#World_Science
Published 16 July 2025

▪️ ဆဲလ်တွေနဲ့ဖွဲ့စည်းထားတဲ့ သတ္တဝါတိုင်းဟာ အသက်ရှင်ဖို့ အောက်ဆီဂျင်လိုအပ်ပြီး အောက်ဆီဂျင်မရှိရင် အသက်မရှင်နိုင်ဘူးလို့ သိထားပါတယ်။

▪️ အခုဆိုရင် သိပ္ပံပညာရှင်တွေက အောက်ဆီဂျင်မရှိဘဲ အသက်ရှင်နိုင်တဲ့ တိရိစ္ဆာန်တစ်မျိုးကို အံ့အားသင့်ဖွယ် တွေ့ရှိလာပါတယ်။

▪️ ဒါကတော့ Henneguya salminicola လို့ခေါ်တဲ့ အလွန်သေးငယ်သော ကပ်ပါးကောင်ဖြစ်ပြီး အချို့သောငါးတွေထဲမှာ မှီခိုရှင်သန်ကြပါတယ်။

▪️ သူ့ဘာသာ မလှုပ်ရှားနိုင်ဘဲ အသက်ရှင်သန်ဖို့အတွက် အခြားသက်ရှိအတွင်းထဲမှာ နေထိုင်ရပါတယ်။

▪️ သူ့မှာ ထူးခြားတာက အခြားသတ္တဝါတွေလို မိုင်တိုခွန်ဒရီယယ်မျိုးဗီဇပစ္စည်း မရှိပါဘူး။

▪️ သတ္တဝါတိုင်းက မိုင်တိုခွန်ဒရီယာဖြင့် အောက်ဆီဂျင်တွေ အာဟာရဓာတ်တွေကို အသုံးပြုပြီး စွမ်းအင်ထုတ်လုပ်ပေမယ့် Henneguya salminicola ကတော့ ဒီလိုမဟုတ်ပါဘူး။

▪️ သူတို့က ပင်လယ်နေငါးတွေရဲ့ ကြွက်သားတွေထဲမှာ နေထိုင်ကာ ပြင်ပပတ်ဝန်းကျင်ကိုလိုက်ပြီး ပြောင်းလဲဆင့်ကဲနိုင်ပါတယ်။

▪️ ကပ်ပါးမျိုးဖြစ်တာကြောင့် သက်ရှိတွေဆီကနေ အာဟာရဓာတ်တွေ စွမ်းအင်တွေကို တိုက်ရိုက်စုပ်ယူပါတယ်။

▪️ သက်ရှိတွေဟာ အသက်ရှင်ဖို့ အောက်ဆီဂျင်လိုအပ်တယ်ဆိုတဲ့ သတ်မှတ်ချက်ကြီးကို Henneguya salminicola က ချိုးဖျက်လိုက်တာပါ။

▪️ ဒီအရာကနေ ကွဲပြားခြားနားတဲ့ ပတ်ဝန်းကျင်တွေမှာ ပြောင်းလဲရှင်သန်နိုင်မလားဆိုတာ စဉ်းစားစရာဖြစ်လာသလို အောက်ဆီဂျင်မလိုဘဲ အသက်ရှင်နိုင်တဲ့ အခြားသတ္တဝါတွေလည်း ရှိဦးမလားဆိုတာ စိတ်ဝင်စားစရာ ဖြစ်လာပါတယ်။

#Source: UNION RAYO

#Local_News
Published 16 July 2025

▪️ ယနေ့ နံနက်အစောပိုင်းက လှုပ်ခတ်ခဲ့သည့် မြေငလျင်ကို မန္တလေးနှင့် ပြင်ဦးလွင်မြို့များတွင် သိသိသာသာခံစားရကြောင်း မြို့ခံများ၏ ပြောကြားချက်အရ သိရသည်။

▪️ မတ်လ ၂၈ရက်ကလှုပ်ခတ်ခဲ့သည့် ငလျင်ကြီးအပြီး ၂၀၅ကြိမ်မြောက် လှုပ်ခတ်ခဲ့သည့်မြေငလျင်သည် ယနေ့နံနက်အစော မနက်၃နာရီ ၂၇မိနစ်တွင် ပြည်ကြီးတံခွန်မြို့နယ်၏ အရှေ့တောင်ဘက် (၄) မိုင်ခန့်
ကို ဗဟိုပြု၍အနက် - ၁၀ ကီလိုမီတာအင်အားပမာဏ - ၄.၉ ရစ်(ခ်)တာစကေးဖြင့် လှုပ်ခတ်ခဲ့ကြောင်း မိုးလေဝသနှင့်ဇလဗေဒညွန်ကြားမှုဦးစီးဌာနက သတင်းထုတ်ပြန်ထားသည်။

▪️ "မလှုပ်ခင်အော်သံကြီးကြောင့် လန့်နိုးတာပြီးမှ လှုပ်တာမြောက်ဘက်ကလာတယ်ထင်တယ်။ ၅ ဒသမလောက်ကျော်မယ်‌ထင်နေတာ၄.၉ကလဲကြောက်စရာကြီး။ လူကအကျင့်ရ‌နေပြီပြေးတာမှ အိမ်ကလူတွေအကုန်ရှေ့တံခါးပြေးဖွင့်သူကဖွင့်နဲ့ပေါ့" ဟု မန္တလေးမြို့ခံတစ်ဦးက ပြောသည်။
ထို့ပြင် ပြင်ဦးလွင်မြို့၌လည်း ငလျင်ကို သိသိသာသာခံစားခဲ့ရကြောင်း မြို့ခံများ၏ လူမှုကွန်ရက်စာမျက်နှာများတွင် မျှဝေထားသည်ကိုတွေ့ရသည်။

#YMG/SW #Yangon_Times

#Local_News
Published 16 July  2025

▪️ အာရှဘောလုံးအဖွဲ့ချုပ် (AFC)မှ ကြီးမှူးကျင်းပသည့်AFC Challenge League 2025/26 (Preliminary stage) ပွဲစဥ်တွင်ကလပ်အသင်းပေါင်း ၂၆ သင်းပါဝင်ယှဉ်ပြိုင်သွားမည်ဖြစ်ကာ ပွဲစဉ်ကို လာမည့် ဩဂုတ်လအတွင်း ရန်ကုန်မြို့၌ ကျင်းပသွားမည်ဖြစ်ကြောင်း သိရသည်။

▪️ အဆိုပါ  AFC Challenge League 2025/26 ဘောလုံးပြိုင်ပွဲ၏ Preliminary stage ပွဲစဥ်အဖြစ် ယှဥ်ပြိုင်ကစားကြမည့် မြန်မာကလပ် ရန်ကုန်ယူနိုက်တက်အသင်းနှင့် လာအိုကလပ် Ezra အသင်းတို့၏ပွဲစဥ်ကို မြန်မာနိုင်ငံက အိမ်ရှင်အဖြစ် ပြောင်းလဲကျင်းပသွားမည်ဖြစ်ကြောင်း သိရသည်။

▪️ ယင်းဘောလုံးပြိုင်ပွဲ၏ Preliminary stage ပွဲစဥ်ကို ယခင်က လာအိုနိုင်ငံ၊ ဗီယန်ကျင်းမြို့ရှိ Lao National Stadium တွင်သွားရောက်ယှဉ်ပြိုင်ရမည်ဖြစ်သော်လည်း ယခုအခါ အဆိုပါ Lao National Stadium KM16 တွင် AFC U-20 Women’s Asian Cup Qualifiers ပြိုင်ပွဲ ကျင်းပနေသဖြင့် ရန်ကုန်ယူနိုက်တက်အသင်းမှ အိမ်ရှင်အဖြစ်လက်ခံကျင်းပရန် မေတ္တာရပ်ခံလာခဲ့ခြင်းကြောင်း သိရသည်။

▪️ ထိုကဲ့သို့  အိမ်ရှင်နိုင်ငံပြောင်းလဲကျင်းပမည်ဖြစ်သော်လည်း ပြိုင်ပွဲကျင်းပမည့် ရက်ကိုမူ  ပြောင်းလဲခြင်းမရှိဘဲ ယခင်သတ်မှတ်ထားသည့်အတိုင်း ဩဂုတ်လ ၁၂ ရက်နေ့၊ ညနေ ၄ နာရီတွင် ရန်ကုန်မြို့၊ သုဝဏ္ဏကွင်း၌ ယှဉ်ပြိုင်သွားမည်ဖြစ်ကြောင်း သိရသည်။

▪️ ယခုပြိုင်ပွဲတွင် အနိုင်ရရှိသည့်အသင်းမှာ AFC Challenge League 2025/26 (Group stage) သို့ဆက်လက်ဝင်ရောက်ယှဉ်ပြိုင်ရမည်ဖြစ်ကြောင်း သိရသည်။

#YMG/NN #Yangon_Times

#World_Science
Published 16 July 2025

▪️ မျက်စိကနေ လက်ရှိမြင်နေရတဲ့အရာတွေဟာ တကယ်တမ်းမှာ အမြင်မှားတာဖြစ်နိုင်တယ်လို့ ၂၀၂၂ ခုနှစ်က Science Advances မှာ ဖော်ပြထားပါတယ်။

▪️ သုတေသီတွေ ပြောပုံအရဆိုရင် ဦးနှောက်ဟာ ပြီးခဲ့တဲ့ ၁၅ စက္ကန့်လောက်က ပုံရိပ်တွေကို ပြသနေတာ ဖြစ်နိုင်ပါတယ်။

▪️ ဦးနှောက်က ပြီးခဲ့တဲ့အမြင်ပုံရိပ်တွေကို ရောစပ်ပြီး ရှင်းလင်းချောမွေ့စွာ မြင်စေတာဖြစ်တယ်လို့ ဆိုပါတယ်။

▪️ တကယ်တမ်းက ယခင်ပြီးခဲ့တာကို ဦးနှောက်ကနေ ယခုလက်ရှိ ဖြစ်နေတယ်လို့ ပြောင်းလဲဖော်ပြတဲ့အတိုင်း မြင်နေရတာ ဖြစ်ပါတယ်။

▪️ လူ့ဦးနှောက်ဟာ တကယ့်လက်ရှိအမြင်အတိုင်း လုပ်ဆောင်တာမဟုတ်ဘဲ ပြီးခဲ့တဲ့ပုံရိပ်တွေကို ပေါင်းစပ်ကာ ချောမွေ့ပြတ်သားတဲ့ပုံရိပ်အဖြစ် ဖန်တီးပေးပါတယ်။

▪️ ဒီလိုသာမဟုတ်ဘဲ လက်ရှိမြင်သမျှအရာတိုင်းကို ချက်ချင်းအာရုံခံမြင်ပေးနေရင် ဦးနှောက်မှာ အာရုံခံမှုတွေ စုပြုံလာနိုင်ပါတယ်။

▪️ ဒီလိုပုံစံနဲ့ပဲ တည်ငြိမ်စွာပြောင်းလဲလာတဲ့ မြင်ကွင်းတွေကို ချောချောမွေ့မွေ့ မြင်ရတာဖြစ်ပါတယ်။

▪️ တကယ့်အချိန်အတိုင်း အလွန်တိကျစွာ မြင်ရမယ့်အစား ချောမွေ့တဲ့အမြင်အာရုံကို ဖြစ်စေပါတယ်။

▪️ အမြင်အာရုံက ပြီးခဲ့တာတွေအပေါ် အခြေခံတာဆိုရင် လက်တွေ့ဖြစ်နေတာတွေကို အမှန်အတိုင်း မြင်နေရဲ့လား၊ အသိစိတ်ဝင်နေတာဟာ ဦးနှောက်က သတင်းပေးပို့နေလို့လား၊ အာရုံကြောသိပ္ပံပညာမှာ လက်ရှိဆိုတာ ဘာသဘောလဲဆိုတဲ့ မေးခွန်းတွေ ရှိလာနိုင်ပါတယ်။

#Source: Time of India

ဘင်္ဂလားဒေ့ရှ်တောင်ပိုင်း ဖီနီခရိုင် ဒေသအများအပြားမှာ ရက်နဲ့ကြာအောင် မိုးကြီးနေသဖြင့် ရေကြီးရေလျှံဖြစ်လာကာ အရေးပေါ်ဆောင်ရွက်လာရပါတယ်။
#World_Crisis
Published 15 July 2025
‎#ဘင်္ဂလားဒေ့ရှ်ရေကြီး ‎#အရေးပေါ်လုပ်ဆောင်ချက်များစတင်
#YMG #Yangon_Times #Yangon_Media_Group

#Daily_News

Published 15 July 2025

၁။ ‌‎‎ပြည်ပသို့ပျားရည် ၄၈၀တန်ကျော်တင်ပို့ထား
‎
၂။ ‌‎‎ရွှေတိဂုံစေတီတော်သို့ ၆လအတွင်း ဘုရားဖူး ၃ သန်းခွဲကျော်လာရောက်ဖူးမြော်

၃။ ‎ဒေါ်လာ ၅သန်းကျော်တန်ဖိုးရှိ ပုစွန်မက်ထရစ်တန် ၂,၀၀၀ နီးပါးတင်ပို့ထား

၄။ ဘင်္ဂလားဒေ့ရှ်ရေကြီးမှု၌ အရေးပေါ်လုပ်ဆောင်ချက်များစတင်ပြုလုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဇူလိုင်လအတွက် သင့်တင့်မျှတသော ဈေးကွက်ဈေးနှုန်း (Reasonable Market Price) ဆန် ရည်ညွှန်းစျေးနှုန်းများကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနက အသိပေးထုတ်ပြန်ထားရာ ရွှေဘိုနဲ့ပေါ်ဆန်းအုပ်စုဝင်ဆန်များ ဈေးအနည်းငယ်တက်လာတယ်လို့ သိရှိရပါတယ်။
#Local_News
Published 15 July 2025
‎#ရွှေဘိုနှင့်ပေါ်ဆန်းအုပ်စုဝင်ဆန် ‎#ဆန်ဈေးအနည်းငယ်တက်
‎#YMG/SW #Yangon_Times

ပြည်တွင်းကထွက်ရှိတဲ့ အမေရိကန် ဒေါ်လာ ၅သန်းကျော်တန်ဖိုးရှိတဲ့ ပုစွန်မက်ထရစ်တန်ချိန် ၂,၀၀၀ နီးပါးကို ပြည်ပနိုင်ငံ‌တွေကို တင်ပို့ထားတယ်လို့ ငါးလုပ်ငန်းဦးစီးဌာနက သိရပါတယ်။
#Local_News
Published 15 July 2025
‎#ပုစွန်တင်ပို့ ‎#ငါးလုပ်ငန်းဦးစီးဌာန
‎#YMG/NN #Yangon_Times

ရန်ကုန်မြို့ရှိ လေးဆူဓာတ်ပုံရွှေတိဂုံစေတီတော်မြတ်ကြီးသို့ အခု ၂၀၂၅ ခုနှစ်၆လတာအတွင်း ပြည်တွင်း၊ ပြည်ပဘုရားဖူး ဧည့်သည် ၃သန်းခွဲကျော်အထိလာရောက်ဖူးမြော်ခဲ့တယ်လို့ စေတီတော်ကြီးရဲ့ဘဏ္ဍာတော်ထိန်းဂေါပကအဖွဲ့ထံက  သိရပါတယ်။
#Local_News
Published 15 July 2025
‎#ရွှေတိဂုံစေတီတော် ‎#လေးဆူဓာတ်ပုံရွှေတိဂုံ
‎#YMG/NN #Yangon_Times

အခု ၂၀၂၅-၂၀၂၆ဘဏ္ဍာနှစ် သုံးလတာအတွင်း ပြည်ပနိုင်ငံတွေကို  ပျားရည်၄၈၀တန်ကျော် တင်ပို့ထားတယ်လို့ မွေးမြူရေးနှင့်ကုသရေးဦးစီးဌာန၊ ပျားလုပ်ငန်းဌာန၊ ပျားမွေးမြူမှုဖွံ့ဖြိုးရေးဌာနခွဲကနေ သိရပါတယ်။
#Local_News
Published 15 July 2025
‎#ပြည်ပသို့ပျားရည်တင်ပို့ ‎#ပျားမွေးမြူမှုဖွံ့ဖြိုးရေးဌာန
‎#YMG/NN #Yangon_Times

#Local_News
Published 15 July  2025

▪️ နေပြည်တော်၊ စစ်ကိုင်းနှင့် မန္တလေးမြို့များအတွင်းဈေးကားများဖြင့် ကုန်မျိုးစုံများနှင့် ဟင်းသီးဟင်းရွက်များအား သက်သာသောဈေးနှုန်းများဖြင့် လှည့်လည်ရောင်းချနေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI)၊ မြန်မာနိုင်ငံ မွေးမြူရေး လုပ်ငန်းအဖွဲ့ချုပ်နှင့် မြန်မာနိုင်ငံငါးလုပ်ငန်းအဖွဲ့ချုပ်တို့၏ ပူးပေါင်းစီစဉ်မှုဖြင့် ဆန်၊ ဆီ၊ ဆား၊ ပဲ၊ ငါး၊ ငါးပိ၊ အမဲသား၊ ဆိတ်သား၊ ကြက်သား၊ ဝက်သား၊ ကြက်ဥ၊ ဘဲဥ စသည့် ကုန်မျိုးစုံများနှင့် ဟင်းသီး ဟင်းရွက်များ ရောင်းချပေးနေခြင်းဖြစ်သည်။

▪️ ထိုသို့ရောင်းချရာတွင် ပြည်ထောင်စု နယ်မြေ(နေပြည်တော်)၊ စစ်ကိုင်းနှင့် မန္တလေးမြို့များအတွင်း ငလျင်ဘေးသင့် ဝန်ထမ်းများနှင့် ပြည်သူများသို့ မတ် ၃၀ ရက်မှစ၍ သက်သာသောဈေးနှုန်းများဖြင့် ရောင်းချပေးလျက်ရှိပြီး ယမာန်‌ နေ့က ၉၉ ရက် မြောက်အဖြစ် ဈေးကားများဖြင့် လှည့်လည် ရောင်းချပေးလျက်ရှိကြောင်း သိရသည်။

▪️ ပြည်ထောင်စုနယ်မြေ (နေပြည်တော်) အတွင်း ငလျင်ဘေးသင့်ဝန်ထမ်း များနှင့် ပြည်သူများသို့ ဆန် ခြောက်ပြည်ပါ (မနောသုခ- Export Quality) သုံးအိတ်၊ ဆန် ငါးပြည် ပါ (ဖျာပုံပေါ်ဆန်း) နှစ်အိတ်၊ စားအုန်းဆီ ပိဿာ ၁၀၀၊ ဆား ၃ ပိဿာ ၅၀ ကျပ်သား၊ ကုလားပဲ ၂၀ ကျပ်သားပါ ၁၀ ထုပ်၊ ငါးပိ ၈၀ ကျပ်သား၊ ငါးတံခွန် ၁၀ ကျပ်သား ပါ သုံးထုပ်၊ ငါးပုတ်သင် ၁၀ ကျပ် သားပါ နှစ်ထုပ်၊ ငါးနီတူခြောက် ၁၀ ကျပ်သားပါ တစ်ထုပ်၊ အာပဲ့ ခြောက် ၁၀ ကျပ်သားပါ နှစ်ထုပ်၊ ငါးရောင်ခြောက် ၁၀ ကျပ်သားပါ သုံးထုပ်၊ ကြက်ဥအလုံး ၃၀၊ ဘဲဥ ၁၅ လုံး၊ ခေါက်ဆွဲခြောက် ခုနစ်ထုပ်တို့ကို သက်သာသောဈေးနှုန်းများ ဖြင့် ရောင်းချပေးခဲ့ကြောင်း၊

▪️ စစ်ကိုင်းမြို့ အတွင်း ငလျင်ဘေးသင့်ဝန်ထမ်းများနှင့် ပြည်သူများသို့ ဆန် ၂၄ ပြည်ပါ (ရွှေဝါထွန်း) တစ်အိတ်၊ စားအုန်းဆီ ၇၅ ပိဿာ၊ ဆား ငါးပိဿာ၊ ကုလားပဲ ၁၀ ဘူး၊ ငါးပိ နှစ်ပိဿာ၊ ငါးနီတူခြောက် ၁၀ ကျပ်သားပါ ၁၀ ထုပ်၊ ပုစွန် ခြောက် ၁၀ ကျပ်သားပါ သုံးထုပ်၊ ကြက်ဥအလုံး ၇၀၊ ဘဲဥ ၂၅ လုံး၊ ကြက်သွန်နီ ခုနစ်ပိဿာနှင့် အသားတု တစ်ပိဿာတို့ကို သက်သာသောဈေးနှုန်းများဖြင့် ရောင်းချပေးခဲ့ပြီး မန္တလေးမြို့တွင်လည်း ငလျင်ဘေးသင့်ဝန်ထမ်းများနှင့် ပြည်သူများသို့ ဆန် ၂၄ ပြည်ပါ (မနောသုခ) ၁၀ အိတ်၊ စားအုန်းဆီပိဿာ ၁၁၀၀၊ ဆား ၂ ပိဿာ ၅၀ ကျပ်သား၊ ကုလားပဲ ၂၅ ကျပ်သားပါ ခြောက်ထုပ်၊ ငါးပိ ၅၀ ကျပ်သား၊ ငါးနီတူခြောက် ၁၀ ကျပ်သား ခြောက်ထုပ်၊ အာပဲ့ ခြောက် ၁၀ ကျပ်သား ၁၀ ထုပ်၊ ကြက်ဥ ၇၆၃ လုံး၊ ဘဲဥ ၂၅၈ လုံး နှင့် ခေါက်ဆွဲခြောက် ၇၅ ထုပ် တို့ကို သက်သာသောဈေးနှုန်းများဖြင့် လှည့်လည်ရောင်းချပေးခဲ့ကာ နေ့စဉ် ဆက်လက်ရောင်းချပေး သွားမည်ဖြစ်ကြောင်း သိရသည်။

#YMG/NN #Yangon_Times

#World_News
Published 15 July 2025

▪️ က‌မ္ဘောဒီးယားနိုင်ငံက နောက်နှစ်ကစပြီး မဖြစ်မနေစစ်မှုထမ်းစနစ် စတင်ကျင့်သုံးသွားမယ်လို့ ဝန်ကြီးချုပ် ဟွန်မာနက်က တနင်္လာနေ့မှာ ပြောသွားပါတယ်။

▪️ ထိုင်းနိုင်ငံနဲ့ နယ်စပ်တင်းမာမှုများ ရှိနေတဲ့အချိန်မှာ တိုက်တိုက်ဆိုင်ဆိုင် ကြေညာလိုက်တာ ဖြစ်ပါတယ်။

▪️ မေလ ၂၈ ရက်နေ့ ထိပ်တိုက်ရင်ဆိုင်မှုများ ဖြစ်ပြီးနောက် ဆက်ဆံရေးယိုယွင်းလာကာ ကမ္ဘောဒီးယားစစ်သားတစ်ဦး သေဆုံးခဲ့ပါတယ်။

▪️ နှစ်ဖက်စလုံးက နောက်ထပ်တိုက်ခိုက်မှုများ မဖြစ်ပွားစေရန် တင်းမာမှုများလျှော့ချဖို့ သဘောတူထားပေမယ့် တင်းမာမှုဆက်လက်မြင့်တက်နေစေမယ့် အတိုင်းအတာများ ပြုလုပ်နေကာ စကားမာမာထန်ထန် ပြောနေကြပါတယ်။

▪️ ထိုင်းဝန်ကြီးချုပ် ပေထုံတန်ရှင်နာဝက်ထရာ ကမ္ဘောဒီးယားဝန်ကြီးချုပ်ဟောင်းဟွန်ဆန်နဲ့ ဖုန်းပြောမှတ်တမ်း ပေါက်ကြားလာရာ ပေထုံတန်က ထိုင်းစစ်တပ်အပေါ် ချိုးဖဲ့ပြောဆိုတဲ့သဘော တွေ့ရှိခဲ့ရာ ဝေဖန်မှုများရှိလာပြီး ရာထူးမှ ဆိုင်းငံ့ခံထားရပါတယ်။

▪️ ဟွန်ဆန်ရဲ့သားဖြစ်ပြီး ဝန်ကြီးချုပ်နေရာဆက်ခံသူ ဟွန်မာနက်က ၂၀၂၆ ခုနှစ်ကစတင်ပြီး မဖြစ်မနေစစ်မှုထမ်းရမည့်စနစ် အကောင်အထည်ဖော်မှာဖြစ်ကာ တပ်မတော်စွမ်းရည်မြှင့်တင်သွားမယ်လို့ မိန့်ခွန်းပြောကြားခဲ့ပါတယ်။

▪️ ၂၀၀၆ ခုနှစ်က မဖြစ်မနေစစ်မှုထမ်းဥပဒေ အတည်ပြုခဲ့ပေမယ့် အသက်မသွင်းခဲ့ပါဘူး။

▪️ CIA ရဲ့ ကမ္ဘာ့အချက်အလက်ရေးရာအရ ကမ္ဘောဒီးယားစစ်တပ်မှာ စစ်မှုထမ်းပေါင်း ၂ သိန်းခန့်ရှိပြီး ထိုင်းတပ်မတော်မှာတော့ ၃ သိန်းခွဲခန့်ရှိပါတယ်။

▪️ ဒါ့အပြင် ဟွန်မာနက်က စစ်အသုံးစရိတ် မြှင့်တင်ဖို့ကိုလည်း တောင်းဆိုထားပါတယ်။

#Source: AP News