#Local_News
Published_21 December 2022

ယခုဘဏ္ဍာနှစ်ရဲ့ ရှစ်လကျော်ကာလအတွင်းမှာ ပြည်ပကို လယ်ယာထွက်ကုန်ပစ္စည်းတင်ပို့မှုကနေ အမေရိကန်ဒေါ်လာ ၂ ဒသမ ၄၇ ဘီလီယံရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ ဖော်ပြထားတဲ့ကုန်သွယ်မှုစာရင်းတွေအရ သိရပါတယ်။

#Yangon_Media_Group

#Local_News
Published_21 December 2022

၂၀၂၃ ခုနှစ်အတွက် ပြည်ပကနေ မော်တော်ယာဉ်တင်သွင်းတဲ့အခါ လူစီးယာဉ်တွေကို အစောဆုံး ၂၀၂၂ ခုနှစ်ထုတ် ယာဉ်တွေသာ ဖြစ်ရမယ်လို့ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက အမိန့်ကြေငြာစာထုတ်ပြန်ထားတာပဲ ဖြစ်ပါတယ်။

#Yangon_Media_Group

#DailyNews
Published _ 21 December 2022

၁။ မော်တော်ယာဉ်တင်သွင်းခွင့်မူဝါဒထွက်ရှိထားသော်လည်း ကားဈေးကွက်အတွင်း အပြောင်းအလဲမရှိဟုဆို

၂။ ပြည်ပသို့ လယ်ယာထွက်ကုန်ပစ္စည်းတင်ပို့မှုမှ အမေရိကန်ဒေါ်လာ ၂ ဒသမ ၄၇ ဘီလီယံရရှိထား

၃။ အလုပ်အကိုင်အခွင့်အလမ်းရရှိမှုများသည့်အတွက် ITPEC စာမေးပွဲဖြေဆိုသူ ရာချီတိုး

၄။ (၁၇)ရာစုခန့်မှ စာမူများအား အီရတ်အမျိုးသားပြတိုက်တွင် ထိန်းသိမ်းမွမ်းမံလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_21 December 2022

YGEA ကယနေ့ထုတ်ပြန်ထားတဲ့ ရည်ညွှန်းဈေးဟာ ယမန်နေ့ထက် ၁ ဒသမ ၃ ရာခိုင်နှုန်းမြင့်တက်နေတာပဲ ဖြစ်ပါတယ်။

#Yangon_Media_Group

#Local_News
Published_21 December 2022

တရုတ်ဘက်မှ ဖြေလျှော့မှုများလုပ်ထားသည့်အတွက် နေ့စဉ်မူဆယ်နယ်စပ်ဂိတ်သို့ ဖရဲကားအစီးရေ ၁၀၀ ဝန်းကျင်ဝင်ရောက်ကြောင်း မူဆယ်နယ်စပ်ကုန်သည်များ၏ ပြောပြချက်အရ သိရသည်။

တရုတ်နိုင်ငံအနေဖြင့် ၂၀၁၉ ခုနှစ် ဒီဇင်ဘာ(၈)ရက်နေ့မှစတင်ကာ တင်ပို့ရမည့်နေရာများကိုကန့်သတ်၍ လောဒေါင်းသတ်မှတ်ထားခဲ့ခြင်းဖြစ်ပြီး ယခု ၂၀၂၂ ခုနှစ် ဒီဇင်ဘာ(၇)ရက်နေ့မှ စတင်ကာ ကိုဗစ် လော့ဒေါင်းကို အပြီးပယ်ဖျက်လိုက်ခြင်းဖြစ်သည်။

ယင်းအပြင် တရုတ်ဘက်မှ အစားထိုးယာဉ်မောင်းစနစ်ကို ဖျက်သိမ်းလိုက်သည်ဟု အသိပေးထုတ်ပြန်ထားသော်လည်း ကျင်စန်းကျော့ဂိတ်တွင် လက်ရှိအချိန်ထိ အစားထိုးယာဉ်မောင်းစနစ်ဖြင့် သွားနေရကြောင်း သိရသည်။

မူဆယ်(၁၀၅) မိုင်သို့ ယခုနှစ် မိုးရာသီဖရဲသီးဈေးကွက်အချိန်တွင် ပျမ်းမျှ ဖရဲသီးကား အစီးရေ နှစ်စီး၊ သုံးစီးခန့်သာ ဝင်ရောက်မှုရှိခဲ့ပြီး လက်ရှိ ဖရဲ၊ သခွါး ကားအစီးရေ(၁၀၀) ပတ်ချာလည် ဝင်ရောက်နေကြောင်းသိရသည်။

ပြီးခဲ့သည့်နှစ်များတွင် တရုတ်ဘက်သို့တစ်ရက်လျှင် ဖရဲကားအစီးရေ ၃၀၀ ခန့်အထိ ဝင်ရောက်ခဲ့ခြင်းဖြစ်သည်။ မြန်မာနိုင်ငံမှထွက်ရှိသည့် သစ်သီးများကို တရုတ်နိုင်ငံသို့တင်ပို့ရာတွင် မူဆယ်(၁၀၅)မိုင် ကုန်သွယ်ရေးစခန်းမှ အဓိကအများဆုံး တင်ပို့နေကြောင်းသိရသည်။ မြန်မာနိုင်ငံမှ တရုတ်နိုင်ငံသို့ သီးနှံ (၂၅)မျိုးကို အဓိကထားတင်ပို့နေခြင်းဖြစ်ကြောင်းသိရသည်။

#ymg/sth
#Yangon_Media_Group

#Local_News
Published_21 December 2022

မြန်မာ-အိန္ဒိယနယ်စပ်ကုန်သွယ်ရေးစခန်းတစ်ခုဖြစ်သည့် တမူးနယ်စပ်ကုန်သွယ်ရေးစခန်းမှ အမေရိကန်ဒေါ်လာ ၁၁ ဒသမ ၆၃ သန်းရရှိထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဖော်ပြထားသည့် စာရင်းများအရ သိရသည်။

တမူးနယ်စပ်ကုန်သွယ်ရေးစခန်းမှ ပို့ကုန်ဝင်ငွေ အမေရိကန်ဒေါ်လာ ၇ သန်းကျော်နှင့် သွင်းကုန်ဝင်ငွေ အမေရိကန်ဒေါ်လာ ၄ ဒသမ ၅၈ သန်း ရရှိထားကြောင်း သိရသည်။ အဆိုပါ ကုန်သွယ်မှုဝင်ငွေသည့် ပြီးခဲ့သည့်နှစ်ကာလတူနှင့် နှိုင်းယှဉ်ပါက အမေရိကန်ဒေါ်လာ ၃၃ သန်းကျော်လျော့ကျနေကြောင်း သိရသည်။

တမူးနယ်စပ်ကုန်သွယ်ရေးစခန်းမှ အိန္ဒိယနိုင်ငံဘက်သို့ ပို့ကုန်အနေဖြင့် ကွမ်းသီး၊ အုန်းသီး၊ တမူးဒေသထွက်ကုန်၊ စီးကရက်များတင်ပို့နေပြီး သွင်းကုန်အနေဖြင့် ဓာတ်မြေဩဇာ၊ ဆံပင်တုများ တင်သွင်းနေခြင်းဖြစ်ကြောင်း သိရသည်။

နယ်စပ်ကုန်သွယ်ရေးစခန်းများမှ ကုန်သွယ်မှုဝင်ငွေ အမေရိကန်ဒေါ်လာ ၅ ဒသမ ၅၅ ဘီလီယံကျော်ရရှိထားပြီး ပြီးခဲ့သည့်နှစ်ထက် ၂၁၈ ဒသမ ၆၅ သန်းပိုမိုရရှိထားကြောင်း ကုန်သွယ်မှုစာရင်းများအရ သိရသည်။

#ymg/sth
#Yangon_Media_Group