Published 23 Jan 2023

တစ်နိုင်ငံတည်း ဗိုလ်ကျစိုးမိုးနေသည့် ဧကဝင်ရိုးမှ ဗဟုဝင်ရိုးကို ပြောင်းလဲနိုင် ရေးအတွက် အခြားကမ္ဘာ့နိုင်ငံများနှင့် ပူးပေါင်း လုပ်ဆောင် သွားမည့်ကိစ္စများ အပေါ်၌ လည်း ကြိုဆိုအားပေးပါတယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ပြောကြားကြောင်း နစက ပြန်ကြားရေးရဲ့ သတင်းထုတ်ပြန်ချက်အရသိရပါတယ်။

ဇန်နဝါရီ ၂၂ရက်  ညနေပိုင်းက ရန်ကုန်မြို့ရှိအမျိုးသားအားကစားပြိုင်ပွဲရုံ(၁)သုဝဏ္ဏ၌ ကျင်းပ ပြုလုပ်ခဲ့တဲ့တရုတ်နှစ်သစ်ကူးပွဲတော်အထိမ်းအမှတ်ချစ်ကြည်ရေးဘက်စကက်ဘောပြိုင်ပွဲ ပိတ်ပွဲနှင့် တရုတ်နှစ်သစ်ကူးပွဲတော်အခမ်းအနားမှာ ဗိုလ်ချူပ်မှူးကြီးက အထက်ပါအတိုင်းပြောကြားခဲ့တာဖြစ်ပါတယ်။

အဲသလို ဗဟုဝင်ရိုးကိုပြောင်းလဲအောင်ဆောင်ရွက်ခြင်းဟာ မြန်မာနိုင်ငံလို ဖွံ့ဖြိုးဆဲနိုင်ငံတွေအတွက် အလွန်အကျိူး ဖြစ်ထွန်းမယ့်ကိစ္စဖြစ်တယ်လို့ နစက ဥက္ကဋ္ဌက ဆက်လက်ပြောဆိုခဲ့ပြီး  ရှန်ဟိုင်းပူးပေါင်းဆောင်ရွက်ရေးအဖွဲ့ (Shanghai Cooperation Organization)၌ မြန်မာနိုင်ငံ ကို ဆွေးနွေးဖက်နိုင်ငံအဖြစ် (Dialogue Patner) သတ်မှတ်ပေးခဲ့တဲ့အတွက်  တရုတ်နိုင်ငံကို အထူးပင်ကျေးဇူးတင်ရှိတယ်လို့လည်း သူကဆက်လက်ပြောဆိုပါတယ်။

တရုတ်နိုင်ငံအနေဖြင့် ၂၀၂၂ ခုနှစ်၊ ဩဂုတ်လ ၁၀ ရက်တွင် တရုတ်(တိုင်ပေ) နှင့်ပတ်သက်၍ တတိယအကြိမ် စက္ကူဖြူစာတမ်း ထုတ်ပြန်ခဲ့ပါကြောင်း၊ မြန်မာနိုင်ငံ အနေဖြင့် မည်သူတရားပျက်ပျက် ကိုယ်မပျက်စေနှင့် ဟူသည့်အတိုင်း အိမ်နီးချင်း ကောင်းပီသစွာ တရုတ်တစ်နိုင်ငံတည်း မူဝါဒ(One China Policy)ကို အစဉ်ထောက် ခံရပ်တည်လျက်ရှိတယ်လို့လည်း နစက ဥက္ကဋ္ဌကပြောပါတယ်။

အဲဒီအပြင် ဗိုလ်ချူပ်မှူးကြီးက “မြန်မာနိုင်ငံသည် တရုတ်ပြည်သူ့သမ္မတနိုင်ငံနှင့် တရုတ်လူမျိုးများ၊ တရုတ်နွယ် ဖွား မြန်မာနိုင်ငံသားများအတွက် မျက်နှာနှစ်ဖက် ဆက်ဆံရေးမျိုး မရှိသည့် ယုံကြည် စိတ်ချရသည့် အိမ်နီးချင်းနိုင်ငံတစ်ခု ဖြစ်ကြောင်းနှင့်၊တရုတ်နိုင်ငံသည်လည်း မြန်မာ နိုင်ငံအတွက် အရေးကြီးသည့် အိမ်နီးချင်းနိုင်ငံတစ်ခုဖြစ်သကဲ့သို့ ဘက်စုံမဟာဗျူဟာ မြောက် ပူးပေါင်းဆောင်ရွက်ရေး မိတ်ဖက်နိုင်ငံတစ်ခုလည်း ဖြစ်တယ်” လို့လည်း ထပ်လောင်း ပြောကြားတယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီနောက်ဗိုလ်ချူပ်မှူးကြီးက တရုတ်နှစ်သစ်ကူး ယုန်နှစ်အတွက် ဆုတောင်းစကားပြောကြားပေးခဲ့တယ်လို့လည်း သိရပါတယ်။

မြန်မာနိုင်ငံဆိုင်ရာတရုတ်ပြည်သူ့သမ္မတမြန်မာနိုင်ငံသံအမတ်ကြီး Mr. Chen Hai ကလည်း တရုတ်နှစ်သစ်ကူးပွဲတော်သို့ ယခုကဲ့သို့ နိုင်ငံ့အကြီးအကဲကိုယ်တိုင် တက်ရောက်သည်မှာ ပထမဦးဆုံးအကြိမ်ဖြစ်ပြီး တက် ရောက်ချီးမြှင့်ပေးခဲ့သည့်အတွက်  ကျေးဇူးအထူးတင်ရှိပါကြောင်း၊ နှစ်သစ်တွင် တရုတ်နိုင်ငံအနေဖြင့် မြန်မာနိုင်ငံနှင့်အတူ ဆွေမျိုးပေါက်ဖော်သံယောဇဉ်ကို ဆက်လက်လက်ဆင့်ကမ်းပြီး တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှုကို စဉ်ဆက်မပြတ်ဖေါ်ဆောင်ကာ နှစ်နိုင်ငံချစ်ကြည်ရင်းနှီးမှု ရလဒ် များဖြင့် နှစ်နိုင်ငံပြည်သူများအတွက် အကျိုးကိုပိုမိုဖော်ဆောင်သွားမည်ဖြစ်ကြောင်း၊နှစ်နိုင်ငံဆက်ဆံရေးနှင့် ချစ်ကြည်ရင်းနှီးမှုများ ယခုထက်ပိုမိုတိုးတက်ခိုင်မြဲပြီး အဓွန့်ရှည်တည်တံ့ပါစေရန် ဆုမွန်ကောင်းတောင်းပါကြောင်းဖြင့် ပြောကြားခဲ့ပါတယ်။

အဲဒီနောက် နစက ဥက္ကဋ္ဌနှင့်ဇနီးအဖွဲ့ဝင်တွေဟာ အခမ်းအနားတက်ရောက်လာကြသူများတွေနှင့်အတူ တရုတ်ရိုးရာနှစ်သစ် ကူး အထိမ်းအမှတ်ဂုဏ်ပြုညစာကို အတူတကွသုံးဆောင်ခဲ့ကြတယ်လို့သိရှိရပါတယ် ။ ညစာစားပွဲအတွင်း ဘတ်စကက်ဘောပြိုင်ပွဲဆုပေးပွဲကိုပါ ထည့်သွင်းကျင်းပပေးခဲ့ပါတယ်။

ယခုနှစ် တရုတ်နှစ်သစ်ကူးပွဲတော်ကို ချစ်ကြည်ရေးဘတ်စကက်ဘောပြိုင်ပွဲပိတ်ပွဲနှင့်အတူ ရန်ကုန်မြို့တွင် ခမ်းနားစွာကျင်းပပေးခဲ့တာဖြစ်ပါတယ်။

-ymg/knl

#Myanmar

#China_Myanmar

#China_Lunar+_New Year_in_Myanmar

#Asia_News
Published 21 January 2023

တရုတ်သမ္မတ'ရှီကျင့်ဖင်'က တရုတ်နှစ်သစ်ကူးမတိုင်မီမှာ လက်နက်ကိုင်တပ်များကို ရုပ်သံမှကြည့်ရှုစစ်ဆေးစဉ် နိုင်ငံတော်လုံခြုံရေးနဲ့ တည်ငြိမ်ရေးတို့ကိုကာကွယ်ရန် တိုက်ပွဲဝင်အသင့်ပြင်ဆင်ထားဖို့ ဗုဒ္ဓဟူးနေ့က တိုက်တွန်းပြောကြား လိုက်ပါတယ်။

#Yangon_Media_Group

Published 20 Jan 2023

ထိုင်းနိုင်ငံနှင့် မြန်မာနိုင်ငံ၏ ရှိရင်းစွဲ ဆက်ဆံရေးနှင့် မိတ်ဖက် ဆက်ဆံရေးကို ပိုမိုကောင်းမွန်စေရေး ထာဝရရပ်တည်ဆောင်ရွက်သွားမည်ဖြစ်ပြီး ထိုင်းတပ်မတော်နှင့် မြန်မာ့တပ်မတော်ကို ထာဝရမိတ်ဆွေကောင်းအဖြစ် ဆက်လက် တည်ရှိစေရေး ကြိုးပမ်းဆောင်ရွက်သွားမယ်လို့ မြန်မာနိုင်ငံကို ရောက်ရှိနေတဲ့ ထိုင်းဘုရင့် တပ်မတော်ကာကွယ်ရေးဦးစီးချုပ် General Chalermphon Srisawasdi ကပြောကြားတယ်လို့ နစကပြန်ကြားရေးရဲ့ သတင်းထုတ်ပြန်ချက်အရသိရပါတယ်။

မြန်မာနိုင်ငံ၌ အိမ်ရှင်အဖြစ်လက်ခံကျင်းပပြုလုပ်သည့် (၈)ကြိမ်မြောက် မြန်မာ- ထိုင်း တပ်မတော်နှစ်ရပ်အကြား အဆင့်မြင့်အရာရှိကြီးများ အစည်းအဝေး 8th High Level Committee Meeting ကို ဇန်နဝါရီ ၂၀ ရက် ယနေ့နံနက်ပိုင်းက ရခိုင်ပြည်နယ်၊ သံတွဲမြို့ရှိ Jasmine Ngapali Resort ၌ ကျင်းပပြုလုပ်ရာမှာ ထိုင်းဘုရင့်တပ်မတော်ကာကွယ်ရေးဦးစီးချုပ်က ယင်းကဲ့သို့ ပြောကြားခဲ့တာဖြစ်ပါတယ်။

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း  “ယခုကျင်းပပြုလုပ်တဲ့  (၈)ကြိမ်မြောက် မြန်မာ-ထိုင်း တပ်မတော်နှစ်ရပ် အကြား အဆင့်မြင့် အရာရှိကြီးများအစည်းအဝေးမှတဆင့် တပ်မတော်နှစ်ရပ်အကြား ယုံကြည်မှု၊ အပြန်အလှန်နားလည်မှုနှင့် ချစ်ကြည်ရင်းနှီးမှုတို့ကို ပိုမိုတိုးတက် အားကောင်းလာစေရန် တည်ဆောက်နိုင်မည်ဟု ယုံကြည်ပါကြောင်းနှင့်  မိမိတို့အနေဖြင့် နှစ်နိုင်ငံနှင့် တပ်မတော်နှစ်ရပ်အကြား ဆက်ဆံရေးနှင့် ပူးပေါင်းဆောင်ရွက်ရေးတို့ကို အရှိန်အဟုန်မပျက်စေဘဲ ကောင်းမွန်သည်ထက် ကောင်းမွန်အောင် ကြိုးပမ်း ဆောင်ရွက်သွားမည်ဖြစ်ကြောင်းကို အခိုင်အမာပြောကြားလိုကြောင်း”ဆွေးနွေး ပြောကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ထိုင်းဘုရင့် တပ်မတော်ကာကွယ်ရေးဦးစီးချုပ်က “မြန်မာ-ထိုင်း တပ်မတော်နှစ်ရပ်အကြား အဆင့်မြင့် အရာရှိကြီးများ အစည်းအဝေးများ ကျင်းပနိုင်ခြင်းဖြင့် တပ်မတော်နှစ်ရပ်အကြား ပူးပေါင်းဆောင်ရွက် နိုင်မည့် လမ်းကြောင်းနှင့် နည်းလမ်းများကို ချမှတ်နိုင်မည့်အပြင် နယ်စပ်ဒေသရှိ တပ် ဖွဲ့များအနေဖြင့်လည်း ချမှတ်ထားသည့် လမ်းကြောင်းများအတိုင်း ပူးပေါင်းဆောင် ရွက်မှုများ ဆက်လက်ဆောင်ရွက်နိုင်မည်ဖြစ်ပြီး နယ်စပ်ဒေသတစ်လျှောက်ရှိ နှစ်နိုင်ငံ ပြည်သူများအတွက် အသက်အိုးအိမ်စည်းစိမ်၊ လုံခြုံမှုနှင့် ဖွံ့ဖြိုး တိုးတက် ရေး လုပ်ငန်းများကို တည်ဆောက်သွားနိုင်မယ်လို့ယုံကြည်တယ်လို့ ထပ်မံပြောကြားခဲ့တယ်လို့သိရှိရပါတယ်။

အစည်းအဝေးမစတင်မီ  ဗိုလ်ချုပ်မှူးကြီး မင်းအောင်လှိုင်နှင့် ထိုင်းဘုရင့် တပ်မတော်ကာကွယ်ရေးဦးစီးချုပ် တို့သည် သီးခြားတွေ့ဆုံပြီး တပ်မတော်နှစ်ရပ်အကြား ရှေ့ဆက်ဆောင်ရွက်မည့်ကိစ္စရပ်များ ကိုဆွေးနွေးခဲ့ကြတယ်လို့လည်း သတင်းထုတ်ပြန်ပါတယ်။

ယခုပြုလုပ်တဲ့ မြန်မာ-ထိုင်း တပ်မတော်နှစ်ရပ်အကြား အဆင့်မြင့်အရာရှိကြီးများ အစည်းအဝေးမှ နှစ်နိုင်ငံတပ်မတော်နှစ်ရပ်အကြား ချစ်ကြည်ရင်းနှီးမှုဆိုင်ရာ ကိစ္စရပ်များ၊ နှစ်နိုင်ငံ နယ်စပ်ဒေသမှ ပြည်သူလူထုများ အေးချမ်းတည်ငြိမ်ရေး၊ သဘာဝဘေးအန္တရာယ် ကြိုတင်ကာကွယ်တားဆီးရေးဆိုင်ရာကိစ္စရပ်များ၊ မူးယစ် ဆေးဝါး တိုက်ဖျက်ရေးနှင့် ကာကွယ်တားဆီးရေးဆိုင်ရာကိစ္စရပ်များကို အပြုသဘော ဆောင်စွာ ဆွေးနွေးဆောင်ရွက်နိုင်ခဲ့တယ်လို့ နစကပြန်ကြားရေးရဲ့သတင်းထုတ်ပြန်ချက်မှာ ဖော်ပြထားပါတယ်။

ယခုအစည်းအဝေးကို ဗိုလ်ချုပ်မှူးကြီး မင်းအောင်လှိုင်၊ ထိုင်းဘုရင့် တပ်မတော်ကာကွယ်ရေးဦးစီးချုပ် တို့နင့်အတူ ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး၊ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး မိုးအောင်၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး ထွန်းအောင်၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ ထိုင်းဘုရင့် တပ်မတော်မှ အရာရှိကြီးများ၊ နှစ်နိုင်ငံစစ်သံမှူးများနှင့် တာဝန်ရှိသူများ တက်ရောက်ခဲ့ကြတာဖြစ်ပါတယ်။

ထိုင်းဘုရင့်တပ်မတော်ကာကွယ်ရေးဦီးစီးချုပ်နှင့်အဖွဲ့ကို ဗိုလ်ချူပ်မှူးကြီးမင်းအောင်လှိုင်နှင့်ဇနီးတို့က ဇန်နဝါရီ ၂၀ ရက် ယနေ့ညမှာ သံတွဲမြို့၊ ငပလီကမ်းခြေ ရှိ Jasmine Ngapali Resort ၌ ဂုဏ်ပြုညစာဖြင့် တည်ခင်းဧည့်ခံခဲ့ပါတယ်။

-ymg/knl

#Myanmar_Politics

#Myanmar_Thailand_Military_Ties

Published 20 Jan 2023

အမေရိကန်ရဲ့ ကြွေးမြီပမာဏဟာ ကွန်ဂရက်သတ်မှတ်ပေးထားတဲ့အမြင့်ဆုံးပမာဏ ၃၁.၄ ထရီလီယံ ကိုရောက်ရှိလာပြီ လို့  အမေရိကန်ဘဏ္ဍာရေးဝန်ကြီး ဂျက်နက် ယီလင်က ပြောပါတယ်။ အဲဒါကြောင့် အစိုးရအနေနှင့် ပေးချေစရာရှိတာတွေ ဆက်ပြီးငွေပေးချေနိုင်အောင် အထူးဆောင်ရွက်ချက်တွေကို စတင်ကျင့်သုံးနေပြီလို့ သူမက ပြောပါတယ်။

ယီလင်ဟာ ကြွေးမြီ အမြင့်ဆုံးသတ်မှတ်ချက်ကို ရောက်တော့မယ်လို့ ယခင်ကသတိပေးခဲ့ပြီးဖြစ်ပါတယ်။ ဒါပေမယ့် နိုင်ငံရဲ့ကြွေးမြီတွေအပေါ် ပျက်ကွက်မှုကိုရှောင်ရှားနိုင်ဖို့ အရေးပေါ်အစီအစဉ်တစ်ခုပြင်ဆင်နေတယ်လို့ ဘဏ္ဍာရေး ဝန်ကြီးဌာနက ပြောပါတယ်။

အထူးဆောင်ရွက်ချက်တွေကို လုပ်ဆောင်နေပြီး အဲဒီအထဲမှာ အစိုးရအငြိမ်းစားရန်ပုံတွေထဲ ရင်းနှီးမြှပ်နှံမှု ရပ်ဆိုင်းဖို့ ပါဝင်ပါတယ်။

အမေရိကန်ရဲ့စီးပွားရေးဟာ လိုငွေတွေပြပြီး မောင်းနှင်နေတာဖြစ်တဲ့အတွက် ငွေပေးချေစရာရှိတာတွေ ပေးချေဖို့အတွက် ပိုက်ဆံချေးငှား ဖို့ လိုအပ်ပါတယ်။ ယခုအချိန်အထိ အစိုးရအနေနှင့် ဒေါ်လာ ၃၁.၄ ထရီလီယံအထိသာ ငွေချေးလို့ရအောင် ကန့်သတ်ထားပါတယ်။

ကြွေးမြီကန့်သတ်ချက်ကို မြှင့်တင်ပေးဖို့ဆိုတာ ကွန်ဂရက်အတွက် ပုံမှန်ဆောင်ရွက်ရတာမျိုးဖြစ်ပေမယ့် အခုဆို ပိုပိုပြီး တော့ဝရုန်းသုန်းကားနိုင်လာနေပါတယ်။  အချို့သော အောက်လွှတ်တော်ရီပတ်ဗလီကန်အမတ်တွေက အဲဒီကန့်သတ် ချက်မြှင့်တင်မှာကို ပိတ်ပင်တားဆီးဖို့ ဆုံးဖြတ်ထားကြတဲ့အတွက် ဒီနှစ်မှာတော့ အဆိုပါကိစ္စကြောင့် နိုင်ငံရေးတိုက်ခိုက်မှုတွေရုတ်တရက်  ကြီးမားလာမယ့် အလားအလာတွေရှိနေပါတယ်။

အမေရိကန်ရဲ့ ကြွေးမြီပျက်ကွက်ခြင်းဟာ စီးပွားရေးနှင့်ဈေးကွက်အပေါ် ကြီးမားတဲ့ အကျိုးဆက်တွေ ရိုက်ခတ်နိုင်တဲ့ အတွက် အတော့်ကိုစိတ်ပူစရာဖြစ်နေပါတယ်။အီဲဒအပြင် နိုင်ငံရဲ့ အကြွေးပြန်ဆပ်နိုင်ဖို့ စိတ်ချလက်ချယုံကြည်ရမှု အပေါ်လည်း သံသယတွေပွားများစေလာနိုင်ပါတယ်။

အမေရိကန်ရဲ့ ကြွေးမြီဟာ ကန့်သတ်ချက်ကို ဇွန်လမှာ အစောဆုံးရောက်ရှိနိုင်တယ်လို့ သုံးသပ်သူတွေက ခန့်မှန်းခဲ့ကြပါတယ်။ ဒါပေမယ့် အခုတော့ ဘာဖြစ်မယ်ဆိုတာကို အသေအချာမပြောနိုင်တော့ဘူးလို့ ယီလင်က ကြာသပတေးနေ့ကပြောပါတယ်။

၂၀၁၁ခုနှစ်တုန်းက အဲသလိုအဖြစ်မျိုးကြုံခဲ့ပြီး အောက်လွှတ်တော်ရီပတ်ဘလီကင်တွေနှင့် အဲဒီတုန်းက သမ္မတ အိုဘားမားတို့ နိုင်ငံရေးအန္တရာယ်ခံတွင်းဝတိုးဝင်မှုတွေကြောင့် ရှယ်ယာရောင်းချဈေးကွက်အပေါ် ထိခိုက်မှု ရှိခဲ့ပြီး ပထမဆုံးအကြိမ် အမေရိကန်ပြည်ထောင်စုရဲ့ ချေးငွေအဆင့် ကျဆင်းခဲ့ပါတယ်။

ရီပတ်ဗလီကင်တွေဟာ ယခု အောက်လွှတ်တော်မှာ အမတ်အနည်းငယ်အသာနှင့် ကြီးစိုးထားပါတယ်။ ဒါပေမယ့် အောက်လွှတ်တော်ဥက္ကဋ္ဌ ကေဗင် မက်ကသီကို ရွေးချယ်ရာမှာ ၁၅ကြိမ် အထိ ပြန်ပြီးမဲပေးခဲ့ရတဲ့အတွက် ရီပတ်ဗလီကင်ထဲမှာလည်း အကွဲအပြဲက နက်ရှိုင်းနေပါတယ်။

သမ္မတဘိုင်ဒင်ကတော့ စေ့စပ်အပေးအယူလုပ်ဖို့ စိတ်မဝင်စားဘူးလို့ အိမ်ဖြူတော်က ပြောထားပါတယ်။ အဲဒီအပြင် ကြွေးမြီကန့်သတ်ချက်အပေါ် နိုင်ငံရေးကစားတာကိုလည်း သူက ပြစ်တင်ရှုတ်ချခဲ့ပါတယ်။

Source NPR

#Treasury_Secretary_Janet Yellen

#U.S_reach_debt_limit

#US_Economy

Published 19 Jan 2023

မြန်မာနိုင်ငံက အိမ်ရှင်အဖြစ် လက်ခံကျင်းပပြုလုပ်တဲ့  မြန်မာ-ထိုင်း တပ်မတော်နှစ်ရပ်အကြား အဆင့်မြင့်အရာရှိကြီးများအစည်းအဝေး 8th High Level Committee Meeting သို့ တက်ရောက်ရန် ရောက်ရှိနေတဲ့  ထိုင်းဘုရင့်တပ်မတော်ကာကွယ်ရေးဦးစီးချုပ် General Chalermphon Srisawasdi နှင့် ဇနီး ဦးဆောင်သည့် ကိုယ်စားလှယ်အဖွဲ့ကို နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီး မင်းအောင်လှိုင်နှင့်ဇနီး ဒေါ်ကြူကြူလှတို့က ဇန်နဝါရီ ၁၉ရက်  ယနေ့ညပိုင်းတွင် ရခိုင်ပြည်နယ်၊ သံတွဲမြို့၊ Jasmine ဟိုတယ်၌ ညစာစားပွဲဖြင့် ကြိုဆို ဧည့်ခံခဲ့တယ်လို့ နစက ပြန်ကြားရေး က သတင်းထုတ်ပြန်ပါတယ်။

အဲဒီ ညစာစားပွဲအခမ်းအနားသို့ နစက ဥက္ကဋ္ဌ တပ်မတော်ကာကွယ်ရေးဦးစီးချုပ်နှင့်ဇနီး၊ ထိုင်းဘုရင့်တပ်မတော်ကာကွယ်ရေးဦးစီး ချုပ်နှင့် ဇနီး တို့နှင့်အတူ ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး နှင့် ဇနီး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်နှင့် ဇနီး၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး ထွန်းအောင်နှင့် ဇနီး၊ ကာကွယ်ရေးဦးစီးချုပ်ရုံး မှ တပ်မတော်အရာရှိကြီးများနှင့် ဇနီးများ၊ ထိုင်းဘုရင့်တပ်မတော်မှ အရာရှိကြီးများနှင့် ဇနီးများ၊ နှစ်နိုင်ငံ စစ်သံမှူးများ နှင့် ဇနီးများ၊ တာဝန်ရှိသူများ တက်ရောက်ကြတယ်လို့သိရှိရပါတယ်။

ညစာစားပွဲတက်ရောက်လာတဲ့ ထိုင်းဘုရင့်တပ်မတော် ကာကွယ်ရေးဦီးစီးချုပ်နှင့်ဇနီးတို့ကို ဗိုလ်ချူပ်မှူးကြီးမင်းအောင်လှိုင်နှင့်ဇနီးတို့က ရင်းနှီးနွေးထွေးစွာ ကြိုဆိုနှုတ်ဆက်ခဲ့ကြပါတယ်။ အဲဒီနောက် နှုတ်ခွန်းဆက်စကားများ အပြန်အလှန်ပြောကြားကြပြီး တက် ရောက်လာကြသူများနှင့်အတူ ညစာကို အတူတကွ သုံးဆောင်ခဲ့ကြပါတယ်။

ထိုင်းဘုရင့်တပ်မတော်ကာကွယ်ရေး ဦးစီးချုပ် ဦးဆောင်တဲ့ ထိုင်းဘုရင့်တပ်မတော် အဆင့်မြင့် ကိုယ်စားလှယ်အဖွဲ့ဟာ  ယနေ့နံနက်ပိုင်းတွင် ထိုင်းဘုရင့်တပ်မတော် အထူး လေယာဉ် ဖြင့် ရခိုင်ပြည်နယ်၊ သံတွဲလေဆိပ်သို့ ရောက်ရှိခဲ့ကြတာဖြစ်ပါတယ်။

ထိုင်းဘုရင့်တပ်မတော်ကာကွယ်ရေးဦးစီးချုပ် ဦးဆောင်တဲ့  အဆင့်မြင့် ကိုယ်စား လှယ်အဖွဲ့သည် မြန်မာနိုင်ငံသို့ ရောက်ရှိနေစဉ်အတွင်း 8th High Level Committee Meeting သို့ တက်ရောက်ခြင်း၊ တပ်မတော်နှစ်ရပ်အကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက်မှုများ ပိုမိုတိုးမြှင့်နိုင်ရေးအတွက် ဆွေးနွေးဆောင်ရွက်ခြင်း၊ တန်ခိုးကြီးဘုရား များအား ဖူးမြော်ခြင်းနှင့် အထင်ကရနေရာများသို့ သွားရောက်လေ့လာခြင်းများကို ဆောင်ရွက်သွားမှာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

-ymg/knl

#Myanmar_Thailand_Military_Co-operation

Published 18 Jan 2023

ယူကရိန်းနိုင်ငံ ကိဗ်မြို့တော်အပြင်ဖက် မူကြိုကျောင်းတစ်ကျောင်းအနီး ရဟတ်ယာဉ်တစ်စီးပျက်ကျတဲ့အတွက် ယူကရိန်းပြည်ထဲရေးဝန်ကြီး၊သူ့လက်ထောက်နှင့် အခြား အရာရှိကြီးတွေအပါအဝင် (၁၈)ဦးသေဆုံးသွားပါတယ်။

လူ(၂၀)ဦးဒဏ်ရာရရှိသွားပြီး ဆေးရုံကိုပို့ဆောင်ပေးလိုက်ရပါတယ်။ အဲဒီ့အထဲမှာ ကလေးငယ်(၁၀)ဦးလည်းပါဝင်ပါတယ်။

သေဆုံးသူတွေအထဲ ပြည်ထဲရေးဝန်ကြီး ဒီနီးစ်မွန်နာစတိုင်စကီးနှင့် ဒုတိယဝန်ကြီး ယက်ဂျင်နစ်ယေနင်၊ ယူကရိန်း နှင့်ပြည်ထဲရေးဝန်ကြီးဌနာ ထိပ်တန်းအရာရှိတော်တော်များများ ပါဝင်သွားတယ်လို့ ရဲချုပ် အစ်ဂေါကလိုင်မင်ကိုရဲ့ သတင်းထုတ်ပြန်ချက်မှာဖော်ပြထားပါတယ်။

အရေးပေါ်ဌာနရဲ့ ရဟတ်ယာဉ်တစ်စီး ဘရိုဗာရီမှာပျက်ကျခဲ့ပါတယ်။ ပျက်ကျမှုကြောင့် ပြည်ထဲရေးဝန်ကြီးသေဆုံးသွားရပါတယ်လို့  ကလိုင်မင်ကိုကပြောပါတယ်။ ပြည်ထဲရေးဝန်ကြီး မွန်နာစတိုင်စကီး ၂၀၂၁ခုနှစ်မှာ ဝန်ကြီးအဖြစ်ခန့်အပ်ခံရတဲ့ ကလေး(၂)ဦးရဲဖခင်ဖြစ်ပြီး သေဆုံးချိန်မှာ  အသက် ၄၂နှစ်အရွယ်ရှိပါပြီ။ သေဆုံးသူတွေထဲမှာ ကိဗ်ဒေသအုပ်ချုပ်ရေးမှူး အိလက်စီကူလေဘာနှင့် ကလေးသုံးဦးလည်းပါဝင်တယ်လို့ နောက်ထပ်တိုးသတင်းတွေအရသိရါတယ်။

ရဟတ်ယာဉ်ပျက်ကျချိန်မှာ  မူကြိုကျောင်းမှာ ကလေးငယ်တွေနှင့် ဝန်ထမ်းတွေရှိနေကြပါတယ်။

Source Agencies

#Helicopter_Crash_Ukraine

#Ukraine_ interior_minister_died-in_helicopter_crash

#Denys_Monastyrsky