#Daily_News
Published_ 13 June 2023

၁။ မြ၀တီမြို့ရှိ စည်ပင်နယ်နိမိတ်အတွင်း ဖွင့်လှစ်ထားသည့် တက်တူးဆိုင်များအား ဖြတ်သိမ်းရန်ညွှန်ကြားချက်ထွက်ပေါ်

၂။ လမ်းဘေးကလေးငယ် (၁၀၀) ဦးကို ပညာသင်ကြားပေးနေ

၃။ ကမ္ဘာ့ရွှေစျေးမြင့်တက်နေပြီး ပြည်တွင်းရွှေစျေးကွက် အရောင်း၀ယ်အေးစက်နေ

၄။ ရွက်တိုင်မြင့်သင်္ဘောကြီးများ စုဝေးရာ (၈) ကြိမ်မြောက် အာမာဒါပြပွဲကြီးကို နော်မန်ဒီတွင်ပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Asia_Politics
Published_13 June 2023

ထိုင်းနိုင်ငံဝန်ကြီးချုပ်ရွေးကောက်ပွဲမှာ ရှေ့ဆုံးမှဦးဆောင်နေတဲ့ 'ပီတာလင်မ်ဂျရွန်ရတ်'ဟာ ပြီးခဲ့တဲ့လရွေးကောက်ပွဲမှာ ဝင်ရောက်ယှဉ်ပြိုင်ရန် အရည်အချင်းပြည့်မီခြင်းရှိ/မရှိ စုံစမ်းစစ်ဆေးခံရမှာဖြစ်ကြောင်း ထိပ်တန်းအရာရှိတစ်ဦးက တနင်္လာနေ့မှာ ပြောကြားခဲ့ပါတယ်။

သူ့အတွက် ဝန်ကြီးချုပ်ရာထူးအတွက် ထောက်ခံမှုရရှိဖို့ ရုန်းကန်နေရတဲ့အချိန်မှာ နောက်ထပ်အခက်အခဲတစ်ခု ပေါ်လာတာလည်း ဖြစ်ပါတယ်။

စစ်တပ်ကျောထောက်နောက်ခံပြု အဖွဲ့အစည်းတွေကို နောက်ကောက်ချအနိုင်ရနေခဲ့တဲ့ Move Forward ပါတီရဲ့ အသက် ၄၂ နှစ်အရွယ်ခေါင်းဆောင်'ပီတာ'ဟာ ပြိုင်ဘက်များထံမှ တိုင်ကြားချက်အများအပြား ရင်ဆိုင်ထားရပါတယ်။

ပြိုင်ဘက်တွေထဲက ၃ ဦးက နောက်ကျမှတင်ပြခြင်းအတွက် မဲရုံအဖွဲ့မှ ပယ်ချခြင်းဖြစ်ပြီး ပါတီကိုဆန့်ကျင်တဲ့ ကျန်တဲ့ ၄ ဦးကတော့ ထုတ်ပယ်ခံလိုက်ရပါတယ်။

ရွေးကောက်ပွဲစည်းမျဉ်းအရ တားမြစ်တဲ့အထဲမှာ မီဒီယာလုပ်ငန်းတစ်ခုမှာ အစုရှယ်များပိုင်ဆိုင်မှုရှိတာကြောင့် လွှတ်တော်ကိုယ်စားလှယ်လောင်းအဖြစ် လျှောက်ထားရန် သင့်လျော်မှုရှိ/မရှိကို ကော်မရှင်က ရှင်းရှင်းလင်းလင်း မသိရသေးဘဲ စုံစမ်းနေဆဲဖြစ်ပါတယ်။

ပီတာကတော့ ဒီကိစ္စကိုငြင်းဆိုကာ ITV ကုမ္ပဏီ အစုရှယ်များကို လွှဲပြောင်းပေးခဲ့ပြီဖြစ်ကြောင်းနဲ့ ကုမ္ပဏီက လှုပ်ရှားလုပ်ကိုင်နေတဲ့ အဖွဲ့အစည်းမဟုတ်တော့ကြောင်း ပြောကြားသွားပါတယ်။

စည်းမျဉ်းချိုးဖောက်ကြောင်းတွေ့ရှိပါက ထောင်ဒဏ် ၁၀ နှစ်အထိကျနိုင်ပြီး နိုင်ငံရေးလောကမှ နှစ် ၂၀ ပိတ်ပင်ခံရခြင်းတို့ကို ရင်ဆိုင်ရဖွယ်ရှိပါတယ်။

ပီတာကိုထပ်မံစုံစမ်းစစ်ဆေးရန်အတွက် ကိုယ်စားလှယ်လောင်းအနေနဲ့ သင့်လျော်ခြင်းရှိ/မရှိ တားမြစ်ခံရခြင်းရှိ/မရှိ သံသယဖြစ်ဖွယ် လုံလောက်တဲ့အချက်အလက်များ ရှိနေကြောင်း ရွေးကောက်ပွဲကော်မရှင်ဥက္ကဌ 'အီတီပွန်ဘွန်ပရာကွန်'က ရိုက်တာသတင်းဌာနကို တင်ပြသွားပါတယ်။

၂၀၁၄ ခုနှစ်မှာ စစ်တပ်ကအာဏာသိမ်းပြီးနောက် စစ်တပ်ကျောထောက်နောက်ခံပြုအစိုးရကို ၉ နှစ်နီးပါး ပြင်းထန်စွာငြင်းဆန်ကာ Move Forward နဲ့ Pheu Thai ပါတီတို့က စစ်တပ်နဲ့မဟာမိတ်ဖွဲ့ထားတဲ့ ကွန်ဆာဗေးတစ်ပြိုင်ဘက်များကို ရှုတ်ချထားပါတယ်။

ပါတီငယ် ၆ ခုနဲ့ မဟာမိတ်ဖွဲ့ထားပေမယ့် ပီတာမှ ဝန်ကြီးချုပ်ဖြစ်ရန်နဲ့ အစိုးရဖွဲ့စည်းရန်ကြိုးပမ်းမှုက စစ်တပ်လက်အောက်ခန့်အပ်ထားတဲ့ ကွန်ဆာဗေးတစ်ဆန်ဆန် အထက်လွှတ်တော်မှာတော့ အခက်အခဲများနဲ့ ရင်ဆိုင်သွားရမှာဖြစ်ပါတယ်။

ဝန်ကြီးချုပ်ပေါ်ပေါက်ရန်အတွက် ဩဂုတ်လမှာ နှစ်ဖက်မဲခွဲဆုံးဖြတ်သွားဖို့ မျှော်လင့်ရပါတယ်။

Move Forward ပါတီရဲ့ ပြောင်းလဲရေးအစီအစဉ်က ထိုင်းနိုင်ငံမှာ ဆယ်စုနှစ်တွေကြာအောင် နိုင်ငံရေးကိုလွှမ်းမိုးနေတဲ့ တော်ဝင်စစ်တပ်နဲ့ အထက်တန်းစားစီးပွားရေးသမားများရဲ့ အကျိုးစီးပွားတွေမှာ ထိပ်တိုက်ရင်ဆိုင်နေရတာဖြစ်ပါတယ်။

ပါတီရဲ့ ပြုပြင်ပြောင်းလဲရေးတွေထဲမှာ ဖွဲ့စည်းပုံအခြေခံဥပဒေပြောင်းလဲခြင်း၊ စစ်တပ်ရဲ့နိုင်ငံရေးကဏ္ဍလျှော့ချခြင်း၊ လက်ဝါးကြီးအုပ်စိုးမိုးမှုကို လျှော့ချခြင်း၊ ဘုရင်စနစ်စော်ကားခြင်းဆိုင်ရာ အငြင်းပွားဖွယ်ဥပဒေကို ပြန်လည်သုံးသပ်ခြင်းစတဲ့ လုပ်ငန်းစဉ်များကြောင့် လူငယ်များကြားမှာ ထောက်ခံမှုကြီးကြီးမားမား ရရှိထားပါတယ်။

ရွေးကောက်ပွဲကော်မရှင်ကတော့ အနာဂတ်မှာ ပီတာကိုအတိုက်အခံလုပ်သွားမှာဖြစ်ကြောင်း၊ စွပ်စွဲချက်တွေက လုံလောက်တဲ့အထောက်အထားမရှိဘူးဆိုတာ ပါတီအနေနဲ့ယုံကြည်ထားကြောင်း Move Foward ပါတီမှ အထွေထွေအတွင်းရေးမှူးက ပြောပြသွားပါတယ်။
Source: Reuters
#Asia_Politics #ဝန်ကြီးချုပ်ရွေးကောက်ပွဲ #ထိုင်းနိုင်ငံမဲဆန္ဒရွေးကောက်ပွဲကော်မရှင်
#YMG #Yangon_Media_Group

#World_Science
Published_13 June 2023

ကမ္ဘာကြီးရဲ့ ရာသီဥတုပုံစံက တစ်နေရာမှ တစ်နေရာသို့ ချောမွေ့စွာပျံသန်းသွားတာဖြစ်ပါတယ်။

ဒါပေမဲ့ ထိုစနစ်အတွင်းမှာ နှောင့်ယှက်မှုတွေဝင်ရောက်ပြီး တစ်ကမ္ဘာလုံးအပေါ် သက်ရောက်တာမျိုး ဖြစ်လေ့ရှိပါတယ်။

ဒီထဲကတစ်မျိုးကတော့ ပစိဖိတ်သမုဒ္ဒရာ အီကွေတာတဝိုက်မှာဖြစ်ပေါ်တဲ့ အယ်လ်နီညိုပဲဖြစ်ပါတယ်။

ကမ္ဘာတဝှမ်းရာသီဥတုအပေါ် သက်ရောက်မှုတွေကို သိရှိဖို့အတွက် အယ်လ်နီညိုနဲ့ ပုံမှန်ရာသီဥတုပုံစံတို့ကြား ကွာခြားချက်ကို နားလည်ရန်လိုအပ်ပါတယ်။

အရှေ့မှအနောက်သို့တိုက်ခတ်တဲ့လေတွေဟာ ထိုဦးတည်ရာအတိုင်း ပူနွေးတဲ့ရေတွေကို တွန်းထုတ်ကာ အာရှနဲ့ ဩစတြေးလျတို့မှာ စုပြုံသွားစေပါတယ်။

အဆိုပါပူနွေးရေတွေက လေထုထဲကိုအပူရောက်ရှိစေကာ စိုစွတ်တဲ့လေတွေ မြင့်တက်လာပြီး တိမ်တွေဖြစ်ပေါ်လာပါတယ်။

ထိုတိမ်တွေက အေးမြတဲ့လေရှိရာ အရှေ့ဘက်သို့သွားကာ မိုးအဖြစ်နဲ့ မြေပြင်သို့ရွာချပါတယ်။

အယ်လ်နီညိုကတော့ လေတိုက်ခတ်မှုကို အားလျော့စေပြီး လေထုလည်ပတ်မှုပုံစုံကို နှောင့်ယှက်ပါတယ်။

လေတိုက်ခတ်မှုအားနည်းသွားတဲ့အတွက် ရေတွေကိုအနောက်ဘက်သို့ အပြည့်အဝမတွန်းနိုင်တော့ဘဲ အရှေ့ပစိဖိတ်မှာ ပူနွေးရေများစုဝေးလာပါတယ်။

အယ်လ်နီညိုက ကမ္ဘာတဝှမ်းမှာ ပုံမှန်မဟုတ်တဲ့ မိုးရွာသွန်းမှုပုံစံများ ဖြစ်ပေါ်စေပြီး အရင်က မိုးမများတဲ့နေရာများနဲ့ မိုးများတဲ့နေရာတွေမှာ ပြောင်းပြန်ရွာသွန်းစေပါတယ်။

အရှေ့တောင်အာရှနဲ့ ဩစတြေးလျတို့မှာ မိုးရွာသွန်းမှုများပြီး ရံဖန်ရံခါ ရေလျှံတဲ့အထိဖြစ်ပေါ်စေကာ အာဖရိကနဲ့ တောင်အမေရိကတို့မှာတော့ မိုးခေါင်ရေရှားခြင်းဖြစ်ပေါ်လေ့ရှိပါတယ်။

အယ်လ်နီညိုက ဒေသအများအပြားမှာ အပူချိန်အစွန်းရောက်စေနိုင်ပါတယ်။

အမေရိကန်အနောက်ပိုင်းလိုနေရာတွေမှာ ပိုမိုပူနွေးခြောက်သွေ့ကာ တောမီးများလောင်ကျွမ်းစေနိုင်ပါတယ်။

ဒီဖြစ်စဉ်တွေကြောင့် တောင်အမေရိကကမ်းရိုးတန်းတလျှောက် အအေးဓာတ်များတဲ့ရေများ လွှမ်းမိုးမှုကိုလျော့နည်းစေပြီး အဏ္ဏဝါဂေဟစနစ်နဲ့ ငါးဖမ်းလုပ်ငန်းကို ထိခိုက်စေပါတယ်။
Source: India Today
#World_Science #အယ်လ်နီညိုရာသီဥတုပုံစံ #ကမ္ဘာတဝှမ်း
#YMG #Yangon_Media_Group

#World_Health
Published_14 June 2023

အိပ်စက်ရာမှာ ခက်ခဲနေသူတွေ၊ အိပ်မပျော်နိုင်တဲ့ မည်သည့်လက္ခဏာမျိုးရှိသူမဆို လေဖြတ်ခြင်းအန္တရာယ်များနိုင်ကြောင်း လေ့လာတွေ့ရှိထားပါတယ်။

အထူးသဖြင့် အသက် ၅၀ အောက် အိပ်မပျော်တတ်တဲ့သူတွေမှာ လေဖြတ်အန္တရာယ်ပိုများနေနိုင်ပါတယ်။

ပြီးခဲ့တဲ့ ၉ နှစ်အတွင်း လေဖြတ်ဖူးခြင်းမရှိတဲ့ လူပေါင်း ၃၁,၀၀၀ ကို လေ့လာခဲ့ပါတယ်။

ကျန်းမာရေးပြဿနာအမျိုးမျိုးရှိတဲ့ သက်ကြီးရွယ်အိုတွေမှာ လေဖြတ်ခြင်းအန္တရာယ်များတတ်ပါတယ်။

အိပ်မပျော်ခြင်းလက္ခဏာမရှိသူတွေနဲ့ယှဉ်ရင် လက္ခဏာ ၁ မျိုးမှ ၄ မျိုးအထိခံစားရသူတွေက လေဖြတ်နိုင်ချေ ၁၆ ရာခိုင်နှုန်းပိုများနေကြောင်း တွေ့ရှိခဲ့ပါတယ်။

ကောင်းစွာအိပ်စက်နိုင်အောင် ပြုလုပ်ပေးနိုင်မယ့် ကုသနည်းအများအပြားရှိသလို ဘဝနောက်ပိုင်းမှာလည်း လေဖြတ်ခြင်းအန္တရာယ်လျှော့ချနိုင်ကြောင်း စောစီးစွာကုသခံယူသင့်ကြောင်း ရစ်ချ်မွန်ရှိ ဗာဂျီးနီးယားကွန်မန်းဝဲ့တက္ကသိုလ်မှ သုတေသီ'ဝင်ဒမ်မီဆာဝာဒိုဂို'က ဖော်ပြထားပါတယ်။

တစ်ညကိုအိပ်ချိန် ၅ နာရီအောက်သာရှိသူတွေဟာ အိပ်ရေးပျက်တဲ့လက္ခဏာဖြစ်ပြီး ပုံမှန်အိပ်ချိန်ရှိသူတွေထက် လေဖြတ်အန္တရာယ်ဖြစ်နိုင်ချေ ၃ ဆပိုများနေနိုင်ကြောင်း အမေရိကန်ရောဂါထိန်းချုပ်ကာကွယ်ရေးစင်တာက ဆိုပါတယ်။

ကောင်းစွာမအိပ်စက်ရတဲ့အခါ သွေးပေါင်ချိန်ထိခိုက်ပြီး သွေးတိုးဖြစ်နိုင်ကာ လေဖြတ်ခြင်းနဲ့ နှလုံးသွေးကြောရောဂါတို့ ဖြစ်စေနိုင်ပါတယ်။

အခြားသုတေသနတွေမှာလည်း အိပ်ရေးပျက်ခြင်းကြောင့် ဆီးချို၊ နှလုံးရောဂါ၊ မှတ်ဉာဏ်ချို့ယွင်းခြင်းတို့လည်း ဖြစ်နိုင်ကြောင်းဖော်ပြထားပါတယ်။
Source: WION
#World_Health #အိပ်မပျော်ခြင်း #အသက်(၅၀)အောက်လူများ #လေဖြတ်နိုင်ချေများစေကြောင်းလေ့လာတွေ့ရှိ #YMG #Yangon_Media_Group

#World_Health
Published_13 June 2023

ယောက်ျားလေးတွေမှာ ကျားဟော်မုန်းတက်စ်တိုစတီရုန်းကျဆင်းရတာဟာ ညစ်ညမ်းပုံတွေ အကြည့်များတာကြောင့် ဖြစ်ပုံရပါတယ်။

ကျားဟော်မုန်းဟာ မျက်နှာနဲ့ရင်ဘတ်အမွှေး ဖွံ့ဖြိုးခြင်း၊ ကြွက်သားထုထည်တိုးများခြင်း၊ အရိုးသိပ်သည်းခြင်း၊ သုတ်ပိုးထုတ်လုပ်ခြင်း၊ လိင်စိတ်ဆန္ဒဖြစ်ခြင်းတို့အတွက် အရေးကြီးပါတယ်။

အမျိုးသား ၂ ရာခိုင်နှုန်းလောက်မှာ တက်စ်တိုစတီရုန်းလျော့နည်းခြင်းဖြစ်ပေါ်နေပြီး စိတ်ဓာတ်ကျခြင်း၊ အမွှေးအမျှင်လျော့နည်းခြင်း၊ လိင်ဆန္ဒကျဆင်းခြင်း၊ မျိုးပွားပြဿနာ၊ သုတ်ပိုးအရေအတွက်နည်းပါးခြင်းတို့ စတဲ့လက္ခဏာအမျိုးမျိုး ပေါ်ပေါက်တတ်ပါတယ်။

The Sun မှာဖော်ပြတဲ့အချက်အလက်အရ လူငယ်တွေမှာ တက်စ်တိုစတီရုန်းပမာဏလျော့နည်းရခြင်းက ညစ်ညမ်းကားများအလွန်အကျွံကြည့်ခြင်း ဒါမှမဟုတ် ဂိမ်းအလွန်အကျွံဆော့ခြင်းကြောင့် ဖြစ်တယ်လို့ ဆိုပါတယ်။

ဗီဒီယိုဂိမ်းကစားတဲ့ အမျိုးသားတွေမှာ ဒိုပါမင်ဟော်မုန်းထွက်ရှိပြီး ထိုဟော်မုန်းက လိင်ကိစ္စပြီးမြောက်ချိန်မှာထွက်တဲ့ ကျေနပ်မှုဟော်မုန်းဖြစ်ကာ ဒါကြောင့်ပဲ စိတ်ဆန္ဒလျော့နည်းသွားစေနိုင်တာ ဖြစ်ပါတယ်။

ဗီဒီယိုဂိမ်းကစားခြင်းက ပျော်စရာကောင်းပေမယ့် ဖိစီးမှုလည်းဖြစ်ပေါ်နိုင်ကာ ပရိုလက်တင်ဟော်မုန်းမြင့်တက်လာပြီး တက်စ်တိုစတီရုန်း လျော့နည်းသွားနိုင်ပါတယ်။

ပရိုလက်တင်ပမာဏများပြားခြင်းက အမျိုးသားတွေမှာ မြုံခြင်းကိုဖြစ်ပေါ်စေနိုင်ပါတယ်။

အားလုံးကသဘောတူညီတာမျိုး မရှိသေးပေမယ့် ညစ်ညမ်းပုံတွေ အကြည့်များခြင်းဖြင့် လိင်စိတ်ဆန္ဒလျော့နည်းစေနိုင်ပါတယ်။

ညစ်ညမ်းကားများကြည့်ခြင်းက တက်စ်တိုစတီရုန်းမလျော့ကျစေနိုင်ပေမယ့် လိင်စိတ်ဆန္ဒကိုထုံထိုင်းသွားစေနိုင်တယ်လို့ ပညာရှင်အချို့က တွေ့ရှိထားပါတယ်။

ညစ်ညမ်းပုံတွေစွဲလမ်းခြင်းက လိင်လှုံ့ဆော်မှုရရှိဖို့ခက်ခဲကာ ကြာရှည်ထောင်မတ်နိုင်ဖို့ ခက်ခဲသွားကြောင်း ဒေါက်တာ'ရော့ဝစ်'က ပြောပြသွားပါတယ်။

ဒါ့အပြင် ညစ်ညမ်းပုံကြည့်ခြင်းနဲ့ ဗီဒီယိုဂိမ်းကစားခြင်းတို့က အိပ်စက်မှုပုံစံကိုပျက်စီးစေကာ တက်စ်တိုစတီရုန်းလျော့ကျစေနိုင်ပါတယ်။

ပေါင်မုန့်၊ နို့ထွက်ပစ္စည်းများ၊ အချိုဓာတ်စားစရာများကလည်း တက်စ်တိုစတီရုန်းကိုထိခိုက်စေကာ အပြင်စာအစားများခြင်းကလည်း ခန္ဓာကိုယ်ဖွဲ့စည်းပုံကို ထိခိုက်စေပါတယ်။

လှုပ်ရှားလေ့ကျင့်ခန်းပြုလုပ်ခြင်း၊ ဝိတ်မခြင်း၊ ဖိစီးမှုလျှော့ချခြင်း၊ ဗိုက်တာမင်ဒီဖြည့်စွက်ခြင်း၊ ကောင်းစွာအိပ်စက်ခြင်း၊ အရက်သေစာရှောင်ရှားခြင်း၊ အဆီ ပရိုတိန်း ကာဗိုဟိုက်ဒရိတ်ကြွယ်ဝစွာ စားသုံးခြင်းတို့ဖြင့် တက်စ်တိုစတီရုန်းကို များပြားစေနိုင်ပါတယ်။
Source: The Jerusalem Post
#World_Health #ညစ်ညမ်းပုံတွေအကြည့်များခြင်း #ကျားဟော်မုန်းကိုလျော့ကျစေသလား
#YMG #Yangon_Media_Group

#World_Exhibition
Published_ 12 June 2023

ဟောင်ကောင်မှာ လေမှုတ်သွင်းရတဲ့ ဧရာမဘဲဝါရုပ်ကြီးတစ်ကောင်က လူအများကိုဆွဲဆောင်နိုင်ခဲ့ပြီးနောက် ဆယ်နှစ်အကြာမှာ သောကြာနေ့က မြိုတော်ဗစ်တိုးရီးယားဆိပ်ကမ်းသို့ပြန်လည်ရောက်ရှိလာပါတယ်။

#World_Exhibition ##ဆယ်စုနှစ်တစ်ခုကြာ #ဧရာမဘဲရုပ်ကြီးနှစ်ခုဟောင်ကောင်ဆိပ်ကမ်းရောက်ရှိ #YMG #Yangon_Media_Group