#World_Health
Published 7 July 2023

နာကျင်ကိုက်ခဲခြင်းများ ကင်းဝေးပြီး ကျန်းမာသန်စွမ်းနေစေရန် ပုံမှန်လေ့ကျင့်ခန်းပြုလုပ်ခြင်း၊ ကိုယ်အလေးချိန်ထိန်းခြင်း၊ ကျန်းမာတဲ့အစားအစာ စားခြင်းတို့ ပြုလုပ်ပေးသင့်ပါတယ်။

ဒါပေမဲ့ နောက်ထပ် မထင်မှတ်ထားတဲ့ အချက်ကတော့ ကောင်းမှုကုသိုလ်ပြုလုပ်ခြင်းပါပဲ။

ပေးကမ်းလှူဒါန်းခြင်း၊ လုပ်အားပေးခြင်း၊ ကြင်နာမှုပြခြင်းစတဲ့ ကောင်းမှုလုပ်ရပ်တွေက ကျန်းမာရေးကို အထောက်အကူဖြစ်စေပြီး ကိုယ်ခံအားမြှင့်တင်ပေးကာ အသက်ရှည်စေပါတယ်။

လေ့လာချက်များအရ နာတာရှည်နာကျင်ကိုက်ခဲခြင်း ခံစားနေရသူ ၈၅ ရာခိုင်နှုန်းလောက်မှာ စိတ်ဓာတ်ကျခြင်းလည်း ခံစားရတတ်ပါတယ်။

ကျန်းမာရေးကဏ္ဍအမျိုးမျိုးမှာ ရေရှည်စစ်ဆေးရန်အတွက် လူပေါင်း ၄၈,၀၀၀ ထံမှ အချက်အလက်များကို သုတေသီများ လေ့လာခဲ့ကြပါတယ်။

စမ်းသပ်ခံသူ ၃ ပုံ ၂ ပုံခန့်က ကောင်းမှုအတွက် ငွေကြေးလှူဒါန်းခဲ့ကြကာ ၅ ယောက်မှာ ၁ ယောက်နှုန်းကတော့ လုပ်အားပေးခဲ့ကြပါတယ်။

နှစ်မျိုးစလုံးပြုလုပ်သူတွေမှာတော့ အကျိုးကျေးဇူး အများဆုံးရရှိတာကို တွေ့ခဲ့ကြပါတယ်။

လုပ်အားပေးလုပ်တဲ့အခါ လှုပ်ရှားမှုကြောင့် အင်ဒေါ်ဖင်ဟော်မုန်းထွက်စေပါတယ်။

ထိုဟော်မုန်းက နာကျင်ကိုက်ခဲမှုတွေကို သက်သာစေပြီး စိတ်အခြေအနေကို မြှင့်တင်ပေးပါတယ်။

၂၀၁၃ ခုနှစ်လေ့လာချက်အရ ကူညီလေ့ရှိတဲ့ အသက် ၅၅ နှစ်အထက် လူတွေဟာ အရွယ်မတိုင်ခင် သေဆုံးမှုနှုန်း ၂၄ ရာခိုင်နှုန်း ပိုမိုနည်းပါးကြောင်း တွေ့ရှိထားပါတယ်။

လူမှုပေါင်းသင်းရေးအပြင် လေ့ကျင့်ခန်းပြုလုပ်ခြင်း၊ အဆစ်အမြစ်များ လှုပ်ရှားခြင်းတို့ ပြုလုပ်ပေးနေသင့်ပါတယ်။

ကြင်နာတတ်ခြင်းကလည်း ဖိစီးမှုဟော်မုန်းကို လျှော့ချပေးကာ နှလုံးသွေးကြောရောဂါ ဖြစ်နိုင်ချေကို လျှော့ချပေးနိုင်ကြောင်း တွေ့ရှိထားပါတယ်။

ကောင်းမှုပြုလုပ်နေသူကို မြင်နေရရုံဖြင့်ပင် သင်ကိုယ်တိုင်ရောဂါဘယကူးစက်မှုတွေကို တိုက်ဖျက်နိုင်အောင် စွမ်းဆောင်စေနိုင်ပါတယ်။

ဒါပေမဲ့ သူများကိုကြည့်နေတာထက် ကိုယ်တိုင် ကောင်းမှုပြုလုပ်ရင်တော့ ပိုပြီးအကျိုးရှိပါတယ်။

#World_Health #ကောင်းမှုကုသိုလ်ပြုလုပ်ခြင်း
#Source:_Daily_Mail #Yangon_Times

#World_Health
Published 7 July 2023

တဲလ်အေဗစ်တက္ကသိုလ်မှ သုတေသီများက ပထမဆုံးအကြိမ်အဖြစ် တိရိစ္ဆာန်တွေရဲ့ ကင်ဆာအကျိတ်ထဲသို့ ဆေးတစ်ချက်ထိုးကာ ကင်ဆာဆဲလ်များ ၄၄ - ၆၀ ရာခိုင်နှုန်းအထိ လုံးဝအပြီးတိုင် ပျောက်ကွယ်စေခဲ့ပါတယ်။

နည်းပညာအသစ်ဖြင့် ကင်ဆာဆဲလ်တွေကို နောက်ဆုံးမှာသေစေမယ့် အဆိပ်သင့်ပရိုတိန်းတွေ ထုတ်လုပ်ဖို့ ပြုလုပ်နိုင်ခဲ့တယ်လို့ ဖော်ပြခဲ့ကြပါတယ်။

ဘက်တီးရီးယားက ထုတ်လုပ်တဲ့ အဆိပ်ကို mRNA မော်လီကျူးများအဖြစ်သို့ ပြောင်းလဲပေးကာ ကင်ဆာဆဲလ်တွေဆီ တိုက်ရိုက်ပေးပို့စေခဲ့ရာ ဆဲလ်တွေကနေ အဆိပ်ကိုထုတ်ပေးပြီး အံ့ဩလောက်စရာ အောင်မြင်မှုနှုန်းဖြင့် ကင်ဆာဆဲလ်များကို သတ်ပစ်နိုင်ခဲ့ပါတယ်။

ကင်ဆာကုထုံးများဟာ လွန်ခဲ့တဲ့ဆယ်စုနှစ်များအတွင်း သိသိသာသာ တိုးတက်ပြောင်းလဲလာခဲ့ပြီး ကင်ဆာဆဲလ်ကြီးထွားမှုကို ဟန့်တားရန် နည်းလမ်းများပေါ်ပေါက်လာကြောင်း သုတေသီများက ဆိုပါတယ်။

အထင်ရှားဆုံးကတော့ ဘိုတောက်စ်ကုသမှုတွေမှာ ထိုးသွင်းတဲ့ ဘော်ကျူလီနမ်အဆိပ်ဖြစ်ပါတယ်။

နောက်တစ်မျိုးကတော့ ဓာတုကုထုံးဖြစ်ပြီး မော်လီကျူးငယ်တွေ သွေးစီးကြောင်းကနေ ဖြတ်သန်းပို့ဆောင်ပေးပြီး ကင်ဆာဆဲလ်များကို ထိရောက်စွာ သတ်ပစ်တာပဲ ဖြစ်ပါတယ်။

ဒါပေမဲ့ ဆိုးကျိုးကတော့ ဓာတုကုထုံးဟာ ကင်ဆာဆဲလ်ရော ကျန်းမာတဲ့ဆဲလ်တွေပါ သတ်ပစ်တာပါပဲ။

ယခုနည်းလမ်းကတော့ ကင်ဆာဆဲလ်တွေဆီ စိတ်ချရတဲ့ mRNA မော်လီကျူးတွေကို တိုက်ရိုက်ပို့ဆောင်ပေးကာ အဆိပ်ပရိုတိန်း ထုတ်လုပ်ပေးပြီး သတ်ပစ်လိုက်တာဖြစ်ပါတယ်။

mRNA မော်လီကျူးတွေကို လစ်ပစ်နာနိုအမှုန်များဖြင့် ထုပ်ပိုးကာ ကင်ဆာဆဲလ်များဆီ သွားရောက်ဖို့ လမ်းညွှန်ပေးပါတယ်။

အကျိတ်အရင်းထဲ ဆေးတစ်ချက်ထိုးရုံနဲ့ ကင်ဆာဆဲလ်တွေ သေဆုံးပြီး ကျန်းမာတဲ့ဆဲလ်တွေကို ထိခိုက်ခြင်းမရှိပါဘူး။

ကင်ဆာဆဲလ်တွေက ထိုနည်းလမ်းကို ခံနိုင်ရည်မရှိဘဲ အခြားသဘာဝအဆိပ်လည်း အသုံးပြုနိုင်ပါတယ်။

Source: The Jerusalem Post #World_Health
#Yangon_Times #ကင်ဆာဆဲလ်ကိုသတ်ပစ်နိုင်သည့်နည်းလမ်း

ဘရာဇီးလ်အမေဇုန်အလယ်မှာ ကျင်းပတဲ့ ရောင်စုံ'ပါရင်တင်စ်ဖော့ခ်'ပွဲတော်မှာ ထောင်ပေါင်းများစွာသော အကသမားများ၊ အနုပညာရှင်များက တေးဂီတ၊ အကများဖြင့် သရုပ်ဖော်ခဲ့ကြပါတယ်။

#World_Event
Published_ 6 July 2023
#ဘရာဇီးလ်အမေဇုန်တွင်ကျင်းပ
#Yangon_Times

#Daily_News
Published_ 6 July 2023

၁။ မြန်မာ့လက်ရွေးစင် အမျိုးသမီးဘောလုံးအသင်းအနေဖြင့် အုပ်စုအဆင့် ကျော်ဖြတ်နိုင်ရန် ပြိုင်ဘက်တိုင်းကို အလေးထား ယှဉ်ပြိုင်သွားရမည်ဟု နည်းပြချုပ် ဒေါ်သက်သက်ဝင်းပြော

၂။ ရွှေအရောင်းအဝယ်အေးပြီး ပြည်တွင်းရွှေဈေးကျနေ

၃။ ယနေ့ညနေအထိ နေပြည်တော်၊ အပါအဝင် အခြားပြည်နယ်နှင့်တိုင်းများတွင် ရာနှုန်းပြည့်မိုးကြီးနိုင်ဟုဆို

၄။ ဘရာဇီးလ်အမေဇုန်တွင်ကျင်းပသည့် ပါရင်တင်စ်ပွဲတော်တွင် လူပေါင်းထောင်ပေါင်းများစွာမှ ရိုးရာရောင်စုံအကအလှများဖြင့် ဖျော်ဖြေခဲ့ကြ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

#World_Politics
Published 6 July 2023

ထိုင်းဝန်ကြီးချုပ်အသစ် အရေးကြီးမဲခွဲဆုံးဖြတ်မှုအတွက် ပါလီမန်ပူးတွဲအစည်းအဝေးကို ဇူလိုင် ၁၃ ရက်နေ့မှာ ကျင်းပမှာဖြစ်ပြီး Move Forward Party(MFP) ခေါင်းဆောင် 'ပီတာလင်မ်ဂျရိုအင်ရတ်' ဝန်ကြီးချုပ်ဖြစ်ဖို့ကလည်း မရေရာသေးဘဲ ဖြစ်နေပါတယ်။

ဝန်ကြီးချုပ်လောင်းတစ်ဦးအနေနဲ့ ပထမအကြိမ်မဲပေးမှုမှာ အနိုင်မရခဲ့ပါက ပူးတွဲအစည်းအဝေးမှာ လိုအပ်တဲ့ထောက်ခံမှု ရရှိတဲ့အထိ နောက်ထပ်မဲပေးမှုအကြိမ်တွေ ပြုလုပ်သွားမှာဖြစ်ကြောင်း အောက်လွှတ်တော်ဥက္ကဌ 'ဝမ်မိုဟာမက်နူးရ်မာသာ'က ဗုဒ္ဓဟူးနေ့မှာ ပြောကြားခဲ့ပါတယ်။

မစ္စတာပီတာ အနိုင်မရပါက မေလ ၁၄ ရက်နေ့ရွေးကောက်ပွဲမှာ အောက်လွှတ်တော်အမတ်နေရာ ဒုတိယအများဆုံးအနိုင်ရခဲ့တဲ့ ဖူထိုင်းပါတီက ကိုယ်စားလှယ်လောင်း တင်သွင်းသွားမှာလားဆိုတာတော့ မသေချာသေးပါဘူး။

ဖူထိုင်းပါတီက မစ္စတာပီတာကို ထောက်ခံပေမယ့် သူသာအနိုင်မရပါက သူတို့ရဲ့ကိုယ်စားလှယ်လောင်းတွေကို တင်သွင်းဖို့စဉ်းစားသွားမယ်လို့ ဖူထိုင်းပါတီမှ အရေးကြီးပုဂ္ဂိုလ်များက ဆိုထားဖူးပါတယ်။

PPRP နဲ့ UTN ပါတီတို့လို ညွန့်ပေါင်းပါတီတွေအနေနဲ့လည်း အမည်စာရင်း တင်သွင်းသွားမှာလားဆိုတာ မသိရသေးပါဘူး။

PPRP နဲ့ UTN ပါတီတို့ကတော့ သက်ဆိုင်ရာ ကိုယ်စားလှယ်လောင်းတွေ ထောက်ခံမှုရရှိရန် ခက်ခက်ခဲခဲ စည်းရုံးရဖို့ရှိနေကြောင်း သတင်းရင်းမြစ်တွေက ဆိုပါတယ်။

ပါလီမန်ဥက္ကဌမစ္စတာဝမ်က အထက်လွှတ်တော်ဥက္ကဌ 'ပွန်ပက်ချ်ဝီချစ်ချော်ချိုင်'နဲ့ ဆွေးနွေးတိုင်ပင်ကာ ဇူလိုင် ၁၃ ရက်နေ့မှာ မဲပေးမှုပြုလုပ်ရန် စီစဉ်ထားတယ်လို့ ပြောပြခဲ့ပါတယ်။

မဲပေးခြင်းအတွက် အထက်လွှတ်တော်ကိုယ်စားလှယ် ၂၅၀ နဲ့အတူ အောက်လွှတ်တော်ကိုယ်စားလှယ် ၅၀၀ ကို အခြေခံဥပဒေအရ ပါဝင်ခွင့်ပေးထားပါတယ်။

ဇူလိုင် ၁၃ ရက်နေ့ ပထမအကြိမ်မဲပေးမှုမှာ ဝန်ကြီးချုပ်လောင်းတစ်ဦး အနိုင်ရဖွယ်ရှိကြောင်းလည်း ပြောပြခဲ့ပါတယ်။

ဖွဲ့စည်းပုံအခြေခံဥပဒေအရ ဝန်ကြီးချုပ်လောင်းတစ်ဦးအနေနဲ့ အထက်လွှတ်တော်နဲ့ အောက်လွှတ်တော်တို့မှ လူဦးရေ ၇၅၀ တဝက်ရဲ့ ထောက်ခံမှုကို ရရှိရန်လိုအပ်ပါတယ်။

MFP ပါတီက အထွေထွေရွေးကောက်ပွဲမှာ နေရာအများဆုံး အနိုင်ရရှိထားပြီး အစိုးရဖွဲ့စည်းခွင့် ရရှိထားပါတယ်။

ရွေးကောက်ခံတွေက ရွေးကောက်ပွဲကော်မရှင်ထံ ပါတီတွေမှတင်သွင်းထားတဲ့ စာရင်းထဲမှ ဖြစ်ရမှာဖြစ်ပြီး စစ်တမ်းအေဂျင်စီက သူတို့ကို စစ်ဆေးပြီးသားဖြစ်ရပါမယ်။

ပါလီမန်ပူးတွဲကနေ ဝန်ကြီးချုပ်အသစ်မရွေးနိုင်ပါက ဖွဲ့စည်းပုံအခြေခံဥပဒေပုဒ်မ ၂၇၂ အရ အစားထိုးနည်းလမ်းအတိုင်း လုပ်ရမှာဖြစ်ပါတယ်။

#World_Politics #ပီတာလင်မ်ဝန်ကြီးချုပ်ဖြစ်‌ရေး မရောရာသေး
Source: Bangkok Post

#World_Health
Published 6 July 2023

အသက် ၇ နှစ်အရွယ်မိန်းကလေးတစ်ယောက်ရဲ့ လည်ချောင်းမှာ သွားတိုက်ဆေးအဖုံး ခံနေပြီး ဆိုးဆိုးရွားရွား ချောင်းဆိုးနေတာကို ပါရာဂွေးမှဆရာဝန်များ တွေ့ရှိပြီး အံ့အားသင့်ခဲ့ရပါတယ်။

အင်ကာနေစီယွန်မှ မိန်းကလေးဟာ ရက် ၂၀ လောက် ချောင်းဆိုးနေခဲ့ကာ ဆေးရုံသို့ရောက်ရှိလာပြီး အချိန်မီကုသမှု ခံယူခဲ့ကြောင်း ဆေးရုံက ဖေ့စ်ဘွတ်ခ်မှာ ရေးသားခဲ့ပါတယ်။

မိန်းကလေးငယ်ဟာ လည်ချောင်းထဲမှာ အချိန် ၃ ပတ်ခန့် အဆက်မပြတ်ယားယံနေခဲ့ပြီး သူ့မိဘတွေက ဆေးရုံသို့ခေါ်သွားပေမယ့် အကြောင်းအရင်းကို ဆရာဝန်တွေ မရှာနိုင်ခဲ့ပါဘူး။

အစပိုင်းမှာ ချောင်းဆိုးတယ်ဆိုပြီး ပြသခဲ့တာကြောင့် အခြေအနေမှန် မသိခဲ့ရတာဖြစ်ကြောင်း၊ ဆေးတွေပေးခဲ့ပေမယ့် လုံးဝသက်သာခြင်းမရှိကြောင်း အင်ကာနေစီယွန်ဆေးရုံ ညွှန်ကြားရေးမှူး ဒေါက်တာ'ဝေါလ်တာဘင်နီတက်ဇ်'က ရှင်းပြခဲ့ပါတယ်။

ချောင်းဆိုးရတဲ့ အရင်းအမြစ်ကိုသိရဖို့ ဆေးရုံသို့ခေါ်ဆောင်ပြီး ဓာတ်မှန်ရိုက်ခဲ့ကြပါတယ်။

အဲဒီမှာတော့ သူ့လည်ချောင်း အသက်ရှူလမ်းကြောင်းမှာ အရာဝတ္ထုတစ်ခု ပိတ်မိနေတာကို တွေ့ခဲ့ကြပါတယ်။

ဆရာဝန်တွေက လူနာကို မေ့ဆေးပေးကာ အဆုတ်နဲ့ လေလမ်းကြောင်းကို ကြည့်ရှုရာမှာသုံးတဲ့ ပြွန်ပါးလေးတစ်ခုဖြင့် စစ်ဆေးကြည့်ရာမှာ သွားတိုက်ဆေးတောင့်ရဲ့ အဖုံးဖြစ်နေပါတယ်။

ဒါဟာ မိန်းကလေး စပြီး ချောင်းဆိုးတဲ့နေ့ကပဲ မျိုချမိတာဖြစ်နိုင်ပြီး ကံကောင်းစွာနဲ့ပဲ ထိုကိရိယာဖြင့် အဖုံးကို အောင်မြင်စွာ ထုတ်ယူနိုင်ခဲ့ကြောင်း ရှင်းပြခဲ့ပါတယ်။

ကုသပြီးနောက် မိန်းကလေးဟာ ကောင်းစွာသက်သာနေပြီဖြစ်ပါတယ်။

၂၀၂၀ တုန်းကလည်း အိန္ဒိယအမျိုးသားတစ်ဦးဟာ သွားတိုက်ရင်း သွားတိုက်တံကို မတော်တဆမျိုချမိပြီးနောက် ခွဲစိတ်ဖယ်ရှားခဲ့ရပါသေးတယ်။

Source: NY Post #World_Health #လည်ချောင်းထဲ သွားတိုက်ဆေးအဖုံးဝင်
#Yangon_Times #YMG