့ AMD ရောဂါဆိုတာက ဗဟိုအမြင်အာရုံကိုပေးတဲ့ အာရုံခံလွှာအနောက်ဘက်က မက်ကူလာဆိုတဲ့ နေရာကို သက်ရောက်စေပါတယ်။

▪️ အခြေအနေပိုဆိုးလာရင် မှုန်ဝါးဝါးဖြစ်လာခြင်း၊ စာဖတ်ရခက်ခဲခြင်း၊ တဖြည်းဖြည်းဖြင့် အမြင်အာရုံအပြီးတိုင် ဆုံးရှုံးခြင်းတို့ ဖြစ်လာနိုင်ပါတယ်။
အသက်အရွယ်နဲ့ မျိုးဗီဇတို့က ထိန်းချုပ်လို့မရပေမယ့် စားသောက်နေထိုင်မှုပုံစံ၊ လေ့ကျင့်ခန်းလုပ်ခြင်းတို့က သက်ဆိုင်နေပါတယ်။

▪️ ကော်ဖီသောက်လေ့ရှိတဲ့ မျိုးဗီဇအခြေအနေနဲ့ AMD ဆက်စပ်မှုက အစားအသောက်နဲ့ မျက်လုံးရောဂါတို့ကြား ပတ်သက်မှုတွေကို တွေ့ရှိလာနိုင်ကြောင်း စီဝေလူက ပြောထားပါတယ်။

#Source: New York Post

#World_Health
Published 27 July 2025

▪️ ခံတွင်းကျန်းမာရေးပြဿနာတွေက နှလုံးရောဂါရဲ့ အစောပိုင်း သတိပေးချက်များဖြစ်နိုင်ပြီး ခံတွင်းသန့်ရှင်းမှု အားနည်းခြင်းနဲ့ နှလုံးသွေးကြောရောဂါတို့ကြား ဆက်စပ်မှုကြီးမားကြောင်း သုတေသနတွေ့ရှိထားပါတယ်။

နှလုံးရောဂါပြဿနာများကို ညွှန်ပြနေတဲ့ ခံတွင်းကျန်းမာရေးတွေကတော့..

▪️ (၁) သွားဖုံးရောဂါ - သွားဖုံးရောင်ရမ်းခြင်းဖြစ်စေတဲ့ ဘက်တီးရီးယားက သွေးကြောထဲရောက်ပြီး စုပြုံစေကာ နှလုံးရောဂါ၊ နှလုံးဖောက်ခြင်းတို့ ဖြစ်နိုင်ခြေများစေပါတယ်။

▪️ (၂) ခံတွင်းနံ့အမြဲဆိုးခြင်း - ဆာလ်ဖာထုတ်လုပ်တဲ့ ဘက်တီးရီးယားတွေ၊ ခံတွင်းကျန်းမာရေး အားနည်းတာတွေကြောင့် ခံတွင်းနံ့ဆိုးတတ်ပြီး နှလုံးသွေးကြော ကျန်းမာရေးပြဿနာများနဲ့ ဆက်စပ်နေပါတယ်။

▪️ (၃) သွားကျွတ်ခြင်း - ထိခိုက်ဒဏ်ရာမရဘဲနဲ့ လူကြီးတွေ သွားဆုံးရှုံးရတာဟာ သွားဖုံးရောဂါရင့်တာကို ညွှန်ပြသလို နှလုံးပြဿနာလည်း ဖြစ်နိုင်ပါတယ်။

▪️ (၄) သွားဖုံးသွေးယိုခြင်း - သွားတိုက်စဉ် သွားဖုံးမှာ မကြာခဏသွေးယိုခြင်းက ရောင်ရမ်းခြင်းလက္ခဏာဖြစ်ပြီး သွေးကြောကျဉ်းရောဂါ ဖြစ်လာစေနိုင်ပါတယ်။

▪️ (၅) ပါးစပ်အနာ - ပါးစပ်ထဲမှာ ပြည်နာတွေ၊ ဒဏ်ရာပြန်ဖြစ်တာတွေက သွေးကြောထဲထိ ထိခိုက်ပြီး နှလုံးရောဂါ ဖြစ်နိုင်ခြေများစေပါတယ်။

▪️ (၆) ပါးစပ်ခြောက်ခြင်း - တံတွေးက အန္တရာယ်ဘက်တီးရီးယားတွေထံကနေ ခံတွင်းကို ကာကွယ်ပေးတာကြောင့် ပါးစပ်ခြောက်သွေ့ပါက ဘက်တီးရီးယားတွေ မညီမမျှဖြစ်ကာ သွားပိုးစားခြင်းများ ဖြစ်နိုင်ပြီး နောက်ဆက်တွဲအနေနဲ့ နှလုံးသွေးကြောကိုပါ ထိခိုက်နိုင်ပါတယ်။

▪️ (၇) သွားဖုံးစားခြင်း - သွားဖုံးတွေပွတ်တိုက်သွားရင် သွားအမြစ်ကို ကုပ်တွယ်နိုင်ခြင်း မရှိတော့တဲ့အပြင် ရောင်ရမ်းခြင်းဖြစ်လာပြီး နှလုံးရောဂါပါ ဖြစ်စေနိုင်ပါတယ်။

▪️ (၈) မေးရိုးကိုက်ခြင်း - မေးရိုးဘယ်ဘက်နားမှာ နာကျင်ကိုက်ခဲခြင်းက ခံတွင်းပြဿနာဆိုတာထက် နှလုံးသို့ သွေးစီးဆင်းမှု နည်းပါးစေပြီး နှလုံးဖောက်ခြင်းအခြေအနေ ဖြစ်လာနိုင်ပါတယ်။

▪️ (၉) သွားရောဂါဖြစ်ခြင်း - သွားရောဂါဖြစ်ပွားခြင်းကို မကုသဘဲထားလိုက်ရင် ဘက်တီးရီးယားတွေက သွေးကြောထဲရောက်ရှိပြီး နှလုံးနံရံမှာ ရောဂါကူးစက်စေနိုင်ပါတယ်။

▪️ (၁၀) လျှာအသွင်အပြင်အရောင်ပြောင်းလဲခြင်း - လျှာက ပုံမှန်မဟုတ်ဘဲ ပြာနှမ်းမှေးမှိန်နေတာဟာ သွေးလည်ပတ်မှုအားနည်းတဲ့ လက္ခဏာဖြစ်ပြီး ရင်ဘတ်မအီမသာဖြစ်တယ်ဆိုရင် နှလုံးအားနည်းခြင်းကြောင့် အောက်ဆီဂျင်ပါတဲ့သွေး လျော့နည်းတာ ဖြစ်နိုင်ပါတယ်။

#Source: DoctorNDTV

၂၇ ဇူလိုင် ၂၀၂၅

တက္ကသိုလ်ဝင်တန်းစာမေးပွဲအောင်စာရင်းများကို မြန်မာတစ်နိုင်ငံလုံးတွင် ယနေ့ ဇူလိုင်၂၇ ရက်နေ့၌ ထုတ်ပြန်ကြေညာပေးခဲ့ပါတယ်။

တစ်နိုင်ငံလုံးရဲ့ အောင်ချက်မှာ  ၄၈.၀၆ ရာခိုင်နှုန်းဖြစ်ပါတယ်။စာမေးပွဲဖြေဆိုကြသူ ၂၀၇၈၉၈ ဦးအနက် ၉၉၉၂၄ဦးအောင်မြင်ခဲ့ပါတယ်။ နိုင်ငံရပ်ခြားမှအပ ပြည်တွင်းတွင် အောင်ချက်အကောင်းဆုံးမှာ မွန်ပြည်နယ်ဖြစ်ပြီး ၅၇.၁၆ ရာခိုင်နှုန်းရှိပါတယ်။ မွန်ပြည်နယ်မှာ ၈၉၇၂ ဦးဖြေဆိုပြီး ၅၁၂၈ ဦးအောင်မြင်ခဲ့ပါတယ်။ ဖြေဆိုသူ ၃၇၄၆၇ ဦးနှင့် အများဆုံးဖြေဆိုခဲ့တဲ့ရန်ကုန်တိုင်းဒေသကြီးမှာ အောင်မြင်သူ ၁၉၃၆၆ ဦးရှိပြီး အောင်ချက် ၅၁.၆၉ ရာခိုင်နှုန်းရှိပြီဂ ဒုတိယမြောက် အောင်ချက်  အကောင်းဆုံးဖြစ်ကြောင်းသိရပါတယ်။ ငလျင်ဘေးသင့်ဒေသတွေဖြစ်တဲ့စစ်ကိုင်းတိုင်းဒေသကြီးရဲ့အောင်ချက်က ၄၃.၇၀ ရာခိုင်နှုန်း၊ မန္တလေး   တိုင်းဒေသကြီးအောင်ချက်က ၄၉.၆၂ ရာခိုင်နှုန်းနှင့် နေပြည်တော်အောင်ချက်က ၄၆.၂၇ ရာခိုင်နှုန်း   အသီးသီးရှိပါတယ်။

#ymg.knl/mnn

Meta လိုမျိုးနည်းပညာကုမ္ပဏီကြီးတွေက ကမ္ဘာတဝှမ်းမှ AI ထိပ်သီးသုတေသီများ ခန့်အပ်ထားရေးမှာ ရင်းနှီးမြှုပ်နှံမှုတိုးမြှင့်လာသလို အမေရိကန်မှ ကုမ္ပဏီသစ်တွေဟာလည်း AI ကျွမ်းကျင်ပညာရှင်များကို အပြိုင်အဆိုင် ရှာဖွေလာကြပါတယ်။
#World_Business
Published 26 July 2025
#‎‎‎Meta #AIပညာရှင်အများခန့်အပ်
#YMG #Yangon_Times #Yangon_Media_Group

#Daily_News

Published 26 July 2025

၁။ ‌‌‌‎‎‎MSME လုပ်ငန်းများအား ‎ကျပ်သန်း ၅၀ ချေးနိုင်ရန် SOP ရေးဆွဲနေ

‎၂။ ‌‎‎မှတ်ပုံတင်၊ သန်းခေါင်စာရင်းနှင့် UID နံပါတ်အတုအပပြုလုပ်ကိုင်ဆောင်သူများကို အရေးယူမည်

၃။ ‌‎‎‎တက္ကသိုလ်ဝင်စာမေးပွဲ အောင်စာရင်းများကို မြန်မာ့အသံမှ ထုတ်လွှင့်ကြေညာပေးမည်

၄။ ‎‎‎Meta က AI ပညာရှင်အများအပြားကို အလုအယက်ခန့်အပ်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 26 July 2025

▪️ မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)မှ ဒီဇင်ဘာလတွင် ပြုလုပ်မည့် JLPTအတွက် သင်တန်းကျောင်းများအတွက် တစ်ကျောင်းလျှင် လျှောက်လွှာအရေအတွက်အများဆုံး (၇၀) စောင်နှုန်းဖြင့် လက်ခံသွားမည်ဖြစ်ကြောင်း JLPT စာမေးပွဲကျင်းပရေးကော်မတီမှ သိရသည်။

▪️ ထို့ကြောင့် Group Form လျှောက်ထားမည့် သင်တန်းကျောင်းများအနေဖြင့် Online System တွင် Registration ပြုလုပ်ထားရန် လိုအပ်ပြီး မှတ်ပုံတင်လျှောက်ထား ခြင်း/Activate ပြုလုပ်ခြင်းအား ၂၈.၇.၂၀၂၅ မှ ၁.၈.၂၀၂၅ အထိ Online System မှ တဆင့်လုပ်ဆောင်ရမည်ဖြစ်ကြောင်း၊ လျှောက်လွှာလက်ခံမည့်ရက်နှင့် ပတ်သက်၍ ထပ်မံကြေငြာသွားမည်ဖြစ်ကြောင်း၊ သင်တန်းကျောင်းများအတွက် တစ်ကျောင်းလျှင် လျှောက်လွှာအရေအတွက်အများဆုံး (၇၀) စောင်နှုန်း ဖြင့် လက်ခံသွားမည်ဖြစ်ရာ သက်တမ်း ရှိလိုင်စင်တခုအား သင်တန်းကျောင်းတစ်ကျောင်း ဟုသတ်မှတ်ကြောင်း၊ ပိုင်ရှင် အမည်တူ လိုင်စင်အခွဲများ အကြုံးမဝင်ကြောင်း၊ အချက်အလက် စုံလင်စွာမပါ သော လျှောက်ထားခြင်းများနှင့် သက်တမ်းကုန်နေသည့် လိုင်စင်များအား ထည့်သွင်း စဉ်းစားမည် မဟုတ်ကြောင်း သိရသည်။

▪️ ယခင်စာမေးပွဲတွင် Registration ပြုလုပ်ထားပြီး စာမေးပွဲဖောင်လျှောက်ထားခွင့် ရရှိထားပြီးသော သင်တန်းကျောင်းများအနေဖြင့် Registration ပြန်လည်လျှောက်ထားရန် မလိုအပ်သော်လည်း ယခင်က မှတ်ပုံတင်ထားသော သင်တန်းကျောင်းများ၏ Account မှာ Deactive status ဖြစ်နေမည် ဖြစ်သောကြောင့် Activate ပြန်လည် ပြုလုပ်ပေးရန် လိုအပ်မည်ဖြစ်ကြောင်း သိရသည်။

#YMG/SW #Yangon_Times

ရန်ကုန်အထိုင် ဒီဇယ်‌ဈေးတွေ နှစ်ပတ်ဆက်တိုက်တက်ပြီး ဓာတ်ဆီဈေးပြန်ကျလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီး
ကြပ်ရေးကော်မတီရဲ့ အခုအပတ်အတွက်ထုတ်ပြန်ချက်အရ သိရပါတယ်။
#Local_News
Published 26 July 2025
#ဒီဇယ်‌ဈေးတက် #ဓာတ်ဆီဈေးပြန်ကျ
#YMG/NN #Yangon_Times

လမ်းပန်းဆက်သွယ်ရေးခက်ခဲတဲ့ စာစစ်ဌာနများမှ တက္ကသိုလ်ဝင်စာမေးပွဲ အောင်စာရင်းများကို မြန်မာ့အသံမှ ထုတ်လွှင့်ကြေညာပေးသွားမှာဖြစ်တယ်လို့ သိရပါတယ်။
#Local_News
Published 26 July 2025
#တက္ကသိုလ်ဝင်စာမေးပွဲအောင်စာရင်း #မြန်မာ့အသံမှထုတ်လွှင့်ကြေညာ
#YMG/SW #Yangon_Times