ပါကစ္စတန်မုတ်သုံရာသီကြောင့် လယ်သမားများရဲ့ လုပ်ငန်းကိစ္စများ ခြိမ်းခြောက်ခံနေရပြီး အစောပိုင်း စပါးသီးနှံများမှာ ရေကြီးမှုအတွင်း နစ်မြုပ်ကုန်တဲ့အတွက် နိုင်ငံအတွင်း စားနပ်ရိက္ခာ ဘေးအန္တရာယ် ကျရောက်ဖွယ်ရှိနေပါတယ်။
#World_Crisis
Published 24 July 2025
#မုတ်သုံရာသီရေကြီး #စိုက်ပျိုးရေးကဏ္ဍများထိခိုက်ဆုံးရှုံး
#YMG #Yangon_Times #Yangon_Media_Group

#Daily_News

Published 24 July 2025

၁။ ‌‌‌‎‎မတည်ငွေရင်းကျပ်သန်း ၃,၀၀၀ တန်ဖိုးရှိ စက်မှုလုပ်ငန်းတစ်ခုကို လုပ်ကိုင်ခွင့်ပြု

‎၂။ ‌‎နောင်လုံထွန့်ပတိုင်မှ ဆဒ္ဒန်ဂူသို့ မိုးရာသီအပျော်စီးလှေ ပြေးဆွဲပေးနိုင်ရေးဆောင်ရွက်နေ

၃။ ‌‎‎မိုး‌လေကြီး‌၍ ရန်ကုန်၌သစ်ပင်များလဲပြို

၄။ ‎ပါကစ္စတန်၌ မုတ်သုံရာသီရေကြီးခြင်းကြောင့် စိုက်ပျိုးရေးကဏ္ဍများစွာထိခိုက်ဆုံးရှုံး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 24 June  2025

▪️ ကရင်ပြည်နယ် မြဝတီမြို့၌ယနေ့မနက်ပိုင်းက သောင်ရင်းမြစ်ရေမြင့်တက်မှုကြောင့်နေအိမ်များအတွင်း ရေဝင်ရောက်ခဲ့ကြောင်း မြန်မာနိုင်ငံမီးတ်တပ်ဖွဲ့မှ သိရသည်။

▪️ ဇူလိုင်၂၄ရက်နေ့၊ မနက်၆နာရီ အချိန်ခန့်က ကရင်ပြည်နယ်၊ မြဝတီမြို့တွင် သောင်ရင်းမြစ်ရေမြင့်တက်မှုကြောင့် အမှတ်(၁/၂/၃/၅)ရပ်ကွက်ရှိ နေအိမ်များအတွင်း ရေဝင်ရောက်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် မြဝတီခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ စက်လှေ(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးသင့်အိမ်ထောင်စုများအား ရေဘေးလွတ်ရာသို့ ကူညီရွှေ့ပြောင်းပေးလျက်ရ်ှိ‌ကြောင်း သိရသည်။

#YMG/NN #Yangon_Times

ယခုနှစ်အတွက် ပြည်ဝင်ခရီးသွားစစ်တမ်းနဲ့ ပြည်ပခရီးသွားစစ်တမ်းများ ကောက်ယူသွားမယ်လို့ ယမန်နေ့က ကျင်းပတဲ့အဏ္ဏဝါခရီးသွားလုပ်ငန်း၊ နယ်စပ်ဖြတ်ကျော်ယာဉ်တန်းခရီးစဉ်များ အကောင်အထည်ဖော်နိုင်ရေးတွေ့ဆုံဆွေးနွေးပွဲမှ သိရပါတယ်။
#Local_News
Published 24 July 2025
#ပြည်ပခရီးသွားစစ်တမ်း #အဏ္ဏဝါခရီးသွားလုပ်ငန်း
#YMG/SW #Yangon_Times

လေပြင်းတိုက်ခတ်ပြီးမိုးကြီး‌ခဲ့တာ‌ကြောင့် ရန်ကုန်မြို့ရှိ မြို့နယ်အချို့မှာ သစ်ပင်တွေလဲပြိုပျက်စီးခဲ့ရတယ်လို့ မြန်မာနိုင်ငံမီးသတ်တပ်ဖွဲ့ကနေသိရပါတယ်။
#Local_News
Published 24 July 2025
#သစ်ပင်များလဲပြို #လေပြင်းတိုက်ခတ်
#YMG/NN #Yangon_Times

နောင်လုံထွန့်ပတိုင်မှ ဆဒ္ဒန်ဂူသို့ မိုးရာသီအပျော်စီးလှေပြေးဆွဲပေးနိုင်ရေးဆောင်ရွက်နေတယ်လို့ ကရင်ပြည်နယ်ဒေသဆိုင်ရာခရီးသွားလုပ်ငန်းကော်မတီက  သိရပါတယ်။
#Local_News
Published 24 July 2025
#ဆဒ္ဒန်ဂူ #မိုးရာသီအပျော်စီးလှေ
#YMG/NN #Yangon_Times

မတည်ငွေရင်းပမာဏမှာ ကျပ်သန်း ၃,၀၀၀ တန်ဖိုးရှိတဲ့ ရာခိုင်နှုန်းပြည့် မြန်မာနိုင်ငံသားရင်းနှီးမြှုပ်နှံမှုလုပ်ငန်း(၁)ခုအပါအဝင် ရင်းနှီးမြုပ်နှုံမှုလုပ်ငန်းတွေကို ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီမှ လုပ်ကိုင်ခွင့်ပြုခဲ့တယ်လို့ သိရပါတယ်။
#Local_News
Published 24 July 2025
#စက်မှုလုပ်ငန်း #ရန်ကုန်တိုင်းဒေသကြီးရင်းနှီးမြှုပ်နှံမှုကော်မတီ
#YMG/SW #Yangon_Times

ဆိုးလ်၊ ဇူလိုင် ၂၄ (ရိုက်တာ) - တောင်ကိုရီးယားရဲတပ်ဖွဲ့သည် K-pop အေဂျင်စီ HYBE ၏ ရုံးချုပ်ကို ကြာသပတေးနေ့က ဝင်ရောက်စီးနင်းခဲ့ကြောင်း သတင်းရင်းမြစ်တစ်ခုက ပြောကြားခဲ့သည်။ ယင်းတို့   သည် ကုမ္ပဏီဥက္ကဋ္ဌနှင့် ပတ်သက်သည့် မမျှတသော ရှယ်ယာရောင်းဝယ်မှု စွပ်စွဲချက်များကို စုံစမ်း စစ်ဆေးရန်  အတွက် စီးနင်းခဲ့ခြင်း ဖြစ်သည်။

မီဒီယာများ၏ ဖော်ပြချက်အရ တောင်ကိုရီးယားဘဏ္ဍာရေးဌာနက HYBE ၏ ဥက္ကဋ္ဌ ဘန်စီဟွတ် (Bang Si-hyuk) ကို ကုမ္ပဏီ၏ စတော့ရှယ်ယာဈေးကွက်စာရင်းဝင်စဉ်ကာလအတွင်း ၎င်း၏လုပ်ဆောင်  မှုများကို စုံစမ်းစစ်ဆေးရန် အစိုးရရှေ့နေများထံ လွှဲပြောင်းပေးခဲ့သည်။

၂၀၂၀ ပြည့်နှစ် IPO (ကနဦးအများပြည်သူသို့ ရှယ်ယာထုတ်ရောင်းချခြင်း) မတိုင်မီတွင် ဘန်နှင့် အခြားအမှုဆောင်အရာရှိသုံးဦးတို့သည် သူတို့ထိန်းချုပ်ထားသည့် ရင်းနှီးမြှုပ်နှံမှုကုမ္ပဏီတစ်ခုသို့ ရင်းနှီး မြှုပ်နှံသူများကို ရှယ်ယာများရောင်းချရန် "ဖျားယောင်းခဲ့သည်" ဟု စွပ်စွဲခံနေရသည်။ ထို့နောက် ကုမ္ပဏီစာရင်းဝင်ပြီးနောက် ရှယ်ယာရောင်းချမှုမှ အကျိုးအမြတ်များ ရရှိခဲ့သည်ဟု မီဒီယာများက ဖော်ပြခဲ့သည်။

HYBE သည် ကမ္ဘာကျော် K-pop Boy အဖွဲ့ ဖြစ်သော BTS ကို စီမံခန့်ခွဲသည့် အေဂျင်စီဖြစ်သည်။

ဆိုးလ်မြို့တော်ရဲတပ်ဖွဲ့ကို ဝင်ရောက်စီးနင်းမှုနှင့် ပတ်သက်၍ မေးမြန်းသည့်အခါ မှတ်ချက်ပေးရန် ငြင်းဆိုခဲ့သည်။

HYBE ကမူ ယခင်ထုတ်ပြန်ချက်ကို ကိုးကား၍ ကုမ္ပဏီအနေဖြင့် "အချက်အလက်ရှာဖွေမှုများ" အတွက် ရဲတပ်ဖွဲ့အပါအဝင် သက်ဆိုင်ရာအာဏာပိုင်များနှင့် အပြည့်အဝ ပူးပေါင်းဆောင်ရွက်လျက်ရှိကြောင်း ပြောကြားခဲ့သည်။

"IPO ကို ဥပဒေများနှင့် စည်းမျဉ်းစည်းကမ်းများနှင့်အညီ အပြည့်အဝ ဆောင်ရွက်ခဲ့ကြောင်း အသေအချာ ပြသနိုင်ဖို့အတွက် လိုအပ်တဲ့အချိန်ယူပြီး လုပ်ဆောင်သွားမှာပါ" ဟု HYBE က ပြောကြားခဲ့သည်။

ဘန်သည် HYBE ၏ တည်ထောင်သူနှင့် အကြီးဆုံးရှယ်ယာရှင် ဖြစ်သည်။

#Local_News
Published 24 July 2025

▪️ ယနေ့ ဇူလိုင် နံနက်ပိုင်းက ဗိုလ်တထောင် ဆိပ်ကမ်း၌စက်လှေတစ်စီး တိမ်းမှောက်ပြီး လူ(၃)ဦးပျောက်ဆုံးလျှက်ရှိကြောင်း သိရသည်။

▪️ ယမန်နေ့ညပိုင်းမှ စတင်၍လေပြင်းတိုက်ခတ်မှုများဖြစ်ပေါ်‌နေခဲ့ရာ ယနေ့နံနက်ပိုင်းတွင် အဆိုပါလေပြင်းတိုက်ခတ်မှု‌ကြောင့် ဒလမြို့နယ်နှင့် ဗိုလ်တထောင်ဆိပ်ကမ်းသို့ ကူးနေသည့်စက်တပ် သမ္မန်‌လှေတစ်စီး တိမ်းမှောက်မှုဖြစ်ပွားခဲ့ပြီး လူ(၃)ဦး ပျောက်ဆုံးနေကြောင်း လက်ရှိတွင် ပျောက်ဆုံးနေသူ (၃)ဦးကို ရှာဖွေကယ်ဆယ်နိုင်ရေးလုပ်ဆောင်နေကြကြောင်း သိရသည်။

▪️ လေပြင်းတိုက်ခတ်မှုများကြောင့် ယနေ့နံနက်ပိုင်းတွင် ရန်ကုန်တိုင်း ဒေသကြီး ဧရာဝတီတိုင်းဒေသကြီးတို့တွင် သစ်ပင်လဲခြင်းများနှင့် အမိုးလန်ခြင်းများကြောင့် ပျက်စီးမှုများရှိခဲ့ကြောင်း သိရသည်။

#Photo-CJ
#YMG/SW #Yangon_Times

#World_News
Published 24 July 2025

▪️ ယူကရိန်းသမ္မတ ဗိုလိုဒီမာဇယ်လန်စကီက အကျင့်ပျက်ခြစားမှု တိုက်ဖျက်ရေးအေဂျင်စီ ၂ ခုရဲ့ လွတ်လပ်စွာလုပ်ပိုင်ခွင့်ကို ကန့်သတ်ထိန်းချုပ်လိုက်တဲ့ ဥပဒေတစ်ရပ်ကို လက်မှတ်ရေးထိုးပြီးနောက်မှာတော့ အစိုးရအဖွဲ့ကို အများပြည်သူ ဆန္ဒပြတုံ့ပြန်လာကြပါတယ်။

▪️ အဆိုပါ ဥပဒေအရ အမျိုးသားအကျင့်ပျက်ခြစားမှု တိုက်ဖျက်ရေးဗျူရို(Nabu)နဲ့ အကျင့်ပျက်ခြစားမှု တိုက်ဖျက်ရေးအထူးရှေ့နေရုံး(Sap)တို့ကို သမ္မတမှ ခန့်အပ်ထားတဲ့ အစိုးရရှေ့နေချုပ်ထံ ထိန်းချုပ်ခွင့်ပေးသွားမှာ ဖြစ်ပါတယ်။

▪️ ဗုဒ္ဓဟူးနေ့ညက မြို့တော်ကိဗ်မှာ လူထောင်ပေါင်းများစွာက ၂ ညမြောက် ဆန္ဒထုတ်ဖော်ခဲ့ကြကာ အစိုးရကို ဝေဖန်ထားတဲ့ ဆောင်ပုဒ်တွေ ကိုင်ဆောင်လာကြပါတယ်။

▪️ ဒီအတွက် ဇယ်လန်စကီက လူအများမကျေနပ်ချက်ကို သဘောပေါက်နားလည်ပြီး ပါလီမန်ကို ဥပဒေကြမ်းနောက်တစ်ခု တင်သွင်းသွားမယ်လို့ ပြောပါတယ်။

▪️ ယူကရိန်းရဲ့မဟာမိတ်တွေဖြစ်တဲ့ အနောက်နိုင်ငံတွေကလည်း ဒီဥပဒေအပေါ် မကျေနပ်ကြောင်း ပြောလာကြပါတယ်။

▪️ ဥရောပကော်မရှင်အကြီးအကဲ အူဆူလာဗန်ဒါလိုင်ယန်က ယူကရိန်းအစိုးရဆီကနေ ရှင်းပြချက်တောင်းခံထားပါတယ်။

▪️ Nabu နဲ့ Sap တို့က ရာဇဝတ်မှုများကို နှစ်များစွာတိုင်အောင် ပြုလုပ်ခွင့်ပေးနေပြီး ရုရှားလွှမ်းမိုးမှုကနေ ရှင်းလင်းရမယ်လို့ ဇယ်လန်စကီက ခုခံပြောဆိုထားပါတယ်။

▪️ ၂၀၂၂ ယူကရိန်းနှင့်ရုရှားစစ်ဖြစ်ပြီး နောက်ပိုင်း အကြီးမားဆုံး အစိုးရဆန့်ကျင်ရေးဆန္ဒပြပွဲတွေ ဖြစ်ပေါ်လာတာပါ။

▪️ ယူကရိန်းနဲ့ ဥရောပသမဂ္ဂတို့ကြား ဗီဇာကန့်သတ်ခြင်းများ ပြေလျော့ရေးအတွက် ရည်ရွယ်ကာ Nabu နဲ့ Sap တို့ကို ဖွဲ့စည်းထားတာ ဖြစ်ပါတယ်။

▪️ နိုင်ငံတကာ အကျင့်ပျက်ခြစားမှု ထုတ်ဖော်ပြညွှန်းကိန်းအရ ယူကရိန်းဟာ အဆင့် ၁၀၅ ရှိနေပေမယ့် ၂၀၁၄ Nabu နဲ့ Sap တို့ ဖွဲ့စည်းပြီးနောက် ၃၉ မှတ် တိုးတက်လာခဲ့ပါတယ်။

#Source: BBC

#Local_News
Published 24 June  2025

▪️ ရှမ်းပြည်နယ်၊လင်းခေးမြို့အနီး၌ မြေငလျင်တစ်ခုလှုပ်ခတ်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ ယင်းငလျင်သည် ဇူလိုင်လ ၂၄ ရက်နေ့၊ မြန်မာစံတော်ချိန် (၀၆) နာရီ၊ (၁၅) မိနစ်၊ (၃၃) စက္ကန့်အချိန်တွင် လင်းခေးမြို့အနီး၌ လှုပ်ခတ်ခဲ့ခြင်းဖြစ်ကာ  တောင်ကြီးမြေငလျင်စခန်းမှ တိုင်းထွာရရှိခဲ့ ခြင်းဖြစ်သည်။

▪️ အဆိုပါ တောင်ကြီးမြေငလျင်စခန်းမှအရှေ့-အရှေ့တောင်ဘက် (၆၃) မိုင်ခန့်ကွာဝေးသော မြန်မာနိုင်ငံ ပြည်တွင်း (လင်းခေးမြို့၏ အနောက်မြောက်ဘက် (၇) မိုင်ခန့်အကွာ)၊ မြောက်လတ္တီတွဒ် (၂၀.၄၃) ဒီဂရီ၊ အရှေ့လောင်ဂျီတွဒ် (၉၇.၉၅) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၃.၈) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း တိုင်းထွာရရှိခဲ့ကြောင်း သိရသည်။

#YMG/NN #Yangon_Times

#World_Health
Published 24 July, 2025

▪️ ကိုယ်အလေးချိန်ချတဲ့နေရာမှာ ရေရှည်အထိ ထိန်းသိမ်းထားနိုင်ဖို့ လိုအပ်သလို ဘေးကင်းထိရောက်ဖို့လည်း လိုအပ်ပါတယ်။

▪️ ဒါကြောင့် ရေရှည်မှာပါ ကိုယ်အလေးချိန်ထိန်းထားနိုင်မယ့် နည်းလမ်းတွေကို မျှဝေလိုက်ပါတယ်။

(၁) မျှတစွာစားခြင်းနှင့် စားသုံးသည့်ပမာဏ
▪️ အသီးအနှံ၊ ဟင်းရွက်၊ အစေ့အဆန်၊ ပရိုတိန်း၊ ကျန်းမာရေးနှင့် ညီညွတ်သောအဆီတို့ ပါဝင်အောင် စားသုံးသင့်ပြီး ဒါမှသာ အာဟာရဓာတ်များ ရရှိကာ ဗိုက်ပြည့်နေစေမှာ ဖြစ်ပါတယ်။

▪️ တစ်ခါစားတဲ့အခါ ပန်းကန်အသေးဖြင့် ပမာဏနည်းနည်း စားပေးရပါမယ်။
ဒါမှ အလွန်အကျွံစားမိခြင်းမှ ကာကွယ်နိုင်ပြီး အစာကြေစေမှာ ဖြစ်ပါတယ်။

(၂) ကိုယ်လက်လှုပ်ရှားပုံမှန်လုပ်ခြင်း
▪️ လမ်းလျှောက်ခြင်း၊ ခပ်မြန်မြန်လျှောက်ခြင်း၊ ရေကူးခြင်း၊ စက်ဘီးစီးခြင်းတို့ကို ပုံမှန်ပြုလုပ်ပေးသင့်ပါတယ်။

▪️ ကြွက်သားထုထည်များ တည်ဆောက်ပေးသလို ကယ်လိုရီတွေလည်း ပိုမိုလောင်ကျွမ်းစေပါတယ်။

(၃) ရေဓာတ်ဖြည့်ခြင်းနှင့် အိပ်စက်ခြင်း
▪️ ရေများများသောက်ပေးပါက ဆာလောင်မှုကို ထိန်းချုပ်နိုင်ပြီး ဇီဝကမ္မဖြစ်စဉ်ကို ထောက်ကူပေးပါတယ်။

▪️ တစ်နေ့ကို ၇-၉ နာရီ ကောင်းစွာအိပ်စက်ပေးပါက ဟော်မုန်းတွေကို ထိန်းညှိပေးတဲ့အတွက် ဆာလောင်စိတ်ကို ထိန်းချုပ်နိုင်ပါတယ်။

(၄) အလေ့အကျင့်ပြောင်းလဲခြင်း
▪️ တစ်ပတ်ကို ၁-၂ ပေါင်ခန့် ဝိတ်ကျဖို့ စတင်ရည်မှန်းပြီး ရေရှည်မှာပါ အောင်မြင်စွာ ဝိတ်ချနိုင်ဖို့ စိတ်ခွန်အား လှုံ့ဆော်ရပါမယ်။

▪️ ကျန်းမာရေးပညာရှင်များနဲ့ တိုင်ပင်နိုင်သလို ကိုယ်အလေးချိန်ချဖို့ အပေါင်းအဖော်များနဲ့ ပူးပေါင်းနိုင်ပါတယ်။

▪️ အခြားနည်းလမ်းအနေနဲ့ အစာမစားဘဲ အချိန်အတိုင်းအတာတစ်ခုအထိ နေခြင်းမျိုးကလည်း ကိုယ်အလေးချိန်ချရာမှာ ထိရောက်မှုရှိပါတယ်။

▪️ ကိုယ်အလေးချိန်ချရာမှာ အလွယ်ကူဆုံးနဲ့ ကျန်းမာရေးအတွက် အကောင်းဆုံးနည်းလမ်းက မျှတတဲ့အစားအစာ၊ ကိုယ်လက်ပုံမှန်လှုပ်ရှားခြင်း၊ ရေဓာတ်ဖြည့်ခြင်း၊ လုံလောက်စွာအိပ်စက်ခြင်း၊ အလေ့အကျင့်ပြောင်းလဲခြင်းတို့ကို ပေါင်းစပ်ပြုလုပ်သင့်ပါတယ်။

#Source: DoctorNDTV