၂၉ အောက်တိုဘာ၊၂၀၂၃

မြန်မာ ရွှေ့ပြောင်းလုပ်သား ၂၀ ဦးဟာ  စနေနေ့(အောက်တိုဘာ ၂၈)ရက်က ထိုင်းနိုင်ငံ ဟတ်ယိုင်ခရိုင်မှာ ဖမ်းဆီးခံခဲ့ရပါတယ်။  သူတို့ဟာ အမျိုးသား ၁၆ ဦးနှင့် အမျိုးသမီး ၄ ဦးတို့ဖြစ်ကြပါတယ်။

သူတို့ဟာ နိုင်ငံကူးလက်မှတ်မှာ ထိုင်းနိုင်ငံ သုဝဏ္ဏဘူမိလေဆိပ်ရဲ့ လူဝင်မှု   ကြီးကြပ်ရေး အဝင်တံဆိပ်    တုံးတွေကို အတုထုပြီး တရားမဝင် ရောက်ရှိလာခဲ့လို့ သူတို့ကို ဖမ်းဆီးခဲ့တာ  ဖြစ်တယ်လို့ ဘန်ကောက် ပို့စ်သတင်းမှာရေးသားထားပါတယ်။

စနေနေ့ မွန်းလွဲတစ်နာရီခွဲခန့်မှာ ဟတ်ယိုင်မြို့ ချိုတီဝစ်သရာကူ (၁)လမ်းမှာ သူတို့အုပ်စုလိုက် ထိုင်နေကြတာကို ကင်းလှည့်လာတဲ့ လူဝင်မှုကြီးကြပ်ရေးရဲတွေကတွေ့ရှိပြီး မေးမြန်းစစ်ဆေးခံခဲ့ကြရ တာဖြစ်ပါတယ်။

အရာရှိတွေက သူတို့ရဲ့ နိုင်ငံကူးလက်မှတ်တွေကို စစ်ဆေးကြည့်တဲ့အခါ သုဝဏ္ဏဘူမိလေဆိပ်အဝင်တုံး   အတုတွေထုထားတာတွေ့ရှိခဲ့ကြရတယ်လို့ သတင်းမှာဖော်ပြထားပါတယ်။

ဆက်လက်စစ်ဆေးကြည့်တဲ့အခါ သူတို့ဟာ မလေးရှားမှာ အလုပ်သွားလုပ်ဖို့ အလုပ်ပွဲစားထံ တစ်ဦးလျှင် ဘတ်ငွေ ၁၂၀,၀၀၀ ပေးခဲ့ကြရတယ်လို့သိရပါတယ်။

ပွဲစားတွေက သူတို့ရဲ့နိုင်ငံကူးလက်မှတ်တွေကိုယူုပြီး ထိုင်းနိုင်ငံအဝင်တုံးတွေထုပေးခဲ့တာဖြစ်တယ်လို့ သူတို့ကပြောပါတယ်။

လမ်းပြတစ်ဦးလိုက်ပါပြီး သူတို့ဟာ ကန်ချနာပူရီက သဘာဝအရတည်ရှိနေတဲ့ နယ်စပ်ကိုဖြတ်ကျော်က ထိုင်းနိုင်ငံထဲဝင်ရောက်ခဲ့ကြပြီး သူတို့ဟာ ဘန်ကောက်ကိုဆက်သွားခဲ့ကြကာ အဲဒီက အပန်းဖြေစခန်း တစ်ခုမှာ နေခဲ့ကြပါတယ်။

သောကြာနေ့မွန်းလွဲပိုင်းမှာတော့ သူတို့ဟာ ဆွန်ခလာ၊ဟတ်ယိုင်ကိုသွားဖို့ ဘတ်စ်ကားစီးခဲ့ကြပါတယ်။ အဲဒီမှာ သူတို့ဟာမလေးရှားနယ်စပ်သွားဖို့ စောင့်ဆိုင်းနေတုန်း ဖမ်းဆီးခံခဲ့ကြရတာဖြစ်ပါတယ်။

သူတို့ကို လူဝင်မှုကြီးကြပ်ရေးရုံးကိုခေါ်ဆောင်သွားပြီး တရားမဝင် ဝင်ရောက်မှု၊ အတုပြုလုပ်မှုနှင့် အဝင်တံဆိပ်တုံးအတုအသုံးပြုမှုတွေနှင့် အမှုဖွင့်ထိန်းသိမ်းထားပါတယ်။

Source; bangkokpost

'ပုဂံ_ညောင်ဦးကို ဘုရားဖူးလာသူတွေ အနားယူအပန်းဖြေဖို့နေရာလေးတွေ ထပ်တိုးချဲ့ထားတယ်။ မြစ်ကမ်းဘေးမှာ လုံးချင်းတဲလေးတွလည်းစီစဉ်ပေးထားတယ်'
‌#Local_News
Published_ 29 October 2023
#သီတင်းကျွတ်ပွဲတော် #ပုဂံ_ညောင်ဦး #ပလင်းကမ်းသာယာဆင်စခန်း #YMG/NN #Yangon_Times

#Local_News
Published 29 October 2023

ရန်ကုန်-နေပြည်တော် အမြန်လမ်း ၁၅မိုင် ၇ဖာလုံရှိ ရွှေပြည်အေးဘုရားကြီး သို့ သီတင်းကျွတ် လပြည့်နေ့ တွင် လာရောက်သည့် ဘုရားဖူးများစည်ကားလျက်ရှိကြောင်းတွေ့ရသည်။

အနယ်နယ် အရပ်ရပ်မှ ဘုရားဖူး ဧည့်သည်များက မော်တော်ယာဉ်များ ဆိုင်ကယ်များ ဖြင့် လာရောက် ကြပြီး ဘုရားရင်ပြင်နှင့် ဈေးဆိုင်တန်းများတွင် စည်ကားလျက်ရှိသည်။

အဆိုပါ အောင်သုခရွှေပြည်အေးဓမ္မရိပ်သာအတွင်းတွင်တည်ထားကိုးကွယ်ထားသောရွှေပြည်အေးဘုရားကြီးသည်ဥာဏ်တော်အမြင့်(၁၄၄)ပေရှိကြောင်း သိရသည်။

#Local_News #သီတင်းကျွတ်လပြည့်နေ့ #YMG/LW #Yangon_Times

#Local_News
Published 29 October 2023

နိုင်ငံတကာမိုးလေဝသဌာနများ၏ သင်္ချာပုံစံပြု မော်ဒယ်များ ခန့်မှန်းချက်အရ ၂၀၂၃ ခုနှစ် နိုဝင်ဘာလမှ ၂၀၂၄ ခုနှစ်၊ ဇန်နဝါရီလ အတွင်း အားကောင်းသည့် အယ်လ်နီညိုအခြေအနေသို့ ရောက်ရှိမည် ဖြစ်ကြောင်း မိုးလေဝသနှင့် ဇလဗေဒညွန်ကြားမှု ဦးစီးဌာန၏ ထုတ်ပြန်ကြေညာ ချက်အရ သိရသည်။

အယ်လ်နီညိုဖြစ်စဉ်သည် ပစိဖိတ်သမုဒ္ဒရာတွင် ဖြစ်ပေါ်သည့်ဖြစ်စဉ် ဖြစ်သော်လည်း အဆိုပါ အယ်လ်နီညိုဖြစ်စဉ်ကြောင့် အကျိုးသက်ရောက်မှုတွင် ယေဘုယျအားဖြင့် မိုးရွာသွန်းမှု မူမမှန်ခြင်း၊ နေ့အပူချိန်များ မြင့်မားခြင်း၊ မုန်တိုင်းဖြစ်ပေါ်မှုများ မူမမှန်ခြင်း၊ မိုးခေါင်ရေရှားခြင်းစသည့် အစွန်းရောက် မိုးလေဝသဖြစ်စဉ်များ ဖြစ်ပေါ်နိုင်ကြောင်း သိရသည်။

အဆိုပါ အယ်နီညို ဖြစ်စဉ်သည် ၂၀၂၄ ခုနှစ် ဖေဖေါ်ဝါရီ လ မှ စပြီး လျော့ကျလာနိုင်သည် ဟု ခန့်မှန်းထားကြောင်း သိရသည်။

ထို့ကြောင် ပြည်သူများ အနေဖြင့် မိမိတို့သက်ဆိုင်ရာ ကဏ္ဍများအလိုက် ကြိုတင်ပြင်ဆင်နိုင် ကျရန်နှင့် အယ်လ်နီညိုဖြစ်ပေါ်မှုနှင့် ပတ်သက်သည့် အခြေအနေများအား အချိန်နှင့် တစ်ပြေးညီဆက်လက်ထုတ်ပြန်ပေးသွားမည်ဖြစ်ကြောင်း မိုးလေဝသနှင့် ဇလဗေဒညွန်ကြားမှု ဦးစီးဌာနက အသိပေးထုတ်ပြန်ထားသည်။

#Local_News #အယ်လ်နီညို #နိုဝင်ဘာလ #YMG/LW #Yangon_Times

#Local_News
Published 29 October 2023

လှိုင်သာယာ အရှေ့ပိုင်းမြို့နယ် ရှမ်းချောင်း ကျေးရွာမီးလောင်မှုကြောင့် နေအိမ် ၃၀ကျော်မီးလောင် ဆုံးရှုံးခဲ့ကြောင်း သွားရောက် ကူညီပေးခဲ့သည့် လူမှုရေးအသင်းများ ထံ က သိရသည်။

အောက်တိုဘာ ၂၈ ရက် ည၇နာရီ ၁၅မိနစ် အချိန်ခန့်က ရှမ်းချောင်းကျေးရွာ အောင်ချမ်းသာ ၂လမ်း တွင် မီးလောင် မှု ဖြစ်ပွားခဲ့ကာ မြို့နယ် မီးသတ်တပ်ဖွဲ့မှ level 1အုပ်စု ဖြင့် ထွက်ခွာ မီးငြိမ်းသတ်ပေးခဲ့ကာ ၇နာရီ ၄၀မိနစ်တွင် မီးငြိမ်းခဲ့ကြောင်း သိရသည်။

''အိမ်ခြေ ၃၀ကနေ ၄၀ကြား မီးလောင်ဆုံးရှုံးခဲ့တယ် အိမ်ခြေ အရမ်းစိပ် တာလဲပါတယ် လမ်းကြား ဖြစ်တဲ့ အတွက် မီးသတ်ကား ကလဲ တစ်စီး စီ ပဲ ဝင်နိုင်တယ်၊ အဆောင်လိုင်ခန်းတွေ၊နဲ့ လုံးချင်း အိမ်လေးတွေ များတယ်၊သွပ်မိုးသွပ်ကာ အိမ်လေးတွေ များတယ်၊ ညဘက်အရမ်းမှောင်နေတော့ မီးသတ်သမားတွေ အရှေ့ ကိုသေချာ မြင်နိုင်အောင် ကျွန်တော်တို့ အဖွဲ့အနေနဲ့ အလင်းရောင် စလိုက်မီး ၂လုံးနဲ့ ထိုးပေးထားရတယ်၊ သွပ်ရှပြီး ထိခိုက်တဲ့ လူနာတော့ ရှိတယ် အခြားထိခိုက်ဒဏ်ရာ ကြီးကြီးမားမားရတာ မရှိပါဘူး''ဟု မေတ္တာပါရမီအသင်း(လှိုင်သာယာ)မှ ကိုအောင်ခိုင်က ပြောသည်။

အဆိုပါ မီးလောင်မှု နှင့် ပက်သက် ၍ သက်ဆိုင်ရာမှ စုံစမ်း စစ်ဆေးလျက်ရှိပြီး ဆုံးရှုံးမှုတန်ဖိုးထုတ်ပြန်ခြင်း မရှိသေးကြောင်း သိရသည်။

#Local_News #လှိုင်သာယာရှမ်းချောင်းကျေးရွာ #YMG/LW #Yangon_Times

တညင်းကုန်းလက်ကားဈေးကြီး အတွင်း Dagon Group Of ကုမ္ပဏီ၊Myanmar Agro Exchang Public .Ltd ကုမ္ပဏီနဲ့ဈေးသူဈေးသားတွေ စုပေါင်းတည်ထားတဲ့ ထွဋ်မြတ်ထိပ်ခေါင်နဂါးရုံဘုရားပွဲနဲ့ သီတင်းကျွတ်ဆီမီးပူဇော်ပွဲအခမ်းအနားကို ၆ ရက်တိုင်တိုင် ကျင်းပပြုလုပ်မယ်လို့ တညင်းကုန်းလက်ကားဈေးကြီးလုပ်ငန်းရေးရာဌာနက သိရပါတယ်။

‌#Local_News
Published_ 29 October 2023
#သီတင်းကျွတ်ဆီမီးပူဇော်ပွဲ #တညင်းကုန်းလက်ကားဈေးကြီး
#YMG/LW #Yangon_Times