#Local_News
Published_6 January 2023

၂၀၂၂-၂၀၂၃ ဘဏ္ဍာနှစ်ရဲ့ နှစ်ဝက်ကျော်ကာလအတွင်းမှာ ပြည်ပကို ပို့ကုန်တင်ပို့မှုကနေ အမေရိကန်ဒေါ်လာ ၁၂ ဒသမ ၁၂ ဘီလီယံကျော် ရရှိထားပြီးတော့ တစ်ဘီလီယံကျော် ပိုမိုရရှိထားတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနကနေ ဖော်ပြထားတဲ့ စာရင်းတွေအရ သိရပါတယ်။

#Yangon_Media_Group

#DailyNews
Published_ 6 January 2023

၁။ ပြည်ပသို့ ပို့ကုန်တင်ပို့မှုမှ အမေရိကန်ဒေါ်လာ ၁ ဘီလီယံကျော်ပိုမိုရရှိထား

၂။ ကြက်သွန်နီဈေးနှုန်း အနည်းငယ်ပြန်တက်လာ

၃။ ရွှေစက်တော် ဘုရားပွဲတော်ကာလအတွင်း မင်းဘူး-ရွှေစက်တော် ခရီးသည်တင်မော်တော်ယာဉ်လိုင်း ပြေးဆွဲမည်

၄။ ပန်ဒါကြီးများအတွက် ပထမဆုံး DNA စစ်ဆေးကိရိယာအား တရုတ်တီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 6 January 2023

တရုတ်နိုင်ငံမှာ ကိုဗစ်နဲ့ပတ်သက်လို့ဖြေလျော့မှုတွေ ပေးလိုက်ပြီဖြစ်တဲ့အတွက် တရုတ်ခရီးသွားတွေဟာ မြန်မာနိုင်ငံအပါအဝင်ပြည်ပနိုင်ငံတွေကို ခရီးသွားတွေအနေနဲ့ လာရောက်တော့မှာဖြစ်တယ်လို့ သိရပါတယ်၊၊

#Yangon_Media_Group

#Local_News
Published_ 6 January 2023

အကောက်ခွန်ဦးစီးဌာနကအရေးယူဖမ်းဆီးရမိထားသော ပစ္စည်းများကို ဈေးပြိုင်စနစ်ဖြင့် လေလံခေါ်ယူနေကြောင်း ကုန်သွယ်မှုတိုက်ဖျက်ရေး ဦးဆောင်ကော်မတီက ထုတ်ပြန်သည်။

အဆိုပါ ပစ္စည်းများမှာ တရားမဝင် ကုန်သွယ်မှုတိုက်ဖျက်ရေးဦးဆောင်ကော်မတီ၏ ကြီးကြပ်ကွပ်မှုဖြင့် သစ်၊ ယာဉ်၊ ယာဉ်ပိုပစ္စည်း၊ ဟမ်းဆက်ဖုန်းများ၊ လျှပ်စစ်ပစ္စည်း၊ ဆေးဝါးနှင့် ဆေးပစ္စည်းများ၊ အရက်၊ လူသုံးကုန်ပစ္စည်းများ စသည်တို့ကို နယ်စပ်၊ ပင်လယ်ရေကြောင်းတို့က ဖမ်းဆီးရမိခဲ့ခြင်း ဖြစ်ကြောင်း သိရသည်။

ယင်းဖမ်းဆီးရမိသော ပစ္စည်းများထဲမှ အရက်၊ ပလပ်စတစ်ဖြတ်စ၊ Mattress Accessories၊ Leather Pieces၊ Us TV ၊ Recondition Copien Phone Battery၊ Oxygen Cocrcentraton Lubrizol ၊ ဂီတာကြိုး၊ အင်ဂျင်ဝိုင်၊ Mobile Phone မျိုးစုံနှင့် အထွေထွေကုန်ပစ္စည်းများကို ဈေးပြိုင်လေလံစနစ်ဖြင့် လေလံပစ်ရောင်းချသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ယင်းကြောင့် စိတ်ပါဝင်စားသူများအနေဖြင့် လျှောက်လွှာဖောင်ပုံစံများ လေလံပစ္စည်းစာရင်းနှင့် ပူးတွဲ၍ မြန်မာငွေကျပ် ၅၀၀၀ ပေးသွင်းဝယ်ယူလျှောက်ထားနိုင်မည်ဖြစ်ကြောင်း၊ တင်ဒါလျှောက်လွှာများကို ရန်ကုန်တိုင်းဒေသကြီး၊ အလုံမြို့နယ်၊ စောရန်ပိုင်အနောက်ရပ်ကွက်၊ ကွန်ကရစ်ကမ်းနားလမ်းရှိ အကောက်အခွန်ဦးစီးဌာန၏ ထောက်ပံ့ရေးနှင့် ပို့ဆောင်ရေးဌာနခွဲအကောက် ခွန်(ကုန်လှောင်ရုံ)တွင် ဇန်နဝါရီ ၇ ရက် နံနက် ၁၀ နာရီမှ ရုံးချိန်အတွင်းဝယ်ယူနိုင်ပြီဖြစ်ကြောင်း သိရသည်။

လေလံပုံစံဝယ်ယူပြီးသူများအား ဖေဖော်ဝါရီလ ၁ ရက်မှ ၃ ရက်ထိနံနက် ၁၀ နာရီမှ ညနေ ၄ နာရီအချိန် ပစ္စည်းများကိုပြသပေးသွားမည် ဖြစ်ကြောင်းလည်း သိရသည်။

#ymg/mt
#Yangon_Media_Group

#Local_News
Published_ 6 January 2023

နိုင်ငံခြားငွေလွှဲအများဆုံးဝင်ရောက်ခဲ့သည့် ပုဂ္ဂလိကပိုင်ဘဏ်(၃)ဘဏ်ကို နိုင်ငံခြားငွေရှာဖွေပေးနိုင်ဆုံးဘဏ်များအဖြစ် မြန်မာနိုင်ငံတော်ဗဟိုဘဏ်မှချီးကျူးဂုဏ်ပြုခဲ့ကြောင်း သိရသည်၊၊

ပြည်ပရောက် မြန်မာနိုင်ငံသားများ၏ လုပ်ခ၊လစာ ခေါင်းစဉ်ဖြင့် ၂၀၂၂ ခုနှစ်အောက်တိုဘာ(၃၁)ရက်မှ ဒီဇင်ဘာလ(၃၀)ရက်အထိ နိုင်ငံခြားသုံးငွေများ ရောင်းဝယ်ဖောက်ကားသည့်လုပ်ငန်း (AD)လိုင်စင်ရဘဏ်များသို့ ငွေလွှဲခဲ့သည့်ပမာဏများအနက် အများဆုံးငွေလွှဲဝင်ရောက်သည့် (၁) CB Bank PCL၊ဒုတိယအများဆုံးဖြစ်သည့်(၂)ကမ္ဘောဇဘဏ်လီမိတက်နှင့် တတိယအများဆုံးဖြစ်သည့် (၃)ဧရာဝတီဘဏ်တို့ကို နိုင်ငံတော်အတွက် နိုင်ငံခြားငွေရှာဖွေပေးနိုင်ဆုံးဘဏ်များအဖြစ်ချီးကျူးမှတ်တမ်းတင်သည့်အခမ်းအနားကို မြန်မာနိုင်ငံတော်ဗဟိုဘဏ်မှ ကျင်းပခဲ့သည်၊၊

အဆိုပါအခမ်းအနားကို ဇန်နဝါရီ(၅)ရက်ကကျင်းပခဲ့ခြင်းဖြစ်ပြီး မြန်မာနိုင်ငံတော်ဗဟိုဘဏ်ဥက္ကဌနှင့် တာဝန်ရှိသူများတက်ရောက်ခဲ့ပြီး ဂုဏ်ပြုမှတ်တမ်းလွှာနှင့်ဂုဏ်ပြုပန်းခြင်းများပေးအပ်ခဲ့ကြောင်း ထုတ်ပြန်ချက်တွင်ဖော်ပြပါရှိသည်၊၊

#ymg/tthl
#Yangon_Media_Group

#Local_News
Published_6 January 2023

ရန်ကုန်စတော့အိတ်ချိန်း (YSX) စာရင်းဝင်ကုမ္ပဏီများထဲမှ မြန်မာသီလဝါ SEZ ဟိုးဒင်းပတ်ဘလစ် အများနှင့်သက်ဆိုင်သော ကုမ္ပဏီလီမိတက်သည် ၂၀၂၂ ခုနှစ် တစ်နှစ်တာအတွင်း စတော့ရှယ်ယာအရောင်းအဝယ် အများဆုံးဖြစ်ပေါ်ခဲ့ကြောင်း YSX ၏ ထုတ်ပြန်ချက်အရ သိရသည်။

အဆိုပါ ကုမ္ပဏီအနေဖြင့် တစ်နှစ်တာအတွင်း ကျပ် (၃၇၅၅ ဒသမ ၉၂) သန်း ပမာဏရှိသည့် ရှယ်ယာအစောင်ရေ (၁၂) သိန်းခန့် အရောင်းအဝယ်ဖြစ်ခဲ့ကြောင်းသိရသည်။

ယင်းအပြင် Continuous Trading အနေဖြင့် ကျပ်သန်း (၂၃၇၈ ဒသမ ၈၀) ပမာဏရှိသည့် ရှယ်ယာစောင်ရေ (၇၇၃,၄၆၂) အရောင်းအဝယ်ဖြစ်မှုနှင့် Block Trading အနေဖြင့် ကျပ်သန်း (၁၃၇၇ ဒသမ ၁၂) ပမာဏရှိသည့် ရှယ်ယာစောင်ရေ (၄၃၅,၀၀၀) အရောင်းအဝယ်ဖြစ်မှုတို့ ပါဝင်နေကြောင်း သိရသည်။

FMI ကုမ္ပဏီမှ ကျပ်သန်း (၁၇၀၂ ဒသမ ၆၂) ပမာဏရှိသည့် ရှယ်ယာစောင်ရေ (၁၉၆,၉၈၁) အရောင်းအဝယ်ဖြစ်ခဲ့ပြီး ၂၀၂၂ ခုနှစ်အတွင်း ဒုတိယအများဆုံး စတော့ရှယ်ယာအရောင်းအဝယ်ဖြစ်ခဲ့ကြောင်း ၊ ယင်းအပြင် ကျန်ရှိသည့် YSX စာရင်းဝင်ကုမ္ပဏီများထဲမှ ပထမပုဂ္ဂလိကဘဏ် (FPB) မှ ကျပ်သန်း (၁၀၆၅ ဒသမ ၃၂) ပမာဏရှိသည့် ရှယ်ယာစောင်ရေ (၅၆,၅၃၈) ၊ မြန်မာနိုင်ငံသားများဘဏ် (MCB) က ကျပ်သန်း (၄၀၄ ဒသမ ၇၄) ပမာဏရှိသည့် ရှယ်ယာစောင်ရေ (၅၁,၉၄၄) ၊ TMH တယ်လီကွန်းက ကျပ်သန်း (၂၀၆ ဒသမ ၅၅) ပမာဏရှိသည့် ရှယ်ယာစောင်ရေ (၇၇,၁၆၆) အသီးသီး အရောင်းအဝယ် ရှိခဲ့ကြောင်း သိရသည်။

ယင်းအပြင် ထောက်ပံ့ပိုဆောင်ရေးကုမ္ပဏီဖြစ်သည့် ထာဝရနဒီ (EFR) မှ ကျပ်သန်း (၁၀၃ ဒသမ ၃၃) ပမာဏရှိသည့် ရှယ်ယာစောင်ရေ (၃၈၈၃၄) နှင့် အများပိုင်ခရီးသွားကုမ္ပဏီ AMATA မှ ကျပ်သန်း (၁၈၅ ဒသမ ၈၁) ပမာဏရှိသည့် ရှယ်ယာစောင်ရေ (၃၇၅၅၉) အရောင်းအဝယ်ဖြစ်ခဲ့ပြီး ရှယ်ယာအရောင်းအဝယ် အနည်းဆုံး ကုမ္ပဏီများဖြစ်ခဲ့ကြောင်း သိရသည်။

#ymg/sth
#Yangon_Media_Group