#World_Science

Published 03 April 2025

▪️ မျိုးရိုးလိုက် ထိပ်ပြောင်ခြင်းဝေဒနာ ကုသနိုင်ဖွယ်ရှိတဲ့ နည်းလမ်းတစ်ခုကို သိပ္ပံပညာရှင်များ လေ့လာစမ်းသပ်ခဲ့ကြပါတယ်။

▪️ ဒီနည်းလမ်းက ခန္ဓာကိုယ်ထဲက သဘာဝအတိုင်းဖြစ်ပေါ်တဲ့ သကြားဓာတ်ကို သုတေသနပြုလုပ်တာဖြစ်ပြီး DNAဖြစ်စေဖို့ ကူညီပေးတယ်လို့ ဖော်ပြထားပါတယ်။

▪️ ပါကစ္စတန်မှ COMSATS တက္ကသိုလ်နဲ့ ရှက်ဖီးလ်တက္ကသိုလ်တို့မှ သိပ္ပံပညာရှင်များက ကြွက်တွေကို ပြင်ပဒဏ်ရာတွေနားမှာ သကြားဖြင့် ကုသတဲ့အခါ မကုသပေးတဲ့ကြွက်တွေထက် ဒဏ်ရာတွေနားက အမွှေးတွေ ပိုမိုလျင်မြန်စွာ ပြန်ထွက်လာပုံကို လေ့လာခဲ့ကြပါတယ်။

▪️ တက်စ်တိုစတီရုန်းကြောင့် အမွှေးကျွတ်တဲ့ ကြွက်ထီးတွေကို ကျောပေါ်မှ အမွှေးများ ဖယ်ရှားခဲ့ကာ ဒီအောက်ဆီရိုင်ဘို့စ်သကြားဂျယ်လ်ကို နေ့စဉ်အနည်းငယ် သုတ်လိမ်းပေးခဲ့ပြီး ရက်သတ္တပတ်အတွင်း ထူထဲရှည်လျားတဲ့ အမွှေးတွေ ပြန်ထွက်လာတာ တွေ့ခဲ့ကြပါတယ်။

▪️ သဘာဝအတိုင်းဖြစ်ပေါ်တဲ့ ဒီအောက်ဆီရိုင်ဘို့စ်သကြားက မွှေးညင်းပေါက်များဆီ သွေးလှည့်ပတ်မှုကောင်းစေပြီး အမွှေးအမျှင်ကြီးထွားမှုကို အားပေးခြင်းက ဆံပင်ကျွတ်ခြင်းကုသနိုင်မယ့် အဖြေဖြစ်လာနိုင်တယ်လို့ ရှက်ဖီးလ်တက္ကသိုလ်မှ တစ်ရှူးအင်ဂျင်နီယာ ရှီလာမက်နေးလ်က ပြောပါတယ်။

▪️ မျိုးရိုးလိုက်ထိပ်ပြောင်ခြင်းဟာ သဘာဝအတိုင်း ဟော်မုန်းပမာဏ၊ အသက်အရွယ်တို့ကြောင့် ဖြစ်ပေါ်တတ်ပြီး ယောက်ျားမိန်းမမရွေး ပုံစံအမျိုးမျိုးဖြင့် ဖြစ်နိုင်ပါတယ်။

▪️ Minoxidilဆေးက ဆံပင်ကျွတ်ခြင်းကို နှောင့်နှေးစေနိုင်ပြီး ဆံပင်ပြန်ထွက်စေနိုင်ပေမယ့် ထိပ်ပြောင်ခြင်းဝေဒနာ ခံစားရသူအားလုံးအတွက် ထိရောက်တာမျိုးတော့ မဟုတ်ပါဘူး။

▪️ Minoxidilကို အမွှေးပြောင်တဲ့ ကြွက်တွေမှာ စမ်းသပ်ပြီး အချို့ကြွက်တွေမှာတော့ Minoxidilရော သကြားဂျယ်လ်ရောနဲ့ စမ်းသပ်ရာမှာ ဒီအောက်ဆီရိုင်ဘို့စ်သကြားပါတဲ့ ဂျယ်လ်အသုံးပြုတဲ့ကြွက်တွေဟာ မွေးညင်းပေါက်အသစ်များ ထွက်ပေါ်လာတာ တွေ့ခဲ့ကြပါတယ်။

▪️ မွေးညင်းပေါက်တွေဆီ သွေးလှည့်ပတ်မှု ကောင်းစေကာ အမွှေးရှည်လျားတယ်လို့ ဖော်ပြထားပါတယ်။

▪️ လူသားတွေမှာလည်း ဒီဂျယ်လ်က ထိရောက်မှုရှိခဲ့ရင် ထိပ်ပြောင်ခြင်းကို ကုသပေးပြီး ဆံကေသာများကို လှုံ့ဆော်ပေးနိုင်မယ်လို့ ဖော်ပြထားပါတယ်။

Source: WION

အလွန်ခေတ်မီတဲ့ အခြေခံအဆောက်အအုံတွေနဲ့ ကျော်ကြားတဲ့ တရုတ်တောင်ပိုင်းရှိ နည်းပညာအချက်အခြာ ရှန်ကျန်းမြို့ရဲ့ နန်ရှန်ခရိုင်မှာ မှတ်ဉာဏ်တုချိတ်ဆက်ယာဉ်များ (ICV) လုပ်ငန်းလည်ပတ်မှု ရှေ့ပြေးစမ်းသပ်မှုယာဉ်ပရိုဂရမ်ကို တရားဝင်စတင်လိုက်ပါတယ်။
#Asia_Development
Published 2 Apirl 2025
#ဉာဏ်ရည်တုချိတ်ဆက် #ရှန်ကျန်းမြို့
#YMG #Yangon_Times #Yangon_Media_Group

#Daily_News

Published 2 Apirl 2025

၁။ ငလျင်ကယ်ဆယ်ရေးတွင်အသုံးပြုရန် တရုတ်-မြန်မာ-အင်္ဂလိပ် ဘာသာပြန်ဆိုစနစ်ကို အရေးပေါ်ဖော်ဆောင်ခဲ့

၂။ ၆ရက်အတွင်း မြေငလျင်(၅၅)ကြိမ် လှုပ်ခတ်ခဲ့

၃။ ငလျင်ဒဏ်ကြောင့် ယာယီရပ်နားထားသော ရထားလမ်းပိုင်းများအား အမြန်ဆုံးပြုပြင်ပြီး ပြန်လည်ပြေးဆွဲသွားမည်

၄။ ဉာဏ်ရည်တုချိတ်ဆက်မော်တော်ယာဉ် ရှန်ကျန်းမြို့တွင် ကနဦးစမ်းသပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 02 April 2025

▪️ ဒေါ်နယ်ထရမ့်ရဲ့ အမေရိကန်အစိုးရက အင်္ဂါနေ့မှာ ကျန်းမာရေးအေဂျင်စီများမှ ဝန်ထမ်း ၁ သောင်းခန့်ကို အလုံးအရင်းဖြင့် စတင်အလုပ်ထုတ်ပယ်လိုက်ကာ ဝန်ထမ်းများ အသိပေးစာရပြီးနောက် နာရီပိုင်းအကြာမှာပဲ လုံခြုံရေးများက အချို့ဝန်ထမ်းတွေကို ဝင်ရောက်ခွင့် တားဆီးပိတ်ပင်နေတယ်လို့ သတင်းနီးစပ်သူတွေက ပြောပါတယ်။

▪️ ကျန်းမာရေးဝန်ကြီးဌာနလက်အောက်ရှိ FDA, CDC, အမျိုးသားကျန်းမာရေးအဖွဲ့အစည်းတို့ အပါအဝင် အဆင့်မြင့်အေဂျင်စီ အများအပြားကို ဝန်ထမ်းအင်အား လျှော့ချလာတာဖြစ်ပြီး ဒါတွေဟာ သမ္မတ ဒေါ်နယ်ထရမ့်နဲ့ ဘီလျံနာ အီလွန်မက်စ်တို့ အစိုးရအမှုထမ်းအင်အားနဲ့ အသုံးစရိတ်လျှော့ချရေး အစီအစဉ်ကြီးထဲက တစ်ခုဖြစ်လာပါတယ်။

▪️ အလုပ်ထုတ်ပယ်သူတွေထဲမှာ ပြည်သူ့ကျန်းမာရေး၊ ကင်ဆာသုတေသန၊ ကာကွယ်ဆေးနဲ့ ဆေးဝါးအသိအမှတ်ပြုရေးတို့ကို ကြီးကြပ်နေတဲ့ ထိပ်သီးသိပ္ပံပညာရှင်တွေ ပါဝင်နေရာ လက်ရှိရောဂါဖြစ်ပွားမှုတွေကို အမေရိကန် ဘယ်လိုတုံ့ပြန်ဆောင်ရွက်မလဲဆိုတာနဲ့ ပတ်သက်ပြီး စိုးရိမ်စရာ ဖြစ်လာပါတယ်။

▪️ အလုပ်အကိုင် ဆုံးရှုံးသွားသူတွေအတွက် စိတ်မကောင်းဖြစ်မိတယ်လို့ ကျန်းမာရေးဝန်ကြီး ရောဘတ်အက်ဖ်ကင်နက်ဒီဂျူနီယာက ဖော်ပြသွားပါတယ်။

▪️ ဆေးဝါးသစ်ဌာနမှ ညွှန်ကြားရေးမှူး ပီတာစတိန်း၊ FDA ဆေးရွက်ကြီးထုတ်ကုန်ဌာန အကြီးအကဲ ဘရိုင်ယန်ကင်း၊ FDAကာကွယ်ဆေး ထိပ်သီးအရာရှိ ပီတာမာ့ခ်တို့ အလုပ်ထုတ်ခံရတဲ့ထဲ ပါဝင်နေပါတယ်။

▪️ "FDAက ပြီးဆုံးသွားပါပြီ။ အသိပညာတွေအကြောင်း၊ ထုတ်ကုန်ဖွံ့ဖြိုးတိုးတက် ဘေးကင်းရေးတို့အကြောင်း နက်နဲစွာသဘောပေါက်နားလည်တဲ့ ခေါင်းဆောင်အများစု မရှိတော့ပါဘူး။ သမိုင်းမှာ အမှားကြီးတစ်ခုအနေနဲ့ နာမည်တွင်သွားလိမ့်မယ်" လို့ ကော်မရှင်နာဟောင်း ရောဘတ်ကာလစ်ဖ်က Linkedlnမှာ ဖော်ပြထားပါတယ်။

▪️ ဝန်ထမ်းတွေက ဝါရှင်တန်မြို့လယ် ကျန်းမာရေးဌာနအများအပြား တည်ရှိတဲ့ မယ်ရီဆွစ်ဇာအဆောက်အအုံအတွင်းသို့ ဝင်ရောက်ရန် ကြိုးပမ်းတဲ့အခါမှာ လုံခြုံရေးအစောင့်တွေက အလုပ်ထုတ်ခံရကြောင်း အသိပေးနေကြပါတယ်။

▪️ အလုပ်ထုတ်ခံရကြောင်းကို လုံခြုံရေးအစောင့်တွေက ပြောပြနေရတယ်လို့ ဝန်ထမ်းတစ်ဦးက ပြောသွားပါတယ်။

#Source: Reuters

#World_Health
Published 02 April 2025

▪️ သုတေသနအသစ်အရ တစ်နေ့ကို ကယ်လိုရီ ၁၀၀ လောက်ရှိတဲ့ သရက်သီးစားပေးရင် အင်ဆူလင်လျှော့ချနိုင်ပြီး အဝလွန်သူတွေမှာ အင်ဆူလင်အလုပ်လုပ်နိုင်စွမ်း မြှင့်တင်ပေးနိုင်မယ်လို့ ယူဆထားပါတယ်။

▪️ သရက်သီးလတ်လတ်ဆတ်ဆတ်တွေက အဝလွန်သူတွေမှာ ဆီးချိုဖြစ်နိုင်ခြေကို လျှော့ချနိုင်မယ်လို့ အီလီနွိုက်စ်နည်းပညာတက္ကသိုလ်မှ အစားအစာသိပ္ပံပရော်ဖက်ဆာ အင်ဒီကာအက်ဒရီဆင်ဂယ်က ပြောပါတယ်။

▪️ အမေရိကန်မှာ အဝလွန်ပြဿနာ ကြီးမားလာသလို ဆီးချိုဖြစ်ပွားသူ အရေအတွက်လည်း များလာပါတယ်။

▪️ အင်ဆူလင်ယဉ်ပါးပြီး သွေးတွင်းသကြားဓာတ် အလွန်မြင့်မားတဲ့အခါ ဆီးချိုရောဂါ ဖြစ်လာနိုင်ပါတယ်။

▪️ သုတေသီအဖွဲ့က အသက် ၂၀ မှ ၆၀ အတွင်း အဝလွန်သူ ၄၈ ဦးကို ၂ ဖွဲ့ခွဲခဲ့ပါတယ်။

▪️ တစ်ဖွဲ့ကို နေ့စဉ်သရက်သီး ၂ ခွက်စားခိုင်းပြီး အခြားအဖွဲ့ကိုတော့ အီတလီရေခဲသုပ်တစ်မျိုး စားခိုင်းခဲ့ပါတယ်။

▪️ ဒါ့အပြင် ယင်းတို့ရဲ့ ပုံမှန်စားသောက်နေထိုင်မှုပုံစံအတိုင်း ၄ ပတ်ကြာ စောင့်ကြည့်ခဲ့ကြပါတယ်။

▪️ ဒီနောက်မှာတော့ သရက်သီးစားတဲ့သူတွေဟာ အင်ဆူလင်ယဉ်ပါးခြင်း သိသိသာသာ ကျဆင်းတာကို တွေ့ခဲ့ကြပါတယ်။

▪️ ဒါကြောင့် သရက်သီးဟာ ကယ်လိုရီတူညီတဲ့ အခြားစားစရာတွေထက် နှလုံးအတွက် ပိုကောင်းစေတယ်ဆိုတာကို ယူဆစရာဖြစ်လာပါတယ်။

▪️ သရက်သီးရဲ့ သကြားဓာတ်ပါဝင်မှုက ဆီးချိုအပေါ် သက်ရောက်မှုရှိတယ်ဆိုတဲ့ ယူဆချက်အလွဲတွေကို ဖြေရှင်းပြတဲ့သဘော တွေ့လာရပါတယ်။

▪️ သရက်သီးက အမျှင်ဓာတ်ကြွယ်ဝကာ အူလမ်းကြောင်းကျန်းမာရေးကို ထောက်ပံ့ပေးပြီး အစာခြေခြင်းကို ကူညီပေးပါတယ်။

▪️ ဗိုက်တာမင်-အေ၊ စီ၊ အီး၊ ဓာတ်တိုးဆန့်ကျင်ပစ္စည်းများလည်း ပါဝင်တာကြောင့် အရေပြားနဲ့ ဆံကေသာကျန်းမာရေးကို ထောက်ပံ့ပေးပါတယ်။

#Source: New York Post

#World_Science
Published 02 April 2025

▪️ အန္တာတိကမျက်နှာပြင်အောက်ဘက် ရှေးဟောင်းတိုက်ကြီးတစ်ခုရဲ့ အပိုင်းအစတွေ ရှာဖွေတွေ့ရှိခဲ့တာဟာ သိပ္ပံပညာရှင်များ အံ့အားသင့်စရာ ဖြစ်ရပါတယ်။

▪️ ဒီအချက်အလက်တွေကို ၂၀၁၃တည်းက အသုံးမပြုတော့တဲ့ ဆွဲငင်အားမြေပုံပြဂြိုဟ်တုတစ်ခုကနေ ရရှိတာ ဖြစ်ပါတယ်။

▪️ ဒါဟာ ဥရောပအာကာသအေဂျင်စီရဲ့ Gravity Field နဲ့ Ocean Circulation Explorer (GOCE) ဂြိုဟ်တုဖြစ်ပါတယ်။

▪️ ဥရောပအာကာသအေဂျင်စီမှ အသုံးပြုပြီး ၄ နှစ်အကြာမှာ ဖျက်ဆီးခဲ့ပေမယ့် တန်ဖိုးမဖြတ်နိုင်တဲ့ အချက်အလက်အချို့ ရှိနေဆဲဖြစ်ပါတယ်။

▪️ အန္တာတိကရဲ့ ကြီးမားကျယ်ပြန့်တဲ့ ရေခဲပြင်ကြီးကို လေ့လာရန် ခက်ခဲနေခဲ့ပြီး ယခုအချက်အလက်တွေကတော့ နှစ်ပေါင်းဘီလီယံချီ နစ်မြုပ်တိမ်ဖုံးနေတဲ့ ဘူမိသမိုင်းကို သိရှိလာစေနိုင်မှာ ဖြစ်ပါတယ်။

▪️ ဒီလေ့လာချက်ကနေ အန္တာတိကဟာ ပြီးခဲ့တဲ့နှစ်သန်းပေါင်း ၂၀၀ ကျော်အတွင်း ဘယ်လောက်ရွေ့သွားလဲဆိုတာ ဖော်ပြနေပါတယ်။

▪️ ဂွန်ဝါနာဆိုတဲ့ တိုက်ခွဲကြီးတစ်ခုကနေ လွန်ခဲ့တဲ့ နှစ်သန်းပေါင်း ၁၈၀ ကျော်တုန်းက ပြိုကွဲပြီး အိန္ဒိယ၊ ဩစတြေးလျ၊ အန္တာတိကတို့ဖြစ်လာပြီး လက်ရှိနေရာတွေကို ရောက်ရှိသွားပါတယ်။

▪️ ရှေးဟောင်းတိုက်အလွှာ အပိုင်းအစတွေကို အန္တာတိကသာမက ဩစတြေးလျနဲ့ အိန္ဒိယအောက် တစ်မိုင်လောက်မှာ တွေ့ခဲ့ကြသဖြင့် အန္တာတိကအရှေ့ပိုင်းနဲ့ နှစ်နိုင်ငံတို့ဟာ တစ်ချိန်က ချိတ်ဆက်နေခဲ့ကြတာကို ပြနေပါတယ်။

▪️ အန္တာတိကအောက်ဘက်နဲ့ အခြားတိုက်များအောက် အလွှာတွေကြား အခြေခံတူညီချက်များနဲ့ ကွဲပြားချက်များ ဖော်ပြနေတဲ့ ဘူမိအချက်အလက်များကို မြင်တွေ့ရတယ်လို့ ဗြိတိသျှအန္တာတိတ်စစ်တမ်းမှ ဘူမိသိပ္ပံခေါင်းဆောင် ဖော်စ်တိုဖယ်ရာဆီယိုလီက ပြောသွားပါတယ်။

▪️ အခုဆိုရင် သိပ္ပံပညာရှင်တွေက အန္တာတိကတိုက် လက်ရှိမှာ ရာသီဥတုဖောက်ပြန်မှုကို ဘယ်လိုတုံ့ပြန်မလဲဆိုတာကို နားလည်ရန် ရည်မှန်းနေပါတယ်။

#Source: WION