#DailyNews
Published_ 27 February 2023
၁။ အခြေခံ စားသောက်ကုန်ဈေးနှုန်းများ မြင့်တက်နေပြီး ကြက်ဥတစ်လုံး ၃၀၀ ဝန်းကျင်ဈေးမြင့်
၂။ ပြည်တွင်း၌ စားသုံးဆီပိုထုတ်နိုင်ရန် ဆီလုပ်ငန်းရှင်များဆောင်ရွက်နေ၊ လုပ်ငန်းရှင်(၃၀)%မှ အကောင်အထည်ဖော်နေပြီဖြစ်
၃။ ကမ္ဘာ့ရွှေဈေးတစ်အောင်စကို ၁၈၂၀ ဒေါ်လာနဲ့ စတင်ဈေးဖွင့်လာ
၄။ မညစ်ပေချင်သည့် ယောက်ျားများအစား နီကာရာဂွာအမျိုးသမီးများချင်းကမာတူးဖော်ရှာဖွေကြရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
Published 27 Feb 2023
တရုတ်နိုင်ငံနေရာအစိတ်အပိုင်းတွေ အထူးသဖြင့် ပူနွေးလာတဲ့ တောင်ပိုင်းဒေသတွေမှာ လှပတဲ့ ပန်းမျိုးစုံဟာ ဆောင်းကုန်လို့ နွေဦးရာသိရောက်လာချိန်မှာ အစွမ်းကုန်ဖူးပွင့်နေကြပါတယ်။
တရုတ်နိုင်ငံအရှေ့ပိုင်း ဖူကျန့်ပြည်နယ်ရဲ့ ကူရှန်းစီရင်စုမှာ နွေဦးရာသီအတွက် ဇီးပင်တွေဖူးပွင့်နေကြပါတယ်။
ဖူဒါကျေးရွာမှာဆိုရင် ဟက်တာ၃၃၀ကျော်ရှိတဲ့ မြေနေရာအကျယ်ကြီးထဲမှာ ပန်းတွေလှပစွာဖူးပွင့်နေကြပါတယ်။
ကွမ်တုန်ပြည်နယ် ကွမ်ကျိုးမြို့က ဟိုင်းကျူးအမျိုးသားရေဝပ်ဥယျဉ်မှာ ပန်းရောင်ပန်းတွေဖူးပွင့်နေတာ အင်မတန်မှ လှပပြီးဆွဲဆောင်မှုရှိနေပါတယ်။
ဆီချွမ်းပြည်နယ် ကျန်အန်းစီရင်စုဦဇီကျန်းပြည်နယ်က ရှန်တောင်းဟူကျွန်းနှင့်အခြားကျွန်းတွေရဲ့ ကန်တွေမှာလည်း ချယ်ရီတွေလှပစွာပွင့်ဖူနေကြရာ ဧည့်သည်တွေအတွက် ရှုမငြီးစရာ ပန်းချီကားတစ်ချပ်ဖြစ်လို့နေပါတယ်။
Source: CCTV+
#တရုတ်နွေဦးရာသီ
#နွေဦးရာသီပန်းစုံဖူးပွင့်
#China_Spring_Flowers
#YangonMediaGroup
#Ukraine_Crisis
Published 27 February 2023
ယူကရိန်းအရှေ့ဘက်ပိုင်းက ရုရှားတပ်တွေကိုတိုက်ခိုက်ရာမှာ ဦးဆောင်နေတဲ့ ယူကရိန်းအကြီးတန်းစစ်ဦးစီးမှူးတစ်ဦးကို အကြောင်းအရင်းမဖော်ပြဘဲ သမ္မတ'ဇယ်လန်စကီ'က တနင်္ဂနွေနေ့မှာ ရာထူးမှထုတ်ပယ်လိုက်ပါတယ်။
ဒွန်ဘတ်စ်ဒေသမှာ တိုက်ပွဲဝင်နေတဲ့ ယူကရိန်းပူးတွဲတပ်ဖွဲ့များရဲ့ တပ်မှူးအဖြစ်တာဝန်ထမ်းဆောင်နေတဲ့ 'အက်ဒွာ့ဒ်မော့စ်ကယ်လီယော့ဗ်'ကို ရာထူးမှထုတ်ပယ်ကြောင်း ဇယ်လန်စကီက တစ်မိန့်တစ်သံကြေညာလိုက်ပါတယ်။
ဇယ်လန်စကီက သူနဲ့ပြောကြားခဲ့တဲ့ စစ်ဦးစီးမှူးတွေကိုစာရင်းပြုစုနေတဲ့ သောကြာနေ့မှာပဲ မော့စ်ကယ်လီယော့ဗ်ကိုထုတ်ပယ်တဲ့အကြောင်း နေ့စဉ်မိန့်ခွန်းမှာ ဖော်ပြခဲ့ပါတယ်။
ယမန်နှစ် ရုရှားတို့ ယူကရိန်းကိုကျူးကျော်ပြီး များမကြာမီမှာပဲ ၂၀၂၂ မတ်လမှာ မော့စ်ကယ်လီယော့ဗ်ကို အဆိုပါရာထူးတာဝန်ပေးအပ်ခဲ့ပါတယ်။
ပူးတွဲတပ်ဖွဲ့တွေရဲ့ ဖေ့စ်ဘွတ်ခ်မှာရော တွစ်တာမှာပါ ထိုကိစ္စအကြောင်း ဖော်ပြခြင်းမရှိသေးပါဘူး။
ရုရှားတပ်တွေက ဒွန်ဘတ်စ်ရှိ အရှေ့ပိုင်းဒေသနှစ်ခုကို သိမ်းပိုက်ရန် ဝိုင်းဝန်းကြိုးပမ်းနေကြကာ အရှေ့ဘက်ရှိ စစ်ရေးအခြေအနေတွေက ခက်ခဲထိခိုက်ရကြောင်း လတ်တလောသီတင်းပတ်များအတွင်း ဇယ်လန်စကီက အမျိုးမျိုးဖော်ပြခဲ့ပါတယ်။
ယူကရိန်းတွေနဲ့ အနောက်တိုင်းအရာရှိများက အသေအပျောက်များတယ်လို့ ပြောဆိုနေကြပေမယ့် ရုရှားလိုလားသောတပ်ဖွဲ့များက ဘက်ခ်မွတ်မြို့ကို အာရုံစိုက်ပြီး အကြိမ်ကြမ်တိုက်ခိုက်နေကြပါတယ်။
ယူကရိန်းစစ်တပ်ရဲ့ စစ်ဦးစီးချုပ်က ဖေ့စ်ဘွတ်ခ်မှာတင်ထားရာမှာ ရုရှားတို့က တနင်္ဂနွေနေ့မှာ ဘက်ခ်မွတ်ဒေသတဝိုက် တိုက်ခိုက်မှုများပြုလုပ်ခဲ့ပေမယ့် မအောင်မြင်ခဲ့ကြောင်း ဖော်ပြထားပါတယ်။
#Source: Reuters #Ukraine_Crisis #ယူကရိန်း #အကြီးတန်း #စစ်ဦးစီးမှူးတစ်ဦး # ဇယ်လန်စကီ #YMG
#Yangon_Media_Group
#World_Health
Published 27 February 2023
မျှစ်က ခန္ဓာကိုယ်ဖွံ့ဖြိုးခြင်းအတွက် အသုံးဝင်တဲ့ အာဟာရဓာတ်အများဆုံး အစားအစာထဲက တစ်ခုဖြစ်ပါတယ်။
နေ့စဉ်ကိုယ်အပူချိန် ပြောင်းလဲခြင်းအပြင် ကိုယ်ခံအားမြှင့်တင်ရန်၊ နှလုံးသွေးကြောကျန်းမာရေး ကောင်းမွန်စေရန်၊ သွေးပေါင်ချိန်ထိန်းညှိရန်အတွက် ညီညွတ်မျှတတဲ့ အစားအစာစားပေးဖို့ လိုအပ်ပါတယ်။
အာဟာရပညာရှင်'လော့ဗ်နိဘာထရာ'ရဲ့ ပြောကြားချက်အရ အစာစားတဲ့အခါ မျှစ်ကိုထည့်သွင်းစားသုံးခြင်းဖြင့် အူလမ်းကြောင်းကျန်းမာရေး ကောင်းမွန်စေကာ နှလုံးကာကွယ်ပေးခြင်း၊ အသားအရည်ဝင်းလက်စေခြင်း၊ အရိုးသန်မာခြင်းတို့ ရရှိစေပါတယ်။
မျှစ်မှာ ပရိုတိန်း၊ အမိုင်နိုအက်ဆစ်၊ ကာဗိုဟိုက်ဒရိတ်၊ အရေးကြီးသတ္တုဓာတ်များနဲ့ ဗိုက်တာမင်များ ကြွယ်ဝစွာပါဝင်ကာ ကျန်းမာသန်စွမ်းစေပါတယ်လို့ အင်စတာဂရမ်မှာ ဖော်ပြခဲ့ပါတယ်။
မျှစ်က ဆဲလူးလို့စ်ကို ၄ ရာခိုင်နှုန်းမြှင့်တင်ပေးကာ အူလမ်းကြောင်းရွေ့လျားမှုကို အားပေးပြီး အစာချေဖျက်ခြင်းကို ကူညီပေးပါတယ်။
ဒါ့အပြင် မကောင်းတဲ့ကိုလက်စ်ထရောလ်တွေကို လျှော့ချပေးပြီး နှလုံးသွေးကြောကျန်းမာရေးနဲ့ သွေးလည်ပတ်မှုကို အားကောင်းစေပါတယ်။
မျှစ်မှာ ဆီလီကာပါဝင်မှုများတာကြောင့် ကော်လာဂျင်နဲ့ အီလက်စ်တင်ဖွဲ့စည်းမှုကို တိုးများစေပါတယ်။
ဗိုက်တာမင်-စီအများအပြားပါဝင်ကာ ကယ်လ်စီယမ်နဲ့ မန်းဂနိစ်ကြွယ်ဝတာကြောင့် အရိုးအဆစ်ကို သိပ်သည်းသန်မာစေပါတယ်။
မျှစ်က ကယ်လိုရီနည်းပါးပြီး အမျှင်ဓာတ်များစွာပါဝင်တာကြောင့် ဗိုက်ပြည့်ဝနေစေပြီး ကိုယ်အလေးချိန်လျော့ကျစေနိုင်ပါတယ်။
Source: India Today #World_Health #မျှစ် #Bamboo_Shoot #Health #YMG #Yangon_Media_Group
#World_Health
Published 27 February 2023
ဂရိတ်ဖရုကို အချို့သောဆေးတွေနဲ့ တွဲဖက်အသုံးပြုရင် ဘေးထွက်ဆိုးကျိုးရှိတာကို ဖော်ပြထားကြပြီးဖြစ်ပါတယ်။
ဒါ့အပြင် ဂရိတ်ဖရုကို တိုနစ်ရေနဲ့ တွဲစပ်သောက်သုံးရင်လည်း အချို့လူတွေအတွက် ဘေးအန္တရာယ်ဖြစ်စေကြောင်းလည်း တွေ့ရှိလာပါတယ်။
ဂရိတ်ဖရုဖျော်ရည်နဲ့ ဓာတ်ပြုနေတဲ့ ဆေးပေါင်း ၁၀၀ နီးပါးရှိခဲ့ရာ တဖြည်းဖြည်းနဲ့ပိုများလာပါတယ်။
ဒီထဲမှာမှ ကိုလက်စ်ထရောလ်ဆေးတွေ၊ နှလုံးရောဂါသောက်ဆေးတွေ၊ ကင်ဆာကုသဆေးတွေလည်း ပါဝင်ပါတယ်။
ဂရိတ်ဖရုဖျော်ရည်မှာပါဝင်တဲ့ အချို့သောပါဝင်ပစ္စည်းတွေက ခန္ဓာကိုယ်ထဲမှာ ဆေးတွေဖြိုခွဲခြင်းကို ပြုလုပ်ပေးတဲ့ CYP3A4 အင်ဇိုင်းကို နှောင့်နှေးစေပါတယ်။
အင်ဇိုင်းက အူသိမ်နံရံတွေမှာရှိကာ ဆေးတွေ သွေးထဲကို မစုပ်ယူခင် ဖြိုခွဲပေးတာကြောင့် အင်ဇိုင်းကိုပိတ်ပင်ခြင်းဖြင့် သွေးထဲမှာ ဆေးပမာဏသိသိသာသာ များပြားလာစေပါတယ်။
ထိုကနေ ဆေးပမာဏပြောင်းလဲသွားကာ ခေါင်းကိုက်ခြင်း၊ နှလုံးခုန်မမှန်ခြင်းအပြင် မအီမသာခံစားချက်တွေ ဖြစ်စေနိုင်ပါတယ်။
တိုနစ်ရေမှာပါဝင်တဲ့ ကွီနင်ဓာတ်က ဂရိတ်ဖရုဖျော်ရည်ရဲ့ သက်ရောက်မှုတွေကို ပေါင်းစည်းသွားစေပါတယ်။
နှလုံးပြဿနာရှိသူတွေဟာ ဂရိတ်ဖရုဖျော်ရည်နဲ့ တိုနစ်ရေကို အတူမသုံးစွဲသင့်ကြောင်း Medicine Plus ဝက်ဘ်ဆိုက်မှာ အကြံပြုထားပါတယ်။
ဒါ့အပြင် ဂရိတ်ဖရုဖျော်ရည်နဲ့ ဝိုင်နီတို့ကိုလည်း ဆေးတွေနဲ့ တွဲမသောက်သင့်ပါဘူး။
ဂရိတ်ဖရုဖျော်ရည်က ကွီနင်ဇီဝဖြစ်စဉ်ကို ဆောင်ရွက်ပေးတဲ့အင်ဇိုင်းကို တားဆီးတာကြောင့်ဖြစ်ပါတယ်။
ထိုကနေ သွေးထဲမှာကွီနင်တွေများလာကာ ရုတ်တရက်နှလုံးရပ်ခြင်း ဖြစ်စေနိုင်ပါတယ်။
#Source: The Jerusalem Post #World_Health #ဂရိတ်ဖရုဖျော်ရည် #တိုနစ်ရေ #YMG #Yangon_Media_Group
Published 26 Feb 2023
သာမာန်အိမ်ထောင်စုရဲ့ အခြေခံစားကုန်ဖြစ်တဲ့ ကြက်သွန်နီရဲ့ ဈေးနှုန်းတွေဟာ အခြားဟင်းသီးဟင်းရွက်တွေလိုပဲ မြင့်တက်လာတဲ့အတွက် ကြက်သွန်နီ ရှားပါးပြတ်လပ်မှုတွေဟာ ကမ္ဘာ့စားနပ်ရိက္ခာအကျပ်အတည်းတစ်ခုကို စနက်မီးပျိုးပေးနိုင်တယ်လို့ အိန္ဒိယတူဒေးသတင်းဌာနက သတင်းရေးသားလိုက်ပါတယ်။
နိုင်ငံတော်တော်များများက ပြည်သူတွေဟာ ပစ္စည်းရှားပါးပြတ်လပ်မှုကြောင့် ကြက်သွန်ဈေးမတန်တဆတက်နေတာကြောင့် ဟင်းလျာများချက်ပြုတ်ရာမှာ မပါမဖြစ်ကြက်သွန်နီကို ဖယ်ထားနေကြရပါတယ်။ ဖိလစ်ပိုင်မှာဆိုရင် ကြက်သွန်ဈေးတွေမတရားမြင့်တက်နေလို့ မှောင်ခိုကြက်သွန်တွေ ခေါင်းထောင်ထလာနေပါတယ်။ အစိုးရက အမြတ်ကြီးစားကုန်သည်တွေကို အဲဒီကိစ္စနှင့်ပတ်သက်လို့ စုံစမ်းစစ်ဆေးမှုတွေ ချက်ခြင်းလုပ်လာနေကြရပါတယ်။
#ကြက်သွန်နီပြတ်လပ်မှုကအချို့နိုင်ငံတွေမှာအကျပ်အတည်းဖြစ်လာ
ဘလွမ်းဘတ်သတင်းဌာနရဲ့ သတင်းတစ်ပုဒ်မှာ ကြက်သွန်နီဈေးတွေဟာ ကမ္ဘာအနှံ့မှာ မြင့်တက်လာနေဆဲဖြစ်ပြီး အဲဒါက ငွေကြေးဖောင်းပွမှုကို ပိုအားကောင်းလာစေပါတယ်လို့ရေးသာပါတယ်။ မော်ရိုကို၊တူရကီနှင့် ကာဇက်စတန်လို နိုင်ငံတွေမှာ ရောင်းချမှုစိတ်ချရဖို့ အရေးယူလုပ်ဆောင်မှုတွေ လုပ်လာရပါတယ်လို့ဆိုပါတယ်။
ကြက်သွန်နီတွေပြတ်လပ်တာနှင့် ဈေးတက်လာတာတွေဟာ မုန်လာဥနီ၊အာလူး၊ပန်းသီးစတာတွေလို အခြားသော သစ်သီးဝလံဟင်းသီးဟင်းရွက်တွေရဲ့ ဈေးနှုန်းကိုပါရိုက်ခတ်နေပါတယ်လို့ ကုလသမဂ္ဂနှင့် ကမ္ဘာ့ဘဏ်ကနေသိရပါတယ်။
ယူကေမှာဆိုရင် အခြေအနေအတော့်ကိုဆိုးနေပါတယ်။ အချို့သော သစ်သီးနှင့်ဟင်းသီးဟင်းရွက်တွေကိုစူပါမားကက်ကြီးတွေမှာ ခွဲတမ်းစနစ်နှင့်ကန့်သတ်ရောင်းချနေရပါတယ်။ စပိန်တောင်ပိုင်းနှင့် မြောက်အာဖရိကတို့မှာ စိုက်ရေးပျိုးရေး မကောင်းလို့ ဒါတွေဖြစ်နေရတာပါ။
တစ်ကမ္ဘာလုံးမှာ ဟင်းလျာမှသည် အသုပ်တွေအထိ အခြေခံစားကုန်ဖြစ်နေတဲ့ ကြက်သွန်နီဟာ ကမ္ဘာပေါ်မှာ စားသုံးမှု အများဆုံး ဟင်းသီးဟင်းရွက်ဖြစ်ပါတယ်။ တစ်နှစ်တစ်နှစ်ကို မက်ထရစ်တန် ၁၀၆သန်းခန့် ထုတ်လုပ်ပေးနေရပြီး အဲဒီ ပမာဏဟာ မုန်လာဥနီ၊တရုတ်မုန်လာ၊ငရုတ်သီးစိမ်း၊ငရုတ်ကောင်းနှင့် ကြက်သွန်ဖြူ အားလုံးပေါင်းထုတ်ကုန်နှင့်ပင် ညီမျှပါတယ်။
#ပြတ်လပ်မှုဘာကြောင့်ဖြစ်တာလဲ
ဈေးနှုန်းတွေမြင့်တက်ပြတ်လပ်မှုဖြစ်ရတဲ့ အကြောင်းရင်းတွေ အများကြီးရှိပါတယ်။ ရာသီဥတုဖောက်ပြန်တာကအစ ပထဝီနိုင်ငံရေးတင်းမာမှုတွေအဆုံးပါ။ ပြီးခဲ့တဲ့နှစ်က ပါကစ္စတန်မှာ ရေအကြီးအကျယ်လွှမ်းမိုးခဲ့ပါတယ်။ အလယ်အာရှမှာ ဆီးနှင်းရိုက်လို့ သိုလှောင်ထားတာတွေပျက်စီးကုန်ပါတယ်။ ပြီးတော့ ယူကရိန်းမှာ ရုရှားစစ်ပွဲကလည်း အချို့သော အဓိကအကြောင်းရင်းတွေထဲကတစ်ခုဖြစ်နေပြန်ပါတယ်။
မြောက်အာဖရိကမှာလည်း မိုးခေါင်ရေရှားဒဏ်၊မျိုးစေ့နှင့်ဓာတ်မြေဩဇာဈေးနှုန်းမြင့်တက်မှုတွေ ကြောင့် ကြက်သွန်နီထုတ်လုပ်မှုတွေ ထိခိုက်ခဲ့ရပါတယ်။မော်ရိုကိုနိုင်ငံမှာဆို ရာသီဥတုညံ့ဖျင်းလို့ ကြက်သွန်အထွက်နှုန်းတွေကျဆင်းခဲ့ရပြန်ပါတယ်။
#ကြက်သွန်နီပြတ်လပ်မှုကကမ္ဘာ့စားနပ်ရိက္ခာအကျပ်အတည်းကိုအစပျိုးလာနိုင်
လွန်ခဲ့တဲ့ လအနည်းငယ်ခန့်က ဖိလစ်ပိုင်မှာ ကြက်သွန်နီမလုံလောက်မှုက အခြားသော အိမ်ထောင်စုစားသောက်ကုန်တွေဖြစ်တဲ့ ဆားနှင့်သကြားတို့လိုမျိုးအမည်တွေကိုပါ ဒိုမီနိုအကျိုးသက်ရောက်မှုတွေ ဖြစ်ခဲ့ပါတယ်။ ကြက်သွန်နီဈေးက ဈေးတွေ မတရားခေါင်ခိုက်ခဲ့တာဟာ အသားဈေးထက်တောင် ဈေးကြီးနေသလို ဖြစ်ခဲ့ကြရပါတယ်။ အဲဒါကြောင့် အချို့သော လေယာဉ်မောင် လေယာဉ်မယ်တွေဟာ အရှေ့အလယ်ပိုင်းကနေ ကြက်သွန်နီမှောင်ခိုသွင်းတာကို ဖမ်းဆီမိတဲ့အထိဖြစ်လာခဲ့ပါတယ်။
ကာဇက်စတန်မှာ ကြက်သွန်နီဈေး မိုးထိအောင်ခေါင်ခိုက်နေတာကြောင့် အာဏာပိုင်တွေဟာ မဟာဗျူဟာမြောက် လှောင်ထားတဲ့အထဲက ရောင်းချဖို့လုပ်ခဲ့ရပါတယ်။ ကုန်သွယ်ရေးဝန်ကြီးကလည်း စူပါမားကက်တွေမှာ အလျင်စလိုနှင့် အမြောက်အမြားဝယ်ယူတာမျိုးမလုပ်ဖို့ ပြည်သူတွေကို တောင်းဆိုထားပါတယ်။ အဲဒီအပြင် ကာဇက်စတန်၊ဥဘက်ကစ္စတန်နှင့်တာဂျစ်ကစ္စတန်တို့မှာ ကြက်သွန်နီပြည်ပတင်ပို့မှုပိတ်ပင်ခဲ့ပါတယ်။ အာဇာဘိုင်ဂျန်လို နိုင်ငံမျိုးမှာတောင် ကြက်သွန်နီရောင်းတာကို ပမာဏကန့်သတ်ခဲ့ပြီး ဘယ်လာရုစ်မှာ ကြက်သွန်နီတင်ပို့မှုအတွက် လိုင်စင်ရယူဖို့ လုပ်ဆောင်နေကြောင်း ဘလွမ်းဘတ်သတင်းဌာနက သတင်းရေးသားထားတာဖြစ်ပါတယ်။
Source: IndiaToday/Bloomberg
#ကြက်သွန်နီဈေးမြင့်တက်
#ကမ္ဘာလုံးဆိုင်ရာစားနပ်ရိက္ခာအကျပ်အတည်း
#ကြက်သွန်နီပြတ်လပ်
#YangonMediaGroup
#အထူးဆောင်းပါး
Published 26 Feb 2023
ဝေဟင်မှဝေဟင်ပစ်ဒုံးကျည်တပ်ဆင်ထာတဲ့ တရုတ် တိုက်လေယာဉ် J-11 ဟာ တောင်တရုတ်ပင်လယ် ပါစယ်ကျွန်းများအနီး ကောင်းကင်ယံမှာ အမေရိကန်ကင်းလှည့်လေယာဉ်တစ်စီးကို ကြားဖြတ်ဟန့်တားခဲ့ရတယ်လို့ စီအင်န်အင်န်က သတင်းထုတ်လွှင့်ခဲ့ပါတယ်။
အမေရိကန်ရေတပ် P-8 Poseidon လေယာဉ်ဟာ တောင်တရုတ်ပင်လယ်ပေါ် အမြင့်ပေး ၂၁.၅၀၀ခန့်မှာ ပျံသန်းနေစဉ် လေယာဉ်အမြီးမှာ ကြယ်နီတပ်ထားပြီး ဒုံးကျည်တွေတပ်ဆင်ထား တဲ့ တရုတ်လေယာဉ်တစ်စီးကို လေယာဉ်မှူးကမြင်ခဲ့တာဖြစ်တယ်လို့ စီအင်န်အင်န်က သတင်းထုတ်ပြန်ပါတယ်။
အဆိုပါတရုတ်ဂျက်လေယာဉ်ဟာ အမေရိကန်လေယာဉ်တောင်ပံနှင့် ပေပေါင်း ရာဂဏန်းမျှသာ ကွာဝေးတဲ့နေရာကနေ ၁၅မိနစ်ခန့် တောက်လျောက်စောင့်ကြပ်ပျံသန်းခဲ့ပြီးမှ ပြန်လှည့်သွားတယ်လို့ဆိုပါတယ်။
တရုတ်ပြည်သူ့လွတ်မြောက်ရေးတပ်မတော်ထံမှ သတင်းစကားတစ်ခုကို အမေရိကန်ကင်းလှည့်လေယာဉ်က ရရှိခဲ့ပါတယ်။ အဲဒီသတိပေးသတင်းအချက်အလက်မှာ အမေရိကန်လေယာဉ်ဟာ တရုတ်လေပိုင်နက်နှင့် ရေမိုင် ၁၂ မိုင်အကွာအထိရောက်နေတယ်။ထပ်ပြီးနီးကပ်မလာဖို့နှင့် နီးကပ်လာရင် ဖြစ်သမျှတာဝန်အားလုံးယူရလိမ့်မယ် လို့ သတိပေးခဲ့တာဖြစ်ပါတယ်။
တောင်တရုတ်ပင်လယ်တစ်ခုလုံးကို တရုတ်ကသူပိုင်တယ်လို့ပြောထးပြီး အခြားနိုင်ငံတွေက အဲဒီမှာ စစ်ရေးလှုပ်ရှားမှုတွေပြုလုပ်တဲ့အခါ ပြင်းထန်စွာကန့်ကွက်လို့ရှိခဲ့ပါတယ်။ အဲဒီရေမျက်နှာပြင်မှာ တစ်နှစ်တစ်နှစ်ကို ကုန်စည်ပေါင်း အမေရိကန် ၅ ထရီလီယံတန်ဖိုးခန့် ပို့ဆောင်ပေးနေတာဖြစ်ပါတယ်။
Source: IndiaToday
#တောင်တရုတ်ပင်လယ်
#အမေရိကန်ကင်းလှည့်လေယာဉ်
#တရုတ်တိုက်လေယာဉ်_J-11
#ကြားဖြတ်ဟန့်တား
#YangonMediaGroup
#WorldNews
Page 407 of 778