#Local_News
Published 28 November

▪️ ထိုင်းနိုင်ငံတွင် ရောက်ရှိနေသောမြန်မာမိဘ၂ဦးက မွေးဖွားသည့် ကလေးများ မွေးဖွားခြင်းမှတ်ပုံတင်နိုင်ကြောင်း ဘန်ကောက်မြို့ရှိမြန်မာသံရုံးက ထုတ်ပြန်ထားသည်။

▪️ ထုတ်ပြန်ချက်အရ ၁၉၈၂ ခုနှစ် မြန်မာနိုင်ငံသား ဥပဒေပုဒ်မ (၁၀)အရ ထိုင်းနိုင်ငံရောက် မြန်မာနိုင်ငံသားမိဘ (၂)ပါးမှ မွေးဖွားသည့် ကလေးများအတွက် မွေးဖွားကြောင်းကို မွေးဖွားသည့်နေ့မှစ၍ တစ်နှစ် အတွင်း မြန်မာသံရုံး၊ ဘန်ကောက်မြို့ (သို့မဟုတ်) မြန်မာကောင်စစ်ဝန်ချုပ်ရုံး၊ ချင်းမိုင်မြို့တို့တွင် အောက်ပါပုံစံများ ဖြည့်စွက်၍ မိဘ (သို့မဟုတ်) အုပ်ထိန်းသူကိုယ်တိုင်လာရောက်၍ မှတ်ပုံတင် နိုင်ကြောင်း၊‌ေလျှာက်ထားရာတွင်ကလေးမွေးဖွားကြောင်း မွေးစာရင်းမိတ္တူ (အင်္ဂလိပ်ဘာသာပြန်) နှင့်အတူ မွေးဖွားသည့်နေ့မှစ၍ တစ်နှစ်အတွင်း မိဘ (သို့မဟုတ်) အုပ်ထိန်းသူက မြန်မာသံရုံး၊ ဘန်ကောက်မြို့  (သို့မဟုတ်) မြန်မာကောင်စစ်ဝန်ချုပ်ရုံး၊ ချင်းမိုင်မြို့သို့ လာရောက်၍ နိုင်ငံတော်ပြင်ပတွင် ကလေးမွေးဖွားခြင်းမှတ်တမ်း (ပုံစံ နိုင်-၈) ပူးတွဲ(က)ပါအား ဖြည့်စွက်၍ လာရောက်မှတ်ပုံတင်နိုင်ကြောင်း၊

▪️ ယင်းသို့မှတ်ပုံတင်ရာတွင် မိဘနှစ်ပါး၏ မြန်မာနိုင်ငံကူးလက်မှတ်မိတ္တူ၊ နိုင်ငံသားစိစစ်ရေးကတ်ပြားမိတ္တူ၊ မိဘနှစ်ပါး၏ လျှောက်လွှာနှင့် ဝန်ခံကတိပြုချက်မိတ္တူတို့ကို ပူးတွဲတင်ပြရမည်။ ကောင်စစ်အရာရှိများမှ လုပ်ထုံးလုပ်နည်းနှင့်အညီ စိစစ်၍ သက်ဆိုင်ရာဝန်ကြီးဌာနသို့ တင်ပြအတည်ပြုချက်ရယူခြင်း၊ နိုင်ငံတော် ပြင်ပတွင် မွေးဖွားသော နိုင်ငံသားအတွက် မွေးဖွားကြောင်း မှတ်ပုံတင်ခြင်း၊ မိဘ၏ နိုင်ငံသားလက်မှတ်တွင် အမည်ထည့်သွင်းခြင်းတို့ကို ဆက်လက်ဆောင်ရွက်သွားမည်ဖြစ်‌ကြောင်း သိရသည်။

▪️ ထို့အပြင်မြန်မာနိုင်ငံသားမိဘ(၂)ပါးမှ ထိုင်းနိုင်ငံတွင် မွေးဖွားသည့် ကလေးများအတွက် မွေးဖွားခြင်းမှတ်ပုံတင်ပြီးပါက ထိုင်းနိုင်ငံတွင် ဆက်လက်နေထိုင်ရန်လိုအပ်ပါကစာရွက်စာတမ်းများ ပူးတွဲ(ခ)နှင့်အတူ မြန်မာနိုင်ငံကူးလက်မှတ် (မွေးတိုး) အား မြန်မာသံရုံး၊ ဘန်ကောက်မြို့နှင့် မြန်မာကောင်စစ်ဝန်ချုပ်ရုံး ချင်းမိုင်မြို့တို့၌ လျှောက်ထားနိုင်ကြောင်း သိရသည်။

#YMG/SW#Yangon_Times

#Local_News
Published 28 November 2024

▪️ ရုရှားနိုင်ငံက မြန်မာနိုင်ငံမှအလုပ်သမားများခေါ်ယူမှုစတင်နေပြီဖြစ်ပြီး ရုရှားနိုင်ငံ၏ လုပ်သားခေါ်ယူမှုပုံစံသည်နှစ်နိုင်ငံသဘောတူစာချုပ် (MOU) အရ အခမဲ့စနစ် (Zero-Cost) ဖြစ်ကြောင်း မြန်မာနိုင်ငံ ပြည်ပအလုပ်အကိုင် အေဂျင်စီများအဖွဲ့ချုပ် (MOEAF)မှ သိရသည်။

▪️ ထိုသို့ အခမဲ့စနစ်(Zero-Cost)ဖြစ်သောကြောင့် မြန်မာနိုင်ငံမှသွားရောက်အလုပ်လုပ်ကိုင်မည့်သူများအ‌ေနဖြင့် အခြေခံကုန်ကျစရိတ်အနည်းငယ်သာကုန်ကျမည်ဖြစ်ကြောင်း MOEAF တာဝန်ရှိသူတစ်ဦးက‌ပြောသည်။

▪️ ရုရှားဖက်မှ လုပ်သားခေါ်ယူရာတွင် ကုန်ထုတ်လုပ်ငန်း၊ စိုက်ပျိုးရေး၊ မွေးမြူရေးကဏ္ဍများအတွက် ခေါ်ယူမည်ဖြစ်ကြောင်း၊ရုရှားသို့လုပ်သားများစေလွတ်ရန်အတွက် ြပည်တွင်းမှအလုပ်အကိုင်အေဂျင်စီအချို့ပြင်ဆင်မှုများစတင် ပြုလုပ်နေပြီဖြစ်ပြီး ရုရှားအစိုးရဘက်မှလည်းလုပ်သားသစ်စုဆောင်းခြင်းအတွက် ဘာသာစကားသင်တန်းများစတင် ပေးနေပြီဖြစ်ကြောင်း သိရသည်။

▪️ အစိုးရအနေဖြင့်မြန်မာလုပ်သားများကို ပြည်ပသို့MOU စနစ်ဖြင့်စေလွှတ်ရာတွင် ထိုင်း၊ ဂျပန်နှင့်ကိုရီးယားနိုင်ငံများသို့ အများဆုံးစေလွတ်လျက်ရှိကြောင်း သိရသည်။

#YMG/SW#Yangon_Times

၂၈ နိုဝင်ဘာ ၂၀၂၄

အမေရိကန်ရွေးကောက်ခံသမ္မတ ဒေါ်နယ်ထရမ့်ဟာ တစ်ခါက သူ့ကို ဖေ့စ်ဘုတ်ခ်မှာ ပိတ်ပင်ခဲ့တဲ့ Meta ရဲ့စီအီးအို မတ်ဇူကာဘတ်နှင့် ဖလော်ရီဒါရှိ ထရမ့်ရဲ့ မာအာလာဂိုကလပ်မှာ နိုဝင်ဘာ ၂၇ ရက်ဗုဒ္ဓဟူးနေ့က ညစာစားရင်း တွေ့ဆုံခဲ့ပါတယ်။

ထရမ့်ရဲ့ ဒုတိယသက်တမ်းမှာ ဒုတိယရုံးအဖွဲ့အကြီးအကဲအဖြစ်ခန့်အပ်ခံထားရတဲ့ စတိဖင်မီလာက  ဇူကာဘတ်ဟာ အခြားသော စီးပွားရေးခေါင်းဆောင်တွေလိုပဲ ထရမ့်ရဲ့ စီပွားရေးအစီအစဉ်ကို ထောက်ခံ ခဲ့တယ်လို့ ထုတ်ဖော်ပြောပါတယ်။

ထရမ့်နှင့်ဆက်ဆံရေးတွေ ဆိုးရွားပြီးနောက် ဇူကာဘတ်ဟာ လက်ယာဝါဒီတွေအပေါ် သူ့ရဲ့အမြင်တွေ ပြောင်းဖို့ကြိုးစားနေတာဖြစ်တယ်လို့ သတင်းတွေကရေးသားပါတယ်။

“ မတ်ခ်ကြည့်ရတာ သူ့ကိုယ်ကျိုးရှိနေတာထင်ရှားတယ်။ သူမှာ ကိုယ်ပိုင်ကုမ္ပဏီနှင့် ကိုယ်ပိုင်   အစီအစဉ်အာဂျင်ဒါတွေရှိနေတယ်” လို့ မီလာက ဖောက်စ်သတင်းဌာနနှင့် တွေ့ဆုံမှုအကြောင်း မေးမြန်း   ခန်းမှာ ဖြေကြားခဲ့ပါတယ်။

ဒါပေမယ့် ထရမ့်ရဲ့ခေါင်းဆောင်မှုအောက်မှာ အမေရိကန်ရဲ့ အမျိုးသားပြန်လည်သစ်လွင်မှုအစီအစဉ်ကို ထောက်ခံလိုတယ်ဆိုတာကို သူကရှင်းရှင်းလင်းလင်းပြသခဲ့တယ်လို့လည်း မီလာကဆိုပါတယ်။

ဇူကာဘတ်ရဲ့ ပြောရေးဆိုခွင့်ရှိသူတစ်ဦးက တွေ့ဆုံမှုကို အတည်ပြုပါတယ်။ ဇူကာဘတ်ဟာ ညစာအတူ စားဖို့ ထရမ့်ကဖိတ်ကြားခဲ့တာဖြစ်ပြီးထရမ့်နှင့်သူ့အဖွဲ့ဟာ လာမယ့်အစိုးရအကြောင်း ပြောဆိုဆွေးနွေး ခဲ့တာဖြစ်တယ်လို့ သူကဆက်ပြောပါတယ်။

ထရမ့်ဟာ ၂၀၂၁ ခုနှစ် ဇန်နဝါရီ  ၆ ရက်နေ့မှာ  အမေရိကန် ကွန်ဂရက်အဆောက်အအုံကို အတိုက်   အခိုက်ခံရပြီးတဲ့နောက် ဖေ့စ်ဘုတ်က အဖယ်ခံခဲ့ရပါတယ်။ ဒါပေမယ့် သူ့အကောင့်ကို ၂၀၂၃ခုနှစ်စောစောပိုင်းမှာ ဖေ့စ်ဘုတ်ခ်က ပြန်ဖွင့်ပေးခဲ့ပါတယ်။

Source AP

၂၀၂၄ခုနှစ် သမ္မတမဲဆွယ်ပွဲမှာ ဇူကာဘတ်ဟာ သမ္မတစ်ဦးဦးကို ထောက်ခံတာတွေမလုပ်ခဲ့ပါဘူး။ သူဟာ ယခုနှစ်စောစောပိုင်းကစပြီး ထရမ့်အပေါ်အပြုသဘောပိုမိုပြသလာခဲ့ပါတယ်

#Local_News
Published 28November 2024

▪️ ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာနနှင့်Alliance Stars Group of Companiesတို့ အကျိုးတူပူးပေါင်းဆောင်ရွက်နေသည့် Eco Green City စီမံကိန်းအတွင်းရှိ တန်ဖိုးနည်းအိမ်ရာများတည်ဆောက်မှုယခုနှစ်ကုန်ပြီးစီးမည်ဖြစ်ကြောင်း သိရသည်။

▪️ ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး (၃) မိုင်မှ (၅/၄)မိုင်ဝဲယာတွင် တည်ရှိသော အဆိုပါစီမံကိန်းသည်ဆောက်လုပ်ရေးဝန်းကြီးဌာနနှင့် ပုဂ္ဂလိကကုမ္ပဏီများအကျိုးတူပူးပေါင်းဆောင်ရွက်လျက်ရှိသော စီမံကိန်းကြီးလေးခုအနက်တစ်ခုအပါအဝင်ဖြစ်ပြီး ဒုတိယမြောက် အကောင် အထည်ဖော်သည့် စီမံကိန်းဖြစ်ပြီး ရင်းနီးမြုပ်နှုံမှုတန်ဖိုး အမေရိကန်‌ဒေါ်လာ နှစ်ဘီလျံခန့်သုံးစွဲမည်ဖြစ်ကြောင်း သိရသည်။

▪️ "စီမံကိန်းအတွင်းကတန်ဖိုးနည်းအိမ်ရာတွေကိုတည်ဆောက်ရာမှာ အခန်းအကျယ်၄၃၆ စတုရန်းပေကို (၈)ခန်းတွဲ (၅)ထပ်အဖြစ်နဲ့အဆောက်အအုံ ၂၈လုံးအခန်းရေ (၁၁၂၀)ခန်းတည်ဆောက်နေတာပါ။ ဒီနှစ်ဒီဇင်ဘာမှာ တည်ဆောက်မှုအားလုံးပြီးစီးမယ်လို့မျှော်မှန်းထားပါတယ်" ဟု Alliance Stars Group of Companies မှ တာဝန်ရှိသူတစ်ဦးက ပြောသည်။

▪️ စီမံကိန်းကိုဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA)က ရေးဆွဲခဲ့သည့် ရန်ကုန်မြို့ ရည်မှန်းချက် ၂၀၄၀ မှာပါဝင်သည့် အနာဂတ်မြို့သစ်စီမံကိန်းတစ်ခု အကောင်အထည်ဖော်ရန်၊ ဝင်ငွေနည်းပြည်သူများအတွက် လိုအပ်သည့် အငှားအိမ်ရာများ တန်ဖိုးနည်းအိမ်ရာများ ဖြည့်ဆည်းပေးနိုင်ရန်နှင့် ဒေသခံပြည်သူများ အလုပ်အကိုင်အခွင့်အလမ်းများရရှိပြီး လူမှုဘဝမြင့်မားလာစေရန် ဆောင်ရွက်ခြင်းဖြစ်ကြောင်း၊၂၀၁၉ခုနှစ်တွင်စတင်ခဲ့သည့် အဆိုပါစီမံကိန်းကို အပိုင်းသုံးပိုင်းခွဲတည်‌ဆောက်နေခြင်းဖြစ်ပြီးစီမံကိန်းအားလုံး လာမည့်၂၀၂၉ခုနှစ်တွင် ပြီးစီးရန်မျော်မှန်းထားကြောင်း သိရသည်။

#YMG/SW#Yangon_Times

#Local_News
Published_ 28 November 2024

▪️ မြန်မာနိုင်ငံနှင့် ထိုင်းနိုင်ငံတို့အကြား နယ်စပ်ဒေသလုံခြုံရေးနှင့် တည်ငြိမ်အေးချမ်းရေး နေပြည်တော်ရှိ နိုင်ငံခြားရေးဝန်ကြီးဌာန၌ ဆွေးနွေးခဲ့​ကြောင်း သိရပါတယ်။

▪️ ထိုသို့ဆွေးနွေးရာတွင် နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုများ ပိုမိုမြှင့်တင်ဆောင်ရွက်ရေး၊  ကဏ္ဍစုံပူးပေါင်းဆောင်ရွက်မှုတိုးမြှင့်ရေး၊ ပြည်သူအချင်းချင်း ထိတွေ့ဆက်ဆံမှုတိုးမြှင့်ရေးနှင့် နှစ်နိုင်ငံအကြား ဒေသတွင်းနှင့် နိုင်ငံတကာမျက်နှာစာတို့တွင် ပိုမိုနီးကပ်စွာ ပူးပေါင်းဆောင်ရွက်ရေး စတဲ့ကိစ္စရပ်များကိုလည်း ဆွေးနွေးခဲ့တယ်လို့ဆိုပါတယ်။

▪️ အဆိုပါဆွေးနွေးမှုကို နိုဝင်ဘာ (၂၇)ရက်က ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးသန်းဆွေနှင့် ထိုင်းနိုင်ငံခြားရေးဝန်ကြီး၏ အကြံပေးပုဂ္ဂိုလ် H.E. Mr. Dusit Manapan တို့ ဆွေးနွေးခဲ့တာ ဖြစ်ပါတယ်။

#ymg_mnn #Yangon_Media_Group

#World_News
Published 28 November 2024

▪️ မကြာခင် အမေရိကန်အစိုးရ အုပ်ချုပ်ရေးပိုင်းကို တာဝန်ယူရတော့မယ့် ဒေါ်နယ်ထရမ့်ရဲ့အဖွဲ့ဝင် အများအပြားဟာ ဗုံးသတိပေးချက်များ အပါအဝင် ခြိမ်းခြောက်မှုများ ကြုံတွေ့ခဲ့ရတယ်လို့ ရွေးချယ်ခံသမ္မတရဲ့ ပြောရေးဆိုခွင့်ရှိသူက ဗုဒ္ဓဟူးနေ့မှာ ပြောပါတယ်။

▪️ "မနေ့ညနဲ့ ဒီနေ့နံနက်တို့မှာ သမ္မတထရမ့်ရဲ့ ဝန်ကြီးများအဖွဲ့မှ အဖွဲ့ဝင်အများအပြားနဲ့ အုပ်ချုပ်ရေးပိုင်း ခန့်အပ်ခံရသူတွေဟာ အကြမ်းဖက်နည်းလမ်းဖြင့် ပစ်မှတ်ထားခံခဲ့ရကာ အမေရိကန် နိုင်ငံသားမဆန်တဲ့ လူတွေက သူတို့နဲ့ အတူနေထိုင်သူတွေရဲ့ အသက်အိုးအိမ်ကိုပါ ခြိမ်းခြောက်နေတယ်" လို့ ကယ်ရိုလင်းလီဗစ်က ထုတ်ပြန်ချက်ထဲမှာ ပြောထားပါတယ်။

▪️ ပစ်မှတ်ထားခံရသူတွေမှာ မပြောပေမယ့် ထိုဖြစ်ရပ်တွေထဲမှာ ဗုံးခြိမ်းခြောက်မှုတွေကစလို့ ရဲတွေချက်ချင်းခေါ်ရတဲ့အထိ ဖြစ်စေတဲ့ ဟန်ပြလုပ်ရပ်များလည်း ပါဝင်တယ်လို့ မစ္စလီဗစ်က ပြောပါတယ်။

▪️ ကုလသမဂ္ဂသံအမတ် ဖြစ်လာမယ့် ထရမ့်သစ္စာခံ လွှတ်တော်အမတ် အဲလစ်စတက်ဖာနစ်က နယူးယော့ခ်နေအိမ်မှာ ကားဗုံးခြိမ်းခြောက်ခံရတယ်လို့ ပြောလာပါတယ်။

▪️ သူမရဲ့ ခင်ပွန်း၊ သားငယ်တို့နဲ့အတူ ဝါရှင်တန်ကနေ အိမ်သို့ ကားမောင်းလာစဉ် ခြိမ်းခြောက်ခံရတယ်လို့ ဖော်ပြထားပါတယ်။

▪️ FBIကတော့ ဗုံးခြိမ်းခြောက်မှုများနဲ့ ဟန်ပြလုပ်ရပ်အများအပြား အကြောင်းကို သိရှိပြီးဖြစ်ကာ အလေးအနက်ထား စောင့်ကြည့်နေတယ်လို့ ပြောပါတယ်။

▪️ ဇန်နဝါရီလမှာ သမ္မတတာဝန် ပြန်လည်ထမ်းဆောင်တော့မယ့် ထရမ့်က ဝန်ကြီးများအဖွဲ့ ဖွဲ့စည်းထားပြီးဖြစ်ရာ အတွေ့အကြုံနုနယ်သူများစွာ ပါဝင်တာကြောင့် ဝေဖန်ခံနေရပါတယ်။

▪️ ထရမ့်ကိုယ်တိုင်ဟာလည်း ဇူလိုင်လ စည်းရုံးရေးပွဲတစ်ခုမှာ လုပ်ကြံခံခဲ့ရကာ နားရွက်မှာ ဒဏ်ရာရခဲ့ပါတယ်။

#Source: News.com.au

#World_News
Published 28 November 2024

▪️ အမေရိကန်တွေဟာ ကိုဗစ်ကပ်ရောဂါနောက်ပိုင်းနှစ်တွေမှာ အရက်အလွန်အကျွံ သောက်သုံးနေဆဲဖြစ်တယ်လို့ ဆေးဂျာနယ်တစ်ခုမှာ ဖော်ပြလာပါတယ်။

▪️ ၂၀၁၈-၂၀၂၀ ကထက်စာရင် ၂၀၂၁-၂၀၂၂ တို့မှာ အယ်လ်ကိုဟော သောက်သုံးသူ ပိုများလာပြီး ကိုဗစ်ကပ်ရောဂါပြီးတဲ့တိုင်အောင် အရက်သောက်နှုန်းကတော့ ပြန်ပြီးမကျသွားပါဘူး။

▪️ အမေရိကန်မှ အသက် ၁၈ နှစ်အထက် လူပေါင်း ၂၄၀၀၀ ကျော်ကို စစ်တမ်းများကောက်ယူခဲ့ပြီး အယ်လ်ကိုဟော သောက်သု့းခြင်း၊ လူမှုစီးပွားရေးအခြေအနေ၊ ကျန်းမာရေး အခြေအနေတို့ကို မေးမြန်းခဲ့ကြပါတယ်။

▪️ ကပ်ရောဂါအတွင်း အမေရိကန်တွေဟာ ဖိစီးမှု၊ အထီးကျန်မှု၊ မရေရာမှုတို့ ခံစားခဲ့ရကာ အယ်လ်ကိုဟောဆက်စပ် ပြဿနာများလည်း ရှိလာကြပြီး စွဲလမ်းလာကြတယ်လို့ ဆောက်သန်းကယ်လီဖိုးနီးယား တက္ကသိုလ်မှ အသည်းဆရာဝန် ဒေါက်တာ ဘရိုင်ယန်ပီလီက ဆိုပါတယ်။

▪️ ကိုဗစ်ကာလမတိုင်ခင်မှာပင် အရက်သေစာ သောက်သုံးခြင်းနဲ့ အသည်းဆက်စပ်ရောဂါများ အဖြစ်များနေကာ ကိုဗစ်ကာလမှာတော့ ၂၅ ရာခိုင်နှုန်းအထိ မြင့်တက်လာပါတယ်။

▪️ ၂၀၂၁ မှ ၂၀၂၂ အတွင်း အမေရိကန်တွေ အရက်ပိုမိုသောက်သုံးလာရာကနေ ကပ်ရောဂါပြီးတဲ့အထိ ကျန်းမာတဲ့ နေထိုင်မှုပုံစံဆီသို့ ပြန်မရောက်ကြတော့ပါဘူး။

▪️ စပြီးတော့ အသောက်များလာတာက ခပ်ခွာခွာနေထိုင်မှုတွေ ကျန်းမာရေးစောင့်ရှောက်မှု မရခဲ့တာတွေကြောင့် ဖြစ်နေပြီး အကူအညီတွေ ဘယ်လိုရယူမလဲဆိုတာကို မသိရှိကြဘူးလို့ ဒေါက်တာ ဒစ်ဗ်ယာအိုင်ယာလာက ပြောသွားပါတယ်။

#Source: The Jerusalem Post

#Local_News
Published_27 Nov 2024

▪️ ယခုနှစ်အတွင်း သဘာဝဘေးအန္တရာယ်ကြုံတွေ့ခြင်း၊ သွင်းအားစုများဈေးနှုန်းမြင့်တက်ခြင်းတို့ကိုအကြောင်းပြ၍ အခြေခံစားကုန်များ ဈေးနှုန်းကြီးမြင့်လာခြင်းကြောင့် အခြေခံလူတန်းစားများအနေဖြင့် အခက်အခဲများဖြစ်ပေါ်လျက်ရှိကြောင်း နစက ဥက္ကဌက ပြောသည်။

▪️ ယနေ့ နိုဝင်ဘာလ ၂၇ ရက်က နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ကျင်းပသည့် ဘဏ္ဍာရေးဆိုင်ရာကော်မရှင် အစည်းအဝေးအတွင်းဘဏ္ဍာရေးဆိုင်ရာကော်မရှင်ဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ယင်းသို့ပြောကြားလိုက်ခြင်း ဖြစ်သည်။

▪️ ယင်းက အဓိကစားသုံးသည့် အသားများဖြစ်သည့် ကြက်၊ ဝက်၊ ဆိတ်၊ နွား၊ ငါး တွင် အများစုကို ဒေသအလိုက်၊ နေရာအလိုက် အောင်မြင်စွာမွေးမြူနိုင်သည့် အခြေအနေများပိုင်ဆိုင်ပြီးဖြစ်၍ အမှန်သာအလုပ်လုပ်ကြမည်ဆိုပါက ဒေသတွင်းစားရေး ဖူလုံမှုကို အထောက်အကူပြုနိုင်ပြီး ဈေးနှုန်းသက်သာစွာဖြင့် ဝယ်ယူစားသုံး နိုင်မည်ဖြစ်ကြောင်း ပြောကြားခဲ့သည်။

▪️ ၎င်းအပြင် ဒေသမျိုးများကိုပင် လှောင်မွေးစနစ်ဖြင့် စနစ်တကျမွေးမြူပါက တိုးတက်မှု များပြားလာမည်ဖြစ်ပြီး ဒေသတွင်းကုန်ကြမ်းများကို အသုံးပြု၍ အစာကျွေးမွေးမည် ဆိုပါက အောင်မြင်သည့် မွေးမြူရေးလုပ်ငန်းကို ဖော်ဆောင်နိုင်မည်ဖြစ်ကြောင်း၊ အခြေခံလူတန်းစားများ၏ သက်သာချောင်ချိရေးကို အထူးအလေးထားဆောင်ရွက်ပေးရန်လိုကြောင်း နစက ဥက္ကဌက ပြောသည်။

▪️ အလားတူ စိုက်ပျိုးရေးလုပ်ငန်းများ၌လည်း သီးထပ်စွမ်းအားတိုးမြှင့်ခြင်း၊ စိုက်ဧကတိုးချဲ့ခြင်းဟူသည့် နည်း လမ်း ၃ သွယ်ဖြင့် အထွက်နှုန်းတိုးမြင့်အောင် ဆောင်ရွက်နိုင်ကြောင်း၊ မူလရှိပြီး အခြေခံအပေါ် တိုးတက်အောင်ဆောင်ရွက်ရခြင်းဖြစ်သောကြောင့်ဖြစ်နိုင်ခြေမြင့်မားသဖြင့် အလေးထားဆောင်ရွက်ရမည်ဖြစ်ကြောင် ဆိုသည်။

▪️ ထို့နောက် စိုက်ပျိုးရေးလုပ်ငန်းများအတွက် လိုအပ်သည့်သွင်းအားစုများ ပြည့်ပြည့်ဝဝရရှိစေရေးသက်ဆိုင်ရာ ဝန်ကြီးဌာနများနှင့် တိုင်းဒေသကြီးနှင့် ပြည်နယ်များအလိုက်မှ တာဝန်ရှိသူများအနေဖြင့် ကြံဆဆောင်ရွက်သွားကြရန်၊စိုက်ပျိုးရေးနှင့် မွေးမြူရေးလုပ်ငန်းများ တိုးတက်အောင်ဆောင်ရွက်နိုင်မည်ဆိုပါက GDP တိုးတက်လာပြီး နိုင်ငံ၏ဘဏ္ဍာငွေတိုးတက်ရရှိလာမည့်အပြင်ကုန်ပစ္စည်းများကို အရည်အသွေးပြည့်မီအောင် ထုတ်လုပ်နိုင်မည်ဆိုပါက ပြည်ပသို့ပါတင်ပို့ရောင်းချနိုင်မည်ဖြစ်ပြီး ပြည်ပပို့ကုန်များ မြှင့်တင်နိုင်မည်ဖြစ်ကြောင်းလည်း ယင်းကပြောကြားခဲ့ကြောင်း သိရသည်။

#Yangon_Times/PP

#World_Health
Published 28 November 2024

▪️ ကိုယ်အလေးချိန်ချဖို့က အလွန်ခက်ခဲသလို ဝိတ်ကျပြီးနောက်မှာတောင် အဆီဆဲလ်တွေက အဝလွန်ခြင်းကို မှတ်မိနေနိုင်တယ်လို့ သုတေသီများ တွေ့ရှိလာပါတယ်။

▪️ ဒါဟာ ကိုယ်အလေးချိန်များစွာ ကျဆင်းတာတောင်မှ ပြန်ပြီးဝလာနိုင်ခြေများတဲ့ သဘောဖြစ်ပါတယ်။

▪️ အဝလွန်ခြင်းက မျိုးဗီဇတွေ အလုပ်လုပ်ပုံကို ပြောင်းလဲစေကာ အဆီဆဲလ်များ ပုံမှန်လုပ်ဆောင်ချက်ကို ပြောင်းလဲနိုင်ပါတယ်။

▪️ ကိုယ်အလေးချိန်ကျအောင် ခွဲစိတ်မှု ပြုလုပ်ပြီးနောက်မှာပါ ထိုမျိုးဗီဇကြောင့် အလွယ်တကူ ပြန်ဝလာနိုင်ပါတယ်။

▪️ ဒါဟာ ခန္ဓာကိုယ်ကနေ အဝလွန်ခြင်းကို မှတ်မိနေတာကြောင့် ကိုယ်အလေးချိန် ထိန်းသိမ်းရန် ခက်ခဲနေတာဖြစ်တယ်လို့ ETH ဇူးရစ်မှ ဒေါက်တာလော်ရာဟင့်က ပြောပါတယ်။

▪️ အဝလွန်သူတွေနဲ့ မဝဖူးသူတို့ရဲ့ အဆီတစ်ရှူးများကို သုတေသန ပြုလုပ်ခဲ့ပါတယ်။

▪️ ထိုအခါမှ မျိုးဗီဇလှုပ်ရှားမှုပုံစံများ သိသိသာသာ ကွဲပြားနေတာကို တွေ့ရှိခဲ့ကြပါတယ်။

▪️ အချို့မျိုးဗီဇတွေက အဝလွန်သူတွေမှာ ရောင်ရမ်းခြင်းပိုမိုဖြစ်ပွားပြီး အချို့ကတော့ အဆီဆဲလ်များကို ပုံမှန်အလုပ်လုပ်စေပါတယ်။

▪️ ခွဲစိတ်မှုတွေ ပြုလုပ်ပြီး ကိုယ်အလေးချိန်များစွာ ကျဆင်းသွားတာတောင် ထိုပုံစံက မပြောင်းလဲပါဘူး။

▪️ ကြွက်တွေနဲ့ စမ်းသပ်ရာမှာ ဝတဲ့ကြွက်တွေက အချိုဓာတ်နဲ့ အဆီတို့ကို ပိုမိုစုပ်ယူကာ ကိုယ်အလေးချိန် အတက်မြန်စေပါတယ်။

▪️ ဒါကြောင့်မို့လို့ အဝလွန်ခြင်းမဖြစ်အောင် အစတည်းက ကြိုတင်ကာကွယ်ဖို့က အရေးကြီးပါတယ်။

▪️ အဆီဆဲလ်တွေက အဝလွန်ခြင်းကို မှတ်မိနေတာကို သိရှိခြင်းဖြင့် အဝလွန်သူတွေမှာ ကိုယ်အလေးချိန် ထိရောက်စွာ ထိန်းချုပ်နိုင်ဖို့ကို အကူအညီဖြစ်စေနိုင်ပါတယ်။

#Source: India Today

ကမ္ဘာပေါ်မှာ အမြင့်ဆုံးနဲ့ အကြီးကျယ်ဆုံး အမြင့်တက်ဒေါင်လိုက်မာရသွန်ပြိုင်ပွဲကြီးဖြစ်တဲ့ ၂၀၂၄ ရှန်ဟိုင်းတာဝါတက်မာရသွန် ပြိုင်ပွဲကို တနင်္ဂနွေနေ့က ကျင်းပခဲ့ပြီး နိုင်ငံဒေသပေါင်း ၂၀ ကျော်မှ အားကစားသမားပေါင်း ၂ ထောင်ကျော် ပါဝင်ခဲ့ပါတယ်။
#World_Event
Published 27 November 2024
#ဒေါင်လိုက်မာရသွန်ပြိုင်ပွဲ #ရှန်ဟိုင်းတာဝါ
#YMG #Yangon_Times #Yangon_Media_Group

Naypyidaw, Myanmar, 27 November – Myanmar's ruling body, the State Administration Council (SAC), has officially dismissed reports claiming that the Chief Prosecutor of the International Criminal Court (ICC) has sought an arrest warrant for Senior General Min Aung Hlaing, the Chairman of the SAC.

"Myanmar is not a member of the ICC and, therefore, does not recognize any statements or actions made by the court," stated the SAC's Information Team.

The statement further emphasized that Myanmar adheres to an independent, active, and non-aligned foreign policy in its relations with regional and international communities. It also promotes peaceful coexistence among nations.

International news outlets reported on 27 November that ICC Chief Prosecutor Karim A. A. Khan had submitted a request to the court seeking an arrest warrant for Senior General Min Aung Hlaing in connection with alleged crimes committed against the Bengali community in 2017.

@ymg/knl

၂၇ နိုဝင်ဘာ ၂၀၂၄

အပြည်ပြည်ဆိုင်ရာ ရာဇဝတ်တရားရုံး ICC က နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကို ဖမ်းဝရမ်း ထုတ်ရန် ICC ရှေ့နေချုပ်ဆိုသူက လျှောက်ထားမယ်လို့ ထွက်ပေါ်နေတဲ့ သတင်းများနှင့်ပတ်သက်၍ နစက အစိုးရက တရားဝင်ပယ်ချလိုက်ပါတယ်။

“ မြန်မာနိုင်ငံသည် ICC အဖွဲ့ဝင်နိုင်ငံမဟုတ်သကဲ့သို့ ICC ၏ ပြောကြားချက်များအပေါ် မည်သည့်အခါကမှ အသိအမှတ်ပြုခြင်းမရှိပါ” လို့ နစက သတင်းထုတ်ပြန်ရေးအဖွဲ့က တုန့်ပြန်ခဲ့တာဖြစ်ပါတယ်။

မြန်မာနိုင်ငံအနေဖြင့် ဒေသတွင်းအပြင် ကမ္ဘာ့နိုင်ငံများနှင့် ဆက်ဆံရာတွင် လွတ်လပ်၍တက်ကြွပြီး ဘက်မလိုက် သော နိုင်ငံခြားရေး မူဝါဒကို ကျင့်သုံးလျက်ရှိပြီး နိုင်ငံများအကြား ငြိမ်းချမ်းစွာအတူယှဉ်တွဲနေထိုင်ရေးမူကို ကျင့်သုံး  လျက်ရှိတယ်လို့လည်း အဆိုပါသတင်းထုတ်ပြန်ချက်မှာဖော်ပြထားပါတယ်။

နိုဝင်ဘာ ၂၇ ရက်က ထုတ်ပြန်တဲ့ နိုင်ငံတကာသတင်းများတွင် ၂၀၁၇ ခုနှစ်အတွင် ဘင်္ဂါလီတွေအပေါ်  ကျူးလွန်တဲ့ ရာဇဝတ်မှုတွေအတွက် ဗိုလ်ချုပ်မှူးကြီးမင်းအောင်လှိုင်ကို ဖမ်းဝရမ်းထုတ်ဖို့ ICC ရှေ့နေချုပ် ကာရင် အေအေခန် Karim A.A Khan က တရားရုံးကိုလျှောက်ထားခဲ့တယ်လို့ ရေးသားခဲ့ကြတာဖြစ်ပါတယ်။

ကာရင်အေအေခန်ဟာ ပါကစ္စတန်သွေးပါတဲ့ ဗြိတိန်နိုင်ငံသားတစ်ဦးဖြစ်ပြီး  ICC မှာ သူ့လက်ထောက် အမျိးသမီး   ဝန်ထမ်းတစ်ဦးကို လိင်ပိုင်းဆိုင်ရာ မဖွယ်မရာလုပ်လို့ အတိုင်အတန်းခံခဲ့ရသူတစ်ဦးဖြစ်ပါတယ်။

@ymg/knl