#DailyNews
Published - 27 August 2022

၁။ စစ်ကိုင်းတိုင်းရှိ မိဘမဲ့ကလေးငယ်နှင့် ဘိုးဘွားများအတွက် အလှူရှင်များလိုအပ်နေ

၂။ တရုတ် ဝမ်တိန်ဘက်ခြမ်းတွင် ကိုဗစ်ပိုးတွေ့သော်လည်း နယ်စပ်ကုန်သွယ်ရေး ပုံမှန်လည်ပတ်

၃။ အခေါက်ရွှေ ၂၈ သိန်းခွဲအထိရှိလာပြီး ဒေါ်လာဈေး ၃၀၀၀ ကျော်အထိရှိနေ

၄။ ကမ္ဘာ့ပထမဆုံး ဟိုက်ဒရိုဂျင်စွမ်းအင်သုံးမီးရထားများအား ဂျာမနီမှစတင်ပြေးဆွဲ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_Politics
Published 27 August 2022

တရားမဝင် ငါးဖမ်းခြင်းများကို တားဆီးရန် နိုင်ငံတကာတာဝန်ထမ်းဆောင်နေတဲ့ အမေရိကန်ကမ်းရိုးတန်းကင်းလှည့်သင်္ဘောကို ဆော်လမွန်ကျွန်းက ကမ်းကပ်ခွင့်မပေးခဲ့ပါဘူး။

ဒါဟာ တရုတ်နိုင်ငံက ပစိဖိတ်ဒေသကိုလွှမ်းမိုးရန် ကြိုးပမ်းလာမှုကို စိုးရိမ်နေကြတဲ့အချိန်မှာ ဖြစ်ပွားခဲ့တာဖြစ်ပါတယ်။

ကင်းလှည့်သင်္ဘော'အိုလီဗာဟင်နရီ'ဟာ ပစိဖိတ်သမုဒ္ဒရာပြင်က ငါးဖမ်းခြင်းများကို ကင်းလှည့်စောင့်ကြပ်ရတဲ့တာဝန် ထမ်းဆောင်ခဲ့ပြီး သောကြာနေ့က တာဝန်ပြီးဆုံးခဲ့ပါတယ်။

အဲဒီနောက် ဆောလမွန်ကျွန်းရဲ့ ဂွာဒါကန်နဲလ်ကျွန်းမှာ ရိက္ခာနဲ့လောင်စာဖြည့်တင်းရန် ကြိုတင်စီစဉ်ထားတဲ့အတိုင်း ကမ်းကပ်ဖို့ချဉ်းကပ်ခဲ့ကြောင်း ဟိုနိုလူလူရှိ ကမ်းရိုးတန်းစောင့်ရုံးက ပြောကြားခဲ့ပါတယ်။

ဆောလမွန်ကျွန်းအစိုးရက သင်္ဘောကမ်းကပ်ဖို့ သံတမန်ရေးရာခွင့်ပြုချက် မထုတ်ခဲ့တာကြောင့် အိုလီဗာဟင်နရီသင်္ဘောဟာ ပါပူဝါနယူးဂီနီသို့ လမ်းကြောင်းပြောင်းလွှင့်ခဲ့ရတယ်လို့ ကမ်းရိုးတန်းစောင့်ရုံးက ရှင်းပြခဲ့ပါတယ်။

အိုလီဗာဟင်နရီဟာ သန္တာပင်လယ်နဲ့ ဆိုလိုမွန်ကျွန်းနားတဝိုက် ကင်းလှည့်ပြီးပြန်လာတဲ့နောက် ပါပူဝါနယူးဂီနီ မိုရက်စ်ဘီဆိပ်ကမ်းသို့ ရောက်ရှိခဲ့ပါတယ်။

ပစိဖိတ်ကျွန်းနိုင်ငံများတဝိုက် ကင်းလှည့်စောင့်ကြပ်ရေးတာဝန်မှာ ပါဝင်ခဲ့တဲ့ ဗြိတိန်တော်ဝင်ရေတပ် HMS Spey ဟာလည်း ဆော်လမွန်ကျွန်းမှာ ကမ်းကပ်ခွင့်မရခဲ့ကာ တစ်စုံတစ်ရာမှတ်ချက်ပြုခြင်း မရှိသေးပါဘူး။

"သင်္ဘောတာဝန်ကိစ္စတွေကို အစဉ်မပြတ်လေ့လာသုံးသပ်ပြီး လိုအပ်သလို ပြောင်းလဲတတ်ပါတယ်၊ လုံခြုံရေးကိစ္စရပ်များကြောင့် အသေးစိတ်ကိုတော့ ပြောပြလို့မရပါဘူး၊ တော်ဝင်ရေတပ်အနေနဲ့ ဆော်လမွန်ကျွန်းကို တစ်ချိန်ချိန်မှာ သွားရောက်လည်ပတ်နိုင်ဖို့ မျှော်လင့်ပါတယ်" လို့ တော်ဝင်ရေတပ်က ထုတ်ပြန်ခဲ့ပါတယ်။

ပစိဖိတ်ကျွန်းနိုင်ငံများတဝိုက် ကင်းလှည့်စောင့်ကြပ်ရေးတာဝန်အတွင်း အမေရိကန်၊ ဩစတြေးလျ၊ ဗြိတိန်၊ နယူးဇီလန်တိုက ဆော်လမွန်ကျွန်းအပါအဝင် ပါဝင်တဲ့ပစိဖိတ်ကျွန်းနိုင်ငံများအတွက် ဝေဟင်နဲ့ မြေပြင်စောင့်ကြည့်ရေးတို့ကို ထောက်ပံ့ကူညီခဲ့ပါတယ်။

တရုတ်က ပစိဖိတ်ဒေသမှာ ဩဇာလွှမ်းမိုးရန်ကြိုးပမ်းလာပြီး ဆော်လမွန်ကျွန်းဝန်ကြီးချုပ်'မာနာဆာဆိုဂါဗာရီ'က တရုတ်နဲ့ လုံခြုံရေးသဘောတူညီချက်တစ်ခုကို လက်မှတ်ရေးထိုးခဲ့ပြီး အမေရိကန်အပါအဝင် အိမ်နီးချင်းနိုင်ငံများကို သတိပေးလိုက်ပါတယ်။

ထိုလုံခြုံရေးသဘောတူညီချက်အရ ဩစတြေးလျအရှေ့မြောက်ကမ်းရိုးတန်းမှ ၂ ထောင်ကီလိုမီတာအတွင်း တရုတ်ရေတပ်အခြေစိုက်တစ်ခု ဆောက်လုပ်လာမှာကို စိုးရိမ်နေရပါတယ်။

ဆော်လမွန်ကျွန်းမှာ တရုတ်စစ်တပ်ရောက်ရှိလာခြင်းက ဩစတြေးလျနဲ့ နယူးဇီလန်တို့ သတိထားရမယ့်အခြေအနေဖြစ်တဲ့အပြင် အမေရိကန်အဓိကစစ်ရေးအခြေစိုက်တစ်ခုရှိရာ ဂူအမ်နဲ့လည်း နီးစပ်လာမှာဖြစ်ပါတယ်။

အမေရိကန်လွှတ်တော်အမတ်'မာရှာဘလက်ခ်ဘန်း'က ဆော်လမွန်ကျွန်းမှာ 'ဆိုဂါဗီရာ'နဲ့တွေ့ဆုံခဲ့ပေမယ့် ကမ်းကပ်ခွင့်မရတဲ့ ကိစ္စကို ပြောဆိုခဲ့လားဆိုတာတော့ မသိရပါဘူး။

ဆော်လမွန်ကျွန်းအပြင် ဖီဂျီနဲ့ ပါပူဝါနယူးဂီနီတို့ကိုလည်း သွားရောက်ခဲ့တဲ့ခရီးစဉ်က ပစိဖိတ်ဒေသကို အမေရိကန်အလေးထားကြောင်း ပြသချင်တဲ့ သဘောသာဖြစ်ပါတယ်။

ကမ်းရိုးတန်းကင်းလှည့်တပ်ဖွဲ့က ဆော်လမွန်ကျွန်းရဲ့ အချုပ်အခြာ အာဏာကို လေးစားကြောင်း၊ အနာဂတ်မှာ ဆက်ဆံရေးကောင်းမွန်လာဖို့ မျှော်လင့်ကြောင်း ထုတ်ပြန်ခဲ့ပါတယ်။

ကမ်းရိုးတန်းကင်းလှည့်တပ်ဖွဲ့မှ ဗိုလ်မှူး'ခရစ္စတင်ကမ်'က ကမ်းကပ်ခွင့်မရတာနဲ့ပတ်သက်ပြီး နောင်အခါ အမေရိကန်သင်္ဘောတွေကို ကမ်းကပ်ခွင့်ပေးဖို့မျှော်လင့်ကြောင်း ပြောကြားခဲ့ပါတယ်။

Source: AP News
#Yangon_Media_Group

#Health_Tips
Published 27 August 2022

လူအတော်များများ စပျစ်သီးကြိုက်တတ်ကြပါတယ်။

နယူးအင်္ဂလန်အနောက်ပိုင်းတက္ကသိုလ်မှ သုတေသနအသစ်ပြုချက်အရ စပျစ်သီးစားသုံးခြင်းဖြင့် နာတာရှည်ရောဂါတွေကို ကာကွယ်ပေးပြီး လူ့ဘဝသက်တမ်း ၅ နှစ်လောက် ပိုရှည်စေကြောင်း သိရပါတယ်။

စပျစ်သီးမှာပါဝင်တဲ့ ဓာတုပစ္စည်းတွေက အူလမ်းကြောင်းထဲရှိ ကောင်းကျိုးပြု ဘက်တီးရီးယားများကို တိုးများစေပြီး ကိုလက်စ်ထရောလျှော့ချပေးပါတယ်။

အောက်ဆီဒင့်ဆန့်ကျင်ပစ္စည်းများ ပါဝင်တာကြောင့် ရောင်ရမ်းခြင်းကိုလျှော့ချပေးကာ နှလုံးရောဂါ၊ ကင်ဆာရောဂါဖြစ်နိုင်ချေများကို ကာကွယ်ပေးပါတယ်။

လမ်းဘေးမုန့်ပဲသရေစာတွေမှာပါဝင်တဲ့ အဆီဓာတ်တွေနဲ့ အချိုဓာတ်တွေကို လျင်မြန်စွာချေဖျက်နိုင်ကြောင်း သုတေသီများ အခိုင်အမာဆိုထားပါတယ်။

အစားအစာအားလုံးက ခန္ဓာကိုယ်ထဲက အင်္ဂါတွေနဲ့ စနစ်တွေအပေါ် သက်ရောက်ပေမယ့်လို စပျစ်သီးရဲ့ကောင်းကျိုးသက်ရောက်မှုတွေကတော့ တကယ်ကိုအံ့အားသင့်စရာဖြစ်စေပါတယ်။

ကြွက်များဖြင့် စမ်းသပ်ကြရာမှာတော့ အချို့ကြွက်များကို အနောက်တိုင်းနိုင်ငံများမှာ အစားများတဲ့ အဆီအစိမ့်အစာများ ကျွေးခဲ့ပြီး အချို့ကြွက်တွေကိုတော့ စပျစ်သီးအမှုန့်များ နေ့စဉ်ကျွေးခဲ့ပါတယ်။

အဲဒီနောက် စပျစ်သီးအမှုန့်စားသုံးရတဲ့ကြွက်တွေက အသည်းအဆီဖုံးခြင်းမျိုး မဖြစ်ပေါ်ခဲ့ဘဲ အခြားကြွက်တွေထက် သက်တမ်းပိုမိုကြာရှည်စွာ နေထိုင်ခဲ့ရကြောင်း တွေ့ရှိရပါတယ်။

လူ့သက်တမ်းနဲ့တွက်ကြည့်ရင်တော့ ၄ နှစ်မှ ၅ နှစ်သက်တမ်းမျှရှိနေတာဖြစ်ပါတယ်။

ဒါ့အပြင် စပျစ်သီးက အာရုံကြောမျှင်တွေရဲ့ လုပ်ဆောင်ချက်များကို တိုးတက်စေပြီး အယ်လ်ဇိုင်းမားရောဂါမဖြစ်အောင် ကာကွယ်ပေးနိုင်ကြောင်း၊ နှလုံးဖောက်ခြင်းနဲ့ လေဖြတ်ခြင်းတိုကိုလည်း ကာကွယ်ပေးနိုင်ကြောင်း တွေ့ရှိရပြန်တယ်။

စမ်းသပ်ချက်များအရ အဆီများတဲ့အစားအစာတွေ စားသုံးသူတွေတောင် စပျစ်သီးစားသုံးပေးပါက ခန္ဓာကိုယ်အတွင်း မကောင်းတဲ့ဖြစ်စဉ်များကို ကာကွယ်ပေးပြီး အသက်ရှည်စေမှာဖြစ်ပါတယ်။

Source: The Jerusalem Post
#Yangon_Media_Group

#World_News
Published 27 August 2022

အီတလီမှ အမျိုးသားတစ်ဦးဟာ ဇူလိုင်လအတွင်း ကိုဗစ်-၁၉ ရောဂါ၊ မျောက်ကျောက်ရောဂါနဲ့ HIV ရောဂါ ၃ မျိုးစလုံး တပြိုင်တည်းဖြစ်ပွားခဲ့ပါတယ်။

သူဟာ စပိန်နိုင်ငံကို သွားလည်တဲ့ခရီးစဉ်အတွင်း အကာအကွယ်မဲ့လိင်ဆက်ဆံခဲ့တယ်လို့ သိရှိရပြီး အဆိုပါဗိုင်းရပ်စ် ၃ မျိုးစလုံး တပြိုင်တည်းကူးစက်ခံရတဲ့ ပထမဦးဆုံးလူနာအဖြစ် မှတ်တမ်းဝင်ခဲ့ကြောင်း Journal of Infection ဂျာနယ်မှာ ပြီးခဲ့တဲ့အပတ်က ဖော်ပြခဲ့ပါတယ်။

မျောက်ကျောက်ရောဂါကူးစက်ပုံက အနာတွေကထွက်ရှိတဲ့ အမှုန်အမွှားအရည်တွေ၊ ဗိုင်းရပ်စ်ထိတွေ့ထားတဲ့ အရာဝတ္ထုပစ္စည်းတွေ၊ လည်ချောင်းထဲမှ အရည်အချွဲတွေထံမှတဆင့် ကူးစက်တတ်ပါတယ်။
လက်ရှိမျောက်ကျောက်ရောဂါပျံ့ပွားမှုကာလအတွင်း ကူးစက်မှုအများဆုံးဖြစ်စဉ်က ယောက်ျားချင်း လိင်တူဆက်ဆံသူတွေ အများဆုံးဖြစ်နေပါတယ်။

မှတ်တမ်းဖော်ပြချက်အရ အသက် ၃၆ နှစ်ရှိ အီတလီအမျိုးသားဟာ ဇွန်လအတွင်း စပိန်မှာ ၅ ရက်တာနေထိုင်ခဲ့ပါတယ်။

အီတလီရှိနေအိမ်သို့ ပြန်လည်ရောက်ရှိပြီး ၉ ရက်အကြာမှာတော့ ကိုယ်ပူ၊ လည်ချောင်းနာ၊ ပင်ပန်းနွမ်းနယ်ခြင်း၊ ခေါင်းကိုက်ခဲခြင်းတို့အပြင် ပေါင်ခြံနေရာမှာ ရောင်ရမ်းခြင်းများ ဖြစ်ပေါ်လာပါတယ်။

အဲဒီနောက် သူ့မှာ ကိုရိုနာဗိုင်းရပ်စ်စမ်းသပ်တွေ့ရှိခဲ့ပြီး တစ်ရက်အတွင်းမှာပဲ လက်ဝဲဘက်လက်မောင်းမှာ အင်ပျဉ်များထလာခဲ့ပါတယ်။

နောက်ရက်မှာတော့ ခန္ဓာကိုယ်၊ ခြေထောက်တွေ၊ မျက်နှာနဲ့ ကျောပြင်တိုမှာ အနီအစက်အဖုလေးတွေ ထွက်ပေါ်လာပါတယ်။

အနီစက်အဖုလေးတွေကနေ ကြီးမားလာပြီး အလယ်မှာအချိုင့်ပါတဲ့ ပြည်ဖုတွေဖြစ်လာကာ ကာတာနီယာရှိ ဆန်မာကိုတက္ကသိုလ်ဆေးရုံ အရေးပေါ်ဌာနကို သွားပြခဲ့ပါတယ်။

အရေးပေါ်ဌာနကနေမှ ကူးစက်ရောဂါဌာနသို့ လွှဲပြောင်းပေးခဲ့ပါတယ်။

လူနာဟာ စပိန်သို့ရောက်ရှိစဉ်ရက်ပိုင်းအတွင်း ယောကျ်ားတွေနဲ့ အကာအကွယ်မဲ့ လိင်ဆက်ဆံခဲ့တယ်လို့ ဝန်ခံခဲ့ပါတယ်။

မျောက်ကျောက်ရောဂါကူးစက်ခံရကြောင်း တွေ့ရှိခဲ့ပြီး စပိန်မှာပျံ့ပွားနေတဲ့ အနောက်အာဖရိကဗိုင်းရပ်စ်မျိုးဗီဇကွဲ ကူးစက်ခံရတာဖြစ်ပါတယ်။

ရက် ၂၀ ကျော်ကြာပြီးတဲ့အခါလည်း မျောက်ကျောက်ရောဂါ ပြန်လည်ဖြစ်ပွားနေခဲ့တာကြောင့် ဒီဗိုင်းရပ်စ်ဟာ ရက်အတော်ကြာတဲ့အထိ ရောဂါကူးစက်နေနိုင်သေးတယ်လို့ ဆရာဝန်များက ထုတ်ဖော်ခဲ့ကြပါတယ်။

လူနာဟာ ၂၀၂၁ ခုနှစ်မှာ ဖိုင်ဇာကိုဗစ်ကာကွယ်ဆေး နှစ်ကြိမ်ထိုးထားခဲ့ပြီး ၂၀၂၂ ဇန်နဝါရီလမှာ ကိုရိုနာဗိုင်းရပ်စ်ကူးစက်ခံခဲ့ရပါတယ်။

ခုခံအားကျဆင်းရောဂါစစ်ဆေးရာမှာလည်း HIV-1 ဗိုင်းရပ်စ်ပမာဏအများအပြား ကူးစက်ခံထားရပါတယ်။

ဒီလိုကူးစက်မှုအခြေအနေမှာ လိင်ဆက်ဆံခြင်းက အဓိကအကြောင်းအရင်းဖြစ်နေကြောင်း၊ ထိုရောဂါ ၃ မျိုးစလုံး တပြိုင်တည်းကူးစက်ခံရခြင်းက ပထမဦးဆုံးအကြိမ်တွေ့ရှိရတာဖြစ်ကြောင်း၊ ဒီလိုမျိုးရောဂါပေါင်းစုံကူးစက်တဲ့အတွက် လူနာကိုပိုဆိုးစေသလားဆိုတာ သေချာမသိရသေးကြောင်း ဆရာဝန်များက အသိပေးခဲ့ကြပါတယ်။

Source: The Jerusalem Post
#Yangon_Media_Group

Published 26 Aug 2022

အီရန် စစ်တပ်က နှစ်ရက်ကြာ ဒရုန်းစစ်ရေးလေ့ကျင့်မှု  ကြာသပတေးနေ့က ပြီးဆုံးခဲ့တယ်လို့ စစ်ရေးလေ့ကျင့်ရေး ပြောရေးဆိုခွင့်ရသူ မာမောက် မော်ဆာဗီက နိုင်ငံပိုင်ရုပ်သံကိုပြောပါတယ်။

စစ်ရေးလေ့ကျင့်မှုအတွင်း ကာမန်၊မိုဟာဂျာ၊အာဘာဘီလ်၊ကာရာနှင့် ဘာဗာအပါအဝင် အီရန်ပြည်တွင်းထုတ် တိုက်ခိုက်ရေး ဒရုံးတွေ၊ အယ်မာ့စ် ဒုံးကျည်တွေနှင့် MK-82 ဗုံးတွေနှင့်အတူ ပစ်မှတ်ကို ဖျက်ဆီးလေ့ကျင့်မှုတွေပြုလုပ်ခဲ့ကြပါတယ်။ အဲဒီပစ်မှတ်တွေဟာ အမိန့်ပေးထိန်းချုပ်ဌာနတွေ၊လောင်စာကန်တွေနှင့် လက်နက်တိုက်တွေ၊ ရေဒါနှင့် ဒုံးကျည်စနစ်တွေ ပါဝင်တယ်လို့ မော်ဆာဗီကပြောပါတယ်။

အီရန်စစ်တပ်နှင့် ကာကွယ်ရေးဝန်ကြီးဌာနက ထုတ်လုပ်တဲ့ ဒရုန်းတွေကို  နယ်စပ်ဒေသနှင့် နိုင်ငံတကာရေပိုင်နက်အတွင်း ပထမနေ့မှာ အောင်မြင်စွာ စမ်းသပ်နိုင်ခဲ့တယ်လို့ မော်ဆာဗီက ပြောပါတယ်။

ဒုတိယနေ့မှာ လက်နက်အစစ်တွေနှင့် လက်တွေ့တိုက်ပွဲတွေကိုလေ့ကျင့်ခဲ့ကြတယ်လို့ သူကပြောပါတယ်။

လေ့ကျင့်ရာမှာ အဲဒီအထဲမှာ မြေအောက်ဒရုန်းတွေအပါအဝင် ဒရုန်းပေါင်း ၁၅၀ကျော် ပါဝင်ခဲ့ပါတယ်။

အဲဒီအထဲမှာ အိုမစ်ကိုယ်ရောင်ဖျောက်ဒရုန်းနှင့် ကာရာ-ကလပ်စ်ဒရုန်းနှစ်မျိုးစလုံးဟာ ဗုံးနှင့် ဒုံးပျံအမျိုးမျိုးကို သယ်ဆောင် သွားနိုင်စွမ်းရှိကြတယ်လို့လည်း သူကဖြည့်စွက်ပြောပါတယ်။

Source CCTV Plus

#Iran

#Iran_Drone_Drill

#Iran_Military

#DailyNews
Published - 26 August 2022

၁။ မြန်မာ့သစ်ကို မူလအတိုင်း ကန်ဒေါ်လာဖြင့် ပြန်လည်ရောင်းချမှု ယခုလကုန်ပိုင်းစမည်

၂။ နိုင်ငံတကာဖိုက်တာကောင်းများနှင့် မြန်မာ့လက်ဝှေ့အစွမ်းကို ပြသလိုဟု ချန်ပီယံထွန်းထွန်းမင်းပြော

၃။ ဒီဇယ်မျိုးစုံ ၁ လီတာ ၁၇၀ ကျပ် ထပ်မံမြင့်တက်လာ

၄။ စက္ကူလုံးမျက်လှည့်ပြကွက်ဖြင့် နာမည်ကြီးလာသည့် ဘယ်လ်ဂျီယမ်မျက်လှည့်ဆရာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group