၁၆ ဩဂုတ် ၂၀၂၃

နိုင်ငံအချို့သည်ဘဏ္ဍာရေးလုံခြုံမှုနှင့် ယှဉ်တွဲပြီးဖြစ်လာသော ဒေါ်လာငွေကြေးကို လက်နက်သဖွယ်  အသုံးချလျက် ရှိနေကြတယ်လို့ နစက ဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ရုရှားနိုင်ငံ မော်စကိုမြို့၌ ကျင်းပတဲ့ (၁၁)ကြိမ်မြောက် နိုင်ငံတကာလုံခြုံရေးညီလာခံ (MCIS - 2023)တွင် ပြောကြားပါတယ်။

ဗိုလ်ချုပ်မှူးကြီးမင်းအောင်လှိုင်က အဆိုပါ နိုင်ငံတကာလုံခြုံရေးညီလာခံသို့ ဗွီဒီယိုဖြင့် မိန့်ခွန်းပြောကြားရာတွင် ယင်းကဲ့သို့ထည့်သွင်းပြောကြားခဲ့တာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

ကမ္ဘာ့လူဦးရေစုစုပေါင်း၏ ၆၀ ရာခိုင်နှုန်းကျော် နေထိုင်လျက်ရှိသော အာရှ-ပစိဖိတ်ဒေသအတွက် စားနပ်ရိက္ခာလုံခြုံမှုရှိရေးသည် အခြေခံအကျဆုံးနှင့် အဓိကအကျဆုံး လိုအပ်ချက်တစ်ခု ဖြစ်လာတဲ့အတွက်  စားနပ်ရိက္ခာလုံခြုံမှုရှိရေးတွင် အဓိကကျသော စိုက်ပျိုးရေးအတွက် လိုအပ်သည့် လောင်စာဆီ၊ ဓာတ်မြေဩဇာများ

အပါအဝင် အထောက်အကူပြုပစ္စည်းများ ရောင်းဝယ်ရာတွင် အချို့နိုင်ငံများသည်ဘဏ္ဍာရေးလုံခြုံမှုနှင့် ယှဉ်တွဲပြီးဖြစ်လာသော ဒေါ်လာငွေကြေးကို လက်နက်သဖွယ်အသုံးချလျက်ရှိတယ်လို့ ဗိုလ်ချုပ်မှူးကြီးက ပြောကြားခဲ့ခြင်းဖြစ်ပါတယ်။

“အာရှ-ပစိဖိတ်ဒေသသည် လူဦးရေများပြားခြင်းနှင့် ကမ္ဘာ့ကုန်သွယ်ရေးတွင်အချက်အချာကျနေခြင်းတို့အပြင် လုံခြုံရေးအပါအဝင် ကဏ္ဍမျိုးစုံ၌ အရေးပါသည့်ဒေသဖြစ်လာသည့်အတွက် အမေရိကန်နိုင်ငံအပါအဝင် ဥရောပသမဂ္ဂနှင့် NATOအဖွဲ့ဝင်နိုင်ငံများကလည်း ၎င်းတို့၏ အကျိုးစီးပွားအတွက် အာရှ-ပစိဖိတ်ဒေသအပေါ်စိတ်ဝင်စားမှု မြင့်တက်လာတယ်” လို့လည်း နစက ဥက္ကဋ္ဌက ဆက်လက်ပြောကြားပါတယ်။

အဲဒါကြောင့် သူတို့ဟာ ဒေသတွင်းနိုင်ငံများနှင့် တိုက်ရိုက်သော်လည်းကောင်း၊သွယ်ဝိုက်သော်လည်းကောင်း ထိတွေ့ ဆက်ဆံမှုများ တိုးမြှင့်ဆောင်ရွက်လာသည်ကိုတွေ့ရှိရတယ်” လို့ ဗိုလ်ချုပ်မှူးကြီးက သုံးသပ်ပြောဆိုပါတယ်။

လုံခြုံရေးကဏ္ဍတွင်လည်း အပြိုင်အဆိုင် လွှမ်းမိုးနိုင်ရန် အပြင်းအထန် အားထုတ်မှုများနှင့်အတူ ကြီးမားသည့် အင်အားချိန်ခွင်လျှာ အပြောင်းအလဲများ ဖြစ်ပေါ်လျက်ရှိပြီး ထိုကဲ့သို့ တည်ငြိမ်လုံခြုံမှုပိုမိုလျော့နည်းလာသည့် ကမ္ဘာ့အနေအထားသည် အာရှ-ပစိဖိတ်ဒေသကြီး၏ လုံခြုံရေးနှင့် စီးပွားရေးကဏ္ဍများ၌ သိသာထင်ရှား

သည့် သက်ရောက်မှုများ ဖြစ်ပေါ်လျက်ရှိတယ်လို့လည်း ဗိုလ်ချုပ်မှူးကြီးက ထောက်ပြပြောဆိုပါတယ်။

အာဆီယံအဖွဲ့သည် စစ်ရေးမဟာမိတ်အုပ်စု မဟုတ်သော်လည်း အဖွဲ့ဝင်နိုင်ငံများ၏ ကာကွယ်ရေးပေါင်းစည်းအင်အားမှာ ကြီးမားလှပါကြောင်း၊ စစ်ရေးအတွေ့အကြုံရှိသည့် ဗီယက်နမ်၊ မြန်မာနှင့် စွမ်းပကားထက်မြက်သော လက်နက်များ

ပိုင်ဆိုင်ထားသည့် အာဆီယံနိုင်ငံများ၏ ပေါင်းစည်းအင်အားသည် ကမ္ဘာကြီးအတွက်အသင့်အတင့်အားထားနိုင်သော အခြေအနေတွင်ရှိကြောင်းလည်း နစကဥက္ကဋ္ဌက ဗွီဒီယိုမိန့်ခွန်းမှာထည့်သွင်းပြောဆိုခဲ့ပါတယ်။

သို့သော်လည်း အာဆီယံအဖွဲ့ကြီးအနေဖြင့် အဖွဲ့ဝင်နိုင်ငံများအကြား စည်းလုံးညီညွတ်မှုကို အားကြိုးမာန်တက် ဖော်ဆောင်လျက်ရှိချိန်တွင်တစ်ဖက်တွင်လည်း အဆိုပါစည်းလုံးညီညွတ်မှုကို စိန်ခေါ်နေသော  ခြိမ်းခြောက်မှုများလည်းရှိနေတယ်လို့ အာဆီယံ၏လက်ရှိအခြေအနေအပေါ် ဗိုလ်ချုပ်မှူးကြီးက သုံးသပ်ပြောဆိုသွားခဲ့ပါတယ်။

မြန်မာနိုင်ငံနှင့်ပတ်သက်၍လည်း “ လက်ရှိကာလတွင် မြန်မာနိုင်ငံ၏အချို့ဒေသများမှအပ နေရာဒေသအများစုတွင် နိုင်ငံရေး၊ စီးပွားရေး၊ လုံခြုံရေးအရ တည်ငြိမ်မှုရှိအောင် ဆောင်ရွက်ထားနိုင်ပြီဖြစ်ပါကြောင်း၊ မိမိတို့အနေဖြင့် လွတ်လပ်၍ တရားမျှတသောပါတီစုံ ဒီမိုကရေစီရွေးကောက်ပွဲတစ်ရပ်ကိုကျင်းပပြီး အနိုင်ရရှိသော

နိုင်ငံရေး ပါတီအား ဒီမိုကရေစီစံနှုန်းနှင့်အညီ နိုင်ငံတော်အာဏာကို ပြန်လည်အပ်နှင်းနိုင်ရေးအတွက် နိုင်ငံတစ်ဝန်း လုံခြုံမှုရှိစေရေး၊ တည်ငြိမ်အေးချမ်းရေး၊ တရားဥပဒေစိုးမိုးရေးနှင့် နိုင်ငံ့စီးပွားရေးဖွံ့ဖြိုးတိုးတက်ရေးတို့အတွက် ကြိုးပမ်းအားထုတ် ဆောင်ရွက်လျက်ရှိကြောင်း” နိုင်ငံတကာအသိုက်အဝန်းသို့ ထုတ်ဖော်ပြောဆိုခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

 ယခုကျင်းပခဲ့တဲ့ (၁၁)ကြိမ်မြောက် နိုင်ငံတကာလုံခြုံရေးညီလာခံ (MCIS - 2023)သို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အပါအဝင် နိုင်ငံ ၅ နိုင်ငံမှ အကြီးအကဲများက Video မှတ်တမ်းပေးပို့၍ ပါဝင်တက်ရောက်ခဲ့ပြီး မြန်မာနိုင်ငံမှ နိုင်ငံတော်စီမံအုပ်ချုပ်ရေးကောင်စီဝင်၊   ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်း အပါအဝင် နိုင်ငံပေါင်း ၂၀ မှ ကာကွယ်ရေးဝန်ကြီးအဆင့်ပုဂ္ဂိုလ် ၂၀ဦး၊ နိုင်ငံ ၁၆ နိုင်ငံမှ ဒုတိယ ကာကွယ်ရေးဝန်ကြီးအဆင့် ပုဂ္ဂိုလ် ၁၆ ဦး၊ နိုင်ငံ ၁၂နိုင်ငံမှ ညွှန်ကြားရေးမှူးအဆင့် ပုဂ္ဂိုလ် ၁၂ ဦး အပါအဝင်စုစုပေါင်း ၈၀၀ ကျော်ပါဝင်တက် ရောက်ခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

-ymg/knl

16 August 2023

ထိုင်းပါလီမန်အမတ်များက လာမည့်အပတ်တွင် ဝန်ကြီးချုပ်အသစ်ကိုရွေးချယ်ကြတော့မှာဖြစ်ပါတယ်။ ရွေးကောက်ပွဲ အမတ်အများဆုံးရထားတဲ့ ရှေ့သို့ပါတီ Move Forward- MFP က သူတို့ရဲ့ ဝန်ကြီးချုပ်လောင်းကို ပါလီမန်မှာ ပိတ်ပင်လိုက်တဲ့ အပေါ်စိန်ခေါ်ပြီး  ဖွဲ့စည်းပုံအခြေခံခုံရုံးကို ကန့်ကွက်ခဲ့တာနှင့်ပတ်သက်ပြီး ခုံရုံးက ပယ်ချလိုက်ပြီးနောက် အောက်လွှတ်တော်ဥက္ကဋ္ဌက ဝန်ကြီးချုပ်ရွေးချယ်ပွဲပြန်လည်ပြုလုပ်မှာကို ကြေညာခဲ့တာပါ။

ထိုင်းနိုင်ငံဟာ မတ်လကတည်းက အိမ်စောင့်အစိုးရက အုပ်ချုပ်နေခဲ့တာဖြစ်ပြီး အစိုးရအသစ်ဖွဲ့စည်းဖို့ကိစ္စ ရှေ့မတိုး နောက်မဆုတ်သာ အခြေအနေနှင့် ကြုံတွေ့နေခဲ့ရတာဖြစ်ပါတယ်။ ရှေ့သို့ပါတီဟာ ပါလီမန်မှာ ရှေးရိုးစွဲ အမတ်တွေနှင့် စစ်တပ်ကိုသစ္စာရှိတဲ့ မဟာမိတ်တွေရဲ့ တင်းမာတဲ့ ဆန့်ကျင်မှုတွေနှင့် ရင်ဆိုင်ခဲ့ရပါတယ်။

ရှေ့သိုပါတီ MFPဟာ ပြီးခဲ့တဲ့မေလရွေးကောက်ပွဲမှာ ထင်မထားဘဲ အမတ်နေရာအများဆုံးရရှိခဲ့ပါတယ်။ ပါတီကို မြို့ပြ နှင့် လူငယ်အမြောက်အများက လစ်ဘရယ်မူဝါဒပလက်ဖောင်းအတွက် ထောက်ခံခဲ့ကြတာဖြစ်ပါတယ်။

တရားရုံးက ပယ်ချလိုက်တာဟာ ရှေ့သို့ပါတီအတွက် နောက်ဆုံးအတိုက်အခိုက်ခံရမှဒတစ်ခုဖြစ်ပေမယ့်  ပါတီဟာ အစိုးရဖြစ်ဖို့အတွက် အရှုံးပေးမှာမဟုတ်ဘူးလို့ ပါတီခေါင်းဆောင် ပီတ, ကပြောပါတယ်။

“ပြဿနာကပါလီမန်ပဲဖြစ်တယ်။ အဲဒါကြောင့် ကျွန်တော်တို့ပါလီမန်ကို ပြုပြင်မယ်” လို့ သူကပြောပါတယ်။

ပီတကို ထပ်မံအဆိုပြုတာ ပယ်ချလိုက်ပြီးနောက် ရွေးကောက်ပွဲဒုတိယနေရာအနိုင်ရထားတဲ့ ဖွေထိုင်းပါတီဟာ  ရှေ့သို့ MFP ပါတီကို ထောက်ခံခြင်းကို ပြန်လည်ရုပ်သိမ်းခဲ့ပါတယ်။

ဖွေထိုင်းပါတီဟာ သူ့ရဲ့ ဝန်ကြီးချုပ်လောင်း အိမ်ခြံမြေသူဋ္ဌေးကြီး သာရက်တာ သာဗစ်ဆင်ကို ထောက်ခံပေးဖို့အတွက် ကွန်ဆာဗေးတစ်တွေနှင့် တပ်ကျောထောက်နောက်ခံရှိထားတဲ့ အမတ်တွေကို စည်းရုံးနေပါတယ်။ ဒါပေမယ့် အတွေ့အကြုံနည်းတဲ့ သာရက်တာကို ထောက်ခံမှုတွေလုံလုံလောက်လောက်ရဖို့ သိပ်မသေမချာဖြစ်နေပါတယ်။

“ တစ်ရက်တည်း အပြတ် ဝန်ကြီးချုပ်ရွေးနိုင်မလားဆိုတာကတော့ အစည်အဝေးပေါ်မှာပဲမူတည်ပါလိမ့်မယ်” လို့  အောက်လွှတ်တော်ဥက္ကဋ္ဌ ဝန်မိုဟာမက် နို မာသာက သတင်းထောက်တွေကိုပြောပါတယ်။ လာမယ့် ဩဂုတ် ၂၂ ရက်မှာ ပါလီမန်အစည်းအဝေးပြန်လည်ကျင်းပပြီး ဝန်ကြီးချုပ်လောင်းအတွက်မဲပေးကြမှာဖြစ်ပါတယ်။

ဖွေထိုင်းပါတီရဲ့ အကြီးတန်းအရာရှိတွေကတော့ ရှေ့သို့ပါတီ MFP ရဲ့ထောက်ခံမှုမပါဘဲနှင့် သာရက်တာကို ဝန်ကြီးချုပ် အဖြစ်ရွေးချယ်နိုင်မယ်လို့ ယုံကြည်ထားကြကြောင်းပြောပါတယ်။

Source Reuters

၁၅ ဩဂုတ် ၂၀၂၃

နစကဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ ကုလသမဂ္ဂလူသားချင်းစာနာထောက်ထားမှု  ဆိုင်ရာနှင့်အရေးပေါ်ကယ်ဆယ်ရေးဆိုင်ရာ ညှိနှိုင်းရေးမှူးနှင့် ကုလသမဂ္ဂလူသားချင်း စာနာထောက်ထားမှုဆိုင်ရာ ညှိနှိုင်းရေးရုံး (UNOCHA) ၏အကြီးအကဲနှင့် Under Secretary General ဖြစ်သူ Mr. Martin Griffiths မစ္စတာ မာတင်ဂရစ်ဖစ် ဦးဆောင်တဲ့ ကိုယ်စားလှယ်အဖွဲ့က ယနေ့ ဩဂုတ်၁၅ ရက်တွင် နေပြည်တော်ရှိ နစက ဥက္ကဋ္ဌရုံး၊ သံတမန်ဆောင်ဧည့်ခန်းမ၌ လာရောက်တွေ့ဆုံခဲ့ပါတယ်။

တွေ့ဆုံစဉ်အတွင်း ဗိုလ်ချုပ်မှူးကြီးက မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုအခြေအနေများ၊ ၂၀၂၀ ပြည့်နှစ်ပါတီစုံဒီမိုကရေစီ အထွေထွေရွေးကောက်ပွဲတွင် မဲမသမာမှုများဖြစ်ပေါ်ခဲ့သဖြင့် တပ်မတော်အနေဖြင့်   ဖွဲ့စည်းပုံအခြေခံ ဥပဒေ (၂၀၀၈ ခုနှစ်)နှင့်အညီနိုင်ငံတော်တာဝန်များ ကိုထမ်းဆောင်ခဲ့မှုအခြေအနေများ၊နစကအနေဖြင့် ပြည်သူများ လိုလားသည့် ပါတီစုံဒီမိုကရေစီ   လမ်းကြောင်းပေါ်တွင်ခိုင်မာစွာဖြင့် ဆက်လက် လျှောက်လှမ်းနိုင်ရေး ဆောင်ရွက်နေမှု အခြေအနေများ၊  ပြည်တွင်းငြိမ်းချမ်းရေး ရရှိရေးဆောင်ရွက်နေမှုနှင့်တိုင်းရင်းသားဒေသများဖွံ့ဖြိုး  တိုးတက်ရေး   ဆောင်ရွက်ရန်လိုအပ်လျက်ရှိမှုအခြေအနေများကိုဆွေးနွေးပြောကြားခဲ့တယ်လို့ နစကရဲ့ သတင်း  ထုတ်ပြန်ချက်မှာဖော်ပြထားပါတယ်။

အဲဒီ့အပြင် မြန်မာနိုင်ငံ၏ အခြေအနေအရပ်ရပ်နှင့်ပတ်သက်၍ နိုင်ငံတကာတွင် သတင်းမှားများ ပြန့်နှံ့လျက်ရှိမှု  နှင့်နိုင်ငံတကာမှ မြန်မာနိုင်ငံနှင့်ပတ်သက်၍ အခြေအနေမှန်များကိုသိရှိရန် လိုအပ်လျက်ရှိမှုအခြေအနေများကိုလည်း ထည့်သွင်းပြောြကားခဲ့တယ်လို့ သတင်းထုတ်ပြန်ထားပါတယ်။

မြန်မာနိုင်ငံတွင် ကိုဗစ် - ၁၉ ရောဂါဖြစ်ပွားချိန်နှင့် မိုခါမုန်တိုင်းဖြစ်ပွားချိန်တို့၌ ကုလသမဂ္ဂအပါအဝင် နိုင်ငံတကာ  အဖွဲ့အစည်းများ၏ ကူညီပေးမှုများ နည်းပါးခဲ့မှု အခြေအနေတွေကို ထောက်ပြပြောဆိုခဲ့ပြီး  လူသားချင်းစာနာ  ထောက်ထားမှု အကူအညီပေးရေးဆိုင်ရာ ကိစ္စရပ်များနှင့်စပ်လျဉ်း၍ ပိုမိုပူးပေါင်းဆောင်ရွက်သွားနိုင်မည့် အခြေအနေများကို အမြင်ချင်းဖလှယ် ဆွေးနွေးခဲ့ကြတယ်လို့သိရပါတယ်။

အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး ပြည်ထောင်စုဝန်ကြီးများဖြစ်ကြသည့် ဦးသန်းဆွေ၊ ဦးကိုကိုလှိုင်၊ ဒေါက်တာစိုးဝင်းနှင့် တာဝန်ရှိသူများတက်ရောက်ကြပြီး ကုလသမဂ္ဂလူသားချင်း  စာနာထောက်ထားမှုဆိုင်ရာနှင့် အရေးပေါ်ကယ်ဆယ်ရေးဆိုင်ရာ ညှိနှိုင်းရေးမှူးနှင့် ကုလသမဂ္ဂလူသားချင်းစာနာထောက်ထားမှုဆိုင်ရာ ညှိနှိုင်းရေးရုံး(UNOCHA)၏ ကိုယ်စားလှယ်အဖွဲ့မှ တာဝန်ရှိသူများ

တက်ရောက်ခဲ့ကြပါတယ်။

ကုလသမဂ္ဂလူသားချင်း စာနာထောက်ထားမှုဆိုင်ရာ ညှိနှိုင်းရေးရုံး (UNOCHA) ၏အကြီးအကဲဟာ နစက အဖွဲ့ဝင်၊အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ ဥက္ကဋ္ဌ ၊ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးသန်းဆွေ၊ ပြည်ထောင်စုဝန်ကြီးများဖြစ်ကြတဲ့ ဦးကိုကိုလှိုင်၊ဒေါက်တာစိုးဝင်းတို့နှင့်လည်း သီးခြားဆီတွေ့ဆုံဆွေးနွေးခဲ့ကြတယ်လို့ နစကရဲ့သတင်းထုတ်ပြန်ချက်အရသိရပါတယ်။

-ymg/knl

၁၄ ဩဂုတ် ၂၀၂၃

ပြည်တွင်း၌ ဆေးဝါးမလုံလောက်မှုများကြောင့် ပြည်ပမှနှစ်စဉ်တင်သွင်းနေရသည့်အတွက် အများအသုံးပြုသည့် ဆေးဝါးတွေကို ပြည်တွင်း လုံလောက်မှုရှိအောင် ဆောင်ရွက်ကြရန် နစက ဥက္ကဋ္ဌက ပြောကြားပါတယ်။

ယနေ့ဩဂုတ် ၁၄ ရက် က မြန်မာ့ဆေးဝါးလုပ်ငန်း၊ ဆေးဝါးစက်ရုံ(အင်းစိန်)၌ ကျင်းပပြုလုပ်တဲ့  စက်မှုဝန်ကြီးဌာန၊ မြန်မာ့ဆေးဝါးလုပ်ငန်း BPI Pharmaceutical Museum နှင့်မြွေဆိပ်ဖြေဆေး အအေးခဲခြောက်ထုတ်လုပ်ရေးစက် Freeze Dryer Machine အသစ်ဖွင့်ပွဲအခမ်းအနားတွင် နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုုင်က အမှာစကား ပြောကြားရာမှာ ယခုလိုတိုက်တွန်းပြောကြားခဲ့တာဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီးက ပုဂ္ဂလိကဆေးဝါးထုတ်လုပ်မှုလုပ်ငန်းများမှ ဆေးဝါးများ ထုတ်လုပ်နိုင်ရေးအတွက် လည်း မြန်မာ့ဆေးဝါးလုပ်ငန်းမှကူညီဆောင်ရွက်ပေးရန်လိုတယ်လို့လည်း ဖြည့်စွက်မှာကြားခဲ့ပါတယ်။

မြန်မာ့ဆေးဝါးလုပ်ငန်း BPI သည် ရှေးယခင်နှစ်ပေါင်းများစွာကတည်းကပင် အရည်အသွေးပြည့်ဝ

သည့် ဆေးဝါးများကို ထုတ်လုပ်ခဲ့ပြီး ယခုအချိန်အထိ နာမည်ကောင်းဖြင့်ကျော်ကြားလျက်ရှိတယ်လို့လည်း ဗိုလ်ချုပ်မှူးကြီးက ပြောပါတယ်။

မြန်မာ့ဆေးဝါး လုပ်ငန်း BPI အနေဖြင့် ရှိပြီးဖြစ်သည့်အရည်အသွေးကောင်းများကို ဆက်လက် ထိန်းသိမ်းနိုင်ခြင်းမှာလည်း ယခင်တာဝန်ထမ်းဆောင်ခဲ့သည့် ဆေးဝါးပညာရှင်ကြီးများ၏ လက်ဆင့်ကမ်းမျှဝေမှု၊ မျိုးဆက်သစ်ဝန်ထမ်းများ၏ ကြိုးစားအားထုတ်မှုတို့ကြောင့်ဖြစ်တယ်လို့ ဗိုလ်ချူပ်မှူးကြီး မင်းအောင်လှိုင်က ချီးကျုးပြောဆိုတဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။ သမိုင်းကြောင်းကောင်းများရှိခဲ့သည့် ဆေးဝါး

စက်ရုံတစ်ခု အနေဖြင့် မှတ်တမ်းပြတိုက်ကို ဆောင်ရွက်၍ သမိုင်းကိုထိန်းသိမ်းနိုင်ခဲ့ခြင်းကြောင့် ဂုဏ်ယူတယ်လို့လည်း ဗိုလ်ချုပ်မှူးကြီးက ဆက်လက်ပြောဆိုခဲ့ပါတယ်။

နစက ဥက္ကဋ္ဌသည် BPI Pharmaceutical Museum အထိမ်းအမှတ်ကျောက်စာတိုင် နှင့်မြွေဆိပ်ဖြေဆေး အအေးခဲခြောက်ထုတ်လုပ်ရေးစက် Freeze Dryer Machineအသစ်တို့ကို အသီးသီး ဖွင့်လှစ်ပေးပြီးနောက် ပြည်ထောင်စုဝန်ကြီးများနှင့် ရန်ကုန်တိုင်းဒေသကြီးဝန်ကြီးချုပ်တို့ကလည်း “BPI ဆေးဝါးထုတ်လုပ်မှုသမိုင်းပြခန်း” BPI Pharmaceutical Museum ကိုဖွင့်လှစ်ပေးခဲ့ကြပါတယ်။

အဲဒီအပြင်စက်မှုဝန်ကြီး ဌာနပြည်ထောင်စုဝန်ကြီး ဒေါက်တာ ချာလီသန်းကလည်း စက်ရုံနှင့်ပတ်သက်သည့် အချက်အလက်များကို ရှင်းလင်းတင်ပြခဲ့ပါတယ်။

မြန်မာနိုင်ငံရဲ့မျှော်မှန်းသက်တမ်းမှာ အခြားနိုင်ငံများထက်နည်းပါးလျက်ရှိတဲ့အတွက် ပြည်သူများ၏ကျန်းမာရေးနှင့်

ပတ်သက်၍ ပညာပေးခြင်း၊ ကာကွယ်ခြင်းနှင့် ကုသခြင်းများကိုဆောင်ရွက်ပေးနိုင်ရန်အစွမ်းထက်သည့် ဆေးဝါးများကို အသုံးပြုနိုင်ရေး ဆောင်ရွက်ပေးရမည်ဖြစ်ကြောင်း၊ အစွမ်းထက် သည့်ဆေးဝါးများထုတ်လုပ် နိုင်ရေး ဆေးဝါးသုတေ သနလုပ်ငန်းများကို ပိုမိုဆောင်ရွက်ရန်လိုတယ်လို့လည်း နစက ဥက္ကဋ္ဌကပြောကြားခဲ့ပါတဘ်။

မြန်မာ့ဆေးဝါးလုပ်ငန်း BPI ကို ၁၉၅၄ ခုနှစ်၊ ဧပြီ ၂၃ ရက်တွင် နိုင်ငံတော်ဝန်ကြီးချုပ် ဦးနုက အထိမ်းအမှတ်ကျောက်တိုင်   ကို စိုက်ထူခဲ့ပြီး ၁၉၅၈ ခုနှစ်၊ ဧပြီ ၂၃ရက်တွင် နိုင်ငံတော်သမ္မတ ဦးဝင်းမောင်က ဗမာနိုင်ငံဆေးဝါး စက်ရုံ(Burma Pharmaceutical Industry, BPI) အမည်ဖြင့် ဖွင့်လှစ်ခဲ့ပြီး ဆေးဝါး(၄၁)မျိုးနှင့်ကပ်ရောက်ဂါကာကွယ်ဆေး(၆)မျိုးတို့ဖြင့် စတင်ထုတ်လုပ်ခဲ့ကြောင်းသိရှိရပါတယ်။

-ymg/knl

၁၃ ဩဂုတ် ၂၀၂၃

နိုင်ငံတော်သံစုံတီးဝိုင်း ဖျော်ဖြေတင်ဆက်မှုကို နစက ဥက္ကဋ္ဌဗိုလ်ချုပ်မှူးကြီးမင်းအောင်လှိုင် တက်ရောက်ကြည့်ရှု အားပေးခဲ့တယ်လို့ သိရပါတယ်။

ပြန်ကြားရေးဝန်ကြီးဌာန မြန်မာ့အသံနှင့်ရုပ်မြင်သံကြားရဲ့ နိုင်ငံတော်သံစုံတီးဝိုင်းကို ယနေ့ဩဂုတ် (၁၃)ရက်က ရန်ကင်းမြို့နယ် မြဝတီမီဒီယာစင်တာ၌  ဖျော်ဖြေတင်ဆက်ခဲ့တာဖြစ်ပါတယ်။

ဖျော်ဖြေတင်ဆက်ရာတွင်  နိုင်ငံတော်သံစုံတီးဝိုင်းနှင့် တူရိယာများဆိုင်ရာ Annimation Video Clip ကို ရှေးဦးစွာ တင်ဆက်ပြသပါတယ်။

အဲဒီနောက် ASEAN Anthem သံစဉ်နှင့် နိုင်ငံတော်သံစုံတီးဝိုင်း၏ ပဏာမတေးသွား(MNSO Overture) နှင့် တူရိယာအမျိုးအစားများအလိုက်တီးမှုတ်တင်ဆက်ခဲ့ကြပြီး ရုပ်ရှင်နှင့် ဂီတ အနုပညာရှင်များက မြန်မာသံစဉ်များ၊ ခေတ်ပေါ်သံစဉ်များနှင့် နိုင်ငံတကာ ကမ္ဘာကျော်တေးသီချင်းများဖြင့်ဖျော်ဖြေတင်ဆက်ခဲ့ကြရာ နစက ဥက္ကဋ္ဌ နှင့်ဇနီးတို့က နိုင်ငံတော်သံစုံတီးဝိုင်း ဖျော်ဖြေရေးအဖွဲ့နှင့် ပြင်ပအဆိုရှင်များအား ဂုဏ်ပြုပန်းခြင်းများနှင့် ဂုဏ်ပြုဆုငွေများကို ပေးအပ်ချီးမြှင့်ခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ဖျော်ဖြေတင်ဆက်မှုအပြီးတွင် ဗိုလ်ချုပ်မှူးကြီးနှင့်ဇနီး၊ အဖွဲ့ဝင်များသည်  နိုင်ငံတော်သံစုံ တီးဝိုင်းဖျော်ဖြေရေးအဖွဲ့သူ၊ အဖွဲ့သားများနှင့်တက်ရောက်လာကြသည့် နိုင်ငံကျော်အနုပညာရှင်များအား ရင်းရင်းနှီးနှီးနှုတ်ဆက်ခဲ့ကြတယ်လို့ သတင်းရရှိပါတယ်။

အဆိုပါ ဖျော်ဖြေပွဲသို့ နစက ဥက္ကဋ္ဌနှင့်ဇနီးနှင့်အတူ ပြည်ထောင်စုအဆင့်ပုဂ္ဂိုလ်များနှင့် အဆင့်မြင့် တပ်မတော်အရာရှိကြီးများ၊ ရုပ်ရှင်၊ သဘင်၊ ဂီတနှင့် အနုပညာရပ်ဝန်းအသီးသီးမှ နိုင်ငံကျော်အနုပညာရှင်များ တက်ရောက်အားပေး ကြည့်ရှုခဲ့ကြပါတယ်။

-ymg/knl

၁၃ ဩဂုတ် ၂၀၂၃

ကမ္ဘောဒီးယားနိုင်ငံ ကရက်တိုင်းပြည်နယ်မှာရှိတဲ့ ကျောင်းတစ်ကျောင်းရဲ့ မြေကြီးထဲမြှပ်ထားတဲ့ မပေါက်ကွဲသေးသော ဗုံးများရာနှင့်ချီပြီးတွေ့ရလို့ အဆိုပါကျောင်းကိုပိတ်လိုက်ရတယ်လို့ ခမာတိုင်းမ်သတင်းစာ သတင်းအရသိရပါတယ်။

အဆိုပါပြည်နယ် ကရက်တိုင်းမြို့မှာရှိတဲ့ ကွင်းကိုဆိုမက် အထက်တန်းကျောင်းဝင်းထဲမှာ စနေနေ့က ကြိုတင်စီစဉ်ထားတဲ့ ကျောင်းပြုပြင်မှုတွေပြုလုပ်စဉ်အတွင်း မြေကြီးထဲမှာမြှပ်ထားတဲ့ မပေါက်ကွဲသေးတဲ့ ဗုံးတွေကို ရာနှင့်ချီတွေ့ကြရတာြဖစ်တယ်လို့ ကျောင်းအုပ်ကြီး မစ္စတာ ဘန်းချီက ပြောပါတယ်။

တွေ့ရတဲ့အထဲမှာ အမျိုးအစားလေးမျိုးပါဝင်ပြီး M79s က ၂၅၀၊ DK75s က ၁၆ခု၊ M48 warheads က ၁၇ခု၊ B40s က ၁၇ခု စုစုပေါင်း ၂၈၄ခုဖြစ်ပြီး ထပ်ပြီးရှာတွေ့ဖို့လည်းရှိတယ်လို့ ပညာရေးဌာန၊ လူငယ်နှင့်အားကစား ညွှန်ကြားရေးမှူး မစ္စတာ လေဘိုရာကပြောတယ်လို့ သတင်းမှာဖော်ပြထားပါတယ်။

အဲဒါကြောင့်  အဆိုပါပေါက်ကွဲပစ္ညည်းတွေ အားလုံးဖယ်ရှားပြီးသည်အထိ ကျောင်းတွေပိတ်ဖို့ သူက အမိန့်ထုတ်ပြန်ခဲ့တာ ဖြစ်ပါတယ်။

မိုင်းလုပ်ငန်းအမှတ်(၅)တပ်က အဲဒီဗုံးတွေဟာ ပေါက်ကွဲနိုင်ပြီး အသက်အန္တရာယ်ရှိနေတယ်။ပြီးတော့ တွေ့ရတာကလည်း စစ်သလင်းလိုပဲလို့ ပြောပါတယ်။ အဲဒါတွေအားလုံးဘေးကင်းရာ ဖယ်ထုတ်ဖို့ အချိန်နှစ်ရက်ခန့်ကြာမယ်လို့သိရပါတယ်။

Source: Khmer Times