#World_Science
Published 31 March 2025

▪️ ပိုးဟပ်ရဲ့နို့မှာ အာဟာရဓာတ် ကြွယ်ဝစွာပါဝင်ပြီး သဘာဝအလျောက်တွေ့ရတဲ့ အာနိသင်အရှိဆုံး ဖြည့်စွက်စာ ဖြစ်လာနိုင်တယ်လို့ သုတေသီများ ပြောနေကြပါတယ်။

▪️ ပိုးဟပ်နို့မှာ သာမန်ခြံထွက်နွားနို့တွေထက် အာဟာရဓာတ် ၃ ဆလောက် ပိုပြီးပါဝင်နေနိုင်တယ်လို့ ယူဆနေကြပါတယ်။

▪️ ပိုးဟပ်မျိုးစိတ်တစ်ခုဆိုရင် အကောင်ပေါက်တွေကို တိုက်ကျွေးတဲ့နို့မှာ အာဟာရဓာတ် အကြွယ်ဝဆုံးအရာတစ်ခု ဖြစ်တယ်လို့ အိန္ဒိယမှ Stem Cell Biology and Regenerative Medicineအင်စတီကျုမှ သုတေသီတွေက ပြောပါတယ်။

▪️ ဒီနို့မှာ မရှိမဖြစ် အမိုင်နိုအက်ဆစ်များ၊ အကျိုးပြုအဆီများ ပြည့်ဝနေပြီး ခွန်အားဓာတ် ပါဝင်မှုနှုန်းက သာမန်ခြံထွက်နွားနို့ထက် ၃ ဆပိုများကြောင်း International Union of Crystallographyဂျာနယ်မှာ ဖော်ပြထားပါတယ်။

▪️ Diploptera punctate လို့ခေါ်တဲ့ ပစိဖိတ် နွားချေးထိုးပိုးဟပ်မျိုးစိတ်ဟာ ပရိုတိန်းကြွယ်ဝတဲ့ နို့ကို ထုတ်လုပ်ပါတယ်။

▪️ တခြားပိုးဟပ်တွေနဲ့ မတူတာက ဥဥတာမျိုးမဟုတ်ဘဲ အကောင်လိုက်မွေးတာ ဖြစ်ပါတယ်။

▪️ နို့တိုက်ကာလမှာ မိခင်ပိုးဟပ်က နို့တိုက်ဖို့အတွက် ဝါဖျော့ဖျော့နို့တွေ ထုတ်လုပ်ပါတယ်။

▪️ နို့က အကောင်ပေါက်တွေရဲ့ ဗိုက်ထဲရောက်တဲ့အခါ အမိုင်နိုအက်ဆစ်၊ အဆီများ၊ သကြားဓာတ်များနဲ့ ပြည့်ဝနေတဲ့ အာဟာရခဲများ ဖြစ်သွားပြီး ဒါတွေဟာ စွမ်းအားနဲ့ ဆဲလ်ပြုပြင်မှုအတွက် အရေးပါပါတယ်။

▪️ နို့တိုက်သတ္တဝါတွေထဲမှာ ကယ်လိုရီအကြွယ်ဝဆုံးနို့လို့ သတ်မှတ်ထားတဲ့ ကျွဲနို့ထက်ပင် ပိုးဟပ်နို့က ၃ ဆပိုများတယ်လို့ သုတေသီများ တွေ့ရှိထားပါတယ်။

▪️ ဒါပေမဲ့ ပိုးဟပ်နို့ကို ရောင်းချထုတ်လုပ်ဖို့ကတော့ အများကြီးလိုပါသေးတယ်။

▪️ နွားနို့နေရာ အစားထိုးတာမျိုး ဖြစ်မလာနိုင်သေးပေမယ့် အနာဂတ်မှာ အရေးပါလာနိုင်ပါတယ်။

#Source: WION

#Local_News
Published_31 March 2025

▪️ အင်အားအလွန်ပြင်းထန်သော မတ်လ ၂၈ ရက် မြေငလျင်ကြောင့် စက်သုံးဆီအ ရောင်းဆိုင်အချို့တွင် အဆောက်အဦများ ပြိုကျပျက်စီးခြင်း၊ မြေအောက်သိုလှောင်ကန်များအပါအဝင် ဆီပန့်နှင့်ဆက်သွယ်ထားသော မြေအောက်ဆီပိုက်လိုင်းများ ပျက်စီး ချို့ယွင်းခြင်း၊ စက်သုံးဆီဖြန့်ဖြူးရာတွင်အသုံးပြု သည့် မီးစက်အချို့ ပျက်စီးချို့ယွင်းခဲ့သည့် အပြင် လျှပ်စစ်မီးလိုင်းများပြတ်တောက်မှုဖြစ်ပေါ်ခဲ့ကြောင်း သိရသည်။

▪️ အဆိုပါ ပျက်စီးချို့ယွင်းမှုများကိုအမြန်ဆုံးပြန်လည်ပြင်ဆင်ဆောင်ရွက်ရေး ကြီးကြပ် ဆောင်ရွက်ခဲ့ရာ ယနေ့ မတ်လ ၃၀ ရက်တွင် ပြည်ထောင်စုနယ်မြေ၊နေပြည်တော်အတွင်းရှိ အရောင်းဆိုင် စုစုပေါင်း(၁ဝ၅)ဆိုင်အနက် အရောင်း ဆိုင် (၉ဝ)ခန့်နှင့် မန္တလေးတိုင်း ဒေသကြီးစည်ပင်သာယာ ရေးနယ်နိမိတ်အတွင်းရှိ အရောင်းဆိုင် (၁၆၄)ဆိုင်တို့ ပြင်ဆင်ပြီးစီးခဲ့ပြီး ဖြစ်ကြောင်း သိရသည်။

▪️ ယင်းကြောင့် ပြန်လည် ဖွင့်လှစ်ရောင်းချလျက်ရှိပြီး ကျန်အရောင်းဆိုင်များကို ဆောလျင်စွာဖွင့်လှစ်နိုင် ရေး ဆောင်ရွက်လျက်ရှိကြောင်းနှင့် ရန်ကုန်တိုင်းဒေသကြီးရှိ စက်သုံးဆီအရောင်းဆိုင်များ အနေဖြင့် မည် သည့် ပျက်စီးချို့ယွင်းမှုမျှမရှိဘဲ ပုံမှန်အခြေအနေအတိုင်း ဆက်လက် ဖြန့်ဖြူးရောင်းချလျက်ရှိကြောင်း စွမ်းအင် ဝန်ကြီးဌာနက သိရသည်။

▪️ ထို့အပြင် ပြည်တွင်းစက်သုံးဆီဖူလုံမှုရှိစေရန်အတွက် ကြိုတင်စီမံထားသည့်အတိုင်း သီလဝါသိုလှောင်ကန်စခန်းများတွင် ရက်သတ္တပတ်(၁)ပတ်စာခန့် သိုလှောင်ထားရှိပြီး ဖြစ်သည့်အပြင် ဆီတင်သင်္ဘောများမှာလည်း အဆက်မပြတ်ဝင်ရောက်လျက်ရှိရာ Jetty များတွင် (၄)စီး၊ ပင်လယ်ဝတွင်(၃)စီး၊ လမ်းခရီးတွင်(၃)စီးနှင့် ပြည်ပနိုင်ငံများတွင် စက်သုံးဆီ တင်ဆောင်နေသည့်သင်္ဘော (၁၁) စီးဖြစ်သဖြင့် စက်သုံးဆီပြတ်လပ်မှုဖြစ်ပေါ် နိုင်မည် မဟုတ်ဘဲ ပုံမှန်ဖြန့်ဖြူးမှုများအပြင်လိုအပ်ပါက အရေးပေါ် Urgent ဖြန့်ဖြူးနိုင်ရေး စီမံဆောင်ရွက်ထားကြောင်း သိရသည်။

▪️ ထို့ကြောင့် အများပြည်သူအနေဖြင့် လတ်တလောအခြေအနေကြောင့် စက်သုံးဆီ ပြတ်လပ်မှုဖြစ်ပေါ်မည်ဟု စိုးရိမ်စိတ်ဖြင့် မလိုအပ်ဘဲတန်းစီဝယ်ယူခြင်း၊ အပိုသိုလှောင် ထားခြင်း မပြုလုပ်ကြပါရန်နှင့် လိုအပ်သလောက် သာ ဝယ်ယူသုံးစွဲကြပါရန် စွမ်းအင်ဝန်ကြီးဌာနကအသိပေး နှိုးဆော်ချက် ထုတ်ပြန်ထားကြောင်း သိရသည်။

#Yangon_Times/PP

၃၀ မတ် ၂၀၂၅

လတ်တလောဖြစ်ပေါ်ခဲ့သည့် အခြေအနေကြောင့် နိုင်ငံနှင့်အဝှမ်း စက်သုံးဆီ ပြတ်လပ်မှုမရှိအောင် စနစ်တကျဆောင်ရွက်ထားပြီး ပြည်သူတွေအနေနှင့် စိုးရိမ်စိတ်ဖြင့် မလိုအပ်ဘဲတန်းစီဝယ်ယူခြင်း၊ အပိုသိုလှောင်ထားခြင်း မပြုလုပ်ကြပါရန် စွမ်းအင်ဝန်ကြီးဌာနက အသိပေးနှိုးဆော်ထားပါတယ်။

ပြည်တွင်းစက်သုံးဆီဖူလုံမှုရှိစေရန်အတွက် ကြိုတင်စီမံထားသည့်အတိုင်း သီလဝါသိုလှောင်ကန်စခန်းများတွင် ရက်သတ္တပတ်(၁)ပတ်စာခန့် သိုလှောင်ထားရှိပြီးဖြစ်သည့်အပြင် ဆီတင်ယာဉ်များမှာလည်း အဆက်မပြတ်ဝင်ရောက်လျက်ရှိရာ JETTY များတွင်(၄)စီး၊ ပင်လယ်ဝတွင်(၃)စီး၊လမ်းခရီးတွင်(၃)စီးနှင့် ပြည်ပနိုင်ငံများတွင် စက်သုံးဆီတင်ဆောင်နေသည့် သင်္ဘော(၁၁)စီးဖြစ်သဖြင့် စက်သုံးဆီပြတ်လပ်မှု ဖြစ်ပေါ်နိုင်မည်မဟုတ်ဘဲ ပုံမှန်ဖြန့်ဖြူးရေးများအပြင် လိုအပ်ပါကအရေးပေါ် Urgent ဖြန့်ဖြူးနိုင်ရန်အတွက် ဆီသယ်ယာဉ်များလည်း အဆင်သင့် ကြိုတင်ပြင်ဆင်ထားပြီးဖြစ်တယ်လို့လည်း အဆိုပါအသိပေးစာမှာ ဖော်ပြပါရှိပါတယ်။

ပြည်ထောင်စုနယ်မြေ၊ နေပြည်တော်၊ ရန်ကုန်တိုင်းဒေသကြီးနှင့် မန္တလေးတိုင်းဒေသကြီးအပါအဝင် တိုင်းဒေသကြီး/ပြည်နယ်အသီးသီးရှိ အရောင်းဆိုင်များသို့ ဆီသယ်ယာဉ်(Bowser)များအဆက်မပြတ် ပို့ဆောင်ဖြန့်ဖြူးနိုင်ရေး စီမံဆောင်ရွက်လျက်ရှိရာ ၂၉-၃-၂ဝ၂၅ ရက်နေ့တွင်နေပြည်တော်ရှိ အရောင်းဆိုင်များသို့ ဆီသယ်ယာဉ်(၂၂)စီးဖြင့် 92 Ron(၄၈,၅၉၉)ဂါလန်၊95 Ron(၁၂,၇၃၄)ဂါလန်၊ HSD(၂၂,၁၀၆)ဂါ လန်နှင့် PHSD(၂၈,၈၇၁)ဂါလန်တို့အားလည်းကောင်း၊ရန်ကုန်တိုင်းဒေသကြီးအတွင်းရှိ အရောင်းဆိုင်များသို့ ဆီသယ်ယာဉ်(၃၇၁)စီးဖြင့် 92 Ron(၃၀၆,၂၅၀)ဂါလန်၊ 95 Ron(၁၇၅,၀၉၂)ဂါလန်၊ HSD(၃၂၀,၇၀၆)ဂါလန်နှင့် PHSD(၄၅၅,၁၆၂)ဂါလန်တို့အားလည်းကောင်း၊ မန္တလေးတိုင်းဒေသကြီးအတွင်းရှိ အရောင်းဆိုင်များသို့ ဆီသယ်ယာဉ်(၁၅၁)စီးဖြင့် 92 Ron(၃၆၇,၆၈၂)ဂါလန်၊ 95 Ron(၈၈,၂၇၃)ဂါလန်၊ HSD(၂၄၁,၆၂၂)ဂါလန်နှင့် PHSD (၃၅၂,ဝ၅၃)ဂါလန်တို့အားလည်းကောင်း၊ အခြားတိုင်းဒေသကြီး/ပြည်နယ်များရှိ .. အရောင်းဆိုင်များသို့ ဆီသယ်ယာဉ်(၄၁၈)စီးဖြင့် 92 Ron(၇၈၃,၉၅၀)ဂါလန်၊ 95 Ron(၁၄၅,၇၀၃)ဂါလန်၊ HSD(၅၁၈,၃၂၄)ဂါလန်နှင့် PHSD(၉၅၅,၉၃၆)ဂါလန်တို့အားလည်းကောင်း ပို့ဆောင်ခဲ့ပြီး ယနေ့တွင်လည်းယခင်သယ်ယူပို့ဆောင်မှုထက် ပိုမိုသယ်ယူပို့ဆောင်ဖြန့်ဖြူးနိုင်ရေး စီမံဆောင်ရွက်လျက်ရှိနေကြောင်း သိရှိရပါတယ်။

မတ်လ ၂၈ရက် နေ့တွငလှုပ်ရှားခဲ့တဲ့ အင်အားအလွန်ပြင်းထန်သော မြေငလျင်ကြောင့်ပြည်ထောင်စုနယ်မြေ၊ နေပြည်တော်နှင့် မန္တလေးတိုင်းဒေသကြီးအတွင်းရှိ စက်သုံးဆီအရောင်းဆိုင်တို့၏ အဆောက်အဦများ ပြိုကျပျက်စီးခြင်း/မြေအောက်သိုလှောင်ကန်အပါအဝင် ဆီပန့်နှင့်ဆက်သွယ်ထားသော မြေအောက်ဆီပိုက်လိုင်းများ ယိုယွင်းပျက်စီးခြင်း၊ စက်သုံးဆီ ဖြန့်ဖြူးရာတွင်အသုံးပြုသည့် မီးစက်အချို့ ပျက်စီးယိုယွင်းခဲ့သည့်အပြင် လျှပ်စစ်မီးလိုင်းများလည်း ပြတ်တောက်မှုဖြစ်ပေါ်ခဲ့ပေမယ့် အမြန်ဆုံးပြုပြင်မှုများဆောင်ရွက်ခဲ့တဲ့အတွက် အများစုကိုပြန်လည်ပြင်ဆင်ပြီး လုပ်ငန်းများလည်ပတ်နေပြီလို့လည်း အဆိုပါသတင်းထုတ်ပြန်ချက် က အသိပေးထားပါတယ်။

အဲဒါကြောင့် ယခုအခါ ယနေ့တွင် နေပြည်တော်အတွင်း အရောင်းဆိုင်(၁၀၆)ဆိုင်အနက်  အရောင်းဆိုင် (၉၀)ခန့်နှင့် မန္တလေးတိုင်းဒေသကြီး စည်ပင်သာယာနယ်နိမိတ်အတွင်းရှိ အရောင်းဆိုင်(၁၆၄)ဆိုင်အနက် အရောင်းဆိုင် (၁၀၀) ခန့် ပြင်ဆင်ပြီးစီးခဲ့ပြီး ပြန်လည်ဖွင့်လှစ်ရောင်းချလျက် ရှိနေပြီဖြစ်ပါတယ်။

ရန်ကုန်တိုင်းဓဒသကြီးအတွင်းရှိ အရောင်းဆိုင်(၂၁၇)ဆိုင်အနက် (၂၀၉)ဆိုင်ဖွင့်လှစ်ရောင်းချလျက်ရှိပြီး ကျန်တိုင်းဒေသကြီး/ပြည်နယ်များရှိ အရောင်းဆိုင်များအနက် အကြောင်းအမျိုးမျိုးကြောင့်ယာယီ ပိတ်ထားသည့် အရောင်းဆိုင်အချို့မှလွဲ၍ အရောင်းဆိုင်အားလုံး ဖွင့်လှစ်ရောင်းချလျက်ရှိကြောင်း လည်း စွမ်းအင်ဝန်ကြီးဌာနရဲ့သတင်းထုတ်ပြန်ချက်မှာဖော်ပြထားပါတယ်။

#knl/ymg

Nay Pyi Taw, March 30

In response to the severe earthquake that struck Myanmar on March 28, causing significant damage and losses within the country, Senior General Min Aung Hlaing, Chairman of the State Administration Council (SAC) and Prime Minister of the Myanmar, today spoke by phone with Dato’ Seri Haji Anwar bin Ibrahim, the Prime Minister of Malaysia, who is also the current ASEAN Chair. This was reported in an official statement released by the SAC.

During the call, the Malaysian Prime Minister, in his capacity as both the leader of Malaysia and the ASEAN Chair, expressed deep sorrow over the destruction and losses in Myanmar. He mentioned that earlier this morning, Malaysia had dispatched a rescue team via aircraft. Additionally, Malaysia’s Foreign Minister had held a video conference with other ASEAN foreign ministers to discuss how ASEAN member states, as part of the ASEAN family, could collaborate and provide assistance in a spirit of friendship and solidarity.

The Senior General expressed gratitude for the concern shown by the Malaysian Prime Minister, both in his role as ASEAN Chair and as the leader of Malaysia, for reaching out by phone regarding the situation in Myanmar. He also thanked Malaysia for its assistance, noting that with the support of the AHA Centre, rescue teams from Singapore had already arrived in Myanmar yesterday and were carrying out their duties. He stated that Myanmar continues to conduct search and rescue operations, with the current death toll at around 1,700, approximately 3,400 injured, and nearly 300 still missing. He added that the number of fatalities could rise further and that the situation remains fluid. The Senior General emphasized his appreciation for the support extended by Malaysia and other ASEAN member states during this difficult time, expressing gratitude to the ASEAN community as a whole.

In response, the Malaysian Prime Minister stated that Myanmar and Malaysia have long enjoyed close and friendly relations. As such, Malaysia is committed to providing the best possible assistance. He further mentioned that Malaysia’s Foreign Minister would be sent to Myanmar to assess the ground situation and determine how additional aid could be provided.

Senior General Min Aung Hlaing acknowledged Malaysia as a country with strong ties of friendship with Myanmar and welcomed the upcoming visit of Malaysia’s Foreign Minister. He reiterated Myanmar’s commitment to constructive cooperation within the ASEAN community and expressed deep appreciation for the support and solidarity shown by Malaysia, both as a nation and as the ASEAN Chair. He emphasized that such gestures greatly strengthened Myanmar and that he, along with the people of Myanmar, were deeply grateful.

These conversations were outlined in the official press release

နေပြည်တော်၊  မတ် - ၃၀

မြန်မာနိုင်ငံတွင်၊ မတ်လ ၂၈ ရက်တွင် ပြင်းထန်စွာ ငလျင်လှုပ်ခတ်ခဲ့မှုကြောင့် မြန်မာနိုင်ငံအတွင်း ထိခိုက်ပျက်ဆီးမှုများဖြစ်ပေါ်ခဲ့မှုများနှင့် ပတ်သက်၍ အကူအညီ များပေးအပ်နိုင်ရေးအတွက်  နစက ဥက္ကဋ္ဌ  နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့ နေ့လည်ပိုင်းတွင် အာဆီယံအလှည့် အကျဥက္ကဋ္ဌ မလေးရှားနိုင်ငံဝန်ကြီးချုပ် Dato’ Seri Haji Anwar bin Ibrahim နှင့် ဖုန်းဆက်သွယ်ပြောဆိုခဲ့တယ်လို့ နစက သတင်းထုတ်ပြန်ချက်အရသိရပါတယ်။

ယင်းသို့ပြောကြားရာတွင် ဦးစွာ အာဆီယံအလှည့်ကျဥက္ကဋ္ဌ မလေးရှားနိုင်ငံဝန်ကြီးချုပ်က မလေးရှား  နိုင်ငံအနေဖြင့်သော်လည်းကောင်း၊ အာဆီယံအလှည့်ကျဥက္ကဋ္ဌနိုင်ငံအနေဖြင့်သော်လည်းကောင်း မြန်မာ   နိုင်ငံတွင်ထိခိုက်ပျက်ဆီးဆုံးရှုံးမှုများ အပေါ် မိမိတို့အနေဖြင့် ဝမ်းနည်းကြေကွဲရပါကြောင်း၊ ယနေ့  နံနက်ပိုင်းတွင်လည်း မိမိတိုနိုင်ငံမှ ကူညီကယ်ဆယ်ရေးအဖွဲ့ကို လေယာဉ်ဖြင့်  စေလွှတ်ခဲ့ပြီးဖြစ်   ကြောင်း၊ အလားတူ မလေးရှားနိုင်ငံ နိုင်ငံခြားရေးဝန်ကြီးအနေဖြင့်လည်း အခြားသော အာဆီယံအဖွဲ့ဝင် နိုင်ငံများမှ နိုင်ငံခြားရေးဝန်ကြီးများနှင့် ရုပ်သံအစည်းအဝေးပြုလုပ်၍ အဆွေတော် အပါအဝင် အာဆီယံ  အဖွဲ့ဝင်မိသားစုများအကြား ချစ်ကြည်ရင်းနှီးမှုနှင့်ပူးပေါင်း ဆောင်ရွက်မှုများ မည်သို့ ကူညီဆောင် ရွက်ရ  မည်ကို ဆွေးနွေးခဲ့ပါကြောင်းဖြင့်ပြော ကြားခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

ဗိုလ်ချုပ်မှူးကြီးကလည်း ယခုကဲ့သို့ အာဆီယံအလှည့်ကျဥက္ကဋ္ဌ အနေဖြင့်သော်လည်းကောင်း၊ မလေးရှား နိုင်ငံဝန်ကြီးချုပ်အနေဖြင့်သော်လည်းကောင်း မိမိတို့ မြန်မာ နိုင်ငံတွင်ဖြစ်ပေါ်နေသည့် အခြေအနေ   များကို ဖုန်းဖြင့်ဆက်သွယ်ပြောကြားပေးမှုများအတွက် ကျေးဇူးတင်ရှိပါ ကြောင်း၊ အဆွေတော်တို့နိုင်ငံ၏ အကူအညီပေးမှုများကိုလည်း ကျေးဇူးတင်ရှိပါ‌ကြောင်း၊ AHA စင်တာ၏ အကူအညီပေးမှုဖြင့် ယမန်နေ့ကလည်း စက်ကာပူနိုင်ငံမှ ကယ်ဆယ်ရေးအဖွဲ့များ ရောက်ရှိတာဝန် ထမ်းဆောင်နေပြီဖြစ်ပါ   ကြောင်း၊ မိမိတို့ အနေဖြင့်လည်း ရှာဖွေကယ်ဆယ်ရေးလုပ်ငန်းများကို ဆက်လက်ဆောင်ရွက်လျက်ရှိ ပါကြောင်း၊ လက်ရှိအချိန်အထိ သေဆုံးသူ ၁၇၀၀ ခန့်နှင့် ဒဏ်ရာရရှိသူ ၃၄၀၀ ခန့်ရှိ ပြီး ပျောက်ဆုံးသူ ၃၀၀ နီးပါးခန့်ရှိကြောင်း၊ သေဆုံးသူအရေအတွက်ထပ်မံတိုးလာနိုင် ကြောင်း၊ အခြေအနေပေါ်မူတည်ပြီး အပြောင်းအလဲများရှိနိုင်ပါကြောင်း၊ အဓိကအား ဖြင့် ယခုကဲ့သို့အခက်အခဲဖြစ်ပေါ်နေချိန်တွင် အဆွေ  တော်တို့နိုင်ငံအပါအဝင် အာဆီယံနိုင်ငံများက ဝိုင်းဝန်းကူညီဆောင်ရွက်ပေးမှုအတွက်လည်း ကျေးဇူး တင်ရှိကြောင်းနှင့် အာဆီယံအသိုင်းအဝိုင်းကိုလည်း ကျေးဇူးတင်ရှိပကြောင်းဖြင့်ပြောကြားခဲ့ပါတယ်။

အဲဒီနောက်အာဆီယံအလှည့်ကျဥက္ကဋ္ဌ မလေးရှားနိုင်ငံဝန်ကြီးချုပ်က မြန်မာနိုင်ငံသည် မလေးရှား  နိုင်ငံ နှင့်ချစ်ကြည်ရင်နှီးမှုများရှိပြီးဖြစ်သည့်နိုင်ငံဖြစ်ပါကြောင်း၊ ထို့ကြောင့် မိမိတို့အနေဖြင့်ကူညီမှုများကို  အကောင်းဆုံးဖြစ်အောင် ဆောင်ရွက်ပေးသွား မည်ဖြစ်ကြောင်း၊ ထို့အပြင် မလေးရှားနိုင်ငံခြား   ရေးဝန်ကြီးကို မြန်မာနိုင်ငံအတွက် ပေးအပ်နိုင်မည့် အကူအညီများပေးအပ်နိုင်ရေး မြေပြင်အခြေအနေ   များကို ကြည်ရှုရန် အတွက် အဆွေတော်တို့နိုင်ငံသို့ စေလွှတ်ပေးသွားမည်ဖြစ်ပါကြောင်းဖြင့် ပြောကြား တယ်လို့သိရပါတယ်။

အဲဒီနောက် ဗိုလ်ချုပ်မှူးကြီးမင်းအောင်လှိုင်က မလေးရှားနိုင်ငံသည် မိမိတို့နိုင်ငံနှင့် ချစ်ကြည်ရင်းနှီးမှု   များကောင်းမွန်သည့် နိုင်ငံ တစ်ခုဖြစ်ပါကြောင်း၊ အဆွေတော်တို့နိုင်ငံခြားရေးဝန်ကြီး မြန်မာနိုင်ငံသို့     လာရောက်မှုကိုလည်း မိမိတို့နိုင်ငံမှကြိုဆိုပါကြောင်း၊ မိမိတို့အနေဖြင့် အာဆီယံအသိုင်းအဝိုင်း အတွင်း မှန်ကန်သည့် စိတ်သဘောထားဖြင့် ပူးပေါင်းဆောင်ရွက်လျက်ရှိပါကြောင်း၊ ယခုကဲ့သို့ မလေးရှားနိုင်ငံ   အနေဖြင့်သော်လည်းကောင်း၊ အာဆီယံအလှည့်ကျဥက္ကဋ္ဌအနေဖြင့်သော်လည်းကောင်း ယခုကဲ့သို့   ဆက်သွယ်မေးမြန်း ကူညီဆောင်ရွက်ပေး သည့်အတွက်လည်း မိမိတို့နိုင်ငံအတွက်ခွန်အားများ စွာရရှိစေ   ပြီး မိမိနှင့် မြန်မာနိုင်ငံ ပြည်သူများအနေဖြင့် များစွာကျေးဇူး တင်ရှိပါကြောင်းဖြင့်ပြောကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ငလျင်ကြောင့် အပျက်အစီးပုံကြားထဲ နာရီ ၄၀ နီးပါးပိတ်မိနေသည့် အသက် ၇၀ အရွယ်အဘိုးအိုတစ်ဦးကို မြန်မာ-တရုတ် ပူးပေါင်း ကယ်ဆယ်ရေးအဖွဲ့က ကယ်တင်နိုင်ခဲ့ ပါတယ်။ 

၃၀ မတ် ၂၀၂၅

ကူညီကယ်ဆယ်ရေးလုပ်ငန်းများကို ပိုမို ထိရောက်စွာ ဆောင်ရွက်နိုင်ရေးအတွက်  လေယာဉ် ပြေးလမ်း များနှင့်လမ်းတံတားများကို အမြန်ဆုံးပြန်လည် ကောင်းမွန်အောင် ပြုပြင်ဆောင်ရွက်သွားရန် နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ညွှန်ကြားပါတယ်။

ယနေ့ မတ်လ ၃၀ရက် မနက်က တပ်မတော်ကာကွယ်ရေးဦးစီးချုပ်ရုံး ဧည့်ခန်းမမှာကျင်းပတဲ့ ငလျင်ဘေး ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ အမြန် ဆုံးဆောင်ရွက်သွားနိုင်ရေး အထူး  အစည်းအဝေးမှာ ဗိုလ်ချုပ်မှူးကြီးကပြောကြားခဲ့တာဖြစ်ပါတယ်။

ငလျင်ဘေးဒဏ်ကြောင့် ထိခိုက်ပျက်စီးခဲ့ရမှုများကို ပြန်လည်ထူထောင် ရေးလုပ်ငန်းများ ဆောင်ရွက်ရာ  တွင်  ပြိုကျပျက်စီးသွားသော အဆောက်အဦများနှင့် အပျက် အစီးများအားရှင်းလင်းဖယ် ထုတ်ခြင်း  အပိုင်း၊ ပြိုကျပျက်စီးနေဆဲအဆောက်အဦများအား ဘေးအန္တရာယ်မဖြစ်စေရေး စနစ်တကျရှင်းလင်း ဖယ်ရှားခြင်းအပိုင်း၊ ပြန်လည်တည် ဆောက်ခြင်းအပိုင်းဟူ၍ အပိုင်း ၃ ပိုင်းဖြင့် ဆောင်ရွက်သွားရမယ်လို့ ဗိုလ်ချုပ်မှူးကြီးကပြောကြောင်း နစကရဲ့သတင်းထုတ်ပြန်ချက်အရသိရပါတယ်။

ငလျင် ဘေးဒဏ်ကြောင့် ထိခိုက်ပျက်စီးဆုံးရှုံးခဲ့ရသည့် လမ်းတံတားများ၊ နိုင်ငံပိုင် အဆောက် အဦများ ပြန်လည်တည်ဆောက်ရေးနှင့် ပြန်လည်ထူထောင်ရေးလုပ်ငန်းများကို မိမိတို့ အနေဖြင့် အင်တိုက် အားတိုက်ဆက်လက်ဆောင်ရွက်သွားရမည်ဖြစ်ပြီး ငွေကြေး အင် အား၊ လူအင်အား၊ ယာဉ်ယန္တရား အင်အား များစွာကို သုံးစွဲဆောင်ရွက်သွားရမည်ဖြစ်ကြောင်း၊ပုဂ္ဂလိတည်ဆောက်ရေး လုပ်ငန်းများကို လည်း ထောက်ပံ့ပေးရန်လိုအပ်မည်ဖြစ် သဖြင့် နိုင်ငံတကာမှအကူအညီများ တောင်းခံရာတွင် ပြန်လည်တည်ဆောက်ရေးအတွက် လိုအပ်သည့် ဆောက်လုပ်ရေးသုံးပစ္စည်းများ ကိုလည်း ထည့်သွင်းတောင်းခံသွားရန်လို ကြောင်းလည်း ဗိုလ်ချုပ်မှူးကြီးက ဆက်လက်ပြောကြား ပါတယ်။

အဲဒီအပြင် အဆောက်အဦအာမခံလုပ်ငန်းများတွင် အာမခံထားရှိမှုများကိုလည်း စနစ် တကျစိစစ်၍ အာမခံငွေကြေးများရရှိရေးအတွက်လည်း ဆောင်ရွက်ပေးသွားဖို့ကိုလည်း ပြောပါတယ်။

နိုင်ငံတကာမှလာရောက်သည့် ကူညီကယ်ဆယ်ရေးအဖွဲ့များအတွက် နေရေး၊ စား ရေး အဆင်ပြေစေရေး အတွက်လည်း စီစဉ်ဆောင်ရွက်ပေးသွားရမည်ဖြစ်ကြောင်း၊ ဆက်သွယ်ရေးလမ်းကြောင်းများ အမြန်ဆုံး ယခင်အခြေအနေအတိုင်း ပြန်လည်သွားလာနိုင်ရေး အတွက်လည်း ဆောင်ရွက်ပေးသွားရမည်ဖြစ် ကြောင်း၊စစ်ကိုင်း-မန္တလေးလမ်းဟောင်း ပေါ်ရှိ စစ်ကိုင်းတံတား(အင်းဝ)ရထားလမ်းကူးတံတား ပြိုကျပျက်စီးနေမှုအား အမြန်ဆုံး ပြန်လည်ဆယ်တင် ဆောင်ရွက်သွားရန်လိုပြီး ရေလမ်းကြောင်း အမြန် ပြန်ပွင့်အောင် ဆောင်ရွက်ပေးသွားရမည်ဖြစ်ကြောင်း၊ ယင်းရထားလမ်းအပြင် အခြားငလျင်ဘေးဒဏ် ကြောင့် ယိုယွင်းမှုများဖြစ်ပေါ်ခဲ့ရသည့် ရထားလမ်းများကိုလည်း အမြန်ဆုံးပြန်လည်ပြေး ဆွဲပေးနိုင် ရေးဆောင်ရွက်သွားရန်လိုကြောင်း၊ ကူညီကယ်ဆယ်ရေးလုပ်ငန်းများကို ပိုမို ထိရောက်စွာ ဆောင် ရွက်နိုင်ရေးအတွက် ထိခိုက်ပျက်စီးမှုများဖြစ်ပေါ်ခဲ့ရသည့် လေယာဉ် ပြေးလမ်းများကိုလည်း အမြန် ဆုံးပြန်လည်ပြုပြင်ဖွင့်လှစ်ပေးသွားရန်လိုကြောင်း၊ ယိုယွင်း ပျက်စီးမှုများဖြစ်ပေါ်ခဲ့ရသည့် လမ်း တံတား များ လမ်းတံတားများကို ဆောက်လုပ်ရေး ဝန်ကြီးဌာနနှင့် စစ်အင်ဂျင်နီယာ ညွှန်ကြားရေးမှူးရုံးတို့ ပူးပေါင်း၍ အမြန်ဆုံးပြန်လည် ကောင်းမွန်အောင် ဆောင်ရွက်ပေးသွားရန်လိုကြောင်း၊ ကူညီကယ်ဆယ်  ရေးလုပ်ငန်းများ ဆောင်ရွက်ရာတွင် လိုအပ်သည့် တန်ချိန်များစွာကို မတင်နိုင်သည့် ကရိန်းကားများကို လည်းငလျင်ဘေးဒဏ်သင့်ဒေသများသို့ အမြန်ဆုံးစေလွှတ်ဆောင်ရွက်သွားစေရန်လိုကြောင်း ဗိုလ်ချုပ်  မှူးကြီးကပြောကြားပါတယ်။

            ရှေးဟောင်းယဉ်ကျေးမှုအမွေအနှစ်အဆောက်အဦများ ထိခိုက်ပျက်စီးခဲ့ရမှုများကို ပြန်လည်   တည်ဆောက်ရေးလုပ်ငန်းများ ဆောင်ရွက်ရာတွင် ရေရှည်တည်တံ့ခိုင်မြဲမှုရှိစေရေးနှင့် ခိုင်ခိုင်မာမာ   ဖြစ်စေရေး စနစ်တကျတွက်ချက်ဆောင်ရွက်သွားရန်လိုကြောင်း၊ မန္တလေး နန်းမြို့ရိုးတစ်လျှောက် ထိခိုက်   ပျက်စီးမှုသည် ၄၀ ရာခိုင်နှုန်းခန့်ရှိကြောင်း၊ ပြန် လည်ပြုပြင်တည်ဆောက်ခြင်းများ ဆောင်ရွက်ရာတွင် ရှေးမူလက်ရာမပျက်ဆောင်ရွက် သွားရန်နှင့် အုတ်ရိုးပြုပြင်မှုအား အရည်အသွေးမြင့်၊ စံချိန်မီ အုတ်များကို အသုံးပြု၍ မိုး မကျမီပြုပြင်ပြီးစီးနိုင်ရေး ဆောင်ရွက်သွားရန်လိုကြောင်း၊ မန္တလေးမြို့တွင်းရှိ ဘုန်းတော် ကြီးကျောင်းများတွင် အဆောက်အဦနေရာအနည်းငယ်အတွင်း သံဃာတော်များ အများအပြား  သီတင်း  သုံးနေထိုင်လျက်ရှိသဖြင့် သံဃာတော်များအားလုံး၏ ဆွမ်းကွမ်းနှင့် ဝေရာဝစ္စကိစ္စရပ်များအားလုံး  အဆင်ပြေစေရေး သင့်လျော်သည့်စီမံမှုများဆောင်ရွက်ပေးသွားရန်လိုကြောင်း။

            ယခုဖြစ်ပေါ်ခဲ့သည့် ငလျင်ဘေးဒဏ်ကြောင့်ထိခိုက်ပျက်စီးခဲ့ရမှုများကို သင်ခန်းစာ ယူ၍ လမ်း  တံတားနှင့် အဆောက်အဦများ ဆောက်လုပ်ရာတွင် သဘာဝဘေးအန္တရာယ် ခံနိုင်ရည်စံနှုန်းများကို စနစ်  တကျတွက်ချက်ဆောက်လုပ်စေရေး စစ်ဆေးကြပ်မတ်ဆောင်ရွက်သွားရန်လိုကြောင်း၊ ယခုလှုပ်ခတ်ခဲ့ သည့် ငလျင်ဆိုင်ရာ အချက်အလက်နှင့် ဖြစ်ပေါ်မှုများကိုလည်း စနစ်တကျ မှတ်တမ်းပြုစုထားရှိရန်နှင့် ထုတ်ပြန်မှုများ ဆောင်ရွက်ပေး သွားရန်လိုကြောင်း။

ကူညီကယ်ဆယ်ရေးနှင့် ထောက်ပံ့ရေးပစ္စည်းများ ပေးအပ်ရာတွင်လည်း ငလျင် ဘေးဒဏ်သင့်ခဲ့ရသူများ အားလုံး၊ ရသင့်ရထိုက်သူများ အားလုံးရရှိစေရေး စနစ်တကျ စာရင်းပြုစုဆောင်ရွက်သွားရန်လိုပြီး စားရေး၊ သောက်ရေး အဆင်ပြေအောင်ဆောင်ရွက် ပေးသွားရန်လိုကြောင်း၊  စာရင်းများ မထပ်စေရေးနှင့် ကျန်နေခဲ့ရသူများ မရှိစေရေး မျှမျှတတဖြစ်စေရေး တာဝန်ရှိသူများအားလုံးက ကြပ်ကြပ်မတ်မတ်ဖြင့် စနစ်တကျစာရင်းကောက်ယူပြုစုဆောင်ရွက်သွားရန်လိုကြောင်း၊ မိမိတို့အနေဖြင့် ပြန်လည် ထူထောင်  ရေးဆိုင်ရာကိစ္စရပ်များကို များစွာဆောင်ရွက်သွားရမည်ဖြစ်ပြီး ဦးစားပေး အဆင့်အလိုက် အမြန်ဆုံး   ဆောင်ရွက်ပေးသွားရန်လိုကြောင်း ဗိုလ်ချုပ်မှူးကြီးက မှာကြားခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

#World_Health
Published 30 March 2025

▪️ ခန္ဓာကိုယ်ရဲ့ ကိုယ်ခံအားစနစ်က ဗိုင်းရပ်စ်တွေ ဘက်တီးရီးယားတွေကနေ ကာကွယ်ပေးနေပေမယ့် ပူပြင်းခြောက်သွေ့တဲ့လေ၊ အပူချိန် အတက်အကျတွေကြောင့် အအေးမိတာတွေ ဖြစ်နိုင်ပါတယ်။

▪️ ဒီအတွက် ခန္ဓာကိုယ်ကို ကောင်းစွာကာကွယ်နိုင်ဖို့ ဘာတွေအရေးကြီးလဲဆိုရင်..

(၁) အာဟာရဓာတ်
▪️ အာဟာရဓာတ် ထောက်ပံ့မှုက ရောဂါခုခံအားစနစ်ကို အကျိုးရှိစေပြီး ကျန်းမာရေးနဲ့ ညီညွတ်စွာ မျှတတဲ့ အစားအစာတွေက ခန္ဓာကိုယ်တစ်ခုလုံးရဲ့ ကျန်းမာရေးကို ထောက်ကူပေးပါတယ်။

(၂) ဗိုက်တာမင်-စီ
▪️ အက်စ်ကောဘစ်အက်ဆစ်ဖြစ်တဲ့ ဗိုက်တာမင်-စီက ကိုယ်ခံအားစနစ်နဲ့ ပတ်သက်လာရင် လူသိအများဆုံး ဗိုက်တာမင်ဖြစ်ပြီး ရောဂါခုခံအားစနစ်ကို ပုံမှန်အလုပ်လုပ်စေကာ တစ်နေ့ကို ဗိုက်တာမင်-စီ ၁၀၀-၂၀၀ မီလီဂရမ်စားသုံးပေးသင့်ပါတယ်။

(၃) ဗိုက်တာမင်-ဒီ
▪️ အရိုးအတွက် အရေးကြီးတယ်လို့သိထားတဲ့ ဗိုက်တာမင်-ဒီက ကိုယ်ခံအားစနစ်မှာလည်း အရေးပါတဲ့ ဟော်မုန်းဖြစ်ကာ ခန္ဓာကိုယ်မှာ အလုံအလောက်ရှိမှသာ ရောဂါခုခံနိုင်မှာဖြစ်ပါတယ်။

(၄) ဇင့်
▪️ အင်မ်ဇိုင်း ၂၀၀ ကျော်ရဲ့လုပ်ဆောင်ချက်တွေကို ထိန်းချုပ်ထားသလို ဇီဝဖြစ်စဉ်အများအပြားမှာလည်း ပါဝင်နေပါတယ်။

(၅) အားကစား
▪️ လမ်းလျှောက်ခြင်း၊ ခပ်ဖွဖွပြေးခြင်း၊ စက်ဘီးစီးခြင်းတို့က ကိုယ်ခံအားစနစ်အတွက် အကောင်းဆုံး လေ့ကျင့်ခန်းများဖြစ်ပြီး ခွန်အားအလွန်အကျွံသုံးခြင်းကတော့ ကိုယ်ခံအားကို ဆိုးကျိုးဖြစ်စေနိုင်ပါတယ်။

(၆) ရေလုံလောက်စွာသောက်ခြင်း
▪️ ခြောက်သွေ့တဲ့အချိန်မှာ အသက်ရှူလမ်းကြောင်းရှိ အချွဲအမြှေးပါးတွေက အလျင်အမြန် ခြောက်သွေ့သွားပြီး အမြှေးပါးအမျှင်များက ရောဂါပိုးတွေကို မတားဆီးနိုင်တော့တာကြောင့် ရေအလုံအလောက် သောက်ခြင်းကလည်း ရောဂါခုခံအားအတွက် အရေးကြီးပါတယ်။

#Source: Interesticle

#World_Health
Published 30 March 2025

▪️ ခန္ဓာကိုယ်ရဲ့ ကိုယ်ခံအားစနစ်က ဗိုင်းရပ်စ်တွေ ဘက်တီးရီးယားတွေကနေ ကာကွယ်ပေးနေပေမယ့် ပူပြင်းခြောက်သွေ့တဲ့လေ၊ အပူချိန် အတက်အကျတွေကြောင့် အအေးမိတာတွေ ဖြစ်နိုင်ပါတယ်။

▪️ ဒီအတွက် ခန္ဓာကိုယ်ကို ကောင်းစွာကာကွယ်နိုင်ဖို့ ဘာတွေအရေးကြီးလဲဆိုရင်..

(၁) အာဟာရဓာတ်
▪️ အာဟာရဓာတ် ထောက်ပံ့မှုက ရောဂါခုခံအားစနစ်ကို အကျိုးရှိစေပြီး ကျန်းမာရေးနဲ့ ညီညွတ်စွာ မျှတတဲ့ အစားအစာတွေက ခန္ဓာကိုယ်တစ်ခုလုံးရဲ့ ကျန်းမာရေးကို ထောက်ကူပေးပါတယ်။

(၂) ဗိုက်တာမင်-စီ
▪️ အက်စ်ကောဘစ်အက်ဆစ်ဖြစ်တဲ့ ဗိုက်တာမင်-စီက ကိုယ်ခံအားစနစ်နဲ့ ပတ်သက်လာရင် လူသိအများဆုံး ဗိုက်တာမင်ဖြစ်ပြီး ရောဂါခုခံအားစနစ်ကို ပုံမှန်အလုပ်လုပ်စေကာ တစ်နေ့ကို ဗိုက်တာမင်-စီ ၁၀၀-၂၀၀ မီလီဂရမ်စားသုံးပေးသင့်ပါတယ်။

(၃) ဗိုက်တာမင်-ဒီ
▪️ အရိုးအတွက် အရေးကြီးတယ်လို့သိထားတဲ့ ဗိုက်တာမင်-ဒီက ကိုယ်ခံအားစနစ်မှာလည်း အရေးပါတဲ့ ဟော်မုန်းဖြစ်ကာ ခန္ဓာကိုယ်မှာ အလုံအလောက်ရှိမှသာ ရောဂါခုခံနိုင်မှာဖြစ်ပါတယ်။

(၄) ဇင့်
▪️ အင်မ်ဇိုင်း ၂၀၀ ကျော်ရဲ့လုပ်ဆောင်ချက်တွေကို ထိန်းချုပ်ထားသလို ဇီဝဖြစ်စဉ်အများအပြားမှာလည်း ပါဝင်နေပါတယ်။

(၅) အားကစား
▪️ လမ်းလျှောက်ခြင်း၊ ခပ်ဖွဖွပြေးခြင်း၊ စက်ဘီးစီးခြင်းတို့က ကိုယ်ခံအားစနစ်အတွက် အကောင်းဆုံး လေ့ကျင့်ခန်းများဖြစ်ပြီး ခွန်အားအလွန်အကျွံသုံးခြင်းကတော့ ကိုယ်ခံအားကို ဆိုးကျိုးဖြစ်စေနိုင်ပါတယ်။

(၆) ရေလုံလောက်စွာသောက်ခြင်း
▪️ ခြောက်သွေ့တဲ့အချိန်မှာ အသက်ရှူလမ်းကြောင်းရှိ အချွဲအမြှေးပါးတွေက အလျင်အမြန် ခြောက်သွေ့သွားပြီး အမြှေးပါးအမျှင်များက ရောဂါပိုးတွေကို မတားဆီးနိုင်တော့တာကြောင့် ရေအလုံအလောက် သောက်ခြင်းကလည်း ရောဂါခုခံအားအတွက် အရေးကြီးပါတယ်။

#Source: Interesticle

#World_Health
Published 30 March 2025

▪️ Ashtangaယောဂဟာ လှုပ်ရှားမှုနဲ့ ဖွဲ့စည်းမှုပုံစံယောဂတစ်မျိုးဖြစ်ပြီး ရုပ်ပိုင်းဆိုင်ရာနဲ့ စိတ်ကျန်းမာရေးတို့အပေါ် သက်ရောက်စေတယ်လို့ လူပြောများလာပါတယ်။

▪️ ရှေးဟောင်းအိန္ဒိယရိုးရာကနေ အခြေခံလာပြီး စည်းချက်ညီ အသက်ရှူခြင်းနဲ့ အကျုံ့အဆန့်၊ ခွန်အား၊ စိတ်စွမ်းအင်တို့ကို မြှင့်တင်တဲ့ ကိုယ်နေဟန်ထားပုံစံ ဖြစ်ပါတယ်။

▪️ နာတာရှည်ဝေဒနာတွေကစလို့ စိတ်ကျန်းမာရေး ပြဿနာတွေအထိ သက်သာစေတယ်လို့ ကျန်းမာရေးလိုက်စားသူတွေက ဆိုလာကြပါတယ်။

▪️ Ashtangaယောဂကို ကမ္ဘာကျော် ဆယ်လီတွေကပါ ကျင့်ကြံနေကြတယ်လို့ သိထားပါတယ်။

▪️ ကျန်းမာရေးပြဿနာတွေအတွက် Ashtangaယောဂက ဘယ်လိုအကျိုးကျေးဇူးပေးလဲဆိုတော့..

▪️ (၁) နှလုံးကျန်းမာရေး ထောက်ပံ့ပေးကာ သွေးပေါင်ချိန်ကျစေပြီး နှလုံးခုန်နှုန်းထိန်းညှိပေးနိုင်ပါတယ်။ သွေးလည်ပတ်မှုကောင်းစေပြီး နှလုံးကို ကြံ့ခိုင်သန်မာစေပါတယ်။

▪️ (၂) Ashtangaယောဂက သွေးတွင်းဂလူးကို့စ်ပမာဏကို လျော့ကျစေကာ ဆီးချိုလူနာတွေမှာ ဇီဝကမ္မဖြစ်စဉ် တိုးတက်စေသဖြင့် ဆီးချိုထိန်းချုပ်ရာမှာ အထောက်အကူဖြစ်ပါတယ်။

▪️ (၃) ကော်တီစောလ်ပမာဏ သိသိသာသာ လျော့ကျစေသဖြင့် ပူပန်စိတ်၊ စိတ်ဓာတ်ကျလက္ခဏာများကို လျော့ကျစေပါတယ်။

▪️ (၄) အကြောပျော့စေပြီး လှုပ်ရှားနိုင်စွမ်းမြှင့်တင်ပေးကာ အဆစ်ရောင်ခြင်း၊ ကြွက်သားအားနည်းခြင်း၊ ခါးကိုက်ခြင်းဝေဒနာများကို သက်သာစေပါတယ်။

▪️ (၅) အသက်ရှူထိန်းချုပ်ရတဲ့ နည်းစနစ်ကြောင့် အဆုတ်လုပ်ဆောင်ချက် တိုးတက်စေပြီး အောက်ဆီဂျင်ပိုမိုရရှိစေပါတယ်။

▪️ (၆) ခန္ဓာကိုယ်လှည့်ရတဲ့ ပုံစံတွေကြောင့် အစာခြေစနစ်ကို လှုံ့ဆော်ပေးကာ လေပွခြင်းမှ ကာကွယ်ပေးပြီး အူလမ်းကြောင်းကျန်းမာရေး မြှင့်တင်နိုင်ပါတယ်။

▪️ (၇) ကိုယ်လက်လှုပ်ရှားမှုနဲ့ အဆိပ်အတောက် ဖယ်ရှားခြင်းကို အားပေးပြီး ကိုယ်ခံအားစနစ် သန်မာစေပါတယ်။

▪️ Ashtangaယောဂက ရောဂါကုသနည်းတော့ မဟုတ်ပေမယ့် ဖြည့်စွက်လေ့ကျင့်ပေးခြင်းဖြင့် ကျန်းမာရေးကို အထောက်အကူ ပြုနိုင်မှာဖြစ်ပါတယ်။

#Source: DoctorNDTV

မတ် ၂၉ ၂၀၂၅

မြန်မာငလျင်ဘေး ကယ်ဆယ်ရေးလုပ်ငန်းများကူညီဆောင်ရွက်ပေးရန်အတွက် အိန္ဒိယအစိုးရက စေလွှတ်လိုက်တဲ့ အဖွဲ့ဝင် ၈၀ ဦးပါဝင်တဲ့ ကယ်ဆယ်ရေးအဖွဲ့သည် ယနေ့ မတ် ၂၉ ရက် ညတွင် အထူးလေယာဉ်နှစ်စီးဖြင့် နေပြည်တော်လေဆိပ်သို့ ဆင်းသက်ရောက်ရှိခဲ့ပါတယ်။

အဆိုပါအိန္ဒိယလေယာဉ်နှစ်စီးသည် ငလျင်ဘေးဒဏ်ခံရပြီးနောက် နေပြည်တော်လေဆိပ်သို့ တိုက်ရိုက် ဆင်းသက်တဲ့ ပထမဆုံးသော နိုင်ငံရပ်ခြား ကယ်ဆယ်ရေးလေယာဉ်ဖြစ်ပါတယ်။

လေယာဉ်မှူးများရဲ့ကျွမ်းကျင်မှုကြောင့်  နေပြည်တော်လေဆိပ်သို့ အခက်အခဲမရှိ ဆင်းသက်နိုင်ခဲ့တယ် လို့ ဆိုပါတယ်။

အဆိုပါ ကယ်ဆယ်ရေးကျွမ်းကျင်အဖွဲ့နှင်ကယ်ဆယ်ရေးပစ္စည်းများကို  နေပြည်တော်မှ မန္တလေးမြို့သို့ နိုင်ငံတော်မှ ရဟတ်ယာဉ်များနှင့်ကားများ ဖြင့် ညတွင်းချင်းဆက်လက်ပို့ဆောင်ပေးခဲ့  တယ်လို့သိရ ပါတယ်။

ကယ်ဆယ်ရေးအဖွဲ့များ အိန္ဒိယမှဆက်လက်ရောက်ရှိလာဦးမယ်လို့သိရပါတယ်။

@ymg/knl

အမေရိကန်သမ္မတ ဒေါ်နယ်ထရမ့်မှ တင်သွင်းမော်တော်ယာဉ်များအပေါ် အသစ်ချမှတ်လိုက်တဲ့ အခွန်နဲ့ ပတ်သက်ပြီး ဝယ်ယူသူတွေကို ထိခိုက်စေကာ တန်ဖိုးမြင့်ကားများရှိတဲ့ မော်တော်ယာဉ်လုပ်ငန်းများအတွက် ထိုးနှက်ချက်ကြီး ဖြစ်လာမယ်လို့ အမေရိကန်မော်တော်ကားလုပ်ငန်းအတွင်းလူများက သတိပေးလိုက်ပါတယ်။
#World_Industry
Published 29 March 2025
#အမေရိကန်အခွန်တိုးမြှင့်စည်းကြပ် #အမေရိကန်မော်တော်ကားလုပ်ငန်း
#YMG #Yangon_Times #Yangon_Media_Group