#LocalNews
Published 22 Mar 2022

မြန်မာနိုင်ငံသိုရောက်ရှိလာသော မြန်မာနိုင်ငံဆိုင်ရာ အာဆီယံအထူးကိုယ်စားလှယ် အာဆီယံအလှည့်ကျဥက္ကဋ္ဌ ကမ္ဘောဒီးယားနိုင်ငံ နိုင်ငံခြားရေးဝန်ကြီး မစ္စတာပရက် ဆိုခွန် (Prak Sokhonn)နဲ့ နိုင်ငံရေးပါတီတစ်ခုဖြစ်တဲ့ ပြည်သူပါတီတို့တွေ့ဆုံခဲ့ကြပြီး ပါတီဘက်ကနေ လူသားချင်းစာနာမှုဆိုင်ရာအကူအညီတွေ ထိထိရောက်ရောက်ပေးဖို့နဲ့ အသွင်ကူးပြောင်းရေးကြားကာလမှာ နိုင်ငံရေးမှာပါဝင်ပတ်သတ်သူတွေ တွေ့ဆုံဆွေးနွေးနိုင်ရေးဆွေးနွေးခဲ့ကြတယ်လို့ သိရပါတယ်။

#Yangon_Media_Group

#LocalNews
Published_22 March 2022

ရခိုင်ပြည်နယ်၊ မင်းပြားမြို့နယ် ဇိုင်ချောင်းကျေးရွာမှာတွေ့ခဲ့တဲ့ နှစ်ပေါင်းထောင်ကျော်သက်တမ်းရှိတယ်လို့ယူဆရတဲ့ ရှေးဟောင်းစတူပါ တစ်ဆူကို သက်ဆိုင်ရာက သွားရောက်စစ်ဆေးဖို့ရှိတယ်လို့ ရှေးဟောင်းသုတေသနဌာနက သိရပါတယ်။

#Yangon_Media_Group

#LocalNews
Published_22 March 2022

ပြီးခဲ့တဲ့၂၀၂၀ ပြည့်နှစ် နဲ့ ၂၀၂၁ ခုနှစ်တွေမှာ သင်္ကြန်ရေသဘင်ပွဲတော်ကို ကိုဗစ်-၁၉ ကပ်ရောဂါကြောင့် မကျင်းပနိုင်ခဲ့ပေမယ့် အခု ၂၀၂၂ ခုနှစ် မှာတော့ ရန်ကုန်မြို့တော် ဗဟိုမဏ္ဍပ် မဟာသင်္ကြန်ရေသဘင်ပွဲတော်ကို စည်စည်ကားကားကျင်းပနိုင်ဖို့လုပ်နေတယ်လို့ ရန်ကုန်မြို့တော်စည်ပင်သာယာရေးကော်မတီက သိရပါတယ်။

#Yangon_Media_Group

#DailyNews
Published - 22 Mar 2022

၁။ ငါးဖမ်းရာမှတွေ့ရှိသော နှစ်ပေါင်းထောင်ကျော်သက်တမ်းရှိနိုင်မည့် ရှေးဟောင်းစတူပါအား သက်ဆိုင်ရာက သွားရောက်စစ်ဆေးမည်

၂။ ဗဟိုမဏ္ဍပ် မဟာသင်္ကြန် ရေသဘင်ပွဲတော်အတွက်သာ စီစဉ်နေပြီး ပုဂ္ဂလိကမဏ္ဍပ်များကိစ္စ စည်ပင်ညွှန်ကြားချက်မရှိသေး

၃။ မိုးလေဝသ သတင်း

၄။ အီရတ်တွင် အစ္စလာမ်အကြမ်းဖက်အဖွဲ့ဝင်များ၏အလောင်းများ အစုလိုက်အပြုံလိုက်မြှုပ်နှံထားရာနေရာ တူးဖော်တွေ့ရှိ......အစရှိတဲ့သတင်းတွေကို တင်ဆက်ပေးသွားမှာပဲဖြစ်ပါတယ်။

#Yangon_Media_Group

#WorldDiscovery
Published 21 March 2022

လွန်ခဲ့တဲ့နှစ်သန်းပေါင်း ၃၆ သန်းခန့်က ပင်လယ်ရေပြင်မှာကျက်စားနေခဲ့တဲ့ ရှေးဟောင်းဝေလငါးတစ်ကောင်ရဲ့ ကျောက်ဖြစ်ရုပ်ကြွင်းတွေကို ပြီးခဲ့တဲ့နှစ်က ပီရူးကန္တာရတစ်ခုမှာ တွေ့ရှိခဲ့ကြကြောင်း ကျောက်ဖြစ်ရုပ်ကြွင်းပညာရှင်များက ကြာသပတေးနေ့က ထုတ်ဖော်ပြောကြားလိုက်ပါတယ်။

#Yangon_Media_Group

Published 21 March 2022

ဘင်္ဂလားဒေ့ရှ်နိုင်ငံ မြို့တော်ဒါကာအနီးက မြစ်တစ်စင်းအတွင်းမှာ ကုန်သင်္ဘောကြီးတစ်စီးက ကူးတို့သင်္ဘောတစ်စီးကို ဝင်တိုက်ပြီး ကူးတို့သင်္ဘောနစ်မြုပ်သွားပါတယ်။ လူအနည်းဆုံးငါးဦးသေဆုံးပြီး ဒါဇင်ပေါင်းများစွာသော ခရီးသည်တွေကို ရှာမတွေ့သေးပဲ ပျောက်ဆုံးနေပါတယ်။

ဒါကာမြို့ အရှေ့တောင်ဖက်မှာ ပြည်တွင်းရေကြောင်းသွား MV Ruposhi-9 (အမ်ဗွီ ရုပိုရှီ-၉)ကုန်တင်သင်္ဘောက MV Afsaruddin (အမ်ဗွီ အက်ဆာရုဒင်) ခရီးသည်တင်ကူးတို့သင်္ဘောကို ဝင်တိုက်မိရာ လူနှစ်ဒါဇင်ခန့်က ကမ်းစပ်ကို ရေကူးပြီး လွတ်မြောက်လာခဲ့ကြတယ်လို့ ရဲတွေကပြောပါတယ်။

Source AFP