၁၃ ဇူလိုင်၊၂၀၂၃

မြန်မာနိုင်ငံ‌တော်ဗဟိုဘဏ်က ပို့ကုန်တင်ပို့သူများအနေဖြင့် ပို့ကုန်တင်ပို့ခြင်းမှရရှိသည့် ပို့ကုန်ရငွေပမာဏ၏ ၆၅ရာခိုင်နှုန်းအစား ၅၀ ရာခိုင်နှုန်းကိုသာ မြန်မာကျပ်ငွေဖြင့် လဲလှယ်ဆောင်ရွက်ရန် ပြင်ဆင်သတ်မှတ်ပေးလိုက်ကြောင်း ဗဟိုဘဏ် ဥက္ကဋ္ဌရဲ့လက်မှတ်နှင့် ထုတ်ပြန်တဲ့ အမိန့်ကြော်ငြာစာအရ သိရပါတယ်။

“ပို့ကုန်တင်ပို့သူများအနေဖြင့် ပို့ကုန်တင်ပို့ခြင်းမှရရှိသည့် ပို့ကုန်ရငွေပမာဏ၏ ၆၅ရာခိုင်နှုန်းအစား ၅၀ ရာခိုင်နှုန်းကိုသာ မြန်မာနိုင်ငံတော်ဗဟိုဘဏ်၏ အမိန့်ကြော်ငြာစာအမှတ်(၁၂/၂၀၂၂) ပါ သတ်မှတ်ညွှန်ကြားချက်များအတိုင်း မြန်မာကျပ်ငွေဖြင့် လဲလှယ်ဆောင်ရွက်ရန်ဖြစ်ကြောင်း ပြင်ဆင်သတ်မှတ်ပါသည်” လို့ ယနေ့ ဇူလိုင် ၁၃ ရက် နေ့စွဲဖြင့် ထုတ်ပြန်တဲ့ ဗဟိုဘဏ်ရဲ့ အမိန့်ကြော်ငြာစာ အမှတ် ၁၅/၂၀၂၃ မှာဖော်ပြထားပါတယ်။

မြန်မာနိုင်ငံတော်ဗဟိုဘဏ်သည် ပို့ကုန်တင်ပို့သူများ ပို့ကုန်တင်ပို့ခြင်းမှရရှိသည့်ပို့ကုန်ရငွေပမာဏ၏ ၆၅ ရာခိုင်နှုန်းကို မြန်မာနိုင်ငံတော်ဗဟိုဘဏ်၏အမိန့်ကြော်ငြာစာအမှတ်(၁၂/၂၀၂၂) ပါ သတ်မှတ်ညွှန်ကြားချက်များအတိုင်း မြန်မာကျပ်ငွေဖြင့် လဲလှယ်ဆောင်ရွက်ရန်ဖြစ်ကြောင်း (၅-၈-၂၀၂၂)ရက်စွဲပါ အမိန့်ကြော်ငြာစာအမှတ် (၃၆/၂၀၂၂)ဖြင့် သတ်မှတ်ထားခြင်းကို  ပြင်ဆင်ပေးလိုက်ခြင်းဖြစ်ပါတယ်။

ဤအမိန့်ကြော်ငြာစာအား လိုက်နာခြင်းမရှိပါက နိုင်ငံခြားသုံးငွေစီမံခန့်ခွဲမှုဥပဒေအရအရေးယူခံရမယ်လို့လည်း အမိန့် မှာဖော်ပြထားပါတယ်။

#yangontimes/knl

#centralbankmyanmar

#exportearning

၁၃ ဇူလိုင်-၂၀၂၃

တရားမဝင်အလုပ်ပွဲစားတစ်ဦးက ပြည်သူ့ဆက်ဆံရေးဝန်ထမ်းအဖြစ် အလုပ်လုပ်ရမည်ဟု လိမ်လည်ပြောဆိုကာ မြန်မာနိုင်ငံတွင် ပြည့်တန်ဆာအဖြစ် အဓမ္မခိုင်းစေခံရသည့် ထိုင်းအမျိုးသမီး(၄)ဦးထဲမှ (၂)ဦးက သူတို့ကို ကူညီကြပါရန် တောင်းပန်နေကြောင်း ဘန်ကောက်ပို့စ်အွန်လိုင်းတွင်ယနေ့ဖော်ပြထားပါတယ်။

တစ်တော့ခ် TikTok မှ တရားမဝင်အလုပ်ပွဲစားတစ်ဦးက သူတို့ကို ပြည်သူ့ဆက်ဆံရေး(PR) ဝန်ထမ်းများအဖြစ် အလုပ်လုပ်ကိုင်ရမည်ဟု လိမ်လည်ခေါ်ယူကာ ပြည့်တန်ဆာအဖြစ် အတင်းအကြပ် ခိုင်းစေခံရသည့်အတွက် ထိုင်းအမျိုး သမီး(၄)ဦးက သူတို့ကို ထိုင်းနိုင်ငံသို့ပြန်လည်ခေါ်ဆောင်ပေးကြပါရန် တောင်းဆိုနေကြတာဖြစ်ပါတယ်။

ဇူလိုင်၁၂ ရက် ဗုဒ္ဓဟူးနေ့က နင်ဂျာတူဒေး ဖေ့စ်ဘုတ်ခ် fan page တွင် ထိုအမျိုးသမီး(၂)ဦးက အိမ်သို့ပြန်ခေါ်ပေးကြဖို့ မေတ္တာရပ်ခံအကူအညီတောင်းသည့် ဗွီဒီယိုတင်ထားပြီးနောက် ယခုဇာတ်လမ်း လူသိလာခဲ့ပါတယ်။

“ကျွန်မတို့ကိုကူညီကြပါ။ ကျွန်မတို့အိမ်ပြန်ချင်ပါတယ်၊ မြန်မာနိုင်ငံမှာ ကျွန်မတို့ကို အလုပ်လုပ်ဖို့ လိမ်လည်ခေါ်တာ ခံခဲ့ရတာပါ” လို့ အမျိုးသမီးတစ်ဦးက မျက်ရည်တွေစီးကျရင်း ပြောပါတယ်။ “ ကျွန်မတို့ ကျွန်မတို့သိတဲ့ ထိုင်းအစိုးရ အေဂျင်စီတိုင်းကို ဆက်သွယ်ခဲ့ပေမယ့် ဘယ်သူမှမကူညီကြပါဘူး။ စောင့်ပေးပါလို့ပဲပြောကြတယ်။ ကျွန်မတို့ကိုကူညီပေး ကြပါရှင်” လို့ သူမကပြောပါတယ်။

ဗွီဒီယိုမှာပါတဲ့ အကြောင်းအရာတွေအရညသူမဟာ ယူဘွန်ရက်ချာသနီကဖြစ်ပြီး သူမနှင့်သူမရဲ့ သူငယ်ချင်း (၃)ဦးတို့ဟာ မယ်ဆိုင်ခရိုင် ချင်းရိုင်ရဲ့တစ်ဘက်က နယ်စပ်မြို့ တာချီလိတ်မှာ အလုပ်ရမယ်ဆိုတဲ့ကတိကြောင့် ဇွန်လမှာရောက် လာခဲ့ကြတာဖြစ်ပြီး သူတို့လေးဦးကို  မိုင်းပေါက် Mong Pauk သို့ ပို့ပြီး ပြည့်တန်ဆာလုပ်ခိုင်းကြောင်းသိရပါတယ်။ မိုင်းပေါက်ဟာ “ဝ” ဒေသမှာရှိပြီး တရုတ်နယ်စပ်နှင့် ၁၀ကီလိုမီတာခန့်သာဝေးကွာပါတယ်။ အဲဒီနေရာဟာ တရုတ်ဧည့်သည်တွေအတွက် ဖျော်ဖြေရေးလုပ်ငန်းတွေနှင့်စည်ကားတဲ့မြို့တစ်မြို့ဖြစ်ပါတယ်။

အမျိုးသမီးလေးဦးအနက် ယူဘွန်ရက်ချာသနီက ကေဆိုပြီး အမည်ပေးထားတဲ့ အသက် ၃၅နှစ်အရွယ် အမျိုးသမီးက သူမကို အလုပ်ခန့်သူက လစာကောင်းကောင်းပေးမယ် ၊စားစရာ နေစရာ အခမဲ့ရတယ်။ ထိုင်းကနေ တာချီလိတ်အထိ ခရီးစရိတ်လည်းပေးမယ်လို့ ကတိပေးခဲ့တယ်လို့ပြောပါတယ်။

သူမက အလုပ်လျှောက်လိုက်တဲ့အခါ ခရီးစရိတ်အတွက်ဆိုပြီး ဘတ်တစ်သောင်းရပါတယ်။ အဲဒီနောက် မယ်ဆိုင်အထိ ရောက်လာခဲ့ပါတယ်။ အဲဒီနောက် “ကေ”ကို အမျိုးသားတစ်ဦးက တာချီလိတ်အထိ နယ်စပ်ကိုဖြတ်ခေါ်လာခဲ့ပါတယ်။ အဲဒီနောက် နောက်မြို့တစ်မြို့အထိ ခြောက်နာရီခရီးဆက်သွားရပါတယ်။ အဲဒီတော့မှ သူတို့ဟာ အလုပ်လိမ်ခေါ်ခံ လိုက်ရပြီလို့ သိတော့တယ်လို့ဆိုပါတယ်။

မိုင်းပေါက်ကိုရောက်ပြီးနောက် သူနှင့်သူ့သူငယ်ချင်းတွေကို ပြည့်တန်ဆာအဖြစ် အလုပ်လုပ်ခိုင်းတယ်လို့သိရပါတယ်။ အဲသလိုမှမလုပ်ရင် သူတို့ ညှင်းပန်းနှိပ်စက်ခံရမှာဖြစ်တယ်လို့ ကေ ကပြောပါတယ်။ ကံကောင်းသေးတာက သူတို့ဟာ မိုဘိုင်းဖုန်းသုံးနိုင်ပြီး အကူအညီတောင်းလို့ရနေသေးတာပဲဖြစ်ပါတယ်။

သူတို့ဟာ ဓာတ်ပုံတွေနှင့် ဗွီဒီယိုတွေကို ဖေ့စ်ဘုတ်ပေ့ချ် CSI LA ကိုပို့ခဲ့ပါတယ်။ အဲဒီကမှ ယူဘွန်ရက်ချာသနီအခြေစိုက် အားနည်းသူတွေကို အကူအညီပေးနေတဲ့ ဘန်ဟိုင်ချမ်နှင့် နောက်ပိုင်းအဆက်အသွယ်ရခဲ့ပါတယ်။ ဘန်ဟိုင်ချမ်ရဲ့ ကိုယ်စားလှယ်တွေဟာ ပြည်နယ်ရဲချုပ် ရဲမှူးကြီး ခန်နိုဂရစ်ဒါရာ၊ဒေသနိုင်ငံရေးသမားတွေ၊ နင်ဂျားတူဒေးပေ့ချ်တို့နှင့် ဆက်သွယ်အကူအညီ တောင်းခံခဲ့ပါတယ်။

သူတို့လေးဦး ပြန်လည်လွတ်မြောက်ဖို့ ဘတ်ငွေ ၁.၂ သန်းပေးဖို့ လိုအပ်တယ်လို့ CSI LAက ပြောပါတယ်။

အဲဒီထိုင်းအမျိုးသမီးလေးဦးကိစ္စကို ရဲမှူးကြီး ခန်နိုဂရစ်ဒါရာက သူ့အကြီးအကဲထံ သတင်းပို့ အမှုဖွင့်ထားပြီးသူတို့ ထိုင်းကို ပြန်ရောက်တဲ့အခါ ယူဘွန်ရက်ချန်သနီမှာ သူတို့ကို ကူညီပေးနိုင်မှာဖြစ်တယ်လို့ ရဲမှူးကြီးကပြောပါတယ်။

Source Bangkok Post

#Mong_Pauk

#Illegal_Job_broker

#Daily_News
Published_ 13 July 2023

၁။ နိုင်ငံခြားငွေလဲလှယ်ခွင့်ရ ကုမ္ပဏီ(၁၀)ခုကို လိုင်စင်ထပ်မံရုပ်သိမ်း

၂။ ဩဂုတ်လအတွင်း စာသင်ကျောင်းများ၌ ကလေးငယ်များကို နိုနှင့်နိုထွက်ပစ္စည်းအာဟာရများ တိုက်ကျွေးမည်

၃။ ပါချုပ်ဆရာတော်ကြီး၏ ပုံစံတူ ဆီလီကွန်ရုပ်တု စတင်ထုလုပ်နေ

၄။ မက္ကဆီကိုမီးတောင်ထိပ်ဝတွင် တည်ရှိနေသည့်ဘောလုံးကွင်း .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

Published-13 July2023

ရန်ကုန်မြို့ရှိ  ကျောက်တံတားမြို့နယ်နှင့်သာတေတမြို့နယ်တို့တွင် ဇူလိုင်လ ၁၃ရက် ယနေ့နံနက်ပိုင်းက အိမ်ခြေမဲ့ အလောင်းနှစ်လောင်းတွေ့ရှိကြောင်းလူမှုကူညီရေးအသင်းများထံကသိရသည်။

ဇူလိုင်လ၁၃ရက်နံနက် ၆နာရီဝန်းကျင်ခန့်က ရန်ကုန်မြို့လယ်ကျောက်တံတားမြို့နယ် လမ်း၄၀ အနော်ရထားလမ်းထိပ်တွင် အိမ်ခြေမဲ့အမျိုးသား၁ဦးလဲကျသေဆုံးလျက်တွေ့ရှိခဲ့၍ လင်းလက်လူမှုကူညီရေးအသင်းက ရန်ကုန်ဆေးရုံကြီးသို့ပို့ဆောင်ပေးခဲ့ကြောင်းသိရသည်။

ထို့အတူ ယနေ့နံနက် ၁၀ နာရီဝန်းကျင်အချိန်ကသာကေတမြို့နယ်၊ ဧရာဝဏ်လမ်းမကြီး၊ မြေနီမှတ်တိုင်အနီး  အိမ်ခြေမဲ့ အလောင်းတစ်လောင်း တွေ့ရှိကြောင်း အကြင်နာကုသိုလ်လူမှုကူညီရေးအသင်းကသိရသည်။

" ဒီနားတဝိုက် မှာ အမြဲတွေ့နေကျပဲ၊ ဟိုသွားလိုက် ဒီသွားလိုက်နဲ့ အကောင်းကြီးပါ။ ဒီမနက် ရေအိုးစဉ်မှာရေသောက်ရင်းလဲကျသွားတာကနေ အသက်ပါသွားတာပါ"ဟုအဆိုပါလူမှုကူညီရေးအသင်းကသိရသည်။

သေဆုံးသူ၂ဦးလုံးမှာအိမ်ခြေမဲ့ဖြစ်သောကြောင့် ပိုင်ရှင်မဲ့အလောင်းများကိုမြို့နယ်လူမှုကူညီရေးအသင်းများမှ ရန်ကုန်ဆေးရုံကြီးသို့ ကူညီပို့ဆောင်ပေးခဲ့ကြောင်းလည်း သိရသည်။
Yangon_Times/BM
#Local_News
#YMG #Yangon_Times

ဒီဂျစ်တယ်ငွေပေးချေမှု သိသိသာသာမြင့်တက်လာသည့်အတွက် ဆိုက်ဘာ လုံခြုံရေးဆိုင်ရာ အသိပညာပေးမှု လိုအပ်လာ

ပထမဆုရရှိတဲ့ ဗီဒီယိုဖိုင်ကို ဘရူနိုင်းနိုင်ငံမှာ ကျင်းပမယ့် ASEAN-JAPAN Cyber Security Awareness Video Competition-2023 ပြိုင်ပွဲမှာ နိုင်ငံကိုယ်စားပြုပေးပို့မည်
Yangon_Times/my
#Local_News
#Published_ 13 July 2023
#YMG #Yangon_Times

Published_ 13 July 2023

ချင်းတွင်းမြစ်ရေတက်နေသောကြောင့် စစ်ကိုင်းတိုင်း၊ ခန္တီးမြို့နယ်နှင့် ဟုမ္မလင်းမြို့နယ်တွင် မြစ်ရေကြီးနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သတိပေးချက်ထုတ်ပြန်လိုက်သည်။

အဆိုပါမြစ်ရေသည် ဇူလိုင်၁၃ရက်မနက်ပိုင်းတွင် ခန္တီးမြို့၏ စိုးရိမ်ရေအမှတ်အောက် (၄)ပေခန့်တွင် ရောက်ရှိနေပြီး နောက်နှစ်ရက်အတွင်း ယင်းမြို့၏စိုးရိမ်ရေအမှတ်သို့ ရောက်ရှိနိုင်သည်ဟုဆိုသည်။

ဇူလိုင်၁၃ရက်မနက်ပိုင်းတွင်ဟုမ္မလင်းမြို့၏စိုးရိမ်ရေအမှတ်အောက်(၃)ပေခန့်တွင်ရောက်ရှိနေပြီး နောက်နှစ်ရက်အတွင်းယင်းမြို့၏စိုးရိမ်ရေအမှတ်သို့ရောက်ရှိနိုင်သည်ဟုဆိုသည်။

ချင်းတွင်းမြစ်ရေသည် ခန္တီးမြို့နယ်နှင့်ဟုမ္မလင်းမြို့နယ်တွင်နောက်နှစ်ရက်အတွင်း စိုးရိမ်ရေမှတ်ရောက်ဖြစ်၍ မြစ်ကမ်းအနီးနှင့်မြေနိမ့်ပိုင်းနေထိုင်သူများအနေဖြင့်အထူးသတိပြုနေထိုင်ကြရန်အကြံပြု သတိပေးထားကြောင်း သိရသည်။
Yangon_Times/tthl
#Local_News
#YMG #Yangon_Times