#Daily_News
Published_ 16 March 2024

၁။ နွေရာသီအားလပ်ရက်၌ နေ့အပူချိန်နှင့်ခရမ်းလွန်‌ရောင်ခြည်အန္တရာယ်များသတိပြုကာကွယ်ရန်လို

၂။ သရက်ပင်ပိုးမွှားများကျရောက်နေသည့်အတွက် အရည်အသွေးကျဆင်းနိုင်

၃။ နယ်မြေအေးချမ်းမှုမရှိသေးသည့်အတွက် တောင်ငူမြို့အနီး စစ်ဘေးရှောင်လာသူ ဦးရေထပ်တိုးလာဟုဆို

၄။ ဆီးရီးယားတွင် တစ်နေ့ကိုလျှပ်စစ်မီး(၄)နာရီသာရရှိကာ ပြည်သူများအခြေခံ လိုအပ်ချက်ပြဿနာများကြုံတွေ့လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#World_News
Published 16 March 2024

ရုရှားသမ္မတ ဗလာဒီမာပူတင် ပေးတဲ့မော်တော်ကားကို မြောက်ကိုရီးယား ခေါင်းဆောင် ကင်မ်ဂျုံအန်းက လူမြင်ကွင်းမှာ စီးပြလိုက်ပြီး နှစ်နိုင်ငံကြား ရင်းနှီးချစ်ကြည်မှု အားကောင်းလာတယ်ဆိုတဲ့ အထောက်အထားကို ထင်ထင်ရှားရှား ဖော်ပြလိုက်တာဖြစ်ကြောင်း မြောက်ကိုရီးယား နိုင်ငံပိုင်မီဒီယာက စနေနေ့မှာ တင်ပြလိုက်ပါတယ်။

စက်တင်ဘာလက ကင်မ်ဂျုံအန်းနဲ့ ပူတင်တို့ ရုရှားမှာ တွေ့ဆုံကာ စစ်ရေးဆက်ဆံမှု မြှင့်တင်ရန် ကတိပြုခဲ့ပြီးနောက် မြောက်ကိုရီးယားနဲ့ ရုရှားတို့ဟာ နှစ်နိုင်ငံဆက်ဆံရေး ပိုမိုနီးကပ်လာပါတယ်။

ယူကရိန်းကို ကျူးကျော်တဲ့ရုရှားအတွက် မြောက်ကိုရီးယားမှ အမြှောက်ဆံတွေ ဒုံးကျည်တွေ ထောက်ပံ့နေတယ်ဆိုတဲ့ အနောက်နိုင်ငံတွေရဲ့ စွပ်စွဲချက်တွေကို နှစ်ဖက်စလုံးမှ ငြင်းပယ်ထားပါတယ်။

ရုရှားရဲ့ Aurus Limousine ကားကို ကင်မ်ဂျုံအန်း စီးပြလိုက်တာဟာ မြောက်ကိုရီးယားနဲ့ ရုရှားတို့ရဲ့ ချစ်ကြည်ရင်းနှီးမှု သိသာထင်ရှားစေကြောင်း၊ နှစ်နိုင်ငံဆက်ဆံရေးက အရင်ကထက် အဆင့်မြင့်မားလာကြောင်း ကင်မ်ဂျုံအန်းရဲ့ညီမ ကင်မ်ယိုဂျုံက ပြောပြသွားတယ်လို့ KCNA သတင်းဌာနက ဖော်ပြထားပါတယ်။

ကင်မ်ဂျုံအန်းဟာ သောကြာနေ့က လေကြောင်းစစ်ဆင်ရေး လေ့ကျင့်မှုများကို ကြီးကြပ်စောင့်ကြည့်ခဲ့ပြီး တကယ်လက်တွေ့အတိုင်း တိုက်ခိုက်ရေးတွေ ပြင်ဆင်ထားဖို့ တိုက်တွန်းခဲ့ကြောင်း သိရပါတယ်။

ယခုရက်သတ္တပတ်အတွင်း တောင်ကိုရီးယားနဲ့ အမေရိကန်တို့ နှစ်စဥ်ပူးတွဲစစ်ရေးလေ့ကျင့်မှုများ ပြုလုပ်ခဲ့ပြီးနောက် မြောက်ကိုရီးယား ခေါင်းဆောင်က အခုလို တိုက်တွန်းလာတာ ဖြစ်ပါတယ်။

စစ်ရေးနဲ့ တိုက်ရိုက်ပတ်သက်တဲ့ လက်တွေ့လေ့ကျင့်ရေးတွေကသာ တိုက်ခိုက်ရေးသမားစစ်စစ်တွေ ဖြစ်လာအောင် ပြင်ဆင်ပေးနိုင်မှာဖြစ်ကြောင်း ကင်မ်ဂျုံအန်းက ဆိုပါတယ်။

တင်းမာမှုများ လျော့ကျရန် ရည်ရွယ်ကာ ၂၀၁၈ ခုနှစ် ကိုရီးယားနှစ်နိုင်ငံကြား စစ်ရေးသဘောတူညီချက်ကို နိုဝင်ဘာလမှာ မြောက်ကိုရီးယားက ဖျက်သိမ်းပြီးနောက် တောင်ကိုရီးယားနဲ့ အမေရိကန်တို့ ပထမဆုံးအနေနဲ့ ပူးတွဲစစ်ရေးလေ့ကျင့်မှုတွေ ပြုလုပ်ခဲ့တာ ဖြစ်ပါတယ်။

သောကြာနေ့က ဖန်လုံအိမ်ခြံတစ်ခု ဖွင့်ပွဲကိုလည်း ကင်မ်ဂျုံအန်း တက်ရောက်ခဲ့ပြီး KCNA မှဖော်ပြတဲ့ ပုံတွေထဲမှာ ခေါင်းဆောင်ရဲ့သမီးဖြစ်သူဟာ စစ်ရေးလေ့ကျင့်မှုတွေနဲ့ ဖွင့်ပွဲကို တက်ရောက်ခဲ့ပါတယ်။

#World_News ##ပူတင်လက်ဆောင်ပေးသည့်မော်တော်ကား #ကင်မ်ဂျုံအန်းစီးနင်း #Source: Reuters

#World_Science
Published 16 March 2024

ဩစတြေးလျမှ သုတေသီတွေဟာ မီးလောင်လွယ်တဲ့ လျှပ်စီးရည်ပေါ် မှီခိုစရာမလိုဘဲ ရေဘက်ထရီတစ်မျိုးကို ဖန်တီးနေကြပါတယ်။

ဒီနည်းပညာဟာ ပြန်လည်ပြည့်ဖြိုး စွမ်းအင် သိုလှောင်နိုင်မယ့် အစားထိုးနည်းလမ်း ဖြစ်ရုံမက သိပ်ပြီးဘေးမကင်းဘူးလို့ ယူဆရတဲ့ သမားရိုးကျ လီသီယံအိုင်းယွန်း ဘက်ထရီတွေကို အစားထိုးနိုင်မှာ ဖြစ်ပါတယ်။

အဆိုပါ ဆန်းသစ်ဘက်ထရီတွေမှာ အစိတ်အပိုင်း ၃ ပိုင်းပါဝင်ပြီး လျှပ်စစ်အဖိုလျှပ်တိုင်၊ အမလျှပ်တိုင်နဲ့ အဆိုပါလျှပ်တိုင်များကြား အိုင်းယွန်းများကို ရွေ့လျားပေးတဲ့ လျှပ်စီးရည်တို့ ပါဝင်ပါတယ်။

သမားရိုးကျ လျှပ်စီးရည်နေရာမှာ ရေနဲ့ သာမန်ဆားတို့ကို အစားထိုးလိုက်တာ ဖြစ်ပါတယ်။

မဂ္ဂနီဆီယံနဲ့ ဇင့်တို့လို သတ္တုတွေကို သုံးထားပြီး လီသီယံနဲ့ ခဲအက်ဆစ်ဘက်ထရီတို့နဲ့ နှိုင်းယှဥ်ပါက ပိုမိုဈေးသက်သာကာ ဘေးအန္တရာယ် ပိုမိုစိတ်ချရပါတယ်။

ဓာတ်တိုးတဲ့အခါ သံချေးတက်ခြင်းမှ ကာကွယ်ပေးတဲ့ သတ္တုလွှာတစ်မျိုးဖြင့် ဖုံးအုပ်ထားတာကြောင့် ဘက်ထရီသက်တမ်းကို ပိုမိုကြာရှည်ခံစေကာ ကြိမ်ဖန်များစွာ အားသွင်းအားဖြုတ် လုပ်ပြီးသည့်တိုင်အောင် ဘက်ထရီစွမ်းရည် ၈၅ ရာခိုင်နှုန်းလောက် ကျန်ရှိနေနိုင်ပါတယ်။

ရေဘက်ထရီ ရှေ့ပြေးပုံစံအများအပြားကို သုတေသီများ ဖန်တီထားပြီး နာရီတွေမှာ အသုံးပြုတဲ့ အကြွေစေ့ အရွယ်အစား ဘက်ထရီတွေကစလို့ သာမန်ဓာတ်ခဲ အရွယ်အစားလောက်အထိ ပါဝင်ပါတယ်။

နောက်ထပ်ခြေလှမ်းကတော့ လျှပ်တိုင်တွေကို ပိုမိုသေးငယ်တဲ့ အရာဝတ္ထုများဖြင့် ပြုလုပ်ပြီး ရေဓာတ်ခဲတွေရဲ့ စွမ်းအင်သိပ်သည်းဆများလာအောင် ပြုလုပ်မှာ ဖြစ်တယ်လို့ ဆိုပါတယ်။

#World_Science #ဩစတြေးလျသုတေသီ #ရေဘက်ထရီ #Source: WION

#World_Health
Published 16 March 2024

AIDS ရောဂါတိုက်ဖျက်ရေးနဲ့ ပတ်သက်ပြီး နောက်ထပ်တိုးတက်မှု ရှိလာပြီလို့ ဆိုရမှာဖြစ်ကာ ဆေးဝါးထုတ်လုပ်ဖြန့်ချိကုမ္ပဏီ GSK က HIV ကူးစက်မှုကိုကာကွယ်နိုင်မယ့် ဆေးအသစ် ပထမအဆင့်စမ်းသပ်မှု ပြီးမြောက်ခဲ့ပြီလို့ တင်ပြသွားပါတယ်။

ထိုဆေးဟာ PrEP ကုသမှုပုံစံရဲ့ တစ်စိတ်တစ်ပိုင်း ဖြစ်လာမှာဖြစ်ပြီး နေ့စဥ်နဲ့အမျှ ဆေးသောက်ဖို့လိုအပ်ချက် နေရာမှာ အစားထိုးနိုင်ဖွယ်ရှိနေပါတယ်။

အစ္စရေးလ်မှာ HIV ရောဂါပိုးသယ်ဆောင်ထားသူ ၉ ထောင်ခန့်ရှိနေပြီး နှစ်စဥ်ကူးစက်သူအသစ် ၄၅၀ လောက် ရှိနေပါတယ်။

ကမ္ဘာတဝှမ်းမှာ အသုံးပြုနေကြတဲ့ PrEP ကုသနည်းလမ်းက HIV ကူးစက်မှုနှုန်းကို သိသိသာသာ လျှော့ချပေးထားပါတယ်။

ထိုဆေးတွေဟာ AIDS ပိုးပွားခြင်းကို ကာကွယ်ပေးပြီး နေ့စဥ်သောက်သုံးပေးရပါတယ်။

ဆေးကို ပုံမှန်မသောက်သုံးသူတွေကတော့ ဗိုင်းရပ်စ်ကြီးထွားလာပါတယ်။

လွန်ခဲ့တဲ့ ၂ နှစ်ခန့်က HIV ကာကွယ်ဆေးထိုးခြင်းကို အစ္စရေးလ်အပါအဝင် နိုင်ငံအချို့မှာ အသိအမှတ်ပြုခဲ့ပါတယ်။

ယမန်နှစ်ကတော့ နှစ်လတစ်ကြိမ်ထိုးရတဲ့ ဆေးအသစ်ကို ကျန်းမာရေးဝန်ကြီးဌာနက အသိအမှတ်ပြုခဲ့ပါတယ်။

ယခုအခါတော့ GSK ကုမ္ပဏီကနေ ဗိုင်းရပ်စ်ကူးစက်မှုကို ကာကွယ်ပေးနိုင်မယ့် ထိုးဆေးအသစ်ရဲ့ စမ်းသပ်မှုရလဒ်ကို ကြေညာလိုက်ကာ ၄ လ ၁ကြိမ် ထိုးပေးရမှာ ဖြစ်ပါတယ်။

ပထမအဆင့် လက်တွေ့စမ်းသပ်ချက်အရ ထိုးဆေးအသစ်ဟာ ဘေးကင်းစိတ်ချရပြီး အာနိသင်သက်တမ်းက ၄ လခန့်ရှိတယ်လို့ ခန့်မှန်းရပါတယ်။

နောက်ထပ်စမ်းသပ်မှု အဆင့် ၂ ဆင့်ကို တစ်နှစ်အတွင်း ပြုလုပ်ကာ အောင်မြင်မှုရပါက ၂၀၂၆ မှာ ထုတ်လုပ်ရောင်းချသွားမယ်လို့ ခန့်မှန်းထားပါတယ်။

#World_Health #GSKကုမ္ပဏီ #AIDSကာကွယ်ဆေးအသစ် #Source: The Jerusalem Post

ရုရှားနိုင်ငံသမ္မတရွေးကောက်ပွဲအတွက် မဲဆန္ဒပေးခြင်းကို သောကြာနေ့မှာ စတင်မှာဖြစ်ပြီး ယခုနှစ်မဲပေးခြင်းနဲ့ ပတ်သက်လို စည်းမျဥ်းအသစ် အများအပြား ထုတ်ပြန်ထားပါတယ်။
#World_Politics
Published_ 15 March 2024
#ရုရှားသမ္မတရွေးကောက်ပွဲ #စည်းမျဉ်းသစ်အများအပြားချမှတ်
#YMG_News #Yangon_Times #Yangon_Media_Group

#Daily_News
Published_ 15 March 2024

၁။ သဘင်အပြင်ရုပ်ရှင်၊ ဂီတ၊ စာပေသမားများကိုလည်း မျက်စိအခမဲ့ခွဲစိတ်ပေးမည်၊(၂၀)ဦးခွဲပြီးပြီဖြစ်

၂။ သင်္ကြန်ကာလအတွင်း ဟိုက်ပါ‌ရေတံခွန်နှင့်မိုင်းလားအပါအဝင် ရှမ်းရှေ့ခရီးစဥ်သစ်များလည်ပတ်ရန်ကြိုတင်ဘိုကင်တင်သူများရှိနေ

၃။ ပြည်ပဝယ်လိုအားကြောင့် ဈေးမြင့်နေသည့် ကြက်သွန်နီဈေးကွက် ပြည်တွင်းဝယ်လိုအားလည်းပုံမှန်ရှိနေ

၄။ သောကြာနေ့တွင် စတင်မည့်ရုရှားသမ္မတရွေးကောက်ပွဲ မဲဆန္ဒပေးမှုအတွက် စည်းမျဉ်းသစ်အများအပြား ချမှတ်ထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group