၂၀ ဇူလိုင် ၂၀၂၅

နယူးယောက်ပြည်နယ်၊ ဝက်စ်ဘူရီမြို့ရှိ ဆေးဘက်ဆိုင်ရာ အဆောက်အအုံတစ်ခုတွင် သံလိုက်စက် ကွင်းပဲ့တင်သံ ရုပ်ပုံဖော်စက် (MRI) ထဲသို့ ဆွဲငင်ခံရပြီးနောက် လောင်းအိုင်လန်မှ အသက် ၆၁ နှစ်အရွယ် ကိတ် မက်အဲလိစ်တာ သေဆုံးသွားကြောင်း အာဏာပိုင်များက အတည်ပြုခဲ့သည်။

အဆိုပါ ဖြစ်ရပ်သည် ဗုဒ္ဓဟူးနေ့က Nassau Open MRI တွင် ဖြစ်ပွားခဲ့ခြင်းဖြစ်ပြီး မက်အဲလိစ်တာသည် သူ၏ဇနီးဖြစ်သူ Adrienne Jones-McAllister ဒူးကို စကင်ဖတ်ရန်အတွက် လိုက်ပါလာခဲ့ခြင်းဖြစ်သည်။

ဇနီးဖြစ်သူAdrienne ၏ ပြောကြားချက်အရ သူမ၏ခင်ပွန်းသည် စကင်ဖတ်သည့် စားပွဲမှ သူမ မတ်တပ်ထရပ်နိုင်ဖို့ ကူညီရန်အတွက် MRI အခန်းထဲသို့ ဝင်ရောက်သွားစဉ် အားပြင်းသော သံလိုက်စက်ကွင်းတစ်ခုက  စတင်အလုပ်လုပ်ခဲ့ကြောင်း သိရသည်။

"သူ့ကိုယ်လုံးက ပျော့ခွေသွားတယ်" ဟု News 12 Long Island သို့ သူမက ပြောကြားခဲ့သည်။ "ကျွန်မ လက်ထဲမှာ သူ ပျော့ခွေသွားတာ အခုထိ ကျွန်မ ဦးနှောက်ထဲမှာ စွဲနေတုန်းပဲ" ဟု ဆိုသည်။

Adrienne နှင့် တာဝန်ကျ MRI နည်းပညာရှင်တို့က မက်အဲလိစ်တာကို စက်မှ ဆွဲထုတ်ရန် ကြိုးစားခဲ့ကြသော်လည်း မအောင်မြင်ခဲ့ကြောင်း သိရသည်။

မက်အဲလိစ်တာသည် လေးလံသော သော့နှင့် သံကြိုးကြီးကို ဝတ်ဆင်ထားခဲ့ပြီး ယင်းသံကြိုးကြောင့် အားပြင်းသော MRI သံလိုက်စက်က သူ့အား စက်ထဲသို့ ဆွဲသွင်းခဲ့ခြင်းဖြစ်ကြောင်း ရဲတပ်ဖွဲ့က ပြောကြားခဲ့သည်။ စိုးရိမ်ရသည့် အခြေအနေကြောင့် သူ့ကို ဆေးရုံသို့ အလျင်အမြန် ပို့ဆောင်ခဲ့သော်  လည်း နောက်တစ်နေ့တွင် ဒဏ်ရာများဖြင့် သေဆုံးသွားခဲ့သည်။

Adrienne က သူမ၏ခင်ပွန်းသည် ကိုယ်အလေးချိန် လေ့ကျင့်ခန်းများအတွက် အလေးချိန် ပေါင် ၂၀ ရှိသော သံကြိုးကို ပုံမှန်ဝတ်ဆင်လေ့ရှိပြီး ယင်းဆေးဘက်ဆိုင်ရာ အဆောက်အအုံသို့လည်း ယခင်က ရောက်ဖူးကြောင်း ပြောကြားခဲ့သည်။

"အဲ့ဒီလူ (နည်းပညာရှင်) က အဲ့ဒီသံကြိုးကို ပထမဆုံးအကြိမ် မြင်တာမဟုတ်ဘူး။ သူတို့ အရင်ကလည်း အဲ့ဒီအကြောင်း ပြောဖူးတယ်" ဟု သူမက ဆိုသည်။

Nassau ကောင်တီရဲဌာန၏ လူသတ်မှု စုံစမ်းစစ်ဆေးရေးအဖွဲ့က အဆိုပါ ဖြစ်ရပ်ကို စုံစမ်းစစ်ဆေးလျက်ရှိသည်။ ယခုအချိန်အထိ မည်သည့် စွဲချက်မှ မတင်ရသေးပေ။

အဆိုပါ ကြေကွဲဖွယ်ရာ ဖြစ်ရပ်အပြီးတွင် ဆေးဘက်ဆိုင်ရာ ပညာရှင်များက MRI ဘေးကင်းရေး လုပ်ထုံးလုပ်နည်းများ၏ အရေးကြီးပုံကို ပြောကြားခဲ့ကြသည်။

North Shore တက္ကသိုလ်ဆေးရုံမှ ဆရာဝန် Payal Sud က "အန္တရာယ်တွေက အလွန်ကြီးမားနိုင်ပါတယ်။ ဒါကြောင့် ဘေးကင်းရေး ကြိုတင်ကာကွယ်မှုတွေ အားလုံးကို ဘာကြောင့် လုပ်ထားရတာ လဲဆိုတာကိုလည်း ထောက်ပြနေပါတယ်" ဟု CBS New York သို့ ပြောကြားခဲ့သည်။

MRI စက်၏ ပြင်းထန်သော သံလိုက်စက်ကွင်းကြောင့် လူနာများအား MRI စကင်မဖတ်မီ လက်ဝတ်ရတနာများ၊ ခါးပတ်များ၊ အချို့အဝတ်အစားများ အပါအဝင် သတ္တုပစ္စည်းများ အားလုံးကို ဖယ်ရှားရန် လိုအပ်သည်။

"အဲဒါက သံလိုက်စက်ကွင်းရဲ့ အလယ်ဗဟိုကို ဝင်ဖို့ ကြိုးစားနေတဲ့ တော်ပီဒိုလိုမျိုးနှင့်တူသွားလိမ့်မယ်" ဟု ဆေးရုံ၏ ပုံရိပ်ဖော်ဝန်ဆောင်မှုဌာန ဒါရိုက်တာ Charles Winterfeldt က CBS New York သို့ ပြောကြားခဲ့သည်။

Source:hindustantimes.com

၂၀ ဇူလိုင် ၂၀၂၅

ဆော်ဒီအာရေဗျ တော်ဝင်မင်းသားတစ်ပါးဖြစ်သူ မင်းသား အလ်-ဝါလစ် ဘင် ခါလစ် အလ်-ဆော့ဒ် (Prince Al-Waleed bin Khalid Al-Saud) သည် လန်ဒန်တွင် ၂၀၀၅ ခုနှစ်က ဖြစ်ပွားခဲ့သော ကြောက်မက်ဖွယ် ကားမတော်တဆမှုတစ်ခုကြောင့် ၁၅ နှစ်သားအရွယ်ကတည်းက သတိမေ့မြောခဲ့ရာ ဆယ်စုနှစ် နှစ်စုကျော်အကြာ ယခုအခါ အသက် ၃၆ နှစ်တွင် ကွယ်လွန်သွားပြီဖြစ်သည်။

ထိုဆိုးရွားသည့် မတော်တဆမှုတွင် မင်းသား အလ်-ဝါလစ်သည် ဦးနှောက်သွေးကြောပေါက်ကာ ကိုယ်တွင်းသွေးယိုစီးမှုများ ဖြစ်ပွားခဲ့သည်။ "အိပ်ပျော်နေသော မင်းသား" ဟု လူသိများသော ၎င်းအား ဆေးရုံတွင် အသက်ရှူစက်ဖြင့် ထိန်းထားခဲ့သော်လည်း သတိအပြည့်အဝ ပြန်လည်မရရှိခဲ့ပေ။

မင်းသား အလ်-ဝါလစ်သည် မင်းသား ခါလက်ဒ် ဘင် တာလာ အလ် ဆော့ဒ် (Prince Khaled bin Talal Al Saud) ၏ အကြီးဆုံးသားဖြစ်ပြီး ဖခင်ဖြစ်သူက ယနေ့ X (ယခင် Twitter) တွင် ဝမ်းနည်းဖွယ်ပို့စ်တစ်ခုဖြင့် သားဖြစ်သူ၏ ကွယ်လွန်ခြင်းကို အတည်ပြုခဲ့သည်။

ကုရ်အာန်ကျမ်းလာ စာသားတစ်ခုကို ကိုးကား၍ သူက "အလ္လာဟ်အရှင်မြတ်၏ အလိုတော်နှင့် ပြဋ္ဌာန်းချက်ကို ယုံကြည်သောနှလုံးသားများဖြင့် ကျွန်ုပ်တို့၏ ချစ်လှစွာသောသား၊ မင်းသား အလ်-ဝါလစ် ဘင် ခါလက်ဒ် ဘင် တာလာ ဘင် အဘ်ဒူလာဇစ် အလ် ဆော့ဒ်  သည် ယနေ့ ကွယ်လွန်သွားပြီဖြစ်ပါသဖြင့် အလွန်အမင်း  အလွန်ပင်ဝမ်းနည်းကြေကွဲစွာကြရပါသည်။ အလ္လာဟ်အရှင်မြတ် ကောင်းကင်ဘုံသို့ ပို့ ဆောင်ပါစေ" ဟု ရေးသားခဲ့သည်။

မင်းသား အလ်-ဝါလစ်သည် လန်ဒန်ရှိ စစ်ကောလိပ်တွင် ပညာသင်ကြားနေစဉ် ဆိုးရွားပြင်းထန်လှသော ကားမတော်တဆမှုတွင် ပါဝင်ခဲ့ရခြင်းဖြစ်သည်။ မတော်တဆမှုဖြစ်ပွားပြီးနောက် ဆော်ဒီအာရေဗျ  မြို့တော် ရီယာ့ဒ် (Riyadh) ရှိ King Abdulaziz Medical City ဆေးရုံသို့ တင်ပို့ခဲ့ရပြီး ထိုအချိန်မှစ၍ သတိမေ့မြောနေခဲ့သည်။

မင်းသား အလ်-ဝါလစ်၏ ဖခင်သည် သားဖြစ်သူ တစ်နေ့နေ့တွင် အပြည့်အဝ ပြန်လည် သက်သာလာမည်ဟု မျှော်လင့်ချက်ကို ဘယ်သောအခါမျှ လက်မလွှတ်ခဲ့ပေ။ သူသည် မင်းသားအား ပြုစုစောင့်ရှောက်ရာတွင် ဆက်လက်ပါဝင်ခဲ့ပြီး အသက်ကယ်စက်ဖြုတ်ရန် တောင်းဆိုမှုများကို ပြတ်ပြတ် သားသား ငြင်းပယ်ခဲ့သည်။

ကွယ်လွန်ကြောင်း ကြေညာပြီးနောက် "အိပ်ပျော်နေသော မင်းသား" (Sleeping Prince) ဟက်ရှ်တက်ဂ် hashtag သည် လူမှုမီဒီယာတွင် ကျယ်ကျယ်ပြန့်ပြန့် ခေတ်စားခဲ့ပြီး ထောင်နှင့်ချီသော လူများက ဝမ်းနည်းကြောင်း သဝဏ်လွှာများ ပေးပို့ခဲ့ကြသည်။

"မင်းသား အလ်-ဝါလစ် ဘင် ခါလက်ဒ် ကောင်းရာဘုံဘဝ ရောက်ပါစေ။ သူ့ကိုချစ်ခင်ရသူများအတွက် အနက်ရှိုင်းဆုံး ဝမ်းနည်းကြေကွဲမိပါတယ်" ဟု တစ်ဦးက ရေးသားခဲ့သည်။ "ကမ္ဘာမြေပေါ်က မင်းရဲ့အချိန်တွေဟာ မင်းရဲ့မိသားစုနဲ့ ကမ္ဘာအတွက် ကောင်းချီးမင်္ဂလာပါပဲ" ဟု နောက်တစ်ဦးက ဆိုသည်။ "နူးညံ့သိမ်မွေ့တဲ့ သူရဲ့ဝိညာဉ် ငြိမ်းချမ်းစွာ အနားယူနိုင်ပါစေ" ဟု တတိယတစ်ဦးက ပြောကြားခဲ့သည်။

မင်းသားအတွက် နာရေးဆုတောင်းပွဲများကို ယနေ့ ရီယာ့ဒ်ရှိ Imam Turki bin Abdullah Mosque တွင် ပြုလုပ်သွားမည်ဖြစ်သည်။

Source: nypost.com

#World_Science
Published 20 July, 2025

▪️ လွန်ခဲ့တဲ့နှစ်ပေါင်း ၂၅၂ သန်းခန့်က ကမ္ဘာပေါ်က သက်ရှိအားလုံးနီးပါး ပျောက်ကွယ်ခဲ့ပါတယ်။

▪️ ရေနေမျိုးစိတ် ၉၄ ရာခိုင်နှုန်း၊ ကျောရိုးရှိသတ္တဝါ ၇၀ ရာခိုင်နှုန်း ပျောက်ကွယ်သွားပြီး အပူချိန်ထိန်းညှိပေးတဲ့ အပူပိုင်းသစ်တောတွေလည်း အလွန်အမင်း နည်းပါးသွားပါတယ်။

▪️ ဒါဟာ ရုတ်တရက် ဖန်လုံအိမ်ဓာတ်ငွေ့ မြင့်တက်ပြီး ကမ္ဘာကြီးပူနွေးလာတာကြောင့်လို့ သိပ္ပံပညာရှင်များ သဘောတူထားပါတယ်။

▪️ ဒါပေမဲ့ ဒီလိုမျိုး အလွန်အမင်း ပူပြင်းတဲ့အခြေအနေက ဘာကြောင့် နှစ်သန်းပေါင်းများစွာတိုင်အောင် ဆက်ရှိနေလဲ။

▪️ အပူပိုင်းသစ်တောများ နည်းပါးသွားခြင်းကြောင့် ကမ္ဘာကြီးဟာ ဖန်လုံအိမ်လိုဖြစ်လာစေတယ်လို့ ဖော်ပြထားပါတယ်။

▪️ ပါမီယန်-ထရိုင်ယက်ဆစ် မျိုးသုဉ်းခြင်းဖြစ်စဉ်မှာ အရည်ပူကျောက် အမြောက်အများ ပေါက်ထွက်စေပြီး ဘေးနားက ကျောက်တုံးတွေကိုပါ အရည်ပျော်စေကာ ကမ္ဘာ့လေထုထဲသို့ ကာဗွန်ဒိုင်အောက်ဆိုဒ် အများအပြားကို နှစ်ပေါင်း ၅ သိန်းလောက်အထိ ထုတ်လွှတ်စေပါတယ်။

▪️ ဒီကနေ အပူချိန်မြင့်တက်စေပြီး သက်ရှိအများစု ပျက်စီးရတဲ့အကြောင်းအရင်း ဖြစ်လာပါတယ်။

▪️ အဆိုပါ သက်ရောက်မှုတွေက ပျမ်းမျှအီကွေတာအပူချိန်ကို ၈ ဒီဂရီဆဲလ်စီးယပ်စ်ခန့် ပိုမိုမြင့်တက်စေပြီး နှစ်ပေါင်း ၅ သန်းခန့် ကြာရှည်ဖြစ်ပျက်နေပါတယ်။

▪️ ဒီထဲမှာ သစ်တာနဲ့ အပင်အများအပြား အသက်မရှင်နိုင်တော့ဘဲ အော်ဂဲနစ်ကာဗွန်စက်ဝန်း ရုတ်တရက်ထိခိုက်စေပါတယ်။

▪️ ယနေ့ခေတ်မှာဆို ရာသီဥတုပြောင်းလဲမှုတွေ ဖြစ်နေတာ ရာစုနှစ်အထိ ရှိလာပြီး သေချာအာရုံစိုက် မထိန်းသိမ်းနိုင်ရင် ဒီပြောင်းလဲမှုကြီးတွေကို ထိန်းချုပ်နိုင်မှာ မဟုတ်ပါဘူး။

#Source: The Conversation

#World_Health
Published 20 July, 2025

▪️ ရေချိုးတဲ့အခါ ရေဆူမှတ်အောက်အပူချိန်နီးပါး အသုံးပြုတာနဲ့ပတ်သက်ပြီး ဂျာမနီမှ ဒေါက်တာ မက်စ်မက်ဒါဟာလီက ပြောပြပါတယ်။

▪️ ရေပူနဲ့ရေချိုးတဲ့ပုံစံက တစ်တော့တွေမှာ ပျံ့နှံ့နေပြီး ရေဆူမှတ်အောက်အပူချိန်နီးပါးဖြင့် ရေချိုးသူတွေထဲကတစ်ချို့ မှတ်ချက်ပေးလာကြပါတယ်။

▪️ အလွန်ပူတဲ့ရေနဲ့ ထိတွေ့ခြင်းက သွေးကြောတွေ ရုတ်တရက်ကျယ်လာပြီး သွေးပေါင်ထိုးကျကာ သတိလစ်ရာကနေ ရေချိုးခန်းကြမ်းပြင်၊ နံရံတွေနဲ့ ဦးခေါင်းရိုက်မိတာမျိုး ဖြစ်နိုင်ပါတယ်။

▪️ ရေပူနဲ့ ကြာကြာထိတွေ့တဲ့အခါ အရေပြားပေါ်က အက်ဆစ်အလွှာထိခိုက်စေသဖြင့် ရေဆုံးရှုံးမှုဖြစ်ခြင်း၊ အရေပြားရောဂါများ ပိုမိုဆိုးရွားခြင်းတို့ ဖြစ်စေနိုင်ပါတယ်။

▪️ ရေကိုအပူချိန်မြင့်မားစွာဖြင့် ချိုးတဲ့အခါ သွေးပေါင်ချိန်ကျဆင်းသွားပြီး နှလုံးခုန်နှုန်းမြင့်တက်စေသဖြင့် နှလုံးသွေးကြောကျန်းမာရေးကို ထိခိုက်စေပါတယ်။

▪️ ရေနွေးနဲ့ချိုးမယ်ဆိုရင် အပူချိန် ၃၇ မှ ၃၈ ဒီဂရီဆဲလ်စီးယပ်စ်က စိတ်ချရပြီး ကြာမြင့်စွာချိုးရင်တော့ ခန္ဓာကိုယ်အပူချိန် မြင့်တက်လာကာ မူးဝေခြင်း၊ အပူလျှပ်ခြင်းတို့ ဖြစ်နိုင်ပါတယ်။

▪️ ရေအပူချိန်စမ်းသပ်တဲ့အခါမှာ လက်ကောက်ဝတ်၊ လက်မောင်းနေရာတို့ဖြင့် စမ်းသပ်နိုင်ပါတယ်။

▪️ ရေချိုးနေစဉ် ခံစားရတဲ့အခြေအနေကို သတိထားသင့်ပြီး အပူချိန်ကို အတော်အသင့်သာထားဖို့ အရေးကြီးကြောင်း ရေချိုးခန်းသုံးပစ္စည်းထုတ်လုပ်ရေး Mira Showers က ပြောထားပါတယ်။

#Source: The Jerusalem Post

အီရတ်နိုင်ငံ ကွတ်မြို့ရှိ ဈေးဝယ်စင်တာတစ်ခု မီးလောင်ကျွမ်းခဲ့ရာ သေဆုံးသူ ၆၁ ဦးအထိ ရှိလာပြီလို့ ပြည်ထဲရေးဝန်ကြီးဌာနက ကြာသပတေးနေ့မှာ အတည်ပြုလိုက်ပါတယ်။
‎#World_Accident
‎Published 19 July 2025
‎#အီရတ်ဈေးဝယ်စင်တာမီးလောင် ‎#သေဆုံးသူ(၆၁)ဦး
‎#YMG #Yangon_Times #Yangon_Media_Group

#Daily_News

Published 19 July 2025

၁။ ‌‌‌‎‎အာဇာနည်နေ့အခမ်းအနားသို့ ဗိုလ်ချုပ်မှူးကြီးမင်းအောင်လှိုင်တက်ရောက်

‎၂။ ‌‎‎‎တောင်ငူနှင့် မြို့ငါးမြို့၌ ရေကြီးနိုင်၍ မြစ်ကမ်းအနီးနေသူများရှောင်ရှားရန်သတိပေး

၃။ ‌‎စက်သုံးဆီဈေးအားလုံးတက်ရိပ်ပြလာ

၄။ ‎အီရတ်ဈေးဝယ်စင်တာမီးလောင်မှုကြောင့် သေဆုံးသူ(၆၁)ဦးအထိရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

YANGON, Myanmar – July 19, 2025 – Myanmar marked its 78th Martyrs' Day today with a ceremony at the Martyrs' Mausoleum in Yangon, where Senior General Min Aung Hlaing, Chairman of the State Administration Council (SAC) and Commander-in-Chief of Defence Services, led dignitaries in paying respects to the nation's fallen heroes.

The commemoration honored General Aung San and other leaders assassinated in 1947, a pivotal moment in Myanmar's history. Senior General Min Aung Hlaing participated in the wreath-laying ceremony, placing a wreath from the Republic of the Union of Myanmar at the mausoleum. He was joined by key officials including SAC Joint Secretary Lieutenant General Ye Win Oo, Council Member Lieutenant General Nyo Saw, Mann Nyein Maung, Chief of Staff (Army, Navy, Air) General Kyaw Swar Lin, and Union Minister for Religious Affairs and Culture U Tin Oo Lwin, who chaired the organizing committee for the event.

During the solemn ceremony, the national flag was lowered to half-mast across the country as a symbol of mourning. A guard of honor presented arms, and a military bugle band played the "Last Post," followed by a two-minute period of silent prayer and reflection.

Following the official tribute, family members and representatives of the martyr leaders, as well as delegates from various social organizations and the general public, laid their own wreaths and offered respects at the mausoleum.

At precisely 10:37 AM, the exact time of the assassinations, sirens were sounded nationwide by Myanmar Radio and Television (MRTV) and Myawaddy TV, serving as a solemn reminder of the tragic event.

Throughout the day, the Martyrs' Mausoleum, the Bogyoke Aung San Museum, and the historic Ministers' Office (Secretariat Office) were open to the public, allowing citizens to pay homage and reflect on the sacrifices made for the nation's independence.

#ymg/knl

၁၉ ဇူလိုင် ၂၀၂၅

နစကဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့ ဇူလိုင် ၁၉ ရက်နေ့တွင် ရန်ကုန်မြို့အာဇာနည်ဗိမာန်၌ ကျင်းပသည့် ၇၈ နှစ်မြောက်အာဇာနည်နေ့ အခမ်းအနား သို့တက်ရောက်ဂါရဝပြုခဲ့ပါတယ်။

ဗိုလ်ချုပ်မှူးကြီးမင်းအောင်လှိုင်သည် အာဇာနည်နေ့အခမ်းအနားသို့တက်ရောက်လာကြတဲ့ အာဇာနည်   ခေါင်းဆောင်ကြီးများ၏ မိသားစုဝင်များကိုလည်း ရင်းရင်းနှီးနှီးတွေ့ဆုံနှုတ်ဆက်ခဲ့ပါတယ်။

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် ကောင်စီတွဲဖက်အတွင်းရေးမှူးဗိုလ်ချုပ်ကြီး ရဲဝင်းဦး၊ ကောင်စီဝင် ဗိုလ်ချုပ်ကြီး ညိုစော၊ မန်းငြိမ်းမောင်၊ ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး ကျော်စွာလင်း၊ (၇၈)နှစ်မြောက်အာဇာနည်နေ့အခမ်းအနားကျင်းပရေး ဗဟိုကော်မတီဥက္ကဋ္ဌ သာသနာရေးနှင့်ယဉ်ကျေးမှု ဝန်ကြီးဌာန ပြည်ထောင်စုဝန်ကြီး ဦးတင်ဦးလွင် တို့နှင့်အတူ ဗိုလ်ချုပ်  အောင်ဆန်းနှင့်တကွ အာဇာနည် ခေါင်းဆောင်ကြီးများ၏ ဂူဗိမာန်၌ ပြည်ထောင်စုသမ္မတ မြန်မာနိုင်ငံတော်၏ လွမ်းသူ့ပန်းခွေကိုချ၍ အလေးပြုခဲ့ကြပါတယ်။

ထိုအချိန်တွင် ပြည်ထောင်စုသမ္မတမြန်မာနိုင်ငံတော်အလံကို ဝမ်းနည်းခြင်းအထိမ်းအမှတ်အဖြစ် တိုင်ဝက်သို့လျှော့ချလွှင့်ထူ၍ ဂုဏ်ပြုတပ်ဖွဲ့ဝင်များက သေနတ်မြှောက်၍လည်းကောင်း၊ စစ်ခရာအဖွဲ့က ကျဆုံးရဲဘော် အလေးပြုခရာမှုတ်၍ လည်းကောင်း အလေးပြုကြပြီးနောက် နှစ်မိနစ်ငြိမ်သက်စွာ မေတ္တာပို့သအမျှပေးဝေခဲ့ကြပါတယ်။

အဲဒီနောက် အာဇာနည်ခေါင်းဆောင်ကြီးများ၏ မိသားစုဝင်များ၊ ကိုယ်စားလှယ်များက အာဇာနည် ခေါင်းဆောင်ကြီးများ၏ ဂူဗိမာန်၌ လွမ်းသူ့ပန်းခွေချ ဂါရဝပြုကြပြီး မေတ္တာပို့သ အမျှပေးဝေကြပါတယ်။

ဆက်လက်ပြီး လူထူလူတန်းစား အဖွဲ့အစည်းအသီးသီမှ ကိုယ်စားလှယ်များ၊ အများပြည်သူများကလည်း တက်ရောက်ပြီး လွမ်းသူ့ပန်းခွေချအလေးပြုခဲ့ကြပါတယ်။

၂၀၂၅ခုနှစ်အာဇာနည်နေ့တွင် ဝမ်းနည်းခြင်းအထိမ်းအမှတ်အနေဖြင့် ပြည်ထောင်စုသမ္မတ  မြန်မာနိုင်ငံ  တော်အလံကို နိုင်ငံတစ်ဝန်းလုံး တိုင်ဝက်လွှင့်ထူခဲ့ကြပြီး အာဇာနည်ခေါင်းဆောင်ကြီးများ ကျဆုံးခဲ့သည့် နံနက် ၁၀ နာရီ ၃၇မိနစ်အချိန်တွင် မြန်မာအသံနှင့်ရုပ်မြင်သံကြား၊ မြဝတီရုပ်မြင်သံကြားတို့က ဥဩဆွဲအချက်ပေးခဲ့ပါတယ်။

ယနေ့တွင် အာဇာနည်ဗိမာန်၊ ဗိုလ်ချုပ်အောင်ဆန်းပြတိုက်၊ ဝန်ကြီးများရုံး(အတွင်းဝန်ရုံး)များသို့လည်း အများပြည်သူများက လာရောက်ဂါရဝပြုလေ့လာခဲ့ကြကြောင်း သိရှိရပါတယ်။

#ymg/knl

မုန်တိုင်းအကြွင်းအကျန် တိမ်တိုက်များနဲ့ လေဖိအားနည်းရပ်ဝန်းအခြေအနေကြောင့်လာမယ့်တစ်ပတ်အတွင်းမိုးကြီးဦးမှာဖြစ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ အထူးမိုးလေဝသသတင်းတစ်ရပ်အနေနဲ့ ထုတ်ပြန်ထားပါတယ်။
#Local_News
Published 19 July 2025
#လေဖိအားနည်းရပ်ဝန်း #မိုးလေဝသနှင့်ဇလဗေဒညွှန်ကြားမှုဦးစီးဌာန
#YMG/SW #Yangon_Times

အခုတစ်ပတ်မှာ ရန်ကုန်အထိုင် စက်သုံးဆီရည်ညွှန်းဈေးနှုန်းတွေတက်ရိပ်ပြလာပြီး အနည်းငယ်ပြန်လည်မြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုအပတ်အတွက် ထုတ်ပြန်ချက်အရ သိရပါတယ်။
#Local_News
Published 19 July 2025
#စက်သုံးဆီစျေး #အနည်းငယ်မြင့်တက်
#YMG/NN #Yangon_Times

တောင်ငူမြို့အပါအဝင် စစ်တောင်းနဲ့ ဧရာဝတီမြစ်အနီးမှာရှိတဲ့ မြို့ငါးမြို့မှာ  ရေကြီးနိုင်တာကြောင့် မြေနိမ့်ပိုင်းနဲ့ မြစ်ကမ်းအနီးနေထိုင်သူတွေ ရေလွတ်ရာရှောင်ရှားကြဖို့ မိုးလေဝသနှင့် ဇလဗေဒညွှန်ကြားမှုဦးစီးဌာနက ဒီကနေ့ မနက်ပိုင်းမှာ  သတိပေးထုတ်ပြန်ထားပါတယ်။
#Local_News
Published 19 July 2025
#မြစ်ကမ်းအနီးနေသူများ #ဇလဗေဒညွှန်ကြားမှုဦးစီးဌာန
#YMG/NN #Yangon_Times

၇၈နှစ်မြောက် အာဇာနည်နေ့ အခမ်းအနားကို ဒီကနေ့ ဇူလိုင် ၁၉ ရက်က ရန်ကုန်မြို့ရှိ အာဇာနည်ဗိမာန်မှာ ကျင်းပခဲ့ပြီး နိုင်ငံတော် စီမံအုပ်ချုပ်ရေး ကောင်စီ ဥက္ကဋ္ဌ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ အာဇာနည်ခေါင်းဆောင်ကြီးတွေရဲ့ မိသားစုဝင်တွေက လွမ်းသူ့ ပန်းခွေချ ဂါရဝပြုခဲ့တယ်လို့ သိရပါတယ်။
#Local_News
Published 19 July 2025
#‎‎အာဇာနည်နေ့အခမ်းအနား #ဗိုလ်ချုပ်မှူးကြီးမင်းအောင်လှိုင်
#YMG/NN #Yangon_Times