#Local_News
Published 24 May 2025

▪️ တရုတ်-မြန်မာနှစ်နိုင်ငံ သံတမန်ဆက်ဆံရေးထူထောင်ခြင်း (၇၅) နှစ်ပြည့်အား ဂုဏ်ပြုရန်နှင့် နှစ်နိုင်ငံပညာရေးကဏ္ဍကူးလူးဖလှယ်မှုမြှင့်တင်ရန်အတွက် မြန်မာနိုင်ငံ အခြေခံပညာကျောင်းအုပ်ကြီးများ ကိုယ်စားလှယ်အဖွဲ့ သည် တရုတ်နိုင်ငံ ပေကျင်းမြို့နှင့် ထျန်းကျင်းမြို့သို့ မေလ ၁၉ ရက်နေ့မှ ၂၃ ရက်နေ့အထိ လေ့လာရေးခရီးသွား ရောက်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးက ယနေ့ ထုတ်ပြန်သည်။

▪️ မြန်မာနိုင်ငံ ပညာရေးဝန်ကြီးဌာနနှင့် နေပြည်တော် ပြည်ထောင်စုနယ်မြေ၊ ရန်ကုန် တိုင်းဒေသကြီး၊ မန္တလေးတိုင်းဒေသကြီး၊ ရှမ်းပြည်နယ်၊ ဧရာဝတီတိုင်းဒေသကြီးနှင့် ကရင်ပြည်နယ်များမှ အစိုးရနှင့်ပုဂ္ဂလိကကျောင်းများမှ ကိုယ်စားလှယ်များ ပါဝင်သည့် မြန်မာနိုင်ငံ အခြေခံပညာကျောင်းအုပ်ကြီးများ ကိုယ်စားလှယ်အဖွဲ့ (၁၄) ဦးတို့ ပေကျင်းမြို့နှင့် ထျန်းကျင်းမြို့သို့ လေ့လာရေးသွားရောက်ရန် မြန်မာနိုင်ငံဆိုင်ရာ တရုတ်သံရုံးမှ စီစဉ်ဖိတ်ကြားခဲ့ခြင်းဖြစ်ပြီး ကိုယ်စားလှယ်အဖွဲ့၏ လေ့လာရေးအစီအစဉ်၌ ပေကျင်းမြို့တွင် မဟာတံတိုင်းကြီး၊ တီအန်မင်ရင်ပြင်နှင့် လင်ကွမ်းဘုရားကျောင်းတို့ကို လည်ပတ်ခဲ့ကာ International School များ၊ သက်ဆိုင်ရာယဉ်ကျေးမှုနှင့် ပညာရေးအ ဆောက်အအုံများသို့ သွားရောက်၍ လက်တွေ့လေ့လာမှုများ ပြုလုပ်ခဲ့ကြကြောင်း၊ ထို့နောက် ပေကျင်း-ထျန်းကျင်း အမြန်ရထားလမ်းဖြင့်သွား ရောက်ခဲ့ပြီး ထျန်းကျင်းမြို့တွင် ရှေးဟောင်းယဉ်ကျေးမှုလမ်း၊ ကြွေအိမ်တော် (The porcelain house/China House) တို့ကို လေ့လာခဲ့ကြပြီး ထျန်းကျင်းမြို့ရှိ တရုတ်-ဂျာမန်အသက်မွေးဝမ်း ကျောင်း ပညာတက္ကသိုလ်သို့ သွားရောက်လည်ပတ်ကာ အလုပ်ရုံဆွေးနွေးပွဲများ ပြုလုပ်ခဲ့ကြကြောင်း သိရသည်။

▪️ ဆွေးနွေးပွဲတွင် အမျိုးသားပညာရေး အရည်အသွေးမြှင့်တင်ရေး၊ နိုင်ငံရပ်ခြားတရုတ်ဘာသာစကားသင်ကြားရေး၊ ဖွံ့ဖြိုးဆဲနိုင်ငံများအတွက် အသက်မွေးဝမ်းကျောင်းပညာရေးစသည့် အကြောင်းအရာများကို ဆွေးနွေးခဲ့ကြပြီး သင်ကြားရေးအတွေ့အကြုံများကို မျှဝေခဲ့ကြကြောင်း သိရသည်။

#YMG/SW #Yangon_Times

#Local_News
Published 24 May 2025

▪️ ထိုင်းနိုင်ငံသို့ ရောက်ရှိနေသည့် မြန်မာနိုင်ငံသားများအနေဖြင့် နိုင်ငံကူး လက်မှတ်များအား အတုကိုင်ဆောင်ခြင်း၊ ပြင်ဆင်ဖြည့်စွက်ခြင်းများ ပြုလုပ်ပါက နိုင်ငံကူးလက်မှတ်အား ပယ်ဖျက်သည်အထိ အရေးယူသွားမည်ဖြစ်ကြောင်း ဘန်ကောက်မြို့ရှိ မြန်မာသံရုံးမှ ယမန်နေ့က အသိပေးထုတ်ပြန်ထားသည်။

▪️ ထိုသို့ထုတ်ပြန်ရာတွင် မိမိနိုင်ငံကူးလက်မှတ်ပျောက်ဆုံးပါက ပြည်ထဲရေးဝန်ကြီးဌာန၏ ခွင့်ပြုချက်နှင့်သာ နိုင်ငံကူးလက်မှတ်အသစ်ကို ပြန်လည်ရရှိနိုင်ရန် ဆက်လက်လုပ်ဆောင်ရမည်ဖြစ်ပြီး နိုင်ငံကူးလက်မှတ်အား ပြင်ဆင်ခြင်း၊ပြောင်းလဲခြင်း၊ ချွတ်ယွင်းအောင် ပြုလုပ်စုတ်ဖြဲခြင်း၊ မသက်ဆိုင် သူများမှ တံဆိပ်ခေါင်းကပ်ခြင်း အခြားအမှတ်အသားများ မပြုလုပ်ရန်နှင့် ပြုလုပ်မှုကို စီစစ်တွေ့ရှိရပါက နိုင်ငံကူးလက်မှတ်ဆောင်ရွက်ပေးသူတိုအား ဥပဒေအရ အရေးယူနိုင်ပြီး နိုင်ငံကူးလက်မှတ် ပယ်ဖျက်ခြင်းအား ဆောင်ရွက်သွားမည်ဖြစ်ကြောင်း ဖော်ပြထားသည်။

▪️ ထို့ပြင် နိုင်ငံကူးလက်မှတ်များကို ပြင်ဆင်ထားခြင်း၊ အတုပြုလုပ်ထားခြင်းများအား ထိုင်းနိုင်ငံနှင့် မြန်မာသံရုံးတို့က သက်ဆိုင်ရာဌာနများနှင့် ပူးပေါင်းကာ နည်းပညာမြင့်စက်များဖြင့် စိစစ်လျက်ရှိကြောင်းလည်း အသိပေးထားသည်။

#YMG/SW #Yangon_Times

ပြည်ပအလုပ်အကိုင်အေဂျင်စီတွေအနေနဲ့ အခွန်ဆောင်ပြီးပါကလည်း အခွန် ပြေစာ ငွေသွင်းချလံများနဲ့အတူ အလုပ်သမားဝန်ကြီးဌာန အီးမေးလ်သို့ ပြန်လည် တင်ပြရမယ်လို့ သိရပါတယ်။
#Local_News
Published 24 May 2025
#ပြည်ပအလုပ်အကိုင်အေဂျင်စီ #အခွန်ဆောင်
#YMG/SW #Yangon_Times

ရန်ကုန်တိုင်းဒေသကြီးအတွင်း ရွှေဆိုင်ပေါင်း ငါးထောင်ခန့်ရှိပြီး ‌တစ်ထောင့်ငါးရာခန့်က လိုင်စင်လျှောက်ထားပြီးဖြစ်တယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း(YGEA)မှ သိရပါတယ်။
#Local_News
Published 24 May 2025
#ရွှေဆိုင်ငါးထောင်ခန့်ရှိ #ရွှေလုပ်ငန်းရှင်များအသင်း(YGEA)
#YMG/SW #Yangon_Times

ရန်ကုန်တိုင်းကိုယ်စားပြုမြန်မာ့ သိုင်းလက်ရွေးစင်တွေ ရွေးချယ်ဖို့ ၂၀၂၅ခုနှစ် ရန်ကုန်တိုင်းဒေသကြီး အစိုးရအဖွဲ့ဝန်ကြီးချုပ်ဖလား မြို့နယ်ပေါင်းစုံ မြန်မာ့ရိုးရာသိုင်းပြိုင်ပွဲကို လာမယ့်လအတွင်း ရန်ကုန်မြို့မှာ ပြုလုပ်သွားမယ်လို့ မြန်မာနိုင်ငံသိုင်းအဖွဲ့ချုပ်၊ ရန်ကုန်တိုင်းသိုင်းဆပ်ကော်မတီက သိရပါတယ်။
#Local_News
Published 24 May 2025
#မြန်မာ့သိုင်းလက်ရွေးစင် #ရန်ကုန်တိုင်းသိုင်းဆပ်ကော်မတီ
#YMG/NN #Yangon_Times

မြန်မာနိုင်ငံကနေ ပြည်ပနိုင်ငံတွေကို ရေထွက်ကုန်ပစ္စည်းတွေတင်ပို့ နေရာ  ၂၀၂၅-၂၀၂၆ ဘဏ္ဍာနှစ်စဖြစ်တဲ့ ဧပြီလတစ်လတာအတွင်းပုစွန် မက်ထရစ်တန်လေးရာကျော်အထိ တင်ပို့နိုင်ခဲ့တယ်လို့ ငါးလုပ်ငန်းဦးစီးဌာနက သိရပါတယ်။
#Local_News
Published 24 May 2025
#ပုစွန် #ရေထွက်ကုန်ပစ္စည်း
#YMG/NN #Yangon_Times