တရုတ်နိုင်ငံရဲ့ စက်မှုကဏ္ဍဟာ လူလုပ်အသိဉာဏ်ပေါင်းစပ်မှု၊ အာရုံခံစနစ်များ၊ ဇီဝရုပ်တုတိုးတက်မှုများ၊ ပစ္စည်းအသစ်များ စတဲ့အရေးပါနည်းပညာများ ထုတ်လုပ်နိုင်ရန် ကြိုးပမ်းအားထုတ်လာပါတယ်။
Published_ 19 August 2023
#Asia_Technology #လူသားပုံစံစက်ရုပ်များ #တရုတ်စက်မှုကဏ္ဍအရှိန်မြှင့်
#Yangon_Times
- Category: World
- Hits: 102
#Daily_News
Published_ 19 August 2023
၁။ ကချင်ပြည်နယ်၊ ရေခဲတောင်တက်ခရီးစဉ်သို့သွားရောက်ရန် ကြိုတင် ဘိုကင်တင်ထားသူ(၄၀)နီးပါးရှိလာ
၂။ အခုရက်ပိုင်းအတွင်း ဧရာဝတီမြစ်ရေနှင့် ပဲခူးမြစ်ရေ များတိုးမည်
၃။ မြန်မာ့လက်ဝှေ့ချန်ပီယံလုပွဲကြီးအတွက် အဆင်သင့်ဖြစ်နေပြီဟု ထွန်းထွန်းမင်းပြော
၄။ လူသားပုံစံစက်ရုပ်များ ထုတ်လုပ်ရေးနည်းပညာပိုင်းနှင့် ပတ်သက်၍ တရုတ်စက်မှုကဏ္ဍအရှိန်မြှင့်ကြိုးပမ်း .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Times #Daily_News #YMG
- Category: Myanmar
- Hits: 105
၁၉ ဩဂုတ် ၂၀၂၃
ပြည်ပမှာကာလရှည်တိမ်းရှောင်နေခဲ့တဲ့ ထိုင်းဝန်ကြီးချုပ်ဟောင်း သက်ဆင်ရှင်နာဝါထရာဟာ လာမယ့် အင်္ဂါနေ့မှာ ထိုင်းနိုင်ငံကိုပြန်လာတော့မယ်လို့ သမီးဖြစ်သူက ယနေ့ ဩဂုတ် ၁၉ရက်နေ့မှာ ပြောကြားတယ်လို့ ရိုက်တာသတင်း ကရေးသားပါတယ်။ ထိုင်းနိုင်ငံမှာ မေလ ရွေးကောက်ပွဲကျင်းပပြီးနောက် နိုင်ငံရေးမသေမချာမရေရာမှုတွေ ရှည်ကြာ နေတဲ့အချိန်မှာ သက်ဆင်ပြန်ရောက်လာမှာဖြစ်ပါတယ်။
“ အင်္ဂါနေ့ ဩဂုတ် ၂၂ရက်နေ့ မနက် ၉နာရီကျရင် ဒွန်မောင်းလေဆိပ်မှာ ဖေဖေသက်ဆင်ကို ကျွန်မတွေ့ပါမယ်” လို့ သမီး ဖဲထောင်းထန်း ရှင်နာဝါထရာက ဆိုရှယ်မီဒီယာမှာ ပို့စ်တင်ရေးသားခဲ့ပါတယ်။
သက်ဆင်ဟာ ဩဂုတ်လ (၁၀)ရက်နေ့မှာ ထိုင်းကိုပြန်လာဖို့ရှိခဲ့ပေမယ့် ဆေးစစ်စရာရှိတယ်လို့ အကြောင်းပြပြီး အစီအစဉ်ကို ရွှေ့ဆိုင်းခဲ့တာဖြစ်ပါတယ်။
သက်ဆင်ဟာ ယခင်က ဆက်သွယ်ရေးလုပ်ငန်းကုမ္ပဏီသူဋ္ဌေးကြီးဖြစ်ပြီး ၂၀၀၁ခုနှစ်ကနေ အာဏာသိမ်းပြီးဖြုတ်ချခံရတဲ့ ၂၀၀၆ခုနှစ်အထိ ထိုင်းနိုင်ငံရဲ့ ဝန်ကြီးချုပ်လုပ်ခဲ့ပါတယ်။ ၂၀၀၈ခုနှစ်မှာ အကျင့်ပျက်ခြစားမှုနှင့် ထောင်ချခံရမှာစိုးတဲ့ အတွက် နိုင်ငံခြားမှာ ရှောင်တိမ်းနေထိုင်ခဲ့ပါတယ်။ သူပြန်လာတာနှင့် ထောင်ထဲသွားနေရဖို့ရှိနေပါတယ်။
သူရောက်လာမယ့် အင်္ဂါနေ့မှာ ထိုင်းနိုင်ငံရဲ့ ဝန်ကြီးချုပ် မဲပေးရွေးချယ်ပွဲကလည်းရှိနေပါတယ်။ အဲဒီမဲပေးရွေးချယ်ပွဲမှာ သက်ဆင်ကျောထောက်နောက်ခံပြုထားတဲ့ ဖွေထိုင်းပါတီက ဝန်ကြီးချုပ်လောင်းကိုတင်သွင်းရမှာဖြစ်ပါတယ်။
ရွေးကောက်ပွဲ အမတ်နေရာအများဆုံးရတဲ့ ရှေ့သို့ပါတီဟာ ဝန်ကြီးချုပ်လောင်းတင်သွင်းမှု မအောင်မြင်ပြီးတဲ့နောက် ဒုတိယအမတ်အများဆုံးရထားတဲ့ ဖွေထိုင်းပါတီက အစိုးရဖွဲ့ဖို့ ကြိုးစားနေပါတယ်။ ဖွေထိုင်းက အိမ်ခြံမြေသူဋ္ဌေးကြီး သာရက်တာသာဗီဆင်ကို ဝန်ကြီးချုပ်လောင်းအဆိုပြုတင်သွင်းမှာဖြစ်ပြီး အမတ်စုစုပေါင်းရဲ့ ထက်ဝက်ကျော် ထောက်ခံမှုလိုအပ်နေပါတယ်။ အဲဒီအထဲမှာ တိုက်ရိုက်ခန့်ထားတဲ့ အထက်လွှတ်တော်အမတ်တွေလည်းပါဝင်နေပါတယ်။
Source : Bangkok Post
- Category: World
- Hits: 270
#World_Politics
Published 19 August 2023
အမေရိကန်သမ္မတ 'ဂျိုးဘိုင်ဒင်'နဲ့ တောင်ကိုရီးယား၊ ဂျပန်တို့မှ ခေါင်းဆောင်တို့ဟာ သောကြာနေ့က မယ်ရီလန်းရှိ ကမ့်ဒေးဗစ်(ဒေးဗစ်စခန်း)
နေရာမှာ တွေ့ဆုံခဲ့ကြပြီး စစ်ဘက်ဆိုင်ရာနဲ့ စီးပွားရေးပူးပေါင်းဆောင်ရွက်မှုများ ပိုမိုအလေးပေးလုပ်ဆောင်ရန်နဲ့ တောင်တရုတ်ပင်လယ်မှာ တရုတ်နိုင်ငံရဲ့ အန္တရာယ်များပြီး ရန်လိုတဲ့အပြုအမူတွေကို အပြင်းထန်ဆုံး ရှုံ့ချရန် သဘောတူညီခဲ့ကြပါတယ်။
ဘိုင်ဒင်အစိုးရအဖွဲ့က အာရှမှ အမေရိကန်မဟာမိတ်ခေါင်းဆောင်များဖြစ်တဲ့ တောင်ကိုရီးယားသမ္မတ 'ယွန်ဆော့ယောလ်'၊ ဂျပန်ဝန်ကြီးချုပ် 'ဖူမီယိုကီရှီဒါ'တို့နဲ့ ထိပ်သီးဆွေးနွေးပွဲ ကျင်းပကာ တရုတ်နိုင်ငံရဲ့ ကြီးထွားမှု၊ မြောက်ကိုရီးယားမှ နျူကလီးယား ခြိမ်းခြောက်မှုများကို စည်းလုံးညီညွတ်စွာ ရင်ဆိုင်ရန် ပြောဆိုခဲ့ကြပါတယ်။
ထို ၃ နိုင်ငံဟာ အကျပ်အတည်းများအတွင်း အချင်းချင်း ဆွေးနွေးတိုင်ပင်ရန်နဲ့ ဒေသတွင်းစိန်ခေါ်မှုများ၊ ရန်လိုမှုများ၊ ခြိမ်းခြောက်မှုများကို တုန့်ပြန်ခြင်းတို့မှာ ညှိနှိုင်းဆောင်ရွက်ရန် ကတိပြုခဲ့ကြကြောင်း ထုတ်ပြန်ခဲ့ပါတယ်။
နှစ်စဉ် စစ်ရေးလေ့ကျင့်မှုများပြုလုပ်ရန် သဘောတူညီခဲ့ကြပြီး ၂၀၂၃ ခုနှစ်အကုန်မှာ မြောက်ကိုရီးယား ဒုံးကျည်ပစ်လွှတ်မှုဆိုင်ရာ အချက်အလက်များကို အချိန်နဲ့တပြေးညီ မျှဝေရန်လည်း သဘောတူညီခဲ့ကြပါတယ်။
၃ နိုင်ငံထိပ်သီးအစည်းအဝေးများကို နှစ်စဉ်ကျင်းပရန် ကတိပြုခဲ့ကြပါတယ်။
တရုတ်နဲ့ပတ်သက်ပြီး ခေါင်းဆောင်တွေရဲ့ သဘောထားက မျှော်မှန်းထားတာထက် ပိုမိုပြင်းထန်နေကာ တောင်ကိုရီးယား၊ ဂျပန်တို့အတွက် အရေးပါတဲ့ ကုန်သွယ်ဖက်တရုတ်ထံကနေ တုန့်ပြန်လာနိုင်ချေ ရှိနေပါတယ်။
တင်းမာမှုမြင့်တက်မှုများကို နိုင်ငံတကာအဖွဲ့အစည်းတွေက ဆုံးဖြတ်နိုင်တယ်လို့ အမေရိကန် တရုတ်သံရုံးမှ ပြောရေးဆိုခွင့်ရှိသူ 'လူဖောင်ယူ'က ဆိုပါတယ်။
ချန်လှပ်ခံထားရတဲ့ အဖွဲ့တွေကို စုစည်းကာ အာရှ-ပစိဖိတ်အတွင်း စစ်ရေးထိပ်တိုက်တွေ့ဆုံမှုများ ယူဆောင်လာပါက အထောက်အကူဖြစ်စေမှာ မဟုတ်ဘဲ ဒေသတွင်းနိုင်ငံများရဲ့ အတိုက်အခံများကိုသာ ကြုံတွေ့ရလိမ့်မယ်လို့ ပြောကြားလိုက်ပါတယ်။
ဒီဆွေးနွေးပွဲက ၃ နိုင်ငံအတွက် ခေတ်သစ်တစ်ခုဖြစ်ပြီး အလွန်အကျိုးရှိတဲ့ ဆွေးနွေးပွဲဖြစ်တယ်လို့ ဘိုင်ဒင်က ပြောကြားသွားပါတယ်။
ဒေသတွင်းမှာ အကျပ်အတည်းဖြစ်နေချိန် ဒါမှမဟုတ် နိုင်ငံတစ်ခုခုကို ထိခိုက်လာတဲ့အခါတိုင်း အချက်အလက်တွေ မျှဝေပြီး တုန့်ပြန်သွားဖို့ အသင့်ရှိနေမှာပါလို့ ဆိုပါတယ်။
၃ နိုင်ငံမှ ဘယ်နိုင်ငံမဆို ရန်စခြင်း တိုက်ခိုက်ခြင်းများ လုပ်ဆောင်လာပါက စည်းလုံးညီညွတ်မှု ပိုမိုခိုင်မာလာမှာဖြစ်ပြီး ဆုံးဖြတ်ချက်ချမှတ်ခြင်း လုပ်ငန်းစဉ် ပေါ်ပေါက်လာမှာဖြစ်ကြောင်း ယွန်ဆော့ယောလ်က ပြောကြားခဲ့ပါတယ်။
သူတို့ရဲ့ ထိပ်သီးအစည်းအဝေးပွဲက အတိုင်ပင်ခံတွေ ဝန်ထမ်းတွေရဲ့ အကြံဉာဏ်တွေကို ဆန့်ကျင်ပြီး ပေါ်ပေါက်လာတာဖြစ်ကြောင်း ဘိုင်ဒင်ဘက်မှ အင်ဒို-ပစိဖိတ်ရေးရာ ညှိနှိုင်းရေးမှူး'ကာ့တ်ကမ့်ဘဲလ်'က ပြောကြားလိုက်ပါတယ်။
#World_Politics #ဒေးဗစ်စခန်းတွေ့ဆုံပွဲ #အမေရိကန် #တောင်ကိုရီးယား #ဂျပန် #Source: Reuters #Yangon_Times
- Category: World
- Hits: 89
#World_Health
Published 19 August 2023
ညဘက်အထိ အလုပ်လုပ်ကြသူတွေမှာ ညဘက်ကျမှ အစာပြေစားတတ်တဲ့အကျင့် ရှိတတ်ပါတယ်။
အစာပြေမုန့်တွေမှာ ကာဗိုဟိုက်ဒရိတ်နဲ့ ကျန်းမာရေးအတွက် မကောင်းတဲ့အဆီတွေ များစွာပါဝင်နေကာ နေ့ညခန္ဓာကိုယ်လုပ်ဆောင်ချက်တွေသာမက အိပ်စက်ခြင်းစက်ဝန်းကိုလည်း ထိခိုက်နေနိုင်ပါတယ်။
ထိုကဲ့သို့အချိန်မျိုးမှာ စားချင်သောက်ချင်စိတ် ပေါ်ပေါက်လာရတာက ဆာလောင်ခြင်း၊ အကျင့်ဖြစ်ခြင်း၊ ပျင်းရိခြင်း၊ စိတ်ဖိစီးခြင်းစတဲ့ အကြောင်းအမျိုးမျိုးကြောင့် ဖြစ်နိုင်ပါတယ်။
ဘယ်လိုပဲဖြစ်ဖြစ် ထိုအချိန်မှာ စားသောက်တဲ့ အစားအစာရဲ့ အရည်အသွေး၊ ပမာဏ၊ အချိန်တို့က လူတွေရဲ့ကျန်းမာရေးကို အတော်လေးသက်ရောက်နေပါတယ်။
အာလူးကြော်၊ ပီဇာနဲ့ ထိုကဲ့သို့ စားစရာတွေကတော့ ခန္ဓာကိုယ်ကို ဆိုးကျိုးသက်ရောက်စေနိုင်ပါတယ်။
ညဘက်နောက်ကျမှ စားသောက်တတ်ခြင်းကြောင့် အဝလွန်ခြင်း ဖြစ်လာနိုင်ချေများကြောင်း ဘရစ်ဂမ်နှင့်အမျိုးသမီးဆေးရုံမှ သုတေသီများ လေ့လာတွေ့ရှိခဲ့ပါတယ်။
ညဘက်မှ စားခြင်းကြောင့် အစာအိမ်အူလမ်းကြောင်း မအီမသာဖြစ်နိုင်ကာ အစာမကြေခြင်း၊ ရင်ပူခြင်း၊ အက်ဆစ်လျှံတက်ခြင်းတို့ ဖြစ်နိုင်စေနိုင်ပါတယ်။
အစားအစာကို ချေဖျက်ဖို့ကြိုးစားရင်း ညဘက်မကြာခဏ နိုးနေတတ်တယ်လို့ အာဟာရပညာရှင် 'ကယ်လ်ဆီကူနစ်'က ပြောပြခဲ့ပါတယ်။
ဒါပေမဲ့ ကျန်းမာရေးအကျိုးကျေးဇူးအချို့လည်း ရနိုင်ပြီး ဥပမာအားဖြင့် နေ့ဘက်မှာ မရလိုက်တဲ့ အာဟာရဓာတ်တွေကို ပေးစွမ်းနိုင်တာမျိုး ဖြစ်ပါတယ်။
ဒိန်ချဉ်၊ ခရက်ကာ၊ အခွံမာသီးတို့က အရေးကြီးဗိုက်တာမင်များ၊ သတ္တုဓာတ်များ ပေးစွမ်းနိုင်တဲ့အပြင် ဆာလောင်စိတ်ကို ဖြည့်တင်းပေးနိုင်ပါတယ်။
အခွံမာသီးနဲ့ အစေ့အဆန်တွေမှာ အိပ်စက်မှုကိုထိန်းညှိပေးတဲ့ ဟော်မုန်းများ ထုတ်လုပ်ပေးတာကြောင့် ညဘက်စားချင်တဲ့အခါ ဒီလိုစားစရာမျိုးကို ရွေးချယ်သင့်ပါတယ်။
#World_Health #ညဘက်အဆာပြေစားခြင်း #ကျန်းမာရေးသက်ရောက်မှု
Source: India Today
- Category: World
- Hits: 114
#World_Health
Published 19 August 2023
ကယ်လီဖိုးနီးယားမှ သိပ္ပံပညာရှင်များ လေ့လာချက် ၂ ဒါဇင်ကျော်စမ်းသပ်ခဲ့ရာ ခွေးတွေရဲ့နှာခေါင်းက ကိုဗစ်ရောဂါပိုးကို တွေ့ရှိနိုင်ကြောင်း တွေ့ရှိခဲ့ပါတယ်။
ခွေးတွေရဲ့ အနံ့ခံဆဲလ်တွေက သန်း ၃၀၀ လောက်အထိရှိကာ လူတွေမှာတော့ ၆ သန်းခန့်သာရှိကြပါတယ်။
ဒါကြောင့် အနံ့တွေကို ခွဲခြိမ်းစိတ်ဖြာတဲ့နေရာမှာ ခွေးတွေရဲ့ဦးနှောက် အစိတ်အပိုင်းက လူသားတွေထက် အဆ ၄၀ လောက် ပိုမိုအားကောင်းပါတယ်။
ကိုဗစ်ရောဂါပိုးရှာဖွေရာမှာ လူသားတွေရဲ့ လက်ရှိအကောင်းဆုံး နည်းပညာထက် ခွေးတွေရဲ့ အနံ့ခံစွမ်းရည်က ပိုမိုမြန်ဆန်တိကျကာ အကုန်အကျသက်သာစေနိုင်ပါတယ်။
ခွေးတွေက ပုန်းကွယ်နေတဲ့ ဗိုင်းရပ်စ်တွေ၊ မျိုးဗီဇကွဲတွေသာမက အအေးမိဖျားနာဗိုင်းရပ်စ်တွေကိုပါ အနံ့ခံနိုင်တယ်လို့ ပြီးခဲ့တဲ့နှစ်တွေမှာ လေ့လာတွေ့ရှိလာကြပါတယ်။
သမားရိုးကျစမ်းသပ်နည်းများဖြင့် ရှာမတွေ့နိုင်တဲ့ အခြေအနေမျိုးတွေမှာပါ ခွေးတွေက ကိုဗစ်ကိုတွေ့ရှိနိုင်ပါတယ်။
အနံ့ခံရှာဖွေရန် လေ့ကျင့်ပေးထားတဲ့ ခွေးတွေဟာ ဆေးရုံဆေးခန်းတွေက RT-PCR စမ်းသပ်နည်းတွေထက် ပိုမိုထိရောက်နိုင်ပါတယ်။
ခွေးတွေက တိုက်ရိုက်အနံ့ခံတဲ့အခါ စက္ကန့်ပိုင်းအတွင်း ရလဒ်ထုတ်ပြနိုင်ပါတယ်။
အချို့စမ်းသပ်မှုတွေမှာ ခွေးက လူကို အလျင်အမြန်အနံ့ခံခိုင်းပြီး ကိုဗစ်ရှိတယ်ဆိုရင် ထိုင်ချပြီး အချက်ပြပါတယ်။
နောက်ထပ်စမ်းသပ်နည်းမှာတော့ ခွေးကို ချွေးနမူနာဖြင့် အနံ့ခံခိုင်းကာ မိနစ်အနည်းငယ် အချိန်ယူရပါတယ်။
ကိုဗစ်ကာလ အစပိုင်းမှာဆိုရင် လူတစ်ယောက် ရောဂါပိုးရှိတယ်ဆိုရင် စမ်းသပ်မှုနဲ့ ရလဒ်ရရှိချိန်ကြား အချိန်တွေစောင့်ဆိုင်းရကာ ကူးစက်နှုန်းမြင့်မားနိုင်သလို လူအများအပြားလည်း ပါဝင်နေနိုင်ပါတယ်။
တိရိစ္ဆာန်တွေဟာ ဆီးချိုနဲ့ ကင်ဆာတို့လို အခြားရောဂါတွေကိုလည်း အောင်မြင်စွာ ရှာဖွေနိုင်ကြပေမယ့် ဆေးဘက်ဆိုင်ရာ ရောဂါရှာဖွေမှုမှာ အစားထိုးဖို့အတွက်တော့ အခက်အခဲတွေ ရှိနေပါသေးတယ်။
ဖင်လန်နိုင်ငံနဲ့ ကိုလံဘီယာတို့လို့ နိုင်ငံတွေဟာ ခွေးတွေနဲ့ စမ်းသပ်ဖို့ နေရာကျယ်တွေ ရှိနေပါတယ်။
#World_Health #ကိုဗစ်ရောဂါပိုး #ခွေးများအနံ့ခံရှာဖွေနိုင်
Source: The Jerusalem Post
- Category: World
- Hits: 107
ကျွမ်းကျင်တဲ့ အိန္ဒိယလုပ်သားများ စံပယ်ပန်းဖြူများကို ခူးဆွတ်နေချိန်မှာ မွှေးရနံ့သင်းပျံ့နေပြီး လတ်ဆတ်တဲ့ စံပယ်ဖူးများကို ကမ္ဘာကျော်ရေမွှေးများ ထုတ်လုပ်ရန်အတွက် တန်ဖိုးကြီး ပါဝင်ပစ္စည်းအဖြစ် အလျင်စလို ပြုလုပ်ကြရပါတယ်။
Published_ 18 August 2023
#World_Industry
#အိန္ဒိယစံပယ်ဖူး #ကမ္ဘာကျော်ရေမွှေးများ
- Category: World
- Hits: 122