#WorldAgriculture
Published 15 July 2022

ဆားငန်ရေနဲ့စိုက်ပျိုးတဲ့ အပင်မာတွေက ယူအေအီးကန္တာရခြံတွေမှာ ရှင်သန်ပေါက်ရောက်နေပြီး ကျန်းမာရေးနဲ့ညီညွတ်တဲ့ ဟမ်ဘာဂါတွေ ပြုလုပ်တဲ့နေရာမှာ အသုံးဝင်လျက်ရှိပါတယ်။

#Yangon_Media_Group

Published 15 July 2022

ဂျပန်နိုင်ငံရဲ့ ဘော့စတွန် ဒိုင်းနမစ် စက်ရုပ်စက်ရုံက  စပေါ့တ်"Spot" လို့အမည်ပေးထားတဲ့ စက်ရုပ်တစ်ရုပ်ကို စမ်းသပ်ခဲ့ပါတယ်။ အဲဒီစက်ရုပ်ဟာ ခြေလေချောင်းတပ် အဝါရောင် စက်ရုပ်ဖြစ်ပြီး တောထဲမှာစမ်းသပ်ခဲ့ပါတယ်။ ဂျပန်နိုင်ငံရဲ့ သစ်တောလုပ်ငန်းတွေမှာ ကူညီနိုင်စေဖို့ ရည်ရွယ်တီထွင်ခဲ့ပါတယ်။

အီလက်ထရွန်းနစ် အမဲလိုက်ခွေးကလေးဟာ မြက်ထူတဲ့ကုန်းတွေပေါ်မှာလည်း လမ်းလျှောက်နိုင်ပါတယ်။ သစ်တောထဲမှာလည်း ပိုက်စိတ်တိုက်သွားနိုင်ပါတယ်။ ပြီးတော့ အကူအညီမပါဘဲ သစ်ငုတ်တွေပေါ်ကျော်တက်နိုင်ပါတယ်။

#Source_AFP

#Spot_Robot_Japan

#Robot_dog_for_Forest_Japan

#Japan_Robotic_industry

#DailyNews
Published - 15 July 2022

၁။ ပဲမျိုးစုံ၊ ပြောင်း၊ နှမ်း ပြည်ပတင်ပို့မှုတွင် ပို့ကုန်ရငွေမတင်ပြဘဲ တိမ်းရှောင်မှုများရှိနေ

၂။ တစ်ကျော့ပြန် ကိုဗစ်ဖြစ်ပွားမှုသတိပြုရန်လို၊ ပုဂ္ဂလိက ဆေးရုံ(၁၀)ရုံကျော်၌ ကိုဗစ်စစ်ဆေးနိုင်ဟုဆို

၃။ နေ့စဉ်မိုးလေဝသသတင်း။

၄။ ယူအေအီးကန္တာရတွင် စိုက်ပျိုးသည့်အပင်ဖြင့် ကျန်းမာရေးနှင့်ညီညွတ်သော ဟမ်ဘာဂါများ ထုတ်လုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 15 July 2022

သီရိလင်္ကာသမ္မတ'ဂိုတာဘာယာရာဂျာပက်ခ်ဆာ'က စင်္ကာပူနိုင်ငံသို့ထွက်ပြေးသွားပြီး နာရီပိုင်းအကြာမှာ သမ္မတရာထူးမှ နှုတ်ထွက်ကြောင်း စာတစ်စောင်တင်ခဲ့တယ်လို ပါလီမန်လွှတ်တော်ဥက္ကဌရဲ့ ပြောရေးဆိုခွင့်ရှိသူတစ်ဦးက ကြာသပတေးနေ့မှာ ပြောကြားခဲ့ပါတယ်။

တိုင်းပြည်တွင်း စီးပွားရေးပြိုလဲကာ လူအများဆန္ဒပြခဲ့ကြပြီးနောက် သီရိလင်္ကာသမ္မတက နိုင်ငံမှထွက်ပြေးတိမ်းရှောင်နေခဲ့ပါတယ်။

ဆန္ဒပြသူတွေက ညမထွက်ရအမိန့်ကိုဖီဆန်ကာ သမ္မတရုံးအပြင်ဘက်မှာ လူစုလူဝေးဖြင့်ရှိနေကြပြီး အခုလိုသမ္မတရာထူးမှ နှုတ်ထွက်ကြောင်းကြေညာပြီးနောက် စီးပွားရေးမြို့တော်ကိုလံဘိုမှာ အောင်ပွဲခံနေကြပါတယ်။

လူအုပ်ကြီးက မီးရှူးမီးပန်းများလွှတ်၊ ကခုန်ကြပြီး 'ရာဂျာပက်ခ်ဆာ'ရဲ့နာမည်ကိုလှောင်ပြောင်ကာ ကြွေးကြော်နေကြပါတယ်။

"တစ်နိုင်ငံလုံး ဒီနေ့အောင်ပွဲခံကြမှာပါ၊ ဒီတိုင်းပြည်ကြီး သူတို့လက်ထဲကနေ လွတ်မြောက်မယ်လို့ မထင်ခဲ့မိပါဘူး"လို့ ဆန္ဒပြသူတစ်ဦးကပြောပြပါတယ်။

'ရာဂျာပက်ခ်ဆာ'မိသားစုဟာ သီရိလင်္ကာနိုင်ငံကို ဆယ်စုနှစ် ၂ ခုလောက်ကြာတဲ့အထိ ခြယ်လှယ်လာခဲ့တာပါ။

သမ္မတ'ရာဂျာပက်ခ်ဆာ'က ကြာသပတေးနေ့မှာ အီးမေးလ်ဖြင့် နှုတ်ထွက်စာပို့ခဲ့ပြီး တရားဥပဒေအတိုင်းအတည်ပြုပြီးတာနဲ့ သောကြာနေ့မှာ တရားဝင်ဖြစ်လာမှာဖြစ်ကြောင်း ပြောရေးဆိုခွင့်ရှိသူက ဆိုပါတယ်။

သမ္မတဟောင်းက ဗုဒ္ဓဟူးနေ့မှာ မော်လ်ဒိုက်သို့ထွက်ပြေးခဲ့ပြီး ကြာသပတေးနေ့မှာတော့ ဆော်ဒီအာရေဗျလေကြောင်းလိုင်းဖြင့် စင်္ကာပူသို့သွားရောက်ခဲ့ကြောင်း နီးစပ်သူတစ်ဦးက ပြောပြပါတယ်။

'ဂိုတာဘာယာရာဂျာပက်ခ်ဆာ'နဲ့ သူ့ဇနီးတို့လိုက်ပါလာတဲ့ သီရိလင်္ကာလေတပ်လေယာဉ်ကို မော်လ်ဒိုက်အစိုးရက သံတမန်ရေးအရ ခွင့်ပြုခဲ့ကြောင်း မော်လ်ဒိုက်ဘက်က အတည်ပြုခဲ့ပါတယ်။

လေယာဉ်ပေါ်လိုက်ပါလာတဲ့ အမည်မဖော်လိုသူတစ်ဦးရဲ့ပြောကြားချက်အရ 'ရာဂျာပက်ခ်ဆာ'ဟာ လုံခြုံရေးသက်တော်စောင့်အဖွဲ့နဲ့တွေ့ဆုံခဲ့ပြီး လေဆိပ်ဗီအိုင်ပီနေရာကနေ ကားနက်တွေနဲ့ပို့ဆောင်ပေးခဲ့ကြောင်း သိရပါတယ်။

'ရာဂျာပက်ခ်ဆာ'က စင်္ကာပူကို သီးသန့်လာရောက်လည်ပတ်တဲ့ ပုံစံမျိုးဖြစ်ပြီး ခိုလှုံ့ခွင့်တောင်းခံတာမျိုး မရှိကြောင်း စင်္ကာပူနိုင်ငံခြားရေးဝန်ကြီးဌာနက ပြောကြားလိုက်ပါတယ်။

'ရာဂျာပက်ခ်ဆာ'ရဲ့မိတ်ဖက်ဝန်ကြီးကို ယာယီသမ္မတအဖြစ်အုပ်ချုပ်စေတာကလည်း ဆန္ဒပြမှုများ ပိုမိုဖြစ်ပွားစေခဲ့ကာ ပါလီမန်မှာဝင်ရောက်သောင်းကျန်းကြပြီး ဝန်ကြီးချုပ်ရုံးကလည်း သူ့ကိုနှုတ်ထွက်စေချင်ခဲ့တာဖြစ်ပါတယ်။

"ဝန်ကြီးချုပ်ကိုလည်း နှုတ်ထွက်စေချင်ပါတယ်၊ သူတို့ကတိုင်းပြည်ကို ရောင်းစားနေကြတာပါ၊ လူကောင်းသူကောင်းတစ်ယောက်ကို အာဏာရစေချင်ပါတယ်၊ အဲဒီမတိုင်ခင် ကျွန်တော်တို့ဆန္ဒပြတာ ရပ်တန့်သွားမှာမဟုတ်ပါဘူး" လို့ ပါလီမန်ဆန္ဒပြမှုမှာပါဝင်တဲ့ အသက် ၂၉ နှစ်အရွယ် တုတ်တုတ်ယာဉ်မောင်းတစ်ဦးက ပြောပြခဲ့ပါတယ်။

Source: Reuters
#Yangon_Media_Group

#WorldScience
Published 15 July 2022

ပလတ်စတစ်အမှုန်အမွှားလေးတွေကို စားပစ်နိုင်တဲ့ စက်ရုပ်ငါးများဖြင့် ရေထုညစ်ညမ်းနေတဲ့ ပင်လယ်သမုဒ္ဒရာတွေကို သန့်ရှင်းအောင် တစ်နေ့နေ့ကျအကောင်အထည်ဖော်နိုင်တော့မှာဖြစ်ကြောင်း တရုတ်နိုင်ငံအနောက်တောင်ဘက် စီချွမ်တက္ကသိုလ်မှ သိပ္ပံပညာရှင်များက ပြောကြားလိုက်ပါတယ်။

စက်ရုပ်ငါးက ကိုင်တွယ်ရနူးညံ့ပြီး အရွယ်အစား ၁.၃ စင်တီမီတာ(လက်မဝက်)လောက်သာရှိကာ ရေတိမ်တွေမှာရှိတဲ့ ပလတ်စတစ်အမှုန်အမွှားတွေကို စုပ်ယူထားနိုင်ပြီးဖြစ်ပါတယ်။

သိပ္ပံပညာရှင်အဖွဲ့က ရေနက်ပိုင်းမှာပါ သန့်ရှင်းနိုင်ဖို့ရည်မှန်းထားပြီး ပင်လယ်ရေညစ်ညမ်းမှုကိုပါ အချိန်နဲ့တပြေးညီ သတင်းပို့နိုင်မှာဖြစ်ကြောင်း စက်ရုပ်ငါးတီထွင်တဲ့ သုတေသီအဖွဲ့မှ 'ဝမ်ယူယန်'က ဆိုပါတယ်။

"ဒီစက်ရုပ်ငါးက သေးငယ်ပေါ့ပါးပြီး ဇီဝဆေးဘက်ဆိုင်ရာနဲ့ ဘေးအန္တရာယ်ရှာဖွေရေးတို့မှာ အသုံးဝင်နိုင်ပါတယ်" လို့ ပြောပြပါတယ်။

အနက်ရောင်စက်ရုပ်ငါးကို အလင်းရောင်တန်းဖြင့် လမ်းပြနိုင်ပြီး ပါးဟက်နဲ့ခန္ဓာကိုယ်ကို လှုပ်ခတ်ကာသွားလာနိုင်ပါတယ်။

အခြားငါးတွေ လှေတွေနဲ့မထိခိုက်မိအောင် သိပ္ပံပညာရှင်တွေက အလင်းရောင်ကိုထိန်းချုပ်နိုင်ပါတယ်။

အခြားငါးတွေက မတော်တဆစားမိတဲ့အခါ ပိုလီယူရီသိမ်းနဲ့ ပြုလုပ်ထားတာကြောင့် ဘေးအန္တရာယ်မဖြစ်စေဘဲ အလွယ်တကူအစာချေဖျက်နိုင်ပါတယ်။

စက်ရုပ်ငါးက အညစ်အကြေးတွေကိုလည်း စုပ်ယူနိုင်ပြီး ထိခိုက်တဲ့အခါ သူ့ဘာသာပြန်ပြင်နိုင်ပါတယ်။

တစ်စက္ကန့်ကို ခန္ဓာကိုယ်အလျားရဲ့ ၂.၇၆ ဆအထိကူးခတ်နိုင်ပြီး အခြားစက်ရုပ်အများစုထက် လျင်မြန်စွာသွားလာနိုင်ပါတယ်။

ပလတ်စတစ်အမှုန်အမွှားစုပ်ယူနိုင်ဖို့ကို အာရုံစိုက်လုပ်ဆောင်နေကြပါတယ်လို့ ရှင်းပြခဲ့ပါတယ်။

Source: Reuters
#Yangon_Media_Group

#WorldHealth
Published 15 July 2022

တုပ်ကွေးရောဂါနဲ့ ကိုဗစ်-၁၉ရောဂါ တပြိုင်နက်ကူးစက်ခံရပါက တုပ်ကွေးက ကိုဗစ်ရောဂါဖြစ်ပွားခြင်းမှကာကွယ်ပေးနိုင်ဖွယ်ရှိကြောင်း လေ့လာတွေ့ရှိထားပါတယ်။

တုပ်ကွေးရောဂါပိုးက SARS-CoV-2 ဗိုင်းရပ်စ်ကို ဖိနှိပ်ပေးပြီး အဆုတ်တွေကိုမထိခိုက်အောင် ကာကွယ်ပေးနိုင်ကြောင်း စမ်းသပ်မှုများအရသိရှိရပါတယ်။

ဒါပေမဲ့ ကိုဗစ်ရောဂါအရင်ကူးစက်မိတာဆိုရင်တော့ တုပ်ကွေးရောဂါကို ဘာကာကွယ်မှုမှ မပေးနိုင်ပါဘူး။

အဆိုပါ ဗိုင်းရပ်စ်နှစ်မျိုးစလုံးကို တပြိုင်နက်ကူးစက်ထားတဲ့ ဟမ်းစတားကြွက်တွေဟာ ပိုမိုဆိုးရွားတဲ့လက္ခဏာတွေ မပေါ်ပေါက်နိုင်တာကို စမ်းသပ်တွေ့ရှိခဲ့ပါတယ်။

ယခုဆောင်းရာသီအတွင်း တုပ်ကွေးနဲ့ ကိုဗစ်ရောဂါ နှစ်ခုစလုံးဒုက္ခပေးလာနိုင်တယ်လို့ စိုးရိမ်ပူပန်နေကြချိန်မှာ နယူးယော့ခ်တက္ကသိုလ်က အခုလိုစမ်းသပ်ခဲ့တာဖြစ်ပါတယ်။

လက်ရှိမှာ ဩစတြေးလျနိုင်ငံအတွင်း တုပ်ကွေးရောဂါကူးစက်မှု အဆိုးရွားဆုံးဖြစ်နေပြီး ကမ္ဘာ့မြောက်ဘက်ခြမ်းမှာလည်း အလားတူအခြေအနေမျိုးဖြစ်လာနိုင်တယ်လို့ သတိပေးထားပါတယ်။

ဒါ့အပြင် ကျန်းမာရေးစောင့်ရှောက်မှုဌာနတွေမှာ ဝန်ထမ်းနည်းပါးလာပြီး SARS-CoV-2 ကလည်း ဆက်လက်ပျံ့ပွားနေဦးမှာဖြစ်ပါတယ်။

အဆိုပါ ရောဂါနှစ်မျိုးစလုံးကူးစက်ခံရပါက အသက်အန္တရာယ်ခြိမ်းခြောက်နိုင်ချေ ၂ ဆပိုများနိုင်တယ်လို့ အစိုးရသုတေသီများက သတိပေးထားပေမယ့် နောက်ပိုင်းမှာတော့ ကျွမ်းကျင်သူတွေက သိပ်ပြီးစိုးရိမ်စရာမလိုကြောင်း အသိပေးခဲ့ပါတယ်။

နယူးယော့ခ်တက္ကသိုလ်မှ ပရော်ဖက်ဆာ'ဘန်ဂျမင်တန်အိုဗာ'နဲ့အဖွဲ့က ဟမ်းစတားကြွက်တွေကို ဗိုင်းရပ်စ်နှစ်မျိုးစလုံးဖြင့် တပြိုင်တည်းကူးစက်စေပြီး စမ်းသပ်လေ့လာရာမှာ ရောဂါလက္ခဏာပိုဆိုးရွားမလာကြောင်း တွေ့ရှိခဲ့ပါတယ်။

ဒါ့အပြင် တုပ်ကွေးဗိုင်းရပ်စ်အရင်ကူးစက်စေတဲ့ကြွက်တွေမှာ အခြားကြွက်တွေထက်စာရင် SARS-CoV-2 ဗိုင်းရပ်စ်ပမာဏလျော့နည်းကြောင်း တွေ့ရှိခဲ့ပါတယ်။

ခန္ဓာကိုယ်က တုပ်ကွေးရောဂါပိုးကို တိုက်ထုတ်ပြီးနောက် ၁ ပတ်လောက်ကြာတဲ့အထိ SARS-CoV-2 ပိုးပွားခြင်းကိုလည်း ထိန်းချုပ်ပေးထားနိုင်ပါတယ်။

အဆိုပါ တွေ့ရှိချက်များအရ SARS-CoV-2 ရော တုပ်ကွေးပါ တပြိုင်တည်းကူးစက်ခံရခြင်းက အန္တရာယ်မကြီးမားလှပါဘူး။

ရောဂါကူးစက်မှုများလာတာကြောင့် ကျန်းမာရေး ဝန်ထမ်းအင်အားနည်းပါးလာတဲ့အပြင် ကျန်းမာရေးစောင့်ရှောက်မှုလာရောက်ခံယူတဲ့လူတွေ ပိုများလာတဲ့ဖိအားတွေကို အမျိုးသားကျန်းမာရေးစောင့်ရှောက်မှု(NHS)က ရင်ဆိုင်နေရပါတယ်။

Source: DailyMail
#Yangon_Media_Group